সিয়াৱর রামচন্দ্রনা জয় ওইরে!
জয় সিয়ারাম।
জয় সিয়ারাম।
ঙসিগী মায় পাকপগী খোল্লাও অসি শুপ্নতগী সিয়ারামগী মফম অসিদখক্তা নত্তনা মালেম শিন-থুংনা তানরি। ইরৈচাশিং পুম্নমক অমসুং মালেম অসিগী মফম কয়াদা লৈরিবা ভারতকী ভক্ত কোতি-কোতিশিং মফমদা, রামগী ভক্তশিংগী মফমদা ঙসিগী শেংলবা তাঞ্জা অসিগীদমক কোতি-কোতি কয়ারক হন্না নুংঙাইবা ফোংদোকচরি। ফম্পাক অসিদা লেংশিনবীরিবা য়ু.পি.গী রাজ্যপাল শ্রী আনন্দীবেন পতেল অমসুং য়ু.পি.গী মুখ্য মন্ত্রী য়োগী অদিত্যনাথজী, পুনেমজনীংঙাই ওইরবা জগোয়গী গোপালদাসজী মহারাজ অমসুং ঐখোয় খুদিংমক্না খ্বাইদগী ইকাই খুম্ননীংঙাই ওইরবা শ্রী মোহন ভাগৱতজী, শ্রী রাম জন্মভুমী ক্ষেত্র ত্রস্তনা ঐহাকপু বার্তন তৌবীরকখিবা, মসিগী পুৱারীগী ওইরগদবা মিৎকুপ অসিগী শাখি ওইনবগী খুদোংচাবা পীবীরকপা অসি ঐহাক্কী ওইনা লাইবক ফবা অমনি। মসিগীদমক্তা ঐহাক্না থম্মোয়নুংদগী শ্রী রাম জন্মভুমী তীর্থ ক্ষেত্র ত্রস্তপু থাগৎপা ফোংদোকচরি।
রাম কাজু কীন্দে বিনু মোহি কহাঁ বিশ্রাম।
ভারত অসি ঙসি ভগৱান ভাস্করগী লমজিংখাদা সরয়ুগী তোর্বন্দা সনাগী তাঙ্কক অমা শেম্লরি। কন্যাকুমারীগী ক্ষীরভৱানীফাওবা, কোতেশ্বরদগী কামাখ্যাফাওবা, জগন্নাথতগী কেদারনাথফাওবা, সোমনাথতগী কাশী বিশ্বনাথফাওবা সম্মেদকী চিংদোলদগী ক্ষবনবেলগোলাফাওবা, বোধগায়াদগী সার্নাথফাওবা, অমৃতসরদগী পতনাসাহিবফাওবা, অন্দমান্দগী অজমেরফাওবা, লক্ষদ্বীপতগী লেহফাওবা ঙসি ভারত অপুম্বা রামময় ওইরে। লৈবাক পুম্বা লাংতক্নরে, থম্মোয় খুদিংদা মৈঙালগী মশক ওইহল্লে। ঙসি ভারতপুম্বগী পুক্নীং নুংশিহনবসু ফাওহল্লি। চহি কয়াদগী ৱানা ঙাইজরকপা অদু ঙসি লোইরগনি। মীওই কোতি কয়ানা মপুন্সিদা অমুক উগনি হায়না থাজরুদ্রবা অশেংবা নুমিৎ অমা ঙসি উবা ফংলরে।
মরূপশিং,
চহি কয়া ফীশিং অমসুং তেন্তকী মখাদা লৈরম্বা ঐখোয়গী রামলালগীদমক্তা অঙকপা মওংগী লাইশঙ অমা শারগনি। অমক তেকপা অদুগা অমুক হৌগৎলকপা অসি চহি কয়াদগী তৌদুনা লাক্লিবা মীরোল মথং-মথং অসিদগী রামজন্মভুমী অসি ঙসি নান্থোরকপা ঙম্লগনি। ঐহাক্কা লোয়ননা অমুক্কা হায়বিয়ু, জয় সিয়ারাম, জয় সিয়ারাম!!!
মরূপশিং,
ঐখোয়গী নীংতম লান্দা মীরোল কয়া-কয়ানা মখোয়গী লৈজবা পুম্বা কত্থোকখি। মীনাই নাইথাংগী মতমদা নীংতম্বগী ইহৌ হৌখিদবা মতম অমত্তা য়াওখিদে, লৈবাক অসিগী শরুকশিংদা নীংতম্বগীদমক্তা কত্থোকখিদবা কনাসু য়াওখিদে। অগস্ত ১৫ অসি মশিং নাইদনা অখাং কোন্দুনা থম্বগী,মীওই লাক্ষ কয়ানা কত্থোকখিবগী খুদম্নি। নীংতম্বগী লেংদ্রবা অনীংবাঅদুগী খুদম্নি। মদুগী মওং অদুগুম্না গামগী লাইশঙ অসিগীদমক্তা চহি কয়া-কয়াফাওবা, মীরোল কয়া-কয়ানা লেপ্পা লৈতনা কন্না হোৎরকখি। ঙসিগী নুমিৎ অসি মদুগী খোংফম হন্দবা, কত্থোকখিবা অমসুং ৱাশক চেৎখিবা অদুগী খুদম্নি।
রামগী লাইশঙ অসিগীদমক্তা চংশিনখিবা খোংজং কয়া অদুদা কত্থোকপসু অমসুং ঙমজবমখৈ য়াওখি। মখোয়গী থাদোকছৃচখিবা, কত্থোকচখিবা অমসুং লান্থেংনখিবা অদুনা ঙসিগী মংলান অসি মপুং ফাহনগদৌরিবনি,মখোয়গী কত্থোকচখিবা অদুনা রামগী লাইশঙ অসিগী মখোংগুম্না মজিন্নরি, ঐহাক্না মখোয়শিং অদুগী মফমদা খুরুমজরি, শক শোঞ্জরি। লেংলি-পাল্লিবা তাইবং পুম্বগী মপাঙ্গলনা রাম জন্মফুমীগী শেংলবা ইহৌ অদুদা য়াওখিবা মীওইশিং, মফম অসিদা লৈবীরিবা মীওইশিং, থৌরম অসিবু য়েংবীরিবা মীওইশিং, পুক্নীং থুমহৎলবা মীওইশিং পুম্নমকপু য়াইফ পাউজেল পীরি। মরূপশিং,
রামনা ঐখোয়গী থম্মোয়নুংদা লেংশিন্দুনা লৈরি, ঐখোয়গী ইথানুংদা পুনশিন্নখ্রে। থবক অমা পাংথোক্কদবা লৈবদা ঐখোয়না শ্রী রামগী মায়কৈ য়েংই। ভগৱান রামগী মপাল নাইদ্রবা শক্তি অসি য়েংবিয়ু। ফুরাশিং মাংহন-তাকহনখি, মশক-মমিং মাংহন্নবা কয়ারক হন্নসু হোৎনখি, অদুবু রাম অসি ঙসিসু ঐখোয়গী থম্মোয়নুংদা লৈরি, ঐখোয়গী সংস্কৃতিগী য়ুম্ফম ওইরি। শ্রী রাম ভারত অসিগী মর্য়াদানি, শ্রী রাম মর্য়াদা পুরুশোত্তম্নি।
মঙাল অসিদা অয়োধ্যাদা রাম জন্মভুমীদা শ্রী রামগী অঙকপনা থল্লবা লাইশঙ অসিগী ভুমীপুজন তৌখি। মফমসিদা লাক্ত্রিঙৈগী মমাংদা ঐহাক্না হনুমান নগরীবু খুরুমজখি। রামগী থবক পুম্নমক হনুমান্না তৌখি। রামগী ফিদমশিংগী কলিয়ুগতা ঙাকপী-শেনবিনবগী থৌদাংসু হনুমানজীগী অদুম্মক ওইখি। হনুমানজীগী থৌজালদগী শ্রী রামগী লাইশঙগী ভুমীপুজা অসি হৌদোকখি।
মরূপশিং,
শ্রীরামগী লাইশঙ অসি ইনাৎকী অনৌবা খুদম ওইরগনি, ঐখোয়গী নুংগী ওইবা থাজবা অদুগী খুদম ওইরগনি, ঐখোয়গী ইরৈবাক্কী ৱাখল্লোনশিংগী খুদম ওইরগনি, অমসুং মীওই কোতি-কোতি কয়াগী অপুনবা ৱাশক্কী শক্তিগী খুদমসু ওইরগনি। লাইশঙ অসি লাক্কদৌরিবা চারোন-শুরোনশিংগী থাজবা, নীংজবা অমসুং ৱাশক্তা ইথিল পীদুনা লৈগনি। লাইশঙ অসি শারবা মতুংদা লাইশঙ অসি শারবা মতুংদা অয়োধ্যা অসিগী অঙকপা মওং অসি হেনগৎহনবদা নত্তনা মফম অসি শেন্মিৎলোনগী ফীভমপুম্বা হোংহল্লক্লগনি। খন্দনা য়েংবিয়ু, মালেম পুম্বগী মীওইশিং মফম অসিদা লাক্লগনি, মালেম পুম্বনা রাম অমসুং ইমা জানকীবু খুরুম্নবা লাক্লগনি। মফম অসি কয়াগী মতিক অহোংবা লৈরগনি।
মরূপশিং,
রামগী লাইশঙ অসি শাবগী থবকশিং অসিদা লৈবাক অসি শমজিন্নহন্নবগী মওংনি। মসি অচৌবা কুহ্মৈ অমনি-থাজবা অসি লৈরিবশিং অসিগা শমজিন্ননবা। নরবু নরায়নগা শমজিন্ননবা। লোক অসি থাজবগা শমজিন্নহন্নবা। হৌজিক অসি হৌখিবগা শমজিন্নহন্নবা। অমসুং ইশা অসি ইশাগী ওইবা লিচৎ-শাজৎকা শমজিন্ননবা। ঙসিগী পুৱারীগী ওইরবা মিৎকুপ অসি য়ুগ-য়ুগ খুদিংফাওবা, মথং-মথংগী মরোলফাওবা ভারতকী মঙালগী বোম্বলা অসি থাদুনা লৈরগনি। ঙসিগী নুমিৎ অসি রাম্বু নীংজবা মীওই কোতি-কোতি কয়াদী অতুম্বা ৱাশক অদুগী খুদম্নি।
ঙসিগী নুমিৎ অসি অচুম্বা, অহিংসা, থাজবা অমসুং কত্থোকপগী ৱায়েলবু খোইদাজবা ভারতকী অথোইবা খুদোংলনি। কোরোনানা ওইহল্লিবা ফীভম অসিনা ভুমীপুজনগী থৌরম অসি চৎন-কাংলোনশিং অদুগী মরক্তা পাংথোক্লি। । শ্রীরামগী থবক্তা চৎন-কাংলোন ঙাক্না চৎপগী খুদম অসি উৎকদবা অদু লৈবাক অসিনা উৎলে। মসিগী চৎন-কাংলোনশিং অসি ঐখোয় খুদিংমক্না মমাংগী চহিদা সুপ্রীম কোর্ত্না লৈবাক মীয়ামগী অপাম্ববু য়েংদুনা ৱায়েল পীখিবা মতমদগী খঙখি। মতম অদুদগী ঐখোয়না লৈবাক অসিনা ইংনা-চিক্না, মীয়ামগী ৱাখল্লোন খঙনা পাংথোকখি। ঙসিসু ঐখোয়না মায়কৈ খুদিংমক্তা চৎন-কাংলোনশিং অদু ঙাক্না চৎপা উরি।
মরূপশিং,
লাইশঙ অসিনা অনৌবা পুৱারী অমা শেম্বদা নত্তনা পুৱারী অদু অমুক হন্নসু হঞ্জিলহল্লক্লি। খৈরোইদগী য়োংফাওবা অমসুং ক্বেত্তগী হৌরগা বন্দা চৎখিবা মরূপশিংনা ভগৱান রাম্না মায় পাক্লকখিবগী মরম ওইখিবগী খুদোংচাবা অদু ফংখিবা, অপীকপ গ্বালাশিংনা ভগৱান কৃষ্ণগী গোবর্ধন চিংদোল থাঙ্গৎপদা অচৌবা থৌদাং লৌখিবা, মতৌ অসিগুম্না ছত্রপতি বীর শিবাজীগী মরৈবাক শেমখিবা, লায়রবা, শোত্থরবা, পুম্বনা শরুক য়ামিন্নবদুনা মীরৈবাক্কী লালহৌবশিংগা লান্থেংনখিবদা মহারাজ সুহুলদেবগী মপাঙ্গল ওইখিবা, দলিৎ, ত্রাইবেলশিং অমদি খুন্নাইসিগী মীওই কাংলুপ খুদিংনা গান্ধীগী নীংতম লাবলহৌদা মতেং পাংখিবা অদুগুম্না লৈবাক অসিগী মীওই খুদিংগী মতেংনা রামগী লাইশঙ অসি শাবদা পুন্যগী থবক তৌবা হৌখ্রবনি।
নুঙশিংদা শ্রীরাম ইদুনা রামগী থোং শাখিবা অদুগুম্না য়ু-য়ুম খুদিংদগী, খুঙ্গং-খুঙ্গং খুদিংদগী লাৎনীংঙাই ওইরবশিং অদুনা মফমসিগী পাহ্গলগী হৌরকফম ওইরে। লৈবাক অসিগী লাইফমশিং অমসুং লাইশঙশিংদগী পুরকপা লৈবাকশিং অমসুং তুরেলগী ঈশিংনা মফমদুগী মীশিং, মফমদুগী নাৎশিং অমসুং মফমদুগী ৱাখল্লোনশিং অদু ঙসি মফমসিগী শক্তি ওইররে। তশেংনমক মসি
ন ভুতো ন ভৱিশ্যতি হে।
ভারতকী থাজবা, ভারতকী মীয়াগী অপুনবগী লেংদ্রবা শক্তি অসি মালেম পুম্বগী ওইনা নৈননীংঙাইগী হিরম অমনি, থিজিন্নীংঙাইগী হিরম্নি।
মরূপশিং,
শ্রীরামচন্দ্রনা নুমিৎকী মতৌগুম য়াংবা, পৃথিবীগী মতৌগুম্না ঙাকপীবা ঙম্বা, মহাক্কা ৱাখলগী মঙাল অদু বৃহসপতিগুম্না মান্নবা অমসুং মহাক অসি মঙাল লৈবদা ইন্দ্রাগা চাংদম্নৈ।
ভগৱান রামগী মতোন লোম্লবা শ্রীরামগী লমচৎ-শাজত্তা খ্বাইদগী য়াম্না উংলিবা ময়াইগী বিন্দু অসি অচুম্বদা লেংদনা লৈ। মরম অসিনা শ্রীরাম অসি মপুং ওইবনি। মরম অসিনা চহি লিশিং কয়াদগী ভারতকীদমক্তা মঙাল পীরিবা য়ুম্বী ওইদুনা লাক্লি। শ্রীরামনা খুন্নাই অসিদা ৱাখল্লোন তিন্নবা অসি মহাক্কী লৈঙাক্কী য়ুম্ফম ওইহনখি। মহাক্না গুরু বশিস্থদগী ৱাখল-লৌশিং, কেৱত্তগী মীনুংশি, শবরীদগী মমাগী মীনুংশি, হনুমানজী অমসুং বন্দা লৈরিবা মরূপশিংদগী মতেং অমসুং প্রজাদগী থাজবা ফংখি।
তশেংনমক মহাক্না খৈরোইগী অথোইবা মওং-মতৌশিংফাওবা অখন্নবা ওইনা লৌখি। মহাক্কী অথোইবা মী ওইবগী মতৌ, অথৌবগী মওং, পুকচেল চাওবা, অপুনবগী মওং, খাংবা কনবা, ৱাখল থৌবা অমসুং ফিলোসোফীকেল ওইবা মিৎয়েং অসিনা মহাক অসি য়ুগ-য়ুগ খুদিংফাওবা ইনোৎ পীদনা লৈরগনি। রাম্না প্রজাবু চপ মান্ননা নুংশিখি অমদুবু লায়রবশিং অমসুং তোল্ল-তাল্লরবশিংদা অথোইবা থৌজাল পীনবিখি। মরম অসিনা ইমা সিতানা রামজীগীদম্কা হায়বীরম্মি –
‘দীন দয়াল বীরিদু সম্ভারী ’।
হায়বদি তোল্ল-তারবশিংবু, ৱারবশিংবু অৱাবশিংবু তেংবাংবা রাম হায়বনি।
মরূপশিং,
রামগী ইথীল য়াওদবা ঐখোয়গী পুন্সিগী তাঙ্কক অমত্তা য়াওদে। প্রভু রাম উবা ফংদবা ঐখোয়গী ৱাখল্লোন অমত্তা লৈতে। ভারতকী থাজবদা রাম লৈ, ভারতকী ফীদমদা রাম লৈ! ভারতকী লাইগী ওইবশিংদা রাম লৈ, ভারতকী ফিলোসোফীদা রাম লৈ।! চহি লিশিং কয়াদগী মমাংদা বালমিকীগী রমায়ন্দা রাম্না অরিবা ভারতকী লম্বিদা অদু পুথোক্তুনা উৎপিরমখিবা, ময়ায় থংবা য়ুগতা তুলসী, কবীর অমসুং নানক্তগী ভারতকী থৌনা হাপ্পিরম্বা রাম অদুনা নীংতম লানগী মতমদা বাপুগী ভজন্দা অহিংসা অমসুং সত্যগ্রহগী পাঙ্গল ওইনা য়াওখি। তুলসীগী রামদা (সগুন)গী মওং লৈবা ওইখি অদুগা নানক অমসুং কবীরগী মশক-মওং লৈতবা (নির্গুন) ওইখি।
ভগৱান বুদ্ধ অসি ভদগৱান রামগা মরি লৈনৈ। মতম চপ মান্নবা চহি চা কয়াদগী অয়োধ্যা অসি জৈন লাইনীংগী মফম ওইখি। রাম অসি মফম খুদিংমক্তা লৈবা অসিনা ভারত অসি তোঙানজরবসু অপুনবগী শক্তম্নি হায়না উৎলি। .
তমিলদা কম্ভ রমায়ন অদুদা তেলুগুদনা রঘুনাথ অমসুং রঙ্গনাথ রামায়ন লৈ।
ওরিয়াদা রুইপদ-কতরপরি রমায়ন লৈরি, অদুবা কনারাদনা কুমুদেন্দু রমায়ন লৈরি। কাশ্মিরদসু রামঅবতারচরিৎ থেংনগনি অমসুং মলায়লমদনা রামচরিতম থেংনগনি।
বঙ্গলাদনা কৃতিবাস রমায়না লৈরি অদুগা গুরু গোবিন্দ সিংহ মশামক্না গোবিন্দ রমায়না ইবীরম্মি।
অদোম্না রমায়নাবু তোঙান-তোঙানবা রমায়নগী মখল কয়াদা থেংনগনি, অদুবু রামদি মফম খুদিংদা লৈ অমসুং মীপুম খুদিংমক্কী ওইরি। মসিগী মরম অসিননি ভারতকী' মান্নদবা কয়াগী অপুনবা' অমা শাগৎনবগীদমক রাম্না শমজিন্নফম ওইরিবসি।
মরুপশিং, মালেমগী লৈবাক কয়ানা ভগবান রামবু ইকাই খুম্নবা উৎনরিবনি, মখোয়গী লৈবাক্কী মীয়াম্না মখোয় মশামকশিংবু রামগা মরী লৈননা লৌজরিবনি।
ইন্দোনেসিয়া হায়বা লৈবাক অসি মালেমদা মুস্লিম য়াম্না খুন্দাবা লৈবাক অমা ওইরিবনি। মখোয়দা ঐখোয়গী লৈবাক অসিদা লৈরিবসিগুম্না রমায়নগী তোঙান-তোঙানবা তোপ-তোপ্পা মখলশিং লৈজৈ, খুদম ওইনা পল্লবদা, 'ককাৱিন রমায়না', 'স্বর্নদীপ রমায়ন', য়োগেস্বর রমায়না'নি। মফম অদুদা হৌজিক ফাওবদা ভগবান রামবু ইকাই খুম্নবগা লোইননা লাৎনরি।
কেম্বোদিয়াদা 'রামকর রমায়না' লৈ, লাওদা 'ফ্রা লাক ফ্রা লম রমায়না' লৈ, মলেসিয়াদা 'হিকায়ৎ সেরি রাম' অমসুং থাইলেন্দনা 'রামাকেন' লৈরি।
ইরান অমসুং চাইনাদফাওবা অদোম্না ভগবান রামগী ৱারী থেংনগনি।
শ্রী লঙ্কাদা রমায়নগী ৱারী অসি 'জানকি হরানা' হায়বদি জানাকি ফাবা হায়না তাকপীরি অমসুং শক্ন-শোন্নরি। নেপালসু মাতা জানকিগী খুথাংদা ভগবান রামগা নক্না মরী লৈনৈ।
মালেমগী মফম কয়াদা লৈবা লৈবাকশিংদা য়েলহৌঙৈদা লৈরম্বা ৱারী নত্ত্রগা থাজবনা হৌজিক ফাওবদা ভগবান রামবু ইকাই খুম্নবা উৎনরি।
ঙসিমকসু ভারতকী ৱাংমদা লৈবা লৈবাকশিংদা রামগী ৱারী অসি মখোগী চৎনবীদা নপতুনা লৈবা কয়া অমা লৈরি।
হায়রিবা লৈবাকশিং অসিগী মীয়াম্না ভগবান রামগী লাইশঙ শাগৎলে তাবদা হরাউজগনি হায়না থাজৈ।
পুম্নমকসিগী মতুংদা, ভগবান রাম অসি মীপুম খুদিংমক্কী থমোইদা লৈরি।
মরুপশিং, অয়োধ্যাদা শাগৎলিবা চাউরবা লাইশঙ অসিনা ভারতকী ভগবান রামগুম্না ইনাক খুল্লবা নাৎ অসিগী মশক তাক্লগনি হায়না ঐহাক্না থাজৈ।
ঐহাক্না থাজৈ মদুদি মফম অসিদা শাগৎলিবা রামগী লাইশঙ অসিনা মীওইবা সমাজবু লাক্কদবা চহীশিংদা ইথিল পীদুনা লৈহৌরগনি। মরম অসিনা, ঐখোয়না ভগবান রামনা পীবীরম্বা পাউজেলশিং, রামগী লাইশঙ অমসুং ঐখোয়গী চহী লিশিং কয়াদগী লৈরক্লবা চৎনবী অসি লাক্কদবা চহীশিংদা মালেম পুম্বদা য়ৌহনবসি ঐখোয়গী থৌদাংনি।
ঐখোয়গী ৱাখল, ঐখোয়গী পুন্সি মহিং অসি মালেমদা খঙহনবা হায়বসি হৌজিক লৈরিবা মীরোল অসিগী থৌদাংনি।
মসিবু ৱাখলদা থম্লদুনা, 'রাম সর্কিৎ'সু রামগী অশেংবা লম্বীবু তুং ইঞ্জরদুনা লৈবাক অসিদা শাগৎলি।
অয়োধ্যা হায়বসি ভগবান রামগী শহরনি। ভগবান রাম মশক্না অয়োধ্যাগী মিংচৎ শন্দোক্লম্লবনি।
“জন্মভুমীমমপুরীসুহাৱনি।।“ হায়বদি, "ঐগী পোক্নফম লমদম অয়োধ্যা অসি মহৌশাগী ৱাংমদা ফজবা শহর অমনি।"
ভগবান রামগী পোক্নফম লমদম অসিগী মিংচৎ অমসুং অশেংবা মগুন হেনগৎনবগীদমক পুৱারীদা লৈহৌরগদবা থবক কয়া লৌখৎলিবসি উবদা ঐহাক্না পেঞ্জৈ।
মরুপশিং, অশেংবা লাইরিকশিংদা “নরামসদৃশ্যোরাজা, প্রতিভ্যামনীতিৱান অদভুত ।“ হায়না ইদুনা থম্লম্লবনি। মসিনা হায়রি, "মালেমদা ভগবান রামগুম্না মথমোই শেংবা লৈঙাকপা অমত্তা লৈখিদ্রি।
ভগবান রাম্না তাকপীরম্মি – "কনাগুম্বা অমত্তা ৱানা অমসুং লাইরনা লৈরোইদবনি।"
ভগবান রাম্না মীয়ামগী পাউজেল অমা পীবীরম্মি মদুদি নুপা নুপী, মীপুম খুদিংমক চপ মান্ননা নুংঙাইনা
লৈগদবনি।
ভগৱান রামনা পাউজেল পীরম্মি “লৌউবশিং, শন শেনবশিং মতম পুম্বদা হরাও নুংঙাইনা লৈগদবনি”।
ভগৱান রামনা য়াথং পীরম্মি “অহল ওইরবশিং, অঙাংশিং অমসুং দোক্তরশিংবু মতম পুম্বদা ঙাকশেনগদবনি।”
ভগৱান রামনা হায় কনাগুম্বা চংজফম লৌরিববু ঙাকশেনবা অসি ঐখোয় পুম্নমক্কী থৌদাংনি।
ভগৱান রামগী খোলাউ অসি “ঐখোয়গী ইমা লৈবাকনা স্বর্গদগীসু হেল্লি।”
অমসুং ইচিল-ইনাওশিং, ভগৱান রামগী ৱাখল্লোনদি ভ্য়বিনু হোই নপ্রিতি হায়বদি “অকিবা লৈত্রবদি নুংশিবসু লৈরোই”।
মরম অসিনা, ভারতনা থৌনা লৈবা লেপ্পা লৈতনা হেনগৎলবা খক্তদা শন্তি লৈনা অমদি নুংঙাইনালৈগনি।
ভগৱান রামগী মসিগী পোলিসী অমদি খোঙথাং অসিনা ভারতবু চহি কয়া লমজিংদুনা লাক্লি।
জাতি অসিগী মপা মহাত্মা গান্ধীনা রাম রাজ্যগী ৱাখল্লোন অসি মসিগী ফোর্মুলা অমসুং ৱাখল্লোনশিংদা য়াওহল্লি। গান্ধীজিগী ‘রাম রাজ্য’গী ৱাকল্লোন অসি ভগৱান রামগী পুন্সি অমসুং থবকনা ইথিল পীরি।
মরূপশিং, ভগৱান রামনা মশাদা হায়জরম্মি –
দেশকাল অৱসর অনুহারী। বোলে বচন বিনিত বিচারী
মদুদি “রামনা হায়রি, খল্লি অমসুং তৌরিবা অসি মতম, মফম অমসুং ফীভমশিংগী মতুং ইন্ননি”।
ভগৱান রামনা ঐখোয়বু করম্না মতমগী মতুং ইন্না চৎকনি তাক্লম্মি।
ভগৱান রাম অসি অহোংবা অমসুং মতমগী অওনবা পুরকপগী লমজিংবনি।
ঙসি ভারত অসি মসিগী ভগৱান রাম্না মপাউশিং অসিনা ভারত অসি লেপ্পা লৈতনা মাংলোমদা চংশিল্লি।
মরুপশিং ভগৱান রাম্না ঐখোয়গী থৌদাংশিং করম্না পাংথোক্কনি হায়বা তাক্লম্মি।
মহাক্না খুদোংথীবশিং করম্না মায়োক্নগনি হায়বসি ঐখোয়দা তাক্লম্মি অমসুং মতৌ করম্না লৌশিং তানগনি হায়বসু তাক্লম্মি।
রাম মন্দির অসি নুংশিবা, ইকাইখুম্নবা অমসুং ইচিল ইনাও ওইবগী মরীগী চেক্না শাগদবনি।
ঐখোয়না ভগৱান রামদা থাজবা থম্লিবা মখৈ মীনুংশি থৌজাল হেনগৎলক্কনি, অমসুং মসিনা ভগৱান রামদগী লাপথোকখিবা খুদিংদা অমাং অতারোমদা চৎলি হায়বসি ঐখোয়না নীংশিংবা মথৌ তাই।
ঐখোয়না পুম্নমক্কী পুক্নীংগী ইহুলশিং খঙবা মথৌ তাই। ঐখোয় পুন্না চৎমিন্নবা, পুন্না চাউখৎমিন্নবা অমসুং অমগা অমগা থাজবা থম্নবা মথৌ তাই।
ঐখোয়গী হোৎনজমলশিং অমসুং ৱারেপকী মতেংনা ঐখোয়না থাজবা থম্বা অমসুং মরোমদোম লেপচবা ঙম্বা ভারত অমা শেমগৎপা মথৌ তাই।
মরূপশিং, ভগৱান রাম্না তামিলদা হায়রম্মি, “ঐখোয়না থেংথবগী মথৌ তাদে, ঐখোয় মাংলোমদা চংশিনবা মথৌ তাই”। ঙসিগী ভারত অমসুং ঐখোয় পুম্বগী ভগৱান রামগী চপ মান্নবা পাউজেল অসি লৈ।
ঐহাক্না থাজবা থম্মি মদুদি ঐখোয় মাংলোমদা চংশিনগনি, ঐখোয়গী লৈবাক্না মাংলোমদা চংশিনগনি। মসিগী ভগৱান রামগী লাইশঙ অসিনা লাক্কদোরিবা চহি কয়াদা মীওইবা খুনাইবু থৌনা হাপ্লগনি অমসুং লমজিংলগনি।
ভগৱান রামগী মশানা ৱারেপ লৌজবগী পাম্বৈ অসি কোরোনা লায়চৎ অসিদা ঙসিদি য়াম্না মথৌ তারক্লে। ঐখোয়না মীতর অনিগী শাফগদবা অরাপ্পা ঙাক্না চৎপা মথৌ তাই অমসুং মতম পুম্বদা মাস্ক অমা উপকদবনি।
ঐখোয়গী লৈবাক অসিবু হরাউ তয়ামগা লোয়ননা নুংঙাইনা লৈনবা ঐহাক্না ভগৱান রামবু খুরুমজরি
ইমা সিতা অমসুং ভগৱান রামনা ঐখোয় পুম্ববু থৌজানবীবা ওইরসনু
মসিগা লোয়ননা, ঐনা অমুক্কসু হন্না থৌরম অসিদা ইরৈচাশিংবু থাগৎপা ফোঙদোকচরি।
জয়!সিয়াপতি রামচন্দ্র কী জয় !!!.
