ইকাই খুম্নরবা সভাপতি জী,
য়াম্না মরু ওইবা বিল অসি নুমিৎ নিনি চংনা কুপ্না খন্নখি। ইকাই খুম্নরবা মেম্বর 132রোমনা হাউস অনিমক্তা পুন্না য়াম্না মহৈ ফংনা খন্ন-নৈনবা অমা পাঙথোকখি অমসুং তুংলমচৎতসু খন্ন-নৈনবা অসিগী ৱাহৈ খুদিংমক্না ঐখোয়গী চৎকদৌরিবা খোঙচৎ অসিদা ঐখোয় পুম্নমক্কীদমক কান্নবা ওইরগনি অমসুং মসিনা মরম ওইদুনা হীরম খুদিংমক্কী মশাগী কান্নবা অমদি ভেল্যু লৈজৈ… ঐহাক্না ইকাই খুম্নরবা এম.পি. পুম্নমক ঐগী ৱারোল পীবা হৌবদসু হায়জখ্রে মদুদি নখোয়না মসিবু শৌগৎপীবা অসিগীদমক ঐহাক্না মীপুম খুদিংমকপু থমোয় শেংনা থাগৎপা ফোঙদোকচরি। মসিগী ৱাখল্লোন অসিনা লৈবাক্কী মীয়ামগী মরক্তা অনৌবা আত্মা বিশ্বাস অমা পোকহল্লগনি অমসুং ঐখোয়গী ইকাই খুম্নরবা এম.পি. পুম্নমক অমসুং রাজনিতী দাল পুম্মক য়াম্না মরু ওইবা থৌদাং অমা লৌখি। বিল অসি পাস তৌবনা মরম ওইরগা নারী শক্তিদা অখন্নবা ইকাই খুম্নবা ফংবা খক্তগী ৱাফম নত্তে। লৈবাক্কী রাজনিতী দল পুম্নমক্না বিল অসিগী মরমদা খল্লিবা পোজিতিব ওইবা ৱাখল্লোন অসিনা ঐখোয়গী লৈবাক্কী নারী শক্তিদা অনৌবা ইনোৎ অমা পীরগনি। মসিনা অনৌবা থাজবগা লোয়ননা লৈবাক শেমগৎপদা শরুক তম্নবা লীদরশিপ ওইবগা লোয়ননা মাংদা থোরক্লগনি, মসিনা ঐখোয়গী অফবা তুংলমচৎ অমগী গরেন্তীসু ওইরগনি।
ইকাই খুম্নরবা সভাপতি জী,
ঐহাক্না হাউস অসিগী মতম য়াম্না লৌজরোই। নখোয়না ফোঙদোকখিবা ৱাখল্লোনশিং অদুগীদমক্তা ঐহাক্না থাগৎপা ফোঙদোকচবনি অমসুং ভোৎ তৌবা মতমদা ঐহাক্না উপ্পর হাউস অসিদা লৈরিবা নখোয়দা খন্ন-নৈনবা অসি হেন্না মহৈ য়ান্নবা অমসুং অমত্তা ওইনা য়ান্নবা পুরক্তুনা ভোৎ পীনবা হায়খি, ঐখোয়গী লৈবাক অসিদা অনৌবা লৈবাক অমা ঐখোয়না পীরগনি। থাজবা পীরগনি। থাজবা অসিগা লোয়ননা ঐহাক্না পুম্নমকপু থমোয় শেংনা থাগৎপা অমুক হন্না ফোঙদোকচরি।
