লোর্দ বুদ্ধ অসি কোরোনাগী লাইচৎ মতম অসিদনা হেন্না খ্বাইদগী মরু ওইরক্লি: পি.এম.
ভারতনা বুদ্ধনা চৎলম্বা লম্বেলদা চৎতুনা ঐখোয়না খ্বাইদগী অরুবা শিংনবা ফাওবা করম্না মায়োক য়াবগে উৎখ্রে: পি.এম.অৱাবা তারবা মতমদা মালেম্না মহাক্না তাকপীরম্বশিংগী শক্তি অদু ফাউখি: পি.এম.আশাদ পুর্নিমা - ধম্ম চক্র নুমিৎকী থৌরমদা পি.এম.না পীখিবা পাউজেলনমো বুদ্ধায়!
নমো গুরুভ্যো!
ইকাই খুম্নরবা রাস্ত্রপতি,
অতৈ মীথুংলেনশিং,
তিনবীরিবা পুম্নমক!
ময়াম পুম্নমক্তা ধম্মচক্র প্রৱর্তন দিৱস অমসুং আশাদ পুর্নিমানা লাকপদা য়াইফ-পাউজেল পীজরি। ঙসি ঐখোয়না গুরু-পুর্নিমাসু পালন তৌরি অমদি নুমিৎ অসিদা ভগৱান বুদ্ধনা বুদ্ধত্ব ফংলবা মতুংদা মালেমদা মহাক্কী অহানবা ঞ্জান অদু পীখি। ঐখোয়গী লৈবাক্তা ঞ্জান লৈবা মফমদা পুর্নতা লৈ হায়না হায়নবা লৈ। অমসুং ধর্ম্ম শন্দোক্লিবা অদু বুদ্ধ মশামক ওইবা মতমদা মসিগী ৱাখল্লোন অসি মালেমগী য়াইফনবা ওইরকপা অসি মহৌশানি। কত্থোকপা অমসুং লাইনীংনা লুপ্লবা বুদ্ধনা ৱা ঙাংথোরকপা মতমদা শুপ্নগী ৱাহৈ খক্তা নত্তনা ধম্মচক্রবু হৌদোকখি। মরম অসিনা মতম অদুদা মহাক্না শুপ্নগী তুংইনবা মঙাদা তাকপী-তম্বীরম্মি অদুবু ঙসিদি মালেম পুম্বদা ৱাহৈশিং অদুবু তুংইন্নবা মীওই কয়া লৈরে, মদু বুদ্ধদা থাজবা থম্বা মীওইশিংনি।
মরুপশিং,
সারনাথতা ভগৱান বুদ্ধনা ঐখোয়দা পুন্সি চুপ্পগী, মপুং ফাবা ঞ্জানগী নিয়ম তাকপীখি। মহাক্না অৱাবগী মরমদা অমসুং মসি করম্না কোকহনবা ঙমগনি হায়বা তাকপীখি। ভগৱান বুদ্ধনা ঐখোয়দা অচুম্বা সুত্রা (লম্বেল) নিপান নত্ত্রগা পুন্সিগী লাইৱা নিপান পীবীরমখি। মখোয় অদুদি সম্মাদিৎথী, সম্মা-সঙ্কপ্পা, সম্মাৱাচা, সম্মা-কম্মন্তা, সম্মা –আজীৱা, সম্মা ৱায়ামা, সম্মাসতি অমসুং সম্মা-সমাধি অসিনি। ঐখোয়গী ৱাখল, ৱাঙাং অমসুং ফীরেপকী অমদি ঐখোয়গী খোঙথাং অমসুং হোৎনরিবা অসিগী মরক্তা করিগুম্বা শান্তি লৈরবদি ঐখোয়বু অৱাবদগী লাপ্না লৈহল্লি অমসুং নুংঙাইবা মাইকৈদা পুশিল্লি। মসিনা ঐখোয়বু নুংঙাইবা মতমদা মীয়ামগী য়াইফনবা থবক তৌনবগী ইনোৎ পীখি অমসুং অৱাবা মতমদা ঐখোয়দা থৌনা পীখি।
মরুপশিং,
ঙসি কোরোনাগী লাইচৎ অসিদা ভগৱান বুদ্ধ অসি ঐখোয়গীদমক হেন্না মরু ওইরক্লি। বুদ্ধনা তাকপীরম্বা লম্বেলদা চৎতুনা অচৌ-অচৌবা শিংনবা করম্না মায়োক্নবগে হায়বা অদু ভারতনা পাঙথোক্তুনা উৎখ্রে। বুদ্ধগী অচুম্বা ৱাখল্লোশিং অদুগা লোইননা ঙসি মালেমগী লৈবাকশিংনা অমনা অমগী মতেং পাংনদুনা, অমনা অমগী থৌনা ওইরি। হীরম অসিদা ইন্তর্নেস্নেল বুদ্ধিস্ত কনফেদরেসন্না লৌখৎলিবা ‘কিয়র ৱিথ প্রেয়র’গী থৌরাং অসি য়াম্না থাগৎনীংঙাই ওই।
মরুপশিং
ধম্মপরানা অসুম্না হায়বীরম্মি:
ন হী ৱেরেন ৱেরানি,
সম্মন্তীধ কুদাচনম।
অৱেরেন চ সম্মন্তি,
এস ধম্মো সনন্ততো।।
হায়বদি, য়েক্নবনা য়েংক্নবগী পোলোই ওইরোই। মদুগী মহুৎ য়েক্নবা অসি নুংশিবা অমদি পুকচেল চাউবনা মাইথিবা পীবা ঙমগনি। অৱাবা তারবা মতমদা মালেম্না মহাক্না তাকপীরম্বশিংগী শক্তি অদু ফাউখি। বুদ্ধগী লৌশিং, মীওইবা খুন্নাইদা মসিনা পীখিবা এক্সপরিয়েন্স অসি খংলবা মতমদা মালেম্না মাই পাকপা অমসুং চাউখৎপগী অনৌবা পান্দোম লোম্বা ঙমহনগনি।
য়াইফ-পাউজেল অসিগা লোইননা ময়াম পুম্বদা অমুক হন্না ঐহাক্না নুংঙাইবা ফোঙদোকচরি! হকচাং ফনা লৈসি অমসুং মীওইবা খুন্নাইগী থৌগল তৌখিসি!
থাগৎচরি!
