প্রধান মন্ত্রী: কনা কনা থমোয়গী ৱা ফোংদোক্নিংবগে?
নহা ওইরিবা বেনিফিসরী: ঐহাক হোকী চেম্পিয়ন অমনি। ঐহাক্না হোকীদা মেদল ৫ ফংখ্রে। ঐগী স্কুলদা চেক-অপ অমা পাংথোকপা মতমদা, ঐগী থমোয়দা অহোবা অমা লৈ হায়বা খঙখি। ঐহাক মফমসিদা লায়েংনবা লাকখি, ওপরেসন তৌখি, অমসুং হৌজিক ঐহাক অমুক হন্না হোকি শান্নবা ঙম্লে।
প্রধান মন্ত্রী: ওপরেশন অদু করম্বা মতমদা তৌখিবগে?
নহা ওইরিবা বেনিফিসরী: থা তরুক্কী মমাংদা।
প্রধান মন্ত্রী: অমসুং নহাক মমাংদা শান্নরমব্রা?
নহা ওইরিবা বেনিফিসরী: হোই।
প্রধান মন্ত্রী: হৌজিকশু অদুমক শান্নরিব্রা?
নহা ওইরিবা বেনিফিসরী: হোই।
প্রধান মন্ত্রী: নহাক তুংদা করি ওইনিংবগে?
নহা ওইরিবা বেনিফিসরী: ঐহাক দোক্তর ওইনিংই।
প্রধান মন্ত্রী: মহাক দোক্তর ওইরবা মতুংদা করি তৌগনি?
নহা ওইরিবা বেনিফিসরী: ঐহাক অঙাংশিং লাইয়েংগনি।
প্রধান মন্ত্রী: অঙাং কক্তমক?
নহা ওইরিবা বেনিফিসরী: মীপুম খুদিংমক।
প্রধান মন্ত্রী: নহাক্না দোক্তর ওইরবা মতমদা, ঐহাক্তি অহল ওইরগনি, মতম অদুদা ঐহাকপুশু লাইয়েংবীগদ্রা?
নহা ওইরিবা বেনিফিসরী: হোই লাইয়েংগনি।
প্রধান মন্ত্রী: অশেংবগী?
নহা ওইরিবা বেনিফিসরী: হোই, অশেংবগী।
প্রধান মন্ত্রী: য়াম্না ফরে।
নহা ওইরিবা বেনিফিসরী: ঐহাক্না কৈদৌনুংদা মহাক্কা অসুম্না উনগনি খল্লুদে। ঙসি ঐহাক্না অহানবা ওপিনা মহাক্কা উনবনি অমসুং ঐহাক য়াম্না নুংঙাইবা ফাওই।
নহা ওইরিবা বেনিফিসরী: ঐগী ওপরেশন অসি চই অমগী মমাংদা তৌখ্রে। ঐহাক্না হয়েং চাউরগা, ঐহাক দোক্তর ওইবা পাম্মি অমসুং মীপুম খুদিংমকপু লাইয়েংবা পাম্মি।
প্রধান মন্ত্রী: নহাক ওপরেশন মনুংদা কপখিব্রা?
নহা ওইরিবা বেনিফিসরী: ঐহাক কপখিদে।
প্রধান মন্ত্রী: অদুবু দোক্তরনদি নহাক য়াম্না কপ্পি হায়না তম্লকই।
নহা ওইরিবা বেনিফিসরী: দোক্তরনা মদু করম্বা মতমদা হায়খিবগে? মহাক্না অদুম্না হায়খিদে।
প্রধান মন্ত্রী: হায়খিদে?
নহা ওইরিবা বেনিফিসরী: ঐহাক নহাক্কীদমক স্পীচ অমা থিবা পাম্মি।
প্রধান মন্ত্রী: হোই, হায়বীয়ু।
নহা ওইরিবা বেনিফিসরী:
("অদোমগী পান্দমদগী ৱাংবা লান্দুনা অনৌবা অমা ফংনবা থিয়ু, করিগুম্বা নহাক্না তুরেল অমা থেংনরবদি, সমুদ্রগীদমক য়েংউ। গ্লাস খুদিংমক নুঙগী অমুক শুবদা কায়থরকই, নুং অদুবু ধুগাইবা ঙম্বা গ্লাস অদু ফংনবা থিয়ু।
অদোম্না নিংজরিবা অদুদগী করি ফংবগে, চহি চা কয়া লেম্নমক করিশু কান্নদনা হৌখ্রে, অদোমগী পুন্সিদা অহোংবা পুরকপা মওংদা নিংবিয়ু")
প্রধান মন্ত্রী: য়াম্না ফজৈ, য়াম্না ফজৈ!
নহা ওইরিবা বেনিফিসরী: ঐগী ওপরেসন অসি ঐ থা ১৪ শুরকপা মতমদা ২০১৪দা পাংথোকখি। হৌজিক ঐহাক মপুং ফানা হকচাং ফনা লৈরে অমসুং ঐহাক ক্রিকেৎ শান্নবা পামজৈ।
প্রধান মন্ত্রী: চেক-অপ চাং নাইনা তৌব্রা? মরমদি নহাক্কি ওপরেশন তৌখিবা অদু চহি ১১ ফাখ্রে, চুম্ব্রা?
নহা ওইরিবা বেনিফিসরী: হোই, সার।
প্রধান মন্ত্রী: হৌজিক্তি করিমত্তা তোদরব্রা?
নহা ওইরিবা বেনিফিসরী: করিমত্তা তৌদ্রে সার।
প্রধান মন্ত্রী: নহাক শান্নব্রা?
নহা ওইরিবা বেনিফিসরী: হোই, সার।
প্রধান মন্ত্রী: ক্রিকেত?
নহা ওইরিবা বেনিফিসরী: হোই, সার।
নহা ওইরিবা বেনিফিসরী: ঐহাক নহাক্কা উনবা পাম্মি, মিনিত ২গীদমক ঐহাক চংলকপা য়াগদ্রা?
প্রধান মন্ত্রী: চংশিল্লকউ, য়াগনি।
প্রধান মন্ত্রী: হোস্পিতালদা এদমিৎ তৌখিবা মতম অদুদা অদোম্না করম্না ফাওখি? নহাক্না হিদাক-লাংথকশিং, ইঞ্জেক্সনশিং কাপ্লমগনি – করম্না ফাওখিবগে?
নহা ওইরিবা বেনিফিসরী: সার, ঐহাক ইঞ্জেক্সনগী অকিবা অমত্তা লৈখিদে, মরম অদুনা ঐহাক্কী ওপরেসন অসি য়াম্না ফজনা চত্থখি, অমসুং ঐহাক্না অকিবা ফাওখিদে।
প্রধান মন্ত্রী: য়াম্না ফৈ। নহাক্কী ওজাশিংনা নহাক্কী মরমদা করি হায়বগে?
নহা ওইরিবা বেনিফিসরী: ঐগী ওজাশিংনা ঐহাক লাইরিক য়াম্না ফৈ হায়, অদুবু লে খরাদি তৎলি।
প্রধান মন্ত্রী: ওহ। অদুবু নহাক্না শেংনা তম্লিবসি য়াম্না ফৈ – পুকচেল শেংবনা মতম পুম্নমক্তা কান্নগনি।
নহা ওইরিবা বেনিফিসরী: ঐহাক ক্লাস ৭ তম্মি। ঐনা ঐগী ওপরেশন….
প্রধান মন্ত্রী: ইবুঙো নহাক্না ক্লাস ৭দা তম্লি?
নহা ওইরিবা বেনিফিসরী: হোই, সার।
প্রধান মন্ত্রী: নহাক ফজনা চা-থকপ্রা?
নহা ওইরিবা বেনিফিসরী: হোই, সার ফজনা চাজৈ।
প্রধান মন্ত্রী: নৎত্রগা নখোয়গী ‘ওজাগী মকোক অদুদো ওইনা চাথোকপ্রা’? (নোক্লদুনা) ফরে, হায়বীয়ু।
নহা ওইরিবা বেনিফিসরী: ঐগী ওপরেসন অসি ২০২৩দা পাংথোকখি, অমসুং ঐহাক্না চাউরগা মতমদা ওজা ওইবা পাম্মি। ঐহাক্না লাইরবা অঙাংশিংদা লেম্না মহৈ-মশিং তম্বা পাম্মি, মসিনা মখোয়গী পুন্সিদা খুমাং চাওশিলহল্লগনি, মরমদি মহৈ-মশিং তম্বনা ঐখোয়গী লৈবাক অসিবু চাউখৎহনবদা মতেং পাংই।
প্রধান মন্ত্রী: নখোয় পুম্নমক্না হন্দক্কী থা অসি কনাগী চহি চাম্ম শুবগী কুমওন থৌরম পাংথোকপগে খঙব্রা? সত্য সাই বাবাগী ১০০শুবা চহি। চহি কয়াগী মমাংদা, পুত্তাপর্তীগী অকোইবদা লৌউ-শিংউবদা নত্তনা থক্নবা ঈশিংদসু অকনবা অৱাৎপা লৈরম্মি। মহাক্না খুঙ্গং ৪০০ রোমদা থক্নবা ঈশিং পুরক্নবা কন্না হোৎনখি। গবর্নমেন্তশিংনসু অসিগুম্বা অচৌবা থবকশিং লৌখৎপদা করিগুম্বা মতমদা খন্থবা ফাওই। ঐখোয়গীদমক মহাক্কী পাউজেলদি ঐখোয়না ঈশিং কনবা অমসুং উ পাম্বী থাবীগদবনি হায়বসিনি। ঐনা "এক পের মা কে নাম" কৌবা কেম্পেন অমা পাঙথোকই। মীপুম খুদিংমক্না মখোয়গী মমাবু নুংশি, চুম্ব্রা? মরম অদুনা ঐখোয়না মহাক্কী মীংদা পাম্বী অমা থাগদবনি- মসিনা ঐখোয়গী ইমা অমসুং ইমা পৃথীবিদা ইকায় খুম্নবা উৎলি।
নহা ওইরিবা বেনিফিসরী: ঐগী মীং অভিকনি, ঐহাক ৱেস্ত বেঙ্গলদগীনি। ঐ চাউরকপা মতমদা, ঐনা লান্মীদা চংদুনা লৈবাক্কী সেবা তৌবা পাম্মি।
প্রধান মন্ত্রী: নহাক্না লৈবাক অসিগী সেবা তৌগনি?
নহা ওইরিবা বেনিফিসরী: হোই।
প্রধান মন্ত্রী: অশেংবগী?
নহা ওইরিবা বেনিফিসরী: হোই, অশেংবগী।
প্রধান মন্ত্রী: করিগী তৌবা পাম্লিবনো?
নহা ওইরিবা বেনিফিসরী: মরমদি লান্মীনা ঐখোয়বু ঙাকপী-শেনবী, অমসুং ঐহাকশু লৈবাক অসিবু ঙাক-শেনবা পাম্মি!
প্রধান মন্ত্রী: য়াম্না ফৈ, য়াম্না ফৈ।
নহা ওইরিবা বেনিফিসরী: ঐহাক্না নহাক্কা খুৎ শোকপা পাম্মি।
নহা ওইরিবা বেনিফিসরী: নহাক্কা উনবসি ঐগী মঙলান্নি।
প্রধান মন্ত্রী: তশেংনমক্কী? নহাক্না মদু করম্বা মতমদা মঙখিবগে? ঙসিরা নৎত্রগা মমাংদরা?
নহা ওইরিবা বেনিফিসরী: মতম কুইরবগী মমাংদা।
প্রধান মন্ত্রী: নহাক ঐগী মরমদা খঙব্রো?
নহা ওইরিবা বেনিফিসরী: হোই, ঐনা নহাকপু পাউদা উই।
প্রধান মন্ত্রী: ওহ, নহাক পাউশিং য়েংবরা? য়াম্না ফৈ। ঐহাক্না নখোয় ময়ামগা ৱারী শানবদা য়াম্না নুংঙাইখি। অদোম্না করিগুম্বা অফবা থবক অমা তৌবা পাম্লবসু, মদু পাংথোক্নবগী পাম্বৈদি অদোমগী হকচাং অদুনি হায়বসি নিংশিংবীয়ু। মরম অদুনা নহাক্কী হকচাং অদু হকচাং ফনা থম্মু - য়োগ খরা তৌবীয়ু, রুতিন অমা ঙাক্না চৎবীয়ু, মতম চানা তুমবীয়ু। অদোম্না ইশাবু ফজনা চেকশিনবিয়ু, ফরেকো? থম্নিকো?
নহা ওইরিবা বেনিফিসরীশিং: Yes, sir হোই, সার!!
প্রধান মন্ত্রী: নখোয় পুম্নমক্তা ঐগী য়াইফ-পাউজেল পীরি।
