এক্সিলেন্সীশিং, নুপী অমদি নুপাশিং!
ঐহাক্না পুম্নমকপু মহাত্মা গান্ধীগী মমিং লৌদুনা থোনখিবা সহর গান্ধীনগরদা তরাম্না ওকচরি। অহমদাবাদকী গান্ধী আশ্রমদা নখোয়না চৎপগী খুদোংচাবা ফংবদা ঐহাক্না নুংঙাইবা পোকই। ঙসি মালেম পুম্বনা ক্লাইমেৎ চেঞ্জ, গ্লোবেল ৱার্মিংগী অমসুং মসিগী তুং কোইনা চৎকদবা সোল্যুসনশিং পুথোক্নবগী মতাংদা ঙাংনরি। গান্ধী আশ্রমদা নখোয়না গান্ধীজীগী অচম্বা পুন্সি মহিং অমসুং মহাক্কী সস্তেনেবল ওইবা, মরোমদোম লেপচবা অমসুং মান্নবা মিৎয়েং য়েংবগী মীৎয়েং শানবা ৱাখল্লোন হকথেংননা উবা ফংগনি। মসিনা নখোয়দা শোইদনা ইথিল পীগনি হায়না ঐহাক্না থাজৈ। নখোয়না মসি দান্দী কুতীর ম্যুজিয়মদসু চৎপদা মসি এক্সপরিয়েন্স তৌগনি, মসিগী খুদোংচাবা অসি নখোয়না মাংহল্লোইদবনি। গান্ধীজীগী মমিং লৈরবা চার্খা, তরেং অদু গঙ্গাবেন কৌবী নুপী অমনা মনাক নকপা খুঙ্গংদগী ফংখিবনি হায়না ফোঙদোকচবদা মতাং চাদবা ওইনা থোক্লোই। নখোয়না খঙলে মদুদু মসিদগী হৌদুনা গান্ধীজীনা মরোমদোম লেপচবা অমসুং তুং কোইনা চৎপগী খুদম অমা ওইনা খাদীগী ফিজোল শেৎপা হৌখিবনি।
মরুপশিং,
নুপীশিংনা নুংঙাই য়াইফরবা মতমদা মালেমসু নুংঙাই য়াইফবা ওইরকই। মখোয়গী শেন্মিৎলোন চাউখৎহনবনা শাহৌ লৈহল্লি অমসুং মখোয়গী মফমদা এজুকেসনগী মঙাল ফংহনবনা মালেমগী চাউখৎ থৌরাং পুরকই। মখোয়না লুচিংবা ওইবনা ইনক্লুসিবিতী হেনগৎহল্লি। অমসুং মখোয়গী খোল্লাওনা অফবা অহোংবা পুরকহল্লি। নুপীশিংবু মপাঙ্গল হাপ্পগী খ্বাইদগী অফবা পাম্বৈদি নুপীনা লুচিংদুনা চাউখৎপা পুরকপগী থৌওংগী খুত্থাংদগীনি অমসুং ভারতনা মাইকৈ অসিদা খুমাং য়াম্না চাউশিল্লি।
মরুপশিং,
ভারতকী রাস্ত্রপতি শ্রীমতি দ্রৌপদি মুর্মু মশামক্না অফবা খুদম অমা ওইরি। মহাক্না অচম্বা ত্রাইবেলগী ইমুং অমদগী হৌরক্লবসু, মালেমগী খ্বাইদগী চাউবা গনতন্ত্রা অমবু লুচিংলি অমসুং মালেমগী অনিশুবা খ্বাইদগী চাউবা দিফেন্স ফোর্সকী কম্মান্দর-ইন-চীফ ওইনা থৌ পুরি। গনতন্ত্রগী মমা অসিদা, ভারতকী সংবিধান্না হেক অহৌবদগী হৌনা নুপীশিং য়াওনা লৈবাক মীয়াম খুদিংদা ‘ভোত থাদবগী হক’ অমসুং মীরেপ ওইবগী হক অসিবুসু চপ মান্নবা মিৎয়েং য়েংবগী থৌওংদা য়ুম্ফম ওইদুনা পীদুনা লাক্লি। মীয়াম্না খল্লবা নুপী মীহুৎশিংনা শেন্মিৎলোন, অকোয়বগী ফিভম অমসুং খুন্নাইদা অহোংবা পুরকপগী থৌবুরেল ওইদুনা লাক্লি। মিলিয়ন 1.4 ওইদুনা, ভারতকী রুরেল লোকেল বোদীশিংগী মীয়াম্না খল্লবা মীহুতকী 46%দি নুপী ওইরি। নুপীশিংবু মোবিলাইজেসন তৌদুনা সেল্ফ হেল্প গ্রুপশিংবু মপাঙ্গল হাপখিবনা অহোংবা পুরকপগী মতিক লৈরবা শাফু ওইখি। লাইচৎ মনুংদা সেল্ফ হেল্প গ্রুপ অমসুং নুপী মীহুৎশিংনা খুন্নাইদা তেংবাংবগী য়ুম্বী ওইখি। মখোয়না মাস্ক অমসুং সেনিতাইজর শাখি লোয়ননা লাইনা শন্দোকপগা মরী লৈনবা ৱারোল কয়া মীয়ামদা খঙহনখিবগী থবক থৌরমশিং তৌখি। ভারতকী নর্স অমসুং মিদৱাইফকী 80% হেনবদি নুপীশিংনি। মখোয়না লাইচৎ মনুংদা ঐখোয়গী ঙাক-শেলগী খ্বাইদগী মমাংদা লৈখি। অমসুং, ঐখোয়না মখোয়গী মসিগুম্বা মায় পাকপা অসিগীদমক্তা চাউথোকচরি।
মরুপশিং,
নুপীনা লুচিংদুনা চাউখৎপা পুরকপা অসিনা সরকার অসিগী মরু ওইবা মিৎয়েং অমনি। প্রধান মন্ত্রী মুদ্রা য়োজনাগী মখাদা পীথখিবা লোনশিংগী 70% নুপীশিংনা ওইরি। মাইক্রো-লেভেল য়ুনিৎশিংবু তেংবাংনবগীদমক্তা লোনশিং অসিনা লুপা মিলিয়ন অমগী ফাওবা পীথখি। মান্নবা মতৌ ওইনা, স্তেন্দ-অপ ইন্দিয়াগী চাউরাকপা বেনিফিশরী 80%দি নুপীশিংনা ওইরি, গ্রীন ফিল্দ প্রোজেক্তকী বেঙ্ক লোন কয়া অমসু মখোয়না ফংলি। প্রধান মন্ত্রী উজ্বালা য়োজনাগী মখাদা খুঙ্গংগী নুপীশিংদা চাকথোং গ্যাসকী কন্নেক্সন মিলিয়ন 100গী ময়া পীখ্রে। ক্লিন কুকিং ফুএলনা অকোয়বগী ফিভমদা হকথেংননা তেংবাংই অমসুং নুপীশিংগী হকশেল ফগৎহল্লি। ইং 2014দগী হৌদুনা, ইন্দস্ত্রীএল ত্রেনিং ইন্সতিত্যুতশিংদা তেক্নিকেল এজুকেসন লৌরিবা নুপী মশিংনা শরুক অমা হেনগৎলে।
অমসুং, ভারতকী STEM হায়বদি সাইন্স, তেক্নোলোজী, ইঞ্জিনিয়রিং অমসুং মেথমেতিক্সগী গ্রেজুএতকী চাউরাকপা চাদা 34দি নুপীশিংনি অমসুং স্পেস সাইন্তিস্তকী শরুক মরি থোকপগী অমদি নুপীশিংনি। চন্দ্রয়ান, গগনয়ান অমসুং মিসন মার্সকুম্বা ফ্লেগশিপ প্রোগ্রামশিংগী মায় পাকপগী মরুমদা হায়রিবা নুপী সাইন্তিস্তশিং অসিগী মহৈ অমসুং হোৎনবা কনবগী থৌওং য়াওরি। ঙসিদি, হায়র এজুকেসন্দা মিং চনবা নুপী মশিং হেনগৎলক্লি, অমসুং নুপাশিংগী মশিংদগীসু হেল্লি। সিভিল এভিএসন্দা নুপী পাইলোতকী মশিং চাদা খ্বাইদগী য়াম্বশিংগী মনুংদা ভারতসু অমা ওইরি অমসুং ইন্দিয়ন এয়র ফোর্সকী নুপী পাইলোতশিংনা ফাইতর জেতসু পাইরি। ঐখোয়গী আর্ম্দ ফোর্সশিংদা নুপীশিংবু ওপরেসনগী রোল অমসুং ফাইতিং প্লেতফোর্মশিংদা শিজিন্নরি।
মরুপশিং,
ভারত অমসুং গ্লোবেল সাউথতা নুপীশিংনা খুঙ্গংগী লৌউ-শিংউগী থবক তৌবা ইমুংশিংদা অমসুং অপীকপা ত্রেদর অমসুং দুকান ফম্বদা য়াংলেন শরূ ওইনা মরু ওইবা থৌদাং লৌরি। মখোয়গা মহৌশা ইমাগা অনকপা মরী লৈবনা নুপীশিংনা ক্লাইমেত চেঞ্জকী ইন্নোভেতিব ওইবা ৱারোইশিন পুরকপগী চুক্লি পায়রি। রাজস্থানগী বিশ্নোই খুন্নাইগী অমৃতা দেবীনা লুচিংদুনা 18শুবা চহি-চাদা মওং-মরিল তাদনা ঈশিং তুংশিনবা থিংনবগীদমক্তা ‘চিপকো ইহৌ’ হৌদোক্তুনা ক্লাইমেত এক্সনগী খ্বাইদগী অহানবা থৌওং পাংথোকখিববু ঐহাক্না নীংশিল্লি। মহাক অমসুং খুঙ্গংগী অতোপ্পা মীওইশিংগা লোয়ননা মহৌশা ইমা ঙাকশেন্নবা মশাগী পুন্সি কত্থোকখি। ভারতকী নুপীশিংনা ‘মিসন LiFE- লাইফস্তাইল ফোর ইনভাইরনমেন্ত’কী ব্রান্দ এম্বেসেদর ওইরি। নাৎকী ওইবা লৌশিংদা য়ুম্ফম ওইরগা নুপীশিংগী হন্থহনবা, হন্না শিজিন্নবা, রিসাইকল অমসুং রি-পর্পজ তৌখি। তোঙান-তোঙানবা খোঙথাংশিংগী মখাদা, নুপীশিংনা সোলর পেনেল অমসুং লাইত শাবগী ত্রেনিং কয়াসু লৌরি। গ্লোবেল সুয়াথকী পার্ত্নর লৈবাকশিংগা লোয়ননা ‘সোলর মামাস’ অসি মাইপাক্না তেংবাংনবা ঙমখি।
মরুপশিং,
নুপী ওন্তোপ্রিনরশিংনা মালেমগী শেন্মিৎলোন্দা মশক থোকপা শরুক তম্লি। ভারত্তা নুপী ওন্তপ্রিনোরশিংনা লৌরিবা থৌদাং অসি অনৌবা নত্তে। দিকেদ কয়াগী মমাংদা, ইং 1959দা গুজরাতী নুপী তরেৎনা পুৱারী ওইরবা কোওপরেতিব ইহৌ – শ্রী মহিলা গৃহুদ্যোগ শেম্নবগীদমক্তা মুবাইদা লাকখি, মসিনা নুপী মিলিয়ন কয়া অমসুং মখোয়গী ইমুংশিংগী পুন্সিদা অচৌবা অহোংবা পুরকখিবনি। মখোয়গী খ্বাইদগী মমিং চৎপা পোত্থোক- লিজত পাপর অসি গুজরাতকী চাক-এন্সাংগী শরুক অমা শোইদনা ওইগনি। দাইরী সেক্তর অসি কোওপরেতিব মুফমেন্তগী অতোপ্পা মাইপাকপগী খুদমনি। মসি নুপীগী শক্তি পীরি। গুজরাত খক্তদা নুপী মিলিয়ন 3.6না সেক্তর অসিগী শরুক ওইরি। অমসুং ভারত পুম্বদা অসিগুম্বা ইথিল পীনীংঙাই ওইবা ৱারী কয়া কয়া লৈ। ভারতকী য়ুনিকোর্ন স্তার্তঅপকী 15%দা য়ামদ্রবদা নুপী ফাউন্দর অমা য়াওই অমসুং মসিগুম্বা নুপীশিংনা লুচিংবা য়ুনিকোর্ন অসিগী অপুনবা ভেল্যুনা বিলিয়ন দোল্লর 40 হেল্লি। অদুম ওইনমক ঐখোয়গী পান্দম অসি নুপীনা এচিবর ওইবা লেবেল প্লেৎফোর্ম অমা শেম্বনা ওইগদবনি। নুপীশিংনা মার্কেত, গ্লোবেল ভেল্যু চেন অমসুং এফোর্দেবল ফাইনান্সকী খুদোংচাবা লৌবদা অথিংবা থম্লিবা অসিবু লৌথোক্নবা অমসুং চপ মান্নবা মতমদা, য়ুম চলায়বগী পোৎলুমদগী মখোয়বু মনিং তমহন্নবা ঐখোয়না হোৎনগদবনি।
এক্সিলেন্সীশিং,
নখোয়না নুপীশিংগী ওন্তোপ্রিনর্শিপ, লীদর্শিপ অমসুং এজুকেসনগী মীৎয়েং চংববু থাগৎলি।, নুপীশিংগী দিজিতেল অমসুং ফাইনেন্সিএল লিতরেসী খুমাং চাউশিলহন্নবা ‘তেক ইকুইতী প্লেতফোর্ম’ লোঞ্চ তৌবসিদা ঐহাক্না নুংঙাইবা ফোংদোকচরি। অমসুং ভারতকী G20 প্রসিদেন্সীগী মখাদা, ‘ৱিমেন ইম্পাৱর্মেন্ত’কী মতাংদা ৱর্কিং গ্রুপ অমা শেম্নবা ৱারেপ লৌখি অসিদা ঐহাক্না নুংঙাইবা পোকই। গান্ধীনগরদা পাংথোক্লিবা অৱাবা নাইদবা থবক-থৌরমশিং অসিনা মালেম পুম্বগী নুপীশিংদা থাজবা অমা পীগনি হায়বগী থাজবা লৈ। কান্নবা অমসুং মাইপাকপা মীফম অমগীদমক ঐহাক্না পুম্নমক্তা য়াইফ মঙ্গোল পীজরি।
থাগৎচরি।
হন্না-হন্না থাগৎচরি।
Thank you.
Thank you very much.
