খুরুমজরি!
ময়াম্না য়াম্না হরাওবীরি। ঐহাক্না অহৌবা অসিদি হিন্দীদা খরা ঙাংজবা তারি মসিগীদমক হৌজিক ঐহাকপু ঙাকপীয়ু হায়জরি। মরমদি মেদিয়াগী ইচিল-ইনাওশিংনা হিন্দী ঙাংবনা হেন্না ফগনি হায়না হায়বীরকই, অদুনা পুম্নমক ঙাংদ্রবসু মখোয়না হায়রকপা অদু তারগা ৱাহৈ খরদি ঙাংজরগে।
গুজরাতকী মমিং লৈরবা মুখ্য মন্ত্রী, শ্রী ভুপেন্দ্রভাই পতেল, পার্লিয়ামেন্তদা ঐহাক্কী মরুপ, শ্রী সি.আর. পতিল, গুজরাত প্রদেশ ভারতিয় জনতা পার্তীগী প্রসিদেন্ত, শ্রী জগদিশ পঞ্চল, গুজরাত সরকারগী মন্ত্রী, লমদম অসিগী মচা, শ্রী কির্তিসিংহ বাঘেলা, শ্রী গজেন্দ্র সিংহ পরমার, পার্লিয়ামেন্তগী মেম্বর, শ্রী পরবত ভাই, শ্রী ভরত সিংহ দাভী, দিনেস ভাই অনাবাদিয়া, বনাস দাইরীগী চিয়রমেন ঐহাক্কী ইনাও শঙ্কর চৌধরী, অতোপ্পা মশক নাইবা মীওইশিং, ইচিল-ইনাওশিং!
ঐহাক্না ইমা নরেশ্বরী অমসুং ইমা অম্বাজীগী শেংলবা লমদম অসিবু ইকাই খুম্নবা উৎচরি। ঐহাক্না ময়াম্বসু খুরুমজরি! ইমা-ইবেল অমসুং ইচে-ইচল লাক অমা মখাইনা পুন্না লাক্তুনা ঙসি মফম অসিদা ঐহাকপু থৌজানবীবগী অসিগুম্বা খুদোংচাবা ফংজবা ঐহাক্কী পুন্সিদা অহানবা ওইরি। অমসুং নখোয়না ওবরন (বলেয়া) তৌবা মতমদা ঐহাক্না পুক্নীং নীংশিরকখি। নখোয়গী থৌজালশিং, ইমা জগদমবাগী লমদমগী ইমাংশিংনা ঐঙোন্দা থৌজাল পীনবীবা অসি মমল য়াম্লবা থৌজাল অমনি। ঐহাক্না বনাসকী ইমা-ইবেল অমসুং ইচিল-ইনাও পুম্নমকপু ইকাই খুম্নবা উৎচরি।
ইচিল-ইনাওশিং,
হৌখিবা পুং অমা অনি অসিদা ঐহাক্না মফম অসিগী তোঙান-তোঙানবা মফমশিংদা চৎপা ফংজখি। ঐহাক্না দাইরী সেক্তরগা মরী লৈনবা সরকারগী স্কিমশিংগী এনিমেল হসবেন্দীগী বেনিফিসরী ইচে-ইচলশিংগা লোয়ননা কুপ্না ৱারী শাবা ফংজখি। ঐহাক্না নৌনা শাখিবা কমপ্লেক্স, পোতেতো প্রোসেসিং প্লান্তদা চৎপগী খুদোংচাবা ফংজখি। ঐহাক্না উরিবা, মফম অসিদা খন্ন-নৈনখিবা, ঐঙোন্দা পীবিরকখিবা ই-পাউ অদুদা ঐহাক্না য়াম্না অপেনবা পোকখি অমসুং দাইরী অসিগী মরুপ পুম্নমক্ত অমসুং নখোয় পুম্নমক্তা ঐহাক্না থমোয় শেংনা থাগৎপা ফোঙদোকচরি।
ভারতকী খুঙ্গংগী শেন্মীৎলোনবু, ইমা-ইবেল অমসুং ইচে-ইচলশিংবু শক্তি পীবদা করম্না মপাঙ্গল কনখৎহনগনি, কো-ওপরেতিব মুফমেন্ত হায়বদি সরকারনা করম্না আত্মনির্ভর ভারত অভিয়ান অসিবু মপাঙ্গল কনখৎহনগনি হায়বা পুম্নমক অসি মফম অসিদা হকথেংননা এক্সপরিয়েন্স তৌবা ফংগনি। থা খরগী মমাংদা ঐহাক্কী কেন্দ্র বারানসীদা ঐহাক্না বনাস কাশী সঙ্কুলগী উরেপ-উয়ুং তম্বগী খুদোংচাবা ফংজখি।
ঐহাক্না বনাস দাইরীবু থমোয় শেংনা তৌবীমল খঙবা উৎচরি, ঐহাক্কী লমদম কাশীদা লাক্লবা মতুংদসু মফম অদুগী লৌমীশিং, শা-শন লোইরিবা মীওইশিংগী শেবা তৌখি, গুজরাতকী বনাস দাইরীনা ফিরেপ চেৎনা লেপখি অমসুং মসি হৌজিক ওইথোকপা ঙমলক্লি। মসিগীদমক ঐহাক্না কাশীগী এম.পি. অমা ওইনা বনাস দাইরীবু থাগৎপা ফোঙদোকচরি। মফম অসিদা বনাস দাইরী সঙ্কুল হৌদোকপগী থৌরমদা শরুক য়াবা ফংজবা অসিদা ঙসি ঐহাক্কী নুংঙাইবা অসি শরুক কয়া হেনগৎখি।
ইচিল-ইনাওশিং,
মফম অসিদা ঙসি শঙ্গারিবা অমসুং উরেপ-উয়ুং তম্লিবশিং অসিনা ঐখোয়গী চৎনবীগী মপাঙ্গল অদুগা লোয়ননা তুংলমচৎ শেমগৎপগী অফবা খুদমশিং ওইরি। বনাস দাইরী কমপ্লেক্স, চীজ অমসুং ৱে প্লান্ত, পুম্নমক অসি দাইরী সেক্তর পাকথোক-চাউথোকহনবদা মরু ওই, বনাস দাইরীনা মফম অসিগী লৌমীশিংগী শেন্থোক হেনগৎহনবদা অতোপ্পা রিসোর্সশিং শীজিন্নবা য়াই হায়নসু উৎখি।
অলু অমসুং শঙ্গোগা করি মরী লৈনবগে, অনি অসিগী ওইবা অপুনবা করি লৈবগে? ঐঙোন্দা হায়বীয়ু। অদুবু বনাস দাইরীনা মসিসু হাপচিনখি। শঙ্গোম, বত্তরমিল্ক, শঙ্গোম অফম্বা, শঙ্গোম-সনা, আইস ক্রীমগা লোয়ননা অলু-তিক্কী, অলু বেজ, ফ্রেঞ্চ ফ্রাইজ, হেশ ব্রাউন, বর্গর পেতীজ অসিগুম্বা প্রদক্তশিং অসিবু বনাস তাইরীনা লৌমীশিংগী শক্তি ওইহনখি। মসি ভারতপু ভোকেল ফোর লোকেল ওইহন্নবা মাইকৈদা চংশিনবা অফবা খোঙথাং অমনি।
মরুপশিং,
ঙসি বনাসকান্থাদা ঐখোয়না নোং লীক্না তাবা বসানকান্থ অসিগুম্বা জিলা অমদা কানকরেজ শন, মেহসানী ইরোই অমসুং অলুনা লৌমীশিংগী লাইক্তা অহোংবা পুরকপা ঙম্মি হায়বা উবা ফংলে। বনাস দাইরীনা লৌমীশিংদা খ্বাইদগী অফবা অলু চারশিংসু পীরি অমসুং অলুশিং অফবা মমলসু পীরি। মসিনা অলু থাবা লৌমীশিংদা লুপা করোর কয়া তানবা য়ানবা অনৌবা লম অমা পীরি। অমসুং মসি শুপ্নগী অলু খক্তদা লোইশিন্দ্রি। ঐহাক্না স্বীৎ রিভোল্যুসনগী মতাংদা তোইনা হায়জৈ, লৌমীশিংবু খোহী পুথোকহন্দুনা অহেনবা শেল তান্নবা হায়খি, মসি বনাস দাইরীদা য়াম্না নীংথিনা পাঙথোক্লি। ঐহাক্না বনাসকান্থাগী অতোপ্পা মপাঙ্গল অমগী মরমদসু খঙই – লৈবাকহৱাই অমসুং হঙ্গাম থাও অসিনি, দাইরী অসিনা অচৌবা থৌরাং অমা পাইখৎলি। চানবা থাওদা আত্মনির্ভর ওইনবা সরকারগী কেম্পেন অসিদা শাহৌ পীনবা নখোয়গী ওর্গনাইজেসন্না ওইল প্লান্তশিং লিংখৎহল্লি। মসি থাও শুনবা মরুশিং থারিবা লৌমীশিংগী ওইনা অচৌবা থৌরাং অমনি।
ইচিল ইনাওশিংম
ঙসি মফম অসিদা বাইও-সি.এন.জি প্লান্ত শঙ্গারি অমসুং গোবর গ্যাস প্লান্ত ৪গী উরেপ-উয়ুংসু তমখি। অসিগুম্বা প্লান্ত কয়ামরু বনাস দাইতীনা লৈবাক শিনবা থুংবদা লিংখৎনবা হোৎনরি। মসি অমোৎপদগী লন ওলহন্নবা সরকারগী অভিয়ান্দা মতেং ওইরগনি। গোবরধনগী খুত্থাংদা অমুক্তদা পান্দম কয়া ফংবা ঙমলি। অহানবদা, মসিনা খুঙ্গংশিং লুনান্না থম্বদা মপাঙ্গল হাপ্লি, অনিশুবদা, মসিনা শা-শন লোইবা লৌমীশিংদা শনথীদগী শেল লাকহল্লি। অহুমশুবদা, শনথীদগী বায়ো-CNG অমসুং মৈ অসিগুম্বা প্রদক্তশিং পুথোক্লি। মরিশুবদা, অপুনবা থৌওং অসিদগী ফংলিবা ওর্গানিক মেন্যুর অসিনা লৌমীশিংদা চাউনা মতেং পাংলি। অসিগুম্বা খোঙথাংশিং অসি বনাস দাইরীগী খুত্থাংদা লৈবাক পুম্বদা য়ৌরবা মতমদা ঐখোয়গী খুঙ্গংগী শেন্মীৎলোন অসি মপাঙ্গল কনখৎলক্কনি, খুঙ্গংশিংনা মপাঙ্গল কল্লক্কনি, ঐখোয়গী ইচে-ইচলশিংদা শক্তি পীবা ঙমগনি।
মরুপশিং,
ঙসি গুজরাতনা মাইপাকপগী য়ৌরিবা থাক অসিনা, চাউখৎপগী য়ৌরিবা থাক অসিনা গুজরাত্তি পুম্নমক্তা চাউথোকচবা পোকহল্লি। মসি ঙরাং ঐহাক্না গান্ধীনগরগী বিদ্যা সমীক্ষা কেন্দ্রদা খঙবা ঙমখি। গুজরাতকী অঙাংশিংগী তুংলমচৎ, ঐখোয়গী তুংগী মীরোলশিংগী তুংলমচৎ শেম্নবগীদমক বিদ্যা সমীক্ষা কেন্দ্রনা শক্তি অমা ওইরি। ঐখোয়গী সরকারগী প্রাইমরী স্কুলনা মসিগীদমক অসুক চাউখ্রবা তেক্নোলোজী শীজিন্নবা অসি মালেমগী ওইনা অঙকপা ঙমনি।
মমাংদা সেক্তর অসিদা ঐহাক্না থৌজখ্রবদু ঙরাং গুজরাত সরকারনা বর্তন তৌরকপদগী ঐহাক্না অখন্ননা গান্ধীনগরদা চৎখি। বিদ্যা সমীক্ষা কেন্দ্রদা তৌরিবা থবক্কী মওং, মসিদা তেক্নোলোজী নীংথিনা শীজিন্নবা অসি উবদা ঐহাক্না য়াম্না নুংঙাইবা ফাওখি। বিদ্যা সমীক্ষা কেন্দ্রনা ঐখোয়গী মমিং লৈরবা মুখ্য মন্ত্রূ শ্রী ভুপেন্দ্র ভাই পেতেলগী লুচিং মখাদা সেন্তর অসিনা লৈবাক পুম্বদা মাইকৈ তাক্লি।
অদোমসু খনবীয়ু, ঐহাক্না মফম অদুদা পুং অমা খক্তগী চৎখি অদুবু মফম অদুদা লৈরম্লিবা মতৌ অদুনা পুক্নিং চীংশিনখিবনা ঐহাক্না মফম অদুদা পুং অমগী প্রোগ্রাম অদু পুং অনি মখাই ওইনা পাঙথোকখি। স্কুলগী অঙাংশিং, ওজাশিংগা লোয়ননা ঐহাক্না কুপ্না ৱারী শাখি। অঙাং কয়ামরুমদা অসি খা গুজরাত, অৱাং গুজরাত, কচ্ছ সৌরাস্ত্র – অসিগুম্বা তোঙান-তোঙানবা মফমশিংদগীনি।
ঙসি বিদ্যা সমীক্ষা কেন্দ্র অসি গুজরাতকী ওজা লাখ মরি মখাই, স্কুল লিশিং ৫৪ হেনবগী মহৈরোয় ১.৫ হেনবগী পাঙ্গলগী সেন্তর অমনি, লিবিং ইনর্জী অমনি। সেন্তর অসিদা এ.আই., মেছিন লর্নিং অমসুং অচৌবা দেতা এনালাইতিক্স অনিগুম্বা মতমগা চুনবা ফেসিলিতীশিং লৈ।
বিদ্যা সমীক্ষা কেন্দ্রনা চহি খুদিংগী দেতা সেৎ করোর ৫০০ এনালাইজ তৌখি। মসিদা এসেসমেন্ত তেস্ত, সেসন-এন্দ একজামিনেসন, স্কুল এক্রেদিতেসন, অঙাংশিংগী অমসুং ওজাশিংগী এতেন্দেন্সকা মরী লৈনবা থবক তৌরি। রাজ্য পুম্বদা লৈরিবা স্কুলশিংগী ওইনা মান্নবা তাইম-তেবল, ক্বেসন পেপরশিং, চেক তৌবা পুম্নমক অসিদা বিদ্যা সমীক্ষা কেন্দ্রনা অচৌবা থৌদাং অমা লৌরি। সেন্তর অসিনা মরম ওইরগা স্কুলশিংদা অঙাংশিং কারকপগী চাং অসি চাদা ২৬ হেনগৎলকখি।
এজুকেসনগী লমদা অনৌবা সেন্তর অসিনা লৈবাক পুম্বদা অচৌবা অহোংবশিং পুরকপা ঙমগনি। ঐহাক্না লৈবাক অসিগী এজুকেসনগা মরী লৈনবা স্তেকহোল্দরশিং, ওফিসরশিং অমসুং অতোপ্পা রাজ্যশিংদা অসিগুম্বা মখলগী ফেসিলিতী অসি নৈন্নবা অমসুং শীজিন্ননবা হায়জরি। বিদ্যা সমীক্চা কেন্দ্রগুম্বা মোদর্ন সিস্তেমদগী লৈবাক অসিগী অঙাং কয়ানা কান্নবা ফংলবা মতমদা ভারতকী তুংলমচৎ অসি হেন্না মঙাল লৈগনি।
হৌজিক ঐহাক্না ময়ামদা ঐখোয়গী বনাসকী মতাংদা অমুক ৱারী শাজরগে, অহানবা ওইনা বনাস দেরীগা লোয়ননা বনাসকী লমদম অসিদা লাকচবদা ঐহাক্না শ্রী গলবা কাকাগীদমক ইকোক নোন্দুনা ইকাই খুম্নবা উৎচরি। অমসুং চহি ৬০গী মমাংদা লৌমীগী মচা গলবা কাকানা মঙলান অমা মঙজখি, হায়রিবা অদু ঙসিদি উজাও অমা ওইরে। অসুং মহাক্না বসানকান্থাগী য়ুমথোং খুদিংদা অনৌবা শেন্মীৎলোনগী শক্তি অমা পীখি, অহানবা ওইনা ঐহাক্না গলবা কাকাদা ইকাই খুম্নবা উৎচরি। অনিশুবদা ঐহাক্কী বসানকান্থাগী ইমা-ইবেল অমসুং ইচে-ইচলশিংবু ইকাই খুম্নজরি, ঐহাক্কী বসানকান্থাগী ইমা-ইবেল অমসুং ইচে-ইচলশিংবু মখোয়না মখোয়গী অঙাংশিং য়েংশিনবা অদুগুম্না মখোয়গী শা-শনশিংবু য়েংশিনখিবা, এনিমেল হসবেন্দীগীদমক তৌখিবা থবক অদু ঐহাক্না উবা ফংখি। করিগুম্বা শা-শনশিং অসিনা থক্নবা ঈশিং ফংদবা মতমদা ইমা-ইবেল অমসুং ইচে-ইচলশিংনা ঈশিং থকপা ঙমখিদে। করিগুম্বা লুহোংবা, হরাও-কুহ্মৈগীদমক ইমা-ইবেল অমসুং ইচে-ইচলশিংনা মরী-মতাংগী লুহোংবা অদু চৎতে অদুবু শা-শন অদুদি হুন্দোক্তুনা চৎতে। ইমা-ইবেল অমসুং ইচে-ইচলশিংনা তৌখিবা তপস্যা অদুগী ফলনা ঙসি বনাসনা চাউখৎপা ঙম্লি। মরম অসিনা ঐহাক্না বসানকান্থাকী ইমা-ইবেল অমসুং ইচে-ইচলশিংদা অনিরকশুবা ওইনা ইকোক নোন্দুনা খুরুমজরি। কোরোনাগী মতমদসু বনাস দাইরীনা মরু ওইবা থবক তৌখি, গলবা কাকাগী মমিংদা মেদিকেল কোলেজ অমা শাখি অমসুং হৌজিক ঐহাক্কী বনাস দাইরী অসিদা অলুগীদমক, শা-শনগীদমক, শ্গোমগীদমক, শনথীগীদমক, খোহীগীদমক ৱানীংঙাই ওইদ্রে, ইনর্জীগী হৌরফম ওইবা খক্তা নত্তনা অঙাংশিংগী এজুকেসনগীদমক থবকসু তৌরি। অমরোমদা বনাসকান্থাগী বনাস দাইরীগী কোওপরেসন মুফমেন্ত অসিনা বসানকান্থা পুম্বগী অফবা তুংলমচৎ অমগী হৌরকফম ওইরি। মসিগীদমক বিজিন সিস্তেম অমা লৈফম থোকই, অমসুং হৌখিবা চহি তরেৎ-নিপান অসিদা দাইরী অসিনা পাকথোক-চাউথোরক্লিবা মওং-মতৌ অসিদা ঐহাক্না মসিদা মপুং ফানা থাজবা থম্মি, ঐহাক্না মুখ্য মন্ত্রী ওইরিঙৈ মতমদগী থাজবা থমলকখি। অমসুং হৌজিক ঐহাকপু নখোয়দা দিল্লীদা থাবীরি, মদুদসু ঐহাক্না নখোয়বু কৈদৌনুংদা থাদোক্তে। নখোয়গী অৱা-নুংঙাইদা নখোয়গা পুন্না লেপখি। ঙসি বনাস দাইরীগী ইহৌ অসিনা উত্তর প্রদেশ, হরিয়ানা, রাজস্থান, ওরিশা (সোমনাথতগী জগন্নাথ), অন্ধ্র প্রদেশ অমসুং ঝারখন্দ অসিগুম্বা রাজ্যশিংদা লৈরিবা লৌমীশিং অমসুং শা-শন লোইরিবা ফুরুপশিংদা চাউনা কান্নবা ফংহল্লি। ঙসি মালেমগী ওইনা শঙ্গোম খ্বাইদগী য়াম্না পুথোকপা লৈবাকশিংদা, লৌমী কয়াগী পুন্সিনা শঙ্গোমগী মপাল তংলিবা অসিদা চহি অমদা কয়ারক মশিং কয়াম পুথোকপগে হায়বা অসিদা মীওই খরা, অচৌবা ইকনোমিস্তশিংনা মীৎয়েং চংদে। ঐখোয়গী লৈবাক অসিদা চহি অমদা শঙ্গোম লিতর করোর নিপানগা লাখ অমা মখাই পুথোকই। হীরম অসিদা খুঙ্গংশিংগী দিসেন্ত্রেলাইজ ইকনোমিক সিস্তেম অসি খুদম অমনি। গেহু অমসুং চেং পুথোকপা অসি করোর নিপান লাখ অনি মখাই য়দে। শঙ্গোম পুথোকপনা হেল্লি অমসুং দাইরী সেক্তরদগী অপীকপা লৌমীশিংনা চাউনা কান্নবা ফংলি, বিঘা অনি, অহুম, মঙা লম লৈবা মীওইশিংদা নোং চুরক্ত্রবা, ঈশিং লৈত্রবদি লৌমী ইচিল-ইনাওশিং অসিগী পুন্দি অসি অৱাবগী মশক ওই। এনিমেল হস্বেন্দরী তৌদুনা ইমুং মনুং অদু শা-শনশিংনা থাকই। দাইরী অসিদা অপীকপা লৌমীশিংনা মীৎয়েং চংলক্লি। অমসুং ঐহাক্না দিল্লীদা চৎপা মতমদা লৈবাক পুম্বগী অপীকপা লৌমীশিংগী অচৌবা থৌদাংশিং লৌখি। অমসুং ঙসি চহি অমদা অহুমরক ঐহাক্না লৌমীশিংগী একাউন্তশিংদা লুপা লিশিং অনি হকথেংননা হাপ্পি। দিল্লীদগী থোরকপা শেল অসিগী পাইসা ১৫ খক্তা য়ৌই হায়না মমাংগী প্রধান মন্ত্রীনা হায়রমখি। প্রধান মন্ত্রী অসিনা হায়জরি ঙসিদি দিল্লীদগী চৎখিবা লুপা ১০০দা পাইদা ১০০ মপুং ফানা য়ুমশিং অসিদা য়ৌহনখি। অদুগা লৌমীশিংগী একাউন্ততা দিপোজিৎ তৌখি। ঙসিদি ভারত সরকার, গুজরাত সরকার অমসুং গুজরাতকী কোওপরেতিব মুভমেন্ত মসি পুন্না তৌমিন্নবনা, ঐহাক্না থমোয় শেংন মসিগী মুভমেন্তশিং অসিবু থাগৎপা ফোঙদোকচরি। ঙাইহাক্কী মমাংদা ভুপেন্দ্র ভাইনা পুক্নীং নুংশিনা ৱাফম অমা ফোঙদোকপীরম্মি, ওর্গানিক ফার্মিং, বনাসকান্থানা করিগুম্বা অমা খংলবদি, বনাসকান্থানা মদু মতম চুপ্পদা থাদোক্তে, মসিগী ঐহাক্না থেংনজরকপনি। মসি অহৌবদদি অৱাবা থবক অমা ওইরম্মি, ঐহাক্না ইলেক্ত্রিসিতী থাদোক্লো, ইলেক্ত্রিসিতী থাদোক্লো হায়না লাওবদা অৱবা অমা ওইখিবদু নীংশিংলকই। অদুবু বনাসকী মীয়াম্না মোদীনা করিগুম্বা অমত্তা খংদে হায়না খনখি, ইলেক্ত্রিকসিতীদগী মপান থোরকউ হায়না লাউরদুনা ঐহাক্কী মায়োক্তা লাওখি, অদুবু বনাসকী লৌমিশিংনা মখোয়না ঐঙোন্দগী খোঙকাপ তরা হেন্না চৎখৎলে হায়না খংবা মতমদা অমসুং ঈশিং য়োকশীন্নবা অচৌবা কেম্পেন পাংথোকপা মতমদা দ্রিপ ইরিগেনস শিজিন্নখি, অদুগা ঙসিদি বনাসকী ফার্মিংদা অঙকপা ফংনা অহোংবা পুরকপা মতমদা ঐহাক্না ঙসি মসিদা বনাসকান্থা পাংথোক্লি। ইমা নর্মাদানা বনাসকা উনবা লাকপদা মসিগী ঈশিং অসি ইশ্বরগী প্রসাদনি হায়না খন্দুনা, ঈশিং অসিবু পারসনি হায়না লৌরে হায়না ঐহাক্না থাজবা থম্মি অমসুং হন্দক্তি অজাদী কা অমৃত মহোতসবনি, নীংতম্বগী চহি ৭৫ শুরে, ঐহাক্না বনাস জিলাগী মীয়ামদা হায়জনীংবদি মসিগী অকংবা বনাসকী লম অসিদা করিগুম্বা পোত্থোক অমত্তা লৈতবনা অচৌবা পুখ্রি ৭৫ তৌনবা ঐহাক্না হায়জরি অমসুং নোং অমুরক, অনিরক চুবা মতমদা মদুদা ঈশিং চেনশিন্দুনা ঈশিং তুংদুনা লৈনবা শেম শানবা হোৎবীয়ু। করিগুম্বা মসি ঐখোয়না পাংথোকপা হৌরবদি, পৃথীবি অসি অমৃতময়ি ওইরক্লগনি। মরম অদুনা জুন থা লাক্ত্রিঙৈ, নোং চুবা হৌদ্রিঙৈদা লাক্কদৌরিবা থা অনি অহুম অসিদা অচৌবা কেম্পেন অমা পাংথোকপা ঙমগনি হায়বসি ঐহাক্কী থাজবনি। অদুগা অজাদীকা অমেট মহোতসব মতম ওগস্ত ১৫ ২০২৩দা চহি অমা অসিগী মনুংদা বনাস জিলাদা য়ামদ্রবদা অচৌবা পুখ্রি ৭৫ তৌগদবনি অমসুং ঈশিং থন্না থমগদবনি। মসিনা মরম ওইরগা ঐখোয়না ঙসি থেংনরিবা অৱাবা মচা-মচাশিং অসি কোকহনবা ঙমগদৌরিবা অমসুং ঐহাক্না ময়ামগী মতেং পাংগনি। অদুগা মসিনা মরম ওইরগা ঐহাক্না অদোমগা পুন্না চৎমিন্নদুনা অদোমগী খোঙলোয় ওইনা থবক তৌবা পাম্লিবনি। হৌজিক্তি নদাবেত অসি তুরিজমগী মরুওইবা মফম অমা ওইরে, গুজরাতনা ভারতকী ঙমখৈগী জিলা করম্না চাউখৎহনগনি, ভারতকী ঙমখৈ করম্না কনগনি হায়বগী খুদম পীরি। কচ্ছকী অকোইবা মফমশিং অসি চাউখৎলে অমসুং মফম অদুগী খুঙ্গংগী মীওইশিংগী শেন্মীৎলোন ফগৎলে। সীমাদর্শনগী প্রোগ্রাম হৌদোকখিবা নদাবেত অসি হৌজিক বনাস অমসুং পতান জিলাগী ঙমখৈগী অকোইবদা লৈরিবা খুঞ্জাশিংদা তুরিজম্না মরম ওইরগা হরাউ নুংঙাইবা পুরক্লগনি। খ্বাইদগী মনুং হঞ্জিনবা খুঙ্গংশিংদা ফাওবা হীংনবা পাম্বৈগী খুদোংচাবশিং লাকপা হৌরে, চাউখৎ থৌরাংগী লম কয়ামরুম লাকপা য়াই, মহৌশাগী তম্পাক্তা ফম্লদুনা ঐখোয়না খ্বাইদগী লুরবা তাংফমশিংদা অওনবা করম্না পুরকখিবগে হায়বসি ঐখোয়গী মাংদা উৎলিবা খ্বাইদগী মতিক চারবা খুদম অমনি। অদুগা মসিগী মমল য়াম্লবা মনি অসি বনাসতা লৈরিবা গুজরাতকী প্রজাশিং অমসুং লৈবাক অসিগী প্রজাশিংগী খুয়া খাদা কৎচরি। অদুগা ঐহাকপু খুদোংচাবা অসি পীবিবগীদমক বনাস দেরীবু তৌবিমল খংবা উৎচরি। ঐহাক্কা লোয়ননা খুৎ অনিমক থাংগত্তুনা মীয়াম তানবা ভারত ইমা হায়না লাউরসি।
ভারত ইমানা য়াইফরে, ভারত ইমানা য়াইফরে!
হন্না হন্না থাগৎপা ফোঙদোকচরি!
