Share
 
Comments
“পুকচেল শেংবা সরকার অমনা হোৎনরিবশিং অমসুং এম্পাৱর তৌরবা লায়রবনা হোৎনরিবশিং অদুগা অমত্তা ওইনা পুনশিল্লবা মতমদা লৈতা লায়রববু মাইথিবা পীবা ঙম্মি”
“লায়রবশিংদা পক্কাগী য়ুমশিং ফংহনবগী কেম্পেন অসি শুপ্নগী সরকারগী স্কিম অমা নত্তে মসিদি খুঙ্গংগী লায়রবদা থাজবা পোকহন্নবা ফিরেপ অমনি”
“সরকারনা অসিনা স্কিমশিংগী কবরেজকী সেচুরেসন ফংবা ঙম্নবা পান্দম থম্বনা মান্নদবা মীৎয়েং য়েংবা অমসুং শেঞ্জা থুমজাগী ওইথোকপা য়াবা অদু মুত্থৎলি”
রাজ্য সরকার, লোকেল বোদী অমসুং পঞ্চায়ৎ খুদিংমক্না জিলা খুদিংদা অমৃত সরোবর ৭৫ লৈহনবগীদমক থবক তৌগদবনি

খুরুমজরিজী!

 মুখ্য মন্ত্রী শ্রীমান শিবরাজজী চোহান, কেন্দ্রগী মন্ত্রী-মন্দলগী মরুপশিং, মধ্য প্রদেশ, সরকারগী মন্ত্রীশুং, পার্লিয়ামেন্ততা ঐহাক্কী মরুপ ওইরিবশিং, মধ্য প্রদেশকী এম.এল.এ.শিং, অতোপ্পা মশক নাইপা মীওইশিং অমসুং মধ্য প্রদেশকী ঐহাক্কী ইচিল-ইনাওশিং!

ঙসি মধ্য প্রদেশকী লায়রবা ইমুং লাখ ১.২৫না মখোয়গী মঙলানগী পক্কাগী য়ুম ফংবা ঙম্লি। নুমিৎ খরনি অসিদা চহি হৌবা নুমিৎ, বিক্রম সমবত ২০৭৯ হৌরগনি। অনৌবা চহি হৌবদা গৃহ প্রবেশ তৌবা ফংজবা হায়বা অসিমক পুন্সিগী মমল নাইদ্রবা মীকুপ অমা ওইরি। ঐহাক্না মীকুপ অসিগীদমক মীয়ামদা য়াইফ মঙ্গোল পীজরি।

মরুপশিং,

ঐখোয়গী লৈবাক অসিদা দল খরনা লৈতা লায়রবা কোকহন্নবা খোলাও কয়া লাওখি অদুবু লায়রবা মীওইশিংবু এম্পাৱর তৌনবা থবক অমত্তা তৌরমখিদে। লায়রববু অমুক্তং এম্পাৱর তৌরবদি মখোয়না লৈতা লায়রবগা মায়োক্নবা ঙম্নবা থৌনা অদু ফংগনি। পুকচেল শেংবা সরকারগী খোঙথাং অমগা, এম্পাৱর তৌরবা লায়রবা অমগী খোঙথাংশিং অদুগা অমত্তা ওইনা পুনশিল্লবা মতমদা লৈতা লায়রববু মাইথিবা পীবা ঙম্মি। মরম অসিনা কেন্দ্রদা বি.জে.পি. সরকার লৈবা নত্ত্রগা রাজ্যশিংদা বি.জে.পি. সরকারশিং লৈবা ওইরবসু সবকা সাথ – সবকা বিকাস হায়বা মন্ত্র অসি তুং ইন্দুনা মখোয়না লায়রববু এম্পাৱর তৌনবা থবক পাইখৎলি। ঙসিগী থৌরম অসি কেম্পেন অসিগী শরুক অমনি। প্রধান মন্ত্রী আৱাজ য়োজনাগী মখাদা খুঙ্গাশিংদা শাখিবা য়ুম লাখ ৫.২৫ অসি শুপ্নগী মশিং খক্তা নত্তে। য়ুম লাখ ৫.২৫ অসিনা লৈবাক অসিদা মপাঙ্গল কনখৎলক্লিবা লায়রবশিংবু মশক তাক্লি। য়ুম লাখ ৫.২৫ অসিনা বি.জে.পি. সরকারগী সর্ভিসকী খুদম অমা ওইরি। মসিগী য়ুম লাখ ৫.২৫ অসিনা খুঙ্গংগী লায়রবা নুপীশিংবু লাখপরি ওইহন্নবগী কেম্পন অদুগী মমি তারি। মধ্য প্রদেশকী মনুং হঞ্জিনবা খুঙ্গংশিংদা য়ুমশিং অসি ঐখোয়গী ত্রাইবেলনা খুন্দাবা মফমডিংদা লৈরিবা লায়রবশিংদা পীরি। ঐহাক্না য়ুম লাখ ৫.২৫ অসিগীদমক মধ্য প্রদেশকী মীয়ামদা নুংঙাইবা ফোঙদোকচরি।

ইচিল-ইনাওশিং,

লায়রবশিংদা পক্কাগী য়ুমশিং ফংহনবগী কেম্পেন অসি শুপ্নগী সরকারগী স্কিম অমা নত্তে। মসিদি খুঙ্গংদা, লায়রবদা থাজবা পোকহন্নবা ফিরেপ অমনি। মসি লায়রবশিংবু লৈতা লায়রবগী অৱাবদগী কোকহন্নবা থৌনা হাপ্নবগী অহানবা খোঙথাং ওইরি। লায়রবশিংনা মখোয়গী কোকথক্তা খন্নবা য়ুম অমা লৈরবা মতমদা মহাক্না অঙাংশিংগী মহৈ-মশিং তমহনবা অমসুং অতোপ্পা থবকশিংদা মপুং ফানা মীৎয়েং চংবা ঙমগনি। লায়রবশিংনা য়ুম অমা লৈরবা মতমদা মহাক্কী পুন্সি অদু তংদু লৈতানা হিংবা ঙম্মি। ৱাখল্লোন অসিগা লোয়ননা ঐখোয়গী সরকার অসিনা পি.এম. আৱাজ য়োজনাবু খ্বাইদগী মরু ওইনা লৌখি। মমাংগী সরকারদা লৈরম্বা মীওইশিং অদুনা মখোয়গী মতমগী মনুংদা য়ুম লাখ খরা খক্তমক শারমখি। চপ মান্নবা মতম অসিগী মনুংদা ঐখোয়গী সরকারনা লায়রবশিংদা য়ুম করোর ২.৫ পীবা ঙমখ্রে। মসিগী মনুংদা য়ুম করোর ২দি খুঙ্গংশিংদা শাখি। লাইচৎনা ফাওবা কেম্পেন অসিগী খোঙজেলদা থিন্থবা ঙমহনখিদে। মধ্য প্রদেশতা অয়াবা পীখিবা য়ুম লাখ ৩০গী মনুংদা লাখ ২৪দি ভাইগা, সহারিয়া অমসুং ভারিয়া সমাজকী মীয়ামদা য়াওনা কান্নবা ফংহনদুনা শাবা লোইশিনখ্রে।

ইচিল-ইনাওশিং,

বি.জে.পি. সরকারশিং লৈবা মফম খুদিংমক্তা মখোয়গী অখন্নবা হায়ববু মখোয়না মতম চুপ্পদা থবক ওইনা ওন্থোকই, অয়ুক-নুমিদাং খাইদনা লায়রবশিংগী মথৌ তাবশিং থুংহন্নবা, মখোয়গী য়াইফনবা থবক তৌদুনা লাকখি। পি.এম. আৱাজ য়োজনাদসু ঐখোয়না লায়রবশিংদা ফংহল্লিবা য়ুমশিং অসিনা মখোয়গী পুন্সিগী ওইবা মথৌ তাবশিং অদু থুংহন্নবা হোৎনরি। য়ুমশিং অসিদা তোইলেৎ য়াওরি, সোভাগ্যা য়োজনাগী মখাদা ইলেক্ত্রিসিতী কন্নেক্সনফ ফংহল্লি, উজালা স্কিলগী মখাদা এল.ই.দি. বল্ব ফংহল্লি, উজ্জ্বলা স্কিমগী মখাদা গ্যাস কন্নেক্সন পীরি অমসুং হর ঘর জলগী মখাদা ৱাতর কন্নেক্সন য়াওহন্দুনা বেনিফিসরিশিংনা কান্নবশিং অসি লৌনবা সরকারগী ওফিসশিংদা তোখাই-তোখাইনা কোইচেন চেন্নবগী মথৌ তাহন্দে।        ‌ মসি লায়রবশিংগী শেবা তৌবগী ৱাখল্লোন অদুনি, মসিনা লৈবাক অসিগী ইরৈবাকচা খুদিংমক্কী পুন্সিবু ঙসি হিংবদা লায়হল্লি।

 

 

মরুপশিং,

ভারত অসি শক্তিবু থৌনীজবা লৈবাক অমনি। নুমিৎ খরনিগী মতুংদা নবরাত্রি হৌরগনি। ঐখোয়গী লাইরেম্বীশিংনা য়েকনবশিংবু তুম্না মাংহনখি, খুৎলাইশিংবু থৌনিজদুনা লাকখি। ঐখোয়গী নুপীশিং অসি লৌশিং, কলা অমসুং চৎনবীগী ইথিলগী হৌরকফম ওইরি। ২১শুবা চহিচাগী ভারতনা মখোয়দগী ইথিক লৌরি, মশাবু শক্তি পীজনবা অমসুং নুপীশিংগী শক্তিগীমক হোৎনরি। প্রধান মন্ত্রী আৱাজ য়োজনা অসি কেম্পেন অসিগী ওইনা মরু ওইবা শরুক অমনি। পি.এম. আৱাজ য়োজনাগী মখাদা শাখিবা য়ুমশিংগী মনুংদা য়ুম করোর অনিরোমদি নুপীশিংনা য়ুমগী মপু ওইবগী হক ফংলি। য়ুমগী মপু ওইবগী হক অসিনা ইমুং-মনুংগী অতোপ্পা শেল-থুমগী ওইবা ৱারেপ লৌবদা নুপীশিংবু শরুক য়াহন্নবা মপাঙ্গল কনখৎহল্লি। মসিমক মালেমগী অচৌবা য়ুনিভর্সিতীশিংগীদমক নৈন্নবা হীরম অমনি, মধ্য প্রদেশকী য়ুনিভর্সিতীশিংনা মসি কেস স্তদী তৌনবা হীরম অমা ওইরি।

ইচিল-ইনাওশিং,

নুপীশিংগী অৱাবা কোকহন্নবগীদমক ঐখোয়না হর ঘর জল য়ৌহনবগী থৌরাংসু পাইখৎলি। হৌখিবা চহি অনি মখাই অসিদা য়োজনা অসিগী মখাদা য়ুমথোং করোর ৬ হেনবদা থক্নবা ঈশিংগীদমক তোতি ঈশিংগী কন্নেক্সন ফংহনখি। স্কিম অসি হৌদোকপা মতমদা মধ্য প্রদেশতা লৈরিবা খুঙ্গংগী য়ুমথোং লাখ ১৩না মখোয়গী য়ুমশিংদা তোতি ঈশিংগী সপ্লাই ফংলমখি। ঙসি ইমুং লাখ ৫০না তোতি ঈশিংগী খুদোংচাবা ফংবা ঙম্লে। ঐখোয়না মধ্য প্রদেশকী খুঙ্গংগী য়ুমথোং খুদিংমক্তা তোতি ঈশিং পীনবা ফিরেপ লৌখি।

মরুপশিং,

ঙসি ঐহাক্না মধ্য প্রদেশ য়াওনা লৈবাক অসিগী লায়রবা মীয়াম পুম্নমক্তা থাজবা পীজরি মদুদি কেম্পেন অসিনা খোঙজেল য়াংনা য়ুমশিং শাবা ঙম্নবা হোৎনগনি। মীওই খরনা হৌজিকসু পক্কাগী য়ুম অমা শাবা ঙমদনা লৈরি। ঐহাক্না মসি নীংথিনা খঙই। অমসুং ঐহাক্না নখোয়দা মসি হায়জগে হায়না লাকখি মদুদি চহি অসিগী বজেৎতা লৈবাক অসিদা য়ুম লাখ ৮০ হেন্না শানবা শেল এল্লোকেৎ তৌনবা প্রোবিজন অমা হাপখি। মসিদগী মধ্য প্রদেশকী ইমুং লাখ কয়ানা শোইনা কান্নবা ফংবা ঙম্লগনি। হৌজিক ফাওবদা স্কিম অসিগীদমক লুপা করোর লাখ ২.২৫ হেন্না চাদিং তৌখ্রে। শেল অসি খুঙ্গংশিংদা শীজিন্নখি। মসিনা খুঙ্গংগী শেন্মীৎলোন্দা মপাঙ্গল হাপখি। য়ুম অমা শাবা মতমদা মসিদা শীজিন্নরিবা চেক-লৈঙোই, সেমেন্ত, য়ুম শাবা মীওই, পুম্নমক লমদম অসিগী ঙাক্তনি। মরম অসিনা পি.এম. আৱাজ য়োজনানা খুঙ্গংশিংদা অনৌবা থবক্কী খুদোংচাবশিংসু পীবা ঙম্লি।

মরুপশিং,

ঐখোয়গী লৈবাক অসিনা নীংখা তম্বা ফংলবা মতুংদা দিকেদ কয়া অসিদা সরকার কয়া থেংনখ্রে। অদুবু অহানবা ওইনা লৈবাক অসিগী মীয়াম্না মখোয়গী অৱা-নুংঙাইদা মখোয়গী মরুপগুম্না খুৎশম্নদুনা মখোয়গা লোয়ননা চৎমিন্নরিবা অদুগুম্বা সরকার অমা অহানবা ওইনা উবা ফংলি। কোরোনাগী অচৌবা খুদোংথিবা অসিদা বি.জে.পি. সরকারনা লায়রবশিংগী কয়াম খনবগে হায়বা অদু অমুক হন্না উৎপা ঙমখি। লেম্না ভেক্সিনেসন তৌবা নত্ত্রগা লায়রবশিংদা লেম্না রাসন ফংহনবা ওইরবসু অমসুং হৌজিকসু শিবরাজজীনা অকুপ্পা মরোল হায়বীখ্রে। নুমিৎ নিনিগী মমাংদা ঐখোয়না পুন্না মথংগী থা ৬ অমগা প্রধান মন্ত্রী গরিব কল্যান অন্ন য়োজনা অসি মখা চত্থনবা ৱারেপ লৌখি। মসিনা লায়রবশিংগী য়ুমদা চাকশংগী মৈ মুৎহল্লোই। মমাংদা মালেম অসিদা কোরোনানা মরম ওইরগা অৱাবা কয়া তাখি, অমসুং ঙসি মালেম পুম্বা অসি লমফম অমগুম্না লৈরি। মসিনা মরম ওইরগা শেন্মীৎলোনগী পথাপশিংদা অনৌবা খুদোংচাদবা কয়া অমা থোরকহল্লি। ভারতকী প্রজাশিংগী পোৎলুম করম্না হন্থহনগনি হায়বা অসিদা লৈবাক অসিগী প্রজাশিংদা মতেং পাংনবা খোঙথাংশিং পাইখৎলি।

ইচিল-ইনাওশিং,

চহি ১০০দা থোকপা খ্বাইদগী চাউনা লাইচৎ অসিদা ঐখোয়গী সরকারনা লায়রবশিংদা লেম্না রাসন ফংহন্নবগীদমক লুপা করোর লাখ ২গা লিশিং ৬০ চাংদিং তৌখি। মথংগী থা ৬ অসিদা মসিগীদমক লুপা করোর লিশিং ৮০ অমগসু চাদিং তৌরগনি। মমাংদা মীয়ামগী শেলশিং অদুবু মৎপীখিবা মীওইশিং, মীয়ামগী শেলশিংনা মখোয়গী শেনখাও থলহনখিবা মীওইশিং, হায়রিবা মীওইশিং অসিনা ঙসিসু স্কিম অসিগী মতাংদা ফগী-জুগাই ওন্থোক্তুনা, অরানবা ৱাফমশিং শন্দোক্তুনা, মীয়ামদা ৱাখল চম্মনহন্নবা হোৎনরি। ঙসি ঐহাক্না লৈবাক অসিদা ৱাফম অমা থমজগে। নখোয়না মু্ন্না তাবীয়ু।

মরুপশিং,

মীওইশিং অসিনা সরকার পাইরিঙৈ মতমদা মখোয়গী মশিং করোর ৪ অসি লায়রবশিংগী রাসন লুত তৌবা য়াম্না চাউরবা মশিংনি। লৈতবা মীওইগী শাশিন্নবা মমিং করোর ৪ শেমখি। অসিগুম্বা মীওই করোর ৪ অসি চেদা য়াওহনখি। শাশিন্নবা করোর ৪ অসিগী মমিংদা রাসন লৌখি, বাজারদা য়োন্থোকখি অমসুং মসিদগী লাকপা শেল অদু মীওইশিং অসিগী ব্লেক একাউন্তশিংদা য়ৌহনখি। ২০১৪দগী সরকার পাইরকপা অসিদগী হৌনা ঐখোয়গী সরকারনা লায়রবশিংদা মখোয়গী ফংফম থোকপা হকশিং ফংহনবগীদমক শাশিন্নবা মমিংশিং থিবা অমসুং মখোয়বু রাসনগী লিস্ততগী লৌথোকপা হৌখি। মমাংগী মতমশিংদা মখোয়না লায়রবশিংগী ময়াদগী চিঞ্জাকশিং মুনবীদুনা থা খুদিংগী মখোয়না লুপা করোর লিশিং কয়া লুত তৌখি। রাসন দুকানশিংদা মোদর্ন মেছিনশিং থমদুনা ঐখোয়না রাসনশিং অসি হুরান্দনবা হোৎনরি। মেছিনশিং থম্নবা ঐখোয়গী কেম্পেন অসি হৌদোকপদা মখোয়না নোক্নখি হায়বা নখোয়নসু খঙলিবদুনি। করি মরমগীদমক, মরমদি মেছিন অসি থম্লবদি করিগুম্বা মীওইশিং অদুনা মদুদা খুবি শোই তৌরবদি অশেংবা অদু থোরক্লগনি অমসুং মদু লেপ্পা তাই হায়বা অসিননি, অদোম্না রাসন ফংণবা খুবি নম্বা তারবদি কোরোনা লৌনরক্কনি হায়না ফাওবা হায়খি। অসিগুম্বা অরানবা ৱাফমশিং শন্দোকখি। ঐখোয়গী সরকারনা অসিগুম্বা শাশিন্নবা নমথকশিং অসি লেপহনখি। রাসন দুকানশিংদা ত্রান্সপরেন্সী লৈতবা তারবদি, করিগুম্বা শাশিন্নবা মীওই করোর ৪গী মমিং অসি লৌথোক্তবা তারবদি, কোরোনাগী অৱাবা তানফম অদুদা লায়রবশিং অসিগী করি ফীভম ওইরমগনি। বি.জে.পি. সরকারনা লায়রবশিংগীদমক অয়ুক অমদি নুমিদাং কত্থোক্তুনা থবক তৌদুনা লাকখি।

চিল ইনাওশিং,

অজাদীকী অমৃতকাল অসিদা তঙাইফদবা খুদোংচাবশিং বেনিফিসরী খুদিংমক্তা অথুবা মতমদা য়ৌহনবা হায়বসি ঐখোয়গী অপাম্বনি। হায়রিবা থবক অদুগী থৌনাদা ঐখোয়না স্কিমশিং অসি সেচুরেসন তৌনবা হায়বদি স্কিম অমমমগী চাদা ১০০ বেনিফিসরীশিংদা য়ৌহন্নবা পান্দমদা ঐখোয়না থবক পাইখৎলি। খুঙ্গংশিংদা লৈরিবা স্কিম অসিগী বেনিফিসরিশিংদা খুদোংচাবা অসি ফংহন্নবা ঐখোয়না থবক পাইখৎলিবনি। সেচুরেসন অসিগী পান্দমগী খ্বাইদগী খুদোংচাবা অসি স্কিম অসিগী কান্নবশিংদগী লাইরবা অমত্তা চিথহন্দবা অমসুং সরকারনা মীপুম খুদিংদা য়ৌশিনবনি।  মসিনা হন্থনা য়েংবীবগী খুদোংচাবা অদু পীররোই, করপ্সন তৌবগী খুদোংচাবা অদু ফংহল্লরোই। ঙসিদি সমাজগী অরোইবা পরিংদা লৈরিবা মীওই অদুদা কান্নবা ফংহন্নবা পোলিসী অমা শেমগদবনি। 

মরুপশিং,

ঐখোয়না খুঙ্গংশিংগী থৌদাংসু লেপ্পা লৈতনা হেনগৎহল্লি। মতম শাংনা খুঙ্গংগী শেন্মীৎলোন অসি শুপ্নগী লৌউ-শিংউ খক্তগী মীপান তাংলমখি। ঐখোয়না লৌউ-শিংউ, লৌমীশিং, শা-শন লোইবশিংবূ দ্রোনগুম্বা মোদর্ন তেক্নোলোজী অমসুং নেচরেল ফার্মিংগুম্বা অরিবা পথাপ অসি শীজিন্ননবা মাইকৈদা পুক্নিং থৌগৎলি, মসিগা লোয়ননা, ঐখোয়না খুঙ্গংগী অতোপ্পা তৌবা ঙম্বশিং অদুসু হেনগৎহল্লি। মতম শাংনদগী খুঙ্গংগী য়ুমথোংশিংদা অমসুং খুঙ্গংগী লমদা চত্থবা শেন্মীৎলোনগী থবক থৌরমশিং অসি য়াম্না য়ামদে। মরমদি খুঙ্গংগী লন-থুম অসি অফবা মওংদা শিন্দোক্লমদে। মরম অদুনা খুঙ্গংদা বিজিনেস তৌনবা, ইন্দস্ত্রিশিং অমসুং এন্তর্প্রাইজেসশিং লিংখৎনবা বেঙ্কতগী লোন লৌবদা য়াম্না অৱাবা মায়োক্নরম্মি। হৌজিক্তি ওনর্শীপ স্কিমগী মখাদা খুঙ্গংগী য়ুমশিংগী লিগেল দোক্যুমেন্তশিং শেম শারে। মধ্য প্রদেশকী জিলা খুদিংমক্কী খুঙ্গং লিশিং ৫০ হেনবদা সর্ভে পাংথোকখ্রে। খুঙ্গংগী মীওই লাখ ৩ হেনবদা মখোয়গী প্রোপর্তী কার্দশিং খুৎশিন্নখ্রে। মসিগী প্রোভিজন অসিনা লম অমসুং য়ুমগা মরী লৈনবা চয়েৎনবশিং হন্থহল্লগনি অমসুং ঐহাক্না থমখিবগুম মথৌ তারকপা মতমদা বেঙ্কতগী মতেং লৌবদা লাইথোকহল্লগনি।  

মরুপশিং,

ঙসি ঐহাক্না অতোপ্পা অহেনবা থবক অমগী সিভরাজ জীগী সরকার অসিবু থাগৎপা ফোঙদোকচনীংই। চানবা চেং-হৱাই সরকারনা লৈশিনবগী থবক্তা এম.পি.না শীংথানীংঙাই ওইরবা থবক অমা পাংথোকখ্রে, অনৌবা রেকোর্দ অমা থমখ্রে, লৈবাক অসিগী রাজ্য কয়া তুংওইননা থনম্লে। ঙসিদি এম.পি.গী লৌমীশিংগী বেঙ্ক একাউন্তশিংদা হান্নদগী হেন্না শেনফম কয়ামরুম পীরি, সরকারগী লৈশিন্নবা সেন্তরশিংগী মশিং হেনগৎলক্লি। পি.এম. কিসান সম্মান নিধিনা অপীকপা লৌমীশিংদা মতেং কয়ামরুম পাংলি। এম.পি.গী অপীকপা লৌমী লাখ ৯০দা মখোয়গী অপীকপা চাদিংশিংগী লুপা করোর লিশিং ১৩ হেন্না পীখ্রে।   

মরুপশিং,

মতম অসিদা লৈবাক অসিনা নীংখা তম্বগী অমৃত মহোসবকী থৌরম পাংথোক্লি। ইমা ভারতকী থৌনা ।ঐরবা মচানুপা অমসুং মচানুপী করোর কয়ানা ঐখোয়বু নীংতম্বা ফংহন্নবা মখোয়গী থৱাই অমসুং নুংঙাংইবা অদু কত্থোকখি। মসিগী থৱাই কৎখিবা অদুনা ঐখোয়না ঙসি হিংলিবা মনীংতম্বা পুন্সি অসি ফংহল্লিবনি। মসিগী অমৃত মহোসব অসিদা ঐখোয়গী লাক্কদৌরিবা চারোন-শুরোনশিং অসিদা ঐখোয়না করিগুম্বা খরা পীরমগনি হায়বা ৱারেপ অসিগা ঐখোয়না মাংলোমদা চংশিনগদবনি। মসিগী মতম অসিগী মনুংদা ঐখোয়না পাংথোকখিবা থবকশিং অসিনা লাক্কদোরিবা চারোন-শুরোনশিং অদুদা ইথিল পীগদবা ওইহনগদবনি, মখোয়দা ঐখোয়গী থৌদাংশিং নীংশিংহনগদবনি অমসুং মসি য়াম্না মরুওই। হৌজিক ওইরিবা অসুম্না ঐখোয়না থবক অমা পুন্না পাইখৎপা ঙমগনি। অদুগা ঙসিদি ঐহাক্না মধ্য প্রদেশকী ইমুং লাখ কয়ামরুমগা ৱারী শাবা ফংজরে। ঐহাক্না অসিগুম্বা মশিং য়াম্লবা মীওইশিং অসিগা ৱারী শাবা মতমদা ঐহাক্না ৱারোইশিন অমা শোয়দনা হংগনি। চহি অসিগী অনৌবা চহিনা হৌরবা নুমিৎ ২-৪গী মনুংদা চহি অসিগী প্রতিপাদা হৌরগনি, মসিদগী মথংগী প্রতিপাদা ফাওবদা ঐখোয়না থা ১২ লৈ হায়বদি নুমিৎ ৩৬৫ লৈরি। নীংখা তম্বগী অমৃত মহোসব নীংশিংবা ওইবা ঐখোয়গী তুংগী চারোন-শুরোন্দা করিগুম্বা খরা পীনবা ঐখোয়গী ৱারেপ অদুবু থুংহন্নবা জিলা খুদিংমক্তা অমৃত সরোভর ৭৫ শানবা ঐখোয়না ৱারেপ লৌরসি অমসুং করিগুম্বা ওইথোক্লবদি মসিগী অমৃত সরোভর অসি জিলা খুদিংমক্তা অনৌবা ওইহনবা পাম্মি। হোয়, ঐখোয়না সরকারগী শেমগৎ শাগৎপদগী লাকপা এম.এন.আর.ই.জি.এ.গী শেনফমগী তেঙবাংসু লৌবা য়াই। নীংখাতম্বগী অমৃত মহোসবতা জিলা খুদিংমক্তা অমৃত মহোসব ৭৫ শেমগৎপনা লাক্কদৌরিবা চারোন-শুরোনশিং অসিগী য়াম্না কান্নবা ওইগনি। মসিদগী ঐখোয়গী ইমা পৃথীবি অসিনা কান্নবা কয়ামরুম ফংগনি অমসুং মসি ইমা পৃথীবি অসিনা ইখৌ লাংনা ঙাইরি। ঐখোয়না ঈশিং অঙকপা ফংনা লৌথোকখ্রে, ইমা পৃথীবি অসিগী মচাশিং ওইনা ইমা অসিগী অরাম খৌরাংবা অসি কোকহনবা হায়বসি ঐখোয়গী ইথৌদাংনি। অদুগা মসিনা মরম ওইরগা মহৌশাগী পুন্সিদা অনৌবা ইনর্জী অমা লাক্লগনি, অনৌবা ৱাখন তাবা অমা লাক্লগনি। মসিনা অপীকপা লৌমীশিংদা, নুপীশিংদা কান্নবা ফংহল্লগনি, মসিদা নত্তনা শা-সনশিং অমসুং উচেকশিংদা ঐখোয়না পীবা মীনুংশিংগী থৌজাল অমসু ওইরগনি। জিলা খুদিংমক্তা অমৃত সরোবর ৭৫ শেমগৎপা হায়বসি মীওইবা খুনাইগী অচৌবা থৌদাং অমনি অমসুং মসি ঐখোয়না পাংথোক্কদবনি। ঐহাক্না রাজ্য সরকার, লোকেল বোদী অমসুং পঞ্চায়ত খুদিংমক্তা হায়রিবা মাইকৈ অসিদা থবক পাইখৎনবা পাউজেল পীজরি। 

মরুপশিং,

হৌজিক ভারতকী মশেক মঙাল লৈবা তুংলমচৎ অমা শেম্নবা মতমনি। ভারতকী মশেক মঙাল লৈবা তুংলমচৎ অমা হায়বসি লায়রবা ইমুংশিংনা নুংঙাই য়াইফবা তুংলমচৎ অমা লৈরবা মতমদতা ওইথোক্কনি। মসিগী অনৌবা য়ুম অসিনা অদোমগী ইমুংদা অনৌবা লম্বী অমা পীবা ওইরসনু, অনৌবা পান্দম অমগী মাইকৈদা চৎপদা অদোমদা থৌনা পীরসনু, অদোমগী অঙাংশিংদা মহৈ মশিং, স্কিল অমসুং থাজবা পীবা ওইরসনু, মসিগী য়াইফ-পাউজেল অসিগা লোয়ননা বেনিফিসরী খুদিংমকপু মসিগী য়ুম খুৎশিন্নবা অসিগী হন্না হন্না য়াইফ-পাউজেল পীজরি- হন্ন-হন্না থাগৎপা ফোঙদোকচরি। 

থাগৎচরি !

Share your ideas and suggestions for 'Mann Ki Baat' now!
Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
India saw 20.5 bn online transactions worth Rs 36 trillion in Q2

Media Coverage

India saw 20.5 bn online transactions worth Rs 36 trillion in Q2
...

Nm on the go

Always be the first to hear from the PM. Get the App Now!
...
PM condoles loss of lives due to accident on the Bandra-Worli Sea Link, Mumbai
October 05, 2022
Share
 
Comments

The Prime Minister, Shri Narendra Modi has expressed anguish after the loss of lives due to an accident on the Bandra-Worli Sea Link in Mumbai. The Prime Minister also prayed for the speedy recovery of those injured.

The Prime Minister’s Office tweeted;

“Pained by the loss of lives due to an accident on the Bandra-Worli Sea Link in Mumbai. Condolences to the bereaved families. I hope that those who have been injured have a speedy recovery.”