Share
 
Comments
প্রধান মন্ত্রীনা থৌরম অসিদা নীংশিং শেনয়েক অমসুং পোস্তেজ স্তাম্প ফোঙখি
“লৈবাক অসিনা শীংথানীংঙাই ওইরবা গুরুশিংগী পাউতাক মতুং ইন্না তুংলমচত্তা খোঙদারী”
“চহি ১০০ মীখা পোল্লবা মতুংদা ফংখিবা ভারতকী নীংতম্বগা মসিগী স্পিরিচুএল অমসুং কলচরগী খোঙচত্তগী তোঙান্না খাইদোকপা য়ারোই”
“ঔরংজেবকী তমথীবা ৱাখল্লোগী মাঙদা, গুরু তেঘ বহাদুরজীনা ‘হিন্দ দি চাদর’গী শক্তম লাংখি”
“ঐখোয়না অনৌবা ভারতকী মঙালদা গুরু তেঘ বহাদুরজীগী থৌজালবু মফম খুদিংদা উবা ফংলি”
“ঐখোয়না ‘এক ভারত’ অসিবু গুরুগী লৌশিং অমসুং থৌজালগী মওংদা মফম খুদিংদা উবা ফংলি”
“ঙসিদি, ভারতনা মালেমগী তংদু লৈতাদবা ফিভম কয়াগী মরক্তা লৈরবফাওবা মশাগী তংদু লৈতাবা ফিভমগা লোয়ননা শান্তি পুরক্নবা তকশিল্লি অমসুং ভারতনা মশাগী ঙাকশেলগীদমক্তা খোঙফম চেৎলি”

ৱাহে গুরুকীগী খালসা।

 

ৱাহে গুরিজীগী মাইপাকপা।

 

ফম্পাক অসিদা ফম্মিবা মশক নাইবা মীওইশিং, থৌরম অসিদা শরুক য়াবীরিবা মীওইশিং, মালেম পুম্বদগী ভর্চুএল ওইনা শরুক য়ারিবা মশক নাইবা মীওই পুম্নমক!

 

গুরু তেগ বহাদুরজীগী ৪০০শুবা প্রকাশ পরবদা কত্থোকখিবা অচৌবা থৌরম অসিদা ঐহাক্না ময়ামবু তরাম্না ওকচরি। ঐহাক্না হৌজিক শবদ কীর্তন তাবদা ফংখিবা নুংঙাইবা অদু ৱাহৈনা ফোঙদোকপা ঙম্লোই।

 

ঙসি ঐহাক্না গুরুদা কত্থোকপা নীংশিং শেনয়েক অমসুং পোস্তেজ স্তাম্প অমা ফোঙবগী খুদোংচাবা অমসু ফংজরি। ঐহাক্না মসি ঐখোয়গী গুরুশিংগী অখন্নবা থৌজাল অমনি হায়না লৌজৈ। মমাংদা ২০১৯দা ঐহাক্না গুরু নানক দেবজীগী ৫৫০শুবা প্রকাশ পরব অমসুং ২০১৭তা গুরু গোবিন্দজীগী ৩৫০শুবা প্রকাশ পরব পালন তৌবগী খুদোচাবা ফংজখি।

 

ঙসি ঐখোয়গী লৈবাক অসিনা ঐখোয়গী গুরুশিংনা তাকপী-তম্বীরম্বা ৱাখল্লোনশিং অদুদা মপুং ফানা কত্থোক্তুনা মাংদা চংশিল্লিবা অসিদা ঐহাক্না নুংঙাইবা পোকই। য়াইফরবা থৌরম অসিদা ঐহাক্না গুরু তরাগী খুয়া খাদা ইকোক নোন্না খুরুমজরি। ময়াম পুম্নমক্তা, ইরৈবাকচা পুম্নমক্তা অমসুং গুরুবানীদা থাজবা থম্বা মীওই পুম্নমক্তা ঐহাক্না প্রকাশ পরবগী থৌরমনা লাকপদা য়াইফ-পাউজেল পীজরি।

 

মরুপশিং,

 

লাল কিলা অসিনা মরু ওইবা মতম কয়াগী শাখি ওইরি। লানবন অসিনা গুরু তেগ বহাদুরজীনা থৱায় থাখিবা অদু উখি অমসুং লৈবাক অসিগীদমক থৱায় থাখিবা মীওই কয়াবুসু উখি। নীংতম্বা ফংখিবা চহি ৭৫ শুরক্লবা মতুংদা মফম অসিদা ভারতকী মঙাল কয়াগী কোন্থংনা নীংলরে। মরম অসিনা থৌরম অসিনা আজাদী কা অমৃত মহোৎসবকী মনুংদা থৌরম অসি লাল কিলাদা পাঙথোকপা অসিনা মসিবু য়াম্না অখন্নবা ওইহল্লি।

 

মরুপশিং,

 

ঐখোয়গী নীংতম লান্মী কয়া-কয়ানা কত্থোকখিবশিং অদুনা মরম ওইরগা ঐখোয়না ঙসি মফম অসিদা য়ৌবা ঙম্লিবনি। নীংতম্বা ভারত অমা, মশাগী ৱারেপ লৌজবা ঙম্বা ভারত অমা, গন্ত্র চৎপা ভারত অমা, মালেমদা লৈত-লায়রববু তেংবাংবগী পাউজেল শন্দোক্লিবা হিন্দুস্তান অমগী মঙলান অদু থুংহন্নবা মীওই কয়ামরুম্না মখোয় মশাবু কত্থোকখি।

 

মসিগী ভারতভুমি অসি শুপ্নগী লৈবাক অমা খক্তা নত্তে, মাগী অথোইবা লন অমসুং অথোইবা চৎনবী লৈজৈ। ঋসিশিং, লম্বোইবশিং অমসুং গুরুশিংনা চহি লিশিং কয়া তপ্যা তৌদুনা মগুন হাপখি, মহাক্কী ৱাখল্লোন মগুন হাপখি। চৎনবী অসিবু ইকাই খুম্নবা উৎনবা গুরু তরানা মাগী শক্তাক ঙাকচনবগীদমক মখোয়গী পুন্সি কত্থোকখি।

 

মরম অসিনা মরুপশিং,

 

চহি কয়া মীনাই-নাইথাং ওইদুনা লৈরম্বা অদুগী নীংখা তম্নবা হোৎনবা অসি ভারতকী নীংতম্বা, ভারতকী স্পিরিচুএল অমসুং কলচরগী ওইবা খোঙচৎতগী কৈদৌঙৈদা তোখাইনা উবা য়ারোই। মরম অসিনা ঙসি লৈবাক অসিনা আজাদী কা অমৃত মহোৎসব পালন তৌরিবা মতম অসিদা মান্নবা ফিরেপশিংগা লোয়ননা পুন্না গুরু তেগ বহাদুরজীগী ৪০০শুবা প্রকাশ পরব পাঙথোক্লি।

 

মরুপশিং,

 

ঐখোয়গী গুরুশিংনা মতম চুপ্পদা লৌশিং অমসুং স্পিরিচুএলিতীগা লোয়ননা খুন্নাই অমসুং কলচরগী থৌদাং লৌদুনা লাকখি। মহাক্না শক্তি অসি শেবা তৌনবগী পাম্বৈ অমা ওইহনখি। গুরু তেগ বহাদুরজী পোকখিবদা গুরুগী মপাবুংনা অসুম্না হায়খি -

“তিন রচ্ছ সঙ্কত হরন”।

হায়বদি, অঙাং অসি অথোইবা থৱায় অমনি। মহাক্না ওৎ-নৈবীরবশিংবু ঙাকশেনগনি, অৱাববু মাইথিবা মীশক অমা ওইগনি। মরম অসিনা শ্রী গুরু হরগোবিন্দনা মহাক্কী মমিং ত্যাগমল হায়না থোনখি। মসিগী কত্থোকপা অসি গুরু তেগ বহাদুরজীনা মহাক্কী পুন্সিদসু উৎখি। গুরু গোবিন্দ সিংহনা মহাক্কী মরমদা অসুম্না ইরমখি-

 

“তেগ বহাদর সিমরিয়ে, গর নো নিধি আবৈ ধাই।

 

সব থাই হোই সহাই”।

ৱাহন্থোক্তি, গুরু তেগ বহাদুরজীগী সুমিরনদগী সিদ্ধি পুম্নমক মশানা মশক উৎচরকই। গুরু তেগ বহাদুরজীদা অদুগুম্বা থোইদোকপা লাইনীংগী ওইবা মগুন চেনখি, মঙোন্দা মগুল লৈরবা তোপ-তোপ্পা মহৈ চেল্লি।

 

মরুপশিং,

 

মফম অসিদা লাল কিলাগী মনাক অসিদা গুরু তেগ বহাদুরনা অমর ওইরবা কত্থোকখিবা অদুগী খুদম অমা ওইরিবা গুরুদ্বারা শিশগঞ্জ সাহিবসু লৈ। মসিগী গুরুদ্বারা অসিনা ঐখোয়দা ঐখোয়বগী অচৌবা কলচর অসিবু ঙাকশেন্নবগীদমক গুরু তেগ বহাদুরনা করম্না কত্থোকখিবগে হায়বা অদু নীংশিংহল্লি। মতম অদুদা লৈবাক অসিদা লাইনীংবু হকচিন্না লৌবা মীওই কয়া লৈরমখি। ঐখোয়গী ভারতকী মাংদা লাইনীং অসি ফিলোসোফী, সাইন্স অমসুং সেল্ফ-রেসর্চকী হীরম অমা ওইনা লৌবা, লাইনীংগী মীংদা হিংশা অমসুং তমথিবা থবক চত্থবা মীওই কয়া লৈরমখি। মতম অদুদা ভারতনা গুরু তেগ বহাদুরজীগী শক্লোনদা মাগী শক্তাক কনজনবা অচৌবা আশা অমা ফংজখি। ওরঙ্গজেবকী তমথীরবা ৱাখল্লোনগী মাংদা গুরু তেগ বহাদুরনা ‘হিন্দ দি চাদর’গী শক্লোন লৌখি অমসুং নুংগুম্না লেপখি। পুৱারীনা শাখিনি, হৌজিক্কী মতম অসিনা শাখিনি অমসুং লাল কিলা অসিনা শাখিনি মদুদি ওরঙ্গজেবনা মীগী মঙক কয়া ককখি, অদুবু ঐখোয়গী লাইনীংদা হোংহনবা ঙমখিদে। গুরু তেগ বহাদুরনা কত্থোকখিবা অদুনা মীরোল কয়াদা লৈবাক্কীদমক হিংনবা অমসুং মখোয়গী চৎনবী ঙাক্নবা থৱায় থানবা ইথিল পীদুনা লাকখি। অচৌবা শক্তিশিং মাংখ্রে, অচৌবা নোংলৈ কয়া তমথখ্রে অদুবু ভারতনা ঙসিসু অমর ওইনা লৈরি, ভারতনা মাংদা চংশিল্লি। ঙসি অমুক হন্না মালেমনা মীওইবা খুন্নাইবু লমজিংনবা লম্বী তাক্নবগী আশাদা ভারত্তা মীৎয়েং থম্নরক্লি। ঐখোয়না ‘অনৌবা ভারত’কী ওইরিবা ফীভম অসিদা মফম খুদিংদা তেগ বহাদুরজীগী থৌজালশিং অদু ফাওবা ফংলি।

 

ইচিল-ইনাওশিং,

 

ঐখোয়গী মাংদা অনৌবা শীংনবা অমা হেক্তা থোরকপা মতমদা, অনৌবা লম্বীদা লমজিংদুনা অরিবা লৈবাক অসিদা মাইকৈ তাক্নবা অথোইবা থৱায় খরা থোরকই। রিজন খুদিংদা, ভারতকী কাচিন-কোয়া খুদিংদা ঐখোয়গী গুরুশিংগী ইথিল অমদি লৌশিংনা ঙালহল্লি। গুরু নানক দেবজীনা লৈবাক পুম্ববু লংলা অমনা পুনশিনবীরমখি। গুরু তেগ বহাদুরগী তুংইনবশিং মফম খুদিংদা লৈ। গুরুশিংগী লৌশিং অমসুং থৌজালশিংগী শক্লোন লৌদুনা মফম খুদিংদা, পতবাগী পতনা সাহিব অমসুং দিল্লীগী রকাবগঞ্জ সাহিবতা ‘এক ভারত’ উবা ফংলি।

 

ইচিল-ইনাওশিং,

 

গুরুশিংগী শেবা তৌজনবা খুদোংচাব ফংজবা অসিদা ঐহাক্না ঐহাক্কী সরকার অসি লাইবক ফৈ হায়না লৌজৈ। হৌখিবা চহিমক্তদা ঐখোয়গী সরকারনা দিসেম্বর ২৬ অসিবু ভীর বাল দিবস হায়না সাহিবজাদশিংনা কত্থোকখিবশিং অদুবু নীংশিংবা ওইনা পালন তৌনবা ৱারেপ লৌখি। ঐখোয়গী সরকারনা সিখকী লাইনীংগী ওইবা লাইফমলেনশিং শম্নহন্নবা খোঙথাংশিং লেপ্পা লৈতনা পাইখৎলি। দিকেদ কয়া ঙাইদুনা লৈরক্লবা করতারপুর সাহিব কোরিদোর শাদুনা ঐখোয়গী সরকারনা গুরু সেবগীদমক ৱাশকখিবা অদু ঙাকখি। ঐখোয়গী সরকারনা পতনা সাহিব য়াওনা গুরু গোবিন্দজীগা মরী লৈনবা মফমশিংদা মতমগা চুনরবা রেল ফেসিলিতীশিং ফংহনখি। ‘স্বাদেশ দর্শন য়োজনা’গী খুত্থাংদা পঞ্জাবকী অনন্দপুর সাহিব অমসুং অমৃতসরগী অমৃতসর সাহিব য়াওনা মরু ওইবা মফম পুম্নম শম্নহন্নবা পিলগ্রিমেজ সর্কিৎ অমা শেগৎলি। উত্তরাখন্দদা হেমকুন্দ সাহিবকীদমক রোপৱে শাবগী থবক চত্থরি।  

মরুপশিং,

 

শ্রী গুরুগ্রন্থ সাহিবজী অসি ঐখোয়গী ওইনদি ইশাবু মশক খঙজনবা লমজিংলিবা লোয়ননা ভারতকী দাইভর্সিতী অমসুং য়ুনিতীগী হিংদুনা লৈরিবা খুদম অমা ওইরি। মরম অসিনা অফঘানিস্তান্দা ইরাং অমা থোকপা মতমদা ঐখোয়গী শেংলবা গুরু গ্রন্থ সাহিবকী স্বরুপশিং অমুক হন্না পুরক্নবা হোৎনখি, ভারত সরকারনা অঙম্বা থাক্তা হোৎনখি। ঐখোয়না ইকাই খুম্নবগা লোয়ননা কোকথক্তা হাপতুনা শ্রী গুরু গ্রন্থ সাহিবকী স্বরুপশিং পুরকখি। মসিতা নত্তনা অৱাবা তারবা ঐখোয়গী সিখ ইচিল-ইনাওশিংসু কনখি। সিতিজেন অমেন্দমেন্ত এক্ত অসিনা য়ুমলোন্নরিবা লৈবাকশিংদা লৈরিবা সিখ অমসুং মশিং য়ামজদবা কাংলুপশিংবু লৈবাক অসিগী সিতিজেনশিপ ফংনবগী লম্বী অমা পীরি। পুম্নমক অসি ঐখোয়গী গুরুশিংনা মীওইবা খুন্নাই হান্না হায়বা ৱাখল্লোনশিং তাকপীরম্বা অদুনা ওইথোকপা ঙম্বনি। নুংশি-চান্নবা অমসুং শন্তি লৈবা হায়বা অসি ঐখোয়গী চৎনবীনি।

মরুপশিং,

 

ঐখোয়গী গুরুগী খোলাওদি,

 

ভৈ কাহু কো দেত নহি,

নহি ভৈ মানত আন।

 

কহু নানক সুনি রে মনা,

জ্ঞানী তাহি বখানি।

 

হায়বদি, লৌশিং লৈবা হায়বা অসি কনাগুম্ববু কিহনবা তৌদে, নত্ত্রগা মহাক মশানা কনাবুসু কীদে। ভারতনা লৈবাক নত্ত্রগা খুন্নাই অমত্তদা অকী-অখং পীখিবা লৈতে। ঙসিমকসু ঐখোয়না মালেম পুম্বগী য়াইফনবা খল্লি। অপাম্বা অমা খক্তা লৈ। করিগুম্বা ঐখোয়না আত্মনির্ভর ভারতকী মতাংদা ৱারী শাবা মতমদা মালেম পুম্বনা চাউখৎপা হায়বা পান্দম অসি মাংদা থমখি। ভারতনা মালেমদা য়োগ শন্দোক্লিবা অসি মালেম পুম্বনা হকচাং ফবা অমসুং শান্তি লৈবা ওইহনবা পাম্বদগীনি। ঐহাক্না ঙরাং খক্তা গুজরাত্তগী হল্লকখি। মফম অদুদা ৱর্ল্দ হেল্থ ওর্গনাইজেসনগী গ্লোবেল সেন্তর ফোর ত্রেদিস্নেল মেদিসিন উরেপ-উয়ুং তমখি। হৌজিক ভারতনা মালেমগী কাচিন-কোয়া শিনবা থুংবদা ত্রেদিস্নেল মেদিসিনগী লান্নবশিং ফংহল্লগনি, মীয়ামগী হকশেল ফগৎহনবদা মরু ওইবা থৌদাং লৌরগনি।

মরুপশিং,

 

ঙসি ভারতনা মালেমদা লান থোক্লিঙৈ চৈরক অসিদা শান্তি অমদি তংদু লৈতাবা ফীভম অমদা পুরক্নবা হোৎনরি। অমসুং ভারতনা মশাগী ঙাকশেলগীদমক ঙসিসু খোঙফম চেৎনা লেপ্পি। ঐখোয়গী মাংদা ঐখোয়দা গুরুশিংনা তাকপীরম্বা অথোইবা সিখকী চৎনবী অদু লৈরি। অরিবা ৱাখল্লোনশিং, অরিবা স্তেরিওতাইপশিং লৌথোক্লদুনা গুরুশিংনা অনৌবা ৱাখল্লোনশিং মাংদা পূথোক্লি। মখোয়গী তুংইল্লিবশিংনা মদুবু ইনখি অমসুং মদুদগী তমজখি। অসিগুম্বা অনৌবা ৱাখল্লোন খনবগী থৌওং অসিমক্না ৱাখল খনবগী অনৌবা থৌওং ওইখি। অনৌবা ৱাখল্লোন খনবা, লেপ্তনা শু-নোম্বা অমসুং হোৎনবা অমসুং ১০০%গী চাংদা ৱাখল চেৎপা হায়বসিনা ঙসি ফাওবদা ঐখোয়গী সিখ খুন্নাইগী শক্তাক ওইরি। মসিদি নীংতম্বগী অমৃত মহোৎসবকী মতমদা লৈবাক অসিনা লৌবা ৱারেপ্নি। ঐখোয়না ইশাগী শক্তাক্কীদমক্তা চাউথোকচগদবনি। ঐখোয়না লোকেলগীদমক্তা চাউথোকচগদবনি অমসুং মরোমদোম লেপচবা ঙম্বা ভারত অমা শেমগদবনি। ঐখোয়না মালেমনা মীৎয়েং থম্লিবা , মালেমবু অনৌবা পনখৈ তম্না পুখৎপা ঙম্বা মতিক ময়াই চেনবা ভারত অমা ওইহন্নবা হোৎনগদবনি। লৈবাক চাউখৎহনবা হায়বা অসি ঐখোয় পুম্নমক্কী থৌদাংনি। মসিগীদমক ‘মীপুম খুদিংমক্না শরুক য়াবা’ তঙাই ফদে। গুরুশিংগী থৌজালশিংগা লোয়ননা ভারতনা চাউখৎপগী পন্দোম লোম্বা ঙমগনি হায়না ঐহাক্না থাজৈ। ঐখোয়না নীংতম্বগী চহি চামা শুরকপা মতমদা ঐখোয়গী মাংদা অনৌবা ভারত অমা লৈরগনি।

 

গুরু তেগ বহাদুরজীনা অসুম্না হায়বীরমখি -

 

সাধো,

গোবিন্দ কে গুন আৱো।

 

মানস জন্ম অমোল কপায়ো,

য়্যর্থা কাহে গবাবো।

 

ৱাখল্লোন অসিগা লোয়ননা ঐখোয়না লৈবাক অসিগীদমক্তা ঐখোয়গী পুন্সিগী মীকুপ খুদিংমক কত্থোকপা তাই। পুন্না ঐখোয়না থাজবা অসুগা লোয়ননা লৈবাক অসিবু চাউখৎপগী অনৌবা পনখৈ তম্না পুখৎকদবনি। অমুক হন্না ঐহাক্না পুম্নমক্তা থমোয় শেংনা থাগৎপা ফোঙদোচরি।

 

ৱাহে গুরুজীগী খালসা।

 

ৱাহে গুরুজীগী মাইপাকপা।

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
Using its Role as G-20 Chair, How India Has Become Voice of 'Unheard Global South'

Media Coverage

Using its Role as G-20 Chair, How India Has Become Voice of 'Unheard Global South'
...

Nm on the go

Always be the first to hear from the PM. Get the App Now!
...
PM condoles the passing away of noted economist and former Union minister professor YK Alagh
December 06, 2022
Share
 
Comments

The Prime Minister, Shri Narendra Modi has expressed deep grief over the passing away of noted economist and former Union minister professor YK Alagh.

In a tweet, the Prime Minister said;

"Professor YK Alagh was a distinguished scholar who was passionate about various aspects of public policy, particularly rural development, the environment and economics. Pained by his demise. I will cherish our interactions. My thoughts are with his family and friends. Om Shanti."