Share
 
Comments
Rajmata Scindia proved that for people's representatives not 'Raj Satta' but 'Jan Seva' is important: PM
Rajmata had turned down many posts with humility: PM Modi
There is lots to learn from several aspects of Rajmata's life: PM Modi

খুরুমজরি!

কেন্দ্রগী মন্ত্রীমন্দলদা লৈবিরিবা ঐহাক্কী খোংবুরোই পুম্নমক, তোঙান-তোঙানবা রাজ্যশিংগী রাজ্যপাল, মুখ্যমন্ত্রীশিং, ইরমদম অমদি মীরৈবাক্কা মরি লৈনবা রাজমাতাবু শিংথানবিরিবা মীওইশিং অমদি ইমুং-মনুংগী মীওইশিং, মহাক্না নুংশিবিরম্বা অমদি ঐহাক্কী নুংশিজরবা ইচিল-ইনাউশিং।  

ঙসি থৌরম অসিদা লাক্ত্রিঙৈগী মমাংদা বিজয়রাজেজীগী বাইওগ্রাফীগী মতাংদা য়েংজখি। চেনা খরদা ঐহাক্না উজখি। অপুনবগী খোংচৎকী মতাং অমদনি, মদুদা মহাক্না ঐহাকপু গুজরাতকী লুচিংবা নরেন্দ্র মোদী হায়না শক্তাকপিখি।  

ঙসি চহি কয়াগী মতুংদা মদুগী নরেন্দ্র অদুনা লৈবাক অসিগী খ্বাইদগী মকোক থোংবা থৌগল্লোই ওইদুনা মহাক্কী নিংশিং মমি কয়াগা লোয়ননা অদোমগী মাংদা থোরক্লি। ঐহাক্না কন্যাকুমারীদগীনা কাশ্মিরফাওবগী খোংচৎ অদু হৌখিবা মতমদা দোক্তর মুর্লী মনোহর জৌশীজীনা লমজিংবিখি অমদি ঐহাক্না শিল-লাংলিবা অদু য়েংশিনখি হায়বসি অদোম্না খংবিরমগনি।

রাজমাতাজীনা মদুগী থৌরম অদুগীদমক্তা কন্যাকুমারীদা লাকখি। অদুগা মদুগী মতুংদা ঐখোয়না শ্রীনগরদা চৎখিবা মতমদসু ঐখোয়গা কাইনরমদাইদসু লাকখি। অমদি মহাক্না ঐখোয়বু মতম পুম্বদা থৌনা লৈহনখি। ঐখোয়না লাল চোক্তা ফীরাল পাইহন্নবা তৌবা মতমদা ঐখোয়গী পান্দম অসি ধারা-৩৭০ অসি লৌথোকপা অসিনি। রাজমাতানা মদুগী খোংচৎ অদুদসু কাইনরমদাইগী য়াইফ-পাউজেল পীবিখি।  মহাক্না মংখিবা মংলান অদু মপুং ফারে। ঙসি ঐহাক্না লাইরিক্তা অতৈ খরসু য়েংখিবা মতমদা লাইরিক অদুদা মহাক্না ইবিখি-

নোংমদি হকচাং অসি মফমসিদা লৈহৌগনি, থৱাই অসিনা লাকখিবা মফম অদুদা অমুক হনখিগনি। সিনোদগী সিনোদা। নিংশিংবশিং অদু লৈহৌগনি। ঐখোয়গী নিংশিংবসিং অসি ঐহাক্না ঐহাক্কা মরি লৈনবশিংগীদমক্তা, ঐহাক অসি মখোয়গা মরি লৈনবশিংগীদমক্তা লৈহৌগনি।‘’

ঙসি রাজমাতাজীনা লৈবিরিবা মফম অদুদগী ঐখোয়বু য়েংলি, ঐখোয়দা য়াইফ-থৌজাল পীরি। ঐখোয় খুদিংমক মহাক্কা মরি লৈনবা মীশিংনি, মহাক অসি মরি ওইরিবশিংগী, মখোয়শিং অদুগী মরক্তা ঙসিগী অথোইবা থৌরম অসিদা য়াওবা ঙম্লি অমদি য়াওবসু ঙম্বিরি অমদি লৈবাক অসিগী তোঙান-তোঙানবা শরুকশিংদা, কাচিন-কোয়াদা ঙসিগী থৌরম অসি ভর্চুএল ওইনা পাংথোক্লি।

ঐখোয় ময়াম মরক্তগী মীওই খরা মহাক্কা য়াম্না নক্না লোইনখি, মহাক্কী থৌগল, মাহাক্কী মীনুংশি ফংনবগী তাঞ্জা ফংজখি। ঙসি ইমুং কয়াগী, মহাক্কী নক্নবা মরি-মতাশিংগী ওইনা ঐখোয় খুদিংমক, ইরৈচা খুদিংমক মহাক্কী ইমুং-মনুং ঙাক্তা ওইখি। রাজমাতাজীনা হায়বসু হায়বিরমখি –ঐহাক ইচানুপা অমখক্তগী মমা নত্তে, ঐহাক্তি থৌনা ফবা ইচানুপা খুদিংমক্কী মমানি, মখোয়গী নুংশিবদা লুপ্তুনা লৈজরি‘’ ঐখোয় খুদিংমক মহাক্কী মচানুপা-মচানুপী ঙাক্তনি।

মরম অসিনা ঐহাক লাইবক য়াম্না ফৈ মদুদি ঐহাক্না রাজমাতা বিজয়ারাজে সিন্ধিয়াজীবু নিংশিংবা অসিদা লুপা ১০০গী অথোইবা নিংশিং মমি ওইরিবা শেলয়েক হৌদোক্নবগী খুদোংচাবা ফংজরে। অদুম ওইনমক ঐহাক ঙসি অসি ইপুন-পুনশিনবগুম ফাওরি, য়াম্না পুনশিনবগুম ফাওরি মরমদি কোরোনাগী লায়চৎ অসি লৈরমদ্রবদি ঙসিগী থৌরম অসি কয়াদা চাউনা পাংথোক্লমগদগে, কয়াদা অঙকপা ওইরমগদগে হায়বা ঐহাক খংই। অদুবু ঐহাক মসিমসু খংই মদুদি ঐহাক্কা রাজমাতাগা শম্নখিবা অদুগী মতিক ঙসিগী থৌরম অসি ঙক্নিংঙাই ওইহনবা ঙমখিদ্রে অদুবু লাইগী ওইবা মওংদদি ওইরি, লাইগী ওইবা ৱাফম ওইবা ৱাফম য়াওরি।

মরূপশিং, হৌখিবা চহি চাদা ভারত অসিবু মমাই চুম্লিবা মীওইশিংগী মরক্তা রাজমাতা বিজয়রাজে সিন্ধিয়াসু য়াওখি। মমাঙগী চহিচাদা ভারতপু মায়কৈ তাকপীরম্বা মীওইশিংগী মরক্তা রাজমাতা বিজয়ারাজে সিন্দিয়াসু য়াওরি। রাজমাতাজী অসি মিনুংশি চাউবখক্তা নত্তে। মহাক অসি ফিরেপ চেৎপা অমদি মতিং লৈবা লৈঙাকপী অমসু ওইরম্মি। নীংতম ইহৌদগী হৌরগা নীং তম্লবা মতুং চহী কয়াফাওবা ভারতকী রাজনিতিগী মরুওইবা তাঙ্কক খুদিংদা মহাক্না শাখি ওইখি। নীং-খা তমদ্রিঙৈ মমাঙদা মীরমগী ফিরোলশিং মৈ থাখিবদগী হৌরগা ইমর্জেন্সী মতম অমসুং রাম মন্দিরগী ইহৌ ফাওবা রাজমাতানা থেংনখিবশিং ময়েক লানা লৈরি। মহাক্না শম্নখিবা ঐখোয় খুদিংমক,মহাক্কা নক্না লোইনখিবা খুদিংমক মহাকপু নিংথিনা খংই, মহাক্কা মরি লৈনবা ৱাফম খুদিংমক নিংথিনা খংই। অদুবু রাজমাতাগী পুন্সি খোংচৎ অসিগী মতাংদা, মহাক্কী পুন্সিগী পাউজেল অদুগী মতাংদা লৈবাক অসিগী মীরোল খুদিংদা খংহনবা, মঙৌন্দগী ইনোৎ লৌবা, মঙোন্দগী তম্বা ফংহনবা অসিসু য়াম্না মরুওই। মরম অসিনা  মহাক্কী মতাংদা, মহাক্না খং-উখিবশিংগী মতাংদা হন্না-হন্না হায়বা মথৌ তাই।  নুমিৎ খরনিগী মমাংদা ‘মন কী বাত’কী থৌরমদা ঐহাক্না পাক-শন্না মহাক্কী মহাক্কী মীনুংশিগী মতাংদা হায়খি।

লুহোংদ্রিঙৈগী মমাংদা রাজমাতাজী অসি করিগুম্বা নিংথৌগী ইমুং-মনুংদগী নৎলমখিদে, অচম্বা ইমুংদগী ওইখি।  অদুবু লুহোংলবা মতুংদা মহাক্না পুম্নমকপু মাগীনি খনখি অমদি মীয়ামগী থৌগলগীদমক্তা, লৈবাক্কী থৌদাংগীদমক্তা অথোইবা ইমুং অমদা পোকপগী মথৌ তাদে হায়বগী পারা তম্বিখি।

মতিক চাবা, হৈথোই-শিংথোইবা, লৈবাক্কী থৌগল তৌনিংবগী ৱাখল্লোন লৈবা অচম্বা মী অমা হেক্তনা অসিগী দেমোক্রেসী অসিদা থৌগল তৌনবগী পাম্বৈ ওইবা য়াই। অদোম্না খন্দুনা য়েংবিয়ু পাৱর লৈবা, মরল-মথুম লৈবা, মপাঙ্গল লৈবগী মথক্তা রাজমাতাগী খ্বাইদগী মরল অসি হৌন লোনচৎ খংবা, থৌগল অমদি মীনুংশি লৈবগী ঈচেল অসিনি।

মসিগী ৱাখল্লোন, মসিগী ফীদম অসি মহাক্কী পুন্সিগী খোংথাং খুদিংদা উগনি। অসুক চাউবা নিংথৌগী ইমুংগী মকোক থোংবগী ওইনা মহাক্কী থবক তৌনবা মী লিশিং কয়া অমা, অচৌবা শঙলেন কয়া, খুদোংচাবা পুম্নমক লৈরম্মি।অদুবু মহাক অচম্বা মীওই অমা ওইনা, খুঙ্গং অমদি লাইরবগা লোয়ননা হিংমিন্নখি, মখোয়গীদমক্তা মপুন্সি কত্থোকখি।

মীয়ামগী মীহুৎ ওইনবগীদমক্তা অচৌবগী পাৱর নত্তবদা মীয়ামগী থৌগল অসি খ্বাইদগী মরুওই হায়বসি রাজমাতানা উৎখি। মহাক নিংথৌগী ইমুং-মনুংগী মহারানী ওইরমখি, নিংথৌরোলগী ওইবা চৎনবী লৈরমকি অদুবু মহাক্না দেমোক্রেসী অসিবু ঙাক্ননবা লান্থেংনখি। পুন্সিগী মরুওইবা পুন্সি অদু কৈশুমশঙদা লেনখি।

ইমর্জেন্সীগী মতমদা মহাক্না খাংখিবশিং অদু ঐখোয় ময়ামগী মরক্তগী কয়া অমনা শাক্ষী ওইরি। ইমর্জেন্সীগী মতমদা তিহার জেলদা মহাক্না মচানুপীশিংদা চিথী ইখি। উশা রাজেজী, বসুন্ধরা রাজে নত্রগা য়শোধরা রাজেজীনা চিথী অদু নিংশিংবিরমখিগনি।

রাজমাতানা ইবিরমখিবশিং অদুদগী অচৌবা পারা কয়া তম্বা ফংখি।  মহাক্না ইবিরমখি- অনিংবা কয়া লৈরিবা মীরোলশিংনা মশোং ফন্না হিংনবগী ইনোৎ ফংনবগী পাউজেল অসিনা  ঐখোয়না ঙসিগী অৱাবশিং অসি থৌনা লৈনা খাংগদবনি 

লৈবাক্কী তুংগীদমক রাজমাতানা মহাক্কী মপুন্সি কত্থোক্লমখি। লৈবাক্কী তুংগী মীরোলগীদমক মহাক্না নুংঙাইবা পুম্নমক থাদোকখি।রাজমাতানা ফম, ইজ্জৎ অমদি রাজনীতিগীদমক মপুন্সি লেনখিদে।

ফমথোন্না মহাক্কী মনাক্তা লাকচখিবা মতাং কয়া য়াওখি। অদুবু মহাক্না নোল্লুকপা মওংদা লৌখিরমদে। অমুক্তি জনসংঘগী অধ্যক্ষ ওইননবা অতলজী অমদি আদবানীজীনা হায়খি। অদুবু মহাক্না থৌমী অমা ওইনা জনসংঘগী থৌগল তৌনবগী অয়াবা লৌখি। করিগম্বা রাজমাতাজীনা পাম্বা তারম্লদি অচৌ-অচৌবা ফমথোন ফংবা অসি অরুবা ওইখিদে। অদুবু মহাক্না মীয়ামগা লৈদুনা, লাইরবগা লৈদুনা থৌগল তৌবা পামজখি।  

মরূপশিং, ঐখোয়না রাজমাতাগী পুন্সিগী মতাং খুদিংদগী কয়া অমা তম্বা য়াই। মহাক্কী পুন্সি ৱারী কয়া অমা, পুন্সিগী থৌদোক কয়া মহাক্কা শম্নবা মীশিংনা হায়বিরি।  

মহাক্না জম্মুদা লৈরিঙৈদা অনৌবা থৌমী অনি অমসু লৈখিবা খোংচৎ অমগী ৱারীনি। রাজমাতানা অতোপ্পা থৌমী অদুগী মমিং অদু হেক-হেক কাউখিরম্বা মতমদা অহানবা থৌমী অদুদা নহাক গোলু নত্রা অদুগা অতোপ্পা অমদুগী মিংনা করিনো হায়না হন্না-হন্না হংলমখি। মহাক্না পিক্লবগী পিক্লবা মরূপশিংগী মমিং খংদুনা মশক খংবা পামজরম্মি।  মহাক্কা লোয়নখিবা মীশিংনসু করিগীদমক্তা মিংগীদমক্তা অদুক য়াম্না খল্লিবনো হায়না হায়খি। অদোম্না কৌদা কৌবিরগা লোইরে হায়না হায়খি। অদুবু রাজমাতানা ঐহাক্কী ইতেং পাংলিবা থৌমীফাওবা খংদবা হায়বসিবু চুম্বরা হায়না পাউখুম পীরকখি।  

ঐহাক্না খনবদা ময়ামগী ওইবা পুন্সিদা হিংলবা, দল অমদগী হেক্তা ওইজসনু, পার্তী অমদগী হেক্তা ওইজসনু, চম্লবদগী চম্লবা থৌমী অমগী মফমদা মসিগী ৱাখল্লোন অসি লৈগদবনি। মশাগী ইকাই খুম্নবা নত্তবদা মীবু ইকাই খুম্নবা, মসি পোলিতিক্সকী মরুওইবা লাইশোন অসি মহাক্না হিংখি।

মরূপশিং, রাজমাতা, মহাক্কী পুন্সি অসিদা লাই নিংবগী ওইবা কয়া অমা য়াওখি। লাই নিংবগী থবকশিংগা মরি লৈনখি।লাই নীংবা, লাই খুরুম্বা, লাইগী ৱাখল্লোন অসি মহাক্কী থম্মোইনুংদা লৈখি।  অদুবু মহাক্না লাই খুরুম্বা মতমদা মহাক্কী লাইশঙদা ভারত ইমাগী শক্তমসু লাৎখি।

 ভারত ইমাবুসু খুরুমজবা অসিনা মহাক্কী লাইবু থাজবগী হিরম অমা ওইখি।  মহাক্কা মরি লৈনবা ৱাফম অমা মরূপশিংনা হায়বিখি, ৱাফম অসি নিংশিংলকপা অসিদা অদোমদা হায়সিরা হায়নসু খল্লক্লি।  নোংমা মহাক্না পার্তীগী থৌরম অমগীদমক্তা মথুরাদা চৎলমখি। মফমদুদা রাজমাতানা বাঙ্কে বিহারী খুরুম্বা চৎখিরমগনি হায়বসি মশানা তাবনি। লাইশঙ অদুদা মহাক্না, বাঙ্কে বিহারীজীবু খুরুমজখিবা অদুগী থম্মোই অদু খংবা য়াম্না মথৌ তাই। 

রাজমাতানা মবুংঙো কৃষ্ণবু খুরুমজবা করি হায়না খুরুম্বগে, ঐখোয় খুদিংমক্কী ওইনা  রাজমাতাগী পুন্সি অসি খংনবগী ওইবা ৱাফম অসি য়াম্না চাউনা কান্নরক্কদৌরি- মহাক ইবুংঙো কৃষ্ণগী মমাংদা লেপখি, য়াম্না পুক্নিংদা নিংজনা লেপখি, লাইগী ওইবা ৱাখল্লোন থোরকখি অমদি মহাক্না ইবুংঙো কৃষ্ণগী মমাংদা লৈদুনা হায়খি- হে কৃষ্ণ খোংবিরো বাসী ভারত পুম্বগী নুপা-নুপী পুম্নমক মিৎকুপ-নাহুম শিংহন্নবা”।

য়েংবিয়ু মশাগী ওইনা করিসু নিজখিদে। পামজবা অদু লৈবাক্কীদমক্তা, মীয়ামগীদমক্তা পামজখি অদুসু ৱাখল লৈহন্নবগীদমক্তা লৈখি। তৌখিবা খুদিংমক লৈবাক্কী ওইনা লোইনা তৌখি। মিৎকুপ-নাহুম শিংবা লৈবাক, মিৎকুপ-নাহুম শিংবা লৈবাক অমগী নাগরিক অমনা করি তৌবা ঙমদবা লৈবগে হায়বসি মহাক্না খংখি।

ঙসি ঐখোয়না রাজমাতাজীগী চামা শুবা মপোক কুমওন অসিদা মপুং ফাননবগী মায়েকৈরোমদা ওইবা অসিদা ঐখোয়দা নুংঙাইবা ফাওই মদুদি ভারতকী নাগরিকশিং অসি মমিৎ-মনা শিংনা লৈহন্নবা মহাক্না খনখিবা, বাঙ্কেবিহারীদা নিজখিবা অদু ঙসি অশেংবা ওইনা ওইরবগী ৱাখল্লোন অদু ওইনা ফাওহল্লি।

হৌখিবা চহি কয়াসিদা অহোংবা কয়া পুরকখ্রে, কেম্পেন কয়া, স্কীম কয়া মায় পাক্লে, মদুগী য়ুম্ফম অদু মসিগী মসিগী ৱাখল্লোন অসিনি, মীয়াম্না মমিৎ-মনা শিংবা অদুনি, মীয়ামগী ইহৌনি। রাজমাতাগী য়াইফ-থৌজালদগী লৈবাক অসি ঙসি চাউখৎপগী লম্বিরোমদা মাংজিল থানা চংশিল্লি।  খুঙ্গং, লাইরবা, তোল্লবা-অৱাবা তারবা-শোত্থরবা-অৱাবা-নমথবিরবা, নুপীশিং অসি লৈবাক অসিগী হান্না মরুওইবা ওইরে। নুপীগী পাঙ্গলগী মতাংদা মহাক্না মরুওইবা মওংদা হায়বিরমখি নাউশুম হাইরিবা খুৎ অদু মালেম অসি ঙাকপসু ঙম্মি”। ঙসি ভারতকী নুপীগী শক্তি অসি লম খুদিংদা মাংজিল থানা লৈরে, লৈবাক অসিবু মাংজিল থাহল্লি। ঙসি ভারত মচানুপীশিংশিংনা ফাইত্তর জেৎ পাইরে, নেভীদা লান শোক্নদুনা থৌদাংশিং লৌদুনা মাগী ওইবা থৌগল তৌরি। ঙসি তলাখ অহুমগী মায়োক্তা  ৱায়েল পথাপ অসি শেমদুনা লৈবাক অসিদা রাজমাতা গী ৱাখল্লোন অদু, নুপীবু শক্তি লৈহন্নবা হোৎনরিবশিং অদুগী মায়কৈরোমদা হেন্না খুমাং চাউশিলহল্লি।

লৈবাক অসিগী অপুনবা-খেৎনদবা ওইহন্নবগীদমক্তা, ভারতকী অপুনবা শক্তমগীদমক্তা মহাক্না লান্থেংনদুনা হোৎনখিবশিং অদুগী মহৈ অদু ঙসি উবা ফংলি। আর্তিকল ৩৭০ অসি থুপচিন্দুনা লৈবাক অসিনা মহাক্কী মংলান অদু মপুং ফাহল্লে। মসিসু য়াম্না অথোইবা তাঞ্জা অমনি মদুদি রামজন্মভুমি লাইশঙ শাবগীদমক্তা মহাক্না হোৎনবিখিবা, মহাক্কী পোকপগী চহি ১০০ শুবা মপোক কুমওনসিদা মহাক্কী মংলান অদুসু মংফাওনরে।

অদুগা রামজন্মভূমিগী ৱাফম অসি থোরকপা অসিদা ঐহাক্না শোইদনা হায়জগে মদুদি আদবানীজী সোমনাথতগী অয়োধ্যাগী খোংচৎ অসি চৎলমখি অমদি  রাজমাতা সাহেবনা মদুগী থৌরম অদুদা য়াওখিবশিংগী অমদি রাজমাতাগী ৱাখলদা অসিগুম্বা মরুওইবা থৌরম অসিদা মহাক য়াওফম থোকই হায়বা। অদুবু লুরিবদি মতম অদু নবরাত্রীগী থৌরম ওইরম্মি অমদি রাজমাতা সাহেবনা নবরাত্রীবু লাত্তুনা খুরুমজরমখি। অমসুং মহাক্না লাত্তুনা খুরুম্বা মফম অদু থাদোক্তুনা শুংচৎ চৎলমখিদে।

মদুগী মতাং অদুদা রাজমাতা সাহবকা ৱারী শান্নখিবা মতমদা ঐহাক্তি লাকপা ঙম্লরোই   অদুবু ঐহাক শোইদনা লাক্নিংই হায়না হায়বিখি। মদুদা ঐহাক্না লম্বি তাকপিয়ু হায়না হায়জখি। নবরাত্রি অসি গ্বালিয়রদগী মপান্দা চত্তুনা সোমনাথতা লৈবা পাম্মি হায়না হায়বিখি। মফমদুদগা নবরাত্রী অসি মপুং ওইনা তৌগনি অমদি মফমদুদগী নবরাত্রীগী মনুংদা কাং তারবদি মফমদুদা য়াওগনি হায়না হায়বিখি।

রাজমাতাজীগী চারা অসিসু য়াম্না অরুবা ওইরম্মি।  ঐহাক মতম অদুদা পোলিতিক্সতা ইনৌ-নৌনা চংলকখিবা ওইখি। থৌমী অমা ওইনা শিল্লি-লাংলিবা অদু য়েংশিল্লম্মি। ঐহাক্না রাজমাতা সাহবকী সোমনাথকী থবক-থৌরম অদুসু শেন্নখি। মতম অদু ঐহাক রাজমাতা সাহবকা য়াম্না নকশিন্না লোইনবগী তাঞ্জা ফংখি। মহাক্কী লাইগী থৌনি তৌবা, নবরাত্রী অদুদা লাই নিংখিবা অদু অয়োধ্যাগী কাংদা, রাংমন্দিরদা কত্থোকচখি। খুদিংমক ঐহাক ইমিৎমক্না উজখি।  

মরূপশিং, রাজমাতা বিজয় রাজে সিন্ধিয়াগী মংলানশিং মপুং ফাহন্নবগীদমক্তা ঐখোয় খুদিংমক্না পুন্না খোংজোল য়াংনা খুমাং চাউশিন্না চংশিনমিন্নসি। মপাঙ্গল লৈবা, শোইরোইদবা, খুঞ্জাউ-লৈচাউবা ভারত অমা ওইনবগী মং মংজখি। মহগাক্কী মসিগী মংলানশিং অসি ঐখোয়না মরোমদোম লেপচবা ভারত ওইহনবদা মপুং ফাহনগনি। রাজমাতাগী ইনোৎ অদু ঐখোয়দা লৈরি, মহাক্কী য়াইফ-থৌজাল অদু ঐখোয়দা লৈরি।  

য়াইফ-পাউজেলশিং অসিগা লোয়ননা অদোম পুম্নমকপু থাগৎচরি অমদি রাজমাতা সাহবনা হিংলম্বা পুন্সি মহিং অসিদা, খন্দুনা য়েংবিয়ু ঙসি তহসীলগী অধ্যক্ষ ওইরম্লবদি মদুনা করি ওইরমগদগে হায়বদু। রাজমাতা অসি অচৌবা ইমুং, অসুক চাউবা পাৱর, লন-থুম লৈবা ওইজরগসু মহাক্কা নক্নবা মীশিংনা মহাক অসি অদুক্কী মতিক নোল্লুক্না, কয়াদা ৱাখল লৈবা, কয়াদা হৌন-লোনচৎ খংবা …পুন্সিবু ইনোৎ হাপ্পিবগী মওং অসি উখি।

লাকপিয়ু, ঐখোয়গী অনৌবা মীরোলগা লোয়ননা ৱারীশিং শামিন্নসি। অদুগা ৱাফম অসি শুপ্নতগী পোলিতিকেল পার্তীগী নত্তে, মসি ঐখোয়গী লাক্কদৌরিবা মীরোলশিং অসিগীনি। ঐখোয়না ঙসি রাজমাতাবু ইকাই খুম্নবা ওইনা মসিগী শেলয়েক অসি লৈবাক অসিগী মমাংদা পুথোক্নবগী তাঞ্জা ফংজরিবা অসি ভারত সরকারগী লাইবক ফবনি।  ঐহাক্কা অমুক হন্না রাজমাতাজীবু নোল্লুক্না খুরুমজরগা ঐহাক্কী ৱাফম অসি তেনশিঞ্জরগে। থাগৎচরি।!

ভারতকী ওলিম্পিয়নশিংবু পুক্নিং থৌগৎসি! #Cheers4India
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
How This New Airport In Bihar’s Darbhanga Is Making Lives Easier For People Of North-Central Bihar

Media Coverage

How This New Airport In Bihar’s Darbhanga Is Making Lives Easier For People Of North-Central Bihar
...

Nm on the go

Always be the first to hear from the PM. Get the App Now!
...
King Chilli ‘Raja Mircha’ from Nagaland exported to London for the first time
July 28, 2021
Share
 
Comments

In a major boost to exports of Geographical Indications (GI) products from the north-eastern region, a consignment of ‘Raja Mircha’ also referred as king chilli from Nagaland was today exported to London via Guwahati by air for the first time.

The consignment of King Chilli also considered as world’s hottest based on the Scoville Heat Units (SHUs). The consignment was sourced from Tening, part of Peren district, Nagaland and was packed at APEDA assisted packhouse at Guwahati. 

The chilli from Nagaland is also referred as Bhoot Jolokia and Ghost pepper. It got GI certification in 2008.

APEDA in collaboration with the Nagaland State Agricultural Marketing Board (NSAMB), coordinated the first export consignment of fresh King Chilli. APEDA had coordinated with NSAMB in sending samples for laboratory testing in June and July 2021 and the results were encouraging as it is grown organically.

Exporting fresh King Chilli posed a challenge because of its highly perishable nature.

Nagaland King Chilli belongs to genus Capsicum of family Solanaceae. Naga king chilli has been considered as the world’s hottest chilli and is constantly on the top five in the list of the world's hottest chilies based on the SHUs.

APEDA would continue to focus on the north eastern region and has been carrying out promotional activities to bring the North-Eastern states on the export map. In 2021, APEDA has facilitated exports of Jackfruits from Tripura to London and Germany, Assam Lemon to London, Red rice of Assam to the United States and Leteku ‘Burmese Grape’ to Dubai.