Share
 
Comments
করোর ১০ হেনবা বেনিফিসরী ওইবা লৌমীগী ইমংশিংদা লুপা করোর ২০,০০০ হেন্না ত্রান্সফর তৌখ্রে
লৌমী লাখ ১.২৪ হেন্না কান্নবা পীনবা, পি.এম.না এফ.পি.ও. চাউরাক্না ৩৫১দা লুপা করোর ১৪ এনবা ইক্বিতী গ্রান্তসু থাদোকখ্রে
“এফ.পি.ও.শিংনা ঐখোয়গী অপিকপা লৌমীশিংগী কনখৎলক্লিবা মপাঙ্গল অসিবু অপুনবগী ওইবা শক্তম অমা পীবদা য়াম্না মরু ওইবা থৌদাং লৌরিবনি”
“লৈবাক অসিগী লৌমীশিংগী থাজবা অদুনা লৈবাক্কী মরু ওইবা মপাঙ্গল ওইরিবনি”
“ঐখোয়না ২০২১দা ফংখিবা এচীবমেন্ত অদুদগী মতৌ তমদুনা অনৌবা খোংচৎ অমগী খোংথাং থাংগদবনি ”
“ ‘নেশন ফার্স’কী ৱাখল্লোনগা লোইননা লৈবাক মীয়ামদা কৎথোকপা হায়বসিনা হৌজিক্তি ভারত মচা খুদিংমক্কী ৱাখল্লোন ওইরক্লি। মরম অদুনা, ঙসিদি ঐখোয়না হোৎনরিবশিং অমসুং ঐখোয়না তৌগেনা নিংলিবশিংদা অমত্তা ওইনা লৈপ্লিবনি।
“পি.এম. কিসান সম্মান নিধি অসি ভারতকী লৌমীশিংগীদমক্তদি য়াম্না চাউবা তেংবাং অমনি। করিগুম্বা ঐখোয়না ঙসিগী ত্রান্সফর অসি য়াওহল্লবদি, পুন্না লুপা করোর লাখ ১.৮০গী মথক্তা লৌমীশিংগী মশা-মশাগ

ইকাই খুম্নরবা মশক নাইরবা মীওই পুম্নমক্না মফম অসিদা শরুক য়ারি৷ পুম্নমক্কী অহানবদা, ইমা বৈষ্ণো দেবীগী পর্মিজেসতা থোকখিবা অৱাবগী মশক ওইরবা থৌদোক অদুদা ঐনা অৱাবা ফোংদোক্লি৷ থৌদোক অদুদা শোক্তুনা লৈখ্রবা মীওইশিং অমদি থৱাই মাংখ্রবা মীওইশিংগী ইমুং-মানুংগী অৱাবদা ঐনা শরুক য়াজরি৷ কেন্দ্র সরকারনা জম্মু অমসুং কাশ্মীরগী সাসনগা লেপ্পা-লৈতনা তানরি৷ ঐনা লেফতনেল গভর্নর মনোজ সিনহা জীদসু ৱারি শাখ্রে৷ রিলিফ ৱার্ক অমসুং শোক্লিবা মীওইশিং লাইয়েংবদা মপুং ফানা মীৎয়েং চংলি৷

ইয়াম্বা-ইনাউশিং অমসুং ইচল-ইচেশিং,

প্রোগ্রাম অসিদা শরুক য়ারিবা অসি ঐগী কেন্দ্রগী কেবিনেৎকী কলিগশিং, তোঙান তোঙানবা রাজ্যশিংগী মুখ্য মন্ত্রীশিং, রাজ্যশিংগী লৌউ-শিংউ মন্ত্রী, মশক-নাইরবা মীওইশিং অমদি লৈবাক শিনবা থুংবদা লৈরিবা ঐগী লৌমী ইয়াম্বা-ইনাউ অমসুং ইচল-ইচে মিলিয়ন কয়ানি৷ ভারত্তা অমসুং মপান লমদমদা লৈরিবা ভারত মচাশিং, ভারতকী য়াইফনবতা খল্লিবা মীওই খুদিংমক অমদি মালেমগী কম্ম্যুনিতীদা নুংঙাই-য়াইফরবা অনৌবা চহি ২০২২ ওইরসনু হায়না থৌনিজরি!

চহি অসি হৌরকপদা লৈবাক অসিগী মফম পুম্নমক্তা লৈরিবা লৌমী কোতি কয়াগা উনবগী খুদোংচাবা অমা ঐনা ফংখিবা অসি ঐগী ওইনদি থৌনা হাপ্নবগী অচৌবা মীকুপশিংনি৷ ঙসিদি, লৈবাক অসিগী লৌমীগী ইমুং মরু ওইনা অপিকপা লৌমী কোতি কয়ানা প্রধান মন্ত্রী কিসান সম্মন নিধিগী ১০শুবা ইন্সতোলমেন্ত অদু ফংখ্রে৷ লৌমীশিংগী বেঙ্ক একাউন্তশিংদা লুপা কোতি ২০,০০০গী শেনফম হাপখ্রে৷ ঙসিদি, ঐখোয়গী ফার্মর্স প্রদ্যুসর ওর্গনাইজেসনশিং(এফ.পি.ও.শিং)গা খুৎশম্নরগা শেল-থুমগী ওইবা মতেং লৌমীশিংদা ফংহনখ্রে৷ এফ.পি.ও. চা কয়ানা ঙসিদি ফ্রেশ স্তার্ত অমা হৌরক্লি৷

মরুপশিং,

ঐখোয়গী লৈবাক্তা অসুম্না হায়নবা লৈ: ''आमुखायाति कल्याणं कार्यसिद्धिं हि शंसति''

মদুদি, মাই-পাক্না থবক অমা হৌদোরকপা হায়বসি থবক মাই-পাকপগী মাংজৌননা লাউথোকপা অদুবুনি, রিজোলুসনশিং মাই-পাক্না ফংবা অদুবুনি৷ লৈবাক অমা ওইনা, মসিগা চপ মান্ননা ২০২১ হৌখিবা চহি অসিসু ঐখোয়না য়েংগদবনি৷ ২০২১দা খ্বাইদগী চাওবা লাইনা-লাইচৎ অসিগী মাইয়োক্তা ভারত মচা মিলিয়ন কয়ানা অমতা ওইনা লান্থেংনখিবা অদু ঐখোয় পুম্নমক্না উরি৷ ঙসিদি, অনৌবা চহিনা লাকপদা, ঐখোয়না হৌখিবা চহিগী ঐখোয়না হোৎনখিবশিং অদুদগী থৌনালৌদুনা অনৌবা রিজোলুসনশিং ফংনবা ঐখোয়না মাংলোমদা চংশিনগদবনি৷

চহি অসিদা ঐখোয়না নিং-খা তম্লকপগী চহি ৭৫ শুরক্লগনি৷ অনৌবা থৌনাগা লোইননা মাংলোমদা চংশিন্নবা, লৈবাক্কী রিজোলুসনশিংগী অনৌবা বাইব্রেন্ত ওইবা খোংচৎ অমা হৌদোকপগী মতম ওইরে৷ ২০২১দা, ঐখোয় ভারত মচাশিং অসি ফিরেৎ চেৎলি, অখাং কল্লি, খ্বাইদগী চাওবা পান্দম অদুসু অপিকপা ওইরকই হায়বসি ভারত মচা ঐখোয়না মালেম পুম্বদা উৎখ্রে৷ দাইবর্সিতীনা পীক থল্লবা ভারতকুম্বা অচৌবা লৈবাক অমনা অসিগুম্লবা তেনখ্রবা মতম অসিদা ভেক্সিন দোজ কোতি ১৪৫ কাপ্পা ঙমগনি হায়বসি কনানা খল্লুবা তৌগে? ভারতনা নোংমা খক্তদা ভেক্সিন দোজ কোতি ২.৫ কাপতুনা রেকোর্দ ওইনা থম্বা ঙমগনি হায়বসি কনানা খল্লুবা তৌগে? ভারতনা চহি অমদা পাইপকী ইশিংগী ফেসিলিতীশিং য়ুমথোং কোতি অনি শম্নহনবা ঙমগনি হায়বসি কনানা খল্লুবা তৌগে?

কোরোনাগী মতম অসিদা ভারতনা থা কয়া অমদা মহাক্কী প্রজা কোতি ৮০দা লেম্না রেসন পীদুনা লাক্লি৷ অদুগা মসিগী লেম্না রেসন পীবগী স্কিম অসি খক্তদা ভারতনা লুপা কোতি লাখ ২.৬০ হেন্না কাইথোকখ্রে৷ লেম্না মহৈ-মরোংশিং পীবগী স্কিম অসিদগী খুঙ্গংশিং, লাইরবশিং, খুঙ্গংশিংদা লৈরিবা ঐখোয়গী লৌমীশিং অমদি ফার্ম লেবরশিংনা চাওনা কান্নবশিং লৌখ্রে৷

মরুপশিং,

ঐখোয়গী লৈবাক্তা অসুম্না হায়নবা লৈ: संघे शक्ति कलौ युगे।

মদুদি, মতম অসিদা, শক্তি হায়বসি ওর্গনাইজেসন খক্তদগী লাকই হায়না হায়নৈ৷ ওর্গনাইজ পৱার, হায়বদি,ময়াম পুম্নমক্না হোৎনরিবা অসি রিজোলুসনগী মাই পাকপগী লম্বী অদুবুনি৷ ভারত মচা কোতি ১৩০না পুন্না অমতা ওইনা খোংথাং অমা থাংবা হায়বসি, খোংথাং অমা খক্তা নত্তে, মসি খোংথাং কোতি ১৩০নি৷ করিগুম্বা অফবা অমা তৌদুনা তোঙানবা কমফোর্ত অমা ঐখোয়না ফংবা হায়বসি ঐখোয়গী নেচর ওইখ্রে৷ অদুবু হায়রিবা অফবা তৌরিবশিং অদুনা অমতা ওইনা পুনশিল্লকপা মতমদা, চখায়দুনা লৈরুরবা মনিশিংগী গার্লেন্দ অমা শেম্মী৷ লৈবাক অসি শেমগৎপদা থৱাই কৎথোক্লিবা মীওই কয়া অমা লৈরি৷ মখোয়না হায়রিবা থবকশিং অসি মাংজৌননা পাংথোকলম্মী, অদুবু মখোয়না হোৎনবিরম্বশিং অদুদি হৌজিক্তমক মশক খঙলক্লি৷ ঙসিদি ভারত মচা খুদিংমক্কী শক্তি অদু কলেক্তিব স্ত্রেঙ্গ অমদা ওন্থোরক্লি অমদি লৈবাক অসিগী চাওখৎ-থৌরাংদা অনৌবা মোমেন্তম অমদি অনৌবা ইনর্জী পীরি৷ হৌজিক্কী মতমশিংদা পদ্ম এৱার্দশিং পীখ্রবা মীওইশিংগী মমিংশিং অমদি মখোয়গী শকফমশিং অদু ঐখোয়না উরুবা মতমদা ঐখোয়দা নুংঙাইবনা পীক থল্লি৷ মীওই খুদিংমক্না হোৎনরিবা অসিনা মরম ওইদুনা ভারতনা কোরোনাগী চাওরবা লাইনা-লাইচৎ অসি লান্থেংনবা ঙম্লিবনি৷

ইয়াম্বা-ইনাউশিং অমসুং ইচল-ইচেশিং,

কোরোনাগী মতম অসিদা, হেল্থ সেক্তর অসি মপাঙ্গল লৈহন্নবা অমদি হেল্থ ইনফ্রাস্ত্রকচর অসি চাওথোকহন্নবসু লেপ্প-লৈতনা হোৎনখ্রে৷ লৈবাক অসিদা ২০২১দা অনৌবা ওক্সিজেন প্লান্ত চা কয়া শেমগৎখ্রে অমদি অনৌবা বেন্তিলেতর লিশিং কয়া হাপচিনখ্রে৷ ২০২১দা, অনৌবা মেদিকেল কোলেজ কয়া অমা শেমগৎখি অমদি মেদিকেল কোলেজ কয়াদা থবক পাইখৎখ্রে৷ ২০২১দা ৱেল্নেস সেন্তর লিশিং কয়াসু শেমগৎখ্রে৷ অয়ুশমান ভারত হেল্থ ইনফ্রাস্ত্রকচর মিসননা জিলাদগী ব্লোক লেবেলদা অফবা হোস্পিতালশিং অমসুং তেস্তিং লেবশিংগী নেতৱার্ক অদু মপাঙ্গল লৈহল্লগনি৷ দিজিতেল ইন্দিয়া শিজিন্নদুনা, অয়ুশমান ভারত দিজিতেল হেল্থ মিসননা হেল্থ ফেসিলিতীশিং অসি লৈবাক অসিদা হেন্না য়ৌহনবা ঙম্লগনি অমদি হেন্না ইফেক্তিব ওইহল্লগনি৷

ইয়াম্বা-ইনাউশিং অমসুং ইচল-ইচেশিং,

কোরোনানা ঐখোয়গী ইরক্তা লৈরমখিবা মতমদগী হেন্না ঙসিদি ইকোনোমিক ইন্দিকেতর কয়া অমনা হেন্না ফনা পাংথোক্লি৷ ঙসি, ঐখোয়গী ইকোনোমীগী গ্রোথ রেত অসি চাদা ৮দগী হেল্লে৷ রেকোর্দ ফোরেন্দ ইনবেস্তমেন্ত ভারত্তা লাকখ্রে৷ ঐখোয়গী ফোরেন্দ একচেঞ্জ রিজর্বশিং অসি রেকোর্দ লেবেলশিং য়ৌখ্রে৷ জি.এস.তি. কল্লেক্সনশিংদা অরিবা রেকোর্দশিংসু লৌথোকখ্রে৷ এক্সপোর্তশিং অমসুং লৌউ-শিংউগী হিরমদা ঐখোয়না অনৌবা পেরাদিজম থম্বা ঙমখ্রে৷

মরুপশিং,

দাইবর্সিতী অমসুং পাক-চাওরিবা অসি য়েংলগা, ঐখোয়গী লৈবাক্না ফিল্দ খুদিংমক্তা দিবেলপমেন্তদা অচৌবা স্ত্রাইদশিং শেম্লি৷ ২০২১দা, ভারতনা য়ু.পি.আই., হায়বদি দিজিতেল স্ত্রান্সেক্সনশিং খক্তদা লুপা কোতি লাখ ৭০রোমগী চাং ত্রান্সেক তৌখি৷ ঙসিদি, স্তার্ত অপ ৫০,০০০ হেনবনা ভারতনা চলাইদুনা লৈরি৷ মসিগী মনুংদা, স্তার্ত-অপ ১০,০০০ হেনবদি হৌখিবা থা তরুক অসিদা শেমখিবনি৷ ২০২১দা, ভারতকী নহানা কোরোনাগী মতম অসি ফাওবদা য়ুনিকোর্ন ৪২ শেমদুনা অনৌবা পুৱারি অমা শেমখি৷ য়ুনিকোর্ন অমা হায়বসি লুপা কোতি ৭,০০০গী মমল ওইরিবা স্তার্ত-অপ অমনি হায়না ঐনা ঐগী লৌমী ইয়াম্বা-ইনাউশিং অমসুং ইচল-ইচেশিংদা হায়বা পাম্মী৷ তেল্লবা মতম অসিদা অসিগুম্না প্রোগ্রেস ফংখিবা অসিনা ঙসিদি ভারত্তা লৈরিবা নহাগীদমক মাই-পাকপগী অনৌবা পুৱারি অমা ইরি৷

অমদি মরুপশিং,

ঙসি, ভারতনা মহাক্কী স্তার্ত-অপ ইকোসিস্তেম মপাঙ্গল লৈহন্নবা হোৎনরিবা চৈরক অসিদা, অমরোমদা মসিনা চপ মান্নবা মওংদা ইকাই খুম্নবা উৎতুনা মহাক্কী কল্চর ফগৎহল্লি৷ কাশি বিস্বানাথ ধমগী ফজরবা প্রোজেক্তগী কেদর্নাথ ধমগী দিবেলপমেন্ত প্রোজেক্তশিং ফাওবদা, অদি শঙ্করাচার্যগী পোৎথাফম অমুক হন্না শেমগৎপদগী হৌরকগা ইমা অন্নপুর্ণগী মুর্ত্তি য়াওনা ভারতকী হুরানখিবা আইদোল চা কয়া অমুক হন্না লৈবাক অসিদা পুরকখিবা, অযোধ্যাদা রাম মন্দির শেমগৎপগী হৌরগা দোলাবিরা অমসুং দুর্গ পুজাগী ৱার্ল্দ হেরিতেজ স্তেতস শেমগৎপা য়াওনা, ভারতনা পাংথোক্কদবা কয়া অমা লৈরি৷ মালেম পুম্ববু লৈবাক অসিদা চিংশিল্লি৷ হৌজিক, ঐখোয়না ঐখোয়গী হেরিতেজ অসি ফগৎহন্নবা হোৎনরি, তুরিজম শুংশোই-শোইদনা চাওখৎলক্কনি অমদি পিলগ্রিমেজসু শোইদনা চাওখৎলক্কনি৷

মরুপশিং,

ঙসি, ভারতনা মহাক্কী নহা অমদি নুপীশিংগীদমক মমাংগী মতমদা লৌখিদ্রিবা খোংথাংশিং লৌরি৷ ২০২১দা, ভারতনা মচানুপীশিংগীদমক মিলিতরী স্কুলশিং হাংদোকখি৷ ২০২১দা, ভারতনা নুপীশিংগীদমক নেস্নেল দিফেন্স একাদেমীগী থোংশিংসু হাংদোকখি৷ ২০২১দা, ভারতনা নুপীশিংগী লুহোংবগী চহি অসি চহি ১৮দগী ২১দা হেনগৎনবসু(নুপাশিংগা মান্ননা)হোৎনখি৷ ভারত্তা ইহান হানবা ওইনা, নুপী কোতি অনিরোম্না পি.এম. অৱাস যোজনাগী মখাদা মখোয় মখোয়গী য়ুমশিংগী ওনর্শিপ রাইতশিং অদু ফংখ্রে৷ ঐখোয়গী লৌমী ইয়াম্বা-ইনাউশিং অমদি ইচল-ইচেশিং, ঐখোয়গী খুঙ্গংগী কোমরেদশিংনা মহাক্কী মরু ওইবা অদু খঙবা ঙম্মী৷

মরুপশিং,

২০২১দা, ঐখোয়না ভারতকী শান্নরোইশিংদা অনৌবা কনফিদেন্স অমসু উবা ফংখ্রে৷ শান্ন-খোৎনবদা মাই ওনশিল্লকপগী চাং ভারত্তা হেনগৎলকখ্রে, অনৌবা ইরা অমা হৌখ্রে৷ তোকিও ওলেম্পিক্সতা ভারতনা মেদল কয়া অমা ফংলকখিবা মতমদা ঐখোয় খুদিংমক্তা নুংঙাইবা ফাওখি৷ ঐখোয়গী দিব্যাঙ্গ এথলেতশিংনা পেরালিম্পিক্সতা ইতিহাস অমা ইখিবা মতমদা ঐখোয় খুদিংমক অসি অপেনবনা পিক থনখি৷ হৌখিবগী পেরালিম্পিক্সতা ঐখোয়দী দিব্যাঙ্গ এথলেতশিংনা ফংখিবা মেদল মশিং অদু পেরালিম্পিক্সকী ভারতকী পুৱারিদা ফংখিবা অপুনবা মেদল মশিং অদুদগী হেনখি৷ ঙসিদি, ভারতনা মহাক্কী স্পোর্তস শান্নরোইশিং অমদি স্পোর্তিং ইনফ্রাস্ত্রকচরদা মমাংগী মতমদা অমুক্তা ফাওবা থাদখিদবা মওং অমদা শেল হেন্না থাদরি৷ ঐনা হয়েং মীরুত্তা অতোপ্পা স্পোর্তস য়ুনিভর্সিতীগী উরেপ-উয়ুং তম্লগনি৷

মরুপশিং,

য়ু.এন. সেক্যুরিতী কাউন্সিলদগী হৌরগা লোকেল বোদীশিং ফাওবদা, ভারতনা মহাক্কী পোলিসীশিং অমসুং ৱেরেপশিংগী মতেংদগী মহাক্কী মথৌনা অদু উৎখ্রে৷ ২০১৬তা, ভারতনা ২০৩০ ফাওবগী মনুংদা মহাক্কী ইন্সতোল্দ ইলেক্ত্রিসিতী কেপাসিতীগী চাদা ৪০দি নন-ফোজিল ইনর্জী সোর্সশিংদগী লৌনবা পান্দম অমা থমখি৷ ২০৩০দা ফংনবগী তার্গেৎ থম্লিবা অসি ভারতনা ২০২১গী নবেম্বর থাদা ফংখি৷ ক্লাইমেত চেঞ্জকী মাইয়োক্তা মালেম অসিবু লমজিংলদুনা, ভারতনা ২০৭০ ফাওবগী মনুংদা নেত-জিরো কার্বোন ইমিসনগী তার্গেৎ অমসু থমখ্রে৷ ঙসিদি, ভারতনা হাইদ্রোজেন মিসন অমা চৎথরি অমদি ইলেক্ত্রিক ভেহিকলশিংদা লমজিংদুনা চৎলি৷ লৈবাক অসিদা এল.ই.দি. বল্ব কোতি কয়া য়েন্থোক্তুনা, লাইরবা অমদি মিদল ক্লাসকী লুপা কোতি ২০,০০০রোমগী ইলেক্ত্রিসিতী বিল চহিগী ওইনা হন্থরকখ্রে৷ লৈবাক অসিগী শহরশিংদা লৈরিবা লোকেল বোদীশিংনা স্ত্রীত লাইতশিং অসি এল.ই.দি.শিংনা মহুৎ শিন্দোক্নবা কেম্পেন্দ অমসু চৎথরি৷ ঐখোয়গী লৌমী ইচিল-ইনাউশিং অসি ফুদ দোনরদগী ইনর্জী দোনরশিংদা ওন্থোক্নবা অচৌবা কেম্পেন্দ অমসু ভারতনা চলাইরি৷ প্রধান মন্ত্রী কুসুম য়োজনাগী মখাদা, লৌমীশিংনা মখোয়গী লবুকশিংগী নাকলদা সোলর পেনেলশিং ইন্সতোল্দ তৌদুনা মখোয়না সোলর ইনর্জী পুথোকপা য়ানবগীদমক লৌমীশিংদা মতেং পীরি৷ সরকারনা লৌমী মিলিয়ন কয়াদা সোলর পম্পশিং পীরি৷ মসিনা পৈশা কল্লি অমদি অকোইবগী ফিভমবু ঙাক্তুনা থম্মী৷

মরুপশিং,

লৈবাক অসিনা কোরোনা লাইনা-লাইচৎকী মাইয়োক্তা লান্থেংনবগীদমক ২০২১বু নিংশিংগদবা ওইরবদি, মতম অসিদা পাংথোকখিবা রিফোর্মশিং অদুসু খন্ন-নৈনগদবনি৷ ভারতনা হৌখিবা চহিদা মতমগা চুনরবা ইনফ্রাস্ত্রকচর শেম-শাবগী অমদি রিফোর্ম তৌবগী প্রোসেস অসি য়াংখৎলকখ্রে৷ ললোন-ইতিক তৌবা অমদি করবার তৌবা লাইথোকহন্নবা হৌখিবা চহিদা ৱারেপ কয়া অমসু লৌখি৷

লৈবাক অসিদা ইনফ্রাস্ত্রকচর শেমগৎপগী খোংজেলদা পি.এম. গতিশক্তি নেস্নেল মাস্তর প্লাননা অনৌবা শাফু অমা পীরগনি৷ মেক ইন ইন্দিয়াদা অনৌবা দাইমেন্সনশিং পীরদুনা, চিপ মেনুফেকচরিং অমদি সেমিকন্দক্তরশিংগুম্বা অনৌবা সেক্তরশিংগীদমক লৈবাক অসিনা মাই পাক্কদবা প্লানশিং পুথোকখ্রে৷ হৌখিবা চহি খক্তদা, লৈবাক অসিনা দিফেন্স সেক্তরদা মশা মরোমদোম লেপচবা ঙম্নবা দিফেন্স কম্পেনী তরেৎ ফংখি৷ ঐখোয়না অহানবা প্রোগ্রেসিব দ্রোন পোলিসীসু চৎনখ্রে৷ স্পেসতা লৈবাক্কী এস্পিরেসনশিংদা অনৌবা অশা পীরদুনা, ইন্দিয়ন স্পেস এসোসিয়েসন অসি শেমখিবনি৷

মরুপশিং,

লৈবাক অসিগী খুঙ্গংশিংদা চাওখৎপা পুরক্নবা দিজিতেল ইন্দিয়া কেম্পেন্দনা অচৌবা থৌদাং অমা লৌরি৷ ২০২১দা, অনৌবা খুঙ্গং লিশিং কয়া ওপ্তিকেল ফাইবর কেবল কন্নেক্ত তৌখি৷ মসিনা ঐখোয়গী লৌমী ইচিন-ইনাউশিং, মখোয়গী ইমুং-মানুংশিং অমদি মখোয়গী মচা-মশুশিংদা চাওনা কান্নবা পীখ্রে৷ ২০২১ চহিমক্তা অনৌবা দিজিতেল পেমেন্ত সোলুসন ই-রুপি লোঞ্চ তৌখি৷ লৈবাক শিনবা থুংনা ৱান নেসন, ৱান রেসন কার্দসু চৎনখ্রে৷ ঙসিদি, লৈবাক অসিগী অনওর্গনাইজ সেক্তরদা লৈরিবা ৱার্করশিংদা ই-শ্রম কার্দশিং পীরি, মসিনা সরকারগী স্কিমশিংগী কান্নবশিং অসি য়াম্না লাইনা মখোয়দা য়ৌহনবা ঙমগনি৷

ইয়াম্বা-ইনাউশিং অমসুং ইচল-ইচেশিং,

২০২২ চহিদা, ঐখোয়না ঐখোয়গী খোংজেল অসি য়াংখৎহনগদবনি৷ কোরোনাগী চেলেঞ্জশিং লৈ অদুবু কোরোনানা ভারতকী খোংজেল অসিদা থিংবা ঙম্লোই৷ ভারতনা অরৈবা থৌনা পুথোক্তুনা কোরোনা লান্থেংনগনি অমদি মহাক্কী নেস্নেল ইন্তরেস্তসু ফংবা ঙম্নবা হোৎনগনি৷ ঐখোয়গী লৈবাক্তা অসুম্না হায়নবা লৈ:

''जहीहि भीतिम् भज भज शक्तिम्। विधेहि राष्ट्रे तथा अनुरक्तिम्॥

कुरु कुरु सततम् ध्येय-स्मरणम्। सदैव पुरतो निधेहि चरणम्''॥

মদুদি, ঐখোয়না অকিবা পুম্নমক থাদোক্তুনা ঐখোয়গী তৌবা ঙম্বা অমদি থৌনা অদু নিংশিংগদবনি অমসুং ঐখোয়না ইরৈবাক নিংবগী স্পিরিত অসি ৱাংনা থমগদবনি৷ ঐখোয়না ঐখোয়গী পান্দমশিং অসি ফংনবা লেপ্প-লৈতনা চংশিনগদবনি৷ ‘লৈবাক্কী হান্না’ হায়বা হনবা লৈতনা থৌনা অসিনা ঙসিদি ভারত মচা খুদিংমক্কী থৌনা ওইরক্লি৷

পি.এম. কিসান সম্মন নিধি অসিনা ভারতকী লৌমীশিংদা অচৌবা সপোর্ত অমা ওইখ্রে৷ মিদলমেন অমা হেক্তা নত্রগা কম্মিসন য়াওদনা চহি খুদিংগী লুপা কোতি কয়া ত্রান্সফর তৌবা, মতম খুদিংমক্তা মতম চানা ইন্সতোলমেন্ত থিরক্কনি হায়বসি কনা অমতনা খল্লুবা তৌদে৷ করিগুম্বা ঐখোয়না ঙসিগী শেনফম অসি হাপচিনবা থোক্লবদি, কিসান সম্মন নিধিগী মখাদা লুপা কোতি লাখ ১.৮০ হেন্না লৌমীশিংগী একাউন্তদা ত্রান্সফর তৌখ্রে৷ ঙসিদি, কিসান সম্মন নিধিনা মখোয়গী অপিকপা এক্সপেন্সশিং অসিগীদমক য়াম্না নিংথিংনা প্রুব তৌরি৷ শেনফম অসি শিজিন্নদুনা অপিকপা লৌমীশিংনা অফবা ক্বালিতী লৈবা মরুশিং লৈরি, অফবা হার অমদি ইক্ব্যুইপমেন্ত শিজিন্নরি৷

মরুপশিং,

ঐথোয়গী ফার্মর্স প্রদ্যুসর ওর্গনাইজেসনশিং(এফ.পি.ও.শিং)না লৈবাক অসিগী অপিকপা লৌমীশিংগী পোতেন্সিয়েল হেনগৎহনবদা অচৌবা থৌদাং অমা লৌরি৷ তোখায় তাদুনা লৈরম্বা অপিকপা লৌমী অদু হৌজিক্তি এফ.পি.ও.গী মওংদা অচৌবা শক্তি মঙা লৈরে৷ অহানবা অদুদি নিংথিংনা মমল ঙাংনবা, হায়বদি মমল ঙাংনবগী শক্তি হায়বনি৷ অদোম্না লৌউ-শিংউবদা তোখায়না তৌবা মতমদা করি থোকই হায়বসি ময়াম পুম্নমক্না খঙলম্লগনি? মরুদগী হৌরগা হার ফাওনা অদোম্না পোৎ-চৈ খুদিংমক রিতেলদা লৈরি, অদুগা হোলসেলরশিংদনা চবুন-চবুন য়োল্লি৷ মসিনা মমল হেন্না ৱাংখৎহল্লি অমদি শেন্দোং হন্থহল্লি৷ অদুবু এফ.পি.ও.শিংগী খুৎথাংদা শক্তম অসি হোংলক্লি৷ হৌজিক্তি লৌমীশিংনা এফ.পি.ও.শিংদগী লৌউবদা চংবা মরু ওইবা পোৎলমশিং অসি চবুন-চবুন লৈরি অমদি মখোয়বু রিতেলদা য়োল্লি৷

লৌমীশিংনা এফ.পি.ও.শিংদগী ফংখিবা অতোপ্পা শক্তি অদুদি লার্জ স্কেল ত্রেদ অদুনি৷ এফ.পি.ও. অমা ওইনা, লৌমীশিংনা ওর্গনাইজ ওইবা মওং অমদা থবক তৌরি, মরম অদুনা মখোয়না ওইনা পোজিবিলিতীশিং অসি চাওনা লৈ৷ অহুমশুবা স্ত্রেঙ্গ অসি ইন্নোবেসননি৷ লৌমী কয়া অমনা অমতা ওইনা পুনশিনলকপা মতমদা, মখোয়দা মখোয়গী কম্বাইন এক্সপরিয়েন্স অদুসু লৈ৷ ই-পাউ খঙবা হেনগৎলকই৷ অনৌবা ইন্নোবেসনশিংগীদমক অনৌবা লম্বী হাংদোক্তুনা থম্মী৷ এফ.পি.ও.না মরিশুবা শক্তি লৈ অমদি মদু রিক্স মেনেজমেন্ত অদুনি৷ পুন্না অমতা ওইনা অদোম্না চেলেঞ্জ অসি হেন্না ফবা মওংদা থেংনবা ঙমগনি অমদি মখোয় অদুবু থেংননবা লম্বীশিং য়াৎপা ঙমগনি৷

মার্কেৎকী মতুং ইন্না লাক্লিবা অহোংবশিং অদুবু ইফেক্তি তৌবা ঙম্বা অসিনা মঙাশুবা শক্তি ওইরি৷ মার্কেৎ অমদি মার্কেৎকী দিমান্দ অসি লেপ্প-লৈতনা হোংলি৷ অদুবু অপিকপা লৌমীশিংনা ই-পাউ অসি ফংদবা নত্রগা ত্রান্সফোর্মেসনগীদমক মখোয়না রিসোর্সশিং মোবিলাইজ তৌবা ঙমদে৷করিগুম্বা মতমদা, মীয়াম পুম্নমক্না চপ মান্নবা মহৈ-মরোং হুল্লি অমদি মতুং তারকপদা মহৈ-মরোং অদুগী দিমান্দ অসি হন্থরকখ্রে হায়না খঙবা ঙমখি৷ অদুবু এফ.পি.ও.দা, অদোম অসি মার্কেৎ-রেদী খক্তা নত্তে, অদোম্না মার্কেৎতা অনৌবা প্রদক্তশিংগীদমক দিমান্দ শেমগৎপগী শক্তি অদুসু অদোমদা লৈ৷

মরুপশিং,

এফ.পি.ও.শিংগী শক্তি অসি খঙলক্তুনা, ঐখোয়গী সরকারনা মখোয়বু লেবেল খুদিংমক্তা থৌনা হাপ্লি৷ হায়রিবা এফ.পি.ও.শিং অসিসু লুপা লাখ ১৫ য়ৌনা মতেং ফংলি৷ মসিনা মরম ওইদুনা, ওর্গনিক এফ.পি.ও. ক্লস্তরশিং, ওইল সীদ ক্লস্তরশিং, বেম্বু ক্লস্তরশিং অমদি হনী এফ.পি.ও. ক্লস্তরশিং অসি ঙসিদি লৈবাক অসিনা খোংলৈ থুনা চাওখৎলক্লি৷ ঙসিদি, ঐখোয়গী লৌমীশিংনা ‘ৱান দিস্ত্রিক ৱান প্রদক্ত’কুম্বা স্কিমশিংগী কান্নবশিং লৌরি অমদি মসিনা মরম ওইদুনা, লৈবাক অসিগী অমসুং মপান লৈবাক্কী অচৌবা মার্কেৎশিং অসি মখোয়গীদমক হাংদুনা থম্লি৷

মরুপশিং,

ঙসি ফাওবদা, ঐখোয়না লৈবাক অসিগী লৌমীশিংনা য়াম্না লাইনা ফংবা ঙম্বা পোৎলমশিং অদু মপান লমশিংদগী পুশিল্লক্লি৷ মসিগী খুদম হায়ববু চানবা থাউ অসিনি৷ মপান লমদগী ঐখোয়না চানবা থাউ লৈরি৷ লৈবাক অসিনা অতোপ্পা লৈবাকশিংদা মসিগীদমক অচৌবা শেনফম অমা থীরি৷ মরম অদুনা, ঐখোয়গী লৌমীশিংনা হারিবা শেনফম অসি ফংজনবগীদমক ঐখোয়গী সরকার অসিনা নেস্নেল পাল্ম ওইল মিসন অসি লুপা কোতি ১১,০০০গী শেনফম থাদদুনা হৌদোকখিবনি৷

মরুপশিং,

হৌখিবা চহিশিংদা, লৈবাক অসিনা লৌউ-শিংউবগী হিরমদা ইতিহাসিক ওইরবা মাইলস্তোন কয়া ফংখ্রে৷ কোরোনাগী চেলেঞ্জশিং অসিগী মতুং ফাওবদা, ময়াম পুম্নমক্না কন্না হোৎনবিদুনা রেকোর্দ ওইবা লেবেল অমদা লৈবাক অসিদা মহৈ-মরোং পুথোকখ্রে৷ হৌখিবা চহিদা, লৈবাক অসিগী মহৈ-মরোং পুথোকপগী চাং অসি মিলিয়ন তন ৩০০ য়ৌখি৷ হোর্তিকল্চর, ফ্লোরিকল্চর অমসুং হোর্তিকল্চর কল্তিবেসনদা পুথোকপগী চাং অসি হৌজিক্তি মিলিয়ন তন ৩৩০ হেনখ্রে৷ শঙ্গোম পুথোকপগী চাং অসিসু হৌখিবা চহি তরেৎ অসিগা চাংদম্নবা মতমদা চাদা ৪৫গী চাংদা হেনগৎলকখ্রে৷ মসি খক্ত নত্তনা, লৌমীশিংনা রেকোর্দ ওইবা মওংদা পোৎলমশিং পুথোরকপা তারবদি, লৈবাক অসিনসু এম.এস.পি.দা রেকোর্দ ওইনা পোৎ-চৈ লৈরি৷ ঐখোয়না ইরিগেসনদসু পর দ্রোপ-মোর ক্রোপ প্রমোত তৌরি৷ হৌখিবা চহিশিং অসিদা, লম প্রধান মন্ত্রী কৃশি সিঞ্চাই য়োজনাগী খুৎথাংদা হেক্তর লাখ ৬০রোম মাইক্রো-ইরিগেসন অমদি দ্রিপ ইরিগেসন ফংহনখ্রে৷

নেচরেল কলামিতীশিংগী মতমদা লৌমীশিংদা পীরিবা চৈথেংশিং অদু হন্থনবসু ঐখোয়না হোৎনখ্রে৷ প্রধান মন্ত্রী ফসল বিমা য়োজনাদগী লৌমীশিংনা ফংখিবা কম্পেন্সেসন অদু লুপা কোতি লাখ অমা হেনখ্রে৷ ফিগর অসি য়াম্না মরু ওই৷ লৈবাক অসিদা লৈরিবা লৌমীশিংনা প্রিমিয়ম অমা ওইনা লুপা কোতি ২১,০০০রোমগী শেনফম থিখি, অদুবু মখোয়না কম্পেন্সেসন ওইনা লুপা কোতি লাখ অমা হেনবগী শেনফম ফংখি৷ এগ্রীকল্চরেল রেসিদ্যুশিংদগী বাইওফ্যুল শেম্নবা লৈবাক অসিদা অনৌবা য়ুনিৎ চা কয়া শেমগৎলক্লি৷চহি তরেৎকী মমাংদা লৈবাক অসিদা চহি খুদিংগী ইথানোল লিতর কোতি ৪০দগী তানা পুথোক্লম্বা অদু ঙসিদি লিতর কোতি ৩৪০ হেন্না পুথোক্লি৷

মরুপশিং,

গোবর-ধন য়োজনা অসি লৈবাক শিনবা থুংনা য়ৌহল্লি৷ ষন্থিদগী বাইওগ্যাস সুংদোক্নবা খুঙ্গংশিংদা লৈরিবা খুঞ্জাশিংবু পুক্নিং থৌগৎলি৷ বাইওগ্যাস শিজিন্নবগী চাং অসি হেনগৎহন্নবা লৈবাক শিনবা থুংবদা প্লান্তশিং শেমগৎলি৷ হায়রিবা প্লান্তশিং অসিনা চহি খুদিংগী ওইনা অকুপ্পা ওর্গনিক মেন্যুর মিলিয়ন তন কয়া পুথোক্লগনি, হায়রিবশিং অসি লৌমীশিংদা অহোংবা মমলশিংদগা ফংহল্লগনি৷ ষন্থিনা রেভেন্যু কাহল্লকপা মতমদা, শঙ্গোম পীদবা নত্রগা শঙ্গোম থোকপা লেপখ্রবা অসিগুম্বা শাশিং অসিনা পোৎলুম অমদি ওইররোই৷ মীপুম খুদিংমক লৈবাক অসিদা কান্নবা ওইগদবনি অমদি মীওই অমতনা কনা লৈজদবগুম লৈবা য়ারোই; মসিসু ইশা ইরোমদোম লেপচবা ঙম্বা অমনি৷

মরুপশিং,

শা-ষনশিংবু য়ুমদা লাইয়েংনবা অমদি য়ুমদা আর্তিফিসিয়েল ইন্তিলিজেন্স শিন লাংদুনা থম্নবা কেম্পেন্দ অমা পাংথোক্লি৷ শা-ষনশিংদা ফুত অমসুং মাউথ দিজিজ নাহল্লিবা অসি লাকশিনবা ঙম্নবা ভেক্সিনেসন মিসন অমসু পাংথোক্লি৷ সরকার অসিনা  কমাধেনু কম্মিসন শেমগৎখ্রে অমদি  লুপা কোতি লিশিং কয়াগী অখন্নবা ফন্দ অমা দাইরী সেক্তরগী ইনফ্রাস্ত্রকচরগীদমক শেমগৎখ্রে৷ কিসান ক্রেদিৎ কার্দশিংগী ফেসিলিতীশিং শিজিন্নদুনা পেস্তোরেলিস্ত লাখ কয়া শম্নহনখিবা অসিসু ঐখোয়গী সরকার অসিনি৷

মরুপশিং,

পৃথিবী অসিনা ঐখোয়গী ইমানি, ইমা মালেম অসিবু কন্নবা ঐখোয়না হোৎনখিদবা মতমদা, লম অসি ইহাং-হাংদুনা লৈবা ঐখোয়না উরে৷ ঐখোয়গী পৃথিবী অসিদা লৈরিবা লমশিংবু ইহাং-হাংনা থম্বা অসিদগী ঙাকথোক্নবগী অফবা লম্বী অমা লৈ, মদুদি কেমিকেল-ফ্রী ওইবা ফার্মিং অসিনা ওই৷ মরম অদুনা, মমাংগী চহিদা লৈবাক অসিনা অতোপ্পা বিজনরী ওইবা থবক অমা পাংথোকখ্রে, মদুদি নেচরেল ফার্মিং অসিনি৷ হৌজিক্তিা, অদোম্না দোকুমেন্তরী অমা উখি অমদি মদুবু সোসিয়েল মেদিয়াদা শন্দোক্তুনা লৈবাক অসিদা লৈরিবা লৌমী খুদিংমক্তা য়ৌহনবা ঐনা পাম্মী৷

ঐখোয়গী ঙল্লিঙৈ মতমগী মীরোনশিং অসিদগী ঐখোয়না নেচরেল ফার্মিংগী মতাংদা কয়া অমা তমখ্রে৷ ঐখোয়গী ত্রেদিস্নেল নোলেজ অসি ওর্গনাইজ তৌদুনা মতমগা চুনরবা তেক্নোলোজীগা কন্নেক্ত তৌবগী চপ-চাবা মতমদা অদু হৌজিক ওইরে৷ ঙসিদি মালেম অসিদা কেমিকেল-ফ্রী গ্রেনশিংগী অচৌবা দিমান্দ অমা লাক্লি, অমদি  পোৎ লৈরিবা মীওইশিংনসু মসিগীদসু মমল হেন্না ৱাংনসু পীনিংলি৷ মসিনা মহৈ-মরোংশিং অসি পুথোকপদা শেল হেন্না চংহনদে অমদি হেন্না ফবা মওংদা পোত্থোক পুথোকপা ঙম্মী৷ কেমিকেল-ফ্রী ওইবা হায়বসিনা ঐখোয়গী লৈহাউদা, ফর্তিলিতীদা অমসুং কঞ্জুমরগী হকশেলদা হেন্না ফবা ওইহল্লি৷নেচরেল ফার্মিং অসি হেন্না মীৎয়েং চংনবা অমদি মদুবু অদোমগী ফার্মিংদা পাংথোকপিনবা ঐনা ঙসি ময়ামদা তকশিনজরি৷

ইয়াম্বা অমসুং ইনাউশিং,

অনৌবা চহিগী অহানবা নুমিৎ অসি অনৌবা রিজোলুসনশিংগী নুমিৎনি৷ নিং-খা তম্বগী নুংঙাইরবা মতম অশিদা রিজোলুসনশিং অসিনা লৈবাক অসি হেন্না মথৌ তৌবা ঙমহল্লগনি৷ মতাংদগী অসিদগী ঐখোয়না ইন্নোবেত তৌনবা, করিগুম্বা অনৌবা অমা পুথোক্নবা হোৎনগদবনি৷ লৌউ-শিংউবদা য়াওন অমা লাক্লিবা অসি ঙসিগী মতম অসিনা দরকার ওইহনবনি৷অনৌবা ক্রোপশিং অমদি অনৌবা মেথর্দশিং শিজিন্নবদা ঐখোয়না নিংহন্নবা তৌরোইদবনি৷ ক্লিনিনেসকী রিজোলুসন অসি ঐখোয় কাওথোক্লোইদবনি৷ ক্লিনিনেসকী মৈরি অসি খুঙ্গং অমসুং ফার্ম খুদিংমক্তা ঐখোয়না চুখৎকদবনি৷ মশা মরোমদোম লেপচবা ঙম্বা অমদি মীয়ামগী খোল্লাউ তাবা অসিনা ঐখোয়গী খ্বাইদগী চাওবা রিজোলুসন ওইরি৷ ভারত্তা শাজবা পোত্থোকশিং অসি মালেম শিনবা থুংনা মশক খঙহন্নবা ঐখোয়না হোৎনগদবনি৷ মসিগীদমক, ভারত্তা শাজবা পোৎ খুদিংমক্তা ঐখোয়না প্রাইয়োরিতী পীবা য়াম্না তঙাই ফদে৷

ঙসি ঐখোয়না পাংথোক্লিবা থবক থৌরমশিং অসিনা লাক্কদৌরিবা চহি ২৫ অসিগী দিবেলপমেন্ত জর্নীগী মমাই চুমগদৌরিবনি হায়না ঐখোয়না নিংশিংগদবনি৷ জর্নী অসিদা ভারত্তা লৈরিবা প্রজা খুদিংমক্কী হোৎনজমল য়াওগদৌরিবনি৷ ঐখোয়না ভারতপু মহাক্কী মঙাল নাইরবা আইদেন্তিতীদা অমুক হঞ্জিনবা ঙমদুনা ভারতপু অনৌবা থাক অমদা পুখৎপা ঙমগনি হায়বসি ঐগী থাজবনি৷ অনৌবা চহিগী অহানবা নুমিৎতা লৈবাক অসিদা লৈরিবা লৌমী কোতি কয়াগী বেঙ্ক একাউন্তশিংদা লুপা কোতি ২০,০০০ ত্রান্সফর তৌখিবা অসিনা অদুগুম্বা হোৎনজমলগী মনুংদা অমা ওইরি৷

ময়াম পুম্নমক অমুক্কা হন্না নুংঙাই-য়াইফবা অনৌবা চহি ২০২২ ওইরসনু!

হন্ন-হন্না থাগৎচরি!

Explore More
পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক

Popular Speeches

পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক
Mobile imports: PLI scheme has helped reduce India's dependancy on China, says CRISIL report

Media Coverage

Mobile imports: PLI scheme has helped reduce India's dependancy on China, says CRISIL report
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 6 জুলাই, 2022
July 06, 2022
Share
 
Comments

Agnipath Scheme is gaining trust and velocity, IAF received 7.5L applications.

Citizens take pride as India is stepping further each day in the digital world