ভারত্ত, হৌজিক ঐখোয়গী নোংপোক্কী রাজ্যশিংগী যুগনি: প্রধান মন্ত্রী
ঐখোয়গী ৱাশক্তি লৈবাক অসিদগী নেক্সালিজম মপুংফানা মুৎথৎপনি: প্রধান মন্ত্রীচাউখৎত্রিবা মফমশিং ঐখোয়না মরুওইনা লৌরি, মন্ত্রীমন্দলনা প্রধান মন্ত্রী ধন-ধন্যা কৃষি য়োজনা অয়াবা পীদুনা মসিগী মখাদা লৌউ-শিংউগী লমদা খ্বাইদগী শোৎথরিবা জিলা ১০০ মশক খঙদোক্লগনি: প্রধান মন্ত্রীভারত ইমানা য়াইফরে।
ভারত ইমানা য়াইফরে।
ভারত ইমানা য়াইফরে।
সাৱনগী শেংলবা থা অসিদা, ঐহাক্না বাবা সোমেস্বরনাথকী খুয়াখাদা ইকোক নোঞ্জরি, অমদি বিহারগী মীয়াম পুম্নমক্কী পুন্সিদা নুংঙাই-য়াইফবা পীনবিয়ু হায়না থৌনিজরি।
বিহারগী গভর্নর শ্রীমান আরিফ মোহম্মদ খান জী, প্রদেশকী মীয়াম্না য়াবা মুখ্য মন্ত্রী নীতীস কুমার জী, কেন্দ্রগী মন্ত্রী মন্দলগী ঐগী খোঙবু জীতন রাম মাঞ্ঝী জী, গিরিরাজ সিংহ জী, ললন সিংহ জী, চিরাগ পাসৱান জী, রামনাথ থাকুর জী, নিত্যানন্দ রাই জী, সতিস চন্দ্র দুবে জী, রাজ ভুসন চৌধরী জী, বিহারগী উপমুখ্যমন্ত্রী সম্রাত চৌধরী জী, বিজয় সিন্হা জী, পার্লিয়ামেন্তকী ঐগী মরুপ, বিহারগী ইকায়খুম্নরবা লুচিংবা উপেন্দ্র কুশৱাহা জী, বিহার ভার্তিয় জনতা পার্তী গী চেয়রমেন দিলিপ জাইসৱাল জী, লেঙশিনবিরিবা মন্ত্রীশিং, মীয়ামগী মীহুৎশিং অমদি বিহারগী ঐগী ইচিল ইনাওশিং!
রাধা মোহন সিংহ জীনা ঐঙোন্দা মতম পুম্বদা চম্পারন্দা লাক্নবা তাঞ্জা পীদুনা লাক্লি। চম্পারন হায়রিবা মফম অসি পুৱারী শেমখিবা, নীংতম ইহৌগী মতমদা গান্ধীজীগী মফমদা অনৌবা মায়ওন অমা পীখিবা মফম্নি, হৌজিক্তি লমদমসিনা পুক্নিং থৌগত্তুনা বিহারগী অনৌবা তুংলমচৎ অমা শেম্লগনি।
ঙসি লুপা করোর ৭০০০ হেনবগী প্রোজেক্তশিং শঙ্গারি অমদি উরেপ উয়ুং তম্লি। অসিগুম্বা চাওখৎ থৌরাংগী প্রোজেক্তশিং অসিগীদমক ঐহাক্না ময়াম পুম্নমক অমদি বিহারগী মীয়ামগী মফমদা নুংঙাইবা ফোঙদোকচরি। মফমসিদা নহা অমনা রাম মন্দির অমা মশানা শাজদুনা পুরক্লি, কয়াদা ফজনা শারিবনো। ঐনা খনবদা মহাক্না ঐঙোন্দা খুদোল ওইনা পীনিংবা মাল্লি। অদুনা ঐনা ঐগী এস.পি.জি.গী মীশিংদা হায়খি, মখাদা মহাক্কী মমিং মথা লৈফম ইহল্লকউ, ঐনা মঙোন্দা চিথি ইরক্কনি হায়হনখি। নহাক্না শোয়দনা চিথি অদু ফংগনি। নহাক্না ইফমদা ফজখ্রবা সিতা ইমাবু নুংতিগী খুরুম্নরিবা অয়োধ্যাগী লাইশঙ অসি পীবিবগীদমক ঐনা অদোমবু থাগৎচরি। মহাকপু ঐনা থাগৎলি।
মরূপশিং,
২১শুবা চহিচাসিদা মালেম অসি য়াম্না খোঙজেল য়াঙনা মাঙদা চঙশিল্লি। মতম অমদা পাঙ্গল পুম্বা নোঙচুপ লৈবাকশিংগী মফমদা লৈরম্বসু হৌজিক্তি নোংপোক্তা লৈবা লৈবাকশিংগী ইথিলসু হেনগৎলক্লি, শরুক য়াবা হেনগৎলক্লি। নোংপোক্কী লৈবাকশিংসু হৌজিক্তি চাওখৎপগী অনৌবা খোঙজেল অমদা চেনখৎলক্লি। নোংপোক্কী লৈবাকশিংনা চাওখৎপগী লম্বীদা মাঙদা চঙশিল্লকপগা লোয়ননা ভারত্তসু খোঙজেল অসি ঐখোয়গী নোংপোকথংবা স্তেতশিংগী ফীভম ওইরি। ঐখোয়না হোৎনরিবদি, তুংদা, নোংচুপথংবা ভারতকী শরুক মুম্বাইগুম্না নোংপোক্কী মোতিহারিসু মীয়াম্না খঙনহনবদুনি, গুরুগ্রামদা ফংলিবা খুদোংচাবশিং অদুমক গয়াজীদসু ফংহনবদুনি। পুনেগুম্না পত্নাদসু ইন্দস্ত্রীশিং চাওখৎপদুনি। সুরতকুম্না সন্থাল পরগনাসু চাওখৎপদুনি, জয়পুরগুম্বা জলপাইগুরী অমদি জাজপুরদসু তিরিজমগী অনৌবা রেকোর্দ শেম্বদুনি। বেঙ্গলোরগুম্না বিরভুমদসু মী লাক্নবদুনি।
ইচিল ইনাওশিং,
নোংপোক ভারতপু মাঙদা পুখৎনবগীদমক, ঐখোয়না বিহারবু চাওখৎপা বিহার ওইহন্বা তাই। ঙসি বিহারদা খোঙজেল য়াঙনা থবক পায়খৎলিবা অসি কেন্দ্র অমসুং স্তেত লৈঙাক অনিমক বিহারগীদমক থবক তৌবা লৈঙাক ওইবগীনি। ঐ ময়ামদা মশিং অমা হায়গে, কেন্দ্রদা কংগ্রেস অমসুং আরজেদিগী লৈঙাক লৈবা মতমদা, য়ুপিএগী চহি ১০গী লৈঙাক্তা বিহারনা শুপ্নতগী লুপা করোর লাখ অনিরোমতমক ফংখি। হায়বদি মখোয়না নিতিস জীগী লৈঙাক্তা লমন খুমবনি, বিহারদা লমন খুম্বনি। ২০১৪ দা কেন্দ্রদা অদোম্না ঐহাকপু মীয়ামগী থৌগল তৌনবা তাঞ্জা পীরকখিবা মতমদা, কেন্দ্রদা লৈঙাক পায়রবা মতুংদা ঐহাক্না বিহারদা লমন খুম্নলম্বা অরিবা রাজনিতি অদু লোইশিনখ্রে। হৌখিবা চহি ১০ সিদা, এনদিএগী চহি ১০গী মতমদা বিহার চাওখৎনবা থাদখিবা শেনফমশিং অদু হান্নদগী শরুক কয়া য়াম্না হেল্লবগে হায়বা ঐখোয়গী সম্রাত চৌধরী জীনা হায়বিখ্রে। লুপা করোর লাখ কয়া পীথখ্রে।
মরূপশিং,
হায়বদি কংগ্রেস অমসুং আরজেদিগা য়েংনবদা বিহারনা ঐখোয়গী লৈঙাক্তগী শেল মশিং য়াম্না হেন্না ফংলে। হায়রিবা শেনফম অসিনা বিহারগী মীয়ামগী য়াইফনবা থবক্তা শীজিন্নরি, শেনফম অসি চাওখৎ থৌরাংগী প্রোজেক্তশিংদা শীজিন্নরি।
মরূপশিং,
ঙসিগী মীরোলনা খঙজিনবা মথৌ তারিবা ৱাফমদি, বিহার দেকেদ অদিগী মমাঙদা করম্বা ফীভমদা লৈরম্মি হায়বসিনি। আরজেদি অমসুং কংগ্রেসগী লৈঙাক মতমদা চাওখৎ খোঙজেলদা ব্রেক ফারম্মি, লায়রবশিংগী শেনফম লায়রবশিংগী মফমদা য়ৌবা ঙম্লমদে, লৈঙাক পায়রিবশিংনা কমদৌনা লায়রবশিংগী ফংফম থোকপশিং শগুন তৌশিগে হায়বা খন্দুনা লৈরম্মি। অদুবু বিহারদি ওইথোক্তববুসু ওইথোকহনবা ঙম্বা অথৌবশিংগী পোক্নফম্নি, হোৎনবা কনবশিংগী লমদম্নি। ময়াম্না লমদম অসবু আরজেদি অমসুং কংগ্রেসগী য়োৎহ্লিংদগী মনীং তমহল্লে, ওইথোক্তববু ওইথোকহল্লে, মদুগী মহৈনি, ঙসি বিহারদা লায়রবগী য়াইফ থৌরাংগী থবকশিং লায়রবশিংগী মফমদা হকথেংননা য়ৌবা ঙম্লিবা। হৌখিবা চহি ১১ সিদা, প্রধান মন্ত্রী অৱাস য়োজনাগী মখাদা লৈবাক থুংনা লায়রবা মীওইশিংগী য়ুম করোর মরি হেন্না শাখ্রে। মসিগী মনুংদা বিহারখক্তদা য়ুম লাখ ৬০ রোম শাখ্রে। হায়বদি ঐখোয়না নোর্ৱে, নিউ জীলেন্দ, অমদি সিঙ্গাপোরগুম্বা লৈবাকশিংগী মীশিংদগী হেন্না বিহারখক্তদা কপ্পাগী য়ুম শাখ্রে।
ঐ অতোপ্পা খুদম অমা পীজগে – ঐখোয়গী মোতিহারী দিস্ত্রিক্ত অসিমক্তদা, লায়রবা ইমুং লাখ ৩ লোম্না পক্কাগী য়ুম ফংখ্রে। অদুগা মশিং অসি খোঙজেল য়াঙনা হেনগৎলক্লি। ঙসিমকসু, ইমুং ১২,০০০ না মখোয়গী অহনবা য়ুমদা হোংজিন্নবা তাঞ্জা ফংলি। লায়রবা ইমুং. ৪০,০০০ হেনবনা মখোয়গী ময়ুম শাননবা মখোয়গী বেঙ্ক একাউন্তশিংদা হকথেংননা শেলগী তেংবাং ফংহল্লি। হায়রিবা বেনিফিসরীশিংগী অয়াম্বদি দলিত, মহাদলিত, অমদি শোত্থবা ইমুংশিংগী ঐগী ইচিল ইনাওশিংনি। আরজেদি অমসুং কংগ্রেসকী লৈঙাক মখাদা লায়রবা ইমুংশিংনা পক্কাগী য়ুমদা লৈবা ফংবা হায়বসি ৱাখলনা লাম্বা ঙম্লোইদবা ৱাফম অমনি। মখোয়গী লৈঙাক মখাদা, মীয়াম্না মখোয়গী ময়ুম মচু হাইজিনবা ফাওবা মখোয়বু তাথি তাওইনা তৌবিরক্কনি নৎত্রগা তান্থোকপিরক্কনি হায়না কিনরম্মি। আরজেদিগী মখাদা লৈরম্লবদি কনামত্তনা পক্কাগী য়ুমদা লৈবা ফংলম্লোই।
মরূপশিং,
ঙসি বিহারনা মাঙদা চঙশিল্লি, স্তেত অসিগী ইমা অমদি ইচে-ইচলশিংনা খোঙজেল অসিগী মরুমদা লৈরিবা খ্বায়দগী চাউবা শাফুনি। ঙসি ঐনা শুম য়েংবদা, নুপী লাখ কয়ানা ঐখোয়দা থৌজাল পীনবিবা উখিবা মদুমক পুক্নিং নুংশিবা শকফম অমনি। বিহারগী ইমা অমদি ইচে ইচলশিং, লমদম অসিগী নুপীশিংনা এনদিএনা পায়খৎলকপা খোঙথাং খুদিংমক্কী মরুওইবশিং খঙলি। নীংশিংবিয়ু, অদোমগী খু্ত্তা লুপা ততরা লৈবা মতমদা লোৎনা থম্নরম্বা মতমদু। অদোমগী বেঙ্ক একাউন্ত লৈরমদে, কনামত্তা বেঙ্কতা চঙহল্লমদে। মোদীখক্তনা লায়রবশিংগী ইকায়খুম্নবা হায়বসি করিনো খঙই। মোদীনা বেঙ্কশিংদা হংখি – করিগীনো নখোয়না লায়রবশিংগীদমক থোঙ হাংদ্রিবা? ঐখোয়না অচৌবা কেম্পেন অমা হৌদোক্তুনা জন ধন একাউন্ত একাউন্তশিং হাংদোকখি। থৌশিল অসিনা লায়রবা ইমুংশিংগী নুপীশিংনা চাউনা কান্নবা পীখি। মদুগী তুংদা, লৈঙাক্কী স্কীমগী শেনফমশিং হায়রিবা একাউন্তশিং অসিদা ত্রান্সফর তৌবা হৌখি। নুমিৎ খরনিগী মমাঙদা, নিতীস জীগী লৈঙাক্না, মহাক্নসু হৌজিক্তা লাউথোকখিবদুনি, অহল, মীমান্নদ্রবা, অমদি লুখ্রাবী মমাশিংগী পেন্সনগী শেনফম থাদা লুপা ৪০০ ওইরম্বদা লুপা ১,১০০ দা হেনগৎখ্রে। শেনফম অসিসু অদোমগী বেঙ্ক একাউন্ততা হকথেংননা দিপোজিত তৌরক্কদৌরিবনি। হৌখিবা থা ১.৫ অসিখক্তদা, লুপা করোর ১,০০০ হেনবগী শেলগী তেংবাং, বিহারগী সেল্ফ হেল্প গ্রুপ ২৪,০০০ দা থাখ্রে। মসি ঐখোয়গী ইমা অমদি ইচে ইচলশিংনা জজন ধন একাউন্ত পায়বদগী ওইথোকপা ঙম্লিবনি।
মরূপশিং,
থৌরাং অসিনা নুপীশিং মপাঙ্গল হাপ্পদা পীরিবা কান্নবা ময়েক শেংনা উবা ফংলি। লৈবাক থুংনা, বিহারদসুনি, “লাখপতি দিদি” গী মশিং তপ্না তপ্না হেনগৎলক্লি। ঐখোয়গী পান্দমদি ভারত্তা ‘লাখপতি দিদি’ করোর ৩ শেম্বনি। হৌজিক ফাওবদা নুপী করোর ১ো৫ না হায়রিবা পন্দোল অসি লোম্বা ঙম্লে। বিহারদসু, নুপী লাখ ২০ হেনবনা “লাখপতি দিদি” ওইরে। চম্পরনসিমক্তদসু, নুপী ৮০,০০০ হেনবনা সেল্ফ হেল্প গ্রুপশিংদা য়াওশিন্দুনা “লাখপতি দিদি” ওইখ্রে।
মরূপশিং,
ঙসি লুপা করোর ৪০০ গী কম্ম্যুনিতী ইনভেস্তমেন্ত ফন্দ অমসু মফমসিদা থাদোক্লি। ফন্দ অসিনা নুপীশিংগী মতিং ফুদোকহনবদা মতেং পাংগনি। নিতীস জী না হৌদোক্লিবা ‘জীবিকা দিদি’ স্কিম অসিনা বিহারগী নুপীশিং মরোমদোম লেপচবা ঙম্নবা লম্বী য়াৎলে।
মরূপশিং,
বিজেপি অমদি এনদিএগী মীৎয়েং তশেং তশেংই—বিহারনা চাওখৎলবা মতমদতা ভারতনা মাঙদা চঙশিনগদৌরিবনি। অদুগা বিহারগী নহাশিংনা মাঙদা চঙশিল্লবা মতমদা বিহারনা চাওখৎকদৌরিবনি। ঐখোয়গী ফিরেপ তশেং তশেংই—নুংঙাই য়াইফব বিহার, নহা খুদিং থবক ফংবা বিহার! বিহারগী নহাশিংনা স্তেত অসিদা থবক মরাং কায়না ফংহন্নবগীদমক, হৌখিবা চহি খরসিদা থবক ফনা য়াম্না পায়খৎলে। নিতিস জীগী লৈঙাক্না অরোন অথুপ অমত্তা লৈতনা নহা লাখ কয়াদা লৈঙাক্কী থবক পীরি। নিতিজ জীনা বিহারগী নহাশিংদা থবক পীননবা হন্দক্তা নৌনা ফিরেপ লৌখ্রে, অদুগা কেন্দ্র লৈঙাক্না মহাক্কী লোয়ননা থবক পায়খৎমিন্নরি।
মরূপশিং,
নুমিৎ খরনিগী মমাঙদা, কেন্দ্র লৈঙাক্না অচৌবা স্কিম অমা অয়াবা পীখি। থৌশিল অসিগী মখাদা, প্রাইভেত কম্পেনী অমদা থবক অহানবা ফংলিবা নহাশিংদা কেন্দ্র লৈঙাক্না লুপা ১৫,০০০ পীগনি। স্কিম অসি ওগস্ত ১ দগী চৎনবা হৌগদবনি। কেন্দ্র লৈঙাক্না থৌরাং অসিদা লুপা করোর লাখ ১ থাদনবা থৌরাং তৌরিি—মসি নহাশিংদা থবক অনৌবা পীনবগীদমক্তনি। বিহারগী নহাশিংনা মসিদগী কান্নবা চাউনা ফংগনি।
মরূপশিং,
বিহারদা মশানা মশাবু থবক পীজবগী থৌওং য়োকখৎনবা, মুদ্রা য়োজনাগুম্বা স্কীমশিং খোঙজেল য়াঙখৎহল্লি। হৌখিবা থা অনিসিদা, স্কীম অসিগী মখাদা বিহারদা লোন লাখ কয়া য়েন্থোকখ্রে। চম্পারন্দসু, নহা ৬০,০০০ না মশানা মশাবু থবক পীজনবা মুদ্রা লোন ফংখি।
মরূপশিং,
আরজেদিদা লৈরিবা মীওইশিংদুনা নখোয়দা থবক পীবা কৈদৌঙৈদা ঙম্লোই—নখোয়দাথবক পীবগী মিংদা, নখোয়গী লম লৌখিগনি অমদি মখোয় মশাগী মিংদা ওনশিনখিগনি। কৈদৌঙৈদা কাউগনু—নাকল অমদা লেন্তর্নগী মতমগী বিহারনি, অদুগা নাকল অমদনা অনৌবা মঙলানগী মৈরী চুখৎলিবা বিহারনি। খোঙচৎ অসি এনদিএগা পুন্না চৎমিন্নরবা মতমদতা ওইথোকপা ঙম্লিবনি। মরম অদুননি বিহারগী খোঙফম হোংদ্রিবা—এনদিএগা লোয়ননা মীৎকুপ খুদিংদা।
মরূপশিং,
হৌখিবা চহিশিংদা, বিহারগী নক্সলিজমগী মায়োক্তা থবক পায়খৎপনা স্তেত অসিগী নহাশিংগী হেন্না ফবা অমদি হেন্না শাফবা তুংলমচৎ অমগী লম্বী য়াৎলে। চম্পারন, ঔরঙ্গবাদ, গয়া জী, অমসুং জমুইগুম্বা মাইজম্না চহি কয়া শোকহল্লবা দিস্ত্রিক্তশিং নিংশা নীং তম্না হোনবা ঙম্লে। লমদম অসিদা খন্দুনা লৈরম্বা মাউইজমগী অমম্বা মমি হৌজিক্তি হাইদোকখ্রে, অমদি ঙসিদি লমদম অসিগী নহাশিংনা অচৌবা মঙলানশিং মঙলি। নক্সলিজমবু মরু ফংনা মুত্থৎখিবা হায়বসি ঐখোয়গী লেঙদ্রবা পান্দম্নি।
মরূপশিং,
হৌজিক লৈরিবা অসি ভারত ইমাগী. য়েক্নবশিংবু অচুম্বা ৱায়েলদা পুরক্নবা লেম্না থাদবা অদুগুম্বা অনৌবা ভারতনি। বিহারগী লৈমায়দগী, ঐনা ‘ওপরেসন সিন্দুর’ হৌনবা ফিরেপ লৌখি, অদুগা ঙসি মালেম পুম্বনা মদুগী মায় পাকপা উবা ফংলি।
মরূপশিং,
বিহারদা মতিং অমদি মচাক অৱাৎপা অমত্তা লৈতে। ঙসি, হায়রিবা মচাকশিং অসিনা বিহারগী চাওখৎ খোঙজেলবু মথৌ হাপ্লি। এনদিএ লৈঙাক্না হোৎনরিবশিং অসিনা মরম ওইরগা মতৌ করম্না মখনগী মমল হেনগৎলকখিবা য়েংবিয়ু—মসিগী মরমদি ঐখোয়না মখন লৌমীশিংবু অচৌবা কৈথেলশিংগা শম্নহল্লি। ঐখোয়না মখন বোর্দ অমা লিংখৎলি, লফোয়, লিৎচি, মর্চা ফৌ, কতর্নি ফৌ, জর্দালু হৈনৌ, মগাহি পান—হায়রিবশিং অমদি অতৈ পোত্থোকশিংনা হৌজিক্তি লৌমীশিংবু মালেমগী কৈথেলগা শম্নহল্লগনি।
ইচিল ইনাওশিং,
লৌউ-শিংউগী পোত্থোক হেনগৎহনবা অমদি লৌমীশিংগী শেন্থোক হেনগৎহনবনা ঐখোয়গী মরুওইবা পান্দম্নি। পিএম-কিসান সম্মান নিধি স্কিমগী মখাদা লৌমীশিংদা চাউরাক্না লুপা করোর লাখ ৩.৫ রোম ফংহনখ্রে। মোতিহাীরিখক্তদা, লৌমী লাখ ৫ হেনবনা লুপা করোর ১,৫০০গী মথক্তা ফংখ্রে।
মরূপশিং,
ঐখোয়না খোল্লাউ খক্তমক লাউরগা তোক্তে, অদুগা ঐখোয়না ৱাশকখক্তমক শক্লগসু তোক্তে—ঐখোয়না থবক্না উত্তুনা ফংহল্লি। ঐখোয়না শোত্থহৌরবা অমদি খ্বায়দগী শোত্থহৌরবশিংগীদমক লেপ্তনা থবক পায়য়খৎলি হায়রিবসি ঐকোয়গী থৌরাং অমদি ৱারেপশিংদা মমি শেংনা তারি। এনদিএ লৈঙাক্কী পান্দমদি—শোত্থহৌরবা কাঙলুপ খুদিংদা মরুওইবা মীৎয়েঙ থম্বনি। শোত্থহৌরবা মফম ওইরবসু নৎত্রগা শোত্থহৌরবা কাঙলুপ ওইরবসু, মখোয়না ঐখোয়গী লৈঙাক্কী খ্বায়দগী মরুওইবা মীৎয়েঙ থম্লিবা কাঙলুপ্নি। দেকেদ কয়া, ঐখোয়গী লৈবাকসিদা লৈরিবা দিস্ত্রিক্ত ১১০ হেনববু ‘শোত্থহৌরবা’ হায়বা মিংথোল পীদুনা মখোয়বু নাথৈদুনা থম্বিরম্মি। অদুম ওইনমক ঐখোয়না হায়রিবা দিস্ত্রিক্তশিং অসিদা মরুওইবা মীৎয়েং থমখি—মখোয়বু শোত্থহৌরবা কৌদে, তুংগী মঙলান চাছবা দিস্ত্রিক্তশিং কৌদুনা মখোয়গী চাওখৎ থৌরাংদা ইনোৎ হাপখি। মদুনি ‘শোত্থহৌরবশিংদা মরুওইবা মীৎয়েং থম্বা’ হায়রিবসি। ঐখোয়গী ঙমখৈগী খুঙ্গংশিংসু মমৈদা লৈবা খুঙ্গং হায়না খঙনদুনা নাথৈদুনা থম্বিরম্মি। ঐখোয়না ৱাখল্লোন অদু হোংদোক্তুনা—হায়রিবা ‘মমৈগী খুঙ্গংশিং’ অসিবু লৈবাকসিগী ‘অহানবা খুঙ্গংশিং’ কৌদুনা মখোয়গী চাওখৎ থৌরাংদা মরুওইবা মীৎয়েঙ থমখি। মসিদসু ‘শোত্থহৌরবশিংদা মরুওইবা মীৎয়েঙ থম্বা’ হৌখি। ঐখোয়গী ওবিসি ফুরুপকী মীওইশিংনা দেকেদ কয়া ওবিসি কম্মিসন্দা কন্সতিত্যুস্নেল স্তেতস ফংহন্নবা ৱাফম তান্দুনা লাকখি। হায়রিবা ৱাফম অদু ফংহনখিবা ঐখোয়গী লৈঙাক্ননি। ঐখোয়গী ত্রাইবেল ফুরুপকী মীওইশিংদসু, ঐখোয়না জনমন স্কিমগী খুত্থাঙদা শোত্থহৌরবা কাঙলুপশিং মশক খঙদোক্তুনা মখোয়দা মরুওইবা মীৎয়েঙ থমখি, অমদি মখোয়গী চাওখৎ থৌরাংগীদমক লুপা করোর ২৫,০০০ শীজিন্নরি। মরম অসিননি ঐহাক্না শোত্থহৌরবশিং অসিদা ঐখোয়না মরুওইবা মীৎয়েঙ থম্লি হায়রিবা।
হায়রিবা মঙলান অসিমক্কী পরিংদা, অতোপ্পা অচৌবা স্কীম অমসি হৌদোক্লে। নুমিৎ নিনিগী মমাঙদা, কেন্দ্রগী মন্ত্রী মন্দলনা ‘প্রধান মন্ত্রী ধন-ধন্য ক্রিসি য়োজনা’ অয়াবা পীখি। স্কীম অসিগী মখাদা, লৌউ-শিংউগী লমদা খ্বায়দগী মনিং থংবা দিস্ত্রিক্ত ১০০ মশক খঙদোক্কনি। হায়রিবা দিস্ত্রিক্তশিং অসিদা লৌউ-শিংউগী অচৌবা মতিং লৈ, অদুবু পোত্থোক পুথোকপা অমদি লৌমীশিংগী শেন্থোক্তা মনিংদা লৈরি। হায়রিবা দিস্ত্রিক্তশিং অসিদা মরুওইবা মীৎয়েং থমগনি অমদি স্কিম অসিগী মখাদা ঙাক্লৌ পীগনি। মসিসুনি ‘শোত্থহৌরবশিংদা মরুওইবা মীৎয়েঙ থম্লিবা’ হায়রিবসি—অদুগা লৈবাক পুম্বগী লৌমী করোর ১.৭৫ না মসিদগী হকথেংননা কান্নবা ফংগনি। হায়রিবা বেনিফসরিশিং অসিগী য়াম্লবা শরুক অমদি বিহারগী ঐহাক্কী ইচিল ইনাওশিংনা ওইগদৌরিবনি।
মরূপশিং,
ঙসি লুপা করোর লিশিং কয়াগী ওইগদবা রেলৱে অমদি লম্বীগী প্রোজেক্তশিং শঙ্গারি অমদি উরেপ উয়ুং তম্লি। হায়রিবা প্রোজেক্তশিং অসিনা বিহারগী মীয়ামদা চাওনা কান্নবা পীগনি। লৈবাকসিগী লম্বী কয়াদা, অমৃতা ভারত এক্সপ্রেস লমথাখ্রে। দাইরেক্ত অমৃত ভারত এক্সপ্রেস অমা হৌজিক্তি মোতিহারি-বাপুধামদগী অনন্দ বিহার, দিল্লী ফাওবা চেল্লগনি। মোতিহারি রেলৱে স্তেসনসু অনৌবা মশক মওং অমদি হেন্না ফবা ফেসিলিতীশিংগা লোয়ননা শেমগৎলি। দর্ভঙ্গ-নারকতিয়াগঞ্জ রেল লাইন দব্লিং তৌবনা লমবী অসিদা চৎলিবা মীয়ামদা চাউনা খুদোংচাবা পীগনি।
মরূপশিং,
চম্পারন হায়রিবা মফম অসি ঐখোয়গী লাইনিং অমদি নাৎকা য়াম্না অচেৎপা মরী লৈনৈ। রাজ-জানকি পথনা মোতিহারিগী সত্তরঘাত, কেসরিয়া, চাকিয়া, অমসুং মধুবন ফাওদুনা চৎলি। সিতামারহিদগী অয়োধ্যা ফাওবা শাগৎলিবা অনৌবা রেলৱে লাইন অসিনা চম্পারনদগী লাই নীংবশিংবু অয়োধ্যা দর্শনগীদমক চৎপা ঙমহল্লগনি। পুম্নমক অসিগী খ্বায়দগী চাওবা কান্নবদি বিহারগী চত্থোক চৎশিনগী পাম্বৈ ফগৎলকপা অসিনি, মসিনা অনৌবা থবক পীনবগী খুদোংচাবসু হেনগৎহল্লগনি।
মরূপশিং,
কংগ্রেস অমসুং আরজেদিনা মতম শাংনা লায়রববা, দলিত, শোত্থহৌরবা কাঙলুপ অমদি ত্রাইবেল ফুরুপশিংগী মিংদা রাজনিতি শান্নদুনা লাকখ্রে। অদুবু মান্নবা মঙম ফংহনবগী মহুত্তা মখোয়না মশাগী ইমুং মনুংগী ৱাংমদা লৈবা কনামত্তবু ইকায়খুম্নবিদে। মখোয়গী মতৌ পুম্বা ঙসিদি বিহার পুম্বনা শিৎ নান্না উরে। ঐখোয়না বিহারবু মখোয়না পাম্লিবদুদগী ঙাকথোকপা তাই। নিতিজ জীগী কাঙবু, বিজেপি কাঙবু, অমদি এনদিএ পুম্বনা চহি কয়া চোকথবা নাইদনা থবক তৌদুনা লাক্লি। শ্রী চন্দ্র মোহন রাই জীগুম্বা মশক নাইবা মীওইশিংনা ঐখোয়গী লম্বী লমজিংদুনা লাকখি। ঐখোয় পুন্না বিহার চাওখৎহন্নবা খোঙচৎকী খোঙজেল য়াঙখৎহনমিন্নবা তাই। ঐখোয় পুন্না বিহারগী হেন্না তরং তরংবা তুংলমচৎ অমগী মায়কৈদা চঙশিনমিন্নবা তাই। ঐখোয় ৱাশক অমা শকমিন্নসি—অনৌবা বিহার শেমগনি, অমুক হন্না এনদিএ লৈঙাক পুরক্কনি।
মসিগা লোয়ননা, ঐ না অমুক্কা হন্না ঙসিগী চাওখৎ থৌরাংগী প্রোজেক্তশিং অসিগীদমক নুংঙাইবা ফোঙদোকচরি। হৌজিক ময়াম পুন্না খুৎ অনিমক থাঙ্গৎমিন্নদুনা খোঞ্জেল হৌনা লাউবিয়ু—
ভারত ইমানা য়াইফরে!
ভারত ইমানা য়াইফরে!
ভারত ইমানা য়াইফরে!
ময়ামবু হন্না হন্না থাগৎচরি।
