Share
 
Comments
“The notion that India is emerging as a manufacturing hub is stabilizing in the mind of the world”
“Policy is just a beginning, policy plus performance is equal to progress”
“National Logistics Policy has not come out of the blue, there are 8 years of hard work behind it”
“From 13-14 percent logistics cost, we should all aim to bring it to single-digit as soon as possible”
“Unified Logistics Interface Platform- ULIP will bring all the digital services related with the transportation sector on a single portal”
“Gatishakti and National Logistics Policy together are now taking the country towards a new work culture”
“India, which is determined to become developed, now has to compete more with developed countries, so everything should be competitive”
“National Logistics Policy has immense potential for development of infrastructure, expansion of business and increasing employment opportunities”

কেন্দ্রগী মন্ত্রী মন্দলদা লৈরিবা ঐহাক্কী মরুপ-মপাংশিং, লৈবাক অসিগী লোজিস্তিক্স অমসুং ইন্দস্ত্রীজগী মীহুৎশিং, অতোপ্পা ইকাইখুম্নবগী মশক ওইরবশিং, নুংশিজরবা নুপী নুপা পুম্নমক খুরমজরি! ঙসিদি, লৈবাক অসিনা নীংতম্বগী 'অমৃত কাল' অসিদা চাউখৎলবা ভারত অমা শেম্নবগী মায়কৈদা মরুওইবা খোঙথাং অমা লৌখৎখ্রে। ভারত্তা খ্বাইদগী অরোইবা মাইল ফাওবদা খোঙজেল য়াঙনা য়ৌহনবা য়াহনগদবনি, পোৎচৈ পুথোক পুশিন্দা লৈরিবা শিংনবশিং মুথৎকদবনি অমসুং ঐখোয়গী মেন্যুফেকচরর অমসুং ইন্দস্ত্রীশিংগী মতম অমসুং শেল অসি মাঙহল্লোইদবনি। মসিগা মান্ননা, ঐখোয়না মতৌ করম্না ঐখোয়গী লৌউশিংউগী পোত্থোক্তা থীন্থবনা মাঙহল্লিবশিং অসি থোকহল্লোইদবগে? হায়রিবা খুদোংচাদবশিং অসিগী পাম্বৈ পুথোক্নবা লেপ্পা লৈতনা হোৎনরক্লি অমসুং নেসনেল লোজিস্তিক্স পোলিসী অসিসু মসিগী শরুক অমনি। ঐহাক্না থাজৈ মদুদি হায়রিবা পথাপশিং অসিবু হেন্না ফগৎহন্নবগীদমক হীরম অসিদা হোৎনরিবশিংগী লৈঙাক্কী য়ুনিৎশিংগী মরক্তা মতেং পাংনগনি। মপুং ওইবা খোঙথাং অমা লৈগনি অমসুং মদুনা ঐখোয়না পাম্লিবা খোঙজেল অসি পীবা ঙমগনি। মতম লৈতবনা ঐহাক্না একজিবিতশিং অসিবু য়েংবা ঙমখিদ্রবসু ঐহাক্না মখোয়শিংবু চাউরাক্নদি য়েংখি। কেম্পস অসিমক্তদা পাঙথোক্লিবা একজিবিসন অসিবু মিনিৎ ১৫-২০ খক্তগী ওইরবসু মতম কাইথোকপীদুনা য়েংবীনবা ঐহাক্না হায়জরি। হীরম অসিগী মতাংদা তেক্নোলোজীগী থৌদাং করিনো? ঐখোয়না মতৌ করম্না স্পেস তেক্নোলোজী শীজিন্নবগে? একজিবিৎ পুম্নমকসিবু অদোম্না য়েংলবদি অদোম্না অনৌবা কয়া অমা তমশিনবা ঙমগনি। ঙসিদি ঐখোয়না মালেমদা খ্বাইদগী চাউবা একনোমি ৫শুবদা লৈরি। ময়াম নুংঙাইবা ফাওবীদব্রা? শুকপাং পাঙথোকখিদববুদি থেংলবসু থেংনা পাঙথোকপনা ফৈ! মসি মরক মরক্তা থোকই। অকোইবা পুম্নমক্তা ফত্তবনা য়োমশিল্লক্লবদা অফবা উবা হায়বসি মতম খরা চঙই। লৈবাক অসিদা অহোংবা কয়া লাক্লি। ঐখোয়না খুনু থাদোক্নবগী মতম লৈখি। ঙসিদি ঐখোয়না চীতাহ থাদোক্লে। মসি ঙাইহাক্তদা হেক্তা থোকপা থৌদোক নত্তে। অয়ুক্তা চীতাহ থাদোক্লগা নুমিত য়ুংবা মতুংদনা নেসনেল লোজিস্তিক্স পোলিসী হৌদোকপা হায়বসিদা করিগুম্বা চুন্নবা মরম অমদি লৈরি। ঐখোয়না পোৎচৈশিংবু চীতাহগী খোঙজেল য়াঙবগা মান্ননা পুথোক-পুশিন তৌবা পাম্মি। লৈবাক অসিনা চপ মান্নবা খোঙজেলদা মাংজিল থানা চঙশিল্লি।

মরুপশিং,

মেক ইন ইন্দিয়া অমসুং 'আত্মনির্ভর ভারত'কী একো অসি ভারত খক্তদা নত্তনা মপাল লৈবাকশিংদসু খোন্থাং য়ৈনা তারি। ঙসিদি ভারতনা অচৌবা এক্সপোর্ত তার্গেৎ অমা তম্লি। অহৌবদা, অসিগুম্বা অচৌবা পান্দম অসি মমাংগী থৌদৌ য়েংলুরবদি থম্বা য়াম্না লুরম্মি। অদুবু অমুক্তং ৱারেপ লৌখ্রবদি লৈবাক অসিনা নীংথিনা পাঙথোক্লি। ঙসিদি লৈবাক অসিনা হায়রিবা পান্দমশিং অদু ফংলে। মসিনি পোত্থোক পুথোকপগী সেক্তরদা লৈবাক অসিনা মেন্যুফেকচরিং হব অমা ওইনবগী মায়কৈদা লৈরিবা শক্তি। ঙসিদি হায়রিবা থবকসি মালেম পুম্বনা খঙনরে। পি.এল.আই. স্কিম নৈনবা কাংবুনদি মালেম পুম্বনা মসিগী অচুম্বসি য়ানরে হায়বা খঙগনি। অসিগুম্বা ফিভম অসিদা, নেসনেল লোজিস্তিক্স পোলিসীনা সেক্তর খুদিংমক্তা অনৌবা এনর্জী কয়া অমা পুরকখ্রে। ঐহাক্নসু স্তেকহোল্দর, ত্রেদর, করবার ৱালা, এক্সপোর্তর অমসুং লৈবাক অসিগী লৌমী খুদিংমক্তা মখোয়দা অহোংবা অদুক্কী মতীক পুরক্কদবা অসিগীদমক নুংঙাই য়াইফবা ফোংদোকচরি।

মরুপশিং,

থৌরম অসিদা পোলিসী মেকর অমসুং ইন্দস্ত্রী এতেলৱার্ত কয়া অমা শরুক য়ারি। মখোয়না মখোয়গী পুন্সিদা খুদোংথীবা কয়া অমা মাইয়োক্নখ্রে অমসুং মদুগী পাম্বৈ পুথোকখ্রে। মরক মরক্তা, মখোয়না অশম্বী কয়া অমসু থেংনরম্বা য়াই। ঐহাক্না ময়ামগী মফমদা হয়েং তুংদা ইনহৌগদবা ৱাফম খরা ঙসি ফোংদোকচরি। পোলিসী অসিমক অরোইবা ফল নত্তে। তশেংনা হায়রবদা, মসি অহৌবা অমনি। পোলিসী অমসুং পর্ফোরমেন্সনা প্রোগ্রেস ওইরকই। হায়বদি করিগুম্বা পর্ফোরমেন্সকী পেরামিতর, পর্ফোরমেন্সকী রোদ্মেপ অমসুং পর্ফোরমেন্সকী তাইম্লাইন অমবু পোলিসী অমগা পুন্না পুনশিনবা মতমদা, পোলিসীগা পর্ফোরমেন্সকগী অপুনবদু প্রোগ্রেস ওইরকই। মরম অসিনা, লৈঙাক অমগী পর্ফোরমেন্সকী থৌদাং অমসুং হীরম অসিগী মতাংদা লৈরিবা স্তেলৱার্তশিংনা পোলিসী অসিনা হেক ফাইনেলাইজ তৌবা মতমদা শরুক কয়া থোক্না হেনগৎলক্কনি। কনাগুম্বা খরনা পোলিসী অমবু ফৈ হায়না লৌবা য়াই অদুগা কনাগুম্বা খরনা পোলিসী অমবু ফত্তে হায়না লৌবা য়াই। অদুবু পোলিসী অমা হায়বসিদি পুদুনা চৎলিবা অমসুং লমজিংবীরিবা শাফু অদুনি। মরম অসিনা, হায়রিবা পোলিসী অসি লৈঙাক্কী দোক্যুমেন্ত অমখক্কুম্না উরোইদবনি। ঐখোয়না নোংপোক্তগী নোংচুপ ফাওবদা পোৎচৈ পুথোক পুশিন তৌবদা চীতাহগী খোঙজেল অদুমক্কা মান্নহনগদবনি। ঙসিগী ভারতনা মাগী পোলিসীশিংবু শেমদ্রিঙৈ অমসুং থবক্তা ওন্থোক্ত্রিঙৈদা ফিরেপ হান্না লেপচৈ।  নেসনেল লোজিস্তিক্স পোলিসী অসি ঙসি খঙহৌদনা হেক্তমক হৌদোকপা নত্তে। মসি চহি নিপান কন্না হোৎনজরকপগী মহৈ অমনি। থৌশিল কয়া অমা হোংখ্রে, মরুওইবা ৱারেপ কয়া অমা পুশিল্লকখ্রে। করিগুম্বা ঐহাক্না ইশাগী মোৎ ফোংদোকচবা তারবদি, মসিদা ২০০১দগীনা ২০২২ ফাওবগী লৈঙাক্কী খঙ হৈবশিং য়াওরি হায়জনিংই। ঐখোয়না সাগর্মালা অমসুং ভারতমালাগুম্বা প্রোজেক্ত কয়া অমা লোজিস্তিক্স কন্নেক্তিবিতী ফগৎনবা অমসুং সিস্তেমেতিক ওইবা ইনফ্রাস্ত্রকচরগী খুমাং চাউশিনবা পুরক্নবা হোৎনখ্রে। ঐখোয়না দেদিকেতেদ ফ্রৈত কোরিদোরশিংগী থবকশিং হেন্না য়াঙশিলহন্নবা হোৎনরি। ঙসিদি, ভারতকী হিথাংফমগী অপুনবা কেপাসিতী অসি মশক থোক্না হেনগৎলে। কন্তেনর ভেসেলগী তর্নঅরাউন্দ তাইম অসি পুং ৪৪দগী ২৬তা হন্থরে। অণৌবা ঈশিংগী লম্বী কয়া অমা লৈবাক অসিদা শাগৎতুনা ঐখোয়না অকোইবদা কায়দবা অমসুং শেল কয়া তিংদবা ত্রান্সপোরতেসন পাঙথোক্নবা হোৎনরি। লৈবাক অসিদা এক্সপোর্ততা মতেং পাংনবগীদমক এয়র কার্গো তর্মিনেল ৪০ রোম শাখ্রে। এয়রপোর্ত ৩০রোমদা কোল্দ স্তোরেজগী খুদোংচাবা থমখ্রে। মলতি মোদেল লোজিস্তিক্স হব কুন্থ্রা মঙাসু লৈবাক পুম্বদা শেমগৎলি। লৈবাক অসিনা কোরোনা লাংফমগী মনুংদা কিসান রেল অমসুং কৃশি উরান হৌদোকখিবা উবীরম্লগনি। মখোয়না লৈবাক অসিগী অথাপ্পা লমদগী লৌউশিংউগী পোত্থোকশিং মরুওইবা কৈথেলশিংদা পুখৎলকপদা মতেং কয়া পাংলি। কৃশি উরাননা লৌমীশিংগী পোত্থোকশিং মপান লৈবাক্তা থারি। ঙসিদি কৃশি উরানগী খুদোংচাবশিং অসি লৈবাক অসিগী এয়রপোর্ত ৬০ হেনবদা লৈরে। ঐহাক্না থাজৈ মদুদি ঐখোয়গী পাউগী মরুপ মপাং খরদি ঐহাক্কী ৱারোল অসিগী মতুংদা হায়রিবশিং অসিগী মতাংদা করিসু খঙদে হায়না কোল তৌরক্কনি। অসিগুম্বা কয়া অমা পায়খৎখ্রে তাবদা ঙকপা মীওই কয়া অমসু মরকসিদা য়াওরমগনি। মসিগী মরমদি ঐখোয়না মথৌ তারদবগীনি। লৈঙাক অসিনা ইনফ্রাস্ত্রকচর প্রোজেক্তশিংদা লুপা করোর লাখ কয়া থাদবগী মথক্তা তেক্নোলোজীগী মতেংনা লোজিস্তিক্স মপাঙ্গল কনখৎনবা হোৎনখ্রে। মদু ইসঞ্চিৎ, ফেস্লেস, এসেস্মেন্ত ইন কস্তম, নত্ত্রগা ইৱে বিলস অমসুং ফাস্তেগকী থোঙদা চে য়াওদবা একিম ত্রেদ প্রোসেস পায়খৎপবু ওইরো, হায়রিবা খুদোংচাবশিং অসিনা লোজিস্তিক্স সেক্তরদা অদুক্কী মতীক কান্নবা হেনগৎহল্লে।

মরুপশিং,

অতোপ্পা লোজিস্তিক্স সেক্তরগী মরুওইবা শীংনবসু হৌখিবা চহি খরসিদা লৈঙাক অসিনা লৌথোকখ্রে। মমাংদা, তোঙান-তোঙানবা  রাজ্যশিংদা তেক্স মখল কয়া লৈবনা লোজিস্তিক্সতা ব্রেক কয়া লৈরম্মি। অদুবু জি.এস.তি. লাকপদগীদি মসিগী খুদোংচাদবসি কোক্লে। মসিনা মরম ওইদুনা, কান্নবা চেগী থবকসু হন্থহন্দুনা লোজিস্তিক্সকী থবক্তা হেন্না লায়হল্লে। লৈঙাক অসিনা হৌখিবা থা খরসিদা পি.এল.আই. স্কিমদা হাপচিন্দুনা দ্রোল পোলিসী শেমদোকখিবনা ঙসিদি দ্রোনশিং অসিনা তোঙান-তোঙানবা পোৎচৈশিং পুবদা শীজিন্নরে। দ্রোন্না পুথোকপুশিন তৌবদা শীজিন্নবসি মরুওইবা সেক্তর অমা ওইরক্কদৌরি অমসুং ঐহাক্না অথাপ্পা অমসুং হিমালয়গী অপীকপা খুঙ্গংশিংদা লৌউশিংউগী পোত্থোকশিংবু দ্রোন্না মতৌ করম্না পুথোকপুশিন তৌবগে হায়বদু উবা পাম্মি। অচৌবা শহরগী ইকোই কোইশিল্লবা মফমশিংদা অতেকপা ঙা মতৌ করম্না পুগনি। মসি পুম্নমক থবক্তা ওন্থোক্কদবা কুইদ্রবনি। হায়রিবা ৱাখল্লোনশিং অসিনা কনাগুম্বা অমহেক্তগী ওইনা চৎনরকপা মতমদা ঐহাক্না রোয়েলতীগী মথৌ তাদে।

মরুপশিং,

ঐহাক্না হন্না ফোংদোকচরি মদুদি হায়রিবশিং পুম্নমকসি কদাইদগীনো হায়রবদি দ্রোনশিংনা চীং লৈবা অমসুং অরুবা মফমশিংদা হিদাক লাংথক অমসুং তিকা পুথোক পুশিন তৌবদা মতেং কয়া পাংখ্রে। ঐখোয়না মদুদা শীজিন্নখ্রে। ঐহাক্না হায়খিবগুম্না, লোজিস্তিএক্স সেক্তর অসিনা ত্রান্সপোর্ত সেক্তরদা দ্রোন শীজিন্নবনা কান্নবা কয়া অমা ফংবা ঙমগদৌরি। মরম অসিনা, ঐখোয়না ময়ামগীদমক খুমাং চাউশিনগদবা পোলিসী অমা পুরক্লে।

মরুপশিং,

লৈবাক অসিদা মপাঙ্গল লৈরবা লোজিস্তিক্সতা য়ুম্ফম ওইবা রিফোর্ম কয়া অমা পুরকখিবগী মতুংদা নেসনেল লোজিস্তিক্স পোলিসী লাকপা নত্তে। হায়রিবা পোলিসী অসি হৌজিক্তি চৎননবগী তাংকক্তা লৈরে। থৌরাং কয়া অমা লৌখৎলে অমসুং সিস্তেম কয়া অমা শেমগৎখ্রে। লোজিস্তিক্স সেক্তরদা অচৌবা অহোংবা অমা লাক্লগনি হায়না ঐহাক্না থাজৈ। অসিগুম্বা অহোংবশিং অসিনা মমাংদা উখিদ্রিবা ফলশিং লাকপা য়াই। অমসুং করিগুম্বা অদোম্না মসিবু চহি অমগী মতুংদা নৈনবা তারবদি, অদোম ইশামক্না হান্না লাক্কনি পারুদবা মায় পাকপা অমা উবা য়াই। ঐখোয় খুদিংমক্না চাদা ১৩-১৪ লৈবা লোজিস্তিক্স অসি হেক ঙম্লিবা মখৈ দিজিত অমদা পুরক্নবা হোৎনগদবনি। করিগুম্বা ঐখোয়না মালেমগা অথোই অহেন তান্নবা তারবদি, মসি নেম্না য়ানবা উহৈ অমগা চপ মান্নরগনি। অতোপ্পা হীরমশিংদা অচঙবা শেল হন্থহনবদা লুনা থোকপা য়াই অদুবু, মসিদি নেম্না পানবা উহৈগুম্বনি। ঐখোয়না হোৎনরবদি চাদা ১৩-১৪ লৈরম্বা লোজিস্তিক্স অসি কাংলোন খরা ইন্দুনা দিজিত অমত্তদা হন্থহনবা য়াগনি।

মরুপশিং,

নেসনেল লোজিস্তিক্স পোলিসীগী থোংদা অতোপ্পা মরুওইবা শীংনবা অনিসু পাম্বৈ পুথোকপা ঙমখ্রে। মেন্যুফেকচরর অমনা মহাক্কী করবারগীদমক তোঙান-তোঙানবা জিলাগী ওইনা তোঙান-তোঙানবা লাইসেন্সশিং লৌবগী তঙাইফদবা লৈ। ঐখোয়গী এক্সপোর্তরশিংনা অশাংবা থৌওং অমা চত্থবা তাই। এক্সপোর্তরশিংনা শিপ্পিং বিল নম্বর, রেলৱে কন্সাইন্মেন্ত নম্বর, ই-ৱে বিল নম্বর অসিনচিংবা কয়া মখোয়গী পোৎচৈশিং ত্রেক তৌনবগীদমক খোমজিনবা তাই। মসিখক্তদা মহাক্না লৈবাক অসিগী সেবা তৌবা ঙমগনি। ময়াম পুম্নমক্না ৱাকৎ অমত্তা থাংগৎতনা অদুক্কী মতীক হোৎনবীরক্লি। অদুবু ঐহাক্না ময়ামগী অৱাবা খঙলদুনা হেন্না ফগৎনবা হোৎনজরিবনি। ঙসি হৌদোক্লিবা য়ুনিফাইদ লোজিস্তিক্স ইন্তর্ফেস প্লেৎফোর্ম হায়বদি য়ু.এল.আই.পি.না এক্সপোর্তরশিংবু অসিগুম্বা অশাংবা থৌওংশিং অসিদগী কনবা ঙম্লগনি। মসিগী দেমো অমা একজিবিসন অসিদা য়াওরি। অদোমগী ৱারেপ থুনা লৌজদুনা অদোমগী করবার মতৌ করম্না ফগৎকদগে হায়বসি খঙবা ঙম্লগনি। য়ু.এল.আই.পি. অসিনা ত্রাস্পোর্তেসন সেক্তরগা মরী লৈনবা দিজিতেল সর্ভিস পুম্নমকপু প্লেৎফোর্ম অমখক্তদা পুশিনবা ঙম্লগনি। ইজ ওব লোজিস্তিক্স সর্ভিস – ইলোগস – হায়বা অমসু ঙসি নেসনেল লোজিস্তিক্স পোলিসীগী মখাদা হৌদোক্লে। পোর্তেল অসিগী মখাদা, ইন্দস্ত্রী এসোসিএসনশিংনা মখোয়দা লৈবা নুংঙাইতবা অসিগুম্বা থবকশিং অসিবু লৈঙাক্কী এজেন্সী অমগা হকথেংননা লৌখৎপা য়ারগনি। তেন্না হায়রবদা, অদোম্না লৈঙাক্তা মনুং মপান ফাওনা অমসুং অরুবা অমত্তা লৈতনা য়ৌবা ঙম্নবা সিস্তেম অমা শেম্লে হায়বনি। অসিগুম্বা কেসশিং অসিবু থুনা লোইশিনবা য়ানবা মপুং ওইবা সিস্তেম অমা শেম্লে।

মরুপশিং,

নেসনেল লোজিস্তিক্স পোলিসী অসিনা পি.এম. গতিশক্তি নেসনেল মাস্তর প্লানদা চাউনা শৌঙাক পীরগনি। ঙসিদি ঐখোয়গী লৈবাক অসিগী রাজ্য অমসুং য়ুনিকোর্ন তেরিতোরিশিংনা পি.এম. গতিশক্তি নেসনেল মাস্তর প্লানদা য়াওরকপা অমসুং বিভাগ অয়াম্বনা অমত্তা ওইনা থবক পায়খৎমিন্নবদা য়াম্না হরাওবা পোকচৈ। কেন্দ্র অমসুং রাজ্য সরকারগী তোঙান-তোঙানবা ইনফ্রাস্ত্রকচর প্রোজেক্তশিংগী অচৌবা দেতাবেজ অমসু শেম্লে। ঙসিদি পি.এম. গতিশক্তি পোর্তেলদা কেন্দ্র অমসুং রাজ্য সরকারগী দেতা কয়া অমা মরোল ১৫০০ লোমদা অপ্লোদ তৌরে অদোম অঙকপা পোক্লমগনি। হায়রিবা ফোরেস্তকী লম অমসুং ঙাকশেলগী লমশিংগী প্রোজেক্তশিং অসিগা মরী লৈনবা ঈ পাউশিং অসি মফম অমত্তদা ফংলে। মসিনা ইনফ্রা প্রোজেক্তশিংজ প্লান্নিং তৌবা ফগৎহল্লে, ক্লিয়রেন্স পীবা থুহল্লে। অমসুং তুংদা খঙলক্কদবা থৌদোংচাদবশিং হান্না খঙবা ঙমহল্লে। মমাংদা লৈরম্বা ইনফ্রাস্ত্রকচর গেপশিং অসি পি.এম. গতিশক্তি প্লান্না মরম ওইদুনা থুনা প্লগ তৌরে। চেকশিন্না প্লানিং তৌহৌদবনা চহি কয়া পন্দুনা লৈবা ঐহাক্না নিংশিংলি। লৈবাক অসিগী লোজিস্তিক্স সেক্তরনা অমাঙবা কয়া অমা লৈরকখ্রে। ঐহাক্না পনজরিবা লোজিস্তিক্স থৌশিল অসিদা মীওইবগী খুৎ চঙই। করিগুম্বা অসিগুম্বা পথাপ অমা মতীক চানা চলাইবা তারবদি, ত্রক দ্রাইবর অমত্তনা নুমিদাংদা মপান্দা তুম্বগী মথৌ তাররোই। মহাক্না মহাক্কী মথৌ লোইরবদা ময়ুমদা হল্লক্তুনা তুম্বা ফংলগনি। হায়রিবা এরেঞ্জমেন্তশিং অসি লায়না থৌরাং তৌবা য়াই। মসি কয়াদা ফজরবা থবক অমা ওইগদৌরিবনো! ঐহাক্না হায়জনিংলিবদি, হায়রিবা থৌশিল অসিদা লৈবাক অসিগী ৱাখল খনবগী মওং চপ চানা হোংহন্নবগী শক্তি য়াওরি হায়বনি।

মরুপশিং,

গতিশক্তি অমসুং নেসনেল লোজিস্তিক্স পোলিসী অসিনা পুন্না লৈবাক অসিবু অনৌবা থবক্কী কলচর অমদা লুচিংলগনি। ঐখোয়না হন্দক্তা গতি শক্তি য়ুনিভর্সিতী অয়াবা পীখ্রে হায়বদি মসিগা লোইননা ঐখোয়না হ্যুমেন রিসোর্স দিবেলপমেন্তকী থবকসু পায়খৎলি হায়বনি। পোলিসী অসিসু ঙসি হৌদোক্লে। স্তি শক্তি য়ুনিভর্সিতীদগী লাক্লিবা হৈশিংবশিং অসিনা অদুক্কী মতীক মতেং পাংলগনি।

মরুপশিং,

হায়রিবা থৌরাং কয়া অসিগী মরক্তা, ঐখোয়না ঙসিগী মালেম পুম্বনা ভারত্তা য়েংলিবা মীৎয়েং অসি হোংলক্লি। ঙসিদি ভারতনা হৌজিক্কী ওইনা তৌবা ঙমদ্রবসু মালেম অসিনা ভারতপু অচুম্বা মওংদা পান্নরি। মালেম অসিনা ভারত্তা থাজবা কয়া অমা থম্লি অমসুং মপান্দা মরী মতা লৈনখিবা ময়াম মরক্তগীসু মখোয়না লাকপা মতমদা তম্বদগী খঙবীরমগনি। মালেমগী মরুওইবা হৈশিংবশিংনা হায়বরি মদুদি ভারত অসি ঙসিদি 'দিমোক্রেতিক সুপরপাৱর' অমা ওইনা হৌরক্লি। অখঙ অহৈ অমসুং দিমোক্রেতিক সুপরপাৱর অসি ভারতকী 'এক্সত্রা ওর্দিনরী তেলেন্ত ইকোসিস্তেম'না শুমহৎলি। অমসুং মসি ইচম চম্না মশানা ওইজরকপা নত্তে। ভারত অইমসুং ভারতকী শেন্মিৎলোন্না মালেমগী লাংফম মতমদা উৎখিবা পাঙ্গল অদুনা মালেমদা থাজবা অমা পীখ্রে। ভারতনা হৌখিবা চহি খরসিদা পুরকখিবা রিফোর্মশিং অমসুং পায়খৎখিবা থৌশিললশিং অসি মমাংদা অমুক্তা উখিদ্রি। মরম অসিনা, মালেমদা ভারত্তা থাজবগী চাং হেনগৎলক্লি অমসুং লেপ্পা লৈতনা চাউখৎলক্লি। ঐখোয়না অসিগুম্বা মালেমগী থাজবসিবু ঙাক্কদবনি। মসি ঐখোয়গী থৌদাংনি অমসুং অসিগুম্বা খুদোংচাবা অমা মাঙখিবা হায়বসি ঐখোয়দা কান্নবা মাঙগনি। ঐহাক্না থাজৈ মদুদি ঙসি হৌদোক্লিবা নেসনেল লোজিস্তিক্স পোলিসী অসিনা লৈবাক অসিগী মায়কৈ খুদিংদা অনৌবা খোঙজেল অমা পীবদা মতেং ওইরগনি।

মরুপশিং,

লৈবাক অসিনা চাউখৎপা লৈবাক অমা ওইবা পামদবা কনাগুম্বা অমত্তা ময়াম মরক্তা য়াওরম্লোই। অদুগা ভারত্তা চপ চানা চাউখৎহল্লগে খনবা মীওইসু লৈরম্লোই। খুদোংচাদবা থোক্লক্লিবা অসিসু ঐখোয়না অতোপ্পদা শিন্নবা মতমদনি। ঐখোয়না হোংগদবা কয়া লৈ অমসুং মদু ঐখোয় পুন্না অমত্তা ওইনা তৌমিন্নগদবনি। ভারতনা চাউখৎলবা লৈবাক অমা ওইনবা ফিরেপ লেপ্পগা লোইননা হৌজিক্তি চাউখৎলবা লৈবাকশিংগা অকনবা মওংদা অথোই অহেন তানবা তাই। ঐখোয়গী ৱাখলদা থমগদবদি ঐখোয় মপাঙ্গল কলহনগদবনি, ঐখোয়গী অথোই অহেন তান্নবসি ইরাই লাইবদি ওইরোই। অমসুং ঐখোয়না মসিবুসু তরাম্না ওক্কদবনি, ঐখোয়না থুজল্লোইদবনি। লাক্লো, ঐখোয় শেম শাদুনা লৈরে হায়বসিনা ঐখোয়গী ৱাখল ওইহনগদবনি। মরম অসিনা, ঐহাক্কী ইফমদা ফাওই মদুদি, ঐখোয়গী পোত্থোক খুদিংমক, থৌরাং খুদিংমক অমসুং ঐখোয়গী থৌওং খুদিংমক য়াম্না চাংদম্ননিংঙাই ওইবা ওইগদবনি। সর্ভিস সেক্তরবু ওইরো, মেন্যুফেকচরিংবু ওইরো, ওতোমোবিলস, নৎত্রগা ইলেক্ত্রোনিক্সপু ওইরো, ঐখোয়না সেক্তর খুদিংমক্তা অচৌবা পান্দম থমগদবনি অমসুং মদু ফংনবা হোৎনগদবনি। ঙসিদি, ভারতকী পোত্থোকশিংদা মালেম পুম্বনা পাম্নরক্লিবসি ঐখোয়বু হরাওহন্নবগী নত্তে। মরুপশিং, ঐখোয়না মালেমগী কৈথেল অসিবু খুদুম চন্নবা হোৎনগদবনি। মালেম অসিদা লৈরিবা মীপুম খুদিংমকনা ভারতকী লৌউশিংউগী পোত্থোকশিং, মোবাইল ফোনশিং নৎত্রগা ব্রহ্মোস মিসাইলশিংগী মতাংদা থিগৎনরি। কোরোনা মনুংদা ভারতনা শাবা তিকা অমসুং হিদাক লাংথকশিংনা মালেমদা লৈবা মীওই কয়াগী পুন্সি কনবদা মতেং ওইরে। ঐহাক ঙসি অয়ুক্তা উজবেকিস্তান্দগী হল্লকখি। ঐহাক্না উজবেকিস্তানগী রাস্ত্রপতিগা মমাংগী নুমিদাংদা ৱারী শানখি। মদু থেংলে, অদুবু মহাক্না য়োগাগী মতাংদা থৱাই হকচাং য়াওনা ঐহাক্কী ইফমদা তমখি। মহাক্না হায়খি মদুদি উজবেকিস্তান্দা মমাংদা হংগোইনরম্মি। অদুবু মহাক্না হায়খি মদুদি ফিভম অদু হৌজিক্তি য়াম্না হোংলে অমসুং লৈবাক অসিগী কাচিন কোইয়া য়ৌনা য়োগাবু পাম্নরে অমসুং মখোয়না ভারত্তগী ত্রেনর ফাওবা তঙাইফদবা ওইরক্লে। ঐহাক্না হায়নিংলিবসিদি, মালেম্না ভারত্তা খল্লিবা ৱাখল অসি অদুক্কী মতীক হোংলে, লৈবাক অসিদা মপাঙ্গল কনবা সপ্পোর্ত সিস্তেম অমা লৈবা য়াম্না মরু ওইরে। নেসনেল লোজিস্তিক্স পোলিসীনা মসিগী সপ্পোর্ত সিস্তেম অসিবু নৌথোকহনবদা অদুক্কী মতীক মতেং পাংগনি।

অমসুং মরুপশিং,

ময়াম পুম্নমক্না খঙনরে মদুদি লৈবাক অসিগী এক্সপোর্ত হেনগৎলকপা মতমদা, লোজিস্তিক্সকা মরী লৈনবা খুদোংচাদবশিং অসি লৈবাক অসিদগী হন্থখি, মদুদগী ঐখোয়গী অপীকপা ইন্দস্ত্রীশিং অমসুং মখোয়দা থবক শুরিবা মীয়াম্না খ্বাইদগী হেন্না কান্নবা ফংখি। লোজিস্তিক্স সেক্তর মপাঙ্গল কলহনবনা মীচম মীয়ামগী পুন্সিবু লাইথোকহনবদা নত্তনা শিন্মী অমসুং ৱার্করশিংগী ইকাইখুম্নবসু হেনগৎলগনি।

মরুপশিং,

হৌজিক্তি ভারতকী লোজিস্তিক্স সেক্তরগা মরী লৈনবা খুদোংচাদবশিং অসি লোইরগনি, থাজবা হেনগৎলগনি অমসুং সেক্তর অসিনা লৈবাক অসিগী মায় পাকপবু অনৌবা পনখৈ অমদা পুরগনি। নেসনেল লোজিস্তিক্স পোলিসী অসিদা ইনফ্রাস্ত্রকচর চাউখৎনবা, করবার চাউখৎনবা অমসুং থবক্কী খুদোংচাবা হেনগৎনবা শক্তি কয়া য়াওরি। মসিগী ফিরেপ অসিগা লোইননা, ঐহাক্না ময়াম পুম্নমক্তা য়াইফ-পাউজেল পীজরি। ঐহাক্না অদোম্বু চীতাহগী খোঙজেলদা পোৎচৈ পুথোক পুশিন তৌরগনি হায়না থাজবা থমজরি।

থাগৎচরি।

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
PM Modi’s Digital India vision an accelerator of progress: Google CEO Pichai

Media Coverage

PM Modi’s Digital India vision an accelerator of progress: Google CEO Pichai
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 4 দিসেম্বর, 2022
December 04, 2022
Share
 
Comments

New India Wishes its Naval Personnel on Navy Day

Stories of Good Governance Delivered by The Modi Govt.