Share
 
Comments
এম্স, ফর্তিলাইজর প্লান্ত অমসুং আই.সি.এম.আর. শঙ্গাখ্রে
দবল ইঞ্জিন সরকারনা চাউখৎ-থৌরাংগী থবকশিংগী খোঙজেল শরুক অনি হেনগৎহনখি: পি.এম.
“খুদোংচাবা ফংদ্রবা অমসুং শোত্থরবশিংগী খনবা সরকার অসিনা কন্না হোৎনখি লোয়ননা ফলসু পীবা ঙমখি”
“ঙসিগী থৌরম অসিনা ওইথোকপা ঙমদবা অমত্তা লৈতবা অনৌবা ভারতকী অখাং কনবা অদুগী খুদম ওইরি”
চু থারিবা লৌমীশিংগী য়াইফনবা তৌখিবা থবক অদুগীদমক য়ু.পি. সরকারবু থাগৎখি

ভারত মাতা কী – জয়, ভারত মাতা কী – জয়! ধর্ম, স্পিরিচ্যুএলিতী অমসুং রিভোল্যুসনগী শহর গোরখপুরগী মীয়ামবু খুরুমজরি। ঐহাক্না পরমহন্স য়োগনান্দ, মহায়োগী গোরখনাথজী, ইকাই খুম্নরবা হনুমান প্রসাদ পোদ্দারজী, অথোইনা লময়ানবা পন্দিত রাম প্রসাদ বিস্মিল অমসুং শেংলবা লমদম অসিবু ঐহাক্না ইকাই খুম্নবা উৎচরি। ঙসি ঐখোয়না ফর্তিলাইজর ফেক্তরী অমসুং এম্সকীদমক মতম শাংনা খৌরাংনা ঙাইরকপা মীকুপ অদু লাক্লে। ময়ামদা ঐহাক্না হন্না-হন্না নুংঙাইবা ফোঙদোকচর।

ঙসি ঐহাক্কা লোয়ননা ফম্বাল অসিদা লেংশিল্লিবশিং অদুদি উত্তর প্রদেশকী রাজ্যপাল শ্রীমতি আনন্দী বেন ৱতেলজী, উত্তর প্রদেশকী মমিং লৈরবা কর্ময়োগী মুখ্য মন্ত্রী য়োগী আদিত্যনাথজী, উত্তর প্রদেশকী উপ মুখ্য মন্ত্রী কেশব প্রসাদ মোর্য়, দাক্তর দিনেশ শর্মা, ভারত্তীয় জনতা পার্তীগী উত্তর প্রদেশকী প্রসিদেন্ত, শ্রী স্বতন্ত্রদেব সিংহজী, অপনা দলগী নেস্নেল প্রসিদেন্ত অমসুং মন্ত্রী-মন্দলদা ঐহাক্কী মরুপ ওইরিবী ইচল অনুপ্রিয়া পতেলজী, নিশাদ পার্তীগী প্রসিদেন্ত সঞ্জয় নিশাদজী, মন্ত্রী-মন্দলগী ঐহাক্কী মরুপ শ্রী পঙ্কজ চোধরীজী, উত্তর প্রদেশ সরকারগী মন্ত্রী শ্রী জয়প্রতাপ সিংহজী, শ্রী সুর্য় প্রতাপ শাহীজী, শ্রী দারা সিংহ চোহানজী, স্বামী প্রসাদ মোর্য়াজী, উপেন্দ্র তিৱারীজী, সতীশ দ্বিবেদীজী, জয় প্রকাশ নিশাদজী, আম চোহানজী অমসুং অনন্দ স্বরুপ শুক্লাজী, সন্সদকী ঐহাক্কী মরুপ, য়ু.পীগী বিধানসভা অমসুং বিধান পরিসদকী মেম্বর অমসুং ঐখোয়বু থৌজাল পীবীনবা লাক্লিবা য়াম্লবা ঐহাক্কী নুংশিজরবা ইচিল-ইনাওশিং!

ঐহাক্না ফম্পাক অসিদা কাখৎলকপা মতমদা, ঐহাক্না য়াম্লবা অসিগুম্বা মীয়াম অসি উবদা অঙকপা পোকখি অমসুং অরাপ্পা মফমদা লৈরিবা মখোয় অয়াম্বনা ঐহাকপু উবা নত্ত্রগা তাবা ফংলমলোই। মফম খুদিংমক্তগী মীয়াম্না ফিরালশিং হাইরি। ময়ামগী মীনুংশি অমসুং থৌজালশিংনা ময়ামগী থবক তৌনবা ঐখোয়দা থৌনা অমসুং পাঙ্গল হাপখি অমদি ইনোৎ পীখি। ঐহাক্না এম্স অমসুং ফর্তিলাইজর ফেক্তরী অসিগী উরেপ-উয়ুং তম্নবা মফম অসিদা চহি মঙাগী মমাংদা লাকলমখি। ময়াম্না ঐঙোন্দা ঙসি প্রোজেক্ত অনিমক পুন্না শঙ্গানবা খুদোংচাবা পীবীখি। আই.সি.এম.আর.গী রিজনেল মেদিকেল রিসর্চ সেন্তরগী ঙসি অনৌবা বিল্দিং অমা শারে। ঐহাক্না য়ু.পি.গী মীয়ামবু হন্না-হন্না নুংঙাইবা ফোঙদোকচরি।

মরুপশিং,

গোরখপুরদা ফর্তিলাইজর প্লান্ত অমসুং এম্স শঙ্গাবা অসিনা পাউজেল কয়া পীরি। দবল ইঞ্জিন ওইবা সরকার লৈরবা মতমদা থবক অসি খোঙজেল শরুক অনি য়াংনা পাইখৎলি। করিগুম্বা খরা অফবা ৱাখল্লোনগা লোয়ননা পাঙথোক্লবদি খুদোংথিবা লাক্লবসু অপনবা পীবা ঙমদে। লৈতা লাইরবগী, খুদোংচাবা ফংদ্রবা অমসুং শোত্থরবশিংগী খনবা সরকার অমা লৈররা অমসধং মখোয়গীদমক কন্নবা হোৎনরবা মতমদা অফবা ফলশিং ফংগনি। ঙসি গোরখপুরদা পাঙথোক্লিবা থৌরম অসিনা অনৌবা ভারতনা ফিরেপ চেৎনা লেপ্লবা মতমদা করিগুম্বা ওইথোকপা ঙমলোইদবা অমত্তা লৈতে হায়বা ৱাফম অসিগী খুদম অমা ওইরি।

মরুপশিং,

২০১৪দা য়াম্না ঐঙোন্দা শেবা তৌজনবা খুদোংচাবা অমা পীখিবা মতমদা, লৈবাক অসিগী ফর্তিলাইজর সেক্তর অসি য়াম্না ফত্তা ফীভম অমদা লৈরমখি। লৈবাক অসিগী অচৌবা ফর্তিলাইজর ফেক্তরশিং চহি কয়া লোনলমখি অমসুং মপালদগী লেপ্তনা পুশিল্লকপা হেনগৎলকখি। অমসুং অতোপ্পা মরু ওইবা সমস্যা অদুদি ফংলিবা হার অসি লৌউ-শিংউ নত্তবা অতোপ্পা মরমশিংগীদমক তুমিন্না শীজিন্নরমখি। মরম অসিনা য়ুরিয়াগী অৱাৎপা অসি হেদলাইনশিংদা য়াওখি অমদি হারশিংগীদমক লৌমীশিংনা অৱাবা কয়া মায়োক্নবা তাখি। ঐখোনা ফীভম অসিদগী লৈবাক অসিবু কোকহন্নবা অনৌবা ফিরেপ অমগা লোয়ননা মাংদা চংশিনখি। ঐখোয়না হীরম অহুমদা অমুক্তদা থবক তৌবা হৌখি। অহৌবা ওইনা ঐখোয়না য়ুরিয়া লান্না শীজিন্নবা থিংখি অমসুং য়ুরিয়াদা চাদা ১০০ নীম কোতিং তৌখি। অনিশুবদা ঐখোয়না লৌমীশিংনা মখোয়গী লৌবুক্তা করম্বা মখলগী হার মথৌ তাবগে খঙবা ঙম্নবা লৌমী করোর কয়াদা সোইল হেল্থ কার্দশিং পীখি। অহুমশুবদা ঐখোয়না য়ুরিয়া পুথোকপা হেনগৎহনবদা মীৎয়েং থমখি। ঐখোয়না থোং লোনখ্রবা ফর্তিলাইজর প্লান্তশিং হাংদোকপদা মীৎয়েং চংখি। কেম্পেন অসিগী মখাদা ঐখোয়না গোরখপুরগী ফর্তিলাইজর প্লান্ত য়াওনা লৈবাক অসিগী মরু ওইবা ফর্তিলাইজর ফেক্তরী মরি খনগৎখি। অমদি ঙসিদগী মথৌ তৌবা হৌরে অমসুং লেমহৌরিবশিং অদুসু মথংগী চহি খরা অসিদা মথৌ তৌবা হৌরগনি।

মরুপশিং,

অতোপ্পা মরুওইবা ৱাফম অমসু গোরখপুর ফর্তিলাইজর প্লান্তদা পাঙথোকপা হৌখ্রে। বগীরথজীনা শ্বারারেনদগী গঙ্গা তুরেল পুরকখিবা অদুগুম্না ফর্তিলাইজর প্লান্ত অসি চল্লাইনবা উর্জা গঙ্গা অসি শীজিন্নখি। পি.এম. উর্জা গঙ্গা গ্যাস পাইপলাইন প্রোজেক্তকী মখাদা হল্দিয়া-জগদীশপুর পাইপলাইন অসি শমখি। পাইপলাইন অসিনা মরম ওইরগা গোরখপুর ফর্তিলাইজর প্লান্ত অসি হৌখিবতা নত্তনা নোংপোক থংবা ভারতকী জিলা কয়ামরুমনা অহোংবা মমলদা পাইপতা গ্যাস পুবা হৌখ্রে।

ইচিল-ইনাওশিং,

ফর্তিলাইজর প্লান্ত অসিগী উরেপ-উয়ুং তম্বা মতমদা, ঐহাক্না হায়খি মদুদি ফেক্তরী অসিনা মরম ওইরগা অপুনবা লমদম অসিগী চাউখৎ-থৌরাংদা গোরখপুরনা মরু ওইবা থৌদাং লৌরগনি। ঙসি ঐহাক্না মসি মঙফাওনবা উবা ফংলে। মসিগী ফর্তিলাইজর ফেক্তরী অসিনা রাজ্য অসিগী লৌমী কয়াদা য়ুরিয়া মরাং কাইন পীবা ঙম্বতা নত্তনা মসিনা পুর্ভঞ্চলদা অনৌবা থবক অমসুং মশানা মশাবু থবক্কী খুদোংচাবা লিশিং কয়া পীরগনি। হৌজিক শেন্মীৎলোনগী অনৌবা ওইথোকপা য়াবা থোরক্লগনি অমসুং অনৌবা বিজিনেস কয়া হৌরগনি। ফর্তিলাইজর ফেক্তরীগা লোয়ননা মরী লৈনবা এন্সিল্লরী ইন্দস্ত্রীশিং, ত্রান্সপোর্তেসন অমসুং সর্ভিস সেক্তরদা পাঙ্গল হাপ্লগনি।

মরুপশিং,

গোরখপুর ফর্তিলাইজর ফেক্তরীনা লৈবাক অসিনা য়ুরিয়া পুথোকপদা মরোমদোম লেপ্পা ঙমহনবদা অচৌবা থৌদাং অমা লৌগনি। লৈবাক অসিগী তোঙান-তোঙানবা শরুকশিংদা সারিবা ফর্তিলাইজর প্লান্ত মঙা অসি কম্মিসন তৌরবা মতুংদা অহেনবা য়ুরিয়া তন লাখ ৬০ ফংলগনি। অতোপ্পা ৱাহৈদা হায়রগনা, বারতনা মীরৈবাক্তা লুপা করোর লিশিং কয়া-কয়া চৎহল্লম্বা অদু চৎলরোই; ভারতকী শেল অসি ভারত্তা খক্তা চাদিং তৌরগনি।

মরুপশিং,

ঐখোয়না কোরোরনাগী মতম মনুংদা হারশিংদা মীপাল তাংদবগী মরু ওইবা অদু খঙখি। কোরোনানা মালেম শিনবা থুংবদা লোকদাউনশিং থমহনখি, লৈবাক অমদগী অমদা চৎপদা অথিংবশিং থমখি অমসুং সপ্লাই চেনশিংদা অপনবা পীখি। মসিনা মালেমগী ওইনা হারশিংগী মমলশিংদা খঙৱাং ৱাংখৎখি। অদুবু লৌমীশিংগীদমক কত্থোকপা অমসুং খনবীবা ঐখোয়গী সরকারনা মালেমদা হারশিংগী মমল ৱাংবগী পোৎলুম অসি লৌমীশিংদা পুহন্দনবা হোৎনখি। ঐখোয়না লৌমীশিংনা সমস্যা য়াম্না থেংনদনবা থৌদাং লৌখি। মালেমদা এন.পি.কে. (নাইত্রোজেন, ফোস্ফোরস অমসুং পোতাসিয়ম) হারগী মমলশিং হেনগৎলকপনা মরম ওইরগা লৌমীশিংগী সবসিদী অসি লুপা করোর ৪৩,০০০ হেন্না হেনগৎহনবা মথৌ তাখি অমসুং ঐখোয়না মদু পাঙথোকখি, মসি তাবদা ঐহাক্কী ইচিল-ইনাওশিংনা অঙকপা পোক্কনি। ঐখোয়গী সরকারনসু য়ুরিয়াগৌ সবসিদী অসি লুপা করোর ৩৩,০০০দা হেনগৎহন্দুনা ঐখোয়গী লৌমীশিংদা হার মমলশিং ৱাংখৎলকপা অসিগী পোৎলুম পুহনখি। অমরোমদা য়ুরিয়া অসি মালেমগী কৈথেলদা কে.জি. অমদা লুপা ৬০-৬৫দা য়োল্লি, ভারত্তা লৈবা লৌমীশিংদা য়ুরিয়া শরুক ১০দগী ১২ ফাওবা হোংনা ফংহন্নবা খোঙথাং অমা পাইখৎখি।

ইচিল-ইনাওশিং,

ঙসি, ভারতনা অচা থাও পুশিল্লক্নবা চহি খুদিংগী লুপা করোর লিশিং কয়া চাদিং তৌরি। ফীভম অসিদা অহোংবা পুরক্নবা লৈবাক অসিমক্তদা অচা থাও মরাং কাইনা পুথোক্নবা নেস্নেল মিসন অমা হৌদোকখি। ভাএরনা পেত্রোল অমসুং দিজল;গীদমক চহি খুদিংগী মপালদগী ক্রুদ ওইল পুশিল্লকপদা লুপা করোর লাখ ৫-৭ চাদিংসু তোরি। ঐখোয়না ইথানোল অমসুং বাইও-ফ্যুএলদা মীৎয়েং থমদুনা ক্রুদ ওইল পুশিল্লকপা হন্থহন্নবা হোৎনরি। পুর্ভঞ্চলগী মসিগী লমদম অসি চু থাবা লৌমীশিং য়াম্না লৈ। ইথানোল অসি চু থারিবা লৌমীশিংগীদমক চুদগী হেন্না নীংথিনা ইনকম লাকহল্লি। বাইও-ফ্যুএল শুংনবা উত্তর প্রদেশ মক্তদা ফেক্তরী কয়ামরুম লিংখৎখ্রে।  ঐখোয়না সরকার পাইদ্রিঙৈ মমাংদা ত্তর প্রদেশতগী শুপ্নগী ইথানোল লিতর করোর ২০ খক্তা ওইল কম্পনীশিংদা সপ্লাই তৌরমখি ঙসি উত্তর প্রদেশকী লৌমীশিংনা ওইল কম্পনীশিংদা ইথানোল লিতর করোর ১০০রোম সপ্লাই তৌরি। মমাংদা থা অসি গল্ফতগী পুশিল্লক্লমখি অমসুং হৌজিক্তি পাম্বী (চু) অসিগী থাও লাকপা হৌরে। ঙসি, ঐহাক্না হৌখিবা চহি খরা অসিদা চু থারিবা লৌমীশিংগীদমক অমুক্তা তৌখিদ্রিবা মওংদা থবক পাইখৎখিবগীদমক য়োগীজীগী সরকারবু থাগৎচরি। হন্দক্তা চু থারিবা লৌমীশিংগী রিম্যুনরেতিব প্রাইস অসি লুপা ৩৫০ (ক্বিন্তল অমদা) হেনগৎহনখি। মমাংগী সরকার অনিনা চহি ১০দা চু থারিবা লৌমীশিংদা পীখিবা অদু য়োগীজীগী সরকারা চহি মরি মখাই অসিদা পীখি।

ইচিল-ইনাওশিং,

তশেংবা চাউখৎপা হায়বা অসি খল মান্নবা অমসুং পুম্নমক্কী য়াইফবা অদুনি। অমসুং মসি মীনুংশি খঙবা অমসুং লায়রবশিংগী খনবা মীওইশিং খক্তনা খঙবা ঙমগনি। মতম শাংনা, গোরখপুর য়াওনা অচৌবা লমদম অসি অসি শুপ্নগী মেদিকেল কোলেজ অমা খক্তগী মখা পোল্লম্মি। লায়রবা অমসুং ময়াই ওইবা কাংলুপ ইমুং-মনুংশিংনা লায়েংনবা বনারস নত্ত্রগা লখনৌদা চৎলি। চহি মঙাগী মমাংদা লমদম অসিদা মেনিংজাইতিসকী ওইরম্বা ফীভম অদু ময়াম্না ঐঙোন্দগী হেন্না খঙবীরমগনি। মফম অসিগী মেদিকেল কোলেজতা চল্লাইরিবা রিসর্চ সেন্তর অসিগী মশাগী ওইবা বিল্দিং লৈরমখিদে।

ইচিল-ইনাওশিং,

ময়াম্বু শেবা তৌনবা ‌ঐখোয়দা খুদোংচাবা পীবা মতমদা মফম অসিদা এম্স লাকপা উবীরে। মসি খক্তা নত্তনা রিসর্চ সেন্তরগী মশাগী বিল্দিংসু শাবা লোইরে। এম্সকী উরেপ-উয়ুং তম্নবা ঐহাক্না লাকপা মতমদা ঐহাক্না লম অসিবু এন্সিফলাইতিসতগী ঙাকথোক্নবা অঙম্বা থাক্তা হোৎনগনি হায়না ফোঙদোকখি। ঐখোয়না মেনিংজাইতিস শন্দোকপগী মরমশিং অসি মুত্থৎনবা অমসুং মসিগী লায়েং চত্থনবা থবক পাইখৎখি। ঙসি কন্না হোৎনখিবা অদু থবক ওইনা উবা ফংলে। ঙসি এন্সিফলাইতিসকী কেসশিং অসি গোরখপুরগী জিলা তরেৎ অমসুং বাস্তি দিবিজন্দা চাদা ৯০রোম হন্থহনখ্রে। ঐখোয়না নারকপা অঙাং কয়াগী পুন্সি কনবা ঙমখ্রে। হীরম অসিদা য়োগী সরকারনা তৌরিবা অসি মালেমগী থাক্তা ফাওবা ময়াম্না ঙসি শোন্নরি। অনৌবা এম্স অমসুং আই.সি.এম.আর.গী রিসর্চ সেন্তরগা লোয়ননা এন্সিফলাইতিস মুত্থৎনবা খোঙজং অসি হেন্না মপাঙ্গল কনখৎলগনি। মসিনা অতোপ্পা লৌনগনবা লাইনাশিং অমসুং লাইচৎশিংদগী ঙাকথোকপদা য়ু.পি.দা মতেং চাউনা ওইরগনি।

ইচিল-ইনাওশিং,

লৈবাক অমহেক্তা খুমাং চাওশিন্নবা লৈবাক অদুগী হেল্থ সর্ভিসশিং অদু মমল হোংনা অমসুং মীপুম খুদিংমক্তা ফংহনবা মথৌ তাই। লাইয়েংনবা শহর অমদগী শহর অমদা চৎপা, মখোয়গী লমশিং বন্ধান থম্বা অমসুং অতোপ্পা মীওইশিংদগী শেল পুবা মীওই কয়ামরুম ঐহাক্না থেংনরে। ঐহাক্না লাইরবা, হন্থনা য়েংবীরবা, নমথবীরবা, শোত্থরবা, খুদোংচাবা ফংদ্রবা, থাক অমহেক্তদা চনবা মীওই অমসুং মফম অমহেক্তদা লৈবা মীওইশিংদা মসিগী অৱাবা অসিদগী কোকহন্নবা ঐহাক্না কন্না হোৎনরি। মমাংদদি এম্স কুম্বা মেদিকেল ইন্সতিত্যুসনশিং অসি অচৌবা শহরশিং খক্তগীনি হায়না খন্নরম্মি, অদুবু ঐখোয়গী সরকারনা লৈবাক অসিগী মনুং হঞ্জিনবা মফমশিংদা খ্বাইদগী ফবা লাইয়েংশিং, খ্বাইদগী চাওবা হোস্পিতালশিং ফংহল্লি। নিংখা তমখিবদগী চহিচা অসি হৌরকপা ফাওবা লৈবাক অসিদা এম্স অমখক লৈরম্মি হায়বসি খন্থদুনা য়েংবীয়ু? অতলজীনা মহাক্কী মতমদা অহেনবা এম্স তরুক্কী শেল কাইথোক্লম্মি। হৌখিবা চহি তরেৎ অসিদা অনৌবা এম্স ১৬ শানবা থবক পাইখৎলি। ঐখোয়গী পান্দমদি লৈবাক অসিগী দিস্ত্রিক্ত খুদিংমক্তা য়ামদ্রবদা মেদিকেল কোলেজ অমা থম্বনি। য়ু.পি.গী দিস্ত্রিক্ত কয়ামরুমদসু মেদিকেল কোলেজশিং শাবগী থবকশিং লেপ্পা লৈতনা খুমাং চাওশিল্লি খংবদা ঐহাক্না য়াম্না নুংঙাইবা পোকই। অদুগা হৌজিক্তা জোগীজীনা মেদিকেল কোলেজশিংগী খুমাং চাওশিল্লবা অদুগা মতাংদা মরিক চুম্না ফোঙদোকখ্রে। ইকুই কুইদনা অদোম্না য়ু.পি.দা মতম অমত্তদা মেদিকেল মাপল শঙ্গানবা খুদোংচাবা অদু পীবিখি। য়ু.পি.না ভেক্সিনেসন দোজ করোর ১৭ য়ৌবগী পান্দম অসি ফংলিবসি হকশেলদা অহেনবা মিৎয়েং চংবগী ফলনি।

ইচিল-ইনাওশিং,

ইরৈবাকচা করোর ১৩০ হেনবগী হকশেল, খুদোংচাবা অমসুং য়াইফবা পুরকপা হায়বা অসি ঐখোয়দা য়াম্না মরু ওই, মরু ওইনা হকশেল অমসুং খুদোংচাবা ফংবা ৱাৎপা ঐখোয়গী ইমাশিং, ইচে-ইচলশিং অমসুং ইচানুপশিংগীদমক্তা। হৌখিবা চহি খরা অসিদা ঐখোয়গী ইচে-ইচলশিংগী পক্কাগী য়ুমশিং শাখ্রে, অমাং শঙশিং, মীয়াম্না ‘ইজৎ ঘর’ হায়না খঙনবা, ইলেক্ত্রিসিতী, গ্যাস, ঈশিং, মচি ওইবা চীঞ্জাক, ভেক্সিনেসন অসিনচিংবা ফংখ্রে অমসুং মখোয়গী ফলশিং অসি হৌজিক উবা ফংলে। হন্দক্তা ফেমিলী হেল্থ সর্ভেনা অফবা খুদম কয়া পীখি। অহানবা ওইনা লৈবাক অসিদা নুপাশিংগী মশিংদগী নুপীনা হেনখি। মসিদা অফবা হকশেলনা মরু ওইবা থৌদাং অমসু লৌরি। হৌখিবা চহি ৫-৬ অসিদা লম অমসুং য়ুমগী মপু নু্পীনা ওইবা হেনগৎলকখি। হীরম অসিদা মাংজিল থারিবা রাজ্যশিংগী মনুংদা উত্তর প্রদেশসু অমনি। মসিগা মান্ননা বেঙ্ক একাউন্তশিং অমসুং মোবাইল ফোনশিং শীজিন্নবা নুপীশিংগী মশিং অসি অমুক্তা থোকখিদ্রিবা মোংদা হেনগৎলকপা উবা ফংখি।

মরুপশিং,

ঙসি ময়ামগা ৱারী শাবা মতমদা ঐহাক্না মমাংগী সরকারগী থাজবা য়াদবা অমসুং মীয়ামদা মীনুংশিং লৈতবা মওং মতৌ অদু নীংশিংলি। ঐহাক্না মসি থৱোইনা পনবা পাম্মি। মীপুম খুদিংমক্না গোরখপুরগী ফর্তিলাইজর প্লান্ত অসি অপুনবা লমদম অসিগী লৌমিশিংগীদমক অমসুং মফম অসিদা থবক পীনবা মরু ওই হায়বা খঙই। অদুবু মমাংগী সরকারশিংনা মসি হিংগৎহনবদা মীৎয়েং অমত্তা চংলমখিদে। মীপুম খুদিংমক্না খঙই মদুদি গোখপুরদা এম্স থম্নবা দিমান্দ অসি চহি কয়াদগী তৌরক্লবনি। অদুবু ২০১৭গী মমাংদা সরকার পাইরম্বশিংনা এম্সতা লম পীবদা মখল পুম্নমক্কী থৈদোক্নবা মরমশিং পীরমখি। ঐহাক্না নীংশিংলি মদুদি গোরখপুরগী এম্স অসিগী লম পীবদা মমাংগী সরকারনা য়াম্না পীনীংদনা পীখি অদুসু নমদুনা পীহনখি।

মরুপশিং,

ঙসিগী থৌরম অদু তাইমিংগী মতাংদা ৱাহং হংবা পাম্বা মীওইশিং অদুদা পীবা মতিকচাবা পাউখুমনি। মসিগুম্বা প্রোজেক্তশিং অসি লোয়শিনবদা চহি কয়া চংনা কন্না হোজরকপা অদু মহৈ য়াওরিবনি। দবল ইঞ্জিন সরকার অসিনা মতম চুপ্পদা দিবেলপমেন্তকী থবক থৌরমশিং পাইখৎতুনা লৈ অমসুং কোরোনাগী মতমদা ফাওবদা পাইখৎপা লেপ্পে হায়বসি মসিগী মীওইশিং অসিনা কৈদৌনুংদা খংলোই।

ঐগী নুংশিজরবা ইচিল-ইনাওশিং,

মসিগী মীওইশিং অসিনা লোহিয়াজী, জয় প্রকাশ নরায়নজীগী ৱাখল্লোনশিং, মশক নাইরবা মীওইশিং অসিগী দিসসিপ্লিন মতম কয়াগী মমাংদা মাংহনখ্রে। ঙসিদি য়ু.পি.গী মীপুম খুদিংমক্না খংলে মদুদি তুপী অঙাংবা উপলিবা মীওইশিং অসিনা মখোয়গী কারদা অঙাংবা সাইরেনগী খক্তমক খল্লি অমসুং মখোয়না অদোমগী অৱাবশিং অদু কৈদৌঙৈদা উবিরোই। তুপী অঙাংবা উপ্পা মীওইশিংনা অসিনা মখোয়গী শেনগাউ থন্নবা, আইন্না য়াদবা থবকশিং পাংথোক্নবা অমসুং মাফিয়াদা মনিংতম্বা পীনবা স্কেমশিং পাম্মি। মসিগী তুপী অঙাংবা উপ্পা মীওইশিং অসিনা তেরোরিস্তশিংদা মতেং পাংনবা অমসুং মখোয়বু কৈশুমশঙদগী লৌথোক্নবা সরকার শেম্বা পাম্মি। মরম অদুনা তুপী অঙাংবা উপলিবা মীওইশিং অসি য়ু.পি.গী চেকশিন খুদমনি হায়বদি এলার্ম বেলশিংনি হায়বা নীংশিংবীয়ু।

মরুপশিং,

য়ু.পি.গী চু থারিবা লৌমীশিংনা জোগীজীগী মমাংদা লৈরম্বা সরকার অদুদগী মখোয়গী শেনফমশিং ফংনবা হোৎবদা থেংনখিবা অৱাবশিং অদু কাউবা ঙমলোই। শেনফমশিং অদু ইন্সতোলমেন্ততা থীবদা থা কবা চংখি। চিনিগী মিলশিংগা মরী লৈননা দ্রমা মখল কয়া শান্নরি অমসুং স্কেম কয়া চত্থরি। পুর্বাঞ্চল অমসুং য়ু.পি.গী মীওইশিংনা মসি মুন্না খংই।

মরুপশিং,

ঐখোয়গী দবল ইঞ্জিন সরকার অসিনা অদোমগী সেবা তৌবদা অমসুং অদোমদা নুংঙাইবা পুন্সি মহিং পীবদা কত্থোক্লি। অদোম্না থেংনরকপা অৱাবশিং অদু অদোমগী অঙাংশিংদা অমুক থেংনহন্নবা ঐখোয়না পামদে। ঐখোয়না মসি হোংদোকপা পাম্মি। লৈবাক অসিনা মমাং সরকারগী চীঞ্জাক মরাং কাইনা লৈরবসু লাইরবশিংদা ফংহনবা ঙমখিদবা অদুগুম্লবা মতমশিং অদু থেংনখ্রে। ঙসিদি ঐখোয়গী সরকার অসি লাইরবশিংগী হাংদোক্তুনা লৈরিবা সরকারগী গোদাউনশিংনি অমসুং জোগীজীনা য়ুমথোং খুদিংমক্তা চেং হৱাইশিং য়ৌহন্নবা হোংনবদা মথৌ চিল্লি। য়ু.পি.গী মীওই করোর ১৫ন মসিগী কান্নবা অসি ফংলি। হন্দক্তা পি.এম. গরিব কল্যান অন্ন য়িজনা অসি য়াওশঙ ফাওবা শাংদোকখ্রে। 

মরুপশিং,

মমাংদা পাৱর সপ্লাইগা মরী লৈননা য়ু.পি.গী দিস্ত্রিক্ত খরদি ভি.আই.পি. দিস্ত্রিক্তশিং ওইরম্মি। জোগীজীনা য়ু.পি.গী দিস্ত্রিক্ত খুদিংমক্তা ইলেক্ত্রিসিতী পীদুনা ভি.আই.পি. দিস্ত্রিক্ত ওইহল্লে। ঙসিদি খুঙ্গং খুদিংমক্না জোগীজীগী সরকারগী মখাদা মান্নবা অমসুং লেপ্পা নাইদবা ইলেক্ত্রিসিতী ফংহল্লে। মমাংদদি সরকারনা ক্রিমিনেলশিংদা ঙাকলৌ পীদুনা য়ু.পি.বু মীংচৎ থিহল্লম্মি। ঙসিদি মাফিয়াশিং অদু কৈশুমশঙদা লৈরে অদুগা ইনভেস্তরশিংনা মনিং তম্না য়ু.পি.দা ইনবেস্ত তৌরে। মসি দবল ইঞ্জিনগী দবল দিবেলপমেন্তনি। মরম অদুনা য়ু.পি.না দবল ইঞ্জিন সরকার অসিদা থাজবা থম্লি। অদোমগী থৌজালশিং মখাতানা ফংখিনা হায়বগী থাজবা অসিগা লোয়ননা পুম্নমকপু অমুক্কা হন্না থাগৎপা ফোঙদোকচরি! ঐহাক্কা লোয়ননা ভারত মাতা কি জয় হায়না লাওমিন্নরসি! ভারত মাতা কী জয়! ভারত মাতা কী জয়! পুম্নমকপু থাগৎচরি।

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
21 Exclusive Photos of PM Modi from 2021
Explore More
পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল

Popular Speeches

পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল
Budget Expectations | 75% businesses positive on economic growth, expansion, finds Deloitte survey

Media Coverage

Budget Expectations | 75% businesses positive on economic growth, expansion, finds Deloitte survey
...

Nm on the go

Always be the first to hear from the PM. Get the App Now!
...
Social Media Corner 17th January 2022
January 17, 2022
Share
 
Comments

FPIs invest ₹3,117 crore in Indian markets in January as a result of the continuous economic comeback India is showing.

Citizens laud the policies and reforms by the Indian government as the country grows economically stronger.