ঐহাক্কী ইনাও, ভুতানগী প্রধান মন্ত্রী, ফিজিগী উপ-প্রধান মন্ত্রী, ভারতকী কোওপরেসন মন্ত্রী অমিত শাহ, ইন্তর্নেস্নেল কোওপরেতিব এলাইন্সকী প্রসিদেন্ত, য়ুনাইতেদ নেসন্সকী মীহুৎ পুম্নমক, মালেমগী মফম পুম্নমক্তগী মফম অসিদা লাক্লিবা কোওপরেতিব ৱার্ল্দগা মরী লৈনবা মরুপ পুম্নমক, নুপীশিং অমসুং নুপাশিং।
ঙসি, ঐহাক্না পুম্নমকপু তরাম্না ওকপদা, ঐহাক খক্তনা অদোমবু তরাম্না ওকপা নত্তে, ঐহাক খক্তনা মসি তৌবা ঙমদে। ভারতকী লৌমী করোর কয়া, ভারতকী শা-শন য়োকপা করোর কয়া, ভারতকী ঙামীশিং, ভারতকী কোওপরেতিব ইন্সতিত্যুসন লাখ 8 হেনবা, ভারতকী সেল্ফ হেল্প গ্রুপশিংগা মরী লৈনবা নুপী করোর 10 অমসুং কোওপরেতিবশিংবু তেক্নোলোজীগা শম্নহল্লিবা ভারতকী নহারোলশিংগী মায়কৈদগী ঐহাক্না অদোমবু ভারত্তা তরাম্না ওকচরি।
ইন্তর্নেস্নেল কোওপরেতিব এলাইন্সকী গ্লোবেল কনফরেন্স ভারত্তা অহানবা ওইনা পাংথোক্লি। ঐখোয়না হৌজিক ভারত্তা কোওপরেতিব মুভমেন্ত পাকথোক চাউথোকহল্লি। ঐহাক্না থাজবা থম্লি মদুদি কনফরেন্স অসিগী খুত্থাংদা, ঐখোয়না ভারতকী তুংলমচৎকী কোওপরেতিব খোঙচৎকীদমক মথৌ তাবা ইনসাইৎশিং ফংলগনি। অদুগা মতম অমত্তদা, ভারতকী এক্সপরিয়েন্সশিংনা মালেমগী কোওপরেতিব মুভমেন্ততা 21শুবা চহিচাগীদমক অনৌবা খুৎলাইশিং অমসুং অনৌবা থৌনাশিং ফংহল্লগনি। ঐহাক্না 2025বু ইন্তর্নেস্নেল ইয়র ওফ কোওপরেতিবস হায়না লাউথোকখিবগীদমক য়ুনাইতেদ নেসন্সপুসু নুংঙাইবা ফোংদোকচরি।
মরুপশিং,
মালেমগী ওইনা কোওপরেতিবশিং অসি মোদেল অমনি, অদুবু ভারতকী ওইনা কোওপরেতিবশিং অসি কলচরগী য়ুম্ফমনি, পুন্সি মহিং অমনি। ঐখোয়গী বেদশিংনা হায়রি - সম গচধৱাম সম ভদ্ধৱম, হায়বদি ঐখোয় পুম্নমক্না অমত্তা ওইনা চৎমিন্নগদবনি, চপ মান্নবা লোল ঙাংগদবনি। ঐখোয়গী উপনিশদশিংনা হায়রি - সরভে সন্তু সুখিনাহ, হায়বদি মীপুম খুদিংমক নুংঙাই ওইসনু। পুন্না হিংমিন্নবা অসি ঐখোয়গী লাইনিং লাইশোলদা মতম পুম্নমক্তা য়াওরি। সঙ্ঘ অমসুং সাহ, হায়রিবা অসি ভারতকী পুন্সিগী মরুওইবা মচাকশিংনি। মসি ঐখোয়গী ইমুং-মনুংগী পথাপ অসিগীসু য়ুম্ফম্নি। অমসুং মসি কোওপরেতিবশিংগীসু য়ুম্ফম্নি। ভারতকী সিভিলাইজেসন অসি অসিগুম্বা কোওপরেসনগী ৱাখল্লোনগা লোয়ননা চাউখৎলক্লি।
মরুপশিং,
কোওপরেতিবশিংনা ঐখোয়গী নীংতম লান্মীশিংবুসু পুক্নিং থৌগৎলি। মসিনা শেন্মিৎলোনগী মপাঙ্গল হেনগৎহনবদা মতেং পাংবতা নত্তনা নীংতম লান্মীশিংদা অপুনবা প্লেৎফোর্ম অমা পীখি। মহাত্মা গান্ধীগী গ্রাম স্বরাজনা খুন্নাইগী শরুক য়াবদা অনৌবা ইনর্জী পীখি। মহাক্না খাদি অমসুং ভিলেজ ইন্দস্ত্রীজগুম্বা লমশিংদা কোওপরেতিবশিংগী খুত্থাংদা অনৌবা খোঙজং অমা হৌদোকখি। অমসুং ঙসিদি ঐখোয়গী কোওপরেতিবশিংনা খাদি অমসুং ভিলেজ ইন্দস্ত্রীজনা অচৌবা ব্রান্দশিংদগীসু মাংজিল থারি। নীংতম্বগী মতম অসিদা সরদার পতেলনসু লৌমীশিংবু পুনশিনখি, মিল্ক কোওপরেতিবকী খুত্থাংদা নীংতম্বগী খোঙজং অসিদা অনৌবা মায়কৈ অমা পীখি। নীংতম ইহৌ মতমদগী লিংখৎলবা অমুল অসি ঙসিদি মালেমগী মকোক থোংবা ফুদ ব্রান্দশিংগী মনুংদা অমা ওইরে। ভারতকী কোওপরেতিবশিংনা আইদিয়াদগী খোঙজং অমদা, খোঙজংদগী রিভোলুসন অমদা অমসুং রিভোলুসনদগী এম্পাৱরমেন্ত অমদা চৎখ্রে হায়না ঐখোয়না হায়বা য়াই।
মরুপশিং,
ঙসি ভারত্তা ঐখোয়না সরকারগী শক্তি অমসুং কোওপরেসন পুনশিন্নদুনা ভারত চাউখৎনবা হোৎনরি। ঐখোয়না কোওপরেসনগী খুত্থাংদা চাউখৎপগী মন্ত্র অসি ঙাক্না চৎলি। ঙসিদি ভারত্তা কোওপরেতিব সোসাইতী লাখ 8রোম লৈরে। মসিনা তাকপদি মালেমগী কোওপরেতিব সোসাইতী মরিগী মনুংদা অমা ঙসি ভারত্তা লৈরে। অমসুং মশিং খক্তা নত্তনা, মখোয়গী স্কোপ অসিসু মখল-মখা অমসুং পাক-শন্না লৈ। কোওপরেতিবশিংনা রুরেল ইন্দিয়াগী চাদা 98 রোম কোনশিল্লি। মীওই করোর 30রোম... হায়বদি মালেমগী মীওই মঙাগী মনুংদা অমা অমসুং ভারতকী মীওই মঙাগী মনুংদা অমা কোওপরেতিব সেক্তরগা মরী লৈনৈ। মসি চিনি, ফর্তিলাইজর, ফিসরিজ, মিল্ক প্রদক্সন ওইরো... কোওপরেতিবশিংনা অসিগুম্বা সেক্তর কয়াদা য়াম্না চাউবা থৌদাং অমা লৌরি।
হৌখিবা দিকেদ খরদা, অর্বান কোওপরেতিব বেঙ্কিং অমসুং হাউজিং কোওপরেতিবশিংসু ভারত্তা পাকথোক চাউথোকখ্রে। ঙসিদি ভারত্তা চাউরাক্না হাউজিং কোওপরেতিব সোসাইতী লাখ অনি লৈরে। হৌখিবা চহি খরা অসিদা, ঐখোয়না কোওপরেতিব বেঙ্কিং সেক্তরসু মপাঙ্গল কনখৎহল্লে অমসুং মসিদা রিফোর্মশিং পুরক্লি। ঙসিদি, লৈবাক শিনবা থুংনা লৈরিবা কোওপরেতিব বেঙ্কশিংদা লুপা করোর লাখ 12.. লুপা ত্রিলিয়ন 12গী শেনফম থাদরি। ঐখোয়গী সরকারনা কোওপরেতিব বেঙ্কশিং মপাঙ্গল কনখৎহন্নবা অমসুং মখোয়দা থাজবা হেনগৎহন্নবা রিফোর্ম কয়া অমা পায়খৎলে। মমাংদা, হায়রিবা বেঙ্কশিং অসি রিজর্ব বেঙ্ক ওফ ইন্দিয়া-RBIগী মখাদা লৈরমদে, ঐখোয়না মখোয়বু RBIগী মখাদা পুরকখি। ঐখোয়না বেঙ্কশিং অসিদা দিপোজিৎশিংদা ইন্সুরেন্স কোভরসু দিপোজিস্তর অমদা লুপা লাখ 5দা হেনগৎহনখ্রে। কোওপরেতিব বেঙ্কশিংদা দিজিতেল বেঙ্কিংসু পাকথোক চাউথোকহনখি। হোৎনরিবশিং অসিনা মরম ওইদুনা, ভারতকী কোওপরেতিব বেঙ্কশিং অসি হান্নদগী হেন্না কম্পিতিতিব অমসুং ত্রান্সপরেন্ত ওইরে।
মরুপশিং,
ভারতনা কোওপরেতিবশিংগী অচৌবা থৌদাং অমা মাগী তুংলমচৎকী গ্রোথতা উরি। মরম অদুনা, হৌখিবা চহিশিংদা, কোওপরেতিবশিংগা মরী লৈনবা ইকোসিস্তেম পুম্নমক শেমদোক্নবা ঐখোয়না হোৎনখি। ভারতনা রিফোর্ম কয়া অমা তৌখি। কোওপরেতিব সোসাইতীশিং অসি মল্তি-পর্পস ওইহন্নবা ঐখোয়না হোৎনরি। পান্দম অসিগা লোয়ননা ভারত সরকারনা তোঙানবা কোওপরেতিব মন্ত্রালয় অমা শেমখি... কোওপরেতিব সোসাইতীশিংবু মল্তি-পর্পস ওইহন্নবা অনৌবা মোদেল বাই-লোগশিং শেমখি। ঐখোয়না কোওপরেতিব সোসাইতীশিংবু IT ইনেবল ইকো-সিস্তেমগা শম্নহল্লি। মখোয়শিং অসি দিস্ত্রিক্ত অমসুং স্তেতকী থাক্তা কোওপরেতিব বেঙ্কিং ইন্সতিত্যুসনশিংগা শম্নহল্লে। ঙসিদি হায়রিবা সোসাইতীশিং অসিনা ভারতকী লৌমীশিংদা লোকেল সোলুসনশিং পীরিবা সেন্তরশিং চল্লাইরি। হায়রিবা কোওপরেতিব সোসাইতীশিং অসিনা পেত্রোল অমসুং দিজেলগী রিতেল আউৎলেৎশিং চল্লাইরি। খুঙ্গং কয়াদা, হায়রিবা কোওপরেতিব সোসাইতীশিং অসিনা ঈশিংগী মেনেজমেন্তসু য়েংশিল্লি। খুঙ্গং কয়াদা কোওপরেতিব সোসাইতীশিংনা সোলার পেনেলশিং ইনস্তোল তৌরি। ৱেস্ত তু ইনর্জীগী মন্ত্র অসিগা লোয়ননা ঙসি কোওপরেতিব সোসাইতীশিংনা গোবর্ধন স্কিমদা মতেং পাংলি। মসি খক্তা নত্তে, কোওপরেতিব সোসাইতীশিংনা হৌজিক খুঙ্গংশিংদা কম্মনসর্ভিস সেন্তরশিং ওইনা দিজিতেলসর্ভিসশিংসু ফংহল্লি। ঐখোয়গী খোঙথাং অসি কোওপরেতিব সোসাইতীশিং অসিবু য়ারিবমখৈ মপাঙ্গল কনখৎহনবা অমসুং মখোয়গী মেম্বরশিংগী শেন্থোক হেনগৎহনবনি।
মরুপশিং,
সোসাইতী অমত্তা লৈতবা খুঙ্গং লাখ 2দা ঐখোয়না মল্তিপর্পজ কোওপরেতিব সোসাইতীশিং শেমগৎলি। ঐখোয়না কোওপরেতিবশিংবু মেন্যুফেকচরিংদগী সর্ভিস সেক্তরদা পাকথোক চাউথোকহল্লি। ঙসি ভারতনা কোওপরেতিব সেক্তরদা মালেমগী খ্বাইদগী চাউবা গ্রেন স্তোরেজ স্কিমদা থবক তৌরি। স্কিম অসি ঐখোয়গী কোওপরেতিবশিংনসু পায়খৎলি। মসিগী মখাদা, ভারত শিনবা থুংনা লৌমীশিংনা মখোয়গী মহৈ-মরোংশিং থম্নবা গুদামশিং শেমগৎলি। অপীকপা লৌমীশিংনা মসিদগী খ্বাইদগী কান্নবা ফংগনি।
মরুপশিং,
ঐখোয়না ঐখোয়গী অপীকপা লৌমীশিংবু FPO ফার্মর প্রদ্যুসর ওর্গনাইজেসনশিং অপীকপা লৌমীশিংগী FPOশিংদা সরকারনা দরকার ওইবা শেলগী তেংবাংসু পীরি। অসিগুম্বা FPO 9,000 রোম্না মথৌ তৌবা হৌখ্রে। ঐখোয়গী খোঙথাং অসি ঐখোয়গী ফার্ম কোওপরেতিবশিংগীদমক ফার্মদগী চাকশঙ ফাওবা, ফার্মদগী মার্কেত ফাওবা মপাঙ্গল কনবা সপ্লাই অমসুং ভেল্যু চেন অমা শেমগৎপনি। মসিগীদমক্তা, ঐখোয়না অনৌবা তেক্নোলোজী শীজিন্নরি। ঐখোয়না কোওপরেতিবশিংদা মখোয়গী পোত্থোকশিং অসি ওপন নেতৱার্ক ফোর দিজিতেল কম্মর্স- ONDCগুম্বা পব্লিক ই-কম্মর্স প্লেৎফোর্মশিংগী খুত্থাংদা য়োনবগী অনৌবা মেদিয়ম অমা পীরি। মসিগী খুত্থাংদা, ঐখোয়গী কোওপরেতিবশিংনা পোত্থোকশিং অসি খ্বাইদগী হন্থবা মমলদা কঞ্জ্যুমরদা হকথেংননা য়ৌহল্লি। সরকারনা GeM কৌবা দিজিতেল প্লেৎফোর্ম অমা শেমখ্রে। গবর্নমেন্ত ই-মার্কেৎ প্লেস...নসু কোওপরেতিব সোসাইতীশিংদা মতেং পাংলি।
মরুপশিং,
নুপীশিংনা শরুক য়াবা অসিনা চহিচা অসিদা মালেমগী চাউখৎপগী অচৌবা ফেক্তর অমা ওইরগনি। লৈবাক অমা নৎত্রগা খুন্নাই অমনা নুপীশিংদা শরুক য়াবা হেনগৎলক্লিবমখৈ, মসিনা খোঙজেল য়াংনা চাউখৎলক্লগনি। ঙসিদি ভারত্তা নুপীশিংনা লুচিংদুনা চাউখৎপগী মতম ওইরে, ঐখোয়না মসিদা য়াম্না মীৎয়েং চংলি অমসুং কোওপরেতিব সেক্তরদসু নুপীশিংনা অচৌবা থৌদাং অমা লৌরি। ঙসি ভারতকী কোওপরেতিব সেক্তরদা নুপীশিংনা চাদা 60 হেন্না শরুক য়াখ্রে। ঙসিদি নুপীশিংগী কোওপরেতিব কয়ানা সেক্তর অসিগী মপাঙ্গল ওইরি।
মরুপশিং,
কোওপরেতিবশিংগী মেনেজমেন্তদা নুপীশিংগী শরুক য়াবা হেনগৎহন্নবা ঐখোয়না হোৎনরি। মসিগীদমক ঐখোয়না মল্তি স্তেৎ কোওপরেতিব সোসাইতী এক্ত শেমদোক্লে। হৌজিক্তি মল্তি-স্তেৎ কোওপরেতিব সোসাইতীগী বোর্দতা নুপী দিরেক্তরশিং লৈবা অসি তঙাইফদবা ওইরে। মসি খক্তা নত্তে, খুন্নাইশিং অসি হেন্না ইনক্লুসিব ওইহন্নবা লায়রবা কাংলুপশিংগীদমক রিজর্ভেসনসু থমখ্রে।
মরুপশিং,
ভারত্তা সেল্ফ হেল্প গ্রুপকী মওংদা য়াম্না চাউবা মুভমেন্ত অমা লৈরে হায়বা অদোম্না তারমগনি। মসি নুপীশিং শরুক য়াদুনা নুপীশিংবু মপাঙ্গল কনখৎহন্নবা য়াম্না চাউবা খোঙজং অমনি। ঙসি ভারতকী নুপী করোর 10 নৎত্রগা মিলিয়ন 100দি সেল্ফ হেল্প গ্রুপশিংগী মেম্বরশিংনি। হৌখিবা চহি তরা অসিদা, সরকারনা সেল্ফ হেল্প গ্রুপশিংদা লুপা করোর লাখ 9 নৎত্রগা লুপা ত্রিলিয়ন 9গী লোন পীখ্রে। মসিগী খুত্থাংদা, সেল্ফ হেল্প গ্রুপশিং অসিনা খুঙ্গংশিংদা অচৌবা লন পুথোক্লে। ঙসিদি, মসি মালেমগী লৈবাক কয়াদা নুপীশিংগী শক্তি লৈহন্নবা অচৌবা মোদেল অমা ওইরকপা ঙম্লে।
মরুপশিং,
21শুবা চহিচাদা, ঐখোয় পুম্নমক্না পুন্না লাক্নবা অমসুং গ্লোবেল কোওপরেতিব মুভমেন্তকী মায়কৈ অদু লেপ্নবা মতম ওইরে। কোওপরেতিবশিংগী ফাইনান্সিং অসি লায়বা অমসুং ত্রান্সপরেন্ত ওইহন্নবা অসিগুম্বা কোলোপরেতিব ফাইনান্সিং মোদেল অমা ঐখোয়না খনবা তাই। অপীকপা অমসুং শেল-থুমগী ফীভম ফত্তবা কোওপরেতিবশিংগী খুমাং চাউশিলহন্নবগীদমক শেল-থুমগী রিসোর্সশিং পুনশিনবা অসি য়াম্না মরু ওই। অসিগুম্বা শেয়র ফাইনান্সিং প্লেৎফোর্মশিং অসি অচৌবা প্রোজেক্তশিং শেল থাদনবা অমসুং কোওপরেতিবশিংদা লোন পীনবগী পাম্বৈ অমা ওইরকপা য়াই। ঐখোয়গী কোওপরেতিবশিংনা সপ্লাই চেনসু পোৎ-চৈ প্রোক্যুর্মেন্ত, পুথোকপা অমসুং য়েন্থোকপদা শরুক য়াদুনা ফগৎহনবা ঙমগনি।
মরুপশিং,
ঙসিদি, অতোপ্পা হীরম অমা নৈনবগী তঙাইফদবা লৈরে। মালেম শিনবা থুংনা, ঐখোয়না মালেম শিনবা থুংনা কোওপরেতিব শেল থাদবা ঙম্বা অসিগুম্বা অচৌবা শেল থাদবা ইন্সতিত্যুসনশিং শেম্বা ঙমগদ্রা? ICAনা মসিগী থৌদাং অসি য়াম্না ফজনা পাংথোক্লি, অদুবু তুংলমচৎতা মসিগী মথক্তা চৎপা অসি য়াম্না মরু ওই। হৌজিক মালেমদা ওইরিবা ফীভম অসি কোওপরেতিব মুভমেন্তকীদমক অচৌবা খুদোংচাবা অমা ওইরকপা য়াই। ঐখোয়না কোওপরেতিবশিংবু মালেমদা ইন্তিগ্রিতি অমসুং ম্যুচুএল রেস্পেক্তকী ফ্লেগ-বিয়র্র ওইহনগদবনি। মসিগীদমক্তা ঐখোয়না ঐখোয়গী পোলিসীশিংদা ইন্নোভেসন অমসুং স্ত্রেতেজী শেমগদবনি। কোওপরেতিবশিংবু ক্লাইমেৎ রেসিলেন্ত ওইহন্নবা, মখোয় অসি সর্ক্যুলর ইকোনোমীগা শম্নহনগদবনি। কোওপরেতিবশিংদা করম্না স্তার্ত-অপশিংবু পুক্নিং থৌগৎপা য়াবগে হায়বগী মতাংদা খন্ন-নৈনবসু মরু ওই, খন্ন-নৈনবগী মথৌ তাই হায়না খল্লি।
মরুপশিং,
কোওপরেতিবশিংনা মালেমগী কোওপরেসনদা অনৌবা ইনর্জী পীবা ঙম্মি হায়না ভারতনা থাজৈ । কোওপরেতিবশিংনা গ্লোবেল সাউথকী লৈবাকশিংদা মখোয়না মথৌ তারিবা গ্রোথকী মখল অদু ফংহনবদা অখন্ননা মতেং পাংবা ঙমগনি। মরম অদুনা, ঙসিদি ঐখোয়না কোওপরেতিবশিংগী ইন্তর্নেস্নেল কোল্লাবোরেসনগীদমক্তা অনৌবা পাম্বৈশিং অমসুং ইন্নোভেসনশিং পুথোক্কদবনি। অমসুং ঐহাক্না কনফরেন্স অসিনা মসিদা য়াম্না মরু ওইবা থৌদাং অমা লৌরি হায়না খল্লি।
মরুপশিং,
ঙসি ভারত অসি খ্বাইদগী য়াংনা চাউখৎলক্লিবা ইকোনোমী অমনি। GDPগী অৱাংবা গ্রোথকা লোয়ননা ঐখোয়গী পান্দমদি মসিগী কান্নবশিং অসি খ্বাইদগী লায়রবশিংদা য়ৌহনবনি। মালেম অসিনা চাউখৎপা অসি মীওইবগী মীৎয়েংদগী য়েংবা অসিসু য়াম্না মরু ওই। ভারতকী পান্দমদি লৈবাক অসিদা নৎত্রগা মালেমগী থাক্তা, ঐখোয়গী থবক পুম্নমক্তা হ্যুমেন-সেন্ত্রিক সেন্তিমেন্তশিং লৈগদবনি হায়বসিনি। কোবিদকী অসিগুম্বা অচৌবা অৱাবা অমা মীওইবা খুন্নাই পুম্বদা লাকপদা ঐখোয়না মসি উখি। অদুদগী ঐখোয়না মালেমগী মীশিংগা লোয়ননা লেপখি, রিসোর্স লৈতবা লৈবাকশিংগা লোয়ননা লেপখি। লৈবাকশিং অসিদগী অয়াম্বদি গ্লোবেল সাউথকীনি, মখোয়গা লোয়ননা ভারতনা হিদাক-লাংথকশিং অমসুং ভেক্সিনশিং য়েন্থোক্লি। মতুংদা শেন্মিৎলোনগী ৱাখল্লোননা হায়খি মদুদি ফিভম অসিদগী কান্নবা লৌগদবনি। অদুবু মীওইবগী ৱাখল্লোননা হায়খি... নত্তে... লম্বী অসি চুমদে। সর্ভিসকী লম্বী অমা লৈগদবনি। অমসুং ঐখোয়না, ঐখোয়না লন-থুমগী লম্বীগী মহুৎ মীওইবগী লম্বী খনখি।
মরুপশিং,
কোওপরেতিবশিংগী মরুওইবা অসি স্ত্রকচর, কাংলোনশিং অমসুং আইনশিং খক্তগী ওইদে। মখোয়শিং অসিদগী ইন্সতিত্যুসনশিং শেম্বা য়াই, আইনশিং, কাংলোনশিং, স্ত্রকচরশিং শেম্বা য়াই, মখোয়শিং অসি চাউখৎপা অমসুং পাকথোক চাউথোকপা য়াই। অদুবু কোওপরেতিবকী স্পিরিৎ অসি খ্বাইদগী মরু ওই। কোওপরেতিব স্পিরিৎ অসিনা মসিগী খোঙজং অসিগী লাইফ ফোর্সনি। মসি কোওপরেসনগী কলচরদগী লাকপনি। কোওপরেতিবশিংগী মায় পাকপা অসি মখোয়গী মশিংদগী নত্তে অদুবু মখোয়গী মেম্বরশিংগী মোরেল দিবেলপমেন্তদগীনি হায়না মহাত্মা গান্ধীনা হায়রম্মি। মোরেলিতী লৈরকপা মতমদা, অচুম্বা ৱারেপশিং অসি মীওইবা খুন্নাইগী কান্ননবগীদমক লৌগনি। ঐহাক্না থাজবা থম্লি মদুদি ঐখোয়না ইন্তর্নেস্নেল ইয়র ওফ কোওপরেতিবসতা ৱাখল্লোন অসি মপাঙ্গল কনখৎহন্নবা মখা তানা থবক তৌগনি। ঐহাক্না অমুক্কা হন্না পুম্নমকপু থাগৎচরি অমসুং য়াইফ-পাউজেল পীজরি। নুমিৎ মঙাগী সম্মিৎ অসিদা হীরম কয়া খন্ন-নৈনগনি অমসুং মসিগী মীফম অসিদগী খুন্নাইগী সেক্সন খুদিংমক, মালেমগী লৈবাক খুদিংমকপু মতেং পাংনবগী ৱাখল্লোনগা লোয়ননা মাংলোমদা চংশিন্নবা, চাউখৎপা পুরক্নবা শক্তি পীরগনি। হায়রিবা ৱাখল্লোন অসিগা লোয়ননা, ঐহাক্না পুম্নমকপু য়াইফ-পাউজেল পীজরি।
থাগৎচরি।
