খুরুমজরি!
মসিগী মরু ওইবা শিক্ষক পর্বগী থৌরম অসিদা ঐহাক্কা লোইননা শরুক য়ারিবা মীওইশিং অসি কেবিনেত্তা লৈরিবা ঐহাক্কী মরুপশিং, লৈবাক অসিগী তোঙান তোঙানবা রাজ্যশিংগী ইকাই খুম্নরবা এজুকেসন মন্ত্রীশিং, শ্রী ধর্মেন্দ্র প্রধান জি, শ্রীমতি অন্নপুর্ণ দেবী জি, দা. সুভাস সরকার জি, দা. রাজকুমার রঞ্জন সিংহ জি, দ্রাফতী নেস্নেল এজুকেসন পোলিসী শেম্লিবা কম্মিতীগী চিয়রমেন দা. কস্তুরি রঞ্জন জি, মহাক্কী তীমগী ইকাই খুম্নরবা মেম্বর পুম্নমক, লৈবাক অসিগী মতিক চারবা প্রিন্সিপালশিং, ওজাশিং অমসুং নুংশিজরবা মহৈরোই পুম্নমকশিংনি!
থৌরম অসি হৌরকপদা, নেস্নেল এৱার্দ পীদুনা ইকাই খুম্নখ্রবা ঐখোয়গী ওজা পুম্নমক ঐনা থাগৎপা ফোংদোকচবা পামজৈ৷ লৈবাক অসিদা লৈরিবা মহৈরোইগী তুংগী পুন্সিগীদমক লুরবা তানফমশিংদা নখোয় পুম্নমক্না এজুকেসনগী হিরম অসিদা পুকচেল শেংনা থবক তৌখিবা অসি চাংদম্নিংঙাই লৈররোই অমসুং থাগৎনিংঙাইনি৷ প্রোগ্রাম অসিদা ঐখোয়গী মহৈরোইশিং শরুক য়াবা ঐনা স্ক্রিন্দা উবা ফংই৷ চহি অমগা মখায় নত্রগা চহি অনি অসিদা ইহান হানবা ওইনা নখোয়গী মাইথোংদা তোঙানবা মঙাল অমা উবা ফংই৷ মসি স্কুলশিং হাংদোকরকপা অসিনা ওইরম্বা য়াই৷ মতম কুইনগী মতুংদা স্কুল কাবগী নুংঙাইবা, মরুপ-মপাং উন্নবগী নুংঙাইবা অমসুং ক্লাসশিংদা মহৈ তম্বগী নুংঙাইবা অসি তোঙান তোঙানবা এক্সপরিয়েন্স অমনি৷ অদুবু নখোয় য়াওনা ঐখোয় পুম্নমক্না কোরোনা প্রোতোকোলশিং অসি য়াম্না চেকশিন্না ইনগদবনি৷
মরুপশিং,
ঙসি, শিক্ষক পর্বগী থৌরমদা অনৌবা স্কিম কয়া অমা লোঞ্চ তৌখ্রে৷ হৌজিক্তদা দোকুমেন্তরী অমগী খুৎথাংদা হায়রিবা অনৌবা স্কিমশিং অসিগী মতাংদা ঐখোয়দা শন্দোক্না খঙহনখ্রে৷ লৈবাক অসিনা হৌজিক হৌজিক মনিং-মখা তম্বগী অমিৃত মহোতসব পাংথোক্লিবনা হায়রিবা ইনিসিয়েতিবশিং অসি য়াম্না মরু ওই৷ লৈবাক অসিনা মনিং-মখা তম্বা চহি ১০০ শুরক্লবা মতুংদা লৈগদৌরিবা ভারতকীদমক লৈবাক অসিনা ঙসি অনৌবা রিজোলুসনশিং লৌরি৷ ঙসি লোঞ্চ তৌখ্রবা স্কিমশিং অসি ভারতকী ফ্যুচরগী মমাই চুম্বদা য়াম্না মরু ওইবা থৌদাং অমা লৌরগনি৷ ঙসি বিদ্যাঞ্জলি-২.০, নিস্থা-৩.০, তোকিং বূকশিং অমসুং য়ু.দি.এল. বোজ ঐই.এস.এল. দিক্সনরীগুম্বা এরেঞ্জমেন্তশিং অমসুং অনৌবা প্রোগ্রামশিং লোঞ্চ তৌখ্রে৷ স্কুল ক্বালিতী এসেসমেন্ত অমসুং এসুরেন্স ফ্রেমৱার্ক(এস.ক্বু.এ.এ.এফ.) হৌদোরকপা অসিনা ঐখোয়গী এজুকেসন সিস্তেম অসি গ্লোবেল্লী কম্পিতিতিব ওইহনবতা নত্তনা ঐখোয়গী নহাশিং অসিনা তুংগীদমক শেম-শাদুনা লৈহনবদা মতেং পাংলগনি হায়না ঐনা থাজৈ৷
মরুপশিং,
কোরোনাগী মতম অসিদা ঐখোয়গী এজুকেসন সিস্তেমগী পোতেন্সিয়েল অদু নখোয় পুম্নমক্না উৎখ্রে৷ চেলেঞ্জতি য়াম্লম্বা য়াই অদুবু হায়রিবা চেলেঞ্জশিং অদুগী সোলুসনশিং নখোয় পুম্নমক্না ফংখি৷ ওনলাইন ক্লাসশিং, গ্রুপ ভিদিও কোল্স, ওনলাইন প্রোজেক্তশিং, ওনলাইন এগজামশিং অসি মমাংগী মতমদা তাখিবা লৈতে৷ অদুবু ঐখোয়গী ওজাশিং, মমা-মপাশিং অমসুং ঐখোয়গী নহাশিংনা হায়রিবশিং অসি ঐখোয়গী নুংতি-নুমিৎ খুদিংগী লৈরিবা পুন্সি মরেলগী শরুক অমা ওইহনখ্রে!
মরুপশিং,
হায়রিবা কেপাবিলিতীশিং অসি হেনহন্নবা অমসুং অসিগুম্বা লুরবা মতম অসিদা ঐখোয়না তমখিবা অদুদা অনৌবা মাইকৈ অমা পীবগী মতম অদু হৌজিক ওইরে৷ অমরোমদা, লাইবক ফবদগী, অহোংবা পুরকপা ঙম্বগী এনবাইরোনমেন্ত অমা লৈবাক অসিগী ওইনা লৈ অমসুং মতম অসিমক্তদা ঙসিদি অনৌবা নেস্নেল এজুকেসন পোলিসীগুম্বা মোদর্ন অমসুং ফ্যুচরিস্তিক পোলিসী অমা লৈরে৷ হৌজিক্তি লৈবাক অসিনা লেপ্প-লৈতনা এজুকেসন সেক্তরদা অনৌবা ৱারেপশিং অমগী মথংদা অমা লৌরি৷ অমসুং অহোংবা অমা লাকপা উরি৷ অদুগা মসিগীগীদমক খ্বাইদগী চাওবা স্ত্রেঙ্গদা স্কোলর পুম্নমক্কী মীৎয়েং চিংশিনবা ঐনা পাম্মী৷ মসিগী কেম্পেন্দ অসি পোলিসী বেজ খক্তা নত্তে, মসি পার্তিসিপেসন্দা বেজ তৌবনি৷ লেবেল খুদিংমক্তা, এন.ই.পি. অসি শেম্বদগী চৎনহনবা ফাওবদা একাদেমিসিয়নশিং, এক্সপর্তশিং অমসুং ওজাশিংগী কন্ত্রিব্যুসন লৈখ্রে৷ মসিগীদমক নখোয় পুম্নমক থাগৎনিংঙাইনি৷ হৌজিক্তি, মসিগী পার্তিসিপেসন অসি অনৌবা থাক অমদা পুখৎকদবনি, সমাজ অসিসু মসিদা শরুক য়াহনগদবনি৷
মরুপশিং,
ঐখোয়দা খঙহনখ্রে:
व्यये कृते वर्धते एव नित्यम् विद्याधनम् सर्वधन प्रधानम् ॥
মসিনা হায়নিংলিবা অদুদি, অতোপ্পা মীওইশিংগা সেয়র তৌনদুনা লন হেনগৎপা ঙম্বা অসি লৌশিং খক্তনা ওইবনা ঐখোয়গী পোসেসনশিং অমসুং লনশিংগী মনুংদা খ্বাইদগী চাওবা অসি লৌশিংনি৷ তাকপি-তম্বিরিবা মী অমগী পুন্সিদা অহোংবা লাকহনবা মতমদা লৌশিংগী কন্ত্রিব্যুসন লৈ৷ মসিগী প্রোগ্রাম অসিদা শরুক য়ারিবা ওজা পুম্নমকসু মসি ফাওরম্বা য়াই৷ কনাগুম্বা মীওই অমদা করিগুম্বা অনৌবা খরা তাকপি-তম্বিবা মতমদা ফংলিবা নুঙাইবা অমসুং অপেনবা অদু তোঙাল্লি৷ হৌজিক্তি 'বিদ্যাঞ্জলি ২.০না মসিগী লিরবা চৎনবি অসি অনৌবা মহাউ অমা হাপতুনা হেন্না মপাঙ্গল লৈহল্লগনি৷ ‘সবকা প্রয়াস’কা লোইননা ‘সবকা সাথ, সবকা বিকাস, সবকা বিস্বাস’ ফংনবা লৈবাক অসিনা হোৎনরিবা অসিদা 'বিদ্যাঞ্জলি ২.০' অসি লিবলী প্লেতফোর্ম অমগুম্না ওইরগনি৷ মসি বাইব্রেন্ত প্রেতফোর্ম অমগুম্বনি৷ সরকারগী স্কুলশিং এজুকেসনগী ক্বালিতী অসি ফগৎহন্নবা হোৎনবদা ঐখোয়গী সমজা অমসুং ঐখোয়গী প্রাইভেৎ সেক্তরনা হোৎনরি অমসুং অচৌবা থৌদাং লৌরি৷
মরুপশিং,
ঙল্লিঙৈ মতমদগী হৌদুনা, সমাজ অসিগী কল্লেক্তিব পৱার ভারত্তা দরকার ওইখ্রে৷ মসি মতম কুইনদগী ঐখোয়গী সমাজকী চৎনবি অসিগী শরুক অমা ওইখ্রে৷ সমাজ অসি করিগুম্বা থবক অমা পুন্না তৌমিন্নবা মতমদা, পাম্লিবা রিজল্তশিং অদু ফংলগনি হায়না থাজবা য়াই৷ অদুগা মীয়াম শরুক য়ারকপা অসিনা ভারতকী নেস্নেল কেরেক্তর ওইরক্লিবনো হায়বসি হৌখিবা চহি খরা অসিদা নখোয়না মসি শোইদনা উরম্লগনি৷ হৌখিবা চহি ৬-৭ অসিদা, মীওই অমতনা খল্লুদবা মওং অমদা মীয়াম শরুক য়ারকপদগী মরু ওইবা থবক কয়া অমা পাংথোকখ্রে৷ ‘গিব ইত অপ’ নত্রগা তিচিং দিজিতেল ত্রান্সেক্সনশিংগী স্পিরিতকা লোইননা লাইরবা য়ুমথোং খুদিংমক্তা গ্যাস কন্নেক্সন ফংহনখ্রে৷ ফিল্দ খুদিংমক্তা ভারতকী প্রোগ্রেসনা পব্লিক পার্তিসিপেসনদগী ইনর্জী ফংখ্রে৷ হৌজিক্তি, 'বিদ্যাঞ্জলি'সু গোল্দন চেপ্তর অমা ওইরগনি৷ 'বিদ্যাঞ্জলি' অসি লৈবাক অসিগী ফ্যুচর লেপ্পদা শরুক য়ানবা অমসুং এক্তিব ওইবা থৌদাং অমা লৌননবা অমসুং খোঙথাং অনি চংশিনহনবদা লৈবাক অসিদা লৈরিবা প্রজাশিংগী কোল অমা ওইরগনি৷ নখোয়গী মাই পাকপা অমসুং সমাজ অমসুং সমাজ অসিদা নহাক্কী রোল অসি অমক হেক্ত ওইরবসু, নহাশিংগী ফ্যুচর অসি শেমগৎপদা থৌদাং লৌনবা থৌদাং অমা নখোয়গী লৈ৷ হন্দক্তা পাংথোকখিবা তোকিও ওলিম্পিক্স অমসুং পেরালিম্পিক্সতা ঐখোয়গী শান্নরোইশিংনা মঙাল নাইনা উৎখ্রে৷ ঐখোয়গী নহাশিংদা অদুক্কী মতিক পুক্নিং থৌগৎলে৷ হায়রিবা শান্নরোই খুদিংমক্না লৈবাক অসিনা মনিং-মখা তম্বগী পাংথোক্লিবা অমিৃত মহোতসবকী থৌরমদা য়ামদ্রবদা স্কুল ৭৫দা চৎননবা ঐনা হায়জখ্রে৷ ঐনা হায়জরিবা অসিদা হায়রিবা শান্নরোইশিংনা য়াবিরকপা অসি ঐ অঙকপা ফাওই৷ ইকাই খুম্নরবা ওজা পুম্নমক্তা মখোয় মখোয়গী এরিয়াশিংদা হায়রিবা শান্নরোইশিং অসি কন্তেক্ত তৌনবা, নখোয় নখোয়গী স্কুলশিংদা মখোয়শিংবু কৌশিন্নবা অমসুং অঙাংশিংগা ৱারি-ৱতায় শাননবা ঐনা তকশিল্লগনি৷ মসিনা ঐখোয়গী মহৈরোইশিংবু অদুক্কী মতিক পুক্নিং থৌগৎলগনি অমসুং তেলেন্ত লৈবা মহৈরোই কয়া অমা স্পোর্তসলোমদা চংশিনলক্নবা পুক্নিং থৌগৎলগনি৷
মরুপশিং,
ঙসিদি, স্কুল ক্বালিতী এসেসমেন্ত অমসুং এসুরেন্স ফ্রেমৱার্ক(এস.ক্বু.এ.এ.এফ.)কী খুৎথাংদা অতোপ্পা মরু ওইবা অমা হৌরক্লি৷ হৌজিক ফাওবদা, লৈবাক অসিদা৪ লৈরিবা ঐখোয়গী স্কুলশিংগী এজুকেসনগীদমক কম্মন ওইবা সাইন্তিফিক ফ্রেমৱার্ক অমতা লৈতে৷ কম্মন ফ্রেমৱার্ক অমা য়াওদনা, কুরিকুলম, পেদাগোগী, এসেসমেন্ত, ইনফ্রাস্ত্রকচর, ইনক্লুসিব প্রেক্তিসশিং অমসুং গভর্নেন্স প্রোসেস য়াওনা এজুকেসনগী এস্পেক্ত পুম্নমক্কী ওইনা স্তেন্দর্দশিং শিজিন্নবা অসি অরুবা অমা ওইখি৷ মসিনা মরম ওইদুনা, লৈবাক অসিগী তোঙান তোঙানবা শরুকশিংদা লৈরিবা স্কুল মহৈরোইশিংনা এজুকেসনদা মান্নদবা থোং অমা থেংনখি৷ অদুবু হৌজিক্তি, মসিগী গেপ অসি মেনশিন্নবা এস.ক্বু.এ.এ.এফ.না হোৎনরগনি৷ রাজ্যশিংনা মখোয়গী অৱাৎপশিং অদুগী মতুং ইন্না মসিগী ফ্রেমৱার্ক অসিদা অহোংবা লাকহন্নবগী ফ্লেক্সিবিলিতী অদুসু লৈরগনি হায়বা অসিনা খ্বাইদগী চাওবা ফিচর ওই৷ মসিগী মতুং ইন্না, স্কুলশিংনা মশাগী ওইবা এসেসমেন্ত শেম্বা ঙম্লগনি৷ ত্রান্সফোর্মেস্নেল চেঞ্জ অমগীদমক স্কুলশিংবু পুক্নিং থৌগৎলগনি৷
মরুপশিং,
নেস্নেল দিজিতেল এজুকেসন আর্কিতেকচর (এন-দি.ই.এ.আর.)না এজুকেসনদা মান্নদবা থোং লৈরিবা অসি মুথৎতুনা অনৌবা মাইওন অমগা পুরক্নবা হোৎনবদা য়াম্না মরু ওইবা থৌদাং অমা লৌগদৌরি৷ য়ু.পি.আই. ইন্তরফেসনা বেঙ্কিং সেক্তরদা অওনবা পুরকখিবা অসিগুম্না এন-দি.ই.এ.আর.না একাদেমিক এক্তিবিতী পুম্নমক্কী মরক্তা অফবা মরী অমদা শমজিল্লগনি৷ স্কুল অমদগী অতোপ্পা স্কুল অমদা ত্রান্সফর তৌবা নত্রগা হাইয়র এজুকেসনদা মমিং চনবা, মল্তিপল এন্ত্রী-একজিৎ সিস্তেম, একাদেমিক ক্রেদিৎ বেঙ্ক নত্রগা মহৈরোইশিংগী স্কিলশিং রেকোর্দশিং থম্বদা এন-দি.ই.এ.আর.না লাইথোকহল্লগনি৷ হায়রিবা ত্রান্সফোর্মেসন পুম্নমক অসি ঐখোয়গী ‘ন্যু এজ এজুকেসন’ অসিগী মমাই ওইরগনি, অমসুং ক্বালিতী এজুকেসনদা তুহৎপিবা লৈরিবা অসি মুখৎলগনি৷
মরুপশিং,
এজুকেসন অসি ইনক্লুসিব খক্তমক ওইগদবা নত্তে, লৈবাক অমা হেক্তা চাওখৎনবা মতমদা মসিনা ইক্বুইতেবল ওইগদৌরিবনি হায়বসি নখোয় পুম্নমক্না খঙলবনি৷ মরম অদুনা, এজুকেসনগী শরুক ওইনা তোকিং বূকশিং অমসুং ওদিও বূকশিংগুম্বা তেক্নোলোজী লৈবাক অসিনা শেম্লি৷ য়ুনিভর্সেল দিজাইন ওফ লর্নিং(য়ু.দি.এল.)দা বোজ তৌবা ৱর্দ ১০,০০০গী ইন্দিয়ন সাইন লেঙ্গুয়েজ দিক্সনরীসু শেমগৎখ্রে৷ অসামদা পাংথোক্লিবা বিহুদগী হৌদুনা ভারত নাত্যম ফাওবদা, চহি চা কয়াগী মমাংদগী সাইন লেঙ্গুয়েজ অসি ঐখোয়গী আর্ত অমসুং কল্চরগী শরুক অমা ওইখ্রে৷ হৌজিক্তি, ইহান হানবা ওইনা, সাইন লেঙ্গুয়েজ দরকার ওইরিবা চমজরবা অঙাংশিং অসি চিথহৌদনবা লৈবাক অসিনা কুরিকুলমগী শরুক ওইনা সবজেক্ত অমা ওইনা সাইন লেঙ্গুয়েজ শেম্লি! মসিগী তেক্নোলোজী অসিনা দিব্যাঙ্গ নহাশিংগীদমক অনৌবা মালেম অমসু শেম্লগনি৷ মতৌ অসিগুম্না, চহি অহুমদগী নিপান ফাওবদা লৈরিবা চহি কাংলুপকী মনুংদা লৈরিবা অঙাংশিংগীদমক নিপুন ভারত অভিয়নদা ফাউন্দেসন লিতরেসী অমসুং ন্যুমরেসী মিসন লোঞ্চ তৌখ্রে৷ চহি ৩দগী অঙাং পুম্নমক্না প্রি-স্কুল এজুকেসন অসি শুংশোই-শোইদনা তমহনবা য়ানবা তঙাই ফদবা খোঙথাংশিং লৌখৎলগনি৷
মরুপশিং,
ঐখোয়গী স্ক্রিপচরশিংদা অসুম্না হায়রম্মী-
"दृष्टान्तो नैव दृष्ट: त्रि-भुवन जठरे, सद्गुरोः ज्ञान दातुः"
মসিনা হায়নিংলিবা অদুদি, মালেম অসিদা গুরু অমগা চাংদম্নবা য়াবা পোৎশক অমতা লৈতে হায়বনি৷ গুরু অমনা তৌবা ঙম্লিবা অসি কনাগুম্বা মীওই অমতনা তৌবা ঙম্লোই৷ নহাশিংগীদমক এজুকেসনদা লৈবাক অসিনা কয়ারক হন্না হোৎনরবসু, মাই পাকপা-পাক্তবা হায়বা অদুদু ওজাশিংগী মখুৎতা লৈ৷ খোঙজেল য়াংনা হোংলক্লিবা ইরা অসিদা ঐখোয়গী ওজাশিংনা অনৌবা সিস্তেমশিং অমসুং তেক্নিকশিং অসিগী মতাংদা তমগদবনি৷ ‘নিস্থা’ ত্রেনিং প্রোগ্রামশিংদগী ত্রেনিং প্রোগ্রাম খরদি নখোয়দা হৌজিক্তা উৎখ্রে৷ মসিগী নিস্থা ত্রেনিং প্রোগ্রাম অসিগী মতেংদগী, অহোংবশিং অসিগীদমক লৈবাক অসিনা মহাক্কী ওজাশিং অসি শেম-শাদুনা থম্লি৷ হৌজিক্তি, মাইকৈ অসিদা 'নিস্থা ৩.০' অসি অনৌবা খোঙথাং ওই অমসুং মসিবু য়াম্না মরু ওইবা খোঙথাং অমনি হায়না ঐনা লৌই৷ অনৌবা মেথর্দশিং খুদম ওইনা হায়রবদা কম্পিতেন্সী বেজ তিচিং, আর্ত-ইন্তিগ্রেসন, হাই ওর্দর থিঙ্কিং, অমসুং ক্রেতিব অমসুং ক্রিতিকেল থিঙ্কিংগুম্বা অসি ঐখোয়গী ওজাশিংদা খঙহনবা মতমদা, ওজাশিং অসিনা নহাশিং অসি তুংগীদমক য়াম্না লাইনা শেমদোকপা ঙম্লগনি৷
মরুপশিং,
ভারতকী ওজাশিংনা গ্লোবেল স্তেন্দর্দ অমা হেক্তা লান্থেংনবা ঙম্বগী এবিলিতী লৈবা খক্ত নত্তনা, মখোয়দা মখোয়গী ওইবা অখন্নবা এসেতসু লৈ৷ মখোয়দা লৈরিবা ইন্দিয়ন কল্চর অসি মসিগী অখন্নবা এসেত অসিনি৷ ঐহাক্না থেংনরকপা থৌদোক অনি নখোয়দা খঙহনবা পাম্মী৷ ঐহাক্না প্রধান মন্ত্রী ওইনা ইহান হান্না ভুতানদা চৎখিবা মতমদা, গভর্মেন্ত সিস্তেমদা লৈরিবা মীওইশিংদগী হৌদুনা রোয়েল ফেমিলীদা লৈরিবা মীওই খুদিংমক্না লমদম অদুদা ঙল্লিঙৈ মতমদা ভারতকী ওজা কয়া অমা লাক্লম্মী অমসুং খোঙনা অথাপ্পা মফমশিংদা চৎতুনা মীয়ামবু তাকপি-তম্বিরম্মী হায়না য়াম্না চাওথোকচনা ঐঙোন্দা তম্লকখি৷ ভারতকী ওজাশিং পল্লকপদা মতমদুগী রুলরশিং নত্রগা ভুতানগী রোয়েল ফেমিলীগী মীৎ থক্নরম্মী৷ মখোয়দা য়াম্না চাওথোকচবা ফাওজরম্মী৷ মতৌ অসিগুম্না, ঐনা সাউদি অরাবিয়াদা চৎপা মতমদা অমসুং সাউদি অরাবিয়াগী নিংথৌগা ৱারি শানখিবা মতমদা, মহাকসু ভারতকী ওজা অমনা তাকপি-তম্বিরমখিবনি হায়না মহাক্না য়াম্না চাওথোকচনা ফোংদোক্লকখি৷ মীওই অমনা পাইনিংবা ফম পাইরবসু ওজাশিংবু ইকাই খুম্নবা অসি নহাক্না উরম্লগনি৷
মরুপশিং,
ঐখোয়গী ওজাশিংনা মখোয়গী থবক অসি অপিকপা শিনফম অমনি হায়না লৌদে৷ মখোয়গী ওইনদি, তাকপি-তম্বিবা অসি মীনুংশি, সেক্রেদ ওইবা অমসুং মোরেল দ্যুতী অমনি হায়না লৌই৷ মরম অদুনা, ওজা অমসুং অঙাংশিংগী মরক্তা লৈরিবা মরী অসি প্রোফেস্নেল রিলেসন অদু নত্তে ফেমিলী রিলেসন অমনি৷ মসিগী মরী অসি পুন্সি চুপ্পগী ওইনা লৌহৌরগবনি৷ মসিনা মরম ওইদুনা, ভারতকী ওজাশিংনা মখোয়না চৎলুবা মালেম অসিগী মফম পুম্নমক্তা তোঙান তোঙানবা মার্ক অমা থম্লম্মী৷ মসিনা মরম ওইদুনা, ভারতকী নহাশিংগীদমক মালেম অসিদা অচৌবা মফমশিং লৈরিবনি৷ মোদর্ন এজুকেসন ইকো-সিস্তেম অসিগী মতুং ইন্না ঐখোয় ইশামক শেম-শাদুনা লৈগদবনি অমসুং হায়রিবা পোজিবিলিতীশিং অসি খুদোংচাবশিংদা ওন্থোক্কদবনি৷ মসিগীদমক, ঐখোয়না লেপ্প-লৈতনা ইন্নোবেত তৌগদবনি৷ তিচিং-লর্নিং প্রোসেস অসি রি-দিফাইন অমসুং রি-দিজাইন তৌনবা ঐখোয়না হোৎনগদবনি৷ হৌজিক ফাওবদা নখোয়না উৎলিবা স্পিরিত অসি অনৌবা থাকশিংদা পুখৎপা দরকার ওইরে৷ মসিগী শিক্ষক পর্ব থৌরম অসিদা, ঙসিদগী হৌদুনা সেপ্তেম্বরগী তাং ১৭ ফাওবা ঐখোয়গী লৈবাক অসিদা বিস্বাকর্ম জয়েন্তী পাংথোক্লগনি হায়না ঐঙোন্দা খঙহনলকখ্রে৷ সেপ্তেম্বরগী তাং ৭তগী ১৭ ফাওবা তোঙান তোঙানবা হিরমশিংগী মতাংদা সেমিনারশিং, ৱার্কশোপশিং পাংথোক্লগনি৷ মসি থাগৎনিংঙাই ওই৷ ওজাশিং, এক্সপর্তশিং অমসুং পোলিসী মেকর কয়া অমনা অমতা ওইনা পুনশিন্দুনা ৱাখল পুথোকপা মতমদা, মনিং-মখা তম্বগী অমিৃত মহোতসবতা মসিগী ইলিক্সিরগী মরু ওইবা অসি হেন্না হেন্না চাওখৎলগনি৷ নখোয়না অমতা ওইনা পুনশিন্দুনা ৱাখল পুথোকপা অসি নেস্নেল এজুকেসন পোলিসী অসি মাই পাক্না চৎনহনবদা অচৌবা মতেং ওইগনি৷ নখোয়গী শহরশিং অমসুং খুঙ্গংশিংদা লোকেলগী থাক্তা মতৌ অসিগুম্না নখোয়না হোৎনবা ঐনা পাম্মী৷ হিরম অসিগী মতাংদা লৈবাক অসিনা হোৎনরিবা অসিদা 'সবকা প্রয়াস'না অনৌবা শাফু অমা পীরগনি হায়না ঐনা থাজৈ৷ ঐখোয় অমতা ওইনা পুনশিন্নদুনা, লৈবাক অসিনা অমিৃত মহোতসবতা ফংলিবা গোলশিং অসিগুম্না ঐখোয়না ফংলগনি৷ মসিগা লোইননা য়াইফ-মঙ্গোল পীজরি অমসুং নখোয় পুম্নমকপু থাগৎচরি৷
