অরুনাচল প্রদেশকী ইচিল ইনাওশিং!
জয় হিন্দ!
অদোম খুদিংবু অরুনাচল প্রদেশনা রাজ্য অমা ওইবগী চহি ৩৬ মপুং ফারকপসিদা থাগৎপগা লোয়ননা য়াইফ পাউজেল পীজরি। নেফানা চহি ৫০গী মমাংদা অরুনাচল প্রদেশ হায়বা অনৌবা মিংথোল অমা ফংখি। নুমিৎ থোক্লফম হায়বা শক্তাক অসিবু হেন্না মপাঙ্গল কনখৎহন্নবগীদমক্তা অদোম খুদিংনা চহি ৫০ অসিদা লেপ্তনা হোৎনদুনা লাকখি। অরুনাচলগী অসিগুম্লবা পুক্নিং হুরবা মতৌবু উরদুনা, দিকেদ মঙাগী মমাংদা ভারত রত্না, দাঃ ভুপেন হজারিকানা ‘অরুনাচল হমারা’ হায়বা ঈশৈ লেংখি। ঈশৈ অসি অরুনাচলগী মীয়াম্না য়াম্না পাম্নৈ হায়বা ঐহাক্না খঙই, ঈশৈ অসি য়াওদনা থৌরম অমত্তা মপুং ফাদে। মরম অদুনা, অদোমগা ৱারী শানা শানা ঈশৈ অসিগী ময়েক খরা ঐহাক্না শোইদনা পঞ্জনীংই।
অরুন কিরন শীশ ভুশন,
অরুন কিরন শীশ ভুশন,
কন্থ হিম কী ধারা,
প্রভাত সুরজ চুম্বিৎ দেশ,
অরুনাচল হমারা,
অরুনাচল হমারা,
ভারত মা কা রাজদুলারা,
ভারত মা কা রাজদুলারা,
অরুনাচল হমারা!
মরুপশিং,
লৈবাক নীংবগী ইথিল অমসুং খুন্নাইনা নুংশি চান্ননা লৈমিন্নবগী থৌওংবু খুমাং চাউশিলহনবা অমসুং লৈবাক্কী নাৎকী লিগেসীবুসু অদোম্না ঙাক শেন্দুনা থম্লিবা, মহৌশা অমসুং নাৎকা খুৎশম্ননা চৎলিবা অসিনা লৈবাক পুম্বদা ইথিল পীরি।
মরুপশিং,
নীংতম্বগী অমৃত মহোৎসবকী মতমসিদা লৈবাক্না, অরুনাচল প্রদেশনা মশাগী পুন্সিবু লৈবাক্কীদমক্তা কত্থোকখ্রবা অথৌবশিংবু নীংশিংলি। এঙ্গলো-এবোর লান নত্ত্রগা নীংতম্বা ফংলবা মতুংদা ঙমখৈগী ঙাক শেনবা ওইরো, অরুনাচলগী মীয়ামগী মথৌনা ফবগী ৱারীশিং অসি ভারত মচা খুদিংগী মমল নাইদ্রবা হেরিতেজ অমনি। ঐহাক্না অদোমগী নাক্তা য়াম্না তোয়না চত্থোক চৎশিন তৌজবা ফংজবা অসি ঐহাক্কী লাইবক ফবনি। ঐখোয়গী নহা ওইরিবা মুখ্য মন্ত্রী, শ্রী পেমা খন্দুজীগী লুচিং মখাদা অদোম্না মিৎয়েং শানবগা লোয়ননা ঐখোয়দা থাজবা থম্লিবা অসিবুসু ঐহাক্না য়াম্না নুংঙাইবা ফাওই অমসুং অদোমগী অপাম্বা খুদিংমক ফংহন্নবা ঐখোয়গী সরকারনা কন্না হোৎনরি। অদোমগী থাজবনা দবল ইঞ্জিন সরকার অসিদসু হান্নদগী হেনবা থবক কয়া পায়খৎনবা থৌনা হাপ্লি, ইথিল পীরি। সবকা সাথ, সবকা বিকাস, সবকা বিশ্বাস অমসুং সবকা প্রয়াসকী লম্বীনা অরুনাচল প্রদেশকী হেন্না ফরবা তুংগী মতম অমা শোইদনা লৈহল্লগনি।
মরুপশিং,
নোংপোকথংবা ভারত, মরু ওইনা অৱাং নোংপোক ভারতনা ২১শুবা চহি-চাদা ভারতকী চাউখৎপগী ইঞ্জিন অমা ওইগনি হায়বসিদা ঐহাক্না অচেৎপা থাজবা থম্লি। অসিগুম্বা থাজবা অসিগা লোয়ননা, অরুনাচল প্রদেশকী চাউখৎ থৌরাংগী খোঙজেলবু হেন্না য়াঙখৎহন্নবগীদমক্তা হৌখিবা চহিশিংদা মশক থোকপা মওংদা থবক পায়খৎখ্রে। কন্নেক্তিবিতী অমসুং পাৱরগা মরী লৈনবা ইনফ্রাস্ত্রকচরদা পায়খৎখিবা থৌওংশিংনা অরুনাচলগী পুন্সি অমসুং কারবার তৌবগী থৌওংবু য়াম্না লাইথোকহল্লে। ইতানগর য়াওনা অৱাং নোংপোক্কী কোনুং খুদিংমকপু রেলগী লম্বীনা শম্নহনবা হায়বসিদা ঐখোয়না খ্বাইদগী অহানবা মিৎয়েং থম্লি। ঐখোয়না অরুনাচলবু নোংপোক এসিয়াগী গেৎৱে ওইহন্নবা লৈজবী পাঙ্গল খুদিংমক থাদদুনা হোৎনরি। লৈবাকপু ঙাক শেনবগী হীরমদা অরুনাচলনা লৌরিবা থৌদাংবু য়েংলদুনা, লমদমসিদা মতমগা চুনবা ইনফ্রাস্ত্রকচর কয়াসু হৌদোক্লি।
মরুপশিং,
ঐখোয়না অরুনাচলদা চাউখৎ-থৌরাং, মহৌশা, অকোইবগী ফিভম অমসুং চৎনবীবু অমত্তা ওইনা নীংথিনা পুন্সিন্দুনা তুংলমচৎকীদমক্তা লেপ্তনা চত্থরি। অদোম পুম্নমক্কী হোৎনজমন্দগী লমদম অসি খ্বাইদগী মরু ওইবা বাইও দাইবর্সিতীগী মফমশিংগী মনুং চনবা ঙম্লে। মুখ্য মন্ত্রী, শ্রী পেমা খন্দুজীনা রাজ্যসিগী চাউখৎ-থৌরাংগীদমক্তা হোৎনবগী মতৌ উবদা ঐহাক্না য়াম্না নুংঙাইবা ফাওজৈ। হকশেল, এজুকেসন, স্কিল দিভেলপমেন্ত, নুপীগী মপাঙ্গল হাপ্পা অমসুং সেল্ফ হেল্প গ্রুপশিংগী হীরমদা চাউখৎপা পুরক্নবা লেপ্তনা হোৎনবগী মতৌ উবা ফংই। লৈবাক্কী লো মন্ত্রী, শ্রী কিরেন রিজিজুজীগা ৱারী শাবা খুদিংদা, মহাক্না অরুনাচলবু হেন্না চাউখৎহন্নবা অনৌবা ৱাখল্লোন ফোংদোকপা লেপ্তে, মহাক্কী মফমদা তোঙানবা ৱাখল্লোন অমসুং ৱারোইশিন কয়া অমসু লৈ। মহাক্কী মফমদা তাঞ্জা খুদিংদা অনৌবা অমা পাংথোক্নীংবগী অপাম্বা লৈ।
মরুপশিং,
অরুনাচলবু মহৌশানা মশাগী লন-থুম কয়া অমা পীবি। অদোম্না মহৌশাবু ইশাগী পুন্সিগী শরুক অমা ওইহল্লি। ঐখোয়না অরুনাচলগী অসিগুম্লবা তুরিজমগী মতিকপু মালেমগী থাক্তা পুখৎনবা কন্না হোৎনরি। ঙসিগী থৌরম অসিগী খুদোংচাবা লৌরদুনা দবল ইঞ্জিনগী সরকার অসিনা অরুনাচলগী মাঙলানশিংবু শোইদনা মঙফাওনহন্নবা হোৎনবদা অরিগুম্বা অমত্তা চিত্থদনা পাংথোক্কনি হায়বগী ঐহাক্না থাজবা পীজরি। ঐহাক্না অদোমগী খুদিংবু অরুনাচল প্রদেশকী মিংথোলগী চহি ৫০ ফারকপা অমসুং রাজ্যগী স্তেতহুদ দেগী অমুক্কা হন্না থাগৎচরি।
হন্না হন্না থাগৎচরি!
