Share
 
Comments
’’ اینگلو آبور جنگ ہو یا پھر آزادی کے بعد سرحد کی حفاظت، اروناچل کے لوگوں کی بہادری کی داستانیں ہر ہندوستانی کے لئے انمول ورثہ ہیں‘‘
’’ سب کا ساتھ، سب کا وکاس، سب کا وشواس اور سب کا پریاس کا راستہ اروناچل پردیش کے بہتر مستقبل کو یقینی بنائے گا ‘‘
’’ مشرقی بھارت ، خاص طور پر شمال مشرقی بھارت 21ویں صدی میں بھارت کی ترقی کا انجن بنے گا ‘‘
’’ ہم اروناچل کو مشرقی ایشیا کا ایک اہم گیٹ وے بنانے کے لئے پوری طاقت کے ساتھ کام کر رہے ہیں۔ اروناچل کے اسٹریٹجک کردار کے پیش نظر ریاست میں جدید بنیادی ڈھانچہ بنایا جا رہا ہے ‘‘

اروناچل پردیش کے میرے بھائیو اور بہنو !

جے ہند !

آپ سبھی کو اروناچل پردیش کے ریاست کے 36ویں (چھتیسویں) یومِ تاسیس کی بہت بہت مبارکباد ۔ 50 سال پہلے نیفا کو اروناچل پردیش کے طور پر  نیا نام، نئی پہچان ملی تھی ۔ اُگتے سورج کی ، اِس پہچان کو ، اِس نئی توانائی کو ، اِن 50 سالوں میں آپ سبھی محنتی، محب وطن بہنوں اور بھائیوں نے لگاتار مضبوط کیا ہے۔ اروناچل کی اسی شان کو دیکھتے ہوئے ، پانچ دہائیوں  پہلے بھارت رتن ڈاکٹر بھوپین ہزاریکا جی نے ’ اروناچل ہمارا ‘ نام سے ایک گیت لکھا تھا۔ مجھے پتہ ہے کہ یہ گیت  اروناچل کے ہر باشندے کو بہت پسند ہے۔ کوئی بھی تقریب اس گیت کے بغیر مکمل نہیں ہوتی۔ اس لئے  میں بھی آپ سے بات کرتے ہوئے  ، اس گیت کی  کچھ سطریں ضرور بولنا چاہتا ہوں۔

ارون کرن شیش بھوشن ،

ارون کرن شیش بھوشن ،

کَنٹھ ہِم کی دھارا ،

پربھات سورج چُمبت دیش ،

اروناچل ہمارا ،

ارونا چل ہمارا ،

بھارت ماں کا راج دُلارا ،

بھارت ماں کا راج دُلارا ،ٍ

اروناچل ہمارا !         

 

ساتھیو،

         حب الوطنی اور سماجی ہم آہنگی کے ، جس جذبے کو اروناچل پردیش نے نئی اونچائی دی ہے، اپنے ثقافتی ورثے کو ، جس طرح محفوظ رکھا ہے ، روایت اور ترقی کو ، جس طرح  آپ  ساتھ ساتھ لے کر چل رہے ہیں، وہ پورے ملک کے لئے تحریک ہے۔

ساتھیو،

         آزادی کے امرت مہوتسو پرملک ، اروناچل پردیش کے ، اُن تمام شہیدوں کو بھی یاد کر رہا ہے ، جنہوں نے خود کو قوم کے لئے وقف کر دیا۔ اینگلو آبور جنگ ہو یا پھر آزادی کے بعد سرحد کی حفاظت، اروناچل کے لوگوں کی بہادری کی داستانیں ہر بھارتی کے لئے انمول ورثہ ہیں۔ یہ میری خوش قسمتی ہے کہ مجھے کئی بار آپ کے درمیان آنے کا موقع ملا ہے ۔ مجھے اس بات کا بھی بہت اطمینان ہے کہ ہمارے وزیر اعلیٰ اور نوجوان وزیر اعلیٰ پیما کھانڈو جی کی سربراہی  میں ، جس امید  کے ساتھ  آپ نے ہم پر بھروسہ کیا تھا ،  اُس پر حکومت پوری اتر رہی ہے ۔ آپ کا بھروسہ ڈبل انجن کی حکومت کو اور زیادہ کام کرنے کے لئے ترغیب دیتا ہے   اور مزید کام کرنے کے لئے طاقت دیتا ہے ۔ سب کا ساتھ، سب کا وکاس، سب کا وشواس اور سب کا پریاس کا یہ راستہ اروناچل پردیش کے بہتر مستقبل کو یقینی بنانے والا ہے ۔

ساتھیو،

         میرا یہ پختہ یقین رہا ہے کہ مشرقی بھارت  اور خاص طور پر شمال مشرقی بھارت ، 21ویں صدی میں ملک کی ترقی کا انجن بنے گا۔ اس جذبے کے ساتھ اروناچل پردیش کی ترقی کو تیز کرنے کے لئے پچھلے 7 سالوں میں بے مثال کام کیا گیا ہے۔ کنکٹیویٹی اور پاور  کے تعلق سے بنیادی ڈھانچے پر وسیع تر کام ، آج اروناچل میں زندگی اور کاروبار کو آسان بنا رہا ہے۔ ایٹا نگر سمیت شمال مشرق کے تمام دارالحکومتوں کو ریل رابطے سے جوڑنا ہماری ترجیح رہی ہے۔ ہم اروناچل کو مشرقی ایشیا کا ایک بڑا گیٹ وے بنانے کے لئے پوری قوت سے لگے ہوئے ہیں۔ قومی سلامتی کے معاملے میں بھی اروناچل کے کردار کو دیکھتے ہوئے جدید بنیادی ڈھانچے کی تعمیر کی جا رہی ہے ۔

ساتھیو،

         ہم اروناچل میں ترقی، فطرت، ماحول اور ثقافت کی  ہم آہنگی کے ساتھ مسلسل آگے بڑھ رہے ہیں۔ آپ سب کی کوششوں کی وجہ سے، آج یہ ملک کے سب سے نمایاں حیاتیاتی تنوع والے علاقوں میں سے ایک ہے۔ مجھے بہت خوشی ہوتی ہے ، جب پیما کھانڈو جی لگاتار اروناچل کی ترقی کے لئے کوشش کرتے ہوئے دکھائی دیتے ہیں ۔  صحت، تعلیم، اسکل ڈیولپمنٹ، خواتین کو بااختیار بنانے، سیلف ہیلپ گروپس ، ایسے ہر موضوع پر وہ سرگرم رہتے ہیں ۔ ملک کے وزیر قانون جناب کرن رجیجو جی ، اُن سے بھی ، جب میری بات ہوتی ہے تو اُن کے پاس اروناچل کو آگے لے جانے کے لئے نئے نئے آئیڈیاز ہوتے ہیں ، بہت سی  تجاویز ہوتی ہیں  ۔ ہر بار کچھ نیا کرنے کی خواہش ہوتی ہے۔

ساتھیو،

         اروناچل کو قدرت نے اپنے خزانے سے بہت کچھ دیا ہے۔ آپ نے فطرت کو زندگی کا حصہ بنایا ہے۔ اروناچل کی اس سیاحتی صلاحیت کو پوری دنیا تک پہنچانے کے لئے ہم کوششیں کر رہے ہیں۔ آج کے اس موقع پر ، میں آپ کو پھر سے یقین دلاتا ہوں کہ ڈبل انجن کی حکومت اروناچل پردیش کے خوابوں کو پورا کرنے میں کوئی کسر باقی نہیں چھوڑے گی۔ آپ  سبھی کو ایک بار پھر  یوم تاسیس اور اروناچل پردیش نام کے 50 سال مکمل ہونے کی بہت بہت مبارکباد !

بہت بہت شکریہ  !

Explore More
لال قلعہ کی فصیل سے، 76ویں یوم آزادی کے موقع پر، وزیراعظم کے خطاب کا متن

Popular Speeches

لال قلعہ کی فصیل سے، 76ویں یوم آزادی کے موقع پر، وزیراعظم کے خطاب کا متن
Operation Dost: India sends 6 plane loads of relief material, rescue personnel to Turkey, Syria following earthquakes

Media Coverage

Operation Dost: India sends 6 plane loads of relief material, rescue personnel to Turkey, Syria following earthquakes
...

Nm on the go

Always be the first to hear from the PM. Get the App Now!
...
PM shares Lopoli Melo's article 'A day in the Parliament and PMO'
February 09, 2023
Share
 
Comments

The Prime Minister, Shri Narendra Modi has shared an article titled 'A day in the Parliament and PMO'

by Lopoli Melo from Arunachal Pradesh. Shri Modi has also lauded Lok Sabha Speaker Shri Om Birla for taking such an initiative which gave him the opportunity to meet bright youngsters.

In a tweet, the Prime Minister said;

"You will enjoy reading this very personal account of Lopoli Melo from Arunachal Pradesh. I would like to laud Speaker Om Birla Ji for taking the lead for such an initiative which also gave me the opportunity to meet bright youngsters."