লৈবাক অসিগী সাইন্স অমসুং তেক্নোলোজী মন্ত্রী দা. জিতেন্দ্র সিংহ জী, ভারত সরকারগী প্রিন্সিপল সাইন্তিফিক এদভাইজর অজয় কুমার সুদ, ঐখোয়গী মরক্তা তিল্লিবা নোবেল প্রাইজ ৱিন্নর সর এন্দ্রে গাইম, লৈবাক অমসুং মপাল লমদগী লাকপা সাইন্তিস্ত, ইনোবেতরশিং, একাদেমিয়াগী মীওইশিং, অতোপ্পা দিগ্নিতরিশিং, ইবুংঙো অমসুং ইবেম্মশিং!
ঙসিগী থৌরম অসি সাইন্সকা মরী লৈনৈ, অদুবু ঐহাক্না ক্রিকেত্তা ভারতকী শিংথানিংঙাই ওইবা অচৌবা মাইপাকপগী মতাংদা ঙাংনিংই। ভারত পুম্বনা ঐখোয়গী ক্রিকেত তীমগী মাইপাকপদা য়াম্না নুংঙাইবা ফাওই। মসি ভারতকী অহানবা ৱুমেন্স ৱার্ল্দ কপনি। ঐনা ঐখোয়গী ৱুমেন ক্রিকেত তীমদা নুংঙাইবা ফোংদোকচরি। ঐখোয়না নখোয়দা চাউথোকচবা ফাওই। অদোমগী মাইপাকপা অসিনা লৈবাক অসিগী নহারোল কোতি কয়াদা পুক্নিং থৌগৎলগনি।
মরুপশিং,
ঙসি ভারতনা সাইন্স অমসুং তেক্নোলোজীগী মালেমদা মশাগী মশক অমা উৎলি। ঙরাং ভারতকী সাইন্তিস্তশিংনা ভারতকী খ্বাইদগী শাথিবা কম্ম্যুনিকেসন সেতলাইত অমা মাইপাক্না থাগৎখ্রে। ঐহাক্না মিসন অসিগা মরী লৈনবা সাইন্তিস্ত পুম্নমকপু, ইসরোবুসু নুংঙাইবা ফোংদোকচরি।
মরুপশিং,
ঙসি অসি সাইন্স অমসুং তেক্নোলোজীগী মালেমদা য়াম্না মরু ওইবা নুমিৎ অমনি। ২১শুবা চহি চাগী মতম অসিদা, মালেমগী এক্সপর্তশিংনা পুন্না পুনশিন্নদুনা ইমর্জিং সাইন্স তেক্নোলোজী অমসুং ইনোবেসনগী মতাংদা খন্ন-নৈনবগী তঙাইফদবা অদু লৈখি। অসিগুম্বা তঙাইফদবা অসিনা ৱাখল্লোন অমা পোকহনখি, অমসুং অসিগুম্বা ৱাখল্লোন অসিনা কনক্লেব অসিগী ভিজন অমা ওইহনখি। ঙসি কনক্লেব অসিগী ভিজন অসি শেমগৎলকপা অসিদা ঐহাক নুংঙাইবা ফাওই। মন্ত্রালয় কয়া, প্রাইভেত সেক্তর, স্তার্ত-অপশিং অমসুং মহৈরোয়শিংনা মসিগী হোৎনবদা শরুক য়ারি। ঙসি ঐখোয়গী মরক্তা নোবেল মনা ফংলবা মীওই অমা য়াওবা অসি ঐখোয়গীদমক্তা ইকায় খুম্নবা অমনি। ঐহাক্না ময়াম পুম্নমকপু হন্না-হন্না নুংঙাইবা ফোংদোকচরি। কনক্লেব অসিগীদমক্তা ময়াম পুম্নমকপু য়াইফ-পাউজেল কয়া পীজরি।
মরুপশিং,
২১শুবা চহি চাগী মতম অসি খ্বাইদগী চাউনা অহোংবা লাকপগী মতমনি। ঙসি গ্লোবল ওর্দরদা ঐখোয়না অনৌবা অওনবা অমা উবা ফংলি। অহোংবা অসিগী খোঙজেল অসি লিনিয়র নত্তে, এক্সপোনেন্সিয়েলনি। ৱাখল্লোন অসিগা লোয়ননা ঙসি ভারতনা অনৌবা সাইন্স, তেক্নোলোজী অমসুং ইনোবেসনগা মরী লৈনবা হিরম খুদিংমক্তা কন্না মীৎয়েং থম্লি। হৌজিক অসি রিসর্চ ফন্দিংগী খুদম অমনি। ময়াম পুম্নমক্না ‘জয় জৱান, জয় কিসান’গী মঙলান অসি মতম কয়াগী মমাংদগী খঙনরি। রিসর্স অমসুং ফোকস তৌদুনা, ঐখোয়না মদুদা জয় বিজ্ঞান অমসুং জয় রিসর্সসু হাপচিনখি। ঐখোয়গী য়ুনিভর্সিতীশিংদা রিসর্স অমসুং ইনোবেসনগী থবকশিং পাকথোক চাউথোকহন্নবগীদমক ঐখোয়না অনুসন্ধান নেস্নেল রিসর্স ফাউন্দেসন শেম্লে । মসিগা লোয়ননা ঐখোয়না রিসর্স, দিবেলপমেন্ত অমসুং ইনোবেসন স্কীমসু হৌদোক্লে। মসিগীদমক্তা লুপা কোতি লাখ ১গী শেনফম থম্লে। নখোয়না খল্লমগনি, মসিগী লুপা লাখ করোর অমা অসি মোদীজীগী ওইগনি, মরম অদুনা নখোয়না খুবাক খুদ্রিবনি। মসিগী লুপা কোতি লাখ অমা অসি নখোয়গীদমক্তনি, নখোয়গী শক্তি হেনগৎহন্নবা, নখোয়গীদমক খুদোংচাবগী অনৌবা থোঙ হাংদোক্নবনি। প্রাইভেত সেক্তরদসু রিসর্স অমসুং দিবেলপমেন্তবু পুক্নিং থৌগৎনবা ঐখোয়না হোৎনরি। অহানবা ওইনা, হাই-রিস্ক অমসুং হাই-ইম্পেক্ত প্রোজেক্তশিংগীদমক কেপিতেলসু ফংহল্লে।
মরুপশিং,
ভারত্তা ইনোবেসনগী মোদর্ন ইকোসিস্তেম অমা শেম্নবগীদমক ঐখোয়না ইজ ওফ দুইং রিসর্সতা মীৎয়েং থম্লি। মসিগী মাইকৈ অসিদা ঐখোয়গী সরকারনা ফাইনান্সিয়েল রুলশিং অমসুং প্রোক্যুরমেন্ত পোলিসীশিংদা রিফোর্ম কয়া অমা পাইখৎলে। মসিনা লেবতগী প্রোতোতাইপশিং অথুবা মতমদা পুথোক্তুনা কৈথেলদা য়ৌহন্নবগীদমক্তা ঐখোয়না রিগুলেসন, ইন্সেন্তিবশিং অমসুং সপ্লাই চেনশিংদা রিফোর্মশিংসু পাংথোকখ্রে।
ভারতপু ইনোবেসন হব অমা ওইহন্নবা হৌখিবা চহি খরদা লৌখিবা থৌরাংশিং, ৱারেপশিং অসিনা হৌজিক্তি ময়েক শেংনা তাক্লি। ঐহাক্না অদোমগী মমাংদা য়াম্না নুংঙাইবগা লোয়ননা অকক্নবা মশিং খরা থমজনীংই। অদুম ওইনমক, ঐহাক ইশাগী ওইনা য়াম্না লাইনা পেন্থোকপা মীওই অমা নত্তে। অদুবু মসিগী অপেনবা অসি হৌখিবা মতমগা য়েংনবদা তুংদা লাক্কদবা মতমশিং অদুগা মরী লৈনৈ। ঐনা চৎকদবা লম্বী অসি য়াম্না শাংখ্রে। হৌখিবা চহি তরা অসিদা ঐখোয়গী আর.এন্দ.দি.গী শেনফম শরুক অনি হেনগৎলে। ভারত্তা রেজিস্তর তৌরবা পেতেন্তশিংগী মশিং শরুক তরা হেনগৎলে। ঐখোয়গী দিপ-তেক স্তার্ত অপ ৬,০০০ হেনবনা ঙসি ক্লিন ইনর্জী, এদভান্স মেতরিয়েলশিংগুম্বা লমশিংদা থবক তৌরি। ভারতকী সেমিকন্দক্তর সেক্তর অসিসু হৌজিক্তি চাউনা চাউখৎলক্লি। বাইও-ইকোনোমীগী মতাংদা ঐখোয়না ৱা ঙাংবদা, ২০১৪দা মসি দোল্লর বিল্লিয়ন ১০ ওইরম্মি, ঙসিদি মসি দোল্লর বিল্লিয়ন ১৪০ য়ৌরে।
মরুপশিং,
হৌখিবা চহি খরা অসিদা ঐখোয়না সনরাইজ দোমেন কয়াদা খোঙথাং কয়া অমা পায়খৎলে। গ্রীন হাইদ্রোজেন, ক্বান্তম কম্প্যুতিং, দিপ সী রিসর্স, ক্রিতিকেল মিনরেলশিং, হায়রিবা দোমেনশিং অসিদা ভারতনা মহাক্কী 'প্রোমিসিং প্রেজেন্স' রেজিস্তর তৌখ্রে।
মরুপশিং,
সাইন্সনা চাউখৎলকপা মতমদা, ইনোবেসননা ইনক্লুসিব ওইরকপা মতমদা, অমসুং তেক্নোলোজীনা ত্রান্সফোর্মেসন পুরকপা মতমদা, অচৌবা মাইপাকপশিংগী য়ুম্ফমগী মপাঙ্গল হেন্না কনখৎলি, শেম-শাগৎলি। হৌখিবা চহি ১০-১১ অসিদা ভারতকী খোঙচৎ অসি অসিগুম্বা মীৎয়েং অসিগী খুদম অমনি। ভারত অসি হৌজিক্তি তেক্নোলোজী শিজিন্নবা নত্তে, তেক্নোলোজীগী খুত্থাংদা ত্রান্সফোর্মেসনগী পায়োনীয়র ওইরে। কোবিদকী মনুংদা ঐখোয়না য়াম্না তেনবা মতমগী মনুংদা স্বদেশী ভেক্সিন পুথোকখি। ঐখোয়না মালেমগী খ্বাইদগী চাউবা ভেক্সিনেসন প্রোগ্রাম অমা পায়খৎলি।
মরুপশিং,
অসিগুম্বা ‘মেমথ স্কেল’দা পোলিসীশিং অমসুং প্রোগ্রামশিং অসি মায় পাক্না ইমপ্লিমেন্ত তৌবা অসি করম্না ওইথোকপা ঙমগনি? মসি ওইথোকপা ঙমখি, মরমদি ঙসিদি মালেমগী খ্বাইদগী অহানবা অমসুং খ্বাইদগী মাইপাকপা দিজিতেল পব্লিক ইনফ্রাস্ত্রকচর, করিগুম্বা কনাগুম্বা অমত্তদা লৈরবদি, লৈবাক অদুগী মমিং- হিন্দুস্তাননি। ঐখোয়না গ্রাম পঞ্চায়ত লাখ ২দা ওপ্তিকেল ফাইবরগা শম্নহল্লে। মোবাইল দেতাবু দেমোক্রেতাইজ তৌখ্রে।
মরুপশিং.
হৌখিবা চহিশিংদা ঐখোয়গী স্পেস প্রোগ্রামনা চন্দ্র অমসুং মঙ্গল ফাওবা য়ৌহনখি। মসিগা লোইননা, ঐখোয়না ঐখোয়গী লৌমীশিং, ঙা য়োক্লিবশিংবু স্পেস সাইন্সকী কান্নবশিংগা শম্নহনখি। অমসুং তশেংনমক মসিগী মাইপাকপশিং অসিদা ময়াম পুম্নমক্না মসিদা শরুক য়াখি।
মরুপশিং,
ইনোবেসন অসি ইনক্লুসিব ওইরকপা মতমদা, মসিগী মরুওইবা বেনিফিসরীশিং অসি মসিগী লিদরশিংসু ওইরকই। ভারতকী নুপীশিংনা মসিগী খ্বাইদগী চাউবা খুদমনি। ভারতকী স্পেস মিসনগী মতাংদা মালেমনা ৱারী শানরকপা মতমদা, ভারতকী নুপী সাইন্তিস্তশিংগী মতাংদা য়াম্না খন্নৈ। ভারতকী নুপীশিংনা চহিদা ফাইল তৌবা পেতেন্তশিংগী মশিং অসি চহী তরাগী মমাংদদি ১০০দগী হন্থরম্মি। হৌজিক্তি চহিগী ওইনা লিশিং ৫দগী হেন্না হেনখ্রে। স্তেম এজুকেসনদসু নুপীশিংগী শরুক অসি চাউরাক্না ৪৩% ওইরি, মসি গ্লোবেল এভরেজদগী হেন্না ৱাংই। ঐহাক মালেমগী চাউখৎলবা লৈবাক অমদা সাইন্স অমসুং তেক্নোলোজীগী মন্ত্রীগা লোয়ননা লিফ্ত অমদা কাখৎলকপা মমতমদা। মহাক্না ঐঙোন্দা হায়খি মদুদি ভারত্তা নুপীমচাশিংনা সাইন্স অমসুং তেক্নোলোজীগুম্বা হীরমশিংদা চংব্রা? হায়বদি, মসি মহাক্কী থম্মোয়দা অচৌবা অঙকপা অমা ওইখি। ঐগী লৈবাক অসিদা অসিগুম্বা মশিং য়াম্না লৈ হায়না ঐনা হায়রকপদা মহাক্না অঙকপা অমা ফাওখি। মসি ভারতকী ইচানুপীশিংনা উত্তুনা তাকখি। অমসুং ঙসিসু ঐহাক্না মফম অসিদা ঐখোয়গী ইচানুপীশিং অমসুং ইচে-ইচলশিং মশিং য়াম্না উবা উবা ফংলি। ভারতকী সাইন্স অমসুং তেক্নোলোজীগী লমদা নুপীশিংনা কয়া য়াম্না খোঙজেল য়াংনা খুমাং চাউশিল্লিবগে হায়বসি হায়রিবা মশিংশিং অসিনা মবেক শেংনা তাক্লি।
মরুপশিং,
পুৱারীদা তাঙ্কক খরদি, মদুদগী মীরোল কয়াদা মোতিভেসন ফংই। চহী খরগী মমাংদা ঐখোয়গী অঙাংশিংনা চন্দ্রয়ানগী খোঙচৎ উখি, মদুগী মাইপাকপা অদুসু উখি, অমসুং মাইপাকপা অসিনা মখোয়বু সাইন্সকী মায়কৈদা য়াম্না পুক্নিং চিংশিনখি। অমসুং মখোয়না মাইপাকপা অমসুং মাইপাক্তবা অনিমক উখি। হৌজিক্তি গ্রুপ কেপ্তেন শুভাংশু শুক্লাগী স্পেস স্তেসনগী খোঙচৎ অসিনা অঙাংশিংদা অনৌবা পুক্নিং চিংশিনবা অমা পোকহল্লে। ঐখোয়না অনৌবা মীরোলদা পোক্লকপা খঙনিংবা, উনিংবগী ৱখল্লোন অসিগী কান্নবা লৌগদবনি।
মরুপশিং,
ঐখোয়না ব্রাইৎ য়ংস্তরশিংবু য়ারিবমখৈ সাইন্স, তেক্নোলোজী অমসুং ইনোবেসনগী মায়কৈদা পুক্নিং চিংশিনবা ঙম্লিবমখৈ খ্বাইদগী হেন্না ফগনি। ৱাখল্লোন অসিগা লোইননা লৈবাক শিনবা থুংনা অতল তিঙ্করিং লেব ১০,০০০ রোম শেমখ্রে। মসিগী মনুংদা অঙাং কোতি ১ হেনবনা কুরিয়োসিতী অমসুং ক্রিয়েতিভিতিগা লোয়ননা এক্সপেরিমেন্ত তৌরি। অমসুং অদোম্না মসি খঙবদা নুংঙাইগনি মদুদি হায়রিবা লেবশিং অসিগী মাইপাকপা অসি য়েংলগা, ঐখোয়না অনৌবা অতল তিঙ্করিং লেব ২৫,০০০সু শেমগৎলি। হৌখিবা চহি খরা অসিদা লৈবাক অসিদা অনৌবা য়ুনিভর্সিতী কয়া শেমখ্রে, অনৌবা আই.আই.তি. অনৌবা এজুকেসন পোলিসী অসিদা ঐখোয়না মসিমসু ওইথোকহনখ্রে মদুদি নহাশিংনা সাইন্স অমসুং ইঞ্জিনীয়রিংগুম্বা স্তেমগী কোর্সশিং অসি মখোয়গী লমদম অদুগি ওইবা মশাগী লোলদা তম্বা ঙম্লগনি।
মরুপশিং,
ঐখোয়গী সরকারগী প্রধান মন্ত্রী রিসর্স ফেলোশিপ অসি নহা ওইরিবা রিসর্সরশিংগী মরক্তা য়াম্না মায় পাক্লি। স্কীম অসিগী মখাদা পীরিবা গ্রান্তশিংনা নহাশিংদা মতেং পাংলি। হৌজিক্তি ঐখোয়না লাক্কদৌরিবা চহী ৫দা ফেলোশিপ ১০,০০০ পীদুনা লৈবাক অসিদা আর. অমসুং দি.বু হেন্না মপাঙ্গল কনখৎহন্নবা ৱারেপ লৌরে।
মরুপশিং,
ঐখোয়না সাইন্স অমসুং তেক্নোলোজীগী ত্রান্সফোর্মেতিব পৱার অদু খঙমিন্নবা অমসুং মসিদা ইথিক অমসুং ইনক্লুসিব ওইহনবা অসি য়াম্না মরু ওই। খুদম ওইনা, আর্তিফিসিয়েল ইন্তেলিজেন্স অসি য়েংবীয়ু, ঙসি রিতেলদগী হৌরগা লোজিস্তিক্স ফাওবা, কস্তমর সর্ভিসদগী হৌরগা অঙাংশিংগী হোম ৱার্ক ফাওবা, মফম খুদিংমক্তা আর্তিফিসিয়েল ইন্তেলিজেন্স শিজিন্নরি। মরম অসিনা ঐখোয়না ভারত্তা খুনাইগী কাঙলুপ খুদিংমক্কীদমক এ.আই.গী শক্তি অসি শিজিন্নবা য়াহল্লগনি। ভারতকী এ.আই. মিসনদা লুপা কোতি ১০,০০০ হেন্না শেল থাদরগনি।
মরুপশিং,
ঙসি ভারতনা এথিকল অমসুং হ্যুমেন-সেন্ত্রিক এ.আই.গী গ্লোবেল ফ্রেমৱার্ক শেমগৎলি। ঐখোয়গী লাক্কদৌরিবা এ.আই. গবর্নেন্স ফ্রেমৱার্ক অসি মসিগী মাইকৈ অসিদা অচৌবা খোঙথাং অমা ওইরগনি। মসিগী পান্দমদি ইনোবেসন অমসুং সেফতীগা লোইননা পুন্না চাউখৎহনবনি। মথং চহিগী ফেব্রুৱারীদা ভারতনা গ্লোবেল এ.আই. সম্মিত পাঙথোক্কদৌরিবা অসিদা ইনক্লুসিব, ইথিকল অমসুং হ্যুমেন-সেন্ত্রিক এ.আই.গী মাইকৈদা হৌৎনরিবশিং অসি হেন্না খুমাং চাউশিল্লগনি।
মরুপশিং,
হৌজিক্তি ঐখোয়না ইর্মজিং এরিয়াশিংদা থবক তৌবগী থৌনা অদু শরুক অনি হেনগৎহনবগী মতম ওইরে। মসি চাউখৎপা ভারতকী ঐখোয়গী পান্দমশিং অদু ফংনবগীদমক্তা য়াম্না মরু ওই। ঐহাক্না ময়ামদা ৱাখল্লোন খরা শেয়র তৌবা পাম্মি, ঐখোয়না ফুদ সেক্যুরিতীদগী ন্যুত্রিসন সেক্যুরিতীগী মায়কৈদা মাংলোমদা চংশিনসি। ঐখোয়না বাইওফোর্টিফাই তৌরবা মহৈ-মরোংশিংগী মথংগী জেনরেসন অমা পুথোক্তুনা মালেম অসিদা মালনুত্রিসনগী মায়োক্তা লান্থেংনবদা মতেং পাংগদ্রা? কেমিকেল ইনপুতশিংগী মহুৎ শিনবা অমসুং সোইল হেল্থ ইম্প্রুভ তৌনবা ঐখোয়না লো-কোস্ত সোইল হেল্থ এনহেনসরশিং অমসুং বাইও ফর্তিলাইজরশিংদা অসিগুম্বা ইনোবেসনশিং পুরকপা ঙমগদ্রা? পর্সোনেলাইজ মেদিসিন অমসুং দিজিজ প্রিদিক্সনদা অনৌবা মায়কৈ অমা ফংহন্নবা ঐখোয়না ভারতকী জেনোমিক দাইবর্সিতীবু হেন্না ফবা মওংদা মেপ তৌবা ঙমগদ্রা? ঐখোয়না ক্লীন ইনর্জী স্তোরেজ, খুদম ওইনা বেতরীশিংদা অনৌবা অমসুং মমল হোংবা ইনোবেসনশিং পুথোকপা ঙমগদ্রা? হীরম খুদিংমক্তা ঐখোয়না য়েংগদবনি মদুদি করম্বা ক্রিতিকেল ইনপুতশিংগীদমক্তা ঐখোয়না মালেমগী মখা পোল্লি, অমসুং মখোয়দা মতৌ করম্না আত্মানির্ভরতা ফংবা ঙমগনি।
মরুপশিং,
সাইন্স অমসুং তেক্নোলোজীগী মালেমগা মরী লৈনবা মীওই পুম্নমক্না ৱাহংশিং অসিদগী হেন্দোক্তুনা অনৌবা ওইথোকপা য়াবশিং থিগৎকনি হায়না ঐনা থাজৈ । করিগুম্বা অদোমগী ৱাখল্লোনশিং লৈরবদি, ঐহাক অদোমগীদমক লেপকনি। ঐখোয়গী সরকারনা রিসর্সকীদমক শেল থাদবা অমসুং সাইন্তিস্তশিংদা খুদোংচাবা পীনবা মপুং ফানা লেপ্লি। কনক্লেব অসিদা অপুনবা রোদমেপ অমা শেম্নবা ঐহাক্না হায়জরি। কনক্লেব অসিনা ভারতকী ইনোবেসন জর্নীবু অনৌবা অৱাংবা থাক্তা পুখৎকনি হায়না ঐহাক্না থাজবা থম্লি। ময়াম পুম্নমকপু অমুক্কশু হন্না-হন্না য়াইফ-পাউজেল পীজরি।
জয় বিজ্ঞান, জয় রিসর্চ।
ময়াম্বু হন্না-হন্না থাগৎচরি।
