খুরুমজরি !
ঙসি অদোম্না অবু ধাবীদা অনৌবা পুৱারি অমা শেম্লে। অদোম য়ু.এ.ইগী তোঙান-তোঙানবা মফমশিং অমসুং ভারতকী তোঙান-তোঙানবা রাজ্যশিংদগী লাকপনি, অদুবু মীওই খুদিংমক্কী থম্মোয়দা মরী লৈনহল্লে। পুৱারি ওইরবা স্তদিয়ম অসিদা থম্মোয়গী মীহুল খুদিংদা হায়রি-ভারত-য়ু.এ.ইগী মরুপ-মপাং ওইবা মরী কুইনা লৈরসনু! মীওই খুদিংমক্না লাউরি-ভারত-য়ু.এ.ইগী মরুপ-মপাং ওইবা মরী কুইনা লৈরসনু! মরী অসি হেন্না মপুংফাবা ওইরসনু। ঙসিগী থৌদোকশিং অসি অদোমগী পুন্সি চুপ্পা অদোমগা লোয়ননা নিংশিংদুনা লৈগদবনি। নিংশিংবশিং ঐগা লোয়ননা ঐগী পুন্সি চুপ্পা লৈমিন্নগনি।
ঐগী ইনাওশিং অমসুং ইচলশিং,
ঙসি ঐগী ইমুং-মনুংগী মীওইশিংগা উননবা ঐ লাকপনি। সমুদ্র লান্না, অদোমগী পোক্নফম লমদমগী লৈহাওগী নুংশিরবা মনম ঐনা অদোমগীদমক পুরক্লি। ঐনা অদোমগী ভারতকী ইনাও অমসুং ইচল করোর ১৪০গী পাউজেল পুরক্লি। পাউজেল অদুদি- অদোমগীদমক ভারতনা চাউথোকচবা ফাওরি, অদোমগী ভারতকী চাউথোকচফম্নি। ভারতনা অদোমগীদমক চাউথোকচরি।
भारतम् निंगड़ै-और्त् अभिमा-निक्कुन्नु !! उंगलई पार्त् भारतम् पेरुमई पड़गिरदु !!
भारता निम्मा बग्गे हेम्मे पडु-त्तदे !! मी पइ भारतदेशम् गर्विस्तोन्दी !!
মসি এক ভারত, শ্রেস্থা ভারতকী ফজবা শক্তম অদুনি, মসিগী অদোমগী খোঞ্জেলনি, ঙসি অবু ধাবীগী অতিয়া শীনবা থুংলে। ঐঙোন্দা উৎলিবা অদোমগী নুংশিবা অমসুং থৌজালশিং অসিদা অপেনবা ফাওই। মফম অসিদা লাক্নবা অদোমগী মতম কাইথোকপগীদমক ঐনা তৌবীমল খঙবা উৎচরি।
মরুপশিং,
ঙসি ঐখোয়গী ইরক্তা ইকায়খুম্নবা সৈখ নাহয়ান শরুক য়ারি। মহাক অফবা মরুপ অমনি অমসুং ভারতমচাশিংগী য়াইফনবা খনবা মীওই অমনি। মহাক্না ভারতমচাশিংগী য়াইফনবা খনবা অসি থাগৎনিঙাইনি। থৌরম অসি শীনবগীদমক ঐনা ঐগী মরুপ ইকায়খুম্নরবা সৈখ মোহমদ বিন জয়েদ জিগী মফমদা ঐগী তৌবীমল খঙবা উৎচরি। মখোয়গী মতেং য়াওদনা মসিগী নুংঙাইরবা থৌরম অসি পাংথোকপা ওইথোক্লোই। মহাক্না ঐহাক নুংশিবা অমসুং নক্নবা অসি ঐগী অচৌবা লন অমনি। ২০১৫গী ঐগী অহানবা খোঙচৎ অদু ঐ নিংশিংলি। মতম অদু ঐ কেন্দ্র সরকারদা য়াওরকপা মতম কুইদ্রিবনি। মদু চহি ৩০গী মতুংদা ভারতকী প্রধান মন্ত্রী অমনা য়ু.এ.ই দা লাকপা অহানবনি। কুতনিতিগী থবকশিং ঐঙোন্দা অনৌবা অমা ওইখি। মতম অদুগী যুবরাজ অমসুং ঙসিগী রাস্ত্রপতিনা মহাক্কী মচিন-মনাও মঙাগা লোয়ননা এয়রপোর্ততা ঐ ওকপা লাকখি। মখোয়গী মীৎশিংদা উখিবা হরাওবা অদু ঐ কৈদৌঙৈদা কাউবা ঙম্লোই। অহানবা ওইনা উনখিবা অদুদা, ঐগা খ্বাইদগী লুনা তিন্নবা কনাগুম্বা অমগী য়ুমদা লাকপগুম ঐ ফাওখি। মখোয়নশু ঐ মখোয়গী ইমুং-মনুংগী মীওই অমগুম তরাম্না ওকখি। অদুবু মরুপশিং, তরাম্না ওকখিবা অদু ঐ খক নত্তে। তরাম্না ওকখিবা অদু ভারতমচা করোর ১৪০নি। মদুগী তরাম্না ওকখিবা অদু য়ু.এ.ইদা লৈরিবা ভারতমচা খুদিংমক য়াওখি।
মরুপশিং,
নুমিৎ অদুনা অমনি অমসুং ঙসিগী নুমিৎ অসিনা অমনি। হন্দক্কী খোঙচৎ অসি চহি ১০দা ঐগী য়ু.এ.ইগী ৭শুবনি। ঙসি ফাওবা ইনাও সৈখ মোহমদ বিন জায়েদ এয়রপোর্ততা ঐ ওকপা লাকখি। মহাক্কী নুংশিবা অমসুং মহাক্কা নক্নবা হান্নগী অদুনি অমসুং মসি মহাক্কী ওইনা অখন্নবা অমনি।
মরুপশিং,
মহাক ভারত্তা মরিরক তরাম্না ওক্নবগী খুদোংচাবা অমা ঐখোয়না ফংখিবদা ঐ হরাওই। নুমিৎ খরনিগী মমাঙদা মহাক গুজরাত্তা লাক্লম্লে। মহাক ইকায়খুম্নবা উৎপা ওইনা লম্বীগী নাকল অনিমক্তা মীওই লাখ কয়া তিনখি। মসিগী ইকায়খুম্নবা অসি করিগীদমক্নো হায়বা অদোম খঙবরা? য়ু.এ.ইদা মহাক্না অদোম চেকশিন্না শেনবগীদমক ইকায়খুম্নবা অসি উৎপনি। মরম অদুনা মীয়াম মখোয়গী য়ুমশিংদগী থোরক্তুনা মহাক থাগৎপা ফোঙদোকখিবনি।
মরুপশিং,
য়ু.এ.ইনা লৈবাক অসিগী খ্বাইদগী ৱাংবা সিবিলিয়ন এৱার্দ-দি ওর্দর ওফ জায়েদ পীবা অসি ঐগী লাইবক ফবনি। মসিগী ইকায়খুম্নবা অসি ঐ খক্তগী নত্তে, মসি ভারতমচা করোর কয়া, অদোমদা ইকায়খুম্নবনি। ঐনা ঐগী মরুপ, সৈখ মোহমদ বিন জয়েদ উনবা খুদিংগী, মহাক্না ভারতমচাশিং য়াম্না থাগৎখি। অদোম্না য়ু.এ.ই চাউখৎনবা লৌরিবা থৌদাং মখোয়না থাগৎখি। জয়েদ স্তদিয়মদগী ভারতমচাশিংগী নুংশিরবা মনম ফাওরক্লে।
ঐগী ইমিরাতি মরুপশিংনা মখোয়গী থম্মোয়দা ভারতমচাশিংগী মফম অমা পীবা অমসুং মখোয়গী অৱা-নুংঙাইগী মরুপশিং ওইবগীদমক ঐ হরাওই। মসিগী মরী অসি নোংম-নোংমগী ফগৎলক্লি। মসিদা ইনাও সৈখ মোহমদ বিন জায়েদনা অচৌবা থৌদাং অমা লৌরি। কোবিদ মনুংদা ফাওবা মহাক্না হোৎনখিবা অদু ঐ উখি। ভারতমচাশিং পুরক্নবা মখোয়না হোৎনখিবা অদু ঐ খঙই। পুক্নিং ৱাদনবা ঐঙোন্দা হায়রকখি। মফম অদুদা লৈরিবা ভারতমচাশিং লায়য়েংনবা অমসুং তিকা থানবা মহাক্না শীনখি। মহাক্কীদা লৈরিঙৈদা, তশেংনা ঐ করিগুম্বা অমগী ৱাদে। মসি খক নত্তনা, ২০১৫দা, মীয়াম পুম্নমক্কী মহুৎশীন্দুনা, অবু ধাবীদা লাইশঙ অমা শানবা ৱাফম অমা ঐনা মহাক্কী মফমদা পুখৎখি। মিকুপ অমা ফাওবা মাংহন্দনা মহাক্না হোই হায়না পাউখুম পীরকখি অমসুং লম অদুগী ঙমখৈগী লৈই অমা চিংনবা ফাওবা মহাক্না হায়রকখি। ঙসিদা অবু ধাবীদা মসিগী অচৌবা লাইশঙ শঙ্গানবা পুৱারি ওইরবা মতম অমা য়ৌরক্লে।
মরুপশিং,
লৈবাক অসিগী ফিরাল সুন্দ্রংদা পাইবগা লোয়ননা লৈমায় অসিদা ভারত-য়ু.এ.ইগী মরুপ-মপাং ওইবা মরীশু য়াম্না ফরি। ভারতকী মহুৎশীন্দুনা, থা তরুক ইন্তরনেসনেল স্পেস স্তেসন্দা লৈখিবা অহানবা ইমিরাতি এস্ত্রোনোত সুলতান অল নেয়াদি ঐনা থাগৎচরি। মালেমগী য়োগ নুমিৎ অমসুং নিংতম্বা নুমিত্তা মহাক্না স্পেসতগী মহাক্কী য়াইফ-পাউজেল থারকখি অমসুং মসিগীদমক ঐনা মহাক থাগৎপা ফোঙদোকচরি।
মরুপশিং,
ঙসিদি, ২১শুবা চহিচাগী চহি ৩০ য়ৌরকপা অসিদা ভারত অমসুং য়ু.এ.ইগী মরক্তা লৈনরিবা মরী অসি মমাঙদা অমুক্তা ওইখিদ্রিবা মওংদা চাউখৎলে। অমনা অমগী চাউখৎপদা ঐখোয় মরুপশিং ওইনরি। ঐখোয়গী মরী অসি লৌশিং, ইন্নোবেসন নাৎকী ওইবনি। মমাঙদা, ঐখোয়না হিরম খুদিংমক্তা ঐখোয়গী মরীশিংদা অনৌবা থৌনা কয়া পীখ্রে। লৈবাক অনিমক পুন্না চৎমিন্নরি, পুন্না চাউখৎমিন্নরি। ঙসিদি য়ু.এ.ই ভারতকী অহুমশুবা খ্বাইদগী চাউবা ললোন-ইতিক্কী মরুপনি। য়ু.এ.ই ৭শুবা খ্বাইদগী চাউবা ইনভেস্তরনি। হিংবদা লাইনবা অমসুং ললোন-ইতিক পাংথোকপা লাইহন্নবা লৈবাক অনিমক মতেং পীনরি। মসিগী থাজবা অসি থবক ওইনা পাংথোক্নবা ঙসি য়ানচেশিং খুৎয়েক পীনরে। ঐখোয়গী শেন-থুমগী থবকশিংশু পুনশিল্লে। তেক্নোলোজি অমসুং ইন্নোবেসনগী লমদা ভারত অমসুং য়ু.এ.ইগী মরক্তা লৈনরিবা মরী মখা তানা মপাঙ্গল কনখৎলক্লি।
মরুপশিং,
ভারত-য়ু.এ.ইনা মীয়াম অমসুং নাৎকী লমদা লৈনরিবা মরীশিং অসি মালেমগী নমুনা অমনি। লোলশিংদা লৈবাক অনি অসি কয়া য়াম্না নক্নবগে হায়বা ঐগী ইমিরাতি মরুপশিংদা ঐনা হায়নিংই। ঐ অরাবিক্তা ৱাহৈ পরেং খর ঙাংনবা হোৎনগে-“অল হিন্দ ৱাল ইমরাত, বিন-কলাম অল জমান, ৱাল কিতাব অদ্দুনিয়া। নাকতুবু, তুক একাউন্ত মুসতাকবাল অফদাল। ৱা সাদাকা বায়িনা, অল হিন্দ ৱাল ইমারাত হিয়া, সরৱাতানা অল মুসতরকা। ফিল হাকিকা, নহানু ফি বীদাইয়া, সাইদা লি মুসতাকবাল জায়ৈদা!!!
ঐ অরাবিক ঙাংনবা হোৎনবনি। অশোইবা য়াওরবদি, ঐগী য়ু.এ.ইগী মরুপশিংনা ঙাকপীগনি। ঐনা হায়রিবা অসি খঙদবশিংগী ওইনা, ঐনা মসিগী ৱাহন্থোক হায়জরি। ঐনা অরাবিক্তা হায়খিবা অদুগী ৱাহন্থোক্তি- মতমগী কলম্না মালেমগী লাইরিক্তা ভারত অমসুং য়ু.এ.ইনা হেন্না ফবা তুংলমচৎ অমগী মরমদা ইরি। ভারত অমসুং য়ু.এ.ইগী মরুপ-মপাং ওইবা মরী অসি ঐখোয়গী অপুনবা লন-থুমনি। ঐখোয় অফবা তুংলমচৎ অমগী ফজনা থবক হৌরে। কলম, লাইরিক, মালেম, একাউন্ত, লমগী মরমদা হায়রিবা ৱাহৈশিং অসি ভারত্তা লাইনা ঙাংনরসি। ঐখোয়গী লৈবাক অনিগী মরী অসি চহিচা কয়া শুরে। মসিগী মরী অসি নোংম-নোংমগী চাউখৎলক্নবা ভারতনা থৌনিজরি।
মরুপশিং,
স্তদিয়ম অসিদা মহৈরোয় চা কয়া শরুক য়ারি হায়বা ঐ খঙলে। হৌজিক য়ু.এ.ইদা লৈবা ভারতকী স্কুলশিংদা মহৈরোয় লাখ ১.২৫ হেন্না তম্লি। হায়রিবা নহা ওইরিবা মহৈরোয়শিং অসিনা ভারত-য়ু.এ.ই চাউখৎপগী শাথৌবশিং ওইরক্কনি। ইকায়খুম্নরবা সৈখ মোহমদ বিন জায়েদকী মতেংদগী, আই.আই.তি দিল্লি অবু ধাবী কেম্পসতা মাস্তর কোর্স হৌরে। অথুবা মতমদা দুবাইদা অনৌবা সি.বি.এস.ই ওফিস অমা হাংদোক্লগনি। হায়রিবা ইন্সতিতুসনশিং অসিনা মফম অসিদা লৈরিবা ভারতমচাশিংদা অফবা ইজুকেসন পীবদা মখা তানা মতেং পাংলগনি।
মরুপশিং,
ঙসিদি, ২০৪৭দা ভারত চাউখৎলবা লৈবাক অমা ওইহনবা হায়বসি ভারতমচা খুদিংমক্কী পান্দমনি। মালেমদা খ্বাইদগী য়াংনা ইকোনোমি চাউখৎলিবা করম্বা লৈবাক মালেমদা লৈবগে? ঐখোয়গী ভারতনি। স্মার্দফোন দেতা শীজিন্নবদা মালেমদা করম্বা লৈবাক্না মকোক্তা লৈবগে? ঐখোয়গী ভারত। মালেমগী ফিনতেক শীজিন্নবগী চাং ৱাংমদা করম্বা লৈবাক্না মালেমগী মকোক্তা লৈবগে? ঐখোয়গী ভারত। ইন্তরনেত শীজিন্নবা মীওইশিং য়াম্না লৈবা অনিশুবা লৈবাক মালেমদা করম্বা লৈবাক্না ওইবগে? ঐখোয়গী ভারত।
মালেমদা মোবাইল খ্বাইদগী য়াম্না পুথোকপা অনিশুবা লৈবাক করম্বা লৈবাক্না ওইবগে? ঐখোয়গী ভারত। মালেমদা করম্বা লৈবাক্না অহুমশুবা খ্বাইদগী চাউবা স্তার্দঅপ ইকোসিস্তেম লৈবগে? ঐখোয়গী ভারত। মালেমদা করম্বা লৈবাক্না অহানবা হোৎনবদা মার্স য়ৌবা ঙম্বগে? ঐখোয়গী ভারত। মালেমদা করম্বা লৈবাক্না থাগী খা-মেরুদা লৈবাক অদুগী ফিরাল পাইহনখিবগে? ঐখোয়গী ভারত। মালেমদা করম্বা লৈবাক্না মতম অমতদা সেতেল্লাইত চা কয়া থাগৎপগী রেকোর্দ থমখিবগে? ঐখোয়গী ভারত। মালেমদা করম্বা লৈবাক্না মশাগী ফাইব-জি তেক্নোলোজি পুথোকপগে অমসুং খ্বাইদগী য়াংনা শীজিন্নবগে? ঐখোয়গী ভারত।
মরুপশিং,
ভারতকী মাইপাকপশিং অসি ভারতমচা খুদিংমক্কী মাইপাকপনি। চহি ১০ অসিদা, ভারত মালেমদা মঙাশুবা খ্বাইদগী চাউবা ইকোনোমি ওইরে। ঐনা ভারতমচা খুদিংমক্কী তৌবা ঙম্বশিংদা থাজবা থম্লি। মসিগী থাজবা অসিদা, মোদীনা গরেন্তি অমা পীরি। অদোম মোদীগী গরেন্তি খঙলবরা? মহাক্কী অহুমশুবা তার্মদা, ভারত মালেমদা অহুমশুবা খ্বাইদগী চাউবা ইকোনোমি ওইহন্নবা মোদীনা থাজবা পীরি। মোদীগী গরেন্তি হায়বদি থাজবা থবক ওইনা পাংথোকপনি। মীয়ামগী হিংবগী থাক ৱাংখৎনবা অমসুং মখোয়গী অৱাবশিং হন্থহন্নবা ঐখোয়গী সরকারনা লেপ্তনা হোৎনরি। ঐখোয়না লায়রবা ইমুং করোর ৪ হেনবগী য়ুমশিং শারে। ইমুং করোর ১০ হেনবদা তোতি ঈশিং ফংহল্লে। ঐখোয়না মীওই করোর ৫০ হেন্না বেঙ্কগা শম্নহল্লে। ঐখোয়না মীওই করোর ৫০ হেনবদা লুপা লাখ ৫ ফাওবগী লেম্না লায়য়েংবগী খুদোংচাবা ফংহল্লে। ঐখোয়না অয়ুস্মান মন্দির লাখ ১.৫ হেন্না শাদুনা খুঙ্গংগী মীওইশিং লায়য়েংবগী অৱাবশিং লৈহন্দ্রে।
মরুপশিং,
হৌখিবা মতম খর অসিদা ভারত্তা লাক্লম্বা মীওইশিংনা ঙসি ভারত্তা কয়া য়াম্না অহোংবা লাক্লবগে হায়বা খঙগনি। ঙসিদি ভারত্তা অনৌবা এক্সপ্রেসৱে অমগী মথংদা অমা শাগৎলে। ঙসিদি ভারত্তা অনৌবা এয়রপোর্ত অমগী মথংদা অমা শেমগৎলে। ঙসিদি ভারত্তা অনৌবা অনৌবা রেলৱে স্তেসন অমগী মথংদা অমা শেমগৎলে। ঙসিগী ভারতকী মশক অসি অনৌবা ৱাখল্লোনশিং অমসুং অনৌবা থবকশিংনা তাক্লে। ঙসিদি ভারত অসি অচৌবা ইনফ্রাস্ত্রচর প্রোজেকশিংনা মশক তাক্লে। ঙসিদি ভারত অসি ভাইব্রেন্ত তুরিজমগী মফমশিংনা মশক তাক্লে। ঙসিগী ভারত অসি অচৌবা শান্নবগী শক্তি অমনা মশক তাক্লে। মসি তাবদা অদোম চাউথোকচবা অমা ফাওগনি।
মরুপশিং,
দিজিতেল ইন্দিয়া মালেম শীনবা থুংনা থাগৎনরিবা অসি অদোম খঙলে। য়ু.এ.ইদা লৈরিবা অদোমগী মরুপশিং মসিগী কান্নবশিং ফংনবা ঐখোয়না থবক পায়খৎলে।ঐখোয়গী রুপে কার্দ অসি য়ু.এ.ইদা চৎনহল্লে। মসিনা য়ু.এ.ইনা লৈবাক অসিগী কার্দ সিস্তেম শেমগৎপদা মতেং পাংলে।
মরুপশিং,
য়ু.এ.ইদা অথুবা মতমদা য়ু.পি.আই হৌদোক্লগনি। মসিনা য়ু.এ.ই অমসুং ভারতকী একাউন্তশিংগী মরক্তা শেন পীথোক-পীশিন য়াহল্লগনি। মসিনা অদোম্না ভারত্তা লৈরিবা অদোমগী ইমুং-মনুংগী মীওইশিংদা শেন থাবা য়াহল্লগনি।
মরুপশিং,
ভারতনা চাউখৎলকপা অসিনা মালেমগী থাজবা হেনগৎহল্লে। মালেম অসি তুংদু-লৈতাবা ফিবম অমা পুরকপদা ভারতনা অচৌবা থৌদাং অমা লৌগনি হায়বা মালেম্না খঙই। মসিগী থাজবা অসিনা ভারত অমসুং য়ু.এ.ইনা মালেমদা পুরকপদা ঐ হরাওই। ভারতনা মাইপাক্না জি-২০ মীফম শীনখিবা অদোম উখ্রে। মসিদা ঐখোয়না য়ু.এ.ইশু চেবাউ পীখি। অসিগুম্বা থবকশিংনা, ঐখোয়গী মরীশিং অনৌবা থাকশিংদা পুখৎলে। ঙসিদি মালেম্না ভারত অসি মখোয়গী মরুপ অমা ওইনা লৌরে। ঙসিদি মালেমগী অচৌবা মফম খুদিংমক্তা ভারতনা হায়বা ৱাফম তারে। মফম অমদা অৱা-অনা হেক থোকপদা, অহানবা থুংলবা লৈবাকশিংগী মনুংদা ভারত য়াওরে। হৌখিবা চহি ১০দা, মপান লৈবাকশিংদা লৈরিবা ভারতমচাশিং অৱাবা কয়া থেংনবা অদোম উরে, ভারত সরকারনা মখোয়গীদমক য়াংনা থবক পায়খৎখি। ঐখোয়না য়ুক্রেন, সুদান, য়েমেন অমসুং অতোপ্পা অৱাবা মতমদা ভারতমচা লিশিং কয়া অশোই-অঙাম থোকহন্দনা ভারত্তা পুরকখি। মালেমগী তোঙান-তোঙানবা মফমশিংদা খুন্দারিবা ভারতমচাশিংগী য়াইফনবা সরকারনা অহিং-নুংথিল নাইদনা থবক তৌরি।
মরুপশিং,
ভারত অমসুং য়ু.এ.ইনা ২১শুবা চহিচাদা অনৌবা পুৱারি অমা ইরি। অদোম পুৱারি অসিগী অচৌবা য়ুম্ফম অমনি। অদোম্না মফম অসিদা থবক কন্না শুবদগী ভারতনা শক্তি ফংলি। অদোম্না মখা তানা ভারত অমসুং য়ু.এ.ইগী মরুপ-মপাং ওইবা মরী ফগৎহন্নবা থবক তৌগনি। তরাম্না ওকপগী থৌরম অসিগীদমক ঐনা ময়াম পুম্নমক অমুক হন্না থাগৎচরি। ঐগা লোয়ননা ভারত মতা কি জয় লাউমিন্নসি। ভারত মতা কি জয়! ভারত মতা কি জয়! ভারত মতা কি জয়!
ঐ অমসুং অদোমগী মরক্তা য়াম্না লাপ্নরি। মরম অদুনা ঐনা অদোমগী নাক্তা লাক্কনি। অদোম্না মফম অসিদা লৈরবসু, অদোম উবদা ঐ অফবা ওইগনি। অদোম্না ঐগী মতেং পাংগদরা? অদোম্না শোইদনা পাংগনি?
ভারত মতা কি জয়!
ভারত মতা কি জয়!
অদোম থাগৎচরি।
