Share
 
Comments
মীয়াই চল্লবা মীওইগী মীশিংগী ১০০%দা অহানবা দোজ মপুং ফানা কাপখিবদা গোৱাবু থাগৎখ্রে
থৌরম অসিদা শ্রী মনোহর পরিক্কারনা তৌরম্বা শেবাশিং নীংশিংখ্রে
গোৱানা ‘সবকা সাথ, সবকা বিকাস, সবকা বিশ্বাস অমসুং সবকা প্রয়াস’কী অফবা ফলশিং উৎখ্রে: পি.এম.
ঐহাক্না ইপোক নুমিৎ কয়া উখ্রে অমসুং মসিগী মরমদা খঞ্জিল্লুদে অদুবু চহি কয়া অসিদা ঙরাংগী নুমিৎ অসি ঐহাক্কী ওইনা য়াম্না পুক্নীং নুংশিবা ওইখি মরমদি মীওই করোর ২.৫ তীকা থাদোকপা ঙমখি: পি.এম.
ঙরাং অসিদা পুং খুদিংগী দোজ লাখ ১৫ হেন্না, মিনিত খুদিংগী দোজ লিশিং ২৬ হেন্না অমসুং সেকেন্দ খুদিংগী দোজ ৪২৫ হেন্না কাপ্পা উবা ফংখি: পি.এম.
এক ভারত – শ্রেস্থ ভারতকী ৱাখল্লোনগী খুদম ওইরিবা গোৱাগী মাইপাকপা খুদিংমক অসিনা ঐঙোন্দা হরাও-নুংঙাইবনা থলহনখি: পি.এম.
গোৱা অসি লৈবাক অসিগী শুপ্নগী রাজ্য অমা ওইবতা নত্তনা ব্রান্দ ইন্দিয়াগী মপাঙ্গল কনবা মেকর অমসু ওইরি: পি.এম.

মমিং লৈরবা অমদি ইনর্জেতিক ওইরবা গৱাগী মুখ্য মন্ত্রী, শ্রী প্রমোদ সৱান্ত জি, কেন্দ্রগী কেবিনেত্তা য়াওরিবা ঐগী কলিগ অমদি গৱাগী মচানুপা, শ্রীপদ নায়ক জি, কেন্দ্র সরকারগী মন্ত্রীশিংগী কাউন্সিলদা য়াওরিবা ঐগী কলিগ, দা. ভারতি প্রবীন পাওয়ার জি, গৱাগী মন্ত্রী, এম.পি.শিং অমদি এম.এল.এ., কোরোনা ৱারিয়র, ইয়াম্বা-ইনাও অমদি ইচল-ইচেশিং পুম্নমক!

নুংঙাইরবা শ্রী গনেশ ফেস্তিবেল অমা ওইরসুনু হায়না নখোয় পুম্নমক্তা য়াইফ-মঙ্গোল পীরি! হয়েং, অনন্ত চতুর্দশিগী য়াইফরবা থৌরমদা, ঐখোয়না বপ্পাদা বিদাই পীরগনি অমদি ঐখোয়গী খুৎশিংদা এনন্ত সুত্তগী তশেং-তশেংলবা লং অদুসু কিরগনি৷ অন্ত সুত্র হায়বগী আর্থদি নুংঙাইরবা, পুন্সিদা চাওখৎপা পুরকপা অমদি পুন্সি-নুংশাংনা হিংননবা মঙ্গোল পীবা হায়বনি৷

মসিগী শেংলবা নুমিৎ অসিগী মাংওইননা গৱাদা লৈরিবা প্রজাশিংনা মখোয় মশামক কোবিদ ভেক্সিন কাপথোকচখিবা অসিদা ঐনা য়াম্না নুংঙাইবা ফাওই৷ গৱাদা লৈরিবা ভেক্সিন কাপ্পা য়ারবা মীওই খুদিংমক্না অহানবা দোজ কাপখ্রে৷ মসিনা কোরোনা লান্থেংনবদা অচৌবা পাম্বৈ অমা ওইরি৷ মসিগীদমক গৱাগী প্রজা মীয়াম পুম্নমক্তা হন্ন-হন্না থাগৎচরি৷

মরুপশিং,

গৱা অসি ভারতকী দাইভর্সিতী স্ত্রেঙ্গ উবা ফংলিবা রাজ্য অমসু ওইরি৷ মফম অসিদা নোংপোক অমদি নোংচুপকী কল্চর, হিংবগী স্তেন্দর্দ অমদি চাবগী হেবিৎশিং উবা ফংলি৷ মফম অসিদা গনেশহোত,বসু পাংথোক্লি, দীপাবলিসু পাংথোক্লি অমদি গৱাদা মঙাল লৈনা খৃস্তমাস পাংথোক্লি৷ অসিগুম্না পাংথোক্তুনা, গৱানা মহাক্কী ত্রেদিসনসু কাইদনা ইল্লি৷ ‘এক ভারত শ্রেস্থ ভারত’কী স্পিরিত অসি লেপ্প-লৈতনা মপাঙ্গল হাপ্লিবা গৱাগী এচিবমেন্ত খুদিংমক্না ঐ খক্তনা নত্তনা লৈবাক পুম্বদা নুংঙাই-য়াইফবা অমদি  চাওথোকচবা ফাওহল্লি৷

ইয়াম্বা-ইনাওশিং অমদি ইচল-ইচেশিং,

অসিগুম্লবা থৌরম অসিদা, ঐগী মরুপ, অশেংবা কর্ময়োগি, লৈখিদ্রবা মনোহার পরিকার জি নিংশিংবা হায়বসি মহৌশানি৷ চহি ১০০দা খ্বাইদগী চাওবা ক্রাইসিস গৱানা থেংনখি, ঙসি ঐখোয়গী ইরক্তা পরিকার জি লৈরম্বা থোক্লবদি নখোয়না ফংলিবা এচিবমেন্ত অসিদা পরিকার জিনা অদুক্কী মতিক চাওথোকচবা ফাওরমগনি৷

মালেম অসিগী খ্বাইদগী চাওবা অমদি খ্বাইদগী থুবা ভেক্সিনেসন কেম্পেন্দ চত্থুনা ময়াম পুম্নমক লেম্না ভেক্সিন কাপ্পাদা মাই পাক্লক্লিবা অসিদা গৱানা য়াম্না মরু ওইবা থৌদাং লৌখ্রে৷ হৌখিবা থা খরদা, গৱানা প্রমোদ সৱন্ত জিগী লুচিং মখাদা নেচরেল কলামীতিশিং খুদম ওইনা নোং কন্না চুবা, সাইক্লোনশিং, ইশিং-ইচাওগুম্বশিং অসি থৌনা লৈনা লান্থেংনখ্রে৷ অসিগুম্বা নেচরেল চেলেঞ্জশিং অসি থেংন-থেংননা কোরোনা ভেক্সিন কাপ্পগী থবক মাই পাক্না পাংথোকপগীদমক কোরোনা ৱারিয়রশিং, হেল্থ ৱর্করশিং, তীম গৱা অমদি মীপুম খুদিংমক হন্না-হন্না থাগৎচরি৷

ফম অসিদা মরুপ-মপাং কয়া অমনা ঐখোয়দা সেয়র তৌরকখিবা এক্সপরিয়েন্সশিং অসিনা মসিগী কেম্পেন্দ অসি কয়ামুক য়াম্না লুবগে হায়বদু উৎলি৷ মসিদা অরুবা তানফম কয়া লান্দুনা ভেক্সিনশিং সেফ ওইনা পাক হন্না কাপথোক্নবা হোৎনবদা মথৌ মশক খঙবা, সমাজ অসিদা কৎথোকপা অমদি থৌনা দরকার ওই৷ নখোয় পুম্নমক্না লেপ্প-লৈতনা মীওইবা জাতিগীদমক হোৎনরি৷ নখোয়গী সর্ভিস অসি মতম পুম্নমক্তা নিংশিংদুনা লৈহৌরগনি৷

মরুপশিং,

সবকা সাথ, সবকা বিকাস, সবকা বিশ্বাস অমদি সবকা প্রয়াসনা পীবা ঙম্লিবা ফজরবা ফল অদু গৱাগী সরকার, প্রজাশিং, কোরোনা ৱারিয়রশিং অমদি ফ্রন্ত লাইন ৱর্করশিংনা উৎখ্রে৷ সোসিএল অমদি জিওগ্রাফিকেল চেলেঞ্জশিং অসি থেংননবা হোৎনবদা মতেং পাংনরিবা অসি তশেংনা থাগৎনিংঙাইনি৷ প্রমোদ জি অমদি নখোয়দা তীমদা হন্না-হন্না থাগৎচরি৷ রাজ্য অসিগী খ্বাইদগী লাপথোক্না লৈরিবা মফমশিং, সব-বিভিজন পুম্নমক্তা ভেক্সিন য়াম্না থুংনা কাপখিবা অসিনা অচৌবা খুদম অমা ওইরি৷

ভেক্সিন কাপ্পগী খোঙজেল গৱানা হন্থহনখিদবা অসি ঐ য়াম্না ঙকপা ফাওই৷ ঐখোয়না ৱারি শানরিবা মতম অসি ফাওবদা, অনিশুবা দোজকীদমক রাজ্য অসিদা ‘তিকা’ ফেস্তিবেল পাংথোক্লি৷ অসিগুম্না থমোই শেংনা হোৎনবা অসিনা গৱানা ইম্ম্যুনাইজেসন মপুং ফানা কাপথোক্তুনা লৈবাক অসিগী লমজিংলিবা রাজ্য অমা ওইনবা শেম-শাদুনা লৈরি৷ য়াম্না মরু ওইবা অমনা, গৱানা মহাক্কী মীয়াম খক্তমক ভেক্সিন কাপ্পদা নত্তনা, মপান লমদগী লাক্লিবা লমকোইবশিং অমদি শিন্মীশিংসু ভেক্সিন কাপ্লি৷

মরুপশিং,

থৌরম অসিদা, ঐনা লৈবাক অসিগী এদমিনিস্ত্রেসনদা শরুক য়ারিবা দোক্তরশিং, মেদিকেল স্তাফ অমদি প্রজা মীয়াম পুম্নক্তা থাগৎপা ফোংদোকপা পামজৈ৷  নখোয় পুম্নমক্না হোৎনবিরিবশিং অসিনা মরম ওইদুনা, ভারতনা নোংম খক্তদা মীওই কোতি ২.৫ হেন্না ভেক্সিন কাপ্পগী রেকোর্দ থম্বা ঙম্লিবনি৷ শেল য়াম্না পাইরবা অমদি শক্তি লৈ হায়না লৌনরিবা লৈবাকশিং ফাওবনা মসি তৌবা ঙম্বা নত্তে৷

ঙরাং,পুং খুদিংগী ভেক্সিনেসন লাখ ১৫ হেন্না, মীনিৎ খুদিংগী ভেক্সিনেসন ২৬,০০০ হেন্না, অমদি সেকেন্দ খুদিংগী মীওই ৪২৫ হেন্না ভাক্সিনশিং কাপখি৷ হায়রিবা ভেক্সিন অসি লৈবাক অসিগী মফম খুদিংদা শন্দোক্তুনা লৈরিবা ভেক্সিনেসন সেন্তর লাখ অমা হেনবদা কাপখিবনি৷ ভারত মশাগী ভেক্সিনশিং, ভেক্সিন কাপ্পগী মওং অমদি মেন পৱারগী অসিগুম্না চাওরবা নেতৱার্ক অসিনা ভারতকী তৌবা ঙম্বা অদু উৎথোকই৷

মরুপশিং,

ঙরাংগী এচিবমেন্ত অসি স্তেতিস্তিকশিং খক্তা নত্তে, ভারতকী তৌবা ঙম্বশিং অদু মালেম অসিনা মশক খঙবা হৌরক্লি৷ মরম অদুনা, লৈবাক অসিগী মিংচৎ লৈহনবা হায়বসিনা ভারত মচা খুদিংমক্কী তৌদবা য়াদ্রবা থৌদাংনি৷

মরুপশিং,

ঙসি, ঐনা ঐগী ওইবা ৱাখল্লোন  অদুসু ফোংদোকপা পাম্মী৷ পোকপা নুমিৎ কয়া অমা লাকখ্রে অমদি চৎখ্রে, অদুবু ঐদি মতম পুম্নমক্তা সেলেব্রেসনশিংদগী লাপ্না লৈ৷ অদুবু চহি মতাং অসিদা, ঙরাং অসি ঐগী ওইনা য়াম্না পুক্নিং নুংশি৷ পোকপা নুমিৎ পালন তৌবগী লম্বী কয়া অমা লৈ৷ মীয়াম্না তোঙান তোঙানবা মওংশিংদা পালন তৌনৈ৷ অদুগা ঐদি অদুগুম্না তৌরিবশিংগী মনুংদা অমা নত্তে৷ অদুবু ঙরাং অসি নখোয় পুম্নমক্না হোৎনখিবশিং অদুনা মরম ওইদুনা ঐগী ওইনা অখন্নবা নুমিৎ অমা ওইখ্রে৷

হৌখিবা চহি অমগা মখায় অমদি চহি অনি অসিদা মশাগী পুন্সিশিং খন্দনা কোরোনাগী মাইয়োক্তা লান্থেংনবদা অয়ুক নুমিদাং খাইদনা মথৌ তৌদুনা লৈবাক অসিগী প্রজা মীয়ামগী মতেং পাংলিবা মেদিকেল ফিল্দদা লৈরিবা মীওইশিংনা ঙরাং রেকোর্দ ওইনা ভেক্সিন কাপখিবা অসি অচৌবা থবক অমনি৷ মসিদা মীপুম খুদিংমক্না অচৌবা থৌদাং লৌখ্রে৷ ভেক্সিন দোজ কোতি ২.৫ কাপ্পা হায়বসি মখোয়গী অপাম্বা অমদি থৌদাংনি৷

ভেক্সিনগী সিঙ্গল দোজ খুদিংমক্না মীওই অমগী পুন্সি কল্লি হায়বিসি ঐগী থাজবনি৷ অসিগুম্লবা তেল্লবা মতম অসিদা মীওই কোতি ২.৫ হেনবদা ভেক্সিন কাপ্নবা হোৎনখিবা অসিনা অদুক্কী মতিক অপেনবা পোকহল্লি৷ পোক নুমিৎশিং অসি লাক্কনি অদুগা অমুক চৎখিনি অদুবু ঙরাংগী নুমিৎ অসিনা ঐগী থমোই পেলহনখ্রে, নুমিৎ অসি কাওবা ঙমদনা লৈহৌরগনি৷ ঐনা কয়ারক হন্না থাগৎলবসু অপেনবা নাইররোই৷ লৈবাক অসিগী প্রজা খুদিংমক্তা ঐনা ঐগী থমোইদগী অপেনবা অমদি থাগৎপা ফোংদোকচরি৷

ইয়াম্বা-ইনাওশিং অমদি ইচল-ইচেশিং,

ভারতকী ভেক্সিনেসন কেম্পেন্দ অসি হকশেলগী প্রোতেক্তিব শিল্দ অমা খক্তা নত্তে, মসি মীওইবগী পুন্সিগী প্রোতেক্তিব শিল্দ অমসু ওইরি৷ ভেক্সিনগী অহানবা দোজতা হিমাচল প্রদেশনা ভেক্সিন চাদা ১০০ কাপখ্রে, মসিগুম্না গৱা, চান্দিগর অমদি লক্ষদ্বীপসু মফম অদুদা লৈরিবা ভেক্সিন কাপ্পা য়ারবা মীওই পুম্নমক অহানবা দোজ কাপখ্রে৷ সিক্কিমসু অথুবা মতমদা অহানবা দোজ ভেক্সিন ১০০% কাপ্লগনি৷ মসিগী এচিবমেন্ত অসিদগী ইরাপ-লাপ্তনা অন্দামন অমসুং নিকোবর, কেরলা, লদাখ, উত্তরখন্দ, দদরা অমদি নগর হাভেলিসু লৈরে৷

মরুপশিং,

ময়ামদা পন্দ্রবা তারবসু, ভারতনা মহাক্কী ভেক্সিনেসন কেম্পেন্দদা তুরিজম সেক্তরগা মরী লৈনরিবা রাজ্যশিংদা কা-হেন্না প্রোইয়োরিতী পীখ্রে৷ ঐখোয়গী তুরিজম পন্থুংফমশিং অসি অথুবা মতমদা হেংদোকপা অসি য়াম্না মরু ওই৷ হোজিক্তি, চার-ধাম য়ত্রসু উত্তরখন্দদা হাংদোকপা য়ারগনি৷ হোৎনরিবা ময়াম অসিগী মরক্তা, গৱাদা ১০০% ভাক্সিন কাপখিবা অসি য়াম্না স্পিসিয়েল ওই৷

তুরিজম সেক্তর অসি হিংগৎনবা হোৎনবদা গৱানা য়াম্না মরু ওইবা থৌদাং অমা লৌই৷ হোতেল ইন্দস্ত্রীগী মীয়াম, তেক্সি দ্রাইভরশিং, হোকরশিং, দুকানদারশিং অমসুং মীপুম খুদিংমক অসি ভেক্সিন কাপ্পা তারবদি তুরিস্তশিং অসি সেক্যুরিতী অমা লৈরে হায়বগী ৱাখল্লোনদা মফম অসিদা লাক্লগনি৷ হৌজিক্তি, গৱা হায়রিবা মফম অসিদা মীয়াম্না ভেক্সিনগী প্রোতেক্তিব শিল্দ ফংলবা মালেম অসিদা লৈরিবা ইন্তরনেস্নেল তুরিস্ত দেস্তিনেসন খরগী মনুংদা চনখ্রে৷

মরুপশিং,

মফম অসিদা মমাংগী মতমগুম্না তুরিস্ত এক্তিবিতী কয়া অমা পাংথোক্লগনি অমসিং লৈবাক অসিগী অমদি মালেম  অসিগী মফম পুম্নমক্তদগী তুরিস্তশিং মথংগী তুরিজম সিজনদা লাক্লগনি হায়না ঐখোয়না অশা তৌরি৷ ঐখোয়না ভেক্সিন কাপ্লিবা অসিগুম্না কোরোনাদা ঐখোয়না চেকশিন্না মীৎয়েং চংলবা মতম খক্তদা মসি ওইথোক্কনি৷  ঐখোয়না সেফতী অমদি লুবা নাবদা হেন্না-হেন্না মীৎয়েং চংলিঙৈ, মফম অসিদা তুরিস্ত হেন্না-হেন্না লাক্লগনি৷

মরুপশিং,

হন্দক্তা ইকুই কুইদ্রিঙৈদা, মপান লমগী তুরিস্তশিংগী পুক্নিং চিংশিন্নবা কেন্দ্র সরকারনা খোঙথাং কয়া অমা লৌখৎখ্রে৷ ভারত্তা লাক্লিবা তুরিস্ত লাখ ৫দা ভিসা লেম্না পীননবা ৱারেপ্নখ্রে৷ ১০০% গভর্মেন্ত গরেন্তীগা লোইননা ত্রাবেল অমদি তুরিজমগা মরী লৈনরিবা স্তেকহোল্দরশিংদা লুপা লাখ ১০ য়ৌনা লোন পীরি৷ রেজিস্তর তৌরবা তুরিস্ত গাইদশিংদা লুপা লাখ ১ ফাওবগী লোনশিং ফংহনখ্রে৷লৈবাক অসিদা তুরিস্ত সেক্তর অসি চাওখৎনবা কেন্দ্রগী সরকারনা লেপ্প-লৈতনা য়াম্না কন্না হোৎনরি৷

মরুপশিং,

গৱাগী তুরিজম সেক্তরদা হেন্না পুক্নিং চিংশিন্দুনা লৌমীশিং, ঙামীশিং অমদি অতোপ্পা মীওইশিংদা কান্নবা ফংহন্নবগীদমক ইনফ্রাস্ত্রকচর অসি দবল ইঞ্জিন গভর্মেন্তগী দবল পৱার ফংলক্লি৷ গৱাদা মরু ওইনা কন্নেক্তিবিতীগা মরী লৈনবা ইনফ্রাস্ত্রকচরগী থবক লেপ্প-লৈতনা চত্থরক্লি৷ মোপাদা শেমগৎলিবা গ্রীনফিল্দ এয়রপোর্ত অসি লাক্কদৌরিবা থা খরা অসিদা শিজিন্নবা য়ারগনি৷ মসিগী এয়রপোর্ত অসিগা নেস্নেল হাইৱেগা শম্নহন্নবা লুপা কোতি ১২,০০০ থাদদুনা লেন তরুক্কী মোদর্ন হাইৱে অমা শেমগৎলি৷ নেস্নেল হাইৱেজশিং অসি শেম-শাবা খক্তদা, হৌখিবা চহি খরা অসিদা গৱাদা লুপা কোতি লিশিং কয়া থাদখ্রে৷

লাক্কদৌরিবা থা খরা অসিদা শঙ্গাগদৌরিবা ‘জুৱরি ব্রিজ’না অৱাং থংবা গৱাগা খা থংবা গৱাগা শম্নহল্লগনি হায়বসি য়াম্না নুংঙাইবা অমসু ওইরি৷ নখোয়না খঙলিদুঙাই, মসিগী থোং অসিনা পনাজিগা মর্গাউগা শম্নহল্লগনি৷ গৱা লিবরেসন ৱারগী অখন্নবা সেগা অমা ওইরিবা এগ্বাদা ফোর্তসু লৈবাক মীয়ামদা অথুবা মতমদা হাংদোক্লগনি হায়না ঐঙোন্দা খঙহল্লকখ্রে৷

ইয়াম্বা-ইনাওশিং অমদি ইচল-ইচেশিং,

মনোহর পরিকার জিনা থম্লম্বা গৱাগী দিবেলপেমন্ত লিগেসী অসি ঐগী মরুপ দা. প্রমোদ জি অমদি মহাক্কী তীম্না মপুং ফানা কৎথোক্তুনা পুদুনা লাক্লি৷ মনিং-মখা তম্বগী ইতিহাসিক ওইরবা মতম অসিদা মশা-মরোমদোম লেপচবা ঙম্বগী অনৌবা রিসোল্ব অমগা সোইননা লৈবাক অসিনা৩ চংশিল্লকপা মতমদা, গৱানা স্বায়ামপুর্ণ গৱাগী ৱাশক লৌখ্রে৷ অত্মনির্ভর ভারত স্বায়ামপুর্ণ গৱাগী রিজোলুসন অসিগী মখাদা গৱাদা কম্পোনেন্ত ৫০ হেন্না শেম-শাবা হৌখ্রে হায়না ঐঙোন্দা খঙহল্লকখ্রে৷ মসিনা নহাশিংদা অনৌবা থবক্কী খুদোংচাবশিং ফংহনবদা অমদি লৈবাক্কী পান্দমশিং অসি ফংনবা হোৎনবদা গৱানা হকচিন্না লুম্না লৌবগী চাং অদু উৎলি৷

মরুপশিং,

ঙসিদি, গৱা অসি কোবিদ ভেক্সিন কাপ্পদা লুচুংবা অমা খক্তা ওইবতা নত্তনা, দিবেলপমেন্তগী পেরামিতর কয়া অমদা লৈবাক অসিগী লমজিংলিবা রাজ্যশিংগী মরক্তা অমা ওইরি৷ গৱাগী খুঙ্গং অমদি শহরগী মফমশিং অসি ওপন দিফিকেসন ফ্রী মপুং ফানা ওইরক্লি৷ তঙাই ফদনা চংলিবা ইশিং অমদি মৈগী ফিভম অসিগী মতাংদা গৱাদা পেন্নিংঙাই ওইরবা থবকশিংসু পাইখৎলি৷ লৈবাক অসিদা ১০০% মৈ পীবা ঙম্লিবা রাজ্য অসি গৱা খক্তনি৷ তোতিগী ইশিং য়ুমথোং খুদিংদা ফংহন্দুনা গৱানা অঙকপা কয়া অমা তৌখ্রে৷ গৱাগী খুঙ্গংগী মফমশিংদা লৈরিবা য়ুমথোং খুদিংদা তোতিগী ইশিং ফংহন্নবা হোৎনরিবা অসি য়াম্না থাগৎনিংঙাইনি৷ জল জীবন মিসনগী মখাদা, হৌখিবা চহি অনিদা লৈবাক অসিনা পাইপকী ইশিংগী খুদোংচাবা ফংহনখিবা ইমুং অসি হৌজিক ফাওবদা ইমুং কোতি ৫ শুখ্রে৷

ইয়াম্বা-ইনাওশিং অমদি ইচল-ইচেশিং,

কোরোনাগী মতম ফাওবদা অফবা লৈঙাক লৈহন্নবা হোৎনখিবশিং অদু গৱা সরকারনা উৎখ্রে৷ চেলেঞ্জ কয়া অমা থেংনরবসু, কেন্দ্র সরকারনা পীরক্লিবা মতেং পুম্নমক তুহৎপিবা অমতা তৌদনা বেনিফিসরী খুদিংমক্তা গৱা তীমনা ফংহনখ্রে৷ লাইরবশিং, লৌমীশিং অমদি ঙামী পুম্নমক অমতা চিথদনা মতেং পাংনবা হোৎনখি৷ থা কয়া পুকচেল শেংনা গৱাগী লাইরবা ইমুংশিংদা লেম্না রেসন পীরি৷ অসিগুম্না লুরবা মতম অসিদা গ্যাস সিলিন্দরশিং লেম্না ফংহন্দুনা গৱাগী ইচল-ইচে কয়া অমদা মতেং পাংখ্রে৷

গৱাগী লৌমীশিংনা পি.এম. কিসান সম্মন নিধিদগী মখোয় মখোয়গী বেঙ্ক একাউন্তশিংদা লুপা কোতি কয়া হকথেংননা ফংখ্রে৷ কোরোনাগী মতম ফাওবদা, মফম অসিদা লৈরিবা অপিক লৌমীশিংনা মিসন মোদতা কিসান ক্রেদিৎ কার্দশিং ফংখ্রে৷ অদুগীসু মথক্তা, গৱাগী লৌমী অমমদি ঙামি কয়া অমা ইহান হানবা ওইনা কিসান ক্রেদিৎ কার্দকী ফেসিলিতী অসি ফংখ্রে৷ পি.এম. এস.ভি.এ.নিধিগী মখাদা, গৱাগী স্ত্রিত বেন্দরশিংনা লোনশিং ফংলি৷ ইশিং-ইচাওগী মতম ফাওবদা সরকার অসিনা হোৎনরিবা পুম্নমক অসিনা গৱাগী প্রজাশিং অসি অদুক্কী মতিক মতেং পাংখ্রে৷

ইয়াম্বা-ইনাওশিং অমদি ইচল-ইচেশিং,

গৱা অসি পোজিবিলিতী লোইবা-খম্বা নাইদনা লৈরিবা লমদম অমনি৷ গৱা অসি রাজ্য অমা খক্তা নত্তে, ব্রান্দ ইন্দিগী স্ত্রোঙ্গ আইদেন্তিতী অমসু ওইরি৷ অসিগুম্লবা গৱাগী  রোল অসি চাওথোকহনবা অসিনা ঐখোয় পুম্নমক্কী থৌদাং ওইরি৷ ঙসি গৱাদা তৌরিবা অসিগুম্না অফবা থবক তৌবদা মখা শমদবা অসি য়াম্না মরু ওই৷ মতম কুইনগী মতুংদা গৱানা পোলিতিকেল স্তেবিলিতীগী অমদি অফবা লৈঙাক্কী  কান্নবশিং ফংলি৷

মসিগী থৌনা অসিমক্কা লোইননা গৱাগী প্রজানা মখাতানা হোৎনবা ওইরসনু হায়বা মঙ্গোল অসিগা লোইননা, নখোয় পুম্নমক্তা অমুক্কা হন্না থাগৎপা ফোংদোকচরি! প্রমোদ জি অমদি মহাক্কী তীম পুম্নমক থাগৎচরি৷

থাগৎচরি!

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
সেবা অমসুং সমর্পনগী চহি 20 তাক্লিবা ফোতো 20
Explore More
জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে

Popular Speeches

জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে
Capital expenditure of States more than doubles to ₹1.71-lakh crore as of Q2

Media Coverage

Capital expenditure of States more than doubles to ₹1.71-lakh crore as of Q2
...

Nm on the go

Always be the first to hear from the PM. Get the App Now!
...
PM congratulates Himachal Pradesh CM for securing first place in country by administering second dose of covid vaccine
December 06, 2021
Share
 
Comments

The Prime Minister, Shri Narendra Modi has congratulated the Chief Minister of Himachal Pradesh for securing first place in the country by administering the second dose of covid vaccine to the targeted eligible citizens in Himachal Pradesh.

In response to a tweet by the Chief Minister of Himachal Pradesh, Shri Jairam Thakur, the Prime Minister said;

"बहुत-बहुत बधाई @jairamthakurbjp जी। कोविड के खिलाफ लड़ाई में हिमाचलवासियों ने पूरे देश के सामने एक अनुकरणीय उदाहरण पेश किया है। लोगों का यही जज्बा इस लड़ाई में न्यू इंडिया को नई ताकत देगा।"