“অচৌবা হিথাংফম অহুম অমসুং অপীকপা হিথাংফম ১৭ লৈদুনা, তামিল নাদু সমুদ্রগী ললোন-ইতিক্কী মরুওইবা মফম অমা ওইরে”
“ভারতনা মালেমদা তুংকোইনা চৎনবা য়াবা অমসুং মাঙলোমদা য়েংবা চাউখৎ-থৌরাংগী লম্বী তাক্লে”“ইন্নোবেসন অমসুং পুন্না থবক তৌমিন্নবা অসি লৈবাক অসিগী চাউখৎপগী খোঙচৎকী খ্বাইদগী কনবা মপাঙ্গলনি”“গ্লোবেল সপ্লাই চেন্দা ভারত মরুওইবা লৈবাক অমা ওইরে অমসুং লৈবাক অসিগী তৌবা ঙম্বা হেনগৎলকপা অসি ঐখোয়গী শেন্মিৎলোন চাউখৎনবগী য়ুম্ফমনি”মন্ত্রীমন্দলদা লৈরিবা ঐহাক্কী মরূপ সর্বানন্দ সোনোৱাল জী, শান্তনু থাকুরজী, তুত্তুকুকুরি পোর্তকী ওফিসিএল-কর্মচারি অমসুং অতৈ মীওই অমদি ইবেম্মা অমসুং ইবুংঙোশিং!
ঙসি অসি চাউখৎলবা ভারতকী খোঙচৎকী মরুওইবা তাঙ্কক অমনি। অনৌবা তুতুক্কুদি ইন্তর্নেস্নেল কন্তেনর তর্মিনেল অসি ভারতকী মেরিন ইনফ্রাস্ত্রকচরগী অনৌবা স্তার অমনি। অনৌবা তর্মিনেল অসিদগী ভি.ও. চিদাম্বর-নর পোর্তকী শক্তিসু পাকথোক চাউথোকহল্লগনি। মীতর ১৪ হেন্না শাংবা দ্রাফ্ট... মীতর ৩০০ হেন্না শাংবা অনৌবা তর্মিনেল... পোর্ত অসিগী কেপাসিতী হেনগৎহনবদা মরু ওইবা থৌদাং লৌগনি। মসিনা ভি.ও.সি. পোর্ততা লোজিস্তিক্সকী শেনফম হন্থহল্লগনি অমসুং ভারতকী ফোরেন এক্সচেঞ্জসু কনবা ঙম্লগনি। মসিগীদমক্তা ঐহাক্না অদোম পুম্নমকপু, তামিল নাদুগী মীয়াম্বু য়াম্না-য়াম্না নুংঙাইবা ফোংদোকচরি।
ঐহাক্না নীংশিংলি... চহি অনিগী মমাংদা, ঐনা ভি.ও.সি. পোর্ত অসিগা মরী লৈনবা প্রোজেক্ত কয়া অমা হৌদোকপগী তাঞ্জা ফংখি। পোর্ত অসিগী কার্গো হেন্দলিং কেপাসিতী হেনগৎহন্নবা থবক কয়া অমা হৌদোকখি। চহি অসিগী ফেব্রুৱারী থাদা, ঐহাক তুত্তুক্কুদিদা লাকপা মতমদা... মতম অদুদসু পোর্তকা মরী লৈনবা থবক কয়া অমা হৌদোকখি। ঙসিদি থবকশিং অসি য়াম্না থুনা লোইশিল্লকপা উবদা ঐহাক্কী নুংঙাইবা অদু শরুক অনি ওইখ্রে। অনৌবা তর্মিনেল অসিদা থবক তৌরিবা মীওইশিংগী চাদা ৪০ নুপীশিং ওইগনি হায়নসু ঐহাক্না নুংঙাইবা ফাওই। মসিনা তাক্লিবদি তর্মিনেল অসিনা মেরিতাইম সেক্তরদা নুপীশিংনা লুচিংদুনা চাউখৎপগী খুদম অমা ওইগনি।
মরুপশিং,
লৈবাক অসিগী শেন্মিৎলোন চাউখৎহনবদা তামিল নাদুগী সমুদ্র তুরেলশিংনা মরু ওইবা থৌদাং লৌরি। মফম অসিগী পোর্ত ইনফ্রাস্ত্রকচরদা মরুওইবা পোর্ত অহুম অমসুং মরুওইবা নত্তবা পোর্ত তরা তরেৎ য়াওরি। মসিগী শক্তি অসিনা মরম ওইদুনা ঙসি তামিল নাদু অসি মেরিতাইম ত্রেদ নেতৱর্ককী য়াম্না চাউবা হাব অমা ওইরে। ঐখোয়না পোর্ত-লেদ দিবেলপমেন্তকী মিসন অসি খুমাং চাউশিলহন্নবা আউতর হার্বর কন্তেনর তর্মিনেল অমা শেমগৎলি। মসিদা লুপা কোতি লিশিং তরেৎ হেন্না ইনভেস্তমেন্ত তৌরি। ঐখোয়না ভি.ও.সি. পোর্তকী কেপাসিতীসু লেপ্তনা হেনগৎলক্লি। হায়বদি, ভি.ও.সি. পোর্ত অসি লৈবাক অসিগী সমুদ্রিক দিবেলপমেন্তকী অনৌবা চেপ্তর অমা ইনবা শেম শারি।
মরুপশিং,
ঙসি ভারতকী মেরিতাইম মিসন অসি ইনফ্রাস্ত্রকচর দিবেলপমেন্ত খক্তদা অকক্নবা ওইদ্রে। ভারতনা ঙসি মালেমদা তুং কোইনা চৎকদবা অমসুং মাংলোমদা চংশিনবা চাউখৎপগী লম্বী তাক্লি। মসিসু ঐখোয়গী ভি.ও.সি. পোর্ত অসিদা ময়েক শেংনা উবা ফংই। পোর্ত অসি গ্রীন হাইদ্রোজেন হব অমসুং ওফশোর ৱিন্দগী নোদেল পোর্ত অমা ওইনা খঙনরি। ঙসি মালেম অসিনা অইং-অশা হোংলকপগী শিংনবশিং অসি থেংনবদা ঐখোয়গী থৌরাং অসিনা য়াম্না কান্নগনি।
মরুপশিং,
ভারতকী চাউখৎ-থৌরাংগী খোঙচৎতা অনৌবা পুথোকপা অমসুং পুন্না থবক তৌমিন্নবা অসি ঐখোয়গী খ্বাইদগী চাউবা শক্তিনি। ঙসি উরেপ-উয়ুং তম্লিবা অনৌবা তর্মিনেল অসি ঐখোয়গী শক্তিগী খুদম অমনি। ঐখোয় পুন্না হোৎনমিন্নদুনা মরী লৈনরবা ভারত অমা শেমগৎনবা হোৎনরি। ঙসিদি লৈবাক অসিগী মফম খুদিংদা লম্বী, হাইৱেজ, ৱাতরৱেজ অমসুং এয়রৱেজ শন্দোক্তুনা কনেক্তিবিতী হেঙ্গৎলক্লি। মসিনা মালেমগী ললোন-ইতিক্তা ভারতনা মশাগী থাক অদু য়াম্না মপাঙ্গল কনখৎহল্লে। ঙসি ভারত অসি গ্লোবেল সপ্লাই চেনগীসু অচৌবা স্তেকহোল্দর অমা ওইরক্লি। ভারতকী হেনগৎলক্লিবা শক্তি অসি ঐখোয়গী শেন্মিৎলোনগী চাউখৎপগী য়ুম্ফম্নি। অসিগুম্বা শক্তি অসিনা ভারতপু মালেমগী খ্বাইদগী চাউবা ইকোনোমীগী অহুমশুবা মফম ওইহনগনি। তামিল নাদুনা ভারতকী শক্তি অসিবু মখা তানা হেনগৎহনবদা ঐহাক নুংঙাইবা ফাওই। অদোম পুম্নমকপু অমুক্কা হন্না ভি.ও.সি. পোর্তকী অনৌবা তর্মিনেলগীদমক্তা হন্না-হন্না নুংঙাইবা ফোংদোকচরি। থাগৎচরি। ৱানক্কম।
