Share
 
Comments
Lays foundation stone of 1406 projects worth more than Rs 80,000 crores
“Only our democratic India has the power to meet the parameters of a trustworthy partner that the world is looking for today”
“Today the world is looking at India's potential as well as appreciating its performance”
“We have laid emphasis on policy stability, coordination and ease of doing business in the last 8 years”
“For faster growth of Uttar Pradesh, our double engine government is working together on infrastructure, investment and manufacturing”
“As a MP from the state, I have felt the capability and potential in the administration and government of the state that the country expects from them”
“We are with development by policy, decisions and intention”

উত্তর প্রদেশকী মীয়াম্না য়াবা মুখ্য মন্ত্রী, শ্রীমান য়োগি অদিত্যনাথজী, লক্ষনৌগী এম.পি. অমসুং ঐহাক্কী মন্ত্রী মন্দলগী সেনিয়র ওইরবা মরুপ্লোই, শ্রীমান রাজনাথ সিংহজী, কেন্দ্র মন্ত্রী মন্দলদা লৈবা ঐহাক্কী অতোপ্পা মরুপ, য়ু.পি.গী হান্নগী মুখ্য মন্ত্রী, রাজ্য সরকারগী মন্ত্রী ময়াম, বিধান সভা অমসুং বিধান পরিশদকী স্পীকর সর, মফমসিদা লাকপীরিবা ইন্দস্ত্রী মালেমগী মরুপ অমসুং অতোপ্পা মীথুংলেন, ইবুংঙো অমসুং ইবেম্মশিং!

ঐহাক্না খ্বাইদগী অহানবদা উত্তর প্রদেশকী এম.পি. অমসুং কাশগীগী এম.পি. অমা ওইনা ইনভেস্তরশিংবু তরাম্না ওকচরি। ঐহাক্না মখোয়বু থাগৎলিবা অসিদি মখোয়না উত্তর প্রদেশকী নহাগী পাঙ্গলদা থাজবা থম্বগীনি। উত্তর প্রদেশকী নহাগী শক্তিদা মশাগী মঙলান অমসুং ৱারেপ কয়াবু মঙফাওনহন্দুনা অনৌবা শক্তিগা লোয়ননা অৱাংবা থাক্তা পুখৎপা ঙম্বগী মতিক লৈ। অদোমসু ইশাগী পান্দম পুদুনা লাকপীয়ু, উত্তর প্রদেশকী নহা শক্তিগী থবক তৌবা ঙম্বগী মতিক, পুক্নিং চঙবা, হোৎনবা কনবা অমসুং লৌশিং লৈবনা অদোমগী পান্দম শোইদনা ফংহনগনি। মসি ঐহাক্না অদোমগী মফমদা থাজবা পীরি।

ঐহাক কাশীগী এম.পি.নি, অদুনা, এম.পি. অমা ওইনা কাশীবু পামজবা, নুংঙাইবা ফাওবগী থৌওং থাদোকপা য়াদে, অদোমসু য়াম্না চিনবা ঙাক্তনি, ঐহাক্না তসেংনা পাম্বদি অদোম্না মতম কাইথোকপীদুনা কাশী য়েংবা শোইদনা চৎপীয়ু। কাশী য়াম্না হোংলবনি। মশাগী অরিবা শক্তম ঙাক্না ঙাক্না মতমগা চুনবা মওংদা শক্তাক শেম্বা ঙম্বা মালেমগী শহর অমনি, মসিনা উত্তর প্রদেশকী পাঙ্গলগী অহিংবা খুদম্নি।

মরূপশিং,

য়ু.পি.দা লুপা করোর লিশিং ৮০দগী হেনবা শেনফম ইনভেস্ত তৌবগা মরী লৈনবা ৱারী ঙসি মফমসিদা শানরি। অসিগুম্বা রেকোর্দ ওইরবা ইনভেস্তমেন্ত অসিনা য়ু.পি.দা থবক লিশিং কয়াগী খুদোংচাবা পীগনি। মসিনা ভারতকা লোয়ননা উত্তর প্রদেশকী চাউখৎপগী ৱারীদা থাজবা হেনগৎনরক্লিবা অসিগী মমি তারি। ঙসিগী থৌরম অসিদা য়ু.পি.গী নহারোলশিংবু ঐহাক্না অখন্ননা থাগৎচনীংই, মসিগী মরমদি, পুম্নমক অসিদগী খ্বাইদগী য়াম্না কান্নবা ফংগদৌরিবা অসিদি য়ু.পি.গী নহারোল নুপা নুপী, ঐখোয়গী হৌরক্লিবা চারোন শুরোন্না ওইগনি।

মরূপশিং,

হৌজিক্কী মতমসিদি নীংতম্বগী চহি ৭৫ মপুং ফাবগী নুংঙাইবা পাংথোকপা মতম্নি। নীংতম্বগী অমৃত মহোৎসব ঐখোয়না পাংথোক্লি। মতম অসিনা মথংগী চহি ২৫গী অমৃত কাল, অনৌবা ৱারেপ, অনৌবা পান্দম শেম্নবা অমসুং সবকা প্রয়াসকী মন্ত্রগা লোয়ননা পান্দমশিংগী মহৈ য়ালহন্নবা মীয়াম পুন্না হোৎনবগী অমৃত কালগী মতম্নি। ঙসি মালেমদা ওইরিবা খুদোংচাদবা কয়ানা ঐখোয়গী চাউরবা খুদোংচাবা কয়াসু পুদুনা লাক্লি। মালেম্না ঙসি পাম্লিবা থাজবা য়াবা খোঙলোই অমা ওইবগী তঙাই ফদবা হীরমশিং য়ৌবা ঙম্বগী মতিক গনতন্ত্রা চৎপা ঐখোয়গী ভারত খক্তদা লৈ। মালেম্না ঙসিদি ভারতকী তৌবা ঙম্বগী মতিক য়েংবতা নত্তনা থবক পাংথোকপগী মতৌবুসু থাগৎলি।

কোরোনাগী মতমদসু ভারতনা লেপ্তুনা লৈখিদে, মদুগী মহুত্তা ইশাগী রিফোর্মগী খোঙজেল হেন্না য়াঙখৎহন্দুনা মখা তানা চত্থখি। মসিগী মহৈদি ঐখোয়না ঙসি উরি। ঐখোয়না জি.২০ শেন্মিৎলোন মরক্তগী খ্বাইদগী খোঙজেল য়াঙনা শাহৌ লৌবা ওইরি অমসুং গ্লোবেল রিতেল ইন্দেক্সতা অনিশুবা ফমদা হৌজিক লৈরি। ভারতনা ইনর্জী শিজিন্নবদা মালেমগী খ্বাইদগী অহুমশুবা চাউবা লৈবাক ওইরি। মালেমগী লৈবাক ১০০ হেনবদগী বিলিয়ন $৮৪গী রেকোর্দ ওইরবা এফ.দি.আই. মমাংগী চহিদা লাকখি। ভারতনা মমাংগী শেনবা চহিদা বিলিয়ন $৪১৭, হায়বদি, লুপা করোর লাখ ৩০ হেনবগী শেনফমগী পোত্থোক মীরমদা থাদোক্তুনা অনৌবা রেকোর্দ থমখি।

মরূপশিং,

ঐখোয়না লৈবাক অমা ওইনা ঐখোয়গী হোৎনবগী থৌওংশিং হেনগৎহনবগী মতম্নি। ঐখয়না ইশাগী ৱারেপশিংবু চহি অমা নত্ত্রগা চহি ৫দা অকক্ননা থম্লোইদবা মতম অমনি। ভারত্তা মপাঙ্গল লৈবা মেন্যুফেকচরিং ইকোসীস্তেম, মপাঙ্গল লৈবা, দাইবর্স ওইবা সপ্লাই অমা শেম্নবা মীওই খুদিংনা থৌদাং য়াবগী তঙাই ফদবা হৌজিক লৈরে। সরকারনা মখোয়গী মাইকৈদগী লেপ্পা লৈতনা

কেন্দ্রদা এন.দি.এ. সরকারনা চহি ৮ হন্দক্তা ইকুই কুইদনা মপুং ফাখ্রে। হৌজিক্তা য়োগিজীনা হায়বীখিবগুম্না, ঐখোয়না চহিশিং অসিদা রিফোর্ম-পরফোর্ম-ত্রান্সফোর্মগী মন্ত্রগা লোয়ননা তুংলমচৎকীদমক্তা খোঙদাখি। ঐখোয়না থৌশিল-থৌরাংনা তংদু লৈতাবা, তেংবাংনদুনা থবক তৌমিন্নবা অমসুং কারবার তৌবদা লাইথোকহনগী হীরমদা মমাংগী চহি ৮দগী মিৎয়েং চঙখি। মমাংগী চহিশিংদা ঐখোয়না কমপ্লাইএন্স লিশিং কয়া মুত্থৎখি। ঐখোয়না ঐখোয়গী রিফোর্মশিংগা লোয়ননা ভারতপু লৈবাক অমা ওইনা মপাঙ্গল লৈহন্নবা হোৎনখি। ৱান নেসন- ৱান তেক্স জি.এস.তি., ৱান নেসন – ৱান গ্রিদ, ৱান নেসন – ৱান মোবিলিতী কার্দ, ৱান নেসন – ৱান রাসন কার্দ। অসিগুম্বা হোৎনরিবা কয়াদা ঐখোয়গী মপুং ওইবা অমসুং অশেংবা থৌশিল থৌরাংগী মমি তারি।

য়ু.পি.দা দবল ইঞ্জিন সরকার হেক লাকখিবদগী, য়ু.পি.না হায়রিবা মাইকৈ অসিদা খোঙজেল য়াঙনা চঙশিনবা হৌখি। অখন্নবা ওইনা, য়ু.পি.দা লো অমসুং ওর্দরগী ফিভম হেন্না ফগৎলক্লিবা অসিনা কারবারগী খুন্নাইগী থাজবা হেনগৎহল্লে, কারবার তৌবগী চুনবা ফিভম অমা লৈরে। মমাংগী চহিশিংদা মফমসিগী লৈঙাকপগী পথাপ্পু হেন্না ফগৎহল্লে। মরম অদুনা মীয়াম্না ঙসিদি য়োগিজীগী সরকারদা থাজবা লৈরে। অদুগা ইন্দস্ত্রীগী মালেমগী মীওইশিংসু মখোয়গী এক্সপেরিএন্সকী মতুং ইন্না উত্তর প্রদেশপু থাগৎনরি।

ঐহাক্না এম.পি. অমা ওইনা থেংনখিবশিং হায়জগে। ঐখোয়না উত্তর প্রদেশকী লৈঙাকপগী থৌওংবু য়াম্না কুপ্না অমুক্তা য়েংখিদে। মুখ্য মন্ত্রীশিংগী মীফমদা লাকখিবা মীওইশিংনা থবক-থৌরম পাংথোকপগী মতাংদা খন্নবা ৱাফমশিং তোঙানবা মখলগী ওইরম্মি। অদুবু, ঐহাক্না এম.পি. ওইনা মফমসিদা থবক তৌবা হৌরকপদা ঐহাক্কী থাজবা য়াম্না হেনগৎলে। উত্তর প্রদেশকী ব্যুরোক্রেত অমসুং লৈঙাক্লোইশিংদা লৈবাক্না হেক পাম্বা মপাঙ্গল অদুমক লৈ।

ইন্দস্ত্রীগী মীওইশিংনা হায়বা পুম্নমক ঐহাক্না এম.পি. অমা ওইনা মখোয়গী অসিগুম্বা পাঙ্গল অসি থেংনরে। মরম অদুনা, মফমসিগী সরকারগী ব্যুরোক্রেত অমসুং অতোপ্পা অপীকপা অচৌবা মীওইশিংগী অপাম্বা অমা লৈরক্লিবা অসিবু ঐহাক্না তসেংনা থাগৎলি, ইকায় খুম্নরি।

মরূপশিং, ঙসিদি য়ু.পি.গী মীয়াম্না চহি ৩৭কী মতুংদা সরকার অমবু অমুক হন্না পুরক্তুনা ঐখোয়গী সেবকশিংদা থৌদাং অমা শীন্নরবনি।

মরূপশিং,

উত্তর প্রদেশনা লৈবাক্কী অপুনবা মীশিংগী শরুক মঙা নত্ত্রগা তরুক থোকপগী অমগী ময়ুম ওইরিবনি। মসিনা হায়বদি, য়ু.পি.গী মীওই অমগী তৌবা ঙম্বগা ভারতকী তরুকশুবা মীওইগী তৌবা ঙম্বগা মান্নৈ হায়বনি। ২১শুবা চহি-চাদা ভারতকী মায় পাকপগী ৱারীদা অহেনবা খোঙজেল হাপকদবসি য়ু.পি.না ওইগনি হায়না ঐহাক্না থাজৈ। হৌজিক্কী চহি ১০দা অদোম্না য়েংবীরো, উত্তর প্রদেশ অমনা হিন্দুস্তানগী অচৌবা দ্রাইবিং ফোর্স অমা ওইদৌরবনি। মসিগী চহি ১০ অসিদা অদোম্না পুম্নমক শেংনা উরগনি।

শুবা-নোম্বা কনবা মীওই লৈরবা, লৈবাক্কী অপুনবা মীশিংগী ১৬%দগী হেন্না কঞ্জ্যুমর বেজ লৈরবা, মীওই লাখ ৫দগী হেন্না লৈবা শহর দজন অমদগী হেন্না লৈরবা, জিলা খুদিংগী মশাগী অখন্নবা পোত্থোক পুথোক্লবা, এম.এস.এম.ই. মশিং য়াম্না লৈরবা, স্মোল স্কেল ইন্দস্ত্রী ওইরো, চহিগী কুমজা খুদিংগী তোঙান-তোঙানবা লৌউ-শিংউগী পোত্থোক পুথোক্লবা, গঙ্গা, য়মুনা, সরয়ু য়াওনা তুরেল কয়াগী থৌজাল ফংবা ওইরো, অসিগুম্বা ফিভম অসিদা য়ু.পি.না চাউখৎপবু কনানা থিংবা ঙমগনি?

মরূপশিং,

হন্দক্কী ভারতকী খ্বাইদগী নৌবা বজেত্তা, গঙ্গা তুরেলগী তোর্বান নাকল অনিমক্তা কেমিকেল শিজিন্নদবা, নেচরেল ফার্মিংগী কিলোমিতর ৫ শাংবা কোরিদোর অমা লাউথোকখিবা লৈরে। দিফেন্স কোরিদোরগী মতাংদা মীয়াম্না ঙাঙনৈ, অদুবু অসিগুম্বা কোরিদোরগী মতাংদা কনা অমত্তনা ঙাঙনদে। য়ু.পি.দা গঙ্গা তুরেলনা কিলোমিতর ১১০০ শাংনা চেল্লি অমসুং মফমসিগী জিলা ২৫দগী ৩০ ফাওদুনা চেল্লি। য়ু.পি.দা নেচরেল ফার্মিংগী খুদোংচাবা কয়া য়াম্না লৈরক্কনি হায়বা অদোম্না নোংমতা খল্লুবরা? য়ু.পি. সরকারনা চহি খরগী মমাংদা ফুদ প্রোসেসিংগী কাংলোন লাউথোকখ্রবনি। কোর্পোরেত মালেম অমসুং ঙসি মফমসিদা লৈরিবা ইন্দস্ত্রী মালেমগী মীয়ামগী মফমদা ঐহাক্না করিগুম্বা অমা হায়জনীংই। হৌজিক্কী মতমসিদি লৌউ-শিংউদা ইনভেস্ত তৌবগী খ্বাইদগী অফবা মতম্নি।

মরূপশিং,

উত্তর প্রদেশনা য়াঙনা চাউখৎনবগীদমক্তা, ইনফ্রাস্ত্রকচর, ইনভেস্তমেন্ত অমসুং মেন্যুফেকচরিংদা ঐখোয়গী দবল ইঞ্জিন সরকারনা পুন্না থবক তৌমিন্নরি। হন্দক্কী চহিগী বজেত্তা, মমাংদা হান্না তৌখিদবগুম্না, লুপা করোর লাখ ৭.৫০বু কেপিতেল এক্সপেন্দিচরগীদমক্তা কাইথোকপা অসিনা মাইকৈ অসিদা পায়খৎপা খোঙথাং অমনি। মেন্যুফেকচরিং খুমাং চাউশিলহন্নবগীদমক্তা ঐখোয়না পি.এল.আই. স্কিম লাউথোকখ্রে, মসিগী কান্নবসি অদোম্না য়ু.পি. অসিদা ফংগনি।

য়ু.পি.দা শেমগৎলিবা দিফেন্স কোরিদোরনা অদোমগী খুদোংচাবা কয়া পুদুনা লাক্লি। ভারত্তা ঙসি দিফেন্স মেন্যুফেকচরিংদা অহেনবা মিৎয়েং কয়া চঙলিবসি মমাংগী মতমদা তৌরম্বা নত্তে। আত্মানির্ভর ভারত অভিয়ানগী মখাদা ঐখোয়না থৌনা য়াম্না পুথোক্তুনা ৱারেপ অসি লৌবনি। ঐখোয়না পোত্থোক ৩০০ মশক খঙদোক্লে, অমসুং হায়রিবশিং অসি মীরমদগী লৈররোই। মখোয়শিং অসি মিলিতরীগী খুৎলাইগা মরী লৈনবা পোত্থোক ৩০০নি, মসিনা হায়বদি, দিফেন্স সেক্তরগী মেন্যুফেকচরিংদা লাকপীনীংবা মীওই খুদিংগীদমক্তা হায়রিবা পোত্থোক ৩০০ অসিগী শোইদবা মার্কেত লৈরবনি। মসিনা অদোমদা কান্নবা য়াম্না পীগনি।

মরূপশিং,

ঐখোয়না মেন্যুফেকচরিং অমসুং ত্রান্সপোর্তকুম্বা নাৎকী কারবারগী দিমান্দ থেংনবা ঙম্নবগীদমক্তা ফিজিকেল ইনফ্রাস্ত্রকচরশিংবু মতমগা চুনহন্নবা কন্না হোৎনরি। য়ু.পি.দা মতমগা চুনবা পাৱর গ্রিদ লৈনবা, গ্যাস পাইপ্লাইন লৈনবা, নত্ত্রগা মলতিমোদেল কন্নেক্তিবিতী লৈহন্নবা, ২১শুবা চহি-চাগী তঙাই ফদবগী মখা পোন্না ঐখোয়না থবক তৌরি। ঙসি য়ু.পি.দা কিলোমিতর কয়াগী এক্সপ্রেসৱেদা থবক পায়খৎলিবা, মসিনা মশামক্কী রেকোর্দ অমা ওইরবনি।  মতমগা চুনবা এক্সপ্রেসৱেগী মপাঙ্গল লৈবা নেতৱর্ক্না উত্তর প্রদেশকী শেন্মিৎলোনগী মফম খুদিংবু অমগা অমগা শম্নহনগনি।

য়ু.পি.গী শক্তাক অসি মতমগা চুনবা রেলৱে ইনফ্রাস্ত্রকচর লৈবা হায়না অথুবা মতমদা ওইরগনি। ইস্তর্ন অমসুং ৱেস্তর্ন  দেদিকেতেদ ফ্রৈত কোরিদোরনা য়ু.পি.দা পুন্দোরবনি। জেৱর য়াওনা য়ু.পি.গী ইন্তর্নেস্নেল এয়রপোর্ত মঙানা মফমসিগী ইন্তর্নেস্নেল কন্নেক্তিবিতীবু হেন্না মপাঙ্গল লৈহল্লগনি। গ্রেতর নোইদা নত্ত্রগা ভরানসীগী মফম ওইরো, মফমশিং অসিদা মলতি মোদেল লোজিস্তিক্স ত্রান্সপোর্ত হব অমসু শারবনি। ইন্দস্ত্রীএল স্ত্রেতজীগী মিৎয়েংদগী অমসুং লোজিস্তিক্সকী মিৎয়েংদগী য়েংবা মতমদা, য়ু.পি.সু লৈবাক্কী মতমগা খ্বাইদগী চুনবা ইনফ্রাস্ত্রকচর লৈবা রাজ্যশিংগী মনুং চনবা হৌরবনি। য়ু.পি.দা হেনগৎলক্লিবা মসিগুম্বা কন্নেক্তিবিতী অমসুং ইনভেস্তমেন্ত কয়ানা য়ু.পি.গী নহারোলশিংগী অনৌবা খুদোংচাবা কয়া পুদুনা লাক্লিবনি।

মরূপশিং,

মতমগা চুনবা ইনফ্রাস্ত্রকচর শেমগৎপদা খোঙজেল লৈনবা হায়দুনা ঐখোয়গী সরকারনা পি.এম. গতিশক্তি নেস্নেল মাস্তর প্লান শেমখি। মসিদি, প্রাইভেত সেক্তরনা কারবারগা মরী লৈনবা লুপ খুদিংবু প্লেতফোর্ম অমদা পুন্সিনবগা লোয়ননা পি.এম. গতিশক্তি স্কিম্না কেন্দ্র সরকার, রাজ্য সরলার, তোঙান-তোঙানবা বিভাগ, এজেন্সী, মসিদা নত্তনা, লোকেলগী খুন্নাইগী লুপ পুম্নমকপু অমত্তা ওইনা পুন্সিন্দুনা মরী লৈনহনগনি। প্লেতফোর্ম অসিগী মতেংদগী প্রোজেক্ত অমা হেক্তগা মরী লৈনবা স্তেকহোলদর খুদিংনা ই-পাউ কয়া রিএল তাইমদা ফংগনি। ইশা-ইশাগী শরুক্কী থবকশিং করম্বা মতমদা লোইশিনগনি হায়বগী থৌরাং কয়া মখোয়না মতম চানা য়াৎপা ঙমগনি। লৈবাক অসিদা প্রোজেক্তশিংনা মতম চানা লোইশিনবগী চৎনবী অমা হৌখিবা চহি খরদগী লৈবা হৌরক্লিবা অসিবু মসিনা অমুক্কা হেন্না খুমাং চাউশিলহনগনি।

মরূপশিং,

ভারতনা হৌখিবা চহিশিংদা খোঙজেল য়াঙনা হোৎনখিবা থবকশিংগী খুদম অমদি ঐখোয়গী দিজিতেলগী ইহৌ অসিনি। ইং ২০১৪দা লৈবাক অসিদা ব্রোদবেন্দ সবস্ক্রাইবর করোর ৬ খক লৈরম্মি। ঙসিদি, মশিং অসিনা করোর ৭৮ হেল্লে। দেতাগী জি.বি. অমনা ইং ২০১৪দা লুপা ২০০ পীরম্মি। ঙসিদি, মমল অসিনা লুপা ১১-১২দা হন্থরে। ভারত অসি দেতা য়াম্না হোংবা লৈবাক অমা ওইরে। ইং ২০১৪দা লৈবাক অসিদা কিলোমিতর লাখ ১১গী ওপ্তিকেল ফাইবর লৈরম্মি। ঙসিদি মসিনা কিলোমিতর লাখ ২৮ হেনখ্রে।

ইং ২০১৪দা, ওপ্তিকেল ফাইবর শম্বা লৈবাক্কী গ্রাম পঞ্চায়ত মশিংনা ১০০ য়ৌরমদে। ঙসিদি, ওপ্তিকেল ফাইবর শম্বা লৈবাক্কী গ্রাম পঞ্চায়ত মশিং অসি লাখ অনি মখাই হেল্লে। ইং ২০১৪দা লৈবাক অসিদা কম্মন সর্ভিস সেন্তর চাউরাক্না লিশিং ৯০ লৈরম্মি। ঙসিদি লাখ ৪ হেন্না লৈরে। মালেমগী অপুনবা দিজিতেল ত্রাঞ্জেক্সনগী চাউরাকপা ৪০%দি ভারত্তা পাংথোক্লি, মালেমগী ৪০%। হিন্দুস্তানী অমা হেক্তনা মসিদা চাউথোকচগনি। ভারতকী মীয়ামদি লাইরিক হৈতে হায়নরম্বদো, মখোয়না অঙকপা থবক তৌদুনা উৎলে।

ঐখোয়না মমাংগী চহি ৮দা দিজিতেল ইহৌ অমগীদমক্তা য়ুম্বী মপাঙ্গল কলহনখিবা অদুগী মহৈনা ঙসিদি তোঙান-তোঙানবা সেক্তরশিংদা অসুক য়াম্লবা খুদোংচাবা লৈহনবা ঙম্লিবনি। মসিগী চাউরবা মহৈদি ঐখোয়গী নহাশিংদা পীগনি। ইং ২০১৪গী মমাংদা, ঐখোয়গী লৈবাক অসিদা শুপ্নগী স্তার্ত-অপ চাম্মা খরতমক লৈরম্মি। ঙসিদি, লৈবাক অসিদা লৈবা রেজিস্তর তৌরবা স্তার্ত-অপ মশিংনা চাউরাক্না লিশিং ৭০ য়ৌরে। ভারতনা, হন্দক্তসু, য়ুনিকোর্ন ১০০ পুথোকখ্রে। ঐখোয়না অনৌবা শেন্মিৎলোন অসিগী অপাম্বা পীবা ঙম্নবগীদমক্তা দিজিতেল ইনফ্রাস্ত্রকচরবু মপাঙ্গল কনখৎহনখিবা অসিনা অদোম্না খুদোংচাবা কয়া ফংলগনি।

মরূপশিং,

য়ু.পি.গী চাউখৎ-থৌরাং, আত্মানির্ভর ভারত অমা শেম্নবা, সেক্তর অমা হেক্তদা রিফোর্মগী তঙাই ফদবা লৈরকপা মতমদা ঐখোয়না রিফোর্ম শোইদনা পাংথোক্কনি হায়না অদোমগী মফমদা থাজবা পীরি। ঐখোয়না থৌশিল-থৌরাং, ৱারেপ লৌবা অমসুং করিগুম্বা অমা পাংথোক্কে হায়বগী অনীংবগা লোয়ননা চাউখৎপগী মাইকৈদা লৈরি।

ঐখোয়না অদোমগী থবক খুদিংদা অদোমগীদমক্তা লৈগনি অমসুং লম্বী অসিগী থাক খুদিংদা ঐখোয়না তেংবাংগনি। । অদোম্না উত্তর প্রদেশকী চাউখৎপগী খোঙজেলদা থৱাই য়াওনা শরুক য়াবীরি। উত্তর প্রদেশকী তুংগী মতম্না চাউখৎপনা অদোমগী পুন্সিদসু চাউখৎপা লৈগনি। মসিদি অনিমক মায় পাক্নগদবা ফিভম্নি। মসিগী ইনভেস্তমেন্ত অসিনা মীয়াম পুম্নমক্কী কান্নবা খক্তা ওইগনি।

ঐহাক্না ইতি শুভম হায়রদুনা অদোম খুদিংগী মফমদা য়াইফ পাউজেল পীজরি।

থাগৎচরি!

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
PM Modi shares pics from drone show over Sabarmati riverfront ahead of 36th National Games

Media Coverage

PM Modi shares pics from drone show over Sabarmati riverfront ahead of 36th National Games
...

Nm on the go

Always be the first to hear from the PM. Get the App Now!
...
PM flags off new Vande Bharat Express between Gandhinagar and Mumbai at Gandhinagar Station in Gujarat
September 30, 2022
Share
 
Comments

The Prime Minister, Shri Narendra Modi flagged off Gandhinagar- Mumbai Vande Bharat Express at Gandhinagar station and travelled on the train from there to Kalupur Railway Station today.

When he arrived at Gandhinagar station, the Prime Minister was accompanied by Chief Minister of Gujarat, Shri Bhupendra Patel, Governor of Gujarat, Shri Acharya Devvrat, Union Minister of Railways, Shri Ashvini Vaishnav, and Union Minister of Housing and Urban Affairs, Shri Hardeep Singh Puri. The Prime Minister inspected the train coaches of the Vande Bharat Express 2.0 and took stock of the onboard facilities. Shri Modi also inspected the control centre of the locomotive engine of Vande Bharat Express 2.0.

The Prime Minister then flagged off the new & upgraded version of Vande Bharat Express between Gandhinagar and Mumbai and travelled on the train from there to Kalupur Railway Station. The Prime Minister also interacted with his co-passengers including those from the family members of Railways staff, women entrepreneurs and researchers and youngsters. He also interacted with workers, engineers and other staff who toiled to make Vande Bharat trains a shining success.

Vande Bharat Express 2.0 between Gandhinagar and Mumbai is going to be a game changer and will boost connectivity between the two business hubs of India. It will enable business owners from Gujarat to travel to Mumbai and vice versa without bearing the brunt of high-cost airline tickets while availing facilities that are available on air. One-way travel time of Vande Bharat Express 2.0 from Gandhinagar to Mumbai is estimated at around 6-7 hours.

The Vande Bharat Express 2.0 offers a myriad of superior and aircraft-like travelling experiences. It is equipped with advanced state-of-the-art safety features including an indigenously developed Train Collision Avoidance System - KAVACH.

Vande Bharat 2.0 will be equipped with more advancements and improved features such as reaching the speed of 0 to 100 kilometres per hour in just 52 seconds, and a maximum speed up to 180 kilometres per hour. The improved Vande Bharat Express will weigh 392 tons when compared to the previous version of 430 tons. It will also have a Wi-Fi content on-demand facility. Every coach is equipped with 32” screens providing passenger information and infotainment compared to 24” in the previous version. Vande Bharat Express is also going to be environment friendly as the ACs will be 15 per cent more energy efficient. With dust-free clean air cooling of the traction motor, the travel will become more comfortable. Side recliner seat facility which was provided only to Executive Class passengers earlier will now be made available for all classes. Executive Coaches have the added feature of 180-degree rotating seats

In the new design of Vande Bharat Express, a photo-catalytic ultraviolet air purification system is installed in the Roof-Mounted Package Unit (RMPU) for air purification. As recommended by Central Scientific Instruments Organisation (CSIO), Chandigarh, this system is designed and installed on both ends of RMPU to filter and clean the air free from germs, bacteria, viruses etc. coming through fresh air and return air.