“কাশীগী ঘাত্তা পাংথোক্লিবা গঙ্গা – পুস্করালু উৎসব অসিদি গঙ্গা অমসুং গোদাবরীনা পুনবগুম্বনি”
“তেলেগুগী রাজ্য অসিনা কাশীগী মফমদা অথোইবা লাইনিংবা, অচার্য়া অমসুং লম্বোইবা কয়া পীখ্রে”
“তেলেগু মীয়াম্বু কাশীনা লৌশিনবা অমসুং খঙবীবা অসিগা চপ মান্ননা তেলেগু মীয়াম্না কাশীবু মখোয়গী থৱাইগা শাগোন্নরি অমসুং
“গঙ্গাদা অমুকখক ইরুপ্পনা অদোমগী থৱাইবু নুংঙাইনা থমগনি”
“ঐখোয়গী ইপা ইপুশিংনা ভারতকী কন্সিয়সনেসপু মফম কয়াদা লিংখৎলমখি অমসুং পুম্নমক অসিনা ইমা ভারতকী মপুং ফাবা শক্তম অমা শেম্লি”
“ঐখোয়না লৈবাক অসিগী তোঙানবা মতৌ চেনবগী মওংশিংবু মপুং ফানা উবা মতমদা ভারতকী মপুং ওইবা শক্তম অমসুং মতিক মগুন খঙবা ঙমগনি”

খুরুমজরি! ময়াম পুম্নমকপু গঙ্গা-পুস্করালু উতসবকী য়াইফ-পাউজেল পীজরি‍। ময়াম পুম্নমক কাসীদা লেঙবিরক্লি, মরম অসিনা ময়াম পুম্নমক থৌবু অমা ওইনা ঐগী ইফমদদি মীথুংনি, অদুগা ঐখোয়গীসিদা হায়নবা লৈ মীথুংদি লাইগা পাঙ্খক্নি‍। ঐগী থৌদাংনা মরম ওইরগা ময়ামবু ওকচনবগীদমক মফমদুদা হকথেংননা শরুক য়াবা ঙমদ্রবসু, ঐগী পুক্নিংদি ময়ামগী মরক্তা তিঞ্জবা ফংজবগুম ফাওরি‍। ঙসি পাঙথোক্লিবা থৌরম অসিগীদমক কাসী-তেলুগু সমিতি অমদি পার্লিয়ামেন্তকী ঐগী মরূপ জি.বি.এল. নরসিম্হ রাউ জীগী মফমদা নুংঙাইবা ফোঙদোকচরি‍। কাসীগী তোর্বান্দা পাঙথোক্লিবা গঙ্গা-পুস্করালু উতসব অসি গঙ্গা অমদি গোদাবরীগী ইতিনফমগুম্বনি‍। মসি ভারতকী অরিবা মীহৌরোল, নাৎ অমদি চৎনবীগী ইতিনফমগুম্বনি‍। ময়ামসু নীংশিংবিরমগনি, থা খরগী মমাঙদা কাসীগী মফম অসিদা কাসী-তামিল সঙ্গমমসু পাঙথোকখি‍। অদুগা নুমিৎ খরনিগী মমাঙদা ঐ সৌরাস্ত্র-তামিল সঙ্গমমগী থৌরমদা শরুক য়াবা ফংজখি‍। মতমদুদা ঐনা হায়খি, নীংতম্বগী অমৃৎকাল অসি লৈবাকসিগী খেন্নবা মশকশিং অমদি তোঙান তোঙানবা ঈচেলশিং তিনশিন্নবগী মতম্নি‍। খেন্নবা মশকশিং তিনশিন্নবনা, ভারতপু তুংলমচৎপু তরং তরংনা থমগদবা লৈবাকসিগী অমৃৎ থোরকই‍।

মরূপশিং,

কাসী অমদি কাসীগী মীয়ামগা তেলুগু মীয়ামগা করম্ব অচেৎপা মরী লৈবগে হায়বদু কাসীগা মরী লৈনবা মীপুম খুদিংমক্না খঙই‍। কাসীদা তেলুগুগী মীওই অমা লাকপা মতমদা কাসী মীয়াম্না মখোয়গী ইমুংগী মীওই অমা লাকপগুম ফাওই‍। কাসীগী মীয়াম্না মীরোল কয়াগী মমাঙদগী ময়াম পুম্নমকপু তরাম্না ওক্তুনা লাক্লি‍। কাসীনা লিবগুম লৈনরিবা মরী অসিসু অরিবা মরীনি‍। কাসীনা অশেংবা মফম ওইবগুম তেলুগু মীয়ামবু কাসীদা ইকায়খুম্নৈ‍। ঙসিসু, কাসীদা লাই খুরুম্বা লাক্লিবশিংগী মরক্তা য়াম্লবা শরুক অমদি অন্ধ্র প্রদেশ অমদি তেলঙ্গনাদগী লাকপনি‍। তেলুগু লমদম্না কাসীদা মমিং লৈরবা লম্বোইবা, অচার্য় অমদি মনীসী কয়া খুদোল তম্লকখ্রে‍। কাসীগী মীয়াম্না অমদি লাই খুরুম্বা লাকপশিংনা বাবা বিস্বানাথ খুরুম্বা চৎপা মতমদা, তেলঙ্গ স্বামীগী থৌজাল নিনবগীদমক মহাক্কী আশ্রমদসু চৎনৈ‍। স্বামী রামকৃষ্ণ পরমহন্সতি তেলঙ্গ স্বামীবু কাসীগী অচঙবা সিবনি হায়বিরম্মি‍। ময়ামসু খঙবিরমগনি, তেলঙ্গ স্বামী বিজয়নগরমদা পোকখি‍। জিদ্দু কৃষ্ণমুর্তিনচিংবা অথোইবা মীওই কয়া ঙসিসু কাসীদা নিংশিংনরি‍।

ইচিল ইনাওশিং,

কাসীনা তেলুগু মীয়ামবু মীতোপ্নি খন্দ্রিবা, অমত্তা ওইনা খল্লিবা অসিগুম তেলুগু মীয়াম্নসু কাসীবু মখোয়গী পুক্নিংদা কোন্দুনা থম্লি‍। শেংলবা লাইফম বেমুলা-বারাবুসু খা কাসী হায়না কৌনৈ‍। অন্ধ্র অমদি তেলঙ্গনাগী লাইশঙশিংদা খুত্তা কিরিবা অমুবা লং অসিবু ঙসিসু কাসী দারম হায়না কৌনরি‍। মতৌ অসুম্না, শ্রীনাথ মহাকবিগী কাসী খন্দমু গ্রন্থ ওইরবু, এনুগুল বীরস্বা ময়্য়াগী কাসী য়াত্রা চরিত্র ওইরবসু, নৎত্রগা মীয়াম্না পাম্নবা কাসী মসিলী কথলু ওইরবসু, কাসী অমদি কাসীগী ফজবা শক্তমশিং তেলুগু সাহিত্যদা লুনা চেৎনা য়াওরি‍। করিগুম্বা মপানগী মীওই অমনা হায়রিবা পুম্নমক অসি উবা মতমদা, কমদৌনা লাপ্নখ্রবা ময়োল্লম অনি অসি থম্মোয়নুংদা কমদৌনা কয়া য়াম্না নক্নরম্লিবনো খনবদা থাজবা ৱাগনি‍। অদুবু মসি এক ভারত, শ্রেস্থ ভারতকী থাজববু চহি চা কয়া হিংহন্দুনা থম্লক্লিবা ভারতকী পারী পুরীগী লন্নি‍।

মরূপশিং,

কাসী মুক্তি অমদি অরান খুভম ফংফমসুনি‍। তেলুগুগী মীয়াম্না কিলোমিতর লিশিং কয়া খোঙনা চত্তুনা কাসীদা লাক্নরম্বা মতম অমা লৈরম্মি‍। খোঙচৎ অসিগীদমক খুদোংচাদবা কয়া মায়োক্নরম্মি‍। অনৌবা মতমসিদদি হায়রিবা ফীভমশিং অদু খোঙজেল য়াঙনা হোংলক্লি‍। ঙসি মায়কৈ অমদি বিস্বনাথ ধামগী ফজরবা শক্তম লৈরি অদুগা মায়কৈ অমদনা গঙ্গা তোর্বানগী নীংথিরবা শক্তমশিং লৈরি‍। ঙসি মায়কৈ অমদা কাসীগী লৈরকশিং লৈরি অদুগা মায়কৈ অমদনা অনৌবা লম্বী অমদি হায়ৱেগী নেতৱর্ক লৈরি‍। অন্ধ্র প্রদেশ অমদি তেলঙ্গনাদগী মমাঙদা কাসীদা লাকখ্রবা মীওইশিংদি হৌজিক কাসীদা পুরক্লিবা অহোংবশিং অসি খঙবা ঙম্বিরমগনি‍। মতম অমদা এয়রপোর্ততগী দশাস্বমেধ তোর্বান য়ৌরকপদা পুং কয়া চঙলম্মি‍। ঙসিদি অনৌবা হায়ৱে শেমগৎলকপদগী মীয়ামগী মতম য়াম্না মাঙহন্দ্রে‍। মতম অমদা কাসীগী লম্বীশিং মৈগী তারাশিংনা লাং থাকপগুম লৈরম্মি‍। হৌজিক্তি কাসীগী মফম অয়াম্বদা মৈগী তারাশিংসু লৈনুংদা পুরে‍। ঙসিদি কাসীগী য়াম্লবা কুন্দশিং, লাইশঙশিং য়ৌবগী লম্বীশিংসু, কাসীগী নাৎকী মফমশিংসু, পুম্নমক শেমগৎ শাগৎপগী থবকশিং পায়খৎলি‍। হৌজিক্তি গঙ্গাদসু সি.এন.জি.না চলাইবা হি হোল্লি‍। বনারসতা চত্থোক চৎশিন তৌবদা রোপৱে শীজিন্নবা ফংগদবা মতমসু কুইররোই‍। লু-নানবগী অভিয়ান ওইরবসু, কাসীগী তোর্বানশিং শিৎ-শেংবা ওইরবসু, বনারসকী মীওইশিংনা, মফমসিগী নহাশিংনা মসিবু জনঅন্দোলন ওন্থোক্লি‍। মসি কাসী মীয়াম্না মখোয়গী পুক্নিংদা লৈরিবা ফিরেপ্তুনা ওইহল্লিবনি, কন্না হোৎনদুনা ওইহল্লিবনি‍। মসিগীদমক ঐনা থৌরমসিগী খুত্থাঙদা কাসী মীয়ামবু ফনা থাগৎলবসু, ফনা শিংথারবসু অদুমক ৱাত্তুনা লৈরগনি‍।

 

অদুগা মরূপশিং,

ঐনা মপুং ফানা থাজবগা লোয়ননা থমজনিংবা ৱাফমদি, ঐগী নুংশিরবা কাসী মীয়াম্না, অদোমগী থৌগলদা, অদোমবু ওকপদা অৱাৎপা অমত্তা লৈহল্লোই‍। মরমদি ঐনা কাসী মীয়ামদা মপুং ফানা থাজ‍ৈ‍। বাবাগী থৌজাল, কালভৈরব অমদি ইমা অন্নপুর্ন খুরুমজবা হায়বসি য়াম্না অথোইবা ওইদুনা লাক্লি‍। গঙ্গা জীদা ইরুপ্পনা অদোমগী থৱায়বু পেনহল্লি‍। মসিগা লোয়ননা শারবা মতমসিগীসু ময়ামগীদমক কাসীদা লস্সী অমদি অইংবা পোৎলম কয়াসু ফংলি‍। বনারসকী চাত, লিত্তী-চৌখা, অমদি বনারসী পান, মখোয়গী মহাওনা অদোমগী খোঙচৎপু হেন্না নীংশিংনিংঙাই ওইহনগনি‍। ঐনা ময়ামগী মফমদা ৱাফম অমগা থমজনিংই‍। এতিকোপপ্পাকাগী উগী শান্নপোৎশিং মমিং চৎপগুম বনারসকী উগী শান্নপোৎশিংসু মমিং চৎলি‍। অন্ধ্র প্রদেশ অমদি তেলঙ্গনাদগী লেঙবিরক্লিবা ঐগী মরূপশিংনা হনখিবদা বনারসগী শান্নপোৎ, বনারসী সারী, বনারসী মিথাইনচিংবা পোৎলম কয়া পুদুনা হনবিখো‍। মসিনা অদোমগী নুংঙাইবগী মহাও শরুক কয়া হেনগৎহনগনি য়েংবিয়ু‍।

 

মরূপশিং,

ঐখোয়গী ইপা ইপুশিংনা ভারতকী ফজবা ৱাখল্লোনশিং তোঙান তোঙানবা মফমশিংদা লিংখৎপিরম্মি, মসিনা পুনশিল্লগা ভারত ইমাগী শক্তম মপুং ফাহল্লি‍। কাসীদা বাবা বিস্বনাথ লৈবগুম, অন্ধ্রদা মল্লিকার্জুন লৈরি অমদি তেলঙ্গনাদা ভগবান রাজ রাস্বর লৈরি‍। কাসীদা বিশালাক্সী শক্তিপীথ লৈবগুম, অন্ধ্রদা ভ্রমরাম্বা লৈরি, তেলঙ্গনাদা রাজ-রাজেস্বরী লৈরি‍। অসিগুম্বা শেংলবা মফম কয়া অমদি ভারতকী নাৎকী শক্তমশিংগী মরুওইবা মফমশিংনি‍। ঐখোয়না লৈবাক্কী খেন্নবা মশকশিং অসিবু পুন্না য়েংগদবনি‍। মতমদু অদুখক্তদা ঐখোয়না ঐখোয়গী মপুং ফাবা শক্তম খঙবা ঙমগদৌরিবনি, মতমদুদা ঐখোয়গী অপুনবগী শক্তমবু য়াকায়হনবা ঙমগদৌরিবনি‍। গঙ্গা-পুস্করালুগুম্বা উতসবশিংনা লৈবাক্কী থৌগলগী থৌরাংশিংবু মাঙদা লেপ্তনা পুখৎকনি হায়না ঐনা থাজৈ‍। হায়রিবা থাজবসিগা লোয়ননা, ময়াম পুম্নমকপু অমুক্কা হন্না য়াইফ-পাউজেল পীজরি‍। অদোমগী খোঙচৎ অসি মহৈ য়ানবা ওইহন্নবা, কান্নবা ফংবা ওইননবা অমদি কাসীগী অনৌ-অনৌবা নীংশিং খুদমশিংনা অদোমগী থম্মোয় লাইয়ুমদা অনৌবা মঙশল পীনবিবা ওইসনু হায়বা থৌনি অসি ঐনা বাবাগী খুয়াখাদা নিজরি‍। অমুক্কা হন্না ময়াম পুম্নমকপু হন্না হন্না থাগৎচরি‍।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Railways cuts ticket prices for passenger trains by 50%

Media Coverage

Railways cuts ticket prices for passenger trains by 50%
NM on the go

Nm on the go

Always be the first to hear from the PM. Get the App Now!
...
Together, let’s build a Viksit and Aatmanirbhar Bharat, PM comments on Sachin Tendulkar’s Kashmir visit
February 28, 2024

The Prime Minister, Shri Narendra expressed happiness as Sachin Tendulkar shared details of his Kashmir visit.

The Prime Minister posted on X :

"This is wonderful to see! @sachin_rt’s lovely Jammu and Kashmir visit has two important takeaways for our youth:

One - to discover different parts of #IncredibleIndia.

Two- the importance of ‘Make in India.’

Together, let’s build a Viksit and Aatmanirbhar Bharat!"