Share
 
Comments
National Education Policy will give a new direction to 21st century India: PM Modi
Energetic youth are the engines of development of a country; Their development should begin from their childhood. NEP-2020 lays a lot of emphasis on this: PM
It is necessary to develop a greater learning spirit, scientific and logical thinking, mathematical thinking and scientific temperament among youngsters: PM

খুরুমজরি!

 

মন্ত্রীমন্দলদা লৈবীরিবা ঐহাক্কী খোংবুরোই, লৈবাক অসিগী এজুকেসন মন্ত্রী শ্রী রমেশ পোখরিয়াল নিশঙ্কজী, শ্রী সঞ্জয় ধোত্রেজী, নেস্নেল এজুকেসন পোলিসীগী মশক-মওং শেম্বীখিবা কমিতীগী অধ্যক্ষ দা. কস্তুরী রঙ্গনজী, মহাক্কী তীমদা লৈবীরিবা ইকাইখুম্নজরবা মীহুৎশিং, মসিগী অথোইবা কনফরেন্স অসিদা শরুক য়াবীরিবা রাজ্যশিংদগী অখঙ-অহৈ, প্রিন্সিপলশিং, ওজাশিং, নুপী-নুপা পুম্নমক, ঙসি ঐখোয় ময়াম পুম্নমক্না লৈবাক অসিগী তুংগী য়ুম্বী শেম্নবগী ওইবা মিৎকুপ অমগী শরুক অমা ওইবীরি। মসিগী মিৎকুপ অসি অনৌবা য়ুগ শেম্বগী মরু হুনবগীনি। নেস্নেল এজুকেসন পোলিসী অসি ২১শুবা চহি চাগী ভারত অসি অনৌবা মাইয়োন অমা পীরগনি।

মরূপশিং, হৌখিবা চহি কুনথ্রারোম মসিদগী মালেমগী লম খুদিংদা অহোংবা লাক্লে। চহি কুনথ্রামুক অসিদা ঐখোয়গী পুন্সিসি হান্নগীগুম ওইরিবা খরখক্তং লৈরমখিগদ্রা। অদুবু খুন্নাই অসিনা মাংজিল থানা মাংলোমদা চংশিল্লিবা লম্বীসিদা ঐখোয়গী এজুকেসন সিস্তেমসি হান্নগীদা অদুম্মক মখা চত্থরমখি। অরিবা এজুকেসন সিস্তেম অসি অমনবা ব্লেকবোর্দ শিন্দোকপগী মথৌ তাবগুম অদুক্কী মতিক হোংদোকপগী মথৌ তাই। স্কুল খুদিংদা পিন-অপ বোর্দ লৈবগুম্না। মসিদা মরু ওইবা চে-চাং কয়া অমা, স্কুলগী ওর্দরশিং, অঙাংশিংনা য়েকপা লাইশিংনচিংবা অদোম্না নপ্পগুম্না। বোর্দশিং অসি মতম খরগী মনুংদা অদুম থল্লি। পিন-অপ বোর্দতা অনৌবা ক্লাসকী অঙাংশিং অনৌবা পেন্তিং নপ্নবগীদমক্তা অদোম হোংদোকচবা তাবনি।

অনৌবা নেস্নেল এজুকেসন পোলিসী ভারতকী, অনৌবা আশাশিংগী, অনৌবা মথৌ তারকপশিং ফংহন্নবা মপাঙ্গল লৈবা পাম্বৈনি। মসিগী মরুমদা চহী মরী-মঙাদগী কন্না হোৎনবা, লম খুদিংগী, মখল খুদিংগী, লোন খুদিংগী মীওইশিংনা অহিং-নুংথিল কংদনা থবক তৌরি। অদুবু থবক অসি হৌজিক মপুং ফাদ্রি। হৌজিক্তি থবক্কী অশেংবা ওইনা হৌরে। হৌজিক ঐখোয়না নেস্নেল এজুকেসন সিস্তেম অসি নীংথিনা চৎহনগদবনি।

থবক অসি ঐখোয় পুন্না তৌমিন্নগনি। নেস্নেল এজুকেসন পোলিসী অসি লাউথোক্লবা মতুংদা অদোমগী থম্মোইনুংদগী ৱাহং কয়া অমা থোরক্কনি হায়বা ঐহাক্না খঙই। মসিগী এজুকেসন পোলিসী অসি করিনো? অসি মতৌ করম্না তোঙাল্লিবনো? মসিদগী স্কুল অমসুং কোলেজশিংগী সিস্তেমদা করি অহোংবা লাক্কনি? মসিগী এজুকেসন পোলিসী অসিদা ওজা অমগীদমক্তা করি য়াওবগে? মহৈরোয় অমগীদমক্তা করি য়াওবগে? অমসুং খ্বাইদগী মরুওইনা মায় পাক্না চৎনহন্নবগীদমক্তা করি তৌগদগে? হায়রিবা ৱাহংশিং অসিসু অচুম্বনি, অদুগা মথা তাবসুনি। অমদি মসিগীদমক্তা মসিগী থৌরম অসিদা অমত্তা ওইনা তুংগী করম্বা লম্বী য়াৎকদগে হায়বা খন্ননবা পুল্লিবনি। অদোম পুম্নমক্না অহিং-নুংথিল খঙদনা ৱাফম অসিদা পুং কয়া চুপ্না খন্ন-নৈনখি হায়না ঐঙৌন্দা হায়রকখি।

ওজাশিংনা মশাগী ওইবা মওংদা তম্নবগী মচাক শেমজনবা, অঙাংশিংনা মশাগী শান্নপোৎকী ম্যুজিয়ম শেমজনবা, মপা-মমাশিংগী শম্ননবগীদমক্তা স্কুলদা কম্যুনিতী লাইব্রেরী লৈহন্নবা, লাইগা কোন্ননা মল্তীলিংগ্বেল দিক্সনরী ওইরো, স্কুলদসু কিচন ইংখোল কোইফম ওইরো মসিগুম্বা হিরমশিংগী মতাংদা ৱা খন্নখি, ৱাখল্লোন ময়াম অমা পুথোক্নখি। নেস্নেল এজুকেসন সিস্তেম অসি চৎনহন্নবগী কেম্পেনসিদা ঐখোয়গী প্রিন্সিপলশিং অমসুং ওজাশিংনা থৱাই য়াওনা শরুক য়ারি। নুমিৎ খরনিগী মমাংদা এজুকেসন মন্ত্রালয়না নেস্নেল এজুকেসন সিস্তেম অসি চৎহন্নবগী মতাংদা লৈবাক অসিগী ওজাশিংদগী মাইগোবতা সজেসনশিং পীরক্নবা হায়খি। চয়োল অমগী মনুংদুমক্তদা সজেসন লাক্ষ ১ হেন্না লাকখি। মসিগী সজেসন অসি নেস্নেল এজুকেসন সিস্তেম অসি হেন্না নীংথিবা মওংদা চৎনহনবদা মতেং পাংগনি মসিগী। হিরম অসিদা অমুক হেন্না মিৎ-না শিংবা হেলহন্নবগীদমক্তা এজুকেসন মন্ত্রালয়না থৌরাং কয়া অমা চত্থরি।

মরূপশিং, লৈবাক অমদা চাউখৎপা অসি হেন্না খোংজেল য়াংশিলহন্নবগীদমক্তা মখোয়গী ইনখৎলক্লিবা মীরোল অমসুং ইনখৎলক্লিবগী পাঙ্গল-থৌনাগী অচৌবা থৌদাং লৈ। অদুবু ইনখৎলক্লিবা মীরোল শেম্বা অসি অঙাং ওইরিঙৈদগী হৌনা শেম্মি। তুংগী পুন্সি মওং অসি অঙাং ওইরিঙৈদা তৌরকপা মওং অদুগী য়াম্না মখা পোল্লি। অঙাংশিগী মহৈ-মশিং, মখোয়দা ফংহল্লিবা অকোইবগী ফীভম অদুনা তুংদা মহাক অসি করম্বা মীশক-মীওই ওইরক্কদগে হায়বসি লেপ্পি। মসিগীদমক্তা নেস্নেল এজুকেসন পোলিসীদা অঙাংশিংগী মহৈ-মশিং অসিদা য়াম্না অকনবা মিৎয়েং থমখ্রে। প্রী–স্কুলদদি অঙাংনা অহানবা ওইনা মমা-মপানা য়েংশিনবিবা অমসুং য়ুমদা নুংঙাইবনা থল্লবা ফীভম অদুদগী মপান্দা থোরকপা হৌরকই…লাপথোরকই। অঙাংশিংনা মখোয়গী ৱাখল্লোন, মখোয়গী হৈথোই-শিংথোইবা অসি হেন্না অফবা মওংদা খঙলকপা হৌরকই। মসিগীদমক্তা অঙাংশিনা নুংঙাইনা লাইরিক তম্বা, শান্ন-শান্নদুনা তম্বা, এক্তিবিতীদা য়ুম্ফম ওইরগা তম্বা অমসুং দিসকোভরীদা য়ুম্ফম ওইবা অকোয়বা অদু ফংহন্নবা অসিগুম্বা স্কুল, অসিগুম্বা ওজাশিংগী মথৌ তাই।  

কোরোনাগী তাল্লক অসিদা মসি করম্না ওইথোক্কদগে হায়না অদোম্না খনবিরমগনি হায়বা ঐহাক খঙই। অদুগা কোরোনা ওইহল্লকপা মওং অসি মসিগুম্না অদুম্মক ওইগদবা নত্তে। অঙাংশিংনা ক্লাসতা ফগৎলকপগুম ৱাখলদসু ফগৎলক্নবা, অঙাংশিং পুক্নীং, মখোয়গী মকোক্তা বৈজ্ঞানিক অমসুং লোজিকেল ওইনা খনবা হৌনবা, মখোয়দা অঙ্কগী ৱাখল অসি লৈহন্নবা অমদি বৈজ্ঞানিক ওইবা মওং-মতৌ অদু ফগৎহনবা হায়বসি য়াম্না মথৌ তাবনি। অঙ্কগী ৱাখল খনবা হায়বসি শুপ্নতগী অঙাংশিংনা অঙ্কগী প্রোব্লেমদুখক্তদা সোল্ব তৌবা নত্তবদা ৱাখল খন্নবগী মওং অদুনি। মসিগী মওং অসি ঐখোয়না মখোয়দা তম্বীগদবনি। মসি হিরম খুদিংমক্তা, তাঙ্কক খুুদিংমক্তা অঙ্কগী ওইবা মওংদা অমদি লোজিকেল ওইনা খঙনবগী মিৎয়েংনি, কোক্তা তোঙান-তোঙানবা মওংদা নৈননবনি। মসিগী মিৎয়েং অসি পুক্নীং অমসুং কোক্তা ফগৎহনবা য়াম্না মথৌ তাই, অদুনা মরম অসিগীদমক্তা নেস্নেল এজুকেসন পোলিসীদা থবক-থৌওংদা য়াম্না হেন্না খনখি। অদোম ময়াম মরক্তগী প্রিন্সীপল কয়া অমনা ঐখোয়গী স্কুদা অহানবা ওইনা করম্না তৌগদবনো হায়না খনবিরমগনি। অদুবু অসিগুম্না তৌনরকখিদবা স্কুল কয়া অমসুং লৈরমগনি। মান্নবা ৱাখল্লোন অমা পুরকপা হায়বসিসু মথৌ তাই। ঙসি ঐহাক্না য়াম্না মরীক চুম্না, য়াম্না মশা খাইনা অদোমগা ৱারী শান্নরিবসি মরম অসিননি।

মরূপশিং, নেস্নেল এজুকেসন পোলিসীদা অরিবা ১০ জ্লস ২গী মহুত্তা ৫ প্লস ৩ প্লস ৪গী সিস্তেম অসি য়াম্না কন্না খন্নরবা মতুংদা ওইহনখিবনি। মসিদা নৌরিঙৈদা অঙাংবু চেকশিন্না য়েংশিনবিবা অমদি মহৈ-মশিং অসি হৌরকপগী ওইবা মওংদা, য়ুম্বী মওংদা হাপখ্রে। ঙসি ঐখোয়না য়েংলুরগদি প্রী-স্কুল অসি শান্নবগী মওংনা থল্লবা এজুকেসন অসি সহরশিংদা প্রাইভেৎ স্কুলফাওবদংদা লোইরে। হৌজিক খুঙ্গংশিংদসু য়ৌরক্লগনি, লাইরবগী য়ুমফাওবা য়ৌরক্লগনি, ইনাক খুনবা, খুঙ্গং–শহর, মীপুম খুদিংমক্না ফংলগনি, মফম খুদিংগী অঙাংশিংনা ফংলগনি। মরুওইবা এজুকেসন্দা য়েংলগা মসিগী পোলিসীগী খ্বাইদগী অথোইবা থবক অমনি। নেস্নেল এজুকেসন পোলিসীদগী ফাউন্দেস্নেল লিতরেসী অমসুং ন্যুমরেসী অসি ফগৎলকপা অসিনা নেস্নেল মিশনগী মওং অমা ওইনা লৌগনি। অহৌবগী লোনগী জ্ঞান, মশিংগী জ্ঞান, অঙাংশিংদা অচম্বা পারা পাহনবা অমসুং খঙবগী চাং অসি ফগৎহনবা অসি য়াম্না মথৌ তাই। অঙাংনা হয়েং কোন্না তম্নবগী পানবা, মসিগীদমক্তা তম্নবগী পাবা তম্বা অসি মথৌ তাই। পাবা তম্বদগী তম্বদগী তম্নবা পাবগী খগৎপগী কোংচৎ অসি ফাউন্দেস্নেল লিতরেসী অমসুং ন্যুমরেসীদগী মপুং ফাগনি।

 মরূপশিং, ঐখোয়গী অঙাংশিংনা ক্লাস ৩ পাস তৌরক্লবা মতুংদা মিনিৎ অমদা ৱাহৈ ৩০দগী ৩৫ ফাওবা লাইনা পাবা ঙম্নবা ঐখোয়না তৌগদবনি। মসি অদোম্না ওরেল রিদিং ফ্লুএন্সী কোই। অঙাংশিং অসি মসিগী থাক অসি য়ৌহনবা ঙম্লবা, শেম্বা য়ারনি, তম্বীবা য়ারনি, তুংদা মসিগী মহৈরোয় অসিগী সবজেক্তশিংগী কন্তেন্ত অসি খঙবদা হেন্না লাইগনি। ঐহাক্না মসিগীদমক্তা সজেসন পীজগে। অপিক-অপিকপা অঙাংশিংগী ক্লাসতা মমান্নবা ২৫-৩০ রোম লৈরমগনি। অদোম্না মখোয়দা মমান্নবশিংগী মমিং কয়া খঙবগে হায়না হংবীয়ু, হায়নবা হায়বীয়ু। অদুদগী থুনা মমিংশিং অদু হায়বা ঙম্বরা অদুগা মফমদুদা লেপসু লেপহনবীয়ু। মখল কয়াগী হৈথোই-শিংথোইবা থোরকপা ঙমহনগনি অমদি মখোয়গী থাজবগী থাক অদু ফগৎলকপগে হায়বদু য়েংবীয়ু. অদুগী মতুংদা মমান্নবশিংগী মমিং অদু ইরগা থম্নবা…মসিদগী করম-করম্বগী মমিং হায়গনি হায়না ফোতো য়েংহল্লগা ইহনবা য়াই। মমান্নবশিং অদু মশক খঙহনবা তম্বীবা….মসি তম্বগী থবক চত্থবা হায়না কৌই। মসিদগী মখা তানা ক্লাসশিংদা মহৈরোয়শিংগী পোৎলুম অদু হন্থগনি, অদোম ওজাশিংগীসু বর্দন হন্থগনি। মসিগা লোয়ননা মরুওইবা অঙ্কগুম্বা, মশিং থিবা, তিনশিন্নবা, খাইদোক্নবা, পুরিনবা, য়েন্নবা মসি খুদিংমকসু অঙাংশিংনা লাইনা খঙবা ঙমগনি। মসি পুম্নমক অস অঙাংশিনা লাইরিক তম্বা অমদি ক্লসকী মনুংদগী মপান থোরক্লবকান্দা ময়ামগা শম্নরবা মতমদা, ঐখোয়গী পুন্সিগা, মনাক নকপা অকোইবগী ফীভমশিংগা শম্নগনি। মনাক-নকপগী পোৎশিং, তশেংবা তাইবংগী অঙাংশিংনা করম্না তম্বা ঙমগনি, মসিগী খুদম অমা ওইনা ঈশ্বরচন্দ্র বিদ্যাসারগী ৱারীদা উবা ফংই। ঈশ্বরচন্দ্র বিদ্যাসারনা চহি নিপাল ফারকপদা, ইংলিশ তম্বীরকখিদে। নোংমা অমা মহাক মপাগা লোয়ননা কোলকতাদা চৎখিবা মতমদা লম্বীগী নাকন্দা ইংলিশতা ইবা মাইল মশিং তাকপা নুং অদু উখি। মহাক্না মপাদা করিনো ইরিবসে হায়না হংখি। মহাক্কী মপানা মসি কোলকতাদগী কয়া য়াম্না লাপ্নবগে হায়বদু তাক্নবা ইংলিশতা মশিং থিবা ইরিবনি। মসিগী পাউখুম অসিনা ঈশ্বর চন্দ্র বিদ্যাসাগরগী নৌরিবা ৱাখল অদুদা হেন্না খঙনীংবা হেনগৎলকখি। মহাক্না অদুম হংখি অদুগা মহাক্কী মপানা মাইল মশিং তাকপা নুং অদুদা ইরিবা মশিং অদু হায়রমখি। অমসুং, কোলকতা য়ৌরকপদা ঈশ্বর চন্দ্র বিদ্যাসাগরগী ইংলিশকী মশিং থিবা অদু লোইনা তমখি। ১,২,৩,৪….৭,৮,৯,১০ মসিনি খঙনীং–হৈনীংনা তম্বা, খঙনীং–হৈনীংবদগী তম্বা অমসুং তম্বীবা ঙম্বগী পাঙ্গল-থৌনা!

মরূপশিং, এজুকেসন অসিদা মনাক নকপগী ফীভম অসিগা মরী লৈনহল্লবদি মদুনা মহৈরোই পুন্সি চুপ্পদা অফবা ওইহনগনি, খুন্নাই পুম্বদা ফহনগনি। খুদম ওইনা জাপান অসি য়েংবীয়ু, মফমদুগী শিনরিন-য়োকু অসি মমিং চৎলিবনি। শিনরিন হায়বদি উমং নত্ত্রগা জঙ্গল হায়বনি, য়োকু হায়বনা ইরুজবা হায়বনি। হায়বদি উমংদা ইরুজবা হায়বনি। মফমদুদা মহৈরোয়শিংনা উমংদা নত্ত্রগা উ-ৱা য়াম্না হৌবা মফমদা পুদুনা অঙাংশিংদা মহৌশাগী ওইবা শক্তম অদু উহন-খঙহনখি। উ-ৱাশিং, লৈশিং অদ তাবা, উহনবা, শোকহনবা, হাউ খঙহনবা, মনম নমহনবা হায়বনি। মসিদগী অঙাংশিংনা মহৌশা অমসুং অকোইবগা শমশু শম্নরগদনি অদুগা অশেংবা মওংদা চাউখৎপদসু ইনোৎ হাপ্পি। অঙাংশিংনা নুংঙাইসু নুংঙাইতোকই অদুগা লোয়ন-লোয়ননা অমুক্তংদা পোৎ কয়া তম্বসু ওইরে। ঐহাক্না গুজরাতক মুখ্য মন্ত্রী ওইরিঙৈদা থৌরম অমদা চৎখিবা অদু ঐহাক নীংশিংলি। ঐকোয়না স্কুল খুদিংমক্তা পাউ পীখি… ঐখোয়না স্কুল খুদিংমক্কী অঙাংশিংনা মাগী-মাগী খুঙ্গংদা হৌবা খ্বাইদগী চহি য়াম্লবা উ অদু করম্বনো হায়না হংখি.. অদুগা খ্বাইদগী লিরবা উ অদু থিনবা হায়খি। মখোয়না মফম খুদিংমক চৎপা তাখিরম্মি। খুঙ্গংগী মনাক নকপদা হৌরিবা উ খুদিংমক য়েংবা তাখি, ওজাদা হংবা তাখি। অদুগা ময়াম পুম্বনা য়ানরগা মসিগী উ অসিনা খ্বাইদগী লিরবা উনি হায়না অমসু অদুগী মতুংদা অঙাংশিংনা স্কুলদা লাক্লগা মদুগী মতাংদা ইশৈ ইখি, রচনা ইখি, ৱারী লিনবগ… হায়বদি মদুগী উ অদুগী অথোইবা অদু করিনো হায়বা ইখি।

অদুবু মদুগী চত্থখিবা থবক অদুদা উ কয়া অমসু উবা ফংখি, খ্বাইদগী লিরবা উ কয়া থিবা তাখি। পোৎ কয়া অমা তম্বা ফংখি। পোৎ কয়া অমা তম্নবা হৌখি অদুগা ঐহাক্না মসি হায়বা ঙম্মি মদুদি মসিগী চাংয়েং অসি মায় পাক্লে হায়বা। মসি মায়কৈ অমদা অঙাংশিংদা অকোইবগী ই-পাউ ফংহল্লি, মসিগা লোয়ননা খুঙ্গংদুগী মতাংদা কয়া অমা খঙবসু ঙমখি। মতৌ অসুম্না ঐখোয়না লাইনা অমদি অনৌ-অনৌবা মওংশিং ঐখোয়না অরাইবা অমদি অনৌবা–অনৌবা থবক তৌবগী মওংশিং অসি খুমাং চাউশিলহনবা তাবনি। ঐখোয়গী চাংয়েং অসি অনৌবা য়ুগকী মহৈ তম্বগী অথোইবা লাইশোন ওইহনগদবশিং অসি-এঙ্গেজ, এক্সপ্লোর, এক্সপরিমেন্ত, এক্সপ্রেশ অমসুং এক্সেলনি। হায়বদি মশাগী পামজবগী মতুং ইন্না থবক পাংথোকপশিংদা, থৌদোকশিংদা, প্রোজেকশিংদা থবক এঙ্গেজ তৌবনি। মসিবু মখোয়গী মতুং ইন্না এক্সপ্লোর তৌবনি। হায়রিবা থবক পাংথোক্লিবশিং, থৌদোকশিং, প্রোজেকশিংগী তোঙান-তহানবা মিৎয়েং অদু মশাগী এক্সপরিএন্সতগী তম্বনি। মসি মখোয়গী পর্সোনেল এক্সপরিএন্স ওইবা য়াই নত্ত্রগা কোলাবোরেতিব এক্সপরিএন্স ওইবা য়াই। অদুগা অঙাংশিংনা ৱারে ইবগী মওংদা এক্সপ্রেস তৌবা তমসি। মসি পুল্লপ পুনশিল্লবতদা এক্সেল তৌনবা লম্বী শেমগনি। হৌজিক অঙাংশিংনা চিংদা, অরিবা মতমগী মফমশিংদা, লবুক্তা, তেক্ত কাইদবা মেন্যুফেকচরিং য়ুনিৎশিং পুরকপা য়াই।

য়েংবীয়ু হৌজিক, অদোম্না ক্লাসতা রেলৱে ইঞ্জিনগী মতাংদা তম্বীয়ু..বসকী মতাংদা তম্বীয়ু… অদুগা খুঙ্গংগী মনাক্তা রেলৱে স্তেসন্দা চৎনবা হায়বীয়ু..……… অঙাংশিংনা ইঞ্জিন অদু করম তৌবগে য়েংহনগনি, অদুগা বস স্তেসন্দা পুদুনা বস অসি করম তৌবগে হায়বা য়েংহনগনি..মদুশিং অদু উরগা তম্বা হৌহনসি। প্রিন্সিপল কয়া অমনা অমদি ওজা কয়া অমনা মখোয়গী স্কুল নত্ত্রগা কোলেজদা করম্না অসুম্না তৌগনি হায়না খনবিরম্বা য়াই। ওজা কয়া অমা ইনোবেতিব ওই হায়বা ঐহাক খঙজৈ …অমসুং থৱাই-হকচাং য়াওনা তৌই হায়বা খঙই। ।অদুবু মফম খুদিংমক অসুম্না তৌদে। অদুগা মসিগী মরম অসিদগী মহৈরোয় কয়ানা থবক পাংথোকপগী ৱাখল-লৌশিংদগী লাপ্না লৈ। ঐখোয়না অসিগুম্বা পোৎশিং অসি মতৌ করম্না শন্দোক্কনি অদুগা ওজাশিংনা তম্বগী তাঞ্জা ফংনবা তৌবীগদবনি। ওজাশিংনা প্রেক্তিকেল অসি খঙহল্লিবমখৈ অঙাংশিনা তম্বা ফংগদৌরিবনি। মরূপশিং, ঐখোয়গী লৈবাক পুম্বগী ওইবা লম খুদিংগী মশাগী ওইবা অফবা নীংথিজবা খরা লৈ, ইপা-ইপুগী হাক্তক্তগী লৈরক্লবা কলা অমা নত্ত্রগী অমা লৈ, মফম খুদিংগী হকপা-খোৎপা, মমিং চৎপা প্রদকশিং লৈ।

মহৈরোয়শিংনা অদুগুম্বা হকপা-খোৎপশিং, খুৎনা হকপা-খোৎপশিং অদু চত্তুনা মসিগী ফীশিং অসি মতৌ করম্না শাবনো হায়বদু য়েংবিরুচো। মখোয়দা অদোম্না খরা তম্বীয়ু…মদুদা তৌরিবা থবকশিং অদুদা ৱাহং হংবীয়ু। ক্লাসরুমদা ৱাহং তম্বীরগা পুবীয়ু। অদুগা মখোয়না করি হংখিবগে..করি পাউখুম ফংখিবগে হায়না হায়বীয়ু। মসিনি তম্বা হায়বসি।মহগাক্না করিগুম্বা অখন্নবা অমা হংবদা–অদোম্না লং অসি কদাইদগী পুরকপগে, লংগী মচু অসি করম তৌবগে, সারী অসি করম্না মশক থোকহল্লিবনো। মদু অঙাংনা মশানা হংনীংবা মওংদা হংনরক্কনি, মখোয়না ময়াম অমা তম্বা ফংগনি হায়বা য়েংবীয়ু।

মহৈলোয়শঙদসু অসিগুম্বা হৈ-শিংলবা মীশিং অসি কৌরকপা য়াই। মফমদুদা মখোয়শিংনা একজিবিসন, ৱর্কশোপ তৌবা য়াই। খুঙ্গংদা লৈখোম্না চফু শারিবশিং অসি স্কুলদা নোংমা কৌবিবা য়াই, স্কুলগী অঙাংশিংদা উহল্লগা মখোয়দা হংসি, মখোয়না নুংঙাইনা তম্লগনি হায়বা অদোম্না য়েংবীয়ু। মহৈরোয়শিংনা খঙনীং-হৈনীংবসু হেনগৎলক্কনি অদুগা পাউ ফংবসু হেনগৎলক্কনি, তম্বদা থৱায় য়াওবসু হেনগৎকনি।হকচিন্না হৈথোই-শিংথোইবা কয়াগী মথৌ তাবা প্রোফেসন কয়া অমা লৈ অদুবু ঐখোয়না মখোয়শিং অদুবু মিথানরুদে। অদুগা মহৈরোয়শিংনা মসি উরুবা তারবদি পুক্নীং-ৱাখলগী ওইনা মরী লৈনখ্রগনি, মখোয়বু ইকাই খুম্নবিরগনি। অঙাং অদুনা চাউরক্লগী অসিগুম্বা ইন্দস্ত্রীশিংগা অদুম মরী লৈনখিবা য়াই, মখোয়শিং অদু মফমদুগী মপু ওইরকপা য়াই, অচৌবা ইন্দস্ত্রিএলিস্ত ওইরকপা য়াই। অঙাংশিংদা মীনুংশি লৈহল্লক্নবগী ৱাফম লাকপা মতমদা ..হৌজিক অঙাংশিংনা ওতো রিক্সোদা স্কুলদা লাকই। অদুবু করিগুম্বা মতমদা অঙাংশিংদা ওতো থৌবা মী অদুগী মমিং করি কৌবগে হংখিবা য়াওরবরা..নুংতিগী নহাকপু পুদুনা চৎলিবা মী অদুগী…মহাক্কী ময়ুম কদাইদনো…মহাক্কী মপোক নুমিৎ পাংথোকখিবা য়াওরবরা…করগুম্বা মতমদা ময়ুমদা চৎখিবা য়াওরবরা….মহাক অদু অদোমগী মমা-ইপানা থিরখিবরা হায়বনচিংবা। অদুগা অঙাংশিং অদুদা মখোয়গী ওতো দ্রাইভর অদুদা ৱাহং ১০ হংলক্লগা লাকউ হায়না…অদুগা ক্লাসতা পুম্নমক্তা ঐহাক্কী ওতো দ্রাইভর অসি অসিগুম্বা মীনি হায়না হায়নবা হায়বীয়ু, মহাক অদু মসিগী খুঙ্গং অসিদগীনি, মহাক অদু মফম অসিদা মতৌ করম্না লাকখিবনো হায়না।অদুগা অঙাংশিংদা মঙোন্দা মীনুংশি থম্বীবা উগনি। অদু নত্ত্রবদি অঙাংশিং অদুনা করিসু খঙবা নত্তে, মখোয়দি ঐহাক্কী ইপানা শেল পীবনি অদুনা ওতো থৌবদুনা ঐহাকপু পুবীরিবনি হায়না খনগনি। মখোয়গী ৱাখলদা ওতো দ্রাইভর অদুনা মখোয়গী পুন্সি শেম্বীরিবনি হায়বগী ৱাখল অসি লৈরক্লোই। ঐহাক্কী পুন্সি শেম্বীনবগীদমক্তা মহাক্না করিগুম্বা খরা তৌবীরিবনি হায়বা মীনুংশি অসি থোরক্কনি।

মতৌ অসিগুম্না করিগুম্বা অতোপ্পা প্রোফেসন অমা খল্লবসু, ইঞ্জীনিয়র ওইরবসু মহাক্কী মকোক্তা অসিগুম্বা শিনফম অসি হেন্না অফবা ওইহন্নবগীদমক্তা করম্বা ইনোবেসন তৌবা য়াবগে হায়বগী ৱাখল অদু থোরক্কনি। মতৌ অসিগুম্না হোসপিতালগী, ফায়র স্তেসনগী নত্ত্রগাকরিগুম্বা মফম অমদা চৎপা মতমদসু তম্নবগী শরুক অমা ওইহনবা য়াই। অঙাংশিংবু পুবীগদবনি, য়েংহনগদবনি, ..মখোয়দা দোক্তর অসিসু মখল কয়াগী লৈবগে হায়বা খঙবা ঙমগনি। দেন্তিস্ত হায়বসিনা করিনো….মিৎকী হোসপিতাল অসি করম্না তৌবগে হায়বা। পাম্বৈ উগনি, মিৎ চেক তৌনবগী মেছিন অদু করম্না তৌবগে….মহাক্না খঙনীংগনি, মহাক্না তমগনি।

মরূপশিং, নেস্নেল এজুকেসন পোলিসী অসি সেলেবসশিং অসি হন্থহন্নবা অমদি মচং ওইবা পোৎশিংদা ৱাখল চুংশিনবা ঙম্নবা অসিগুম্বা মওংদা শেমখিবনি। তম্বা অসি পুনশিন্না য়াওবা অমদি লম কয়া য়াওবা, নুংঙাইবদা য়ুম্ফম ওইবা অমদি মপুং ফাবা চাংয়েং ওইহন্নবগীদমক্তা নেস্নেল করিকুলম ফ্রেমৱর্ক অসি শেমগনি। ২০২২দা নীং-খা তমখিবা অসি চহি ৭৫ ফারকপগী থৌরম পাংথোকপদা ঐখোয়গী মহৈরোয়শিংনা মসিগী অনৌবা করিকুলম অসিগা লোয়ননা অনৌবা তুংগী পুন্সিগী মায়কৈরোমদা খোং থাংজিল্লগনি হায়না লেপ্নখ্রবনি। মসিসু ফোর্ৱার্দ লুকিং, ফ্যুচর রেদী অমসুং সাইন্তিফিক কর্রিকুলম ওইগনি। মসিগীদমক্তা সজেসনশিং লৌগনি, অমসুং ময়াম্না হায়বীরকপা ৱাফমশিং অমসুং অনৌবা এজুকেসন অসি মসিদা তিনশিলহল্লগনি।

মরূপশিং, তুংদা লাক্কদৌরিবা মালেম অসিদা ঐখোয়গী ঙসিগী মালেম অদুক্কী মতিক তোঙাল্লগনি। ঐখোয়না মসিদা চংলিবশিং অসি য়েংবা য়াগনি, পফাওবা ঙমগনি। মসিদা ঐখোয়না ঐখোয়গী মহৈরোয়শিং ঐখোয়গী মহৈরোয়শিং অসি ২১শুবা চহি চাগী হৈথোই-শিংথোইবশিংশিংগা লোয়ননা খুমাং চাউশিলহনগদনি। ২১শুবা চহি চাগী হৈথোই-শিংথোইবশিং অসি করি-করি ওইগনি?

মসিগীশিং অসি ওইগনি: ক্রিতিকেল থিঙ্কিং, ক্রিএতিবিতী, কোল্লাবোরেসন, ক্যুরিওসিতী, কম্যুনিকেসন। ঐখোয়গী মহৈরোয়শিংনা তুং কোইবা তুংগী পুন্সি মওং, তুং কোইবা সাইন্স অসি খঙনবা, মদুগী মায়কৈরোমদা খন্নবা, মসি পুম্নমক মতম অসিদা তৌগদবনি, য়াম্না মরু ওইবনি। মসিগীদমক্তা মহৈরোয়না হৌবদগী হৌনা কোদিং তমহনসি, আর্তিফিসিএল ইন্তেলিজেন্স অসি খঙসি, ইন্তর্নেৎকী ওইবশিং, ক্লাউদ কম্প্যুতিং, দেতা সাইন্স অমসুং রোবোতিক্সকা মরী লৈনবা পুম্বা ঐখোয়না য়েংবা তাবনি।

মরূপশিং, হান্নগী ঐখোয়গী এজুকেসন সিস্তেম অসিনা ঐখোয়গী মহৈরোয়শিংদা য়াম্না পুনশিনবিখি। সাইন্স লৌবা মহৈরোয়শিংনা আর্তস নত্ত্রগী কম্মর্স তম্বা য়ারমদে। আর্তস-কম্মর্স লৌবশিংনা হিস্তরী, জিওগ্রাফী, একাউন্তস তম্লিবা অসি সাইন্স তম্বা ঙম্লোই হায়বগী ওইরমখি। অদুবু অশেংবা তাইবংপাল অসিদা অদোমগী-ঐখোয়গী পুন্সি অসিদা শুপ্নতগী হিরম অমদখক্তংগী ই-পাউদগী থবক পুম্বা ওইবা য়াবরা?

অদুবু অশেংবদদি হিরম খুদিংমক অমগা-অমগা মরী লৈনৈ। মহৈ তম্বা খুদিংমক অমগা-অমগা মরী লৈনৈ। মহৈরোয়শিংনা অমা হিরম অমা হেক্তা লৌবা মতমদা, তুংদা অতোপ্পা হিরম অমদনা হেন্না ফজনা তৌবা ঙমগনি হায়না খল্লি। অদুবু হৌজিক্কী সিস্তেম, অহোংবগী, অনৌবা থবক পাংথোকপশিংগা শমজিন্ননবগী খুদোংচাবা পীদে। অঙাং কয়া অমনা দ্রোপ আওত তৌবগী মসিসু অচৌবা মরম অমনি। মরম অদুনা নেস্নেল এজুকেসন পোলিসী মহৈরোয়শিংনা হিরম অমা হেক্তা খনবা য়াবগী মনীং তম্বা পিরি। ঐহাক্না মসি অচৌবা

শেমদোকপা অমা ওইনা উই। হৌজিক ঐখোয়গী ইনখৎলক্লিবশিংনা সাইন্স, হ্যুমেনিতী নত্ত্রগা কমর্সতগী অমদা হেক্তা ব্রেকেৎ অমদা হেক্তা ফিৎ তৌদ্রবসু য়ারগনি। লৈবাক অসিগী মহৈরোয় খুদিংমক্না মহাক্কী হৈজ-শিংজবশিং অদু মপুং ফাহন্নবগী তাঞ্জা ফংলগনি।

মরূপশিং, নেস্নেল এজুকেসন পোলিসীদা য়াম্না চাউবা খুদোংচাদবা অমসু থম্লকখি। মফমসিদা অচৌ-অচৌবা থবক নীংথিনা তৌবা ঙম্লবা অমদি খঙ-হৈরবা কয়া অমা য়াওবীরি, ঐখোয়গী লৈবাক অসি তম্বগী ওইবা এজুকেসনগী মহুত্তা মার্কশিং অমসুং মার্কশিৎকী এজুকেসন্দা লাইচুখ্রে। মহৈ তম্বদি অদুম্মক অঙাংশিং অদুনা শান্নবা মতমদা, ইমুংদা ৱারী শান্নবা মতমদা, মহাক্না অদোমগা লোয়ননা কোইবা চৎপা মতমদা অদুম তম্লিবনি। অদুবু মমা-মপানসু অঙাংশিংদা করি তম্লবগে হায়বসি তত্তনা হংবিদে। মখোয়নসু মার্ক কয়া ফংবগে হায়না হঙই। তেস্ত অমনা, মার্কশিৎ অমনা অঙাংশিং অদুনা তম্লিবা, মখোয়গী ৱাখল অদু অদু ফগৎহন্নবগী পেরামিতর ওইবা য়াবরা? ঙসিদি মার্কশিৎ অসি ৱাখলগী প্রেশরশিৎ ওইরে, ইমুংগী প্রেস্তিজশিৎ ওইরে হায়বসি অচুম্বনি। লাইরিক তম্বদগী ফংলিবা নাইতোমগী ৱাখল, মেন্তেল স্ত্রেত্সগী অঙাংশিং অসি পুথোরকপা হায়বসি নেস্নেল এজুকেসন পোলিসীগী মরুওইবা পান্দম অমনি।

পরিক্ষাদসু মহৈরোয়শিংদা কান্নদবা নম্ফু-শাফু অমত্তা লৈহন্দনবা অসিগুম্না ওইহনগদবনি। অদুগা শুপ্নতগী পরিক্ষা অমত্তংদগী মহৈরোয়শিং অসি ইভাল্যুএসন তৌরোইদবনি, অদুম ওইনমক সেল্ফ এসেসমেন্ত, পীর-তু-পীর এসেসমেন্তগী মহৈরোয়শিং অসি ফগৎনবা তোঙান-তোঙানবা এঙ্গলশিংদসু ইভাল্যুএসন তৌগদবনি। মসিগীদমক্তা নেস্নেল এজুকেসন পোলিসী অসিদা মার্কশিৎকী মহুত্তা হোলিস্তিক রিপোর্ত কার্দতা হেন্না লুম্না লৌগনি। হোলিস্তিক রিপোর্ত কার্দ সি মহৈরোয়গী তোপ-তোপ্পা, পোতেন্সিএল, এপ্তিচুদ, তেলেন্ত, স্কীলশিং, ইফিসিএন্সি, কম্পিতেন্সী অমসুং পোজিবিলিতীশিংগী মরীক চুম্বা শিৎ ওইগনি। ইভাল্যুএসনগী সিস্তেম অসি মপুং ওইনা ফগৎহন্নবগীদমক্তা অনৌবা নেস্নেল ইভাল্যুএসন সেন্তর “পরখ”সু লিংখৎলগনি।

মরূপশিং, নেস্নেল এজুকেসন পোলিসী লাক্লবা মতুংদগী অঙাংশিং অসি তম্বীনবগী লোন অসি করি ওইগদগে হায়বা খ্বাইদগী য়াংগদগে হায়বসিদা য়াম্না খন্ন-নৈনখি। মসিদা করি হোংদোকপগে হায়না খন্নখি। ঐখোয়না বৈজ্ঞানিক ওইবা ৱাফম অমা খঙই মদুদি মথৌ তাবা লোন অসি এজুকেসনগী মেদিয়ম্নি, লোনখক্তনা এজুকেসনপুম্বা নত্তে হায়না। লাইরিক্তংগী ওইনা তম্বা কাংবু খরনদি মসিগী খেৎনবা অসি কাওই। মসিগীদমক্তা অঙাংশিংনা লাইনা মহৈ তম্বা ঙম্বা লোন, পোৎশিং তম্বা ঙম্বা লোন অদু মহৈ তম্বগী লোন ওইহনগদবনি। অদোম্না অঙাংশিংদা তম্বীবা মতমদা, অদোম্না হায়বা মতমদা মখোয়না লৌসিনবা ঙম্লিবরা হায়বদু য়েংবীগদবনি। খঙবা তারবদি কয়া য়াম্না লাইনা খঙলিবনো? সবজেক্তশিংদগী হেন্না অঙাংশিংগী শক্তি অসি লোন অদু খঙনবা হোৎনবদা লোইনা চংখ্রবাজাৎলা? ৱাফমশিং অসিগী খঙলদুনা লৈবাক অয়াম্বদসু অহৌবগী এজুকেসন মমালোন্দা তম্বী।

২০১৮দা পাংথোকখিবা প্রোগ্রাম ফোর ইন্তর্নেস্নেল স্তুদেন্ত এসেসমেন্ত-পিসাগী মকোক থংবা রেঙ্কিং লৌখিবা এস্তোনিয়া, আয়র্লেন্দ, ফিনলেন্দ, জাপান, খা কোরিয়া, পোলেন্দগুম্বা লৈবাকশিং অসিগী অহৌবগী মহৈ তম্বগী লোন অসি ইমালোন হায়বসি অদোম্না খঙবিরমগনি। লোন অদু তারগা চাউরকপা, য়ুমগী লোন ওইবা অদুদা তম্বীবা তারবদি অঙাংশিংনা থুনা হৈবা হায়বসি মশানা তাবনি। অদু নত্ত্রবদি অতোপ্পা লোন্দা খরা তাবা মতমদা হান্না মহাক্না মদু আর্থ হন্দোকই, অদুগা খঙই। অঙাংগী ৱাখলদা য়াম্না চমম্নবা অমা পোকহল্লি, স্ত্রেস য়াম্না পীবগী ৱাফম ওই। মসিগী অতোপ্পা এঙ্গল অমসু লৈ। । ঐখোয়গী লৈবাকসিদা, মরুওইনা খুঙ্গংগী লমদা, মহৈ তম্বা অসি মমা লোন্দগী তোঙানবনা মরম ওইদুনা মমা-মপাশিংনা অঙাংশিংগী মহৈ তম্বদা য়াওশিনবা ঙমদে। অসিগুম্বা মতাংসিদা অঙাংশিংগী ওইনা অরাইবা থবক-থৌওং অমা ওইনা লৈতনা স্কুলগী দ্যুতী ওইরকই। মমা-মপাশিং অমসুং স্কুলগী মরক্তা লৈই অমা চিংই। মসিগীদমক্তা োইথোকপা য়ারিবমখৈয়ামদ্রবদা গ্রেদ মঙা অসি ক্লাস ৫ ফাওবা এজুকেসনগী মেদিয়ম অসি ইমালোন ওইহনগদবনি, মফমদুগী লোন থম্লবা মতুংদা নেস্নেল এজুকেসন পোলিসীদা হায়খ্রে। মীওই খরদি মসিদা লান্না লৌনবা ঐহাক্না উই। নেস্নেল এজুকেসন পোলিসীদা ইমালোন নত্তনা অতোপ্পা লোন অমদা তম্বদা অথিংবা অমত্তা লৈতে। ইংলিশকা লোয়ন-লোয়ননা ফোরেন লেংগ্বেজশিং অসি ইন্তরিনেস্নেল বোর্দতা মতেং ওইগনি। মদু অঙাংশিংনা পারবা, তম্লবদি ফগনি। মসিগা লোয়ন-লোয়ননা ভারতকী অতোপ্পা লোনশিং অসি ঐখোয়গী ফগৎলক্লিবা রাজ্যশিংগী লোন, মফমদুগী নাৎ অদু খঙনবা, লম খুদিংমক্তা অমগা-অমগা মরী অসি কন্নবা শৌগৎকনি।

মরূপশিং, নেস্নেল এজুকেসন পোলিসীগী মসিগী খোংচৎকী অহানবা ওইনা লমজিংবীগদৌরিবা অসি অদোম খুদিংমক্নি, লৈবাক অসিগী ওজানি। অনৌবা মওংদা তম্বা ওইরো, ‘পরখ’তগী তৌবা অনৌবা পরিক্ষা ওইরো, মহৈরোয়শিংনা মসিগী অনৌবা খোংচৎ অসিদা ওজাশিংনা পুদুনা চৎকদবনি। মরমদি প্লেন অসি কয়া অমা হেন্না এদভান্স ওইরবসু পাইগদৌরিবদি পাইলোৎননি। মসিগীদমক্তা ওজা খুদিংমক্না অনৌবা কয়া অমা তমগদবনি, য়াম্না অরিবশিং অদু তম্লোইদবনি। ২০২২দা নীং-খা তম্বগী চহি ৭৫ শুবগী থৌরম পাংথোকপদা ভারতগী মহৈরোয় খুদিংমক্না নেস্নেল এজুকেসন পোলিসীদগী লেপ্নখিবা লমজিং-লমতাকশিং অসি পাবা অসি ঐখোয়গী অপুনবগী ইথৌদাংনি। ঐহাক্না ওজা খুদিংমক্তা, লৈঙাক্লিবশিংদা, সেল্ফ হেল্প গ্রুপশিংদা অমসুং গার্জিয়ানশিংদা খঙহঞ্জরি মদুদি মখোয়শিং অসি মসিগী নেস্নেল মিশন অসিদা থৌদাং লৌবিনবা হায়জরি। অদোম ওজা খুদিংমক্কী মতেংনা লৈবাক নেস্নেল এজুকেসন পোলিসী অসি মায় পাক্না চৎনহনবা ঙমগনি হায়বা চপ চানা থাজৈ।

ঐহাক্না ঐহাক্কী ৱাফম অসি লোইশিন্দ্রিঙৈগী মমাংদা ওজাশিংগী থোংদগী ৱাফম অমা হায়জবা পামজৈ মদুদি কোরোনাগী মতম অসিদসু অদোম খুদিংমক্না অদোম্নসু অতোপ্পশিংদা ঙাক্না চৎকদবা চৎন-কাংলোনশিং অদুদি- গজ অনি থাপ্না লৈনবা, মাস্ক নত্ত্রগা ফেস কভর উপ্পগী ৱাপম ওইরো, ইমুংগী অহল-লমনশিং মপুং ফানা য়েংশিনবা, লু-নানবগী ৱাফম ওইরো মসি পুম্নমক অসি লান্থেংনবদা লমজিংলমতাকপসু ঐখোয় খুদিংমক্না তৌগদবনি। মসি ওজানা য়াম্না লাইনা তৌবা ঙমগনি। য়াম্না লাইনা য়ুম-য়ুমদা য়ৌহনবা ঙমগনি। অদুগা ওজানা করিগুম্বা অমা হায়বা মতমদা মহৈরোয়শিংনা য়াম্না থাজনা লৌই। মহৈরোয়শিংগী মমাংদা প্রধানমন্ত্রীনা মসি হায়বনি হায়না হায়গদগে অমসুং ঐগী ওজানা মসি কদায়দা হায়গদগে হায়বদা ঐহাক্না হায়গনি.ষ মসিদা ৱাহং মরী হংলক্কনি। অদুবু ওজানা হায়বনি হায়বসিদা ৱাহং অমত্তা হংনরক্লোই। য়ুমদা চৎলগা শাগনি ঐখোয়গী ওজানা হায়বনি। মসিগী ইকাই খুম্নবা, মসিগী থাজবা অসি অঙাংগী ৱাখলদা লৈ। মসি অদোমগী য়াম্না অচৌবা লন্নি, অচৌবা পাঙ্গল-থৌননি। অমসুং মসিগী লম অসিগা মরী লৈনরিবা মীরোল কয়ানা কত্থোক্তুনা মসিগী পারী-পুরীগী ওইবা ফম অসি পীবীরিবনি। অদুগা অসিগুম্বা পোৎশিং অসি অদোমগী পারী-পুরীগী ওইবা ফম অসি ফংবা তারবদি অদোমগী থৌদাংসু য়াম্না চাউই।

ঐহাক্কী লৈবাক অসিগী ওজাশিংনা ভারতকী তরং-তরংবা তুংগী মীরোল অমগীদমক্তা মসি মিশন অমগী মওংদা লৌগনি, থৱাই য়াওনা তৌগনি। লৈবাক অসিগ অঙাং অমমমনা এজুকেসন অসি লৌশিন্নবা শেম্বনি, অদোমগী ফীদম অদু ঙাকন্বা শেম্বনি, অদোমগী অনীংবা-অপাম্বা অদু অথোইবা মওংদা ওইহন্নবা শেম্বনি।  মহাক্না অহিং-নুংথিল খঙদনা হোৎননবগীদমক্তা শেম্বনি। ওজানা অমুক্তং হায়রবদি পুম্নমক ইনগদবগী শেম-শাদুনা লৈ। ঐহাক্না খনবদা মমা-মপা, ওজা, ওজাগী ওর্গনাইজেসন, সরকারগী সিস্তেম, ঐখোয় পুম্নমক্না পুন্না থবক তৌমিন্নগদবনি। মসিগী তৌনরিবা জাঞানগী জৈগ্য অসিদা, এজুকেসনগী থৌরম অসিদা সেপ্তেম্বর ৫দগী হৌরগা লেপ্তনা তোঙান-তোঙানবা লমগী তোঙান-তোঙানবা মীওইশিংনা মসি মখা তানা চত্থহন্নবগীদমক্তা হোৎনরি হায়বা ঐহা্না থাজৈ। হোৎনরিবশিং অসিগী মহৈ ফংগনি। মতম য়ৌদ্রিঙৈদা ফংগনি। অদুগা অপুনবা থৌদাং লৌবগী ৱাখল্লোন অদুগী মরম্না পুরক্কনি।

মসিগী থাজবা অসিগা লোয়ননা অমুক্কা হন্না অদোম পুম্নমকপু হন্না-হন্না থাগৎচরি। অদোম পুম্নক্তা য়াইফ-পাউজেল পীজরি অদুগা মতম পুম্নমক্তা ঐহাক্না ওজাবু খুরুমজরি। ঙসিগী ভর্চুএল ওইবা থোংদগীসু অদোম খুদিংমকপু খুরুমজবগা লোয়না ঐহাক্কী ৱাফম অসি লোইশিঞ্জরগে।

হন্না-হন্না থাগৎচরি!!!

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Agri, processed food exports buck Covid trend, rise 22% in April-August

Media Coverage

Agri, processed food exports buck Covid trend, rise 22% in April-August
...

Nm on the go

Always be the first to hear from the PM. Get the App Now!
...
PM Modi arrives in Washington
September 23, 2021
Share
 
Comments

Prime Minister Narendra Modi arrived in Washington. In the USA, PM Modi will take part in a wide range of programmes, hold talks with world leaders including President Joe Biden, VP Kamala Harris and address the UNGA. The PM will also participate in the first in-person Quad Summit during this visit.