ব্রাহ্মপুত্রা তুরেলদা পালাশবরী অমসুং সুয়ালকুচি শম্নগদবা থোঙ অমা শানবা অমসুং সিবসাগরদা রঙ্গ ঘর ফজহন্নবা প্রোজেক উরেপ-উয়ুং তমখ্রে
নামরুপ্তা ৫০০ তি.পি.দি মেন্থোল প্লান্ত শঙ্গাখ্রেরেলৱে প্রোজেক ৫ মীয়ামদা কৎথোকখ্রেমীওই ১০,০০০ হেনবনা শরুক য়াবা অচৌবা বিহু জগোয় য়েংখি“মসি ৱাখলনা শাখৎপগী ৱাংমদনি। মসি অখন্নবনি। মসি অসামনি”“কাইনথংদা অসাম এ-ৱান স্তেৎ অমা ওইরে”“ভারতমচা খুদিংমক্কী লৌশিং অসি লৈবাক অসিগী লৈহাও অমসুং চৎনবীশিংদগী শেমখিবনি অমসুং মসি চাউখৎলবা ভারতকী য়ুম্ফমসু ওইরি”“রোঙ্গালি বিহু অসি অসামগী মীয়ামগী থৱায় অমসুং হকচাংগী কুহ্মৈ অমনি”“চাউখৎলবা ভারত অসি ঐখোয়গী খ্বাইদগী চাউবা মঙলান্নি”ঙসিদি, অমগা অমগা শম্নবা অসি মাইকৈ মরি লোংবা মহাযজ্ঞ অমনি, লম্বী-থোঙগী শম্নবা, দিজিতেলগী শম্নবা, খুন্নাইগী শম্নবা অমসুং নাৎ-চৎনবীগী শম্নবা”“অৱাং-নোংপোক্তা থাজনদবগী ফিবম লৈত্রে”মোয় ওহমবাখিক, রোঙ্গলী বীহুর, হোভেচ্ছা, এই হোভা মোহোতেম, আপোনা-লুকোইলোই, ওন্তোরিক ওভিনন্দন, জ্ঞাপন কোরীসু।
মরুপশিং,
ঙসিগী শক্তম অসি তি.ভি.দা উবা নত্ত্রগা থৌরম অসিদা শরুক য়ারিবা খুদিংমক্না পুন্সিদা কাউঙমদবা ওইরগনি। মসি কাওঙমদবা, ফজবা অমসুং অমুক্তা উখিদ্রিবা ওইরি। অতিয়াদা নিল্লিবা দ্রমগী মখোল, ভারত পুম্বনা ঙসি মখোল অসি তাবা ফংলি। ঙসি লৈবাক অমদি মালেমনা অসামগী হোৎনবা কনবা, আর্তিস্ত লিশিংগী কোওর্দিনেসন অসি চাউথোকচবা পোকপগা লোয়ননা য়েংনরি। অহানবদা থৌরম অসি য়াম্না চাউই, পালন থৌরম অসি য়াম্না চাউই, অনিশুবদা নখোয়না থৱায় য়াওবা অসি শীংথানীংঙাই ওই। ঐহাক্না নীংশিংলি, ঐহাক্না বিধান সভা মীইখলগীদমক মফম অসিদা লাকখিবা মতমদা ঐহাক্না মীয়াম্না অসাম অসি এ ওইরগনি হায়খি। ঙসি অসাম অসি এ-ৱান স্তেৎ ওইরক্লি। অসামগী মীয়াম অমসুং লৈবাক্কী মীয়ামদা য়াইফরবা বীহুগী য়াইফ পাউজেল পীজরি।
মরুপশিং,
হৌজিক পঞ্জাব য়াওনা অৱাং থংবা ভারতকী মফম কয়াদা বৈশাখি পাঙথোক্লি। বেঙ্গোলী ইচিল-ইনাওশিংনা পোইলা বোইশক পাঙথোক্লি, কেরালাদা বিষ্ণু পাঙথোক্লি। রাজ্য কয়াদা মসি অনৌবা চহি হৌবগী নুমিৎ ওইরি। কুহ্মৈশিং অসিনা এক ভারত শ্রেস্থ ভারতকী ৱাখল্লোনগী মমি তারি। কুহ্মৈশিং অসিনা পুম্নমক্কা লোয়ননা চাউখৎপা ভারত অমা ওইনবা ঐখোয়গী ফিরেপ থুংহন্নবা ইথিল অমা ওইরি।
মরুপশিং,
ঙসি ৱাখল্লোন অসিদা অৱাং নোংপোক অমসুং অসামগী চাউখৎ-থৌরাংগা মরী লৈনবা প্রোজেক্ত কয়া মফম অসিদা শঙ্গাখি অমসুং উরেপ-উয়ুং তমখি। ঙসি অসাম, অৱাং নোংপোক্না এম্স গুৱাহাতি অমসুং অনৌবা মেদিকেল কোলেজ অহুম খুদোল ওইনা ফংজরে। ঙসি অৱাং নোংপোক্তা রেল কন্নেক্তিবিতীগা মরী লৈনবা প্রোজেক্তশিংসু হৌখ্রে। ঙসি ব্রহ্মপুত্রাদা কন্নেক্তিবিতী হেনগৎহন্নবা থোং অমসু শাবা হৌরে। মিথানোল প্লান্ত অমা শাবগা লোয়ননা অসামনা য়ুমলোন্নরিবা লৈবাকশিংদসু মিথানোল এক্সপোর্ত তৌবা ঙমগলগনি। অসামগী কলা-নাৎ অমসুং চৎনবীগী খুদম অমা ওইরিবা রংঘর নৌনা শেমগৎ-শাগৎপা অমদি ফজথোকহনবগী থবকসু ঙসিদগী হৌরে। নাৎকী ওইবা কুহ্মৈ অমসুং খোঙজেল য়াংনা চাউখৎলক্লিবা অসিগীদমক ঐখোয়না পালন তৌরিবা অসিদা হন্না-হন্না নুংঙাইবা ফোঙদোকচরি।
ইচিল-ইনাওশিং,
শম্না হায়রবদা হৌজিক লৈবাক পুম্বনা নাৎকী ওইবা ছথা উবা ফংলি অমসুং ঐহাক্না নখোয়গী নরক্তা লাকপদা ঐহাক্না নখোয়না শঙখিবা মচু অদু ফাওবা ঙম্মি। মসি মীপুম খুদিংমক্না হোৎনবগী অচৌবা খুদম অমনি। অসামিজ নখোয় পুম্নমক্না নখোয়গী নাৎপু য়াম্না চেকশিন্না ঙাকশেন্দুনা থমখি। মসিগীদমক নখোয়বু থাগৎচরি। নাৎকী ওইবা কুহ্মৈ অসিদা শরুক য়ারিবা মরুপ পুম্নমক থাগৎপগী লোইনাইরোই। নখোয়গী কুহ্মৈ অসি শুপ্নগী নাৎকী ওইবা থৌরম অমা খক্তা নত্তে। মসি রোঙ্গলী বীহু – বৌহাগ বীহুগী লোইনাইদ্রবা ৱাখল্লোন অদুনি। মসি অসামগী মীয়ামগী থৱায় হকচাংগী কুহ্মৈ অমনি। মসিনা অৱাৎপা পুম্নমক মেনশিনখি, খেন্নবা খুদিংমক কোকহনখি। মসি মীওইবা অমসুং মহৌশাগী মরক্তা লৈরিবা ফজবা খুদম অমনি। মরম অসিনা কনাগুম্বা অমত্তা বীহুগী তশেংবা ৱাহন্থোক খঙবা ঙম্লোই। মসি খঙনবা ইথিল অমা পোকপা মথৌ তাই। চপ মান্নবা ইথিল অসি ইচে-ইচল অমসুং ইচানুপীশিংগী শমলাংদা লৈতেংলিবা ‘কোপোফুল’দা, মোগা সিল্ক মেখেলাসা ফাওবা ঙম্মি। মসি ঙসি য়ুমথোং খুদিংমক্তা থোংলিবা ‘ইখো এক বীদ-খাক”তা ফাওবা ফংই।
মরুপশিং,
ভারতকী অখন্নবা অসি ঐখোয়গী নাৎ, ঐখোয়গী চৎনবীশিং অসি চহি লিশিং কয়াদগী ভারত মচা খুদিংমক্কা শম্নদুনা লাকপা অসিনা ওইরি। পুন্না ঐখোয়না মীখা পোল্লিঙৈগী শাংলবা মতমদা মীওৎ মীনৈ খুদিংমক খাংদুনা লাকখি। পুন্না ঐখোয়না ঐখোয়গী নাৎ অমসুং সভ্যতাদা শীংনরকপা থেংনদুনা লাকখি। সরকার হোংখি, লৈঙাকপা লাকখি অমসুং চৎখি অদুবু ভারতনা অমর ওইনা, খোঙফম চেৎনা লেপখি। ভারত মচা ঐখোয়গী ৱাখল্লোন অসি ঐখোয়গী লমদম, ঐখোয়গী নাৎনা শেমখি। অমসুং মসিনা ঙসি চাউখৎপা ভারত অমা শেমগৎনবগী মপাঙ্গল কনবা য়ুম্ফম অসু ওইরি।
মরুপশিং,
তানফম অসিদা ঐহাক্না অসামগী মমিং লৈরবা সহিত্যগী মীশক অমসুং ফিল্ম মেকর, জ্যোতি প্রোহদ অগরৱালনা ইখিবা মমিং লৈরবা ঈশৈ অমা নীংশিংলকই। ঈশৈ অদুদি – বিস্সা বিজোই নৌ জোৱন, ঈশৈ অসি য়াম্না অখন্নৈ। ভারত রত্না ভুপেন হজারিকাজীনা য়াম্না নহা ওইরিঙৈদা ঈশৈ অসি শকখি। ঈশৈ অসিগী ৱাহৈ খরা ঐহাক্না পাথোকচনীংই, অদুবু অহানবদা ঐহাক্না নখোয়দগী ৱাফম অমা খঙজনীংই। নখোয়না ঐহাক্না লোন কোইবগীদমক ঙাকপীগদ্রা? করিগুম্বা অশোই-অঙাম য়াওবা তারবদি, শোইরোইদ্রা? অসামগী মীয়ামদি য়াম্না পুকচেল চাউবনি।
মরুপশিং,
ঈশৈ অদুদি “বিস্সা বিজোই নো জোৱান, বিস্সা বিজোই নো জোৱান, হোক্তি হালি ভোরোতোর, উলাই আহা – উলাই আহা!! হোন্দান তুমি বিস্লোবোর, হোমুখ হোমো হোমুখোতে, মুক্তি জোজারু হুসিয়ার, মৃত্যু বিজোয় কোরিবো লাগিবো, সাধিনাতা খুলি হুৱর”!!!
মরুপশিং,
অসামগী মীয়াম্না মসিগী ৱাহন্থোক মুন্না খঙই। অদুবু লৈবাক শিনবা থুংবদগী থৌরম অসিবু য়েংলিবা মীওইশিংদা অসামদা করম্বা ঈ চেল্লি, থমোয়দা করি ফাওরি হায়বা খঙবা মথৌ তাই। ঈশৈ অসিদা ভারতকী নহারোলশিংদা অপীল অমা তৌজরি। ঈশৈ অসিনা নহারোলশিংদা অহোংবা পুরক্নবা লমজিং মৈরা ওইনবা হায়রি। ঈশৈ অসিনা ঐখোয়না অশীববু খুদুম চন্দুনা নীংতম্বগী থোং হাংগনি হায়বগী থাজবা পীরি।
মরুপশিং,
ঈশৈ অসি নীংতম্বা ফংবা অসি অচৌবা মঙলান অমা ওইরিঙৈ মতমদা ইখি। ঙসিসি ভারত নীংতম্বা ফংলে অমসুং চাউখৎপা ভারত অমা শেমগৎপনা ঐখোয় পুম্নমক্কী খ্বাইদগী চাউবা মঙলান ওইরি। ঐখোয়না লৈবাক্কীদমক হিংনবগী খুদোংচাবা ফংখি। ঐহাক্না লৈবাক্কী নহাশিংদা, অসামগী নহাশিংদা মালেমবু খুদুম চন্নবা মতিক ময়াই লৈ হায়জরি। নখোয়না মাংদা চংশিন্দুনা খোঙজেল য়াংনা চাউখৎপা ঙম্নবা হোৎনৌ, চাউখৎপা ভারত অমগী থোংশিং হাংঙু হায়না অপীল তৌজনীংই।
মরুপশিং,
মীওই কয়াদা ঐঙোন্দা হংখি করম্না ঐহাক্না অচৌবা পান্দমশিং থম্বগে, চাউখৎপা ভারতকী মতাংদা কনাগা ৱারী শাবগে। পাউখুম অসি য়াম্না চম্মি, নুংদগী খোঞ্জেল অমা থোরকই, মদুনা নঙোন্দা থাজবা থম্মি হায়রি। ঐহাক্না লৈবাক্কী নহাশিংদা থাজবা থম্মি, ঐহাক্না ইরৈবাকচা করোর ১৪০দা থাজবা থম্মি। ঐখোয়গী সরকারনা অথুবদা নখোয়গী লম্বীদা লাকপা অপনবা খুদিংমক কোকহন্নবা হোৎনরি। ঐখোয়না থমোয় শেংনা হোৎনরি। ঙসি উরেপ-উয়ুং তমখিবা অমসুং শঙ্গাখিবা প্রোজেক্তশিং অসিনা মসিগী খুদম ওইরি।
ইচিল-ইনাওশিং,
দিকেদ কয়া ঐখোয়গী লৈবাক্কী কন্নেক্তিবিতী অসি য়াম্না অকক্নবা মওংদা উরমখি। মীওই অমনা মফম অমদগী মফম অমদা চৎপা অসি কন্নেক্তিবিতীনি হায়না লৌনরমখি। অসাম অমসুং অৱাং নোংপোক্কী মীয়াম্না মসিদা ভারতকী করি থৌদাং লৈখি মুন্না খঙই। হৌখিবা চহি ৯দা ঐখোয়না কন্নেক্তিবিতীগী মতাংদা লৈরিবা অরিবা এপ্রোচ অদু শেমদোকখি। ঐখোয়গীদমক্তা কন্নেক্তিবিতী অসি মাইকৈ মরিদা পুন্না থবক তৌবনা ওইরি। ঙসি লৈবাক্না কন্নেক্তিবিতীগী থবক তৌবদা দাইমেন্সন ৪দা মীৎয়েং চংলি – ফিজিকেল কন্নেক্তিবিতী, দিজিতেল কন্নেক্তিবিতী, সোসিএল কন্নেক্তিবিতী অমসুং কলচরেল কন্নেক্তিবিতী।
মরুপশিং,
ঙসি ফজরবা থৌরম অমা পাঙথোক্লি অমসুং মরম অসিনা ঐহাক্না অহানবদা কলচরেল কন্নেক্তিবিতীগী মতাংদা হান্না ঙাংজগে। হৌখিবা চহিশিংদা কলচরেল কন্নেক্তিবিতীগী মতাংদা ভারত্তা অমুক্তা ওইখিদ্রিবা মওংদা থবক তৌদুনা লাকখি। লসিৎ বোরফুকনগী ৪০০শুবা মপোক কুমওন্দা দিল্লীদা অচৌবা থৌরম পাঙথোক্কনি হায়না কনানা থাজরুগনি। অসামদগী মীওই কয়ানা অসামগী অথৌবা অসিগী থৌরমদা শরুক য়ানবা লাকখি অমসুং ঐহাক্না মখোয়গা ৱারী শানবা খুদোংচাবা ফংজখি।
মরুপশিং,
লাসিৎ বোর্ফুজন নত্ত্রগা রানী গাইদিংলুই ওইরবসু, কাশী-তমিল সঙ্গম নত্ত্রগা সৌরস্ত্রা-তমিল সঙ্গম ওইরবসু, কেদারনাথ নত্ত্রগা কামাখ্যা ওইরবসু, দোসা নত্ত্রগা দোই সিরা ওইরবসু ঙসি ভারত্তা ৱাখল্লোন খুদিংমক, নাৎ খুদিংমক অমগা অমগা শম্নরি। হিমন্তাজীনা গুজরাত্তা লাক্লবা মতুংদা মধবপুর মেলাদা শরুক য়াখি। কৃষ্ণ-রুকমনিগী মরীনা অৱাং নোংপোক অমসুং নোংচুপ থংবা ভারতকা শম্নহল্লি। মসি খক্তা নত্তনা মোগা সিল্ক, তেজপুর লেসু, জোহা চেং, বোকা সোল, কাজী নেমু, ঐখোয়গী গমোসা অসিগুম্বা প্রদক্ত কয়ানা জি.আই. তেগসু ফংখি। মসি অসামগী কলা অমসুং ঐখোয়গী ইচে-ইচলগী লেবর-এন্তর্প্রাইস অসিবু লৈবাক্কী অতোপ্পা শরুক্তা য়ৌহন্নবা খোঙথাং অমসুনি।
ইচিল-ইনাওশিং,
ঙসি লৈবাক্কী তোঙান-তোঙানবা নাৎশিংগী দাইলোগ তুরিজমগী খুত্থাংদা পাঙথোক্লি। লমকোইবশিংনা মফম অমা হেক্তদা চৎপা মতমদা মখোয়না শেল চাদিং তৌবা খক্তা নত্তনা মখোয়গা লোয়ননা মফম অদুগী নীংশিং মমিশিং পুদুনা চৎলি। অদুবু অৱাং নোংপোক্তা ফিজিকেল কন্নেক্তিবিতীগী অৱাৎপা লৈবনা মরম ওইদুনা তোঙান-তোঙানবা নাৎশিং করম্না শম্নগনি? মরম অসিনা ঐখোয়না রেল-রোদ অমসুং এয়র কন্নেক্তিবিতীদা মীৎয়েং চংখি। হৌখিবা চহি ৯দা ঐখোয়না মতম শাংনা লাপ্না লৈরুবা মীওইশিংগীদমক খোঙজেল য়াংনা কন্নেক্তিবিতী পাকথোক-চাউথোকহনখি। ঙসি অৱাং নোংপোক্কী খুঙ্গং অয়াম্বা নোংসু নুংশা খাইদনা চৎপা য়াবা লম্বীনা শম্নহল্লি। হৌখিবা চহি ৯দা অৱাং নোংপোক্তা অনৌবা এয়রপোর্তশিং শাখি, অহানবা ওইনা কম্মর্সিএল ফ্লাইৎশিং লেন তৌখি। হৌখিবা চহি ৯দা মনিপুর অমসুং ত্রিপুরাদা বোর্দ গেজ ত্রেনশিং থুংখি। ঙসি অনৌবা রেল লাইনশিং অৱাং নোংপোক্তা মমাংদগী শরুক অহুম হেন্না খোঙজেল য়াংনা শেমখি। ঙসি মমাংদগী খোঙজেল শরুক ১০ য়াংনা অৱাং নোংপোক্তা রেল লাইন দব্লিং তৌরি। মফম অসিদা ঙসি রেলৱে প্রোজেক্ত ৫ শঙ্গাখি অমসুং অৱাং নোংপোক্তা ৫ অমগা শঙ্গাখি। মখোয়গীদমক লুপা করোর লিশিং ৬ হেন্না চাদিং তৌখি। মসিনা অসাম য়াওনা অৱাং নোংপোক্কী অচৌবা শরুক্কী চাউখৎ-থৌরাংদা খোঙজেল য়াংখৎহনবা ঙমখি। অহানবা ওইনা রেকনা অসামগী অচৌবা শরুক্তা য়ৌরক্লি। অসাম লোয়ননা মনিপুর, মিজোরাম, ত্রিপুরা অমসুং নাগালেন্দদা রেল লাইন দব্লিং তৌবনা কন্নেক্তিবিতী ফগৎহল্লি।
ইচিল-ইনাওশিং,
২০১৮দা ঐহাক্না বোগিবেল থোং শঙ্গাবা লাকখিবা অদু নীংশিংলি। ঐহাক্না ধোলা-সদিয়া-ভুপেন হজারিজা থোং শঙ্গাবগী খুদোংচাবসু ফংখি। ঐখোয়না দিকেদ কয়া পন্দুনা লৈরকপা প্রোজেক্তশিং লোইশিনবা খক্তা নত্তনা অনৌবা প্রোজেক্তশিং খোঙজেল য়াংনা পাইখৎলি। ঙসি অসামনা হৌখিবা চহি মাপলদা ব্রহ্মপুত্রাগী মথংদা থোংশিংগী নেৎৱার্ক্কী কান্নবা মপুং ফানা ফংবা ঙম্লে। ঙসি হৌদোকখিবা থোং শাবগী থবক অসিনসু খ্বালকুসিগী মুগা ইন্দস্ত্রীদা চাউনা শক্তি পীরগনি।
মরুপশিং,
ঐখোয়গী দবল ইঞ্জিন সরকারনা হৌখিবা চহি ৯ অসিদা সোসিএল কন্নেক্তিবিতীগীদমক তৌখিবা থবক অসিনা মীওই করোর কয়াগী পুন্সিদা কান্নবা ফংহনখি। স্বচ্ছ ভারত মিসন্না মরম ওইদুনা ঙসি খুঙ্গং লাখ কয়া ওপন দেফিকেসন ফ্রী ওইবা ঙম্লে। পি.এম. আৱাজ য়োজনাগী খুত্থাংদা মীওই করোর কয়ানা য়ুমশিং ফংজঝু। সৌভাগ্যা য়োজনাগী মতেংদগী য়ুম করোর কয়ানা মৈ ফংখি। উজ্জ্বলা য়োজনানা ইমুং কয়াগী ইমা-ইচে-ইচলশিংবু মৈখুগী অৱাবদগী কোকহনখি। জল জীবন মিসন্না মরম ওইদুনা য়ুম করোর কয়াদা তোতি ঈশিং ফংহনখি। দিজিতেল ইন্দিয়া অমসুং অহোংবা দেতানা লৈবাক্কী মীওই করোর কয়াবু মখোয়গী মখুৎতা মোবাইল পাইবা ঙমহনখি। য়ুমশিং, ইমুংশিং অসিনা এস্পিরেস্নেল ইন্দিয়াগী মশক তাক্লি। মসিনা ভারতকী শক্তিনি, মসিনা চাউখৎপা ভারতকী মঙলান মঙফাওনবা ঙমহনগনি।
ইচিল-ইনাওশিং,
চাউখৎপগীদমক থাজবগী মরী অসি চপ মান্ননা মরু ওই। ঐখোয়গী সরকারগী খোঙথাংশিংনা মরম ওইদুনা ঙসি অৱাং নোংপোক্তা লৈবা মফম খুদিংমক্তা পর্মিনেন্ত পীচ লৈহনবা ঙম্লে। নহা কয়ানা হিংসাগী লম্বী থাদোক্তুনা চাউখৎপগী লম্বেলদা চংশিল্লি। অৱাং নোংপোক্তা থাজদবগী ফীভম লৈরম্বা অদু মাংবা হৌরে, থমোয়শিংগী মরক্তা লৈরিবা অরাপ্পা লৈরকত্রে। আজাদী কা অমৃত কালদা চাউখৎপা ভারত অমা শেমগৎনবগীদমক ঐখোয়না মফম অসিগী ফীভম ফগৎহনখি। ঐখোয়না সবকা সাথ, সবকা বিকাস, সবকা বিশ্বাস অমসুং সবকা প্রয়াসকী ৱাখল্লোনগা লোয়ননা পুন্না মাংদা চংশিনবা তাই। ঙসিগী শেংলবা কুহ্মৈ অসিদা ঐহাক্না ইরৈবাকচাশিং অমসুং অসামগী মীয়ামদা চহি হৌবগী য়াইফ পাউজেল পীজরি। নুমিৎ কয়ানি কন্না হোৎন্দুনা বিহুগী জগোই মীওই কয়ানা পুন্না শাদুনা অশামবু মালেমগী মাংদা অনৌবা থাক্তা পুখৎলিবা অসিদা ঐহাক্না নুংঙাইবা পোকই। মথংগী প্রোগ্রাম য়েংনবা ঐহাক্না খৌরাংনা ঙাইজরি, তিভিদা ইরৈবাকচাশিংনা শোইদনা য়েংবদা নুংঙাইগনি অমসুং মসিনা সোসিএল মেদিয়াদা দোমিনেৎ তৌগনি থাজৈ।
ঐহাক্কা লোয়ননা হায়বীয়ু – ভারত ইমানা য়াইফরে। অরাপ্পদা মখোল অসি তাহনগদবনি। ভারত ইমানা য়াইফরে। ভারত ইমানা য়াইফরে।
বন্দে মাতরম। বন্দে মাতরম। বন্দে মাতরম।
বন্দে মাতরম। বন্দে মাতরম। বন্দে মাতরম।
বন্দে মাতরম। বন্দে মাতরম। বন্দে মাতরম।
বন্দে মাতরম।
হন্না-হন্না থাগৎচরি!
