পি.এমনা ফুত ৩০ ৱাংবা অল্লুরী সীতারম রাজুগী শেঞ্জেংনা শাবা মীতম মাইখুম হাংখ্রে
“নীংতম ইহৌ অসি শুপ্নগী চহি খরগী, মফম খরগী, নত্ত্রগা মীওই খরগী পুৱারী খক্তা নত্তে”
“অল্লুরী সীতারাম রাজুবু ভারতকী নাৎ, আদিৱাসীগী শক্তম, থৌনা, ৱাখল্লোনশিং অমসুং ভেল্যুশিংগী খুদম অমনি”
ঐখোয়গী অনৌবা ভারত অসি মখোয়না মঙজরম্বা ভারত অদু ওইহনসি। লায়রবা, লৌমী, শিন্মী, শোত্থরবা, আদিৱাসী পুম্নমক্না মান্নবা খুদোংচাবা ফংবা অদুগুম্বা ভারত অমা ওইহনসি
“ঙসি অনৌবা ভারত অসিদা অনৌবা খুদোংচাবশিং, লমশিং, ৱাখল্লোনশিং অমসুং ওইথোকপা য়াবশিং লৈরে অমসুং ঐখোয়গী নহারোলশিংনা ওইথোকপা য়াবশিং অসি থবক্তা ওন্থোক্নবগী থৌদাং লৌগদবনি”
“আন্ধ্র প্রদেশ অসি অথৌবশিং অমসুং লৈবাকনীংবশিংগী লমদমনি”
“ভারত মচা করোর ১৩০না শীংনবা খুদিংদা হায়রি - ‘ঙম্লবদি ঐখোয়বু থিংলু লাও’”

ভারত ইমানা য়াইফরে,

ভারত ইমানা য়াইফরে,

ভারত ইমানা য়াইফরে,

মন্যম বীরুদু, তেলেগু জাতি য়ুগপুরুশুদু, “তেলুগু বীর লেৱারা, দীক্ষ বুনী সাগরা” স্বন্তত্র সংগ্রামমলো, য়াবন ভারতা-বনিকে, স্পুর্তিধায়-কর্গা, নিলিচিন-অ, মনা নায়কুদু, অল্লুরী সীতারাম রাজু, পুত্তী-ন, ই নেল মদা, মন মন্দরম কলুসুকোবদম, মন অদ্রুশতম।

পুৱারী ওইরবা থৌরম অসিদা ঐখোয়গা লোয়ননা শরুক য়ারিবা, আন্ধ্র প্রদেশকী রাজ্যপাল, শ্রী বিস্বাভুশন হরিচন্দন, মুখ্য মন্ত্রী শ্রী ৱাই.এস জগন মোহন রেদ্দী, কেন্দ্রগী মন্ত্রী শ্রী জি. কিশন রেদ্দী, ফম্পাক অসিদা লেংশিনবীরিবা অতোপ্পা দিগনিতরীশিং অমসুং আন্ধ্র প্রদেশকী ঐহাক্কী নুংশিরবা ইচিল-ইনাওশিং,

পুম্নমকপু ঐহাক্না খুরুমজরি!

ঙসি, অথোইবা লমদম অসিদা ঐহাক্না ইকাই খুম্নবা উৎপা ফংজবা অসি ঐহাক ইশানা য়াম্না লাইবক ফবনি হায়না লৌজৈ। ঙসি লৈবাক অসিনা নীংতম্বা ফংখিবগী চহি ৭৫ শুবগী পালন তৌরিবা অসিগা লোয়ননা অল্লুরী সীতারাম রাজু গারুগী ১২৫শুবা মপোক কুমওনগী থৌরমসু পাঙথোক্লি। তান চান্নরুবদগী, তানফম অসিমক্তদা লৈবাক অসিগী নীংতম্নবগী ‘সম্পা ক্রান্তি’গী চহি ১০০ মপুং ফাবগী কুমওনসু তারি। পুৱারী ওইরবা থৌরম অসিদা ঐহাক্না ‘মন্যম বীরুদু” অল্লুরী সীতারাম রাজুগী নীংশিং খুবমদা ইকোক নোন্না খুরুম্বা অমসুং লৈবাক পুম্বগী মহুৎ শিন্দুনা ইকাই খুম্নবা উৎচরি। ঙসি মহাক্কী ইমুং মনুংগী মীওইশিংনা ঐখোয়বু থৌজাল পীনবীবা লাক্লি, মসি ঐখোয়গী লাইবক ফবনি। ঐহাক্না ‘আদিৱাসী পরমপরা’ অমসুং আন্ধ্র প্রদেশকী চৎনবীদগী হৌরকখিবা অথোইবা নীংতম লান্মীশিংদা ইকাই খুম্নবা উৎচরি।

মরুপশিং,

অল্লুরী সীতারাম রাজু গারুগী ১২৫শুবা মপোক কুমওন অমসুং রম্পা ক্রান্তিগী চহি ১০০ শুবা কুমওন চহি চু্প্পা পালন তৌগনি। পন্দ্রঙ্গীদা মহাক্কী পোক্নফম শেমজিনবা, চিন্তাপল্লী থানে শেমজিনবা, মোগল্লুদা অল্লুরী ধ্যান মন্দির শাগৎপা, থবকশিং অসিনা ঐখোয়গী অমৃতকী ৱাখল্লোনশিংগী খুদমশিং ওইরি। ঐহাক্না পুম্নমক্না হোৎনবীরিবা অমসুং চহিগী ওইবা থৌরম অসিগীদমক থমোয় শেংনা থাগৎপা ফোঙদোকচরি। মরু ওইনা ঐহাক্না মীয়ামদা ঐখোয়গী ফজরবা মীংচৎ অসিদা খঙহন্নবা হোৎনরিবা মরুপ পুম্নমকপু থাগৎচরি। আজাদী কা অমৃত মহোৎসব অসিদা ঐখোয়না লৈবাক অসিনা মাগী নীংতম ইহৌ অমসুং ইথিলগী হৌরকফমশিংগী পুৱারী অদু খঙহন্নবা ফিরেপ লৌখি। ঙসিগী থৌরম অসিদা মদুগী মমীসু তারি।

মরুপশিং,

নীংতম্বগী ইহৌ অসি শুপ্নগী চহি খরগী, মফম খরগী, নত্ত্রগা মীওই খরগী পুৱারী খক্তা নত্তে। মসিগী পুৱারী অসি ভারতকী কাচিন-কোয়া খুদিংমক্তা থোকখিবা ইহৌ, অচেৎপা ফিরেপ অমসুং কত্থোকখিবশিং অদুগী পুৱারীনি। ঐখোয়গী নীংতম ইহৌগী পুৱারী অসি ঐখোয়গী দাইভর্সিতী, নাৎকী পাঙ্গল অমসুং লৈবাক অসিগী ঐখোয়গী অপুনবা শক্তমগী খুদমনি। অল্লুর সীতারাম রাজু ভারতকী নাৎ, আদিৱাসীগী শক্তম, থৌনা, ৱাখল্লোনশিং অমসুং ভেল্যুশিংগী খুদম অমনি। অল্লুরী সীতারাম রাজুনা লৈবাক অসিবু অমত্তা ওইবগী লিপুন্না পুনশিল্লিবা ‘এক ভারত শ্রেস্থ ভারত’কী ৱাখল্লোন অদু তাক্লি। মহাক্না পোকপদগী হৌনা মহাক্কী পুন্সিবু আদিৱাসী খুন্নাইগী হকশিং ফংহন্নবা, মখোয়গী অৱা-নুংঙাইগীদমক অমসুং লৈবাক অসিগী নীংতম্বা ফংনবগীদমক কত্থোকখি। সীতারাম রাজু গারুনা নীংতম ইহৌ হৌখিবা মতমদা মহাক্না লাউখি – মদে রাজ্যম হায়বদি ঐখোয়গী রাজ্য। মসি বন্দে মাতরমগী ৱাখল্লোন চেল্লিবা লৈবাক অমা ওইনা হোৎনখিবগী অচৌবা খুদম অমনি।

 ভারতকী স্পিরিচুএলিজম্না অল্লুরী সীতারাম রাজুদা মীনুংশি অমসুং থৌজালগী ৱাখল্লোন, আদিৱাসী খুন্নাইগী শক্তাক অমসুং মান্নবা, লৌশিং অমসুং থৌনাগী হায়বা ৱাখল্লোন পোকহনখি। অল্লুরী সীতারাম রাজুনা লোইলম লৈঙাক্কী মীওৎ-মীনৈগী মায়োক্তা লান হৌখিবা মতমদা মহাক শুপ্নগী চহি ২৪-২৫ খক্তা শুখি। নহা ওইরিঙৈ চহি ২৭তা মহাক্না ইমা ভারতকীদমক থাৱয় থাখি। মহাক্কা চহি মান্নবা নহারোলশিংনা লৈবাক অসিগী নীংতম্বা ফংনবা রম্পা ক্রান্তিদা শরুক য়াখি। নহা ওইরিবা অথৌবশিং অমসুং নীংতম ইহৌগী অথৌবশিংনা ঙসি ফাওবা লৈবাক পুম্বগীদমক থৌনা অমসুং ইথিলগী হৌরকফম অমা ওইরিবনি। লৈবাক অসিগী নহারোলনা নীংতম ইহৌ লমজিংই। ঙসি অসি লৈবাক্কী চাউখৎ-থৌরাংগীদমক নহারোলশিংনা মাংদা থোরক্নবা অফবা খুদোংচাবনি। ঙসি অনৌবা ভারত অসিদা অনৌবা খুদোংচাবশিং, লমশিং, ৱাখল্লোনশিং অমসুং ওইথোকপা য়াবশিং লৈরে অমসুং ঐখোয়গী নহারোলশিংনা ওইথোকপা য়াবশিং অসি থবক্তা ওন্থোক্নবগী থৌদাং লৌগদবনি। আন্ধ্র প্রদেশ অসি অথৌবশিং অমসুং লৈবাকনীংবশিংগী লমদমনি। মফম অসিদা পিঙ্গলী বর্কৈয়াগুম্বা নীংতম লান্মীশিং লৈ, মখোয়না লৈবাক অসিগী ফিরাল ৱাংনা পাইহনখি। মফম অসি কন্নেগন্তী হনুমন্তু, কান্দুকূরী বীরেসলিঙ্গম পন্তুলু অমসুং পোত্তী শ্রীরামুলূগুম্বা অথৌবশিংগী লমদমনি। উয়্যা-লাবাদা নরসিমহা রেদ্দীগুম্বা লান্মীশিংনা ব্রিতিশকী মীওৎ-মীনৈগী মায়োক্তা ইহৌ হৌখি। ঙসি অমৃতকাল অসিদা লান্মীশিং অসিনা মঙজরম্বা মঙলানশিং অদুবু মঙফাওনহনবগী থৌদাং অসি ঐখোয় লৈবাকমচা খুদিংমক্কীনি। ইরৈবাকচা করোর ১৩০গী থৌদাংনি। ঐখোয়গী অনৌবা ভারত অসি মখোয়না মঙজরম্বা ভারত অদু ওইহনসি। লায়রবা, লৌমী, শিন্মী, শোত্থরবা, আদিৱাসী পুম্নমক্না মান্নবা খুদোংচাবা ফংবা অদুগুম্বা ভারত অমা ওইহনসি। হৌখিবা চহি ৮ অসিদা লৈবাক অসিনা ফিরেপ অসি থুংহন্নবা পোলিসীশিংসু শেমখি, অমসুং কত্থোকপগা লোয়ননা থবকসু পাইখৎলি। খঙজিনবা য়াবদি, শ্রী অল্লরী অমসুং অতোপ্পা লান্মীশিংগী ৱাখল্লোন অসি তুং ইন্দুনা লৈবাক অসিনা ঐখোয়গী আদিৱাসী ইচিল-ইনাওশিংগী য়াইফনবা, মখোয়গী চাউখৎ-থৌরাংগীদমক চোকথবা লৈতনা থবক তৌদুনা লাকখি।

অমৃত মহোৎসব অসিদা নীংতম ইহৌদা আদিৱাসী খুন্নাইনা অখন্ননা শরুক তমখিবা অদু য়ুমথোং খুদিংদা খঙহন্নবা খোঙথাং কয়ামরুম লৌখৎখি। নীংতম্বা ফংলবা মতুং অহানবা ওইনা লৈবাক অসিদা আদিৱাসীশিং চাউথোকচবা পোকহল্লিবা হীরম অমসুং হেরিতেজ অদু উৎথোক্নবা ত্রাইবেল ম্যুজিমশিং শেমগৎলি। আন্ধ্র প্রদেশকী লম্বসিঙ্গীদা “অল্লুরী সীতারাম রাজু মেমোরিএল ত্রাইবেল ফ্রীদম ফাইতর্স ম্যুজিয়ম”সু শাগৎলি। হৌখিবা চহিদা লৈবাক অসিনা ভগৱান বিরসা মুন্দাগী মপোক নুমিৎ নবেম্বর ১৫বু রাস্ত্রিয় জনজাতীয় গোর্ব দিৱস হায়না লাউথোকখি। লোইলম লৈঙাকনা আদিৱাসী ফুরুপপু তমথিনা ওৎ-নৈখি অমসুং মখোয়গী নাৎ মুত্থৎনবা হোৎনখি। মসিগীদমক মখোয়না কত্থোকখিবশিং অদু হিংহন্দুনা থমগনি। ঐখোয়না তুংদা লাক্কদবা মীরোলশিংদা মখা তানা ইথিল পীরগনি। সীতারাম রাজু গারুগী ৱাখল্লোন অদু তুং ইন্দুনা লৈবাক অসিনা আদিৱাসী নহারোলশিংগীদমক অনৌবা খুদোংচাবা কয়া পীরি। ঐখোয়গী উমংগী লনশিং অসিবু আদিৱাসী খুন্নাইগী নহারোলশিংগীদমক থবক পীনবা অমসুং খুদোংচাবা ফংনবগী পাম্বৈ অমা ওইহন্নবা ঐখোয়না খোঙথাং কয়া পাইখৎলি।

ঙসি স্কিল ইন্দিয়া মিসনগী খুত্থাংদা আদিৱাসী কলা-কোশলনা অনৌবা মশক অমা ফংলি। ‘ভোকেল ফোর লোকেল’না আদিৱাসী কলা কোশলবু শেন্থোক লৈনবা পাম্বৈ অমা ওইহল্লি। দিকেদ কয়া লিরবা আইন্না আদিৱাসীশিংনা ৱাগুম্বা উমংগী পোত্থোকশিং য়ানবা য়াহনদবা অদু ঐখোয়না অহোংবা পুরকখি অমসুং মখোয়দা উমংগী পোত্থোকশিংদা হক পীবীখি। ঙসি সরকার অসিনা উমংগী পোত্থোকশিং চাউখৎহন্নবা অনৌবা খোঙথাং কয়ারুম পাইখৎলি। চহি নিপালগী মমাংদা উমংগী পোত্থোক ১২ খক্তা এম.এস.পি.দা প্রোক্যুর্মেন্ত তৌরমখি, অদুবু ঙসিদি উমংগী পোত্থোক্কী এম.এস.পি. পর্চেস লিস্ততা পোত্থোক ৯০ হাপচিনখ্রে। লৈবাক অসিনা বন ধন য়োজনাগী খুত্থাংদা আদিৱাসীগী পোত্থোকশিং অমসুং কলা অসিবু মতমগা চুনবা খুদোংচাবশিং ফংহল্লি। বন ধন বিকাস কেন্দ্র লিশিং ৩ অমসুং বন ধন সেল্ফ হেল্প গ্রুপ লিশিং ৫০ হেনবনা লৈবাক অসিদা মথৌ তৌরি। আন্ধ্র প্রদেশকী বিশাখাপত্নমদা ত্রাইবেল রিসর্চ ইন্সতিত্যুতসু লিংখৎখি। এস্পিরেস্নেল দিস্ত্রিক্ত- ত্রাইবেল এরিয়াশিংনা এস্পিরেস্নেল দিস্ত্রিক্তশিং চাউখৎহন্নবা লৈবাকনা পাইখৎলিবা স্কিমশিংনা চাউনা কান্নবা পীরি অমসুং এজুকেসনগী লমদা একলব্য মোদেল স্কিল ৭৫০ হেন্না লিংখৎখি অমসুং নেস্নেল এজুকেসন পোলিসীগী মখাদা মমা লোলশিংদা মহৈ তমহল্লি।

 “মন্যম বীরুদু” অল্লুরী সীরারাম রাজুনা ব্রিতিশকী মায়োক্তা লান্থেংনবদা - ‘ঙম্লবদি ঐহাকপু থিংলু লাও’ হায়বা অসি উৎখি। ঙসি লৈবাক অসিনা মাংদা লৈরিবা শীংনবশিং, অৱাবশিং অসি থৌনা অসিগা লোয়ননা, ইরৈবাকচা করোর ১৩০গা লোয়ননা, অপুনবগী শক্তমগা লোয়ননা, মপাঙ্গল-থৌনাগা লোয়ননা মায়োক্নবদা হায়রি – ‘ঙম্লবদি ঐখোয়বু থিংলু লাও’। ঐখোয়গী নহারোলশিং, ঐখোয়গী আদিৱাসীশিং, ঐখোয়গী নুপীশিং, দলিত-বিক্তিম-তুহৎপীরবা-খুদোংচাবা ফংদ্রবা অসিনা লৈবাক অসিবু লমজিংলবা মতমদা অনৌবা ভারত অমা শেম্বদা কনাগুম্বা অমত্তনা অথিংবা পীবা ঙম্লোই। সীতারাম রাজু গারুনা পীবা ইথিল অসিনা লৈবাক অসি লোইনাইদ্রবা পনখৈ তম্না পুখৎপদা ঐখোয়দা ইথিল পীগনি হায়না ঐহাক্না থাজৈ। ৱাখল্লোন অসিগা লোয়ননা ঐহাক্না আন্ধ্দরগী লমদমদগী হৌখিবা অথৌবা নীংতম লান্মীশিংগী খুয়া খাদা খুরুমজরি অমসুং ঙসিগী শক্তম অসিনা মসিগী থৌনা, মসিগী ইনোৎ অসিনা মালেমগী মীয়ামদা ইরৈবাকচাশিংনা ঐখোয়গী নীংতম লান্মীবু ঐখোয়না কাওরোই, ঐখোয়না মখোয়দগী ইথিল লৌগনি অমসুং মাংদা ঐখোয়না চংশিনগনি হায়রো। য়াম্লবা মীয়াম্না অথৌবা লান্মীশিংদা ইকাই খুম্নবা উৎনবা মফম অসিদা লাকপীবা অসিগীদমক ঐহাক্না অমুক্কা হন্না থাগৎপা ফোঙদোকচরি। ঐহাক্না থমোয় শেংনা মীয়ামবু থাগৎচরি।

ভারত ইমানা য়াইফরে,

ভারত ইমানা য়াইফরে,

ভারত ইমানা য়াইফরে!

বন্দে মাতরম!

বন্দে মাতরম!

বন্দে মাতরম!

থাগৎচরি!

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
First Train Trial On Chenab Rail Bridge Successful | Why This Is A Gamechanger For J&K

Media Coverage

First Train Trial On Chenab Rail Bridge Successful | Why This Is A Gamechanger For J&K
NM on the go

Nm on the go

Always be the first to hear from the PM. Get the App Now!
...
Cabinet approves development of Lal Bahadur Shastri International Airport, Varanasi
June 19, 2024

The Union Cabinet chaired by Prime Minister Shri Narendra Modi today approved the proposal of Airports Authority of India (AAI) for development of Lal Bahadur Shastri International Airport, Varanasi including Construction of New Terminal Building, Apron Extension, Runway Extension, Parallel Taxi Track & Allied works.

The estimated financial outgo will be Rs. 2869.65 Crore for enhancing the passenger handling capacity of the airport to 9.9 million passengers per annum (MPPA) from the existing 3.9 MPPA. The New Terminal Building, which encompasses an area of 75,000 sqm is designed for a capacity of 6 MPPA and for handling 5000 Peak Hour Passengers (PHP). It is designed to offer a glimpse of the vast cultural heritage of the city.

The proposal includes extending the runway to dimensions 4075m x 45m and constructing a new Apron to park 20 aircraft. Varanasi airport will be developed as a green airport with the primary objective of ensuring environmental sustainability through energy optimization, waste recycling, carbon footprint reduction, solar energy utilization, and incorporation of natural daylighting, alongside other sustainable measures throughout the planning, development, and operational stages.