কেন্দ্রগী কলচর অমসুং তুরিজম মন্ত্রী শ্রী গজেন্দ্র সিংহ শেখাৱতজী, কলচরগী রাজ্য মন্ত্রী রাও ইন্দ্রজীত সিংহজী, স্কোলর পুম্নমক, মীয়াম!
ঙসিদি, বিজ্ঞান ভবন অসি ভারতকী অরিবা মতমগী অশেংবা পুৱারী নৌনা হিংলকপগী খুদম্নি। নুমিৎ খরনিগী মমাংদা, ঐহাক্না জ্ঞান ভারতম মিসন লাউথোকখি। অমসুং ঙসি, অতেনবা মতমগী মনুংদা, ঐখোয়না জ্ঞান ভারতম ইন্তর্নেস্নেল কনফরেন্স পাংথোক্লি। মসিগা মরী লৈনবা পোর্তেল অমসু হৌদোকখ্রে। মসি সরকারগী নৎত্রগা একাদেমিক্কী থৌরম অমা নত্তে, জ্ঞান ভারতম মিসন অসিনা ভারতকী নাৎ, সাহিত্য অমসুং ৱাখল্লোনবু শন্দোক্না তাক্কনি। চহি লিশিং কয়াগী কান্নরবা ৱাখল্লোনশিং, ভারতকী অথোইবা ৱাখল লৈবা মীওইশিং, আচার্য়শিং অমসুং স্কোলরশিংগী ৱাখল্লোনশিং, ঐখোয়গী লৌশিংগী চৎনবীশিং, ঐখোয়গী সাইন্তিফিক হেরিতেজ অসি ঐখোয়না জ্ঞান ভারতম মিসনগী খুত্থাংদা দিজিতাইজ ওইহল্লগনি। ঐহাক্না লৈবাক অসিগী মীওই পুম্নমকপু মিসন অসিগীদমক থাগৎচরি। ঐহাক্না জ্ঞান ভারতম অমসুং কলচর মন্ত্রালয়গী তীম পুম্নমকপু য়াইফ-পাউজেল পীজরি।
মরুপশিং,
ঐখোয়না মেন্যুস্ক্রিপ্ত অমা য়েংবদা, মদুগী এক্সপরিয়েন্স অদু মতমগী খোঙচৎ অমা ওইনা উবা ফংই। ঙসিগী অমসুং মমাংগী ফিভমশিংগী মরক্তা অচৌবা খেন্নবা অমা লৈ হায়বা অসিসু ৱাখলদা লাকই। ঙসিদি ঐখোয়না কীবোর্দকী মতেংগা লোয়ননা ময়াম অমা ইবা ঙম্মী। মদু মুত্থৎপা অমসুং চুমথোকপগী ওপ্সনসু লৈরি। ঐখোয়না প্রিন্তরগী খুত্থাংদা পেজ অমগী কোপি লিশিং কয়া শেম্মী। অদুবু চহি চা কয়াগী মমাংদা মালেম অসি ৱাখলদা শাগৎপিয়ু। মতমদুদা অসিগুম্বা মোদর্ন মেতরিএল রিসোর্স লৈরমদে। অখন্নবা মীৎয়েং কয়া অমা চংদুনা ময়েক খুদিংমক ইরম্মি, ময়েক খুদিংমক্কীদমক য়াম্না কন্না হোৎনরম্মি, অমসুং মতম অদুদসু ভারতকী মীয়াম্না মালেমগী খ্বাইদগী চাউবা লাইব্রেরীশিং শেমগৎলম্মি। ঙসি ফাওবদা ভারতনা মালেমগী খ্বাইদগী চাউবা মেন্যুস্ক্রিপ্ত কলেক্সন লৈরি। ঐখোয়দা মেন্যুস্ক্রিপ্ত করোর ১ রোম লৈ। অমসুং করোর ১গী মশিং অসি হন্থবা নত্তে।
মরুপশিং,
পুৱারীগী অকনবা অওনবা কয়াদা, মেন্যুস্ক্রিপ্ত লাখ কয়া মৈ থাদোকখি অমসুং মাংখি, অদুবু হৌজিক ফাওবা লৈরিবা মেন্যুস্ক্রিপ্তশিং অসিনা ঐখোয়গী ইপা-ইপুশিংনা লৌশিং, সাইন্স, লাইরিক পাবা অমসুং তাকপী তম্বগীদমক কত্থোকখিবা অদু কয়া য়াম্না চাউবা অমসুং মপুং ফানা খঙবা ঙম্বগে হায়বদু উৎলি। ভোজপাত্রা অমসুং পামগী মনাশিংদগী শেম্বা ফ্রেজাইল তেক্সশিং, কোপর প্লেৎশিংদা ইবা ৱাহৈশিং অসি মেতল কোরোজনগী খুদোংথীবা লৈ, অদুবু ঐখোয়গী ইপা-ইপুশিংনা ৱাহৈশিংবু ঈশ্বর ওইনা লৌরম্মি অমসুং মখোয়বু 'অক্ষর ব্রহ্মা ভাব'গা লোয়ননা সেবা তৌরম্মি। মীরোল কয়া অমনা লাইরিকশিং অমসুং মেন্যুস্ক্রিপ্তশিং অসি ঙাক্তুনা থম্মি। লৌশিংগীদমক চাউরবা ইকাই খুম্নবা, তুংগী মীরোলশিংগীদমক খনবা, খুন্নাইগীদমক থৌদাং লৌবা, লৈবাক্কীদমক থৌনা লৈবগী ৱাখল্লোন, মসিদগী হেন্না চাউবা খুদম অদোম্না কদায়দা ফংগনি।
মরুপশিং,
ভারতকী লৌশিং-জ্ঞানগী চৎনবী অসি ঙসি ফাওবদা য়াম্না শিংথানিংঙাই ওইরি মরমদি মসিগী য়ুম্ফম অসি মরুওইবা য়ুম্বী মরিদা য়ুম্ফম ওইরি। অহানবদা- প্রিজার্বেসন, অনিশুবদা- ইন্নোবেসন, অহুমশুবদা- এদিসন অমসুং মরিশুবদা- এদাপ্তেসন।
মরুপশিং,
ঐনা ঙাক-শেনবগী মতাংদা হায়রবদি, ঐখোয়গী খ্বাইদগী অরিবা লাইরিক, বেদ অসি ভারতকী চৎনবীগী য়ুম্ফমনি হায়না লৌনরি, বেদ অসি খ্বাইদগী ৱাংবা অমনি। মমাংগী বেদশিং অসি 'শ্রুতি'দা য়ুম্ফম ওইদুনা মথংগী মীরোলদা থংথখি। চহি লিশিং কয়াগী মমাংদগী, বেদশিং অসি অশোয়বা অমত্তা য়াওদনা অশেংবা ওইনা ঙাক্না চৎলি। ঐখোয়গী চৎনবী অসিগী অনিশুবা য়ুম্বী অসি ইন্নোবেসননি। ঐখোয়না আয়ুর্বেদ, ভাস্তুশাস্ত্রা, এস্ত্রোলোজী অমসুং মেত্তলর্জীশিংদা লেপ্পা লৈতনা ইন্নোবেসন তৌরি। জেনেরেসন খুদিংমক্না মমাংগী জেনেরেসনদগী মাংজিল থাখি, অমসুং অরিবা লৌশিংবু হেন্না সাইন্তিফিক ওইহনখি। সুর্য় সিদ্ধান্ত অমসুং বরহমিহির সংহিতাগুম্বা লাইরিকশিং অসি লেপ্পা লৈতনা ইদুনা লাক্লি, অমসুং অনৌবা লৌশিং অসি মখোয়দা হাপচিল্লি। ঐখোয়গী ঙাক-শেন্দুনা থম্বগী অহুমশুবা য়ুম্বী অসি হাপচিনবনি, হায়বদি, মীরোল খুদিংমক্না অরিবা লৌশিং অসি ঙাক-শেন্দুনা থম্বগা লোয়ননা অনৌবা লৌশিং হাপচিনখি। অশেংবা ভাল্মিকি রামায়নগী মতুংদা, রামায়ন কয়া অমা ইখি। রামচরিতমানাসকুম্বা তেক্সতশিং ঐখোয়না ফংলে। বেদ অমসুং উপনিষদকী মতাংদা ৱাহন্থোক কয়া ইখি। ঐখোয়গী আচার্য়শিংনা দ্বৈত, অদ্বৈতগুম্বা শন্দোক্না তাকপীখি।
মরুপশিং,
মসিগা মান্ননা, মরিশুবা য়ুম্বী অসি এদাপ্তেসননি। হায়বদি, ঐখোয়না মতমগী মতুং ইন্না সেল্ফ-ইন্ত্রোস্পেক্সন তৌখি অমসুং মথৌ তাবশিংগী মতুং ইন্না ঐখোয় ইশামকসু হোংখি। ঐখোয়না খন্ন-নৈনবদা মীৎয়েং চঙখি অমসুং শাস্ত্রার্থকী চৎনবীবু ঙাক্না চৎখি। তুংদা খুন্নাই অসিনা মরী লৈনদবা ৱাখল্লোনশিংবু লৌথোকখি অমসুং অনৌবা ৱাখল্লোনশিংবু য়াখি। খুন্নাই অসিদা ফত্তবা কয়া লাকপা মিদিভেল পেরিয়দতা, খুন্নাইগী ৱাখল্লোনবু চিংশিন্দুনা থমখিবা অমসুং হেরিতেজ অদুবু ঙাক-শেন্দুনা থম্বীরম্বা অসিগুম্বা অচৌবা মীওইশিংসু লাকখি।
মরুপশিং,
লৈবাকশিংগী অনৌবা ৱাখল্লোনশিংগা মান্নদবা মওংদা, ভারতকী মশাগী চৎনবীগী মশক অমা, মশাগী ৱাখল্লোন, মশাগী থম্মোয় অমা লৈ। ভারতকী পুৱারী অসি সুলতানশিংগী মাইপাকপা অমসুং মাইথিবা খক্তা নত্তে। ঐখোয়গী নিংথৌরোল অমসুং রাজ্যশিংগী জিওগ্রাফী অসি লেপ্তনা হোংলকখি, অদুবু ভারতনা হিমালয়দগী ইন্দিয়ন ওসিন ফাওবদা অমত্তা ওইনা লৈখি। মরমদি, ভারত অসি ৱাখল্লোন অমসুং ভেল্যুশিংনা শেমখিবা, মশাগী ওইনা চেল্লিবা ঈচেল অমনি। ভারতকী অরিবা মেন্যুস্ক্রিপচরশিংদা, ঐখোয়না ভারতকী লেপ্তনা চত্থরক্লিবা খোঙথাংশিং অদু উবা ফংই। হায়রিবা মেন্যুস্ক্রিপ্তশিং অসিসু ঐখোয়গী য়ুনিতী অসি তোঙান তোঙানবা থাক্তা লৈবগী ৱারোল অমসু ওইরি, মসিসু পাউজেল অমনি। ঐখোয়গী লৈবাক অসিদা লোন 80 রোমদা মেন্যুস্ক্রিপ্ত লৈ। সংস্কৃত, প্রাকৃত, অসামিজ, বেঙ্গালী, কন্নরা, কাশ্মিরী, কোঙ্কনি, মৈথিলি, মালায়ালম, মরাথি অমসুং অতোপ্পা লোল কয়াদা ঐখোয়না লৌশিংগী অচৌবা সমুদ্র অমা লৈরি। গিলগিত মেন্যুস্ক্রিপ্তনা কাশ্মীরগী অশেংবা পুৱারী তাক্লি। ঐহাক্না ইকুই কুইদ্রিঙৈদা পাংথোকখিবা অপীকপা একজিবিসন অদু য়েংবা চৎখি। মদুগী অকুপ্পা ৱারোল অমসু লৈ অমসুং মদুগী ফোতোশিংসু লৈ। কৌতিল্য অর্থাশাস্ত্রগী মেন্যুস্ক্রিপ্ততা, ঐখোয়না পোলিতিকেল সাইন্স অমসুং ইকোনোমিক্সকী মতাংদা ভারতকী লৌশিং অদু খঙবা ফংই। আচার্য় ভাদ্রবাহুগী কাল্পসুত্রাগী মেন্যুস্ক্রিপ্ততা জেনজমগী অরিবা লৌশিং অদু ঙাক্না থম্মী। লোর্দ বুদ্ধগী লৌশিং অসি সরনাথকী মেন্যুস্ক্রিপ্তশিংদা ফংই। রসামানজরী অমসুং গীতাগোবিন্দগুম্বা মেন্যুস্ক্রিপ্তশিংনা ভোকেসন, ফজবা অমসুং লিতরেচরগী মখল কয়াগী মচুশিং ঙাক্তুনা থম্লি।
মরুপশিং,
ভারতকী মেন্যুস্ক্রিপ্তশিং অসিদা মীওইবা খুন্নাইগী চাউখৎপগী খোঙচৎকী খোঙথাং য়াওই। হায়রিবা মেন্যুস্ক্রিপ্তশিং অসিদা ফিলোসোফী, সাইন্স য়াওরি। মখোয়দা হিদাক-লাংথক, মেতাফিজিক্স লৈ। মখোয়দা আর্ত, এস্ত্রোনোমী অমসুং আর্কিতেকচর লৈ। অদোম্না পাম্লিবমখৈ খুদম কয়া লৌবা য়াই। মেথমেতিক্সতগী হৌরগা বাইনারিদা য়ুম্ফম ওইবা কম্প্যুতর সাইন্স ফাওবা, মোদর্ন সাইন্স পুম্নমক্কী য়ুম্ফম অসি জেরোদা য়ুম্ফম ওই। জিরো অসি ভারত্তা পুথোকখিবনি হায়বসি অদোম্না খংলে। অমসুং, অরিবা মতমগী জেরো অমসুং মেথমেতিকেল ফোর্মুলা শীজিন্নবগী খুদমশিং অদু বাক্ষালী মেন্যুস্ক্রিপ্ততা হৌজিক ফাওবা ঙাক্না চৎলি। য়শোমিত্রাগী বোৱর মেন্যুস্ক্রিপ্তনা চহি চা কয়াগী মমাংগী মেদিকেল সাইন্সগী মরমদা ঐখোয়দা তাক্লি। চরক সমিথা অমসুং সুশ্রুত সমিথাগুম্বা তেক্সতশিংগী মেন্যুস্ক্রিপ্তশিংনা ঙসি ফাওবদা আয়ুর্বেদকী লৌশিং অসি ঙাক্না থম্মি। ঐখোয়না সুলভা সুত্রাদা অরিবা মতমগী জিওমেত্রিক্কী লৌশিং ফংলি। ঐখোয়না কৃশি পরশারদা লৌউ-শিংউগী ত্রেদিস্নেল নোলেজগী মতাংদা ইনফোর্মেসন ফংলি। নাত্য শাস্ত্রকুম্বা লাইরিকশিংগী মেন্যুস্ক্রিপ্তশিংনা মীওইবগী ইমোস্নেল দিবেলপমেন্তগী খোঙচৎ অদু খঙবদা মতেং পাংই।
মরুপশিং,
লৈবাক খুদিংমক্না মালেমদা মখোয়গী পুৱারী ওইরবা পোৎলমশিং অসি সিভিলাইজেস্নেল এসেৎ অমসুং মগুন ওই হায়না উৎলি। মালেমগী লৈবাকশিংদা মেন্যুস্ক্রিপ্ত অমা, আর্তিফেক্ত অমা লৈরবদি মখোয়না মসি নেসনেল ত্রেজর অমা ওইনা ঙাক্না থম্মী। অমসুং ভারতনা মেন্যুস্ক্রিপ্তশিংগী অচৌবা ত্রেজর অমা লৈরি, মসি লৈবাক অসিগী চাউথোকচবনি। মতম খরগী মমাংদা ঐহাক কুয়েততা চৎখি, মরম অদুনা ঐহাক্না মফম অদুদা ইথিল পীবা মীওই 4-6 খোমজিনবা হোৎনখি, অমসুং করিগুম্বা ঐহাক্কী মতম লৈরবদি, ঐহাক্না মখোয়গা মতম কুইনা লৈমিন্নখি, মখোয়গী ৱাখল্লোন খঙনবা হোৎনখি। কুয়েততা ঐহাক্না নুপা অমা থেংনখি, চহি চা কয়াগী মমাংদা ভারতকী সমুদ্রগী লম্বীদা কমদৌনা ললোন-ইতিক তৌরম্মী হায়বগী দোক্যুমেন্ত কয়া মহাক্না খোমজিনখি, অমসুং মহাক্না কয়া অমা খোমজিনখি, অমসুং মহাক্না ঐঙোন্দা চাউথোকচবা পোকচখি, হায়বদি, চাউথোকচবা পোকচখি, ঐহাক্না উখি, হায়বদি, মদু পুম্নমক মফম অদুদা লৈগনি, মদু কদাইদা লৈগনি, ঐখোয়না মসি পুম্নমক ঙাকশেন্দুনা থমগদবনি। হৌজিক ভারতনা মসিগী চাউথোকচবা অসি মালেমদা চাউথোকচবগা লোয়ননা উৎকনি। ঐখোয়না মালেমগী মেন্যুস্ক্রিপ্ত খুদিংমক থিদোক্কদবনি অমসুং পুশিল্লক্কদবনি হায়না মফম অসিদা হায়খ্রে অমসুং মদুগী মতুংদা প্রধান মন্ত্রীনা মসি তৌগদবনি হায়না হায়খ্রে। অদুবু অদোম্না খংলে মদুদি ঐখোয়গী মফমদগী হুরানখিবা মীতমশিং অসি, মমাংদা মশিং খরা খক্তমক ওইরম্মি, ঙসিদি অরিবা মীতমশিং অসি চাম্মগী মথক্তা হল্লক্লে। মখোয়না থাজবা থম্লি মদুদি করিগুম্বা মখোয়না অসিগুম্বা মীওইশিং অসিদা শিন্নরবদি, মদুগী মগুন হেনগৎহন্নবগীদমক মপুং ফানা হোৎনগনি। ঙসিদি ভারতনা মালেমদা থাজবা অসি লৈহল্লে, মীশিংনা ফাওরি, মসি অচুম্বা মফমনি। ঐহাক মোঙ্গোলিয়াদা চৎপা মতমদা, মফম অদুদা লৈরিবা বুদ্ধিস্ত লম্বোইবশিংগা ৱারী শানখি। মদুদগী ঐহাক্না মখোয়দা মেন্যুস্ক্রিপ্ত কয়া অমা লৈ হায়বা খঙলে। মরম অদুনা ঐহাক্না মখোয়দা হায়জখি মদুদি ঐহাক্না মসিগীদমক থবক খরা তৌবা পাম্মী, মেন্যুস্ক্রিপ্তশিং অদু পুরকপা, দিজিতেলগী মওংদা শেমদোকপা অমসুং অমুক হন্না পীরকপা, হৌজিক্তি মসি মখোয়গী ত্রেজর ওইরে।
মরুপশিং,
জ্ঞান ভারতম মিসন অসি মসিগী অচৌবা কেম্পেন অসিগী মরুওইবা শরুক অমনি। লৈবাক অসিগী ওর্গনাইজেসন কয়া অমনা মীয়ামগী শরুক য়াবগী ৱাখল্লোনগা লোয়ননা সরকারগা লোয়ননা থবক তৌমিন্নরি। কাশী নগরী প্রচরানি সভা, কোলকতাগী এসিয়াতিক সোসাইতী, উদয়পুরগী 'ধরোহার', গুজরাতকী কোবাদা লৈবা আচার্য় শ্রী কৈলাশসুরি জ্ঞান মন্দির, হরিদ্ৱারগী পতঞ্জলি, পুনেগী ভাণ্ডারকর ওরিয়েন্তেল রিসর্চ ইন্সতিত্যুৎ, থাঞ্জাবুরগী সরস্বতী মহল লাইব্রেরী অসিগুম্বা ওর্গানাইজেসন চা কয়াগী মতেংগা লোয়ননা হৌজিক ফাওবদা মেন্যুস্ক্রিপ্তমিলিয়ন অমা দিজিতেলাইজ তৌখ্রে। লৈবাক অসিগী মীওই কয়ানা মখোয়গী ইমুং-মনুংগী হেরিতেজ অসি লৈবাক অসিদা ফংহন্নবা হোৎনরি। ঐহাক্না অসিগুম্বা ওর্গনাইজেসনশিং অমসুং অসিগুম্বা লৈবাক্কী মীওই পুম্নমকপু থাগৎচরি। ঐহাক্না হীরম অমদা মীৎয়েং চঙবা পাম্মি, ঐহাক্না ইকুই কুইদ্রিঙৈদা এনিমেল লভর খরগা উনখি, করিগীদমক নখোয়না নোক্লিবনো? অসিগুম্বা মীওই কয়া ঐখোয়গী লৈবাক অসিদা লৈরি, অমসুং মখোয়গী অখন্নবা ৱাফমদি মখোয়না ষনবু শা অমা ওইনা লৌদে। মরম অদুনা মখোয়গা ৱারী শানরিঙৈদা, ঐনা মখোয়দা হায়খি মদুদি ঐখোয়গী লৈবাক অসিদা শাশিংবু লায়েংবগী মতাংদা লৌশিং কয়া স্ক্রিপচরশিংদা য়াওরি, মেন্যুস্ক্রিপ্ত কয়া অমা লৈরি। য়াই। ঐহাক গুজরাত্তা লৈরিঙৈদা, গুজরাতকী এসিয়াতিক লায়নদা য়াম্না পুক্নিং চংখি। ঐহাক্না মসিদা য়াম্না পুক্নিং চংজৈ। মরম অদুনা ঐহাক্না অসিগুম্বা থৌওংশিং অসি উবা ফংই মদুদি করিগুম্বা মখোয়না তানরক্লবদি অমসুং করিগুম্বা খুদোংথিবা নংলবদি, উ পাম্বী অমা লৈ হায়বা খঙই, মদুগী মহৈশিং অদু চারবদি ওগনি হায়বা শা অসিনা মসি খঙই। মসিনা তাক্লিবদি, নোংশা কোলোনীশিং লৈবা মফম খুদিংদা অসিগুম্বা মহৈ পানবা উশিং অসি লৈবা মথৌ তাই। মসি ঐখোয়গী লাইরিকশিংদা ইরি। হায়রিবা ৱাফম খুদিংমক ইরিবা মেন্যুস্ক্রিপ্ত কয়া ঐখোয়দা লৈ। ঐনা হায়গে খল্লিবা অসিদি ঐখোয়না লৌশিং য়াম্না ফংলি অমসুং মসি ইদুনা লৈরি, ঐখোয়না থিজিনগদবনি, থিজিনবদগী ঙসিগী কন্তেক্সতা মদুগী ৱাহন্থোক পীগদবনি।
মরুপশিং,
মমাংদা ভারতনা লৌশিংবু শেলগী শক্তিগা চাংদম্নখিদে। ঐখোয়গী অখঙ-অহৈশিংনা বিদ্যা-দানমাতা পরম হায়নসু হায়রম্মি। হায়বদি, লৌশিং অসি খ্বাইদগী চাউবা খুদোংচাবা অমনি। মসিনা মরম ওইদুনা, অরিবা মতমগী মতমদা, ভারতকী মীয়াম্না মেন্যুস্ক্রিপ্তশিংবু থাগৎপা ফোংদোক্নখি। চাইনিজ ত্রেভেলর হিউয়েন সাং ভারত্তা লাকপা মতমদা, মহাক্কা লোয়ননা মেন্যুস্ক্রিপ্ত 650 হেন্না পুদুনা চৎখি। অমসুং মতম অয়াম্বা মহাক্না ঐগী খুঙ্গংদা, ঐগী পোক্নফম ভাদনগরদা লৈরম্মি হায়না মতম অমদা চাইনাগী প্রসিদেন্তনা ঐঙোন্দা হায়খি। অদুবু মহাক্না মফম অসিদগী চাইনাদা হল্লকপা মতমদা, মহাক্না প্রসিদেন্ত সিগী পোক্নফম মফমদা লৈখি। মহাক্না ঐবু মহাক্কী খুঙ্গং অদুদা পুরকখি অমসুং ঐহাক্না মহাক্কা লোয়ননা হিউয়েন সাংনা লৈরম্বা মফম অদু য়েংনবা চৎখি, অমসুং প্রসিদেন্ত শিনা ঐঙোন্দা মেন্যুস্ক্রিপ্তশিং অদু মপুং ফানা উৎখি, অমসুং মদুদা ভারতকী অকুপ্পা ৱারোলগী পেরাগ্রাফ খরা য়াওই, মদুগী ৱাহন্থোক পীরিবা মীওই অদুনা ঐঙোন্দা তাকখি। মসিনা, ৱাখলদা য়াম্না পুক্নিং চিংশিনখি, মহাক্না পোৎ খুদিংমক্তা য়েংখি, ঐখোয়না করি পোৎলম লৈবগে হায়বদু উবা ফংখি। ঙসি ফাওবদা ভারতকী মেন্যুস্ক্রিপ্ত কয়া অমা চাইনাদগী জপানদা য়ৌখ্রে। তরেৎশুবা চহি চাদা, মখোয় অসি নেস্নেল ত্রেজর অমা ওইনা জাপানগী হোরিয়ুজি মোনাস্তরীদা থমখি। ঙসি ফাওবদা, ভারতকী অরিবা মেন্যুস্ক্রিপ্তশিং অসি মালেমগী লৈবাক কয়াদা থম্লি। জ্ঞান ভারতম মিসনগী মখাদা ঐখোয়না মীওইবা খুন্নাইগী মান্নবা হেরিতেজ অসিবু পুনশিন্নবা হোৎনগনি।
মরুপশিং,
ঐখোয়না G-20গী কলচরেল দাইলোগকী মনুংদা মসিগী খোঙথাং অসিসু লৌখৎখি। ঐখোয়না ভারতকা চহি চা কয়াগী মমাংদগী চৎনবীগা মরী লৈনবা লৈবাকশিংবু মসিগী কেম্পেন অসিদা শরুক য়াহল্লি। ঐখোয়না মোঙ্গোলিয়ন কাঞ্জুরগী রিপ্রিন্ত তৌরবা ভোল্যুমশিং অদু মোঙ্গোলিয়াগী এম্বেসেদরদা খুদোল ওইনা পীখি। 2022দা, ভোল্যুম 108 অসি মোঙ্গোলিয়া অমসুং রসিয়াগী মোনাস্তরীশিংদসু য়েন্থোকখি। ঐখোয়না থাইলেন্দ অমসুং ভিয়েতনামগী য়ুনিভর্সিতীশিংগা লোয়ননা MoUশিং খুৎয়েক পীনখ্রে। ঐখোয়না অরিবা মেন্যুস্ক্রিপ্তশিং দিজিতেলাইজ তৌনবা স্কোলরশিং ত্রেনিং পীরি। হায়রিবা হোৎনরিবশিং অসিগী মহৈ ওইনা, পালি, লান্না অমসুং চাম লোনগী মেন্যুস্ক্রিপচর কয়া দিজিতেলাইজ তৌখ্রে। ঐখোয়না জ্ঞান ভারতম মিসনগী খুত্থাংদা মসিগী থবকশিং অসি মখা তানা পাকথোক চাউথোকহল্লগনি।
মরুপশিং,
অতোপ্পা অচৌবা শিংনবদুসু জ্ঞান ভারত মিসনগী খুত্থাংদা থেংনগনি। চহি চা কয়াদগী ঐখোয়না শীজিন্নদুনা লাক্লবা ভারতকী ত্রেদিস্নেল নোলেজ সিস্তেমগা মরী লৈনবা মরু ওইবা ঈ-পাউ কয়া অমা অতোপ্পশিংনা কোপি তৌদুনা পেতেন্ত তৌরি। অসিগুম্বা পাইরেসী অসি থিংবা অসিসু মথৌ তাই। দিজিতেল মেন্যুস্ক্রিপ্তকী খুত্থাংদা মসিগী হোৎনবা অসি হেন্না মপাঙ্গল কনখৎহল্লগনি, অমসুং ইন্তেলেকচুএল পাইরেসী থিংহল্লগনি। মালেম অসিনা হীরম খুদিংমক্তা অশেংবা সোর্সশিং খঙবা ঙমগনি।
মরুপশিং,
জ্ঞান ভারতম মিসনগী অতোপ্পা য়াম্না মরু ওইবা মওং অমসু লৈরি। মসিগীদমক, ঐখোয়না রিসর্চ অমসুং ইন্নোবেসনগী অনৌবা লম কয়া অমা হাংদোক্লি। ঙসিদি, মালেম অসিদা কলচরেল অমসুং ক্রিয়েতিব ইন্দস্ত্রী অসি চাউরাক্না দোল্লর ত্রিল্লিয়ন অনি অমসুং মঙাগী চাংদা লৈরে। দিজিতেলাইজ তৌরবা মেন্যুস্ক্রিপ্তশিংনা ইন্দস্ত্রী অসিগী ভেল্যু চেনশিং মরাং কায়না ফংহনগনি। হায়রিবা মেনুস্ক্রিপস করোর কয়া অসি, মখোয়গী মনুংদা লৈরিবা অরিবা মতমগী পাউশিং অসি য়াম্না চাউবা দেতা বেঙ্ক অমা ওইনা মথৌ তৌগনি। মসিনা 'দেতা দাইরেক্ত ইন্নোবেসন'দা অনৌবা পুক্নিং থৌগৎকনি। মসিনা তেক্নোলোজীগী লমদা নহাশিংগীদমক অনৌবা খুদোংচাবা কয়া অমা পীগনি। মেন্যুস্ক্রিপ্তশিং অসি দিজিতেলাইজ তৌরকপগা লোয়ননা একাদমিক রিসর্চকীদমক অনৌবা ওইথোকপা য়াবশিং শেম্লগনি।
মরুপশিং,
দিজিতেলাইজ তৌরবা মেন্যুস্ক্রিপচরশিং অসি নৈননবা ঐখোয়না AIগুম্বা অনৌবা তেক্নোলোজীশিং শীজিন্নবা হেনগৎহনগদবনি। AIনা তেলেন্ত নৎত্রগা হ্যুমেন রিসোর্সকী মহুৎ শিনবা ঙম্লোই অমসুং মসি মহুৎ শিন্দোক্লোইদবনি হায়বগী ৱাফম অসিগা ঐহাক্না য়ানৈ, মদু নৎত্রবদি ঐখোয়না অনৌবা মীনাই-নাইথাংগী কাংলোন অমগী ভিক্তিম ওইগনি। মসি মতেং পীনবা পথাপ অমনি, মসিনা ঐখোয়বু মপাঙ্গল কনখৎহল্লি, ঐখোয়গী পাঙ্গল হেনগৎহল্লি, ঐখোয়গী খোঙজেল হেনগৎহল্লি। AIগী মতেংগা লোয়ননা, অরিবা লাইরিকশিং অসিবু কুপ্না খঙবা ঙমগনি অমসুং নৈনবসু ঙমগনি। হৌজিক য়েংবীয়ু, বৈদিক মেথমেতিক্সকী তেক্স পুম্নমক ফংদ্রি, করিগুম্বা ঐখোয়না AIগী খুত্থাংদা হোৎনরবদি, অনৌবা ফোর্মুলা কয়া অমা পুথোকপা য়াগনি। ঐখোয়না মখোয়শিং অসিবু খঙবা ঙমগনি। AI অসি মালেমদা মেন্যুস্ক্রিপ্তশিং অসিদা লৈরিবা লৌশিং অদু পুথোকপদা শীজিন্নবসু য়াই। অতোপ্পা খুদোংচাদবা অমা হায়রগদি ঐখোয়গী মেন্যুস্ক্রিপ্তশিং অসি তোঙান তোঙানবা মফমশিংদা শন্দোক্লম্মি অমসুং তোঙান তোঙানবা মতমশিংদা তোঙান তোঙানবা মওংদা পুথোক্লম্মি। AIগী খুদোংচাবা অসি মসিনি মদুদি মসি পুম্নমক খোমজিনবা য়াগনি অমসুং মসিদগী অমৃত লৌথোক্নবা য়াম্না ফবা খুৎলাই অমা ঐখোয়না ফংবা ঙমগনি, করিগুম্বা পোৎশকশিং অসি মফম 10দা লৈরবদি, ঐখোয়না মখোয়শিং অসি AIগী মতেংনা পুনশিনবা ঙমগনি অমসুং মখোয়শিং অদু উবা ঙমগনি। ঐখোয়না... মসি হৌরকপদা পীখিবা প্রজেন্তেসন অদুগুম্না ওইরম্বা য়াই মদুদি চপ মান্নবা মখলগী ৱাহৈশিং অসি শীজিন্নবগী মওং কয়ামরুম লৈ, মসি ওইরম্বা য়াই মদুদি ঐখোয়দা ৱাহং 100 শেম্বগা লোয়ননা অমুক্তংদা মখোয়গী পাউখুম পীগনি, ঙসি ঐখোয়দা ৱাহং লাখ কয়া থেংনরি, ঐখোয়না মসি 100দা হন্থহল্লগনি। করিগুম্বা ঐখোয়না হ্যুমেন পৱারগা পুনশিন্নরবদি মদুগী মহৈ ফংগনি, অদুবু অসিগুম্বা অৱাবা কয়া লৈরি, অদুবু পাম্বৈসু লৈরি।
মরুপশিং,
লৈবাক অসিগী নহারোল পুম্নমকপু ঐহাক্না খোঙজং অসিদা শরুক য়ানবা আপিল তৌজরি। অমসুং মনিপুরনা ঐঙোন্দা হায়খি মদুদি ঙরাংদগী ঙসি ফাওবদা শরুক য়ারিবা মীওইশিংগী চাদা 70দি নহাশিংনি। ঐনা থাজৈ মদুদি মসি মসিগী মাই পাকপগী খ্বাইদগী চাউবা খুদম্নি। নহারোলশিংনা মসিদা পুক্নিং চংবা হৌরবদি, ঐখোয়না য়াম্না থুনা মাইপাক্কনি হায়না ঐহাক্না থাজৈ। তেক্নোলোজীগী খুত্থাংদা ঐখোয়না মমাংঙৈগী মতমশিং অসি করম্না থিজিনগনি, মসিগী লৌশিং অসি মীওইবা খুন্নাইনা মতৌ করম্না ইভিদেন্সতা য়ুম্ফম ওইবা পেরামিতরশিংদা ফংহনগনি, ঐখোয়না মসিগী মাইকৈ অসিদা হোৎনগদবনি। ঐখোয়গী য়ুনিভর্সিতীশিং, ঐখোয়গী ইন্সতিত্যুৎশিংনসু মসিগীদমক অনৌবা থৌরাংশিং লৌখৎকদবনি। ঙসিদি লৈবাক পুম্বনা স্বদেশীগী স্পিরিৎ অমসুং আত্মনির্ভর ভারতকী ৱারেপকা লোয়ননা মাংলোমদা চংশিল্লি। মসিগী কেম্পেন অসিসু মদুগী এক্সতেন্সন অমনি। ঐখোয়না ঐখোয়গী হেরিতেজ অসি ঐখোয়গী শক্তিগা মান্নবা ওইহনগদবনি। ঐনা থাজৈ মদুদি তুংলমচৎকী অনৌবা চেপ্তর অমা জ্ঞান ভারতম মিসনগা লোয়ননা হৌরগনি। হায়রিবা হীরমশিং অসি গ্লেমর নৎত্রগা গ্লিৎজ অমত্তা য়াওদবা হীরমশিংনি হায়বসি ঐহাক্না খঙই। অদুবু মসিগী শক্তি অসি চহি চা কয়াদগী কনাগুম্বা অমত্তনা কায়হনবা ঙমদ্রি, ঐখোয়না মসিগী শক্তি অসিদা শরুক য়াবা তাই। থাজবা অসিগা লোয়ননা, ঐহাক্না অমুক্কা হন্না ময়াম পুম্নমকপু য়াইফ-পাউজেল পীজরি।
হন্না-হন্না থাগৎচরি।
