খুরুমজরি
জয় ইমা অন্নপুর্না
জয়-জয় ইমা অন্নপুর্না
গুজরাতকী মমিং লৈরবা মুখ্য মন্ত্রী শ্রী ভুপেন্দ্র ভাই পতেল অমসুং পার্লিয়ামেন্তদা লৈরিবা ঐহাক্কী মরুপ অমসুং গুজরাতকী বি.জে.পি.গী প্রসিদেন্ত শ্রী সি.আর. পরিল, অন্নপুর্না ধাম ত্রস্তকী প্রসিদেন্ত ওইরিবা অমদি পার্লিয়ামেন্তদা ঐহাক্কা লোয়ননা লৈরিবা নরহতি অমীন, অতোপ্পা ওফিস বিয়র্রশিং, মীয়ামগী মীহুৎশিং, সোসাইতীগী মকোক থোংবা মেম্বরশিং, ইচিল ইনাওশিং…
মসিগী শেংলবা ইমা অন্নপুর্নাগী ধাম অসিদা ঐহাক্না লাইনিং-লাইশোন, স্পিরিচুএলিতী অমসুং খুন্নাইগী থৌদাংশিং লৌবগা মরী লৈণবা অচৌবা লাইশোন-তিনশোনশিংদা শরুক য়াজনবগী খুদোংচাবা লেপ্তনা ফংখি, মন্দিরগী ভুমি পুজন পাঙথোকখি, মন্দির শঙ্গাখি, হোস্তেলগী ভুমি পুজন পাঙথোকখি অমসুং ঙসি মসি শঙ্গারি। পুম্নমক অসি ইমাগী থৌজালনা পাঙথোকপা ঙম্লি, ঐহাক্না নখোয়গী নরক্তা য়াওনবগী খুদোংচাবা অমা মতম খুদিংমক্তা ফংহনখি। ঙসি শ্রী অন্নপুর্না ধাম ত্রস্তকী অদলাজ কুমার হোস্তেল অমসুং এজুকেসন কম্প্লেক্স অসি শঙ্গাবগা লোয়ননা জনসহায়ক ত্রস্তকী হিরামনি আরোগ্য ধামগী ভুমি পুজনসি পাঙথোক্লি। খুন্নাইগীগীদমক হকশেল, এজুকেসন অমসুং ন্যুত্রিসনগী লমদা শরুক তম্বা হায়বা অসি গুজরাতকী মচৎ ওইদুনা লাকখি। ফুরুপ পুম্নমক্না মখোয়গী অঙম্বা চাংগী মতুং ইন্না মখোয়গী থৌদাং লৌরি অমসুং পাতিদার ফুরুপনা মতম চুপ্পদা খুন্নাইগীদমক মখোয়গী থৌদাং থুংহনবদা হনবা লৈখিদে। ইমা অন্নপুর্নাগী থৌজালগা লোয়ননা শেবা তৌবগী কত্থোকপা অসিদা নখোয় পুম্নমক্না হেন্না কত্থোকপা অমসুং শেবা হেন্না তৌবা ঙম্বা ওইরসনু। ইমা অন্নপুর্না মতম চুপ্পদা থৌজানবীবা ওইরসু। ঐহাক্না ময়ামদা অমুক হন্না নুংঙাইবা ফোঙদোকচরি।
মরুপশিং, ঐখোয়না চাউখৎপা অমসুং লমগী লাইরেম্বী অন্নপুর্নাদা চাউনা থাজবা থম্মি। পাদিদার খুন্নাই অসি ইমা পৃথিবীগা হকথেংননা মরী লৈনৈ। ইমা অসিবু ইকাই খুম্নবা অসিনা মরম ওইরগা হৌখিবা থা খরা অসিদা কনাদাদগী কাশীদা ইমা অন্নপুর্নাগী মীতম অমুক হন্না পুরকপা ঙমখি। ইমাগী মীতম অসি দিকেদ কয়াগী মমাংদা কাশীদগী হুরানখি অমসুং মীরৈবাক্তা থাদোকখি। অসিগুম্বা ঐখোয়গী নাৎকী মশক তাক্লিবা খুদম কয়া হৌখিবা চহি তরেৎ-নিপান অসিদা মীরমদগী পুরকখি।
মরুপশিং, ঐখোয়গী নাৎ, ঐখোয়গী চৎনবীদা চাকচা-য়ুথক, হকশেল অমসুং এজুকেসন অসিদা মতম চুপ্পদা মরু ওইবা মীৎয়েং থমদুনা লাকখি অমসুং ঙসি নখোয়না ইমা অন্নপুর্নধম অসিদা ইলিমেন্তশিং অসি চাউথোকহল্লি। শেমগৎখিবা অনৌবা ফেসিলিতীশিং , মফম অসিদা শাগদৌরিবা আরোগ্য ধাম অসিনা গুজরাতকী মীচম প্রজাদা চাউনা কান্নবা ফংহল্লগনি। মরু ওইনা মতম অমতদা মীওই ১৪ দাইলাইসিস তৌবা য়াবা ফেসিলতী, পুং ২৪ ব্লদ সপ্লাই তৌরিবা ব্লদ বেঙ্ক অসিনা চাউনা কান্নবা ফংহল্লগনি। অদোম্না হোৎনখিবশিং অসিনা কেম্পেন অসিগী মপাঙ্গল হাপখি অমসুং কেন্দ্র সরকারনা দিস্ত্রিক্ত হোস্পিতালশিংদা লেম্না দাইলাইসিস তৌনবগী খুদোংচাবা ফংহনবা হৌখ্রে। নখোয়না পাইখৎখিবা খোঙথাংশিং, শেবা তৌনবা অদোম্না কত্থোকখিবা অদুগীদমক নখোয় পুম্নমকপু থাগৎফম থোকই।
গুজরাতকী মীয়ামগী মনাক্তা লাকপা অসিদা ঐহাক্না গুজরাতীদা ৱা খরা ঙাংফম থোকই হায়না ফাওজৈ। নখোয়গা ঐহাক্কা চহি কয়া লৈমিন্নরক্লে। অমরোমদা হায়রগনা নখোয়না এজুকেসন ফংহনখি অমসুং থৌদাং লৌখি অমসুং নখোয়না পীরিবা ভেল্যুশিং অসিগী মতাংদা লৈবাক অসিগী থৌদাং য়ান্নবা ঐহাক্না কন্না হোৎনজখি। ঐহাক্না হকথেংননা লাকপা ফংলম্বা তারবদি অরিবা মশক নাইবা মীওই কয়াগা উনবগী খুদোংচাবা ফংজগদবনি। মীপুম খুদিংমক্না নুংঙাইরমগদবনি অদুবু ঐহাক্না তেক্নোলোজীগী মতেং লৌদুনা নখোয়গী উনবগী খুদোংচাবা অসি মাংহনজদ্রি।
ঐখোয়গী নরহরি ভাই অসিগী অখন্নবা য়াম্না লৈ, মহাক অসি ঐহাক্কী অরিবা মরুপনি। নরহরি ভাইগী অখন্নবা অসি মহাক অসি ইহৌনা নাওপুদুনা মহাক্কী পুন্সি অসি তাইবং ফাওরকখি। মহাক্না নবনির্মন ইহৌদগী পোকখি, অদুবু ইহৌদগী পোক্লকপা মীওইবা অসিদা ক্রিএতিব ইনস্তিঙ্ক লৈজৈ মসি থৌজাল অমনি। অমসুং নরহরি ভাই অসি রাজনিতীদা লৈরিঙৈদা মহাক্না ক্রিএতিব ওইবা থবক তৌখি অমসুং মসি য়াম্না মরু ওই হায়না ঐহাক্না থাজৈ। ঘনস্যাম ভাই অসিনা কো-ওপরেতিবতা মপুং ফানা কত্থোকখি। ইমুং মনুং পুম্বনা অসিগুম্বা অফবা করিগুম্বা খরা অদুমক তৌখি। অমসুং মসিনা মরম ওইরগা মহাক অমসুং মহাক্কী ইমুং মনুংগী মীওইশিং অসিনা নরহরি ভাইগী অনৌবা মীরোলগীদমক শেম-শারি, ঐহাক্না য়াইফ-মঙ্গোল পীজরি।
ঐখোয়গী মুখ্য মন্ত্রী অসি পুকচেল তপ্পা অদুবু ফিরেপ চেৎপা মীওই অমনি। অসিগুম্বা লুচিংবা অমগী মখাদা গুজরাতনা অনৌবা পনখৈশিং য়ৌবা ঙমগনি, মোদর্ন আইদিওলোজী অমসুং তঙাই ফদবা থবকশিংগী থৌদাং য়াবা অসিনা ঐখোয়গী রাজ্যগীদমক অফবা ওইরি। অমসুং ঙসি মহাক্না হায়খিবা অমসুং মফম অসিদা তিল্লিবা মীওইশিং মরু ওইনা স্বামি নারায়ন সমপ্রদায়গী ইচিল-ইনাওশিং, ঐহাক্না হায়জনীংবদি হরিগী ভক্তাশিং লৈবা মফমদা ঐখোয়না নেচরেল ফার্মিং তৌগদবনি। ঐখোয়না ইমা পৃথিথী অসিবু কন্নবা অঙম্বা থাক্তা হোৎনগদবনি। অদোম্না য়েংবীয়ু, চহি অহুম মরি অসিদা মসিগী মহৈ উবা ফংবা হৌরগনি, ইমাগী মপাঙ্গল অসি অদুক্কী মতিক কনবনা ঐখোয়না চাউখৎপা ঙম্লগনি। মসিগীদমক ঐখোয় পুম্নমক্না হোৎনবা তাই।
গুজরাত অসি লৈবাক অসি চাউখৎনবগীদমক্তনি অমসুং ঐহাক্না থবক তৌরিঙৈ মতমদা ঐখোয়দা মন্ত্র অমা লৈখি, গুজরাতনা চাউখৎপা হায়বা অসি ভারতনা চাউখৎপা হায়বনি। অমসুং গুজরাতকী চাউখৎ-থৌরাংগীদমক অদুগুম্বা পেরামিতরশিং থমসি। ভুপেন্দ্র ভাইগী লুচিং মখাদা গুজরাতকী মমল য়াম্লবা চৎনবী ওইরিবা অসি ঐখোয়না মাংদা পুন্না পুখৎলসি। নুমিৎ খরনিগী মমাংদা কনাগুম্বা অমনা ভিদিও অমা ঐঙোন্দা থারকখি, মদুদা ভুপেন্দ্র ভাইনা ইমা অম্বাজীবু শেমজিনখি মরমদি ঐহাক্কা অম্বাজীগা অখন্নবা মরী লৈনৈ। মরম অসিনা ভুপেন্দ্র ভাইনা ঐহাক্কী বিজন অসি মঙফাওনবা ঙমহনবা অসিদা ঐহাক্না হেন্না নুংঙাইবা পোকই। অমসুং ইমা অম্বাগী খুভম অসি চাউখৎলক্লিবা মওং অসিদা, গুজরাতনা চাউখৎলক্লিবা মওং অসিনা স্তেচু ওফ য়ুনিতীগী খুত্থাংদা সরদার সাহেবতা চাউনা ইকাই খুম্নবা উৎলি। সরদার সাহেবকী মমিং অসি ঙসিদি মালেম পুম্বগী মথক্তা লৈরে অমসুং মসি নীংতম্বা ফংখিবা চহি কয়াগী মতুংদা ওইথোকপা ঙমখি। অমসুং ঐহাক্না অম্বাজীদা লৈরম্বা মতমদা ঐহাক্না শক্তিপীথ ৫১ থম্বা পামখি। করিগুম্বা কনাগুম্বনা অম্বাজীদা লাকপদা মাগী তশেংবা শক্তম অমসুং তশেংবা মওং অদু ভক্তা অমা হেক্তনা উবা ফংনবা শক্তিপীথ ৫১দা চৎপগী খুদোংচাবা ফংলগনি। মীয়ামদা কত্থোক্লবা গব্বর অসি মমাংদা মীওই খরা খক্তনা চৎলম্মী ঙসিদি ইমা অম্বা মরু ওইরিবা অসিগুম্বা গব্বরসু চপ মান্ননা মরু ওইরে। মসিনা মরম ওইদুনা অৱাং গুজরাত্তা তুরিজম হেনগৎলকখি। হৌজিক্তসু ঐহাক্না নরা বেত্তা ভারতকী অরোইবা ঙমখৈদা লৈবা খুঙ্গং অসি করম্না শীজিন্নবগে উবা ফংখ্রে।
ভুপেন্দ্র ভাইগী লুচিং মখাদা, অৱাং থংবা গুজরাত পুম্বদা তুরিজমগী ওইথোকপা য়াবা অসিসু শরুক কয়া হেনগৎলকখি অমসুং অসিগুম্বা মফমশিং চাউখৎপা মতমদা ঐখোয়না লুনানবা অমসুং হকশেলগী থবক পাইখৎপা হৌবা হায়বা অসি ঐখোয় পুম্নমক্কী থৌদাংনি। লুনানবা হায়বা অসিনা খ্বাইদগী মরু ওইদুনা লাকখি। ন্যুত্রিসন হায়বা অসি মরু ওইদুনা লাকখি, ইমা অন্নপুর্নানা ফম্লিবা মফম অসিদা করম্না মান্যুত্রিসন লৈগনি, মালন্যুত্রিসন অসি অয়াম্বা মতমদা চান্নবা চীঞ্জাক ৱাৎপগী মহুৎ চীঞ্জাক্কী মরমদা লৌশিং ৱাৎপনা থোকহল্লি। হকচাংদা করি মথৌ তাই, করি চাগনি? করম্বা চহিদা করি চাগনি?। অঙাংশিংদা মমাগী শঙ্গোমদগী ফংলিবা শক্তি অসি করিগুম্বা ঐখোয়না খঙদবদগী ফংহনদবা তারবদি ঐখোয়না অঙাং অদু শক্তি লৈহনবা ঙমলোই, অদুনা ঐখোয়না ইমা অন্নপুর্নাগী মকাদা লৈবা মতমদা ঐখোয়না দাইনিং হোল অসিনা মীওই ৬০০তা চান্নবা পীগনি অমসুং মসিগা ইরোইননা ঐহাক্না নরহরিদা অনৌবা থৌদাং অমা শীজিন্নজগে মদুদি দাইনিং হোলদা মীওই কয়ানা চাক চাবগী ভিদিও লৌদুনা মদু স্ক্রীন্দা উৎকদবনি। ভিদিও অসি য়েংবীয়ু। চাবনা হকচাংদা কান্নবা ফংহনগনি, হকচাংনা মথৌ তাবশিং অদু করিনো, মসি ভিদিও অসিনা খঙহনগনি।
অদোমগী অনৌবা মখলগী দাইনিং হোল অসি মমিং চৎকনি অমসুং মীদিয়াগী মীওইশিংনা অদোমগী দাইনিং হোল অসি অদোমগী ভিদিও অসি থোরক্লবা মতমদা উবা ফংগনি অমসুং ঐহাক্না থাজৈ নরহতি ভাইনা সজেসনশিং অসি ইকাই খুম্নগনি হায়না, মহাক্না হৌজিক ফাওবদা সজেসন পুম্নমক লৌশিনখি। অদুনা মহাক্না মসি শোইদনা খন্নগনি। ঐখোয়গী সাস্ত্রদা ইপা-ইপুনা অসুম্না হায়রমখি।
দেয়ম বৈশজম আতর্স্য, পরিশ্রানত্য চ আসনম। তৃসি তস্যাচ পানী য়, সুধি তস্যাচ ভোজনম।
মসিগী ৱাহন্থোক্তি অনাবদা হীদাক পীগদবনি, অৱাবা মীওইদা ফমফম অমা পীগদবনি, ঈশিং খৌরাংবা মীওইদা ঈশিং পীগদবনি অমসুং অরাম খৌরাংবা মীওইদা চান্নবা পীগদবনি হায়বনি। মসি ঐখোয়গী সাস্ত্রশিংদা ইরমখি। মসিগী থবক অসি ইমা অন্নপুর্নাগী মীৎয়েং মখাদা পাঙথোকপা হৌজবা অসি ঐহাক্কী ওইনা চাউথোকচনীংঙাই ওইবা ৱাফম অমনি। অদোম অমদি অদোমগা থবক তৌমিন্নরিবা মীওইশিংনা ঐহাক্কী অপাম্বা অসি অদোম্না থৌদাং লৌদুনা পাঙথোক্লি, অদুনা ঐহাক্না নুংঙাইবসু হেনগৎলে। মখোয়দা অনৌবা থবক অনি অমগা শিনবা পামজৈ। চীঞ্জাক হায়বা অসি হকচাং ফনা থম্নবা অহানবা খোঙথাংনি মরম অসিনা লৈবাক শিনবা থুংবদা ন্যুত্রিসনগী কেম্পেন চত্থখি। ঙসিমকসু ঐহাক্না হায়জগে মদুদি মালন্যুত্রিসন অসি অয়াম্বা মতমদা চান্নবা চীঞ্জাক ৱাৎপগী মহুৎ চীঞ্জাক্কী মরমদা লৌশিং ৱাৎপনা থোকহল্লি।
ঙসি অদোম্না খঙই মদুদি হৌখিবা চহি অনি মখা অসিদা কোরোনা লাকখি, গুজরাতকী লায়রবা মীওই অমতনা চরা হেন্দনবা, লায়রবা ইমুংদা চাকশঙগী মৈ মুৎতনবা ঐখোয়না মীওই মিলিয় ৮০০দা লেম্না চেং হৱাই ফংহনখি। মসি মালেম্না অঙকপা ফাওনখি। মালেম পুম্বদা অৱাবা তারবা মতমদা ঐখোয়না পেত্রোল, থাও, হার লৌরম্বা মফম পুম্নমক থোং লোনখি।
লানগুম্লবা ফীভম অমা ওইরকখি। অসিগুম্বা ফীভম অসিনা মালেমদা চান্নবা পোৎলমগী স্তোক হন্থরকপগী অৱাবা অমা থোরকখি। ঙরাং ঐহাক্না অমেরিকাগী প্রসিদেন্তগা ৱারী শাজবা মতমদা ঐহাক্না করিগুম্বা দবল্যু.তি.ও.না ঐখোয়দা অয়াবা পীবীরবদি ঐখোয়না মতেং ওইনা ভারতকী খক্তুনা থম্লিবা অসিদগী হয়েংমক খরা থাজবা ঙমগনি হায়না ফোঙদোকখি। ইমা অন্নপুর্নাগী থৌজালশিংগা লোয়ননা ঐখোয়গী লৈবাক অসিদা লৈরিবা লৌমীশিংনা মালেমগী মতেং পাংনবা শেম-শারি। অদুবু হৌজিক মরু ওইরিবা অসি মালেমদা লৈরিবা আইনশিং অসিনি। দবল্যু.তি.ও.না করম্বা মতমদা অয়াবা পীরক্কনি হায়বা খঙবা ঙমদে।
হকশেলগী মতাংদা গুজরাত অসি কয়াম শক্তি লৈ হায়বা নখোয়না উখ্রে। কোরোনাগী মায়োক্তা খোঙজেল য়াংনা ভেক্সিনেসন তৌনবা কেম্পেন চত্থরিবা অসিগী খোঙজেল অসিগীদমক ঐহাক্না ভুপেন্দ্র ভাইবু থাগৎপা ফোঙদোকচনীংই। য়াম্না নীংথিনা পাঙথোকখি অমসুং মসিনা মরম ওইরগা গুজরাতনা শাফনা লৈরি। অসিগুম্বা অচৌবা থবক অমা তৌবগীদমক ভুপেন্দ্র ভাইবু য়াম্না থাগৎফম থোকই। অমসুং হৌজিক অঙাংশিংনা ফাওবা ভেক্সিনেসন তৌরি অমসুং ঐখোয়গী পতিদার ইচিল-ইনাওশিংনা মতম শাংনা মীরমদা চৎপা তাই। গুজরাতকী মীয়াম্না বিজিনেসকীদমক চৎপা আই, অসিগুম্বা ফীভম অসিদা কনাগুম্বা অমনা চৎথোকপা মতমদা মখোয়দা প্রিজোসন দোজ কাপ্লবরা হায়না হংনৈ, হৌজিক্কী মসিগী খুদোংচাবসু ঐখোয়গী হোস্পিতাল অমা হেক্তা ফংলে, ৱাবগী মথৌ তাদ্রে। নখোয়গী মথৌ তাবা খুদিংমক ঐখোয়না থুংহন্নবা হোৎনরি অমসুং হৌজিক ঐহাক্না খুন্নাই অসিগী মীয়ামদা হায়জনীংবদি ঐখোয়গী অঙাংশিংগীদমক স্কিল দিবেলপমেন্তদা ঐখোয়না মীৎয়েং কয়াম চংবা মথৌ তাবগে হায়বা অসিনি। অমসুং স্কিল দিবেলপমেন্ত হায়বা অসি অরিবা মতমগী অদু নত্তে।
ঙসিগী মালেম অসি হোংলে। ইন্দস্ত্রী ৪.০ লাক্লবা মতম অসিদা ইন্দস্ত্রী ৪.০.গী মতুং ইন্না স্কিল দিবেলপমেন্তসু তৌবা তাই। হৌজিক গুজরাতনা ইন্দস্ত্রী ৪.০গী স্কিল দিবেলপমেন্ত অসিগী থাক য়ৌনবা হোৎনবা তাই অমসধং গুজরাতনা লম্বী অসিদা মাংজিল থাবা তাই। গুজরাত্তা ইন্দস্ত্রীগী লুচিংবশিং, প্রোফেস্নেলশিং লৈ মখোয়গী ইথিল মখাদা গুজরাতনা মসি য়ৌবা ঙম্লে অমসুং মমাংদসু তৌদুনা লাকখি। ঐহাক্না নখোয়দা খুদম অমা পীজে। ঐখোয়গী ইপা-ইপুনা গুজরাত্তা ফার্মাসী কোলেজ হাংদোকখি। মসি হৌজিক চহি ৫০-৬০ শুরে। মতম অদুদা নগর সেট অমসুং মহাজনগী মীওইশিংনা ভারত্তা অহানবা ফার্মাসী কোলেজ হাংখি অদুবু মদুগী ফলনা ঙসি গুজরাতনা মালেমগী ফার্মাসী ওইবা ঙম্লে অমসুং গুজরাত্তা ফার্মাক্যুতিকেল কম্পনী কয়া লৈবা ঙম্লে। মসিগী মমিং অসি মালেম শিনবা থুংবদা খনরে অমসুং ঐখোয়গী মীয়াম্না লায়রবা হীদাক-লাংথক মমল হোংনা পীনবা হোৎনরি। চহি ৫০-৬০গী মমাংদা ফার্মাসী কোলেজ লিংখৎখি অমসুং মসিনা মরম ওইরগা মহৈরোয়শিংগীদমক এনভাইরনমেন্ত অমসুং ইকো-সিস্তেম শেমগৎখি অমসুং ঙসি গুজরাতনা ফার্মাসী ইন্দস্ত্রীদা ঙানথোইরি।
চপ মান্নবা মওংদা করিগুম্বা ঐখোয়গী নহারোলনা তেক্নোলোজীগা লোয়ননা, ইন্দস্ত্রী ৪.০গা লোয়ননা স্কিল দিবেলপমেন্তদা মোদর্ন অমসুং আর্তিফিসিএল ইন্তেলিজেন্স অসিনা গুজরাতপু লমজিংগনি অমসুং গুজরাত্তা থবকশিং অসি লায়না তৌনবগী মতিক-ময়াই চেল্লি। মাইকৈ অসিদা ঐখোয়না হেন্না-হেন্না চংশিল্লিবা মখৈ ঐখোয়না হেন্না কান্নবা ফংগনি। ঙসি হকশেলগী মতাংদা খন্ন-নৈনরি অমসুং ঙসি অচৌবা সমস্যা অমা লৈরে, কিদনী পেসেন্তশিং অসি হেনগৎলক্লি, দাইলাইসিস হেনগৎলক্লি অমসুং মীয়াম্না অয়ুক্তগী ময়ুমদগী থোরক্তুনা লুপা ২০০-২৫০ চাদিং তৌদুনা অচৌবা হোস্পিতালশিংদা চৎলি মফম অসিদা মখোয়না চহোল অমদা অমুক তৌবা তাখি মসিনা ফীভম অসি লুশিনহনখি অমসুং মরক অসিদা ঐখোয়গী রিসোর্সশিংসু ৱাৎলি। দাইলাইসিস মথৌ তাবা মীওইশিংনা লেম্না তৌবা ফংনবা ঐখোয়না ভারত্তা দাইলাইসিস ফেসিলিতী থম্নবা কেম্পেন অমা হৌদোকখি অমসুং ঙসি ঐখোয়না মাংদা মাইপাক্না চংশিল্লি অমসুং অসিগুম্বা অনাবা মীওইশিং অসিনা মসিগী মতেং লৌরি। ঐখোয়না য়াম্না মরু ওইবা থবক অমা তৌখ্রে, মসি কনাগুম্বনা খন্ন-নৈনদে।
ঐহাক্না খবরশিংদা মসিগুম্বা কয়া উদে, মরমদি মখোয়না অতোপ্পা থবকশিংদগী কান্নবা ফংবননি অদুবু ঐখোয়না য়াম্না মরুওইবা থবক অমা পাইখৎখ্রে, ঐখোয়না লৈবাক অসিগী মিদ্দল অমসুং লাইরবা সেক্সন্দা খ্বাইদগী য়াম্না খুদোংচাবা পীরি। মসি জন ওশধি কেন্দ্র অমনি, করিগুম্বা য়ুমগী অহল অমা দাইবেতিসনা নারবদি মদুগী ইমুং অদুনা লিশিং লিশিং অনিদা চাদিং তৌগনি। করিগুম্বা মিদ্দল ক্লাসকী মীওইশিংনা হীদাক লাংথক্কী মমল তাংবনা মরম ওইরগা পোৎলুম অমা ওইরবদি মহাক্না মসি চাদিং তৌবদা অৱাবা অমা মায়োক্নগনি অদুবু হোজিক্তি মসিগী নুংনাংবা অসি লৈত্রে। ঐখোয়ন জন ওশধি, জন ওশধি মেদিসিন্দা কম্প্রোমিআজ তৌদে, চপ মান্নবা হীদাক অসি জন ওশধি কেন্দ্রদা লুপা ১০-১২ নত্ত্রগা ১৫দা ফংই। ঐখোয়না জন ওশধি কেন্দ্র প্রমোৎ তৌরিবমখৈ অমসুং করিগুম্বা ঐখোয়গী মিদ্দল ক্লাস ইমুংশিংনা জন ওশধি কেন্দ্রশিংদগী হীদাক লৈবা হৌরবদি, মহাক্না শেল কয়া কনবা ঙমগনি। লাইরবশিংনা মতেং ফংগনি। লাইরবশিংনা বিল পীবা ঙমদবদগী হীদাক চাদে। জন ওশধিনা মরম ওইরগা ঐখোয়না মীচম প্রজাশিংনা হীদাক লৈনবা অমসুং লায়েংবা ঙম্নবা হোৎনরি।
লু-নানবগী কেম্পেনবু ওইরো, দাইলাইসিসকী থবকপু ওইরো, ন্যুত্রিসনগী থবকপু ওইরো নত্ত্রগা জন ওশধিগী খুত্থাংদা ফংবা অহোংবা হীদাক লাংথকপু ওইরো, ঐখোয়না নুংনাংবা পোক্লি। করিগুম্বা অদোম্না থমোয়গী লায়না লৈরবদি, স্তেন্তশিংগী শেল চংবা হন্থহন্নবা ঐখোয়না কেম্পেন অমা হৌদোকখ্রে। খুউগী সজরী তৌবদা শেল চংবা হন্থহন্নবা কেম্পেন তৌখ্রে। মীচম প্রজাশিংনা অৱাবা মায়োক্নদনবা অসিগুম্বা থবক কয়ামরুম পাইখৎলি। অদুগা খ্বাইদগী চাউনা পাইখৎখিবা থবক অদুদি অয়ুশ্মান ভারতনি। অয়ুশ্মান ভারত স্কিমগী খুত্থাংদা চহি খুদিংগী ভারতকী প্রজা খুদিংমক্তা অনাবশিং লায়েংবগী লুপা লাখ ৫ ফাওবগী শেনফম সরকারনা পুথোক্লি অমসুং ঐহাক্না ঐখোয়গী ইমাশিংনা করিগুম্বা মখোয়না য়াম্না কন্না নারবা মতমদা, অহানবা মক্তদা মখোয়গী অঙাংশিংদা লাইয়েংগনু হায়না হায়বা থেংনৈ মরমদি মখোয়না মখোয়গী মচাশিংদা অৱাবা মায়োক্নবা পামদে মরম অদুনা মখোয়না অনাবা অদু খাংজিল্লি।
ফীভম্না লুশিল্লকপা মতমদা অমসুং ওপরেসনগী মতাং লাকপা মতমদা ইমানা মতম চুপ্পদা অদোম্বু মীগী মরল তোনশিন্দুনা হিংবা পামদে হায়বীরম্মি, ঐহাক্না মতম কয়াম শাংনা হিংলুখিগনি অমসুং পুন্সিদা অৱাবা খাংবা হৈনরে হায়না ফোঙদোকপীরম্মি। মরম অদুনা কনানা ইমাগীদমক খনবীবগে? ইমা অম্বাগী ধাম, ইমা কালিগী ধাম, ইমা খোদিয়ার, ইমা উমিয়ানা লৈবা মফমশিংদা ইমাবু য়েংশিনবীরিবা ইমা অন্নপুর্ন লৈ অমসুং প্রধান মন্ত্রী জন অরোগ্যাগী খুত্থাংদা অয়ুশ্মান ভারতকী স্কিম অসিদগী খ্বাইদগী ফবা হোস্পিতালদা লুপা লাখ ৫ ফাওবগী লায়েংবদা শেল পুথোক্নবা সরকারনা থৌদাং লৌনবা ঐখোয়না ৱারেপ লৌরে। করিগুম্বা মীশক অদু ওপরেসন তৌগদবা ওইরবা, ফীরাক্কী অনাবা লৈরবসু চাদিং খুদিংমক ঐখোয়না পুথোক্কনি। মসিখক্তা নত্তনা করিগুম্বা মীওই অদুনা অহমেদবাদতগী ওইরবা অমসুং মহাক্না মুম্বাইদা অনাবা মায়োক্নরবদি মহাক্কী লায়েংবদা সরকারনা থৌদাং লৌগনি। মখোয় ওপরেসন তৌগদবা ওইরো, ইমর্জেন্সী ওইনা লায়েংগদবা ওইরো, মসিদনা নত্তনা করিগুম্বা হায়রিবা মীওই অসিনা অহমেদবাদতগী মুম্বাইদা চৎলবা, মহাক্না মফম অদুদা খুদোংচাবা অসি ফংগনি, করিগুম্বা মহাক্না হায়দরাবাদতা চৎলবসু মহাক্না খুদোংচাবা অসি মফম অদুদা ফংগনি। অমরোমদা হকশেলগী পাইখৎপা থবক খুদিংমক পাইখৎনবা হোৎনরি, হকশেল ওইনা লৌখৎপা য়াবা খোঙথাংশিং লৌখৎনবা হোৎনরি অমসুং গিজরাতকী অখন্নবা মতৌ অমা হায়রগদি গুজরাত অসি মীপুম খুদিংমক্কা পুন্না চৎমিন্নবা রাজ্য অমনি।
করিগুম্বা ঐখোয়দা অপনবা অমহেক্তা লাক্লবা অমসুং চিঞ্জাক্কী পেকেৎশিং অদু দেলিভর তৌগদবা ওইরবদি, সরকারনা থবক পাইখৎপা হন্থগদবনি। করিগুম্বা স্বামী নরায়ন্না ইন্সতিত্যুসন্দা ফোন অমা তৌবা মতমদা, সন্ত্রম্না ইন্সতিত্যুসন্দা কোল অমা তৌবা মতমদা চিঞ্জাক্কী পেকেৎশিং অদু গুজরাত্তা খুদক্তা য়ৌরক্কনি। কনাগুম্বা অমত্তা চরা হেলহল্লোই। মসি পুম্নমক অসি ইমা অন্নপুর্নগী থৌজালদগী পাংথোকপা ঙম্লিবনি। মসি গুজরাতকী তঙাই ফদবনি অমসুং মসিদা য়ুম্ফম ওইরগা ঐখোয়না গুজরাত অসি খুমাং চাওশিনবগী লম্বেলদা পুরক্লি। এজুকেসনগী, হকশেলগী, ঐখোয়না অফবা মখলগী শিল-লাংগনি অমসুং ঐখোয়না স্পিরিচুএলিতিগী মতাংদসু খল্লি। ত্রিবেনি ফংলবনিনা নখোয় পুম্নমকপু য়াইফ-মঙ্গল পীজরি।
হন্না হন্না থাগৎপা ফোঙদোকচরি।
