Share
 
Comments
Our government has made water conservation one of its topmost priorities and we are working tirelessly to ensure water supply to every household: PM Modi
The projects launched and inaugurated in Jharkhand today reflect on our strong commitment towards development of this country: PM Modi
The entire nation witnessed our strong resolve in fighting terrorism when we strengthened our anti-terrorist laws within 100 days of this government: PM Modi

ভারত ইমানা – য়াইফরে,

ভারত ইমানা – য়াইফরে,

ভারত ইমানা – য়াইফরে,

ফম্বাকথক্তা লেংশিনবিরিবা শক্নাইরবশিং অমদি থাপ্ল-থাপ্লবা মফমশিংদগী লেংবিরক্লিবা অমসুং থাপ্ল-থাপ্লবা মফম ফাওবা লেপ্পিরিবা ঐহাক্কী নুংশিজরবা ইচিল-ইনাও অমসুং ইচল-ইচেশিং।

অনৌবা সরকার শেম্লবা মতুং ইহান হান্না ঐহাক্না চৎপগী খদোংচাবা ফংখিবা রাজ্য খরগী মনুংদা ঝার্খন্দসু অমনি। প্রভাত তারা লম্পাক অসিদা, অয়ুক্কী মতমদা, ঐখোয় পুম্নমক যোগ তৌখি অমদি নোংনসু ঐখোয়দা থৌজাল পীনবিখি। ঙসি অমুক হন্না লম্পাক অসিদা লাকচবা অসিদা হৌখিবা কয়া নৌহৌনা নিংশিংলক্লে। মমাং চহীগী সেপ্তেম্বর থাদা লম্পাক অসিমক্তদগী আয়ুশ্মান ভারত য়োজনা হৌদোকখি।

মরূপশিং, ঙসি ঝার্খন্দবু মশক তাকপদা অতোপ্পা ৱাফম অমসু হাপচিন্নবা তঞ্জা অদু ঐহাক্না ফংজরে। ইচিল-ইনাও অমসুং ইচল-ইচেশিং, অদোমগী ঝার্খন্দ অসি অনৌবা শক্তম অমা ওইগদৌরে মদুদি রাজ্য অসি লাইরবা অমসুং ত্রাইবেল কাংলুপকী য়াইফনবা অচৌবা প্রোজেক্তশিং হৌদোকফম ওইররে। হায়বদি, লৈবাক অসিদা লাইরবশিংগা মরী লৈনবা অচৌবা প্রোজেক্তশিং করম্বা রাজ্যদা হৌদোকখি হায়না খন্ন-নৈনরকপা মতমদা ঝার্খন্দগী মিং অসি খন্ন-নৈনবদা খ্বাইদগী য়াম্না য়াওরগনি। ঝার্খন্দ অসিমক্তদগী মালেমগী খ্বাইদগী চাওবা হেল্থ এন্সুরেন্স স্কিম আয়ুশ্মান ভারত হৌদোকখি অমদি ঙসি পৈশা লৈতবনা মরম ওইদুনা লায়েংবা ঙমলমদবা লৈবাক অসিগী মীওই লাখ কয়া লায়েংবা ফংলে, মখোয়না থৌজাল পীনবিরি। মখোয়গী থৌজাল অদু ঝার্খন্দদসু য়ৌরক্লি।

ঙসি লৈবাক পুম্বগী লৌমী কোতি কয়াবু পেন্সন ফংহনগদবা প্রধান মন্ত্রী কিসান মানধন য়োজনাসু ঝার্খন্দগী বিরসা মুন্দাগী লমদমদগী হৌদোক্লে। মসিদসু নত্তনা লৈবাক অসিগী ললোনবা অমসুং মশানা মশাবু থবক পীজবা কোতি কয়াগীদমক রাস্ত্রিয়া পেন্সন য়োজনাসু ঝার্খন্দদগী হৌদোক্লে। ঐহাক্না অসিগুম্লবা অথোইবা লমদম অসিদগী লৈবাক অসিগী লৌমীশিং অমসুং ললোনবশিংবু হন্না-হন্না নুঙাইবা ফোংদোকচরি।

মরূপশিং, ঙসি ঐহাক্না সাহেবগঞ্জ মল্তি-মোদেল তর্মিনেল শঙ্গাবগী অধিকার অদুসু ফংজখি। মসি অতোপ্পা প্রোজেক্ত নত্তে, অদুবু মসিনা মসিগী রিজন পুম্বদা ত্রান্সপোর্তেসনগী অনৌবা ওপ্সন অমা পীরে। মসিগী ৱাতরৱে অসিনা ঝার্খন্দবু লৈবাক্কী মফম খুদিংগা শম্নহনবদা নত্তনা মপান লৈবাকশিংগসু শম্নহল্লে। তর্মিনেল অসিদগী, ত্রাইবেল ইচিল-ইনাও অমসুং ইচে-ইচলশিং, মফম অসিদা লৈরিবা লৌমীশিংনা হৌজিক্তি মখোয়গী পোত্থোকশিং অদু লৈবাক অসিগী কৈথোল কয়াদা হেন্না লায়না য়ৌহনবা ঙম্লগনি।

মতৌ অসুম্না, ঈশিং লম্বীনা মরম ওইরগা, অৱাং ভারত্তগী ঝার্খন্দ য়াওনা অৱাং নোংপোক্কী রাজ্য অসাম, নাগালেন্দ, মিজোরাম, মেঘালয়া, রাজ্যশিং অসি ফাওবা হৌজিক্তি ঝার্খন্দগী পোত্থোকশিং মফম অদু ফাওবা য়ৌহনবদা লায়হল্লগনি। তর্মিনেল অসিনা থবক ফংহন্নবগী অনৌবা খুদোংচাবসু পীরগনি। চাওখৎপগী মীৎয়েংদা য়েংগেরা নত্রগা এনভাইরনমেন্তকী মীৎয়েংদা য়েংগেরা, ঈশিং লম্বী অসি য়াম্না চাওনা কান্নবা ওইরগনি। লম্বী থোং ফাওদুনা পোৎ হোন্দোক হোঞ্জিন তৌবদা চংলিবা শেনফম অদু ঈশিংগী লম্বীদা চৎপা মতমদদি য়াম্না হন্থৈ। পোত্থোক পুথোক্নিবশিং, ললোনশিং অমসুং লৈরিবশিংনা মসিগী কান্নবসু ফংলগনি।

ইচিল-ইনাও অমসুং ইচল-ইচেশিং, মীখলগী মতমদা ঐহাক্না থবক তৌগদবা অমসুং মতিক লৈবা সরকার পীগনি হায়না ময়ামগী মফমদা ৱাশকখি। হান্নদগীসু হেন্না খোংজেল য়াংনা থবক তৌগদবা অদুগুম্লবা সরকার অমা। অদোমগী অনিংবা অপাম্বা অদু পাংথোক্নবগীদমক লৈজবা পাঙ্গল শক্তি পুথোক্কদবা অদুগুম্লবা সরকার অমা। হৌখিবা নুমীৎ চামদা লৈবাত অসিনা মদুগী ত্রেলর য়েংখ্রে হৌজিক ফিলম ৱাৎলি।

ঐখোয়গী ৱারেপতি ইমুং খুদিংদা ঈশিং য়ৌহনবনি, ঙসি লৈবাক অসিনা জল জীবন মিশন মপুং ফাহন্নবগীদমক থবক হৌরে। ঐখোয়না ৱারেপতি মুস্লিম ইচল-ইচেশিংগী অধিকার ঙাক্তুনা থম্বনি, নুমীৎ চামগী মনুং মক্তদা ত্রিপল তলাক্কী মায়োক্তা অকনবা আইন চৎনহনখ্রে।

ঐখোয়গী ৱারেপতি, তেরোরিজমগী মায়োক্তা লান্থেনবনি। অহানবা নুমীৎ চামগী মনুং মক্তদা এন্তি-তেরর আইনবু হেন্না মপাঙ্গল কনখৎহল্লে।

ঐখোয়গী ৱারেপতি, জম্মু কাশ্মির অমসুং লদাখপু চাওখৎপগী অনৌবা থাক্তা পুখৎপনি। নুমীৎ চামগী মনুং মক্তদা ঐখোয়না মদুগী থবক পায়খৎপা হৌরে।

ঐখোয়গী ৱারেপতি, মীয়াম্বু লুৎ তৌরিবশিংবু মখোয়গী লৈফম থোকপা মফমদা য়ৌহনবনি। মসিদসু খুমাং চাওশিন্না থবক তৌরি। অদুগা খরা অমদি মনুং য়ৌখ্রে।

ইচিল-ইনাও অমসুং ইচল-ইচেশিং, অনৌবা সরকার শেম্লবা মতুংদা লৈবাক অসিদা লৈরিবা লৌমী ইমুং খুদিংমক্না প্রধান মন্ত্রী কিসান সম্মান নিধিগী কান্নবা ফংলগনি হায়না ঐহাক্না হায়খি। ঙসিদি, লৈবাক অসিগী লৌমী ইমুং চাউরাক্না কোতি তরুক মখায়গী একাউন্তদা লুপা কোতি লিশিং ২১ হেন্না দিপোজিৎ তৌখ্রে। ঝার্খন্দগী লৌমী ইমুং লাখ ৮গী একাউন্তদসু লুপা কোতি চানি য়াঙ্খৈমুক দিপোজিৎ তৌখ্রে।

ইচিল-ইনাও অমসুং ইচল-ইচেশিং, ঙসিগী নুমীৎ অসি ঝার্খন্দগীদমক পুৱারী ওইরবা নুমীৎনি। ঙসি মফম অসিদা ঝার্খন্দ বিধান সভাগী অনৌবা বিলদিং শঙ্গাখ্রে অমদি সেক্রেতরিয়েৎকী উরেপ উয়ুংসু তমখ্রে। রাজ্য অসি শেম্লবা মতুং চাউরাক্না চহী কুন ফারক্লবা মতম অসিদা, ঝার্খন্দদা দেমোক্রেসীগী লাইশং শঙ্গাখ্রে। বিলদিং অসি শেংলবা মফম অমনি, মফম অসিদা ঝার্খন্দ মীয়ামগী তুংলমচৎকী য়ুমফম থোল্লগনি অমসুং হৌজিক্কী অমসুং তুংগী চারোলগী মংলান মংফাওরগনি।
মরূপশিং, দিবেলপমেন্ত অসি ঐখোয়গী প্রায়োরিতীনি লোয়ননা ৱারেপসুনি। ঐখোয়গী সরকারনা ভারত মচা খুদিংদা সোসিয়েল সুক্যুরিতীগী সিল্দ অমা পীনবা হোৎনরি। সরকার অসি খ্বাইদগী য়াম্না দরকার ওইরিবা মখোয়শিং অদুগী মপাং ওইরক্লি। চহী অসিগী মার্চ থাদগী, লৈবাক অসিদা লৈরিবা অনওর্গনাইজ সেক্তরগী শিন্মী কোতি কয়াগীদমক মান্নবা পেন্সন স্কিম অমা হৌজিক চত্থরি।

ইচিল-ইনাও অমসুং ইচল-ইচেশিং, শ্রমযোগী মনধন য়োজনাদা লেবর লাখ ৩২ হেন্না শরুক য়ারে। মীওই কোতি ২২ হেনবনা প্রধান মন্ত্রী জীবন জ্যোতি যোজনা অমসুং প্রধান মন্ত্রী সুরক্ষা বিমা য়োজনাদা শরুক য়ারে, মদুগী মনুংদা ঝারখন্দ খক্তদগী বেনিফিসরী লাখ ৩০ হেন্না য়াওরি। আয়ুশ্মান ভারত য়োজনাগী মখাদসু, লাইরবা অনাবা চাউরাক্না লাখ ৪৪না কান্নবা ফংখ্রে, মদুগী মনুংদা চাউরাক্না লাখ ৩দি ঝার্খন্দদগীনি।

ইচিল-ইনাও অমসুং ইচল-ইচেশিং, লাইরবশিংগী পুন্সীগী চিন্তা হন্থরকপা মতমদা নুমীৎ খুদিংগী পুন্সীদা থেংনরিবা লানফমসু হন্থরকই। মদুনা মরম ওইরগা মহাক মশামক লায়রবদগী নান্থোক্নবা হোৎনবা হৌরকই। ঐখোয়গী সরকারনা, লাইরবগী পুন্সী মহিং লায়থোহন্নবা, ত্রাইবেল সমাজকী পুন্সী মহিংবু হেন্না লায়থোকহন্নবা, মখোয়গী অৱাবা হন্থহন্নবা পুকচেল শেংনা থবক তৌরি।

মতম অমদদি লায়রবা অঙাংশিং তিকা থাহৌদবনা মরম ওইদুনা চহিগী মতুং ইন্না অরুবা লায়নাশিংগী শিকার ওইরম্মি। ঐখোয়না মিশন ইন্দ্রধনুশ হৌদোক্তুনা লৈবাক অসিগী থাপ্লবা মনুং হুঞ্জিনবা মফমশিংদসু অঙাংশিংবু তিকা থাহল্লে।
মতম অমদদি লাইরবশিংনা বেঙ্ককী একাউন্ত হাংবা ফাওবা অৱাবা ওইরম্মি। ঐখোয়না জন ধন য়োজনা পুরক্তুনা লৈবাক অসিগী লাইরবা কোতি ৩৭কী বেঙ্ক একাউন্ত হাংদোকহল্লে।

মতম অমদদি লাইরবশিংনা সরকারগী মমল হোংবা য়ুম ফংবদা অৱাবা ওইরম্মি, ঐখোয়না প্রধান মন্ত্রী আৱাস য়োজনাগী খুত্থাংদা য়ুম কোতি অনি হেন্না ঐখোয়গী লাইরবশিংগীদমক শাহনখ্রে। হৌজিক য়ুম কোতি অনিদা থবক চত্থরি।
মরূপশিং, মতম অমদদি লাইরবশিংনা নাক্তা তোইলেৎকী খুদোংচাবা লৈরমদে। ঐখোয়না তোইলেৎ কোতি ১০ হেন্না শাদুনা লাইরবা ইচল-ইচে অমসুং ইচানুপীশিংগী পুন্সীগী য়াম্না চাওবা অৱাবা অমা কোকহল্লে।

মতম অমদদি লাইরবা ইচল-ইচে অমসুং ইচানুপীশিংগী পুন্সী চাকখুমগী মীখুনা অৱা চৈথেং পীরম্মি। ঐখোয়না গ্যাস কনেক্সন কোতি ৮ লেম্না পীদুনা মখোয়গী হকশেলগী ফিভম ফগৎহল্লে, মখোয়গী পুন্সী মহিং লায়থোকহল্লে।

ইচিল-ইনাও অমসুং ইচল-ইচেশিং, লাইরবগী মিংচৎ, মহাক্কী চিং লেম্বা, মহাক্কী হকশেল, মহাক্কী অনা-লায়েং, মহাক্কী হিদাক-লাংথক, মহাক্কী এন্সুরেন্স, মহাক্কী পেন্সন. মখোয়গী অঙাংশিংগী মহৈ মশিং, মহাক্কী শেন্থোক, ঐখোয়গী সরকারনা মমুৎ তানা খন্থরগা থবক তৌদবা লম অমত্তা লৈতে। অসিগুম্বা মখলগী স্কিমশিংনা লাইরবশিংবু শক্তি পীবগা লোয়ননা পুন্সীদা অনৌবা থাজবা অমসু পুরক্লি। ঙসি ত্রাইবেল অঙাংশিংগী, ত্রাইবেল নহাশিংগী, ত্রাইবেল ইচানুপীশিংগী মহৈ-মশিং অমসুং মখোয়গী স্কিলবু হেঙ্গৎহন্নবগীদমক য়াম্না চাওবা প্রোজেক্ত হৌদোকখ্রে। লৈবাক পম্বদা এক্লব্যা মোদেল রেসিদেন্সিয়েল স্কুল ৪৬২ শেমগৎপগী খোংজং ঙসি ঝার্খন্দগী লৈপাক লৈহাও অসিদগী, ভগবান বিরসা মুন্দাগী লমদমদগী ঙসি হৌদোক্লে। ঝার্খন্দগী ত্রাইবেল কাংলুপকী ইচিল-ইনাও অমসুং ইচল-ইচেশিংনা মসিগী য়াম্না চাওনা কান্নবা ফংলগনি।

মরূপশিং, মসিগী এক্লব্যা স্কুলশিং অসিনা ত্রাইবেল অঙাংশিংগীদমক মহৈ-মশিংগী মঙাল পীবা খক্তা নত্তনা মফম অদুগী কালা অমসুং সংস্কৃতি ঙাক্তুনা থম্বগা লোয়ননা শান্ন-খোৎনবা অমসুং স্কিল দিবেলপমেন্তকী খোদোংচাবা ফংলগনি। স্কুলশিং অসিদা সরকার অসিনা ত্রাইবেল অঙাং অমমমদা চহী অমদা লুপা লাখ অমা হেন্না চাদিং তৌগনি। স্কুলশিং অসিদগী তমদুনা মপাল থোরক্লবা মরূপশিংনা তুংলমচৎতা অনৌবা ভারত শেমগৎপদা য়াম্না চাওবা থৌদাং লৌগনি হায়না ঐহাক্না থাজবা থম্লি।

মরূপশিং, কনেক্তিবিতীগী অতোপ্পা মওংশিংদসু ঝার্খন্দা খুমাং চাওশিন্না থবক তৌরি। নুমীৎ তাখ্রবা মতুং মপান থোকপা ঙমলমদবা লমদমশিং অদুদা ঙসিদি লম্বী থোংসু শেমগৎলে অমসুং লম্বীদা চত্থোক চৎশিন তৌবসু উরে। হায়ৱে খক্তগীদমক লুপা কোতি লিশিং মাপল হেনবগী প্রোজেক্ত ঝার্খন্দগীদমক অয়াবা পীখ্রে, মদুগী মনুংদা কয়া অমদি লোইবসু য়াওরে। লাক্কদৌরিবা মতম খরদা ভারতমালা য়োজনাগী মখাদা নেস্নেল হায়ৱেশিং হেন্না পাকথোক চাওথোকহল্লগনি। রোদৱেজ, হায়ৱেজ নত্রগা ৱাতরৱেজদা নত্তনা রেলৱেজ অমসুং এয়ারৱেজকী কনেক্তিবিতীসু হেঙ্গৎহনবগী থবক চত্থরি।
হৌখিবা চহী মঙাদা, চাওখৎ থৌরাংগী তৌখিবা থবকশিং অসিগী মরুমদা ঐখোয়গী মরূপ রঘুবর দাস জী অমসুং মহাক্কী তিমগী হোৎনবা কনবা অমসুং অদোমগী থৌজাল অদু য়াওরি।

ইচিল-ইনাও অমসুং ইচল-ইচেশিং, পাংথোকপা য়াবা পাংথোক্লিঙৈ অসিদা ঐহাক্না অদোমগী ইফমদা ঝার্খন্দ মীয়ামদা তৌফম থৌকপা থৌদাং অমা হাপচিল্লগে। ঙরাংদগী লৈবাক অসিদা স্বচ্ছতা হী সেবা খোংজং হৌদোকখ্রে। খোংজং অসিগী মখাদা, ওক্তোবর ২ ফাওবদা, ঐখোয়না ঐখোয়গী য়ুমশিং, স্কুলশিং অমসুং ওফিসশিংদা অমোৎ-অকায়দি শেংদোক্কদবা লৈরে, খুঙ্গংশিংদা লৈকায়-লৈকায় খুদিংদা অমোৎ-অকায় শেংদোক্কদবদি লৈরে, অদুবু মদুগা লোয়ননা অখন্নবা থবক অমা। ঐখোয়না সিঙ্গল য়ুজ প্লাস্তিক খোমজিল্লগা মফম অমদা তাশিন্দুনা থম্লসি।

ওক্তোবর ২দা, গান্ধী জীগী ১৫০শুবা মপোক কুমওন্দা, ঐখোয়না প্লাস্তিক মপৈ অদু লৌথোক্কদবনি। প্লাস্তিক য়াম্না খোমজিনন্দুনা তুংদা রিসাইকল তৌবা ঙম্নবগীদমক সরকারনা বিভাক কয়া শরুক য়াহল্লি। ঐহাক্না প্রকৃতিবু নুংশিজবা ঝার্খন্দগী মীয়ামদা, এনভাইরনমেন্তপু নুংশিজবা ঝার্খন্দগী মীয়ামদা অপিল তৌজরি মদুদি খোংজং অসিদা শরুক য়াদুনা লৈবাক অসিবু সিঙ্গল য়ুজ প্লাস্তিক্তগী নান্থোকহনবদা অদোম থৌদাং য়াবিয়ু, অদোমনা লমজিংবিয়ু, অমসুং ঐহাক্কা লোয়ননা চৎমিন্নরসি।

মরূপশিং, হৌজিক অনৈবা ঝার্খন্দগীদমক, অনৌবা ভারতকীদমক ঐখোয় অমত্তা ওইনা পুন্দুনা থবক তৌগদবনি, অমত্তা ওইনা পুন্দুনা মাংলোমদা চংশিনগদবনি, অমত্তা ওইনা পুন্দুনা লৈবাক অসিবু মাংলোমদা চংশিনহনগদবনি। মথংগী চহী মঙাগীদমক ঝার্খন্দনা অমুক হন্না দিবেলপমেন্তকী ইঞ্জিন অনি পাল্লগনি, থাজবা অসিগা লোয়ননা ঐহাক্কী ৱাফম অসি লোয়শিনজরগে।

ঙসি ফংলিবা খুদোল কয়া অসিগীদমক ঝার্খন্দবু অমসুং লৈবাক মীয়াম্বু হন্না-হন্না য়াইফ পাওজেল পীজরি অমসুং ঐহাক্কী মায়কৈদগী ময়াম পুম্নমকপু থাগৎচরি। খুদুম অনিমক তাশিন্দুনা, খুৎ অনিমক ৱাংনা থাংগৎতুনা, ঙমজবি থাদুনা হায়বিয়ু ভারত ইমানা – য়াইফরে, খোংজেল অসি ঝার্খন্দগী খুঙ্গং খুদিংমক্তা য়ৌহনগদবনি…

ভারত ইমানা – য়াইফরে,

ভারত ইমানা – য়াইফরে,

ভারত ইমানা – য়াইফরে,

হন্না-হন্না থাগৎচরি। 

 
দোনেসন
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
PM Modi, other BRICS leaders call for 'urgent' need to reform UN

Media Coverage

PM Modi, other BRICS leaders call for 'urgent' need to reform UN
...

Nm on the go

Always be the first to hear from the PM. Get the App Now!
...
Share
 
Comments
BRICS Business Council created a roadmap to achieve $ 500 billion Intra-BRICS trade target by the next summit :PM
PM requests BRICS countries and NDB to join Coalition for Disaster Resilient Infrastructure initiative
PM participates in Leaders dialogue with BRICS Business Council and New Development Bank

Prime Minister Shri Narendra Modi along with the Heads of states of other BRICS countries participated in the Leaders dialogue with BRICS Business Council and New Development Bank.

Prime Minister said that the BRICS Business Council created a roadmap to achieve the $ 500 billion Intra-BRICS trade target by the next summit and identification of economic complementarities among BRICS countries would be important in this effort. The partnership agreement between New Development Bank and BRICS Business Council would be useful for both the institutions, he added.

PM requested BRICS countries and NDB to join Coalition for Disaster Resilient Infrastructure initiative. He also requested that the work of establishing the Regional Office of NDB in India should be completed soon. This will give a boost to projects in priority areas, he added.

PM concluded that our dream of strengthening BRICS economic cooperation can be realized only with the full cooperation of the Business Council and New Development Bank.