Share
 
Comments
India's scientific community have been India’s greatest assets, especially during the last few months, while fighting Covid-19: PM
Today, we are seeing a decline in the number of cases per day and the growth rate of cases. India has one of the highest recovery rates of 88%: PM
India is already working on putting a well-established vaccine delivery system in place: PM Modi

নমস্তে !

মেলিন্দা অমসুং বিল গেৎস, ঐহাক্কী মন্ত্রী-মন্দলগী কেন্দ্রগী মন্ত্রীশিং, দাঃ হর্শ বর্ধন, মালেম শিনবা থুংবগী দেলিগেৎশিং, সাইন্তিস্ত, ইন্নোবেতর, রিসর্চরশিং, মহৈরোয়শিং, মরূপশিং, ঐহাক্না গ্রান্দ চেলেঞ্জগী চহিগী মীফম অসিদা নখোয় ময়ামগা পুনবা অসিদা য়াম্না নুংঙাইবা ফাওই।

মসিগী মীফম অসি মীয়াম পুম্বনা হকথেংননা শরুক য়াদুনা ভারত্তা পাঙথোক্কনি হায়না তৌরম্বনি। অদুবু ফিভম কয়াদা অহোংবা লাকপনা থৌরম অসি ভর্চুএলগী খুত্থাংদা ওইনা পাঙথোক্লে। তেক্নোলোজীগী মতিক লৈবা অসিনা ঐখোয়বু মালেমগী লায়চৎ অসিনা ফাওবা তোখায়না লৈহন্দ্রি। মসিগী থৌরম অসি হায়নখিবগী মতুং ইন্না পাঙথোক্লি। মসিনা গ্রান্দ চেলেঞ্জকী খুন্নাইগী মীওইশিংগী খোঙফম চেৎপা অদু উৎলি। থৌওং অসিনা ফিভম অমগা চান্ননা হিংবা অমসুং অনৌবা থৌওং পাঙথোকপদা খোঙফম চেৎপা অদু উৎলি।

মরূপশিং,

হয়েংগী মতম অসিগী মওং-মতৌদি সাইন্স অমসুং অনৌবা থৌওংদা মতম অমসুং শেল থাদবা খুন্নাইশিংনা শেমগনি। অদুবু মসিগী থৌওং অসি মীৎয়েং থেনবগী মওংনদি পাঙথোকপা ঙম্লোই। মীওই অমনা সাইন্স অমসুং অনৌবা থৌওং পাঙথোকপদা মাংজৌননা মতম অমসুং শেল থাদগদবনি। মতম অদুদা খক্তা ঐখোয়না মসিগী মহৈ অসি মতম চানা ফংবা ঙমগনি। মসিগা মান্নবা ওইনা, অসিগুম্বা অনৌবা থৌওং পাঙথোকপগী লম্বী অসিদি খুৎশম্ননা থবক পাঙথোকপা অমসুং মীয়াম্না শরুক য়াবগী থৌওংনা য়াৎকদবনি। সাইন্স অসিদি তোখায় তানা পাঙথোকপা থৌওংনা চাউখৎহনবা ঙম্লোই। গ্রান্দ চেলেঞ্জ প্রোগ্রাম অসিনা মসিগী মতৌ অসি নীংথিজনা খঙই। মসিগী প্রোগ্রাম অসিগী পাক-চাউবা অসিদি য়াম্না থাগৎনিংঙাইনি।

চহি ১৫ অসিদা নখোয়না লৈবাক কয়াগা মালেমগী থাক্তা লোইনখ্রে। লোইনখিবগী হীরমশিং অসিসু তোঙান-তোঙানবা ঙাক্তনি। নখোয়না মতিক লৈবা মালেমগী থাক্তা লৈবা হৈ-শিংবা কয়া পুন্সিন্দুনা এন্তিমাইক্রোবিএল রেজিস্তেন্স, মমা অমসুং অঙাংগী হকশেল, লৌউ-শিংউবা, ন্যুত্রিসন, ৱাশ-ঈশিং, সেনিতেসন অমসুং হাইজিন্নচিংবা শিংনবা কয়াগী ৱারোইশিন পুরক্নবা হোৎখি। অমসুং নখোয়না পাঙথোকখিবা অতোপ্পা থবক কয়া অসি মীয়াম্না তরাম্না লৌশিনবা থৌওং কয়া অমনি।

মরূপশিং,

মীয়াম পুন্না থবক তৌমিন্নবগী মরু ওইবা অসি হন্দকসু মালেমগী ওইবা লায়চৎ অমনা ঐখোয়দা খঙহল্লে। তসেংবদি লায়না হায়বসি ঙমখৈ নাইদবনি। লায়না অসিনা লাইনিং, কাঙলুপ, জেন্দর নত্ত্রগা কুচুগী খেৎনবা থমদে। অদুগা ঐহাক্না লায়না হায়বদা হৌজিক চৎলিবা লায়চৎ অসি খক্তগী ৱাফম নত্তে। মীয়ামদা চৈথেং পীবা, মরু ওইনা হৈ-শিংলবা নহাশিংদা, লৌনগনবা অমসুং লৌনগন্দবা লায়না কয়া অমা লৈরি।

মরূপশিং,

ঐখোয়গী ভারত্তা মপাঙ্গল লৈবা অমসুং ভাইব্রেন্ত ওইবা সাইন্তিফিক ওইবা খুন্নাই অমা লৈরি। ঐখোয়গী ওইনা অফবা সাইন্তিফিক ইন্সতিত্যুসন কয়া অমসু লৈরি। মখোয়শিং অসিনা, মরু ওইনা হৌখিবা থা কয়া অসিদা কোবিদ-১৯ লান্থেংনদুনা লাক্লিবা মতম কয়া অসিদা ভারতকী চাউরবা লন-থুম অমা ওইদুনা লাক্লি। কন্তেনমেন্ততগী হৌদুনা কেপাসিতী বিলদিং তৌবগী মতাংদা মখোয়না মশক থোকপা থৌওং কয়া পাঙথোক্তুনা লাক্লি।

মরূপশিং,

ভারতকী পাক-চাউবা, শিনবা-থুংবা অমসুং তোঙান-তোঙানবা মওং চেনবা অসিনা মালেমগী খুন্নাইদা মতম পুম্বদা অঙকপা অমা ফাওহন্দুনা লাক্লি। ঐখোয়গী লৈবাক অসিদা য়ু.এস.এ.গী মীশিংগী য়ামদ্রবদা শরুক মরিগী অহেনবা লৈরি। ঐখোয়গী রাজ্য কয়া অমাগী মীশিং অসিনা য়ুরোপকী লৈবাকশিংগী মান্নবা মশিংদা লৈনরি। অদুম ওইনমক মীয়াম্না শৌগৎপা অমসুং মীয়াম পুন্না হোৎনমিন্নবগী থৌওংগী মতেংদগী কোবিদ-১৯না মরম ওইদুনা শিবগী চাংদি য়াম্না নেম্না থম্বা ঙম্লি। ঙসিদি, ঐখোয়না নোঙমগী ওইনা লাকপা কেস মশিং অমসুং অপুনবা কেস মশিং হেনগৎপগী চাংদা নেম্থবগী ফিভম উবা ফংলে। ভারতনা ৮৮%গী চাং লৈদুনা মালেমগী ওইনা নাবা ফবগী চাং খ্বাইদগী ৱাংনা লৈরি। মসিগী মহৈ অসি ফংবগী মরমদি ভারতনা শুপ্নগী কেস মশিং চাম্মগী মনুংদা লৈরিঙৈদা লোকদাউন থমখিবা অদুননি। ভারত অসি খ্বাইদগী ইহান হানবা ওইনা মাস্ক উপ্নবা ৱাফম থমখিবা লৈবাক্নি। ভারতনা থৱাই-য়াওনা কন্তেক্ত-ত্রেসিং তৌবগী থবক কয়া মাই-পাক্না পাঙথোকপা হৌখি। ভারত অসি য়াম্না ঙন্না রেপিদ এন্তিজেন তেস্ত পাঙথোকপা হৌখিবা লৈবাক অমনি। ভারতনা সি.আর.আই.এস.পি.আর. জীন শেমদোকপগী তেক্নোলোজীদসু অনৌবা থৌওং কয়া অমা হৌদোকখি।

মরূপশিং,

ভারত অসি ঙসিদি কোবিদকী বেক্সিন পুথোকপগী হীরমদা মাং-থাদুনা চৎলি। ঐখোয়গী লৈবাক অসিদা লমদম অসিদা শেমজবা বেক্সিন ৩০ হেন্না পুথোকপগী থবক চত্থরি। মখোয়গী মনুংদগী অহুমদি য়াম্না খুমাং-চাউশিনবা থাক্তা লৈরে। ঐখোয়না মসিদা লেপ্পসু নত্ত্রি। ভারতনা বেক্সিনশিং অসি নীংথিনা য়েন্থোকপগী পথাপ অমসু য়াত্তুনা থম্বগী থবক পায়খৎপা হান্ননা হৌখ্রবনি। দিজিতেল হেল্থ আই.দি.গা লোয়নবা দিজিতাইজ তৌরবা নেৎৱর্ক অসিনা ঐখোয়গী মীয়াম খুদিংদা তিকা থাবগী থবক্তা শিজিন্নগনি।

মরূপশিং,

ভারত অসি, কোবিদকী নত্তনা, অনেম্বা মমলদা মগুন লৈবা হিদাক অমসুং বেক্সিন পুথোকপা ঙম্বগী মতিক্কী মতাংদা মালেম্না খঙনরবনি। মালেম শিনবা থুংনা তিকা থাবগী বেক্সিনগী ৬০% হেনবদি ভারত্তা হৌজিক-হৌজিক শাদুনা লাক্লিবনি। ঐখোয়গী ইন্দ্রধনুশ ইম্ম্যুনাইজেসন প্রোগ্রামদা লমদম অসিদা পুথোকচবা রোতাভাইরস বেক্সিনসু ঐখোয়না মনুং চলহনখ্রবনি। হায়রিবশিং অসি খুৎশম্ননা চৎপগী অমসুং তুং কোইনা মহৈ চাবগী মাই-পাক্লবা খুদম অমনি। মসিগী থৌওংশিং অসিদা গেৎস ফাউন্দেসনসু শরুক অমা ওইদুনা লাক্লি। ভারতনা হীরম অসিদা থেংনরকপগী লৌশিং অমসুং রিসর্চকী মহৈশিং অসিনা তেংবাংদুনা ঐখোয়না মালেমগী হেল্থকেয়রগী থৌওংশিংগী ময়ায়দা লৈগনি। ঐখোয়না লৈবাকশিংবুসু মসিগী সেক্তর অসিদা মপাঙ্গল হাপ্নবা তেংবাংবা পাম্মি।

মরূপশিং,

হৌখিবা চহি ৬ অসিদা ঐখোয়না হেন্না ফবা হেল্থকেয়রগী পথাপ অমা লৈহন্নবা থবক-থৌরম কয়া অমা পাঙথোকখ্রে। সেনিতেসনগী হীরম অসিবু খুদম ওইনা লৌসি। লু-নানবা হেনগৎহনবা। অমাংশঙ মশিং হেন্না শাবা। মসিনা কনাদা খ্বাইদগী হেন্না কান্নবগে? মসিনা লায়রবা অমসুং শোত্থরবশিংদা তেংবাংই। মসিনা লায়না কয়া নারকপদগী হন্থহল্লি। মসিনা নুপীশিংদা খ্বাইদগী য়াম্না তেংবাংই।

মরূপশিং,

হৌজিক্তি ঐখোয়না য়ুম্থোং খুদিংদা তোতি পাইপকী খুত্থাংদা থক্নবা ঈশিং ফংহন্নবা হোৎনরি। মসিনা লায়না-তিলনা হন্থহনবদা মখা তানা তেংবাংগনি। ঐখোয়না খুঙ্গংগী মফমশিংদা, মরু ওইনা,  মেদিকেল কোলেজ লিংখৎলি। মসিনা নহাশিংদা অহেনবা খুদোংচাবা কয়া পীগনি। মসিনা খুঙ্গংশিংদা অফবা হেল্থকেয়রগী পথাপ য়ৌহল্লি। ঐখোয়না মালেমগী খ্বাইদগী চাউবা হকশেলগী ইন্স্যুরেন্স ক্সিম অমা চলায়রি অমসুং মসিদা মীপুম খুদিংনা কান্নবা ফংহন্নবা হোৎনরি।

মরূপশিং,

ঐখোয়না পুন্না হোৎনমিন্নবগী ইথিল অসিনা মীওই অমগী মশাগী মপাঙ্গল হেনগৎহনবা অমসুং অপুনবগী নুঙাই-য়াইফবা ওইনবা শিজিন্নবা ওইসনু। গেৎস ফাউন্দেসন অমসুং অতোপ্পা লুপ কয়ানা মশক-থোক্না ফজবা থবক কয়া অমা পাঙথোক্লি। ঐহাক্না নখোয়না লাক্কদৌরিবা চহি ৩ হেনবা অসিদা মাই-পাকপা ঙমদুনা কান্নবা থৌওং কয়াদা খন্নবা ঙম্বা ওইসনু হায়না য়াইফ-পাউজেল পীজরি। ঐহাক্না মসিগী গ্রান্দ চেলেঞ্জ প্লেৎফোর্ম অসিদগী নূংঙাইরবা অনৌবা ৱারোইশিন পুরকপা কয়া উবা ফংগনি হায়বগী থাজবা থম্লি। মসিগী থৌওংশিং অসিনা মীওইবগী কান্নবা য়েংদুনা চাউখৎপা পুরকপা ঙম্বা ওইসনু। মখোয়না ঐখোয়গী নহাশিং অসিবু নুংঙাইবা হয়েং অমা ওইহন্নবা ৱাখল খনবা ঙম্বা লমজিংবা লুচিংবা ওইহনবা ওইরসনু। ঐহাক্না শিন-লাংলিবা মীওইশিংদা ঐহাকপু কৌবীরকপগীদমক্তা অমুক্কা হন্না থাগৎচরি।

ময়াম্বু থাগৎচরি।

ময়াম্বু য়াম্না থাগৎচরি।

ভারতকী ওলিম্পিয়নশিংবু পুক্নিং থৌগৎসি! #Cheers4India
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Deposit Insurance and Credit Guarantee Corporation Bill, 2021: Union Cabinet approves DICGC Bill 2021 ensuring Rs 5 lakh for depositors

Media Coverage

Deposit Insurance and Credit Guarantee Corporation Bill, 2021: Union Cabinet approves DICGC Bill 2021 ensuring Rs 5 lakh for depositors
...

Nm on the go

Always be the first to hear from the PM. Get the App Now!
...
Delhi Karyakartas step up their efforts for #NaMoAppAbhiyaan. A final push to make their Booth, Sabse Mazboot!
July 30, 2021
Share
 
Comments

Delhi has put its best foot forward with the #NaMoAppAbhiyaan. Enthusiastic Karyakartas from all wings have set the highest standards to make their Booth, Sabse Mazboot. Residents throughout the National Capital are now joining the NaMo network.