ফাউন্দেসন কোর্স মপুং ফানা লোইশিনবা অসিদা নহা ওইরিবা মরুপ পুম্নমকপু হন্না-হন্না নুংঙাইবা ফোঙদোকচরি। ঙসি অসি য়াওশঙগী কুহ্মৈনি। ঐহাক্না লৈবাকমচা পুম্নমক্তা, নখোয়দা, একাদেমী অসিগী মীয়ামদা অমসুং অদোমগী ইমুং-মনুংশিংদা নুংঙাইরবা য়াওশঙ কুহ্মৈগী য়াইফ-পাউজেল পীজরি। নখোয়গী একাদেমীনা সরদার বল্লভভাই পতেলজী, লাল বাহাদুর শাস্ত্রীজীদা কত্থোকপা পোস্তেল সর্তিফিকেৎশিং পুথোকখিবা অসিদা ঐহাক্না নুংঙাইবা পোকই। ঙসি অনৌবা স্পোর্স কম্প্লেক্স শঙ্গংখি অমসুং হেপী ভেল্লী কম্প্লেক্সসু শঙ্গংখি। ফেসিলিতীশিং অসিনা তীম স্পিরিৎ, হকচাং ফনা থম্নবগী ৱাখল্লোন মপাঙ্গল কনখৎহনগনি, সিবিল সর্ভিস অসি হেন্না স্মার্ত ওইহনবদা অমসুং ইফিসিএন্ত ওইহনবদা মতেং পাংগনি।
মরুপশিং,
হৌখিবা চহিশিংদা ঐহাক্না সিবিল সর্বেন্তশিংগী বেৎচ কয়াগা লোয়ননা ৱারী শাখ্রে, উনখ্রে, মতম শাংনা লেনমিন্নখ্রে। অদুবু ঐহাক্কী ৱাখলদদি নখোয়গী বেৎচ অসিদি য়াম্না স্পেসিএল ওই। নখোয়না ভারতকী নীংতম্বা ফংখিবগী চহি ৭৫ শুরকপা অসিদা নখোয়গী থবক হৌরি। ঐখোয়গী ইরক্তগী মীওই কয়া অমদি ভারতনা মাগী নীংতম্বা ফংবগী চহি ১০০ শুরকপা মতমদা লৈররোই। অদুবু নখোয়গী বেৎচ অসিদি মতম অদুদা লৈখিগনি, নখোয়সু লৈখিগনি। নীংতম্বগী অমৃতকালগী মথংগী চহি ২৫ অসিদা নখোয়গী ৱারীনা, নখোয়গী তীমনা লৈবাক্কী চাউখৎ-থৌরাংদা অচৌবা থৌদাং অমা লৌরগনি।
মরুপশিং,
ঙসি ভারতনা লৈরিবা ২১শুবা চহিচাগী থাক অসিদা মালেম পুম্বনা ঐখোয়দা মীৎয়েং থম্লি। কোরোনানা ওইহল্লিবা ফীভমশিং অসিদা অনৌবা ৱর্ল্দ ওর্দর অমা থোরক্লি। মসিগী অনৌবা ৱর্ল্দ ওর্দর অসিদা ভারতনা মাগী থৌদাং হেনগৎহনগদবনি অমসুং খোঙজেল য়াংনা চাউখৎনবা হোৎনগদবনি। হৌখিবা চহি ৭৫ অসিদা ঐখোয়না খুমাং চাউশিনখিবগী খোঙজেল অদুগী শরুক কয়া হেন্না য়াংশিন্না ঐখোয়না মাংদা চংশিনবগী মতম ওইরে। লাক্কদৌরিবা চহিশিংদা অদোম্না জিলা খরগী থবক থৌদাং লৌরগনি, নখোয়না বিভাগ খরগী থৌদাং লৌরগনি। নখোয়গী মীৎয়েং মখাদা মফম অমদা অচৌবা ইনফ্রাস্ত্রকচর প্রোজেক্ত পাইখৎলগনি, মফম খরদা নখোয়না পোলিসী লেবেলদা সজেসনশিং পীরগনি। থবক পুম্নমক অসি পাঙথোকপদা নখোয়না মতম পুম্বদা ৱাফম অমা খঙবা মথৌ তাই অমসুং মসিনা ভারতকী ২১শুবা চহিচা অসিগী খ্বাইদগী চাউবা পান্দমনি। পান্দম অদুদি – মীপাল তাংদবা ভারতকী, মতমগা চুনবা ভারতকী হায়বা অসিনি। ঐখোয়না মীকুপ অসি মাংহল্লোইদবনি অমসুং মরম অসিনা ঙসি ঐহাক্না ঙসি নখোয়দগী আশা কয়া তৌরি। আশাশিং অসি নখোয়গী পর্সনেলিতী অমসুং নখোয়গী এক্সনশিংগা মরী লৈনৈ। নখোয়না থবক তৌবগী মওং অসি ৱর্ক-কলচরগা মরী লৈনৈ। অমসুং নখোয়গী পর্সনেলিতীদা কান্নগদবা ঐহাক্না ৱাফম খরা থমজগে।
মরুপশিং,
ত্রেনিং মনুংদা অদোম্না সরদার পতেলজীগী বিজন, মহাক্কী ৱাখল্লোন অসিগী মরমদা খঙখি। শেবা অমসুং থৌদাং লৌবগী মরু ওইবা অসি অদোমগী ত্রেনিংগী মরু ওইবা শরুক অমা ওইখি। মসিগী সর্ভিস অসিদা অদোম্না চহি কয়া লৈরবসু, অদোমগী লনাই অমসুং শিনফমগী ওইবা মাইপাকপগী ফেক্তরশিং মসিনা ওইগদবনি। মসিনা শেবা সর্ভিসকী ৱাখল্লোন হন্থহনবা নত্তে, থৌদাং লৌবা হন্থহনবা নত্তে অদুবু ৱাহং অসি মতম চুপ্পদা ইশাদা হঙজগদবনি। ইভাল্যুএসন তৌগদবনি, অমসুং করিগুম্বা ঐখোয়না পান্দম অসি উবা ফংলক্ত্রবা, মতম চুপ্পদা পান্দম অদু মাংদা থমগদবনি। মসিদা ভাইভর্জন নত্ত্রগা দাইলুজন লৈহল্লোইদবনি। ঐখোয়না উখ্রে মদুদি সর্ভিসকী ৱাখল্লোন য়াওদবা, শক্তি পাইনীংবগী ৱাখল্লোন লৈবা মীওই নত্ত্রগা সিস্তেম অদু অৱাবা কয়া নংই। খরা অমনা ঙন্না, খরা অমনা থেংথনা, অদুবু শোইদনদি অৱাবা নংই।
মরুপশিং,
ঐহাক্না ৱাফম অমগা থমজগে মসি কান্নরক্কনি। ঐখোয়না সেন্স ওফ দ্যুতী অমসুং সেন্স ওফ পর্পজকা লোয়ননা থবক তৌবা মতমদা ঐখোয়দা থবক্কী পোৎলুম পুবগী অৱাবা পোক্তে। অদোমসু মফম অসিদা সেন্স ওফ পর্পজকা লোয়ননা লাকখি। অদোম্না খুন্নাইগীদমক, লৈবাক্কীদমক, অফবা অওনবা অমগীদমক শরুক য়ান্নবা লাকখি। ওর্দর পীদুনা থবক তৌবা অমসুং সেন্স ওফ দ্যুতীগা লোয়ননা অতোপ্পদা ইথিল পীবা হায়বা থৌওং অনি অসিগী মরক্তা চাউনা খেন্নবা লৈ। মসি নখোয় নশাদা ঐহাক্না দিবেলপ তৌহনবা পাম্বা লুচিংবা ওইবগী ক্বালিতী অদুনি। মসি তীম স্পিরিৎকীদমক তঙাই ফদে। মসিদা কম্প্রোমাইজ অমত্তা তৌরোইদবনি। মসি তৌবা য়াম্না মরু ওই।
মরুপশিং,
ঙসিদগী থা খরগী মতুংদা নখোয়দা ফিল্দদা থবক তৌবা চৎলগনি। নখোয়গী তুংগী পুন্সিদা, অদোম্না ফাইলশিং অমদি ফিল্দকী মরক্তা খেন্নবশিং অদু মুন্না খঙলগা থবক তৌগদবনি। অদোম্না ফাইলশিংদা তশেংবা ফীল অদু ফাওবা ফংলোই। ফীল অদু ফাওনবগীদমক অদোম্না ফিল্দগা মরী থম্বা তাই। ফাইলশিংদা য়াওরিবা মশিং অসি শুপ্নগী নম্বরশিং খক্তা নত্তে হায়বা ঐহাক্কী ৱাফম অসিবু অদোম্না পুন্সি চুপ্পা নীংশিংদুনা লৈবীয়ু। মশিং খুদিংমক, নম্বর খুদিংমক, পুন্সি অমনি। পুন্সি অদুগী মঙলান খরা লৈ, পুন্সি অদুগী অনীংবা খরা লৈ, পুন্সি অদুগী অৱাবা, শিংনবা খরা লৈ। অদুনা অদোম্না নম্বরগী মহুৎ পুন্সি অমমমগীদমক থবক তৌগদবনি। ঐহাক্না নখোয়দা ৱাফম অমতগা হায়জনীংই। অমসুং মন্ত্র অসিদা নখোয়দা ৱারেপ অমা লৌবদা থৌনাসু পীগনি অমসুং করিগুম্বা মসি নখোয়না ঙাক্তুনা চৎলবদি অদোম্না অশোইবা তৌবা হায়বা অসি তাংনা থোক্কনি।
মরুপশিং,
অদোম্না চৎপা মফ, খুদিংদা অদোমদা থৱায় য়াওবা, পুক্নিং লুপ্পা ফাওগনি, অনৌবা থবক তৌবদা থৱায় য়াওরবদি, থবক কয়া পাঙথোকপা ঙমগনি। ঐহাক্না মসি তৌগনি, মদু তৌগনি, মসি অহোংবা পুরক্কনি, মসি লৌথোক্কনি অমসুং হুন্দোকখিগনি, পুম্নমক অসি ৱাখলদা ফাওগনি। অদুবু ঐহাক্না নখোয়দা হায়জনীংবদি, অসিগুম্বা ৱাখল অসি খল্লকপা মতমদা মসি লাল্লি, মসিদা অহোংবা অমা পুরকপা মথৌ তাই খল্লকপদা অদোম্না চহি কয়াদগী মসিগী শিল-লাংলমবা থেংনগনি, অদোম্না চুনবা ৱাৎপা চৎন-কাংলোন কয়া উবা ফংগনি, অদোম্না মদু পামদবা য়াই। অদোম্না পুম্নমক অসি পোৎলুম অমনি খনবা য়াই। অদুবু ৱাখল খন্থরগা ঐহাক্না তাক্লিবা লম্বী অসিদা অদোম্না চৎপা ঙমলোইদ্রা?
করম্বা ফীভমদা মসিবু শেমখিবনো, করম্বা চহিদা শেমখি, মতম অদুদা করি ফীভম ওইরমখি, ফাইলগী ৱাহৈ খুদিংমক অদুদা ফীভম অদু উনবা হোৎনৌ, চহি ২০, চহি ৫০, চহি ১০০গী মমাংদা করি ওইরম্বা য়াই, মদুগী রুৎ কোস অদু খঙনবা হোৎনৌ। মদুগী মরমদা খল্লু, কুপ্না নৈনৌ, সিস্তেম অমা শেম্লবদি মদুগী নুংদা মরম অমা লৈরমগনি, মদুগী ৱাখল্লোন, মদুগী মথৌ তাবা লৈরমগনি। অদোম্না কাংলোন অসি শেমখিবা মতম, মসিগী মরুমদা লৈরিবা মরম অদু খঙনবা মনুং হঞ্জিন্না থিজিন্নবা হোৎনবা তাই। অদোম্না নৈনবা মতমদা, সমস্যা অমগী রুৎ কোস য়ৌবা মতমদা, অদোম্না মদুগী পর্মিনেন্ত সোল্যুসন অমা পুথোকপা ঙমগনি। হোবে-থোবে তৌখিবা থবক অদু মতম অদুদদি অফবা মানগনি অদুবু মদুনা পর্মিনেন্ত সোল্যুসন অমদি ওইরোই। ৱাফমশিং অসি মনুং হঞ্জিন্না থিজিনবা মতমদা অদোম্না লমদম অদুগী এদমিনিস্ত্রেসন অদু মপুং ফানা কন্ত্রোল তৌবা ঙমগনি। অমসুং অদোম্না থবক কয়া তৌরবা মতুংদা অদোম্না ৱারেপ অমা লৌবগী মতম লাকপদা অদোম্না ৱাফম অমগা নীংশিংবীয়ু।
মহাত্মা গান্ধীনা অসুম্না হায়রম্মি মদুদি করিগুম্বা অদোমগী ৱারেপনা খুন্নাইগী অরোইবা ঙমখৈদা লেপ্পিবা মীওই অদুদা কান্নবা পীরবদি ৱারেপ অদু লৌবদা পন্থবা তৌগনু। ঐহাক্না মসিদা ৱাফম অমা হাপচিনজগে, ৱারেপ অমা হেক্তা লৌবদা, সিস্তেম অমা হেক্তা অহোংবা পুরকপদা ভারত পুম্বগী মীৎয়েংদগী য়েংঙু মরমদি নখোয়না ওল ইন্দিয়া সিবিল সর্ভিসেস মশক তাক্লি। ঐখোয়গী ৱাখলদা লৌবা ৱারেপ অদু লোকেল ওইবা য়াই অদুবু মঙলান অদুনা লৈবাক পুম্বগী মশক তাক্লি।
মরুপশিং,
নীংতম্বা ফংবগী অমৃতকাল অসিদা ঐখোয়না রিফোর্ম, পর্ফোরম, ত্রান্সফোর্ম অসিবু নেক্স লেবেলদা পুখৎপা তাই। মরম অসিনা ঙসিগী ভারতনা সবকা প্রয়াস হায়বা ৱাখল্লোন অসিগী লোয়ননা মাংদা চংশিনবা তাই। অদোমগী খোঙথাংশিং অদু পাইখৎপা মতমদা অদোম্নসু সবকা প্রয়াস, মীপুম খুদিংমক্না শরুক য়াবা হায়বা অসিগী মপাঙ্গল অসি করিনো হায়বা খঙবা মথৌ তাই। অদোমগী থবক তৌবদা সিস্তেম অদুদা শরুক কয়া হাপচিল্লি, কর্মচারী অমমম হাপতুনা য়েংবীয়ু, মতুংদা মদুনা অহানবা সর্কল ওইরক্কনি। অচৌবা সর্কল অদুদা সোসিএল ওর্গনাইজেসনশিং হাপচিল্লু মদুগী মতুংদা মীচম প্রজা য়াওহল্লু, সবকা প্রয়াস অসিদা খুন্নাইগী অরোইবা ঙমখৈদা লৈরিবা মীওই অদুসু খোঙথাং অসিদা য়াওহন্নবা অদোম্না হোৎনৌ। অমসুং অদোম্না করিগুম্বা থবক অসি তৌরবদি অদোমগী পাঙ্গল হেন্না হেনগৎলক্কনি। হৌজিক য়েংবীয়ধ অচৌবা শহরগী ম্যুনিসিপাল কোর্পোরেসন্দা সেনিতেসন ৱার্কর কয়া অমা লৈ অমসুং মখোয়না কন্না হোৎন্দুনা শহর অদুবু লুনান্না থম্নবা হোৎনরি। অদুবু মখোয়গী খোঙথাং অসিদা ইমুং মনুং খুদিংমক্না য়াওশিল্লবদি, প্রজা খুদিংমক্না য়াওশিল্লবদি, করিগুম্বা অমোৎ-অকাই চাখাইদনবা ফিরেপ লৌবা অসি অপুনবা খোঙথাং অমা ওইহল্লবদি, ৱাইশিৎপা মীওইশিংনা নুমিৎ খুদিংগী নুংঙাইবা পোক্লোইদ্রা। অদোম্না ফংবা ফল অদু শরুক কয়া থোক্না হেনগৎত্রবসু মীপুম খুদিংনা হোৎনবনা পোজিতিব ওইবা ফল অমা পুরক্কনি। মীয়াম্না শরুক য়ারবা মতমদা, অমা অমসুং অমা পুল্লগা অনি ওইদে অদুবু অমা অমসুং অমা পুনবনা তরামাথোই ওইরকই।
মরুপশিং,
ঙসি ঐহাক্না অদোমদা থবক অমা পীজগে। অদোম্না থবক অসি অদোমগী কেরিয়রগী খোঙচৎ অসিদা তৌগদবনি, অসুম তৌদুনা মসি অদোমগী পুন্সিগী শরুক অমা ওইহনগদবনি, মসি হৈনবী অমা ওইহনগদবনি। অমসুং সংস্কারগী ঐহাক্না পীজবা অচম্বা ৱাহন্থোক অসিদি হোৎনবদগী লাকপা অফবা হৈনবী অসিনি।
অদোম্না মফম অমা হেক্তা অদোম্না থবক তৌরবসু, জিলা অমা হেক্তদা থবক তৌরবসু, অদোমগী ৱাখলদা জিলা অদুদা সমস্যা কয়া লৈ হায়না খনবীয়ু, খুদোংচাদবা কয়া লৈ হায়না লৌবীয়ু। অদোম্না য়ৌফম থোকপা থাক অদু য়ৌবা ঙমদ্রবদি অদোম্না এনলাইসিস তৌবীয়ু। অদোমগী ৱাখলদা অরিবা মতমগী মীওইশিংনা মসি করিগী তৌরমদ্রিবনো, মখোয়না মসি তৌরমদে হায়না খল্লক্কনি। অপীকপা নত্ত্রগা অচৌবা ওইরবসু অদোম্না লম অদুদা শীংনবা ৫ মশক খঙদোকউ। অমসুং লমদম অদুদা লৈরিবা মীয়ামগী পুন্সদা অৱাবা পীরিবা শীংনবশং অদুনা মখোয়গী চাউখৎ-থৌরাংদা অপনবা ওইরিবনি।
অদোম্না মখোয় অদুবু লোকেল লেবেলদা খঙদোকপা য়াম্না মু ওই। অমসুং মসি করিগীদমক মরু ওইরিবনো ঐহাক্না হায়জগে। ঐখোয়না সরকার হেক পাইবগা অসিগুম্বা শীংনবা কয়া অসি মশক খঙদোকখি। শীংনবশিং অসি মশক হেক খঙদোক্লবদি ঐখোয়না সোল্যুসন পুরক্নবা মাইকৈদা চংশিল্লি। হৌজিক নীংতমখিবা চহি কয়া শুজরবসু লায়রবশিংগী পক্কাগী য়ুম লৈফম থোকপ্রা নত্ত্রগা থোক্তব্রা হায়বা অসি শীংনবা অমনি। ঐখোয়না শীংনবা অসি লৌখৎলগা মখোয়দা পক্কাগী য়ুমশিং ফংহন্নবা ৱারেপ লৌখি অমসুং খোঙজেল য়াংনা পি.এম. আৱাজ য়োজনা পাইখৎখি।
লৈবাক অসিদা অসিগুম্বা জিলা কয়ানা চাউখৎ-থৌরাংগী খোঙজেল অসিদা দিকেদ কয়া শোত্থনা লৈরমখিবা অসিসু অচৌবা শীংনবা অমনি। ৱাজ্য অমনা য়াম্না খুমাং চাউশিল্লি অদুবু জিলা অনিনা শোত্থনা লৈ। জিলা অমনা য়াম্না খুমাং চাউশিল্লি অদুবু ব্লোক অনিনা শোত্থনা লৈ। ঐখোয়না লৈবাক অমা ওইনা ভারত ওইনা অসিগুম্বা জিলাশিং অসি মশক খঙদোক্কনবা আইদিয়া পুথোক্কদবনি অমসুং এস্পিরেস্নেল দিস্ত্রিক্তকী কেম্পেন অমা হৌগদবনি অমসুং মখোয় অদু রাজ্যগী লৈরিবা চাংচৎ অদুদা থম্নবা হোৎনগদবনি। করিগুম্বা ওইথোক্লবদি জাতিগী লৈরিবা চাংচৎ অদু য়ৌনবা হোৎনবা আই।
মসিগা মান্ননা, ইলেক্ত্রিসিতী কন্নেক্সন, গ্যাস কন্নেক্সন লায়রবদা ফংহনবগী শীংনবা অমা লৈ। ঐখোয়না সৌভাগ্যা স্কিম হৌদোকখি, উজ্জ্বলা স্কিম হৌদোকখি অমসুং মখোয়দা লেম্না গ্যাস কন্নেক্সন ফংহনখি। সরকার অমনা অসিগী মখলগী থবক পাইখৎপা অমসুং স্কিমনা সেচ্যুরেসন ফংহন্নবা মাইকৈদা চংশিনবা অমসুং মসিগী পোরম য়াৎপা অসি ভারতনা নীংতম্বা ফংলবা মতুংদা অহানবা ওইনা পাইখৎলি।
মসিগী মতাংদা হৌজিক ঐহাক্না খুদম অমা পীজগে। তোঙান-তোঙানবা বিভাগশিংগী মরক্তা কোওর্দিনেসন ৱাৎপনা মরম ওইরগা প্রোজেক্তশিং অসি চহি কয়া পন্দুনা লৈখি। ঐখোয়না ঙসি লম্বী শেম্বা উরনি মথংগী নুমিৎধা তেলিফোন শম্বগী মী লাক্লগা মদু তৌখাইরমগনি, মতুংদা নলা চনবগী অমুক তৌখাইগনি। কোওর্দিনেসন ৱাৎপনা থোকহনবা শীংনবা অসি কোকহন্নবা ঐখোয়না পি.এম. গতিশক্তি নেস্নেল মাস্তর প্লান শেমখি। মসিনা সরকারগী বিভাগশিং, রাজ্য পুম্নমক, লোকেল বোদী পুম্নমক, স্তেকহোল্দর খুদিংমকনা মাংজৌননা ই-পাউ ফংগনি। মরম অসিনা অদোম্না শীংনবা অমা মশক খঙদোকপা মতমদা মদুগী সোল্যুসন থিবা অমসুং মদুদা থবক পাইখৎপা অসি অরাইবা ওইরকই।
করিগুম্বা মদুনা লমদম অদুগী মীয়ামগী অৱাবা কোকহনগদবা ওইরবদি, নুংঙাইবা পুরক্কদবা ওইরবদি ঐহাক্না নখোয়না শীংনবা ৫, ৭ ১০ অপাম্বা মশিংদা খঙদোক্নবা হায়জরি। সরকারদা থাজবা হেনগৎলক্কনি। অদোমবু ইকাই খুম্নবা হেনগৎলক্কনি। অমসুং অদোমগী ৱাখলদা খনজৌ মদুদি ঐহাক্কী তেনর মনুংদা ঐহাক্না লমদম অসিবু মসিগী খুদোংচাদবা অসিদগী কোকহনগে হায়না।
অমসুং অদোম্না তারম্লগনি, ঐখোয়গী শাস্ত্রশিংদা সেল্ফ সফিসিয়ন্ত হায়বা অসিগী মতাংদা পল্লি। করিগুম্বা মতমদা পুন্সিদা থবক কয়া তৌরবদু ঐখোয়না চপ মান্নবা নুংঙাইবা অদু ফংবা ঙমদে, থবক খরদি ঐখোয়না ৱারেপ লৌজরগা ইশানা পাঙথোকই, মসিদা নুংঙাইবা, অপেনবা পোকই। কৈদৌনুংদা চোকথবা তৌগনু। অসিগুম্বা ইশাগী অপাম্বা থাদোকপা অসিনা শীংনবা কয়া মপুং ফানা কোকহনবা ঙম্মি। অদোমগী রিসোর্স পুম্নমক নত্ত্রগা এক্সরিয়েন্স পুম্নমক, অদোমগী তেলেন্ত শীজিন্নবীয়ু।
অদোমগী খোঙথাং অদুনা ৱাখলদা শন্তি পীবা ওইগদবনি অমসুং অদোম্না মদুদগী কান্নবা ফংখিবা মীওইঅদু উবা ফংবা মতমদা অদোমগী থবক্না অফবা ফল পীবা ঙম্লে হায়বা খঙগনি। লমদম অদু থাদোক্তুনা চৎখিবা চহি কুন শুরবা মতুংদসু মফম অদুগী মীয়াম্না লমদম অদুগী মতম অমগী সমস্যা কোকহনবীখিবা সাহেব অদু লাক্লে হায়না ওক্কনি।
অদোম্না ক্বালিতেতিব চেঞ্জ অমা পুরক্কদবা অদুগুম্বা হীরমশিং অদু অদোমদা থীহন্নীংই। মসিগীদমক করিগুম্বা অদোম্না ইন্তর্নেস্নেল স্তদীজ তম্বা তারবদি মদু তৌবীয়ু, অদোম্না লো তম্বা মথৌ তারবদি তম্বীয়ু, তেক্নোলোজী মথৌ তারবদি মদু তম্বী, মদুদা শোত্থনা লৈগনু। নখোয় মীওই ৩০০-৪০০ অসিনা লৈবাক অসিগী তোঙান-তোঙানবা জিলাশিংদা চৎকদৌরিবনি। মসিনা হায়বদি অদোম্না ভারতকী শরুক তঙ্খাই অমদা পুন্না অনৌবা মঙাল অমা পীবা ঙমগনি হায়বনি। মসি অচৌবা অহোংবা অমা পুরক্কনি। নখোয় নথন্তা নত্তে, নখোয়গী মসিগী ৱাখল্লো, মসিগী খোঙথাং অসিনা জিলা ৪০০ হায়বদি ভারতকী শরুক তঙ্খাইদা অওনবা পুরক্কনি।
মরুপশিং,
ঐখোয়গী সরকারনা রিফোর্মশিংগা লোয়ননা সিবিল সর্ভিসকী ত্রান্সফোর্মেসনগী চহিচা অসিবু শৌগৎলি। মিসন কর্ময়োগী অমসুং আর্মভ প্রোগ্রাম অসি মসিগী শরুক অমনি। অদোমগী একাদেমীদা পীরিবা ত্রেনিং মখল অসি মিসন কর্ময়োগীদা য়ুম্ফম ওই হায়না ঐঙোন্দা তাকপীরি। মসিদগী অদোমদা কান্নবা কয়া ফংগনি হায়না ঐহাক্না থাজৈ। অদোমদা ঐহাক্না ৱাফম অমগা থমজগে। তুংলমচৎতা অদোম্না অরায়বা থবক ফংদবা ওইসনু হায়না থৌনীবীয়ু। মসি হায়বদি নখোয়দা শকফম খরা হনজিনবা ঐহাক্না উবা ফংই।
অদোম্না অরায়বা থবক অমত্তা ফংদবা হায়না থৌনীবীয়ু। অদোম্না অসিগুম্বা পাউতাক পীরিবা অসিবু মসি করম্বা মখলগী প্রধান মন্ত্রীনো হায়না খল্লমগনি। চেলেঞ্জিং ওইবা থবক অমা মতম চুপ্পদা থীবিয়ু ঙাইবীয়ু। অদোম্না চেলেঞ্জিং জোব অমা ফংনবা হোৎনবীয়ু। চেলেঞ্জিং জোকী নুংঙাইবা অসিসু মখল অমনি। অদোম্না কমফোর্ত জোন্দা চংনীংবগী ৱাখল হেন্না খল্লিবা মখৈ, অদোমগী চাউখৎপা অমসুং লৈবাক্কী চাউখৎপদা অপনবা ওইগনি। অদোমগী পুন্সি অদু চপ লেপতুনা লৈখিগনি। চহি খরগী মতুংদা অদোমগী ইশাগী পুন্সি অদু ইশাদা পীজবা পোৎলুম অমা ওইরক্কনি। হৌজিক নখোয় রিস্ক লৌবগী কেপাসিতী অসি য়াম্না ৱাংবা চহি মতাংদা লৈরি। করিগুম্বা অদোম্না চেলেঞ্জিং জো অমদা চংশিনবা মতমদা অদোম্না হৌখিবা চহি ২০দা থেংনরকখিবা অদুদগী মথংগী চহি ২-৪দা থেংনবা অদুনা হেনগনি। অমসুং অদোম্না তমশিনবা ফংবা পরা অদুনা মথংগী চহি ২০-২৫দা য়াম্না কান্নবা ওইগনি।
মরুপশিং,
অদোম তোঙান-তোঙানবা রাজ্যশিংদগী ওইরম্বা য়াই অদুবু নখোয়না এক ভারত শ্রেস্থ ভারতকী দ্রাইভিং ফোর্সসু ওইরি। নখোয়গী সেন্স ওফ সর্ভিস, পর্সনেলিতীগী অদোমগী হ্যুমিলিতী, অদোমগী পুকচেল শেংবা অসিনা তুংদা লাক্কদবা চহিশিংদা অদোমবু মশক থোকপা অমা ওইহনগনি। অমসুং মরুপশিং, অদোম্না একাদেমী অসিদা লাকপা মতমদা অদোম্না লম অসিদা চংলকপগী মরমগী অশাংবা এসে অমা ইরম্বা য়াই। করি ৱাখল্লোনো, করি মঙলান লৈবগে, করি ফিরেপ লৈবগে, স্ত্রীম অসিদা করিগী চংলকপনো? অদোম্না করি তৌবা পাম্বগে? সর্ভিস অসিগী খুত্থাংদা মসিনা অদোমগী পুন্সিবু কদাইদা পুগনি? অশাংবা এসে অমা ইরগা একাদেমীদা চৎপীয়ু। মসি ক্লাউদতা থম্মু। অমসুং অদোম্না চহি ২৫ শুরবা মতমদা, চহি ৫০ মপুং ফারবা মতমদা, অদোমদা চহি ৫০গী মতুংগী শোইদনা প্রোগ্রাম অমা লৈরমগনি।
চহি খুদিংগী মন্সুরী থাদোক্তুনা চহি ৫০গী মমাংদা চৎখিবশিংদা চহি ৫০গী মতুংদা অমুক হন্না লাকই। অদোম্না চহি ৫০, চহি ২৫গী মতুংদা ইখিবা অহানবা এসে অদু পাবীয়ু। চহি ২৫গী মতুংদা এসে অসি অমুক হন্না পাবদা, অদোম্না পাম্লিবা অদুগী মাইকৈদা অদোম্না চংশিনবরা য়েংবীয়ু নত্ত্রগা অদোম্না লাপথোক্না চৎখ্রবরা য়েংবীয়ু। ঙসিগী অদোমগী ৱাখল্লোন অসিনা চহি ২০গী মতুংদা অদোমগী গুরু ওইরকপা য়াই। অমসুং মরম অসিনা অদোম্না করিগুম্বা মদু ইদ্রিবা তারবদি কেম্পস অসি থাদোক্তুনা চৎখিদ্রিঙৈ মমাংদা মদু ইবীয়ু।
অনিশুবদা ঐহাক্না কেম্পস অসিদা লৈরিবা মীওইশিং অমসুং দিরেক্তরনচিংবদা হায়জরি… মদুদি নখোয়গী ত্রেনিং তৌফম মফম কবা লৈরি, মফম অসিদা লাইব্রেরী লৈ, অদুবু নখোয়গী ত্রেনিংদা হীরম অনি হাপচিনবা মথৌ তাই, আর্তিফিসিএল ইন্তেলিজেন্সকী লেব অমা মফম অসিদা থমগদবনি অমসুং ঐখোয়গী ওফিসর পুম্নমক অসি ত্রেনিং অসিগী শরুক অমা ওইহনগদবনি। মসিগা চপ মান্ননা ঐখোয়গী ত্রেনী পুম্নমক্কী ত্রেনিংদা দেতা গভর্নান্স অসি শরুক অমা ওইহনগদবনি। ঐখোয়না চৎপা মফম অমা হেক্তদা ঐখোয়না দেতা গভর্নান্সকী মতমদা তম্বা, খঙবা অমসুং এপ্লাই তৌবা তাই। করিগুম্বা হীরম অনি অসি হাপচিনবা তারবদি, হৌজিক লৈরিবশিং অসিদি চৎখ্রগনি কান্নবা ফংলরোই অদুবু তুংদা লাক্কদবশিংগীদদি কান্নবা পীরগনি।
অমসুং অনিশুবদা করিগুম্বা ওইথোক্লবদি অদোমগী কর্ময়োগী মিসন্দা দেতা গভর্নান্সকী সর্তিফিকেৎ কোর্স অমা হৌবীয়ু, ওনলাইন একজাম পাঙথোকপীয়ু অমসুং সর্তিফিকেৎশিং লৌবীয়ু। আর্তিফিসিএল ইন্তেলিজেন্সতা সর্তিফিকেৎ কোর্স অমা হৌবীয়ু। ওনলাইন একজাম পাঙথোকপীয়ু, ব্যুরিওক্রেসীগী মীওইশিং খক্তা থাবা য়াহল্লু অদুগী সর্তিফিকেৎশিং পীয়ু। মোদর্ন ইন্দিয়াগী মঙলান অসি থুংহনবদা চাউনা মতেং পাংনবগী কলচর অমা তপ্না হৌদোরক্কনি।
মরুপশিং,
ঐহাক্না নখোয়গী নরক্তা য়াওদুনা মতম কয়া লেনমিন্নবা পামজৈ। অমসুং ঐহাক্না ৱাফম খরগা থম্বা ফংজরবদি য়াম্না হেন্না নুংঙাইগদবনি। অদুবু মতম লৈতবনা অমসুং পার্লিয়ামেন্ত ফম্মিবা ওইবনা। ঐহাক্না মফম অদুদা লাকপদা খুদোংচাখিদে। অদুবু তেক্নোলোজীনা ঐখোয়বু মতেং পাংলি, ঐহাক্নসু নখোয় পুম্নমক উবা ফংলি। নখোয়গী মাইথোংদা তারিবা মমিশিং উবা ফংলি। অমসুং ঐহাক্কী ৱাখলদা লৈবা ৱাখল্লোন পুম্নমক নখোয়দা ফোঙদোক্লি।
ঐহাক্না নখোয়দা য়াইফ-মঙ্গোল পীজরি। নুংঙাইবা ফোঙদোকচরি।
থাগৎচরি!!
