পারাদিপ রিফাইনরিদা ইন্দিয়ান ওইল কোর্পোরেসন লিমিতেদ মোনো ইথাইলিন গ্লাইকোল প্রোজেক শঙ্গাখ্রে
পারাদিপদা ০.৬ এম.এম.তি.পি.এ ইমপোর্ত ফেসিলিতি অমসুং ওরিসাগী পারাদিপতগী হালদিয়া ফাওবা কিমি ৩৪৪ শাংবা পাইপলাইন অমা শঙ্গাখ্রেআইরেল(আই) লিমিতেদকী ওরিসা সেন্দস কমপ্লেক্সতা ৫ এম.এল.দিগী সমুদ্রগী ঈশিংদগী থুম লৌথোক্নবা প্লান্ত শঙ্গাখ্রেতোঙান-তোঙানবা রেল প্রোজেকশিং লৈবাক মীয়ামদা কৎথোকখ্রে অমসুং উরেপ-উয়ুং তমখ্রেতোঙান-তোঙানবা লম্বীগী প্রোজেকশিং লৈবাক মীয়ামদা কৎথোকখ্রে“ঙসিগী প্রোজেকশিং অসিনা লৈবাক অসিদা হোংলক্লিবা থবক তৌবগী মওং অদু উৎথোক্লে”“হৌজিক্কী দরকার ওইবশিংশু খনবগা লোয়ননা চাউখৎলবা ভারত অমা শেম্নবা ৱাশক্কা লোয়ননা তুংগীদমক থবক তৌবা সরকার অমা ঙসি লৈবাক অসিদা লৈরে”“ওরিসাদা মতমগী অনৌবা লম্বী-থোং শেমগৎনবা কেন্দ্র সরকারনা মীৎয়েং থম্লি, মসিনা মফম অসিগী রিছোর্সশিংনা রাজ্য অসিগী ইকোনোমি চাউখৎহনগনি”ওরিসাগী রাজ্যপাল শ্রী রঘুবর দাস জি, ওরিসাগী চীফ মিনিস্তর শ্রী নবিন পাতনাইক জি, মন্ত্রীমন্দলগী ঐগী মরুপ শ্রী ধর্মেন্দ্র প্রধান জি, বিশেশ্বর তুদু জি, অতোপ্পা শক্নাইরবশিং, ইবেম্মাশিং অমসুং ইবুংঙোশিং !
জয় জগন্নাথ !
ঙসি, ভাগবান জগন্নাথ অমসুং মা বিরজাগী থৌজালগা লোয়ননা, ঙসি জাজপুর অমসুং ওরিসাদা চাউখৎপগী অনৌবা ইচেল অমা চেল্লে। ঙসি শ্রী বিজু পাতনাইক্কী মপোক নুমিৎনি। মহাক্না লৈবাক্কী অমসুং ওরিসাগীদমক পাংথোক্লম্বা থবকশিং চাংদম্নবা য়ারোই। লৈবাক অসিগী মীয়ামগী মহুৎশীন্দুনা ঐনা মফমদা ইকায়খুম্নবা উৎচরি।
মরুপশিং,
ঙসি, মফম অসিদা লুপা করোর ২০,০০০ রোমগী থাউ অমসুং গ্যাস, রেলৱেজ, লম্বী, ত্রান্সপোর্ত অমসুং হায়ৱেজ অমসুং এতোমিক ইনর্জিগা মরী লৈনবা প্রোজেকশিং ঙসি শঙ্গারে অমসুং উরেপ-উয়ুং তম্লে। মসিনা লমদম অসিদা উদোগকী থবকশিং হেনগৎহল্লগনি অমসুং অনৌবা থবক ফংনবগী খুদোংচাবশিং পীরগনি। ঙসিগী চাউখৎ-থৌরাংগী প্রোজেকশিংগীদমক ওরিসাগী মীয়াম ঐনা থাগৎপা ফোঙদোকচরি।
মরুপশিং,
হৌজিক্কী দরকার ওইবশিংশু খনবগা লোয়ননা চাউখৎলবা ভারত অমা শেম্নবা ৱাশক্কা লোয়ননা তুংগীদমক থবক তৌবা সরকার অমা ঙসি লৈবাক অসিদা লৈরে। ইনর্জি সেক্তরদা নোংপোক থংবা শরুকশিংদা থবক তৌবগী শক্তিশিং হেনগৎহল্লে। উর্জা গনাগা য়োজনাগী মখাদা অচৌবা রাজ্য মঙা হায়বদি উত্তর প্রদেস, বিহার, ঝারখন্দ, নোংচুপ বেঙ্গল অমসুং ওরিসাদা নেচরেল গ্যাস পীনবা প্রোজেকশিং পায়খৎলে। প্রধান মন্ত্রীনা ওরিসাগী পারাদিপতগী নোংচুপ বেঙ্গলগী হালদিয়া ফাওবা কিমি ৩৪৪ শাংবা পাইপলাইন অমা শঙ্গাখ্রে। মহাক্না পারাদিপ রিফাইনরিদা ইন্দিয়ান ওইল কোর্পোরেসন লিমিতেদ মোনো ইথাইলিন গ্লাইকোল প্রোজেক অমসুং পারাদিপদা ০.৬ এম.এম.তি.পি.এ ইমপোর্ত ফেসিলিতি অমসুং ওরিসাগী পারাদিপতগী হালদিয়া ফাওবা কিমি ৩৪৪ শাংবা পাইপলাইন অমা শঙ্গাখ্রে অমসুং মসিনা নোংপোক ভারত্তা পোলিস্তর ইন্দস্ত্রিদা অচৌবা অওনবা অমা পুরক্লগনি। মসিনা ভাদ্রাক অমসুং পারাদিপতদা তেক্সতাইল পার্কতা রো মেতরিয়েলশু পীরগনি।
মরুপশিং,
ঙসিগী প্রোজেকশিং অসিনা লৈবাক অসিদা হোংলক্লিবা থবক তৌবগী মওং অদু উৎথোক্লে। মমাঙগী সরকারশিংনা চাউখৎ-থৌরাংগী প্রোজেকশিং লোইশিন্নবা থৱায় য়াওখিদে, অদুগা হৌজক পাল্লিবা সরকার অসিনা মখোয়গী মতমদা উরেপ-উয়ুং তমখিবা প্রোজেকশিং লোইশিন্দুনা শঙ্গারে। পারাদিপ রিফাইনরি অসি ২০০২দা খন্নখি, অদুবু হৌজিক পাল্লিবা সরকার অসিনা ২০১৪দা সরকার পায়রকপা মতমদা থবক অমা লোইশিল্লমদে। ঙরাং তেলঙ্গানাগী সঙ্গারেদ্দিদা পারাদিপ-হায়দ্রবাদ পাইপলাইন শঙ্গারে অমসুং নুমিৎ হুম্নিগী মমাঙদা নোংচুপ বেঙ্গলগী অরামবাগতা হালদিয়াদগী বরাউনি ফাওবগী কিমি ৫০০ শাংবা শুংদোক্ত্রিবা থাউ পুনবা পাইপলাইন শঙ্গাখ্রে।
মরুপশিং,
ওরিসা চাউখৎনবা কেন্দ্র সরকারনা নোংপোক ভারত্তা মরাংকাইনা ফংলিবা মহৌশাগী লনশিং শীজিন্নরে অমসুং গঞ্জাম জিলাদা দিসেলিনেসন প্লান্ত অমা শানবা ঙসি উরেপ-উয়ুং তম্লে। মসিনা নোংমদা থমহি চেনবা ঈশিং লিতর লাখ ৫০ চুথোক্কনি অমসুং মসি থক্নবা ঈশিং ওইনা শীজিন্নগনি। মসিদগী উরিসাগী মীওই লিশিং কয়া কান্নবা ফংলগনি।
মরুপশিং,
ওরিসাদা মতমগী অনৌবা লম্বী-থোং শেমগৎনবা কেন্দ্র সরকারনা মীৎয়েং থম্লি, মসিনা মফম অসিগী রিছোর্সশিংনা রাজ্য অসিগী ইকোনোমি চাউখৎহনগনি। হৌখিবা চহি ১০দা কিমি ৩০০০ শাংবা নেসনেল হায়ৱেশিং শেমগৎলে, রেলৱে বজেত শরুক ১২ হেনগৎলে। রেল-হায়ৱে-পোর্ত কন্নেক্তিবিতি ফগৎহন্নবা জাজপুর, ভাদ্রাক, জগতসিংহপুর, ময়ুরভঞ্জ, খোরদা, গঞ্জাম,পুরি অমসুং কেন্দুঝারদা নেসনেল হায়ৱেশিং পাকথোক-চাউথোক্লে। অনৌবা অঙ্গুল সুকিন্দা রেলৱে লাইন্না কলিঙ্গা নগর ইন্দস্ত্রিএল এরিয়া চাউখৎহল্লগনি। বিজু পাতনাইক জিগী মপোক নুমিত্তা ঐনা অমুক হন্না মহাক্কী মফমদা ইকায়খুম্নবা উৎচরি অমসুং ঙসিগী চাউখৎ-থৌরাংগী প্রোজেকশিংগীদমক মীয়ামদা ঐনা নুংঙাইবা ফোঙদোকচরি।
