Share
 
Comments
SVAMITVA Scheme helps in making rural India self-reliant: PM Modi
Ownership of land and house plays a big role in the development of the country. When there is a record of property, citizens gain confidence: PM
SVAMITVA Scheme will help in strengthening the Panchayati Raj system for which efforts are underway for the past 6 years: PM

ঙসি মশাগী য়ুমগী মপু ওইবগী চে নত্রগা প্রোপর্তী কার্দ ফংলিবা, মশাগী কার্দ দাউনলোদ তৌরিবা মীওই লাখকী মফমদা য়াম্না নুংঙাইবা ফোংদোকচরি। ঙসি অদোম্না অদোমগী ইমুংগী মীশিংগা লোয়ননা ফম্মিন্নরগনি, নুমিদাংগী চাক পুন্না চামিন্নবা মতমদা হান্না অসিগুম্না নুংঙাইবা অমু্ক্তা ফাওবিরম্লোই হায়বা ঐহাক খংই। অদোমগী অঙাংশিংদা চাউথোক্না অদোমগী ইপা-ইপুনা থম্বিরম্লগদবা ইশাগী প্রোপর্তী লৈ হায়না থাজনা হায়বা ঙম্লগনি। ঐখোয়গী ইপা-ইপুনা থম্বিরম্বা অদুগী চে-চাং লৈরমদবা অদু ঙসি ফংবা অসিদা হেন্না পাঙ্গল হেনগৎলে। ঙসিগী নুমিদাংৱাইরম অসি অদোমগী ওইনা নুংঙাইবনা থল্লবা নুমিদাংৱাইরম্নি, অনৌ-অনৌবা মংলান কয়া  শাগৎনবগা নুমিদাংৱাইরম্নি অমদি অনৌবা মংলানশিংগী হিরমদা অঙাংশিংগা ৱারী-ৱাতাই শান্নবগী নুমিদাংৱাইরম্নি। মরম অসিনা ঙসি অদোম্না ফংলিবা হকশিং অসিগীদমক্তা নুংঙাইবা ফোংদোকচরি।

মসিগী হক অসি ৱায়েল পথাপকী ওইবা চে-চাংনি। অদোমগী য়ুম অদু অদোমগীনি, অদোমগী য়ুমদা অদোম্না লৈগনি। অদোমগী য়ুম অদু করিদা শিজিন্নগনি হায়বা অদোম্না অদুম্মক লেপ্লগনি। সরকারনসু য়ুম্লোন-কৈরোন্নবনসু খুৎ থিংজিনবা য়াররোই।

মসিগী স্কীম ঐখোয়গী লৈবাক্কী খুঙ্গংশিং দা পুৱারী ওইবা অওনবা পুরক্লগনি। ঐখোয় পুম্নমক্না মসিগী শাক্ষী ওইরগনি।

ঙসি মসিগী থৌরম অসিদা মন্ত্রীমন্দলদা লৈবিরিবা ঐহাক্কী মরূপ শ্রীমান নরেন্দ্র সিংহ তোমারজী, হরিয়ানাগী মনোহর লালজী, উপ-মুখ্য মন্ত্রী শ্রী দুষয়ন্ত চৌতালাজী, উত্তরাখন্দগী মুখ্য মন্ত্রী শ্রী ত্রিবেন্দ্র সিংহ রাৱতজী, উত্তর প্রদেশকী মুখ্যমন্ত্রী শ্রী য়োগী অদিত্যনাথজী, মধ্য প্রদেশকী মুখ্য মন্ত্রী শিবরাজ সিংহ চৌহানজী, তোঙান-তোঙানবা রাজ্যসিংগী মন্ত্রীশিংসু লৈবিরি, স্বামিত্ব স্কীমগী অতৈ বেনিফিসিয়রীশিংসু  ঙসি ঐখোয়গী ইরক্তা তিনবিরী। অদুগা নরেন্দ্র সিংহজীনা হায়বিখিবা অদুগুম্না মীওই করোর অমগা লাক্ষ কুনমঙাদগী হেনবনা রেজিস্তর তৌহনখিদুনা ঙসিগী থৌরম অসিদা ঐখোয়গা শম্নরি। হায়বদি ঙসি ভর্চুএল ওইবা মীফম অসিদা খুঙ্গংগী অসুক য়াম্বা মীওইশিংগা শম্নরিবা, মসিগী স্বামিত্ব স্কীম অসিনা কয়াগী মতিক পুক্নিং চিংশিল্লিবা, কয়াদা মপাঙ্গল কল্লিবা অমদি কয়াদা অথোইবা ওইবগে হায়বগী খুদম্নি।

আত্মনির্ভর  ভারত অভিয়ান্দা ঙসি লৈবাক অসিনা অনৌবা খোংতাং অমা পায়খৎলে। স্বামিত্ম স্কীমসিনা খুঙ্গংদা ইচিল-ইনাও মরোমদোম লেপচবা ঙমহনবদা মতেং পাংলগনি। ঙসি হরিয়ানা, কর্নাতকা, মধ্য প্রদেশ, মহারাস্ত্র, উত্তরাখন্দ অমসুং উত্তর প্রদেশকী ইমুং লিশিং কয়াদা মখোয়গী য়ুমশিংগী ৱায়েল-পথাপকী ওইবা চে-চাং খুৎশিন্নখ্রে। মথংগী চহি অহুম-মরীসিদা লৈবাক অসিগী খুঙ্গং খুদিংদা অসিগুম্বা কার্দ পীনবা হোৎনগনি।  অদুগা মরূপশিং ঐহাক য়াম্না নুংঙাই মদুদি ঙসি অসুক অথোইবা থবক অসি অসিগুম্বা নুমিৎ অসিদা তৌরিবা অসি য়াম্না অথোইবনি। ঙসিগী নুমিৎ অসি হিন্দুস্তানগী পুৱারীদসু য়াম্না মরুওই।  মদুদি ঙসি লৈবাক অথোইবা মচা অনিগী মপোক কুমওন্নি।  অমনা ভারতকী মনি লোকনায়ক জয়প্রকাশ নারায়ন অমসুং অমনা ভারতকী মনি নানাজী দেশমুখনি।  অথোইবা মীওইশিংসিগী মপোক নুমিৎ অসি তাংখক্তংদা নত্তনা মখোয়না লৈবাক অসিদা করপসন তৌবগী মায়োক্তা, লৈবাক অসিদা পুকচেল শেংনা, লৈবাক অসিগী লাইরবশিংগী, খুঙ্গংগী য়াইফনবগী মতাংদা মখোয় অনিগী ৱাখল্লোন অমত্তনি, মখোয় অনিমক্কী ফীদম অমত্তনি, মখোয় অনিনা থেংনরম্বা লান্থেং অমত্তা ওইরমখি।  জয়প্রকাশ বাবুনা মপুং ওইবা রিভোলুসন  হৌদোকখিবা মতমদা বিহারগী লমদগী থোরকখিবা খোঞ্জেল, মংলিবা মংলানশিং অদুনা চৈশু ওইদুনা নানাজী দেশমুখনা থবক তৌখিবা অদু জয়প্রকাশজীনা উখি। নানাজীনা খুঙ্গংশিং চাউখৎনবা থবকশিং পাক-শন্না তৌখিবা মতমদা নানাজীনা জয়প্রকাশ বাবুদগী ইনোৎ ফংখি।  

খুঙ্গং অমদি লাইরবশিংগী খোল্লাউবু হেন্না কনশিলহন্নবা হায়বসি জে.পি. অমসুং নানাজীগী পুন্সিগী ৱাশক্নি হায়বসি কয়াদা চাউরবা মতেংনো হায়বসি য়েংবিয়ু।  

ঐহাক্না কদায়দগীনো অমা পাখিবদা দোক্তর অব্দুল কলাম্না চিত্রকুত্তা নানাজী দেশমুখকা উন্নখিবা মতমদা নানাজীনা মখোয়দা হায়বিখি মদুদি ঐখোয়গী অনকপদা লৈবা খুঙ্গং দর্জন কয়া অমা কেস শোক্নগদবদগী মপুং ওইনা কোক্লে হায়বদি কোর্তা কান্নররোই-কনাগুম্বা অমত্তগী মায়োক্তা এফ.আই.আর. তৌররোই হায়না। নানাজীনা হায়বিরম্মি খুঙ্গংগী মীশিংদা ৱারেম ঙাংদুনা লৈরবদি মখোয়গী অমদি খুন্নাইগী চাউখৎনবা তৌবা ঙম্লরোই। ঐনা থাজৈ মদুদি স্বামিত্ম স্কীমসিসু ঐখোয়গী খুঙ্গংগী ৱারেম পুম্নমক  তোকহন্নবা অচৌবা পাম্বৈ ওইরগনি।

মরূপশিং, অচৌ-অচৌবা অখং-অহৈশিংনা য়াম্না থাজনা লম অমদি য়ুমগী মপু ওইবগী হক অসিনা লৈবাক অসি চাউখৎহনবদা অচৌবা থৌদাং লৈ হায়না অকনবা মওংদা হায়বিখি। প্রোপর্তীগী রেকোর্দ অসি লৈরবদি, প্রোপর্তীগী হক লৈরবদি প্রোপর্তী  অসিসু শোই-ঙাম্লরোই অমদি নাগরিকশিংগী পুন্সি অদসু শোই-ঙামদনা লৈ অমদি নাগরিকশিংগী থাজবা অদু শরুক কয়া হেনগৎলি।এসেৎশিং অসিগী রেকোর্দ লৈবা মতমদা শেল থাদবগী থোঙ কয়া অমা হাংলকই, অনৌ-অনৌবা শেল-থুমগী ওইবা অনৌবা স্কীমশিং শেম্নবগীদমক্তা থোং কয়া হাংলকই।  

প্রোপর্তীগী রেকোর্দ লৈদুনা বেঙ্কতগী লাইনা লোন লৌবা ফংগনি, এম্প্লোইমেন্ত-সেল্ফ এম্প্লোইমেন্তগী লম্বি ওইরগনি। অদুবু লুরিবদি ঙাসি মালেম অসিগী শরুক অহু থোকপগী অমখক্কী ৱায়েল পথাপকী ওইবা  প্রোপর্তীগী রেকোর্দ লৈ।  মালেম পুম্বগী শরুক অহম থোকপগী অনিগী লৈতে। অসিগুম্বা মতমসিদা চাউখৎপা লৈবাক অমগীদমক্তা প্রোপর্তীগী অচুমন্বা রেকোর্দ লৈবা অসি য়াম্না মথৌ তাই। অদুগা অহল মতম ওইশিল্লক্লবা, পাবা-ইবা হৈতবশিংনা য়াম্না ৱানা পুন্সি হিংই অদুবু মসি লাক্লবা মতুংদা অনৌবা থাজবা পুন্সি অমা হৌহল্লগনি।

স্বামিত্ব স্কীম অমসুং মসিগী মখাদা ফংগদৌরিবা প্রোপর্তী কার্দ অসি মসিগী ৱাখল্লোন অসিগা লোয়ননা অৱাবা থেংনরিবা, ওৎপী-নৈবিরবা  অমদি নমথদুনা থম্বিরবা, খুঙ্গংদা লৈরিবা মীশিংগী য়াইফনবা তৌনবগী মায়কৈদা অসুক চাউবা খোংথাং অদু লৌখৎখ্রে। প্রোপর্তী কার্দ অসি য়েৎনবা অমত্তা য়াওদনা প্রোপর্তী লৈবা-য়োনবগী লম্বি অদু হাংহল্লগনি।  প্রোপর্তী কার্দ ফংলবা মতুংদা খুঙ্গংগী মীশিংনা মখোয়গী য়ুম অদু মীনা খোপচিনখ্রগদরা হায়বগী চিংনবা অদু কোকহল্লগনি। কনাগুম্বা অমহেক্তা লাক্লগা মশাগী হক উৎলবদা অরানবা চে পীরবা-লৌরবা পুম্নমক অমত্তা লৈররোই।  প্রোপর্তী কার্দ ফংলবা মতুংদা খুঙ্গংগী য়ুমশিংদসু বেঙ্কতসু লাইনা লোন ফংলগনি।  

মরূপশিং, মশাগী ওইনা য়ুম অদুদগী করিগুম্বা খরা তৌজনিংবা নহা কয়া অমা খুঙ্গংদা লৈরি। থাজনা মরোমদোম লেপচবা পাম্লি। অদুবু য়ুম লৈনা-লৈনা, অদোমগী লম মচেৎ অমা লৈরগসু চে-চাং লৈরমদে। মালেমগী মফম অমত্তদা মহাক্কী ৱা তাবিরমদে, মখোয় করিগুম্বা অমত্তা ফংলমদে। অদুবু হৌজিক মখোয়না লোন লৌনবা হক লৈনা হায়নবা মখোয়গী খুত্তা চে লৈরে। হৌজিক স্বামিত্ব স্কীম অসিগী মখাদা  শেম্লিবা প্রোপর্তী অসি উৎলগা বেঙ্কশিংদগী য়েম্না লাইনা লোন শোইদনা ফংদনবা তৌরে।  

মরূপশিং, মসিগী মপু ওইবগী চে অসিদগী খুঙ্গং অসিদা অনৌবা সিস্তেম অমা শেম্নবা তৌবদা কান্নহল্লগনি। দ্রোনগুম্বা অনৌবা তেক্নোলোজীনা মেপ্পিং তৌরিবা অমদি সর্ভে তৌরিবা অসিদগী খুঙ্গং খুদিংদা অচুম্বা লেন্দ রেকোর্দসু শেম্বা য়ারগনি।  অদুগা ঐহাক্না ওফিসরশিংগা ৱারী শান্নখিবা মতমদা….প্রোজেক্ত হৌখিবা মতমদা….ওফিসরশিংনা হায়খি মদুদি খুঙ্গং অসিগী মনুংদা ঐখোয়না  প্রোপর্তীগী ওইনা দ্রোন অসি মথৌ পাংথোকহনবা মতমদা খুঙ্গংদা লৈরিবা মীশিংনা মশাগী লমদা লৈবা হায়বসি য়াম্না মশানা ওইজরকপা অমনি…অদুবু দ্রোনশিং অসিনা ঐখোয়গী খুঙ্গং অসি ঐখোয়দা লোইনা উহনবা, করম্বা মওংদা উহনগনি, ঐখোয়গী খুঙ্গং অসি করম তৌবগে, ঐখোয়গী খুঙ্গং অসি কয়াদা ফজরমগদগে হায়বগ ময়াম পুম্নমক্না খঞ্জৈ। অমদি ঐখোয়গী ওফিসরনা হায়রমখি মদুদি ঐখোয়না মতম খরগী ওইনা খুঙ্গংদা লৈরিবা মীশিংদা মখোয়গী খুঙ্গং অসি মথক্তগী উহনবা অসি কম্পলসরী ওইখি। খুঙ্গংগী মফমদা মীনুংশি ইহৌরকখি।  

ইনাওশিং, ইচে-ইচলশিং, হৌজিক ফাওবদা খুঙ্গং অয়াম্বদা স্কুল, হোসপিতাল, কৈথেল নত্রগা অতোপ্পা ময়ামগী ওইবা খুদোংচাবশিং করম্বা মফমদা থমগদগে..মতৌ করম্না তৌগনি…খুদোংচাবশিং অদু মফম কদাইদা থমগনি….লম্না কাইদনো… হায়বগী হিসাব অমত্তা লৈরমদে। ফম্নিংবা মফম অমদা বাবু অদুনা ফম্লমগনি..নত্রগা খুঙ্গংগী মকোক ওইরিবা, অমদি খরা মপাঙ্গল কনবনা তৌনিংবদা তৌরম্মি। হৌজিক্তী চে-চাং পুম্নমক্কী মখক্তা মেপ শেম্লে.. হৌজিক কদায়দা করি শাগনি হায়বসি নিংথিনা লেপ্পা ঙম্লগনি…য়েৎনবসু লৈররোই…অমসুং অচুম্বা লেন্দ রেকোর্দ লৈবনা খুঙ্গং চাউখৎপগা মরি লৈনবা থবকশিং য়াম্না লাইনা তৌবা ঙম্লগনি।  

মরূপশিং, হৌখিবা চহি ৬তগী ঐখোয়গী পঞ্চায়তি রাজকী পথাপ অসিবু মপাঙ্গল কনখৎহন্নবা হোৎনরিবা অসিদা স্বামিত্ব য়োজনানসু তেংবাংগনি। স্কীম কয়া অমা থৌরাং তৌবদগী হৌরগা থবক ওইহনবা অমদি নিংথিনা য়েংশিনবগী থৌদাং অসি গ্রাম পঞ্চায়েৎনা লৌই। হৌজিক খুঙ্গংগী মীশিংনা মফমদু চাউখৎনবা করি তৌবগী মথৌ তাবগে অমদি মফমদুগী খুদোংচাদবশিং করম্না কোকহনগনি হায়বসি মশানা লেপচরে। পঞ্চায়েৎশিংগী থবক পাংথোকপশিং অসি হৌজিক ওনলাইন্দা তৌরে। ऑनलाइन মসিদা নত্তনা পঞ্চায়েৎ চাউখৎনবা তৌরিবা থবকশিং অসিগী জিও তেগিং অসি তঙাই ফদবা ওইহনখ্রে। গুহা শাবা মতমদা ওনলাইন্দা ঐহাক্কী ওপিসফাওবনা খংবা ঙম্লম্মি। মসি তেক্নোলোজীগী অদুগা মসি কম্পলসরী ওইহনখ্রে। অমাংশঙ শাবা মতমদা জিও তেগিং তৌরগনি। স্কুল শাবদা জিও তেগিং তৌরগনি। মসিনা মরম ওইরগা শেল-থুম মাংহনবা থবক লেপহনবা, উহনগদবনি অমদি উহনবা য়াই।

মরূপশিং, স্বামিত্ব স্কীম অসিগী ঐখোয়গী গ্রাম  পঞ্চায়েৎশিংগী ওইনসু ম্যুনিসিপালিতী অমদি ম্যুনিসিপাল কোর্পোরেসনগুম্না নিংথিজবা মওংদা খঙ্গং অসি নিংথিনা য়েংশিনবা লাইরগনি। মখোয়না খুঙ্গংগী খুদোংচাবশিংগীদমক্তা সরকারগা উন্নবদা মতেং ফংহনবগা লোয়ন-লোয়ননা রিসোর্সশিংসু খোমজিনবা ঙম্লগনি। মখল অমা ওইনা  খুঙ্গংদা লৈবিরিবশিংনা ফংলিবা চে-চাংশিংনা গ্রাম পঞ্চায়েৎশিং অসি মপাঙ্গল কনখৎহনবদসু মতেং য়াম্না পাংলগনি।

মরূপশিং, ঐখোয়গীসিদা  ভারতকী থৱাই অসি  খুঙ্গংশিংদা লৈ হায়না হায়নৈ অদুবু অচু্ম্বদি  ভারতকী খুঙ্গংশিং অসি মশানা থোকপা তৌরো হায়না থাদোক্তুনা থমখি।অমাংশঙ্গী ওইনা খ্বাইদগী খুোদংচাখিদবা অসি কদায়দনো? খুঙ্গংদা ওইখি। মৈগী অৱাবা অসি কদায়দনা হেনখি? খুঙ্গংদা লৈখি।  কনানা অমম্বদা হিংবা তাখি?- খুঙ্গংদা লৈবশিংনা। শিংগী লৈরংশিং—মৈখু মরক্তা চাক থোংদবা য়াখিদবা অসি কদায়দনো? খুঙ্গংদা।  বেঙ্কিংগী সিস্তেমদগী ক্বাইদগী লাপ্না লৈখিবসি কনানো? খুঙ্গংদা লৈবশিংনা।  

মরূপশিং, চহি কয়া অমা সরকার পায়রকখিবশিংনা চাউর-চাউরবা ৱা ঙাংখি, মখোয়না  খুঙ্গং অমসুং খুঙ্গংগী লাইরবদা অসিগুম্বা অৱাবশিংসিগা লোয়ননা থাদোক্তুনা থমখি। ঐহাক অসিগুম্না তৌবা ঙমদে- অদোমগী য়াইফ-থৌজালদগী তৌবা য়াবা তৌজগনি…অদোমগী ওইনা তৌজগনি…খুঙ্গংগীদমক্তা তৌগনি।  ৱানা হিংলিবা, ওৎপি-নৈবিরবা, শোত্থরবগীদমক্তা তৌগনি-কনাগুম্বা অমত্তদগী মীপাল তাংদনবা, অতোপ্পগী অনিংবা-অপাম্বশিংগী মীখা পোল্লোইদবনি।

অদুবু মরূপশিং, হৌখিবা চহি ৬ অসিদা হান্না লৈরমদবা কয়াবু মেনখৎনবা হায়দুনা থবক কয়া লেপ্তনা চত্থদুনা লাক্লি। ঙসিদি লৈবাক অসিদা, অচান-মীরায় নায়দনা, মীয়াম পুম্বা চাউখৎলি, মীয়াম খুদিংনা মনুং-মপান ফাওনা উবা থৌওংগা লোয়ননা স্কিম অসিগী খুদোংচাবশিং ফংলি।

করিগুম্বা স্বামিত্বগুম্বা স্কীম অসিসু হান্না শেম্লম্লবদি—হোই হান্নদি মতম অদুদা দ্রোন লৈরমসি লৈরম্লবদি মরক্তা হাইদুনা শেল চানবা মী লৈরম্লোই, ৱানোমশেল লৌবা মী লৈরম্লোই, মসিগী ব্রোক্করগী মওং অসি লৈরম্লোই, নম্ফু-হাফু অদু লৈরম্লোই। হৌজিক শেম্লিবা স্কীম অসিগী পাঙ্গল অসি  তেক্নোলোজীনি-দ্রোননি। হান্নদি লমগী মেপ্পিং অসি ব্রোক্করশিংনা মীৎয়েং চংলম্মি, হৌজিক দ্রোনগী মিৎয়েংদগী মেপ্পিং তৌরি।  দ্রোন্না উবা অদু চে অদুদা হাপকনি।

মরূপশিং, ভারতকী খুঙ্গংশিংগীদমক্তা, খুঙ্গংদা লৈরিবা মীশিংগীদমক্তা হৌখিবা চহি ৬সিদা তৌখ্রিবা থবকশিং অসি নিং-খা তম্বা ফংখ্রবা চহি ৬০সিদা তৌখিদ্রি।  চহি ৬০ অসি খুঙ্গংগী মীওই করোর কয়া বেঙ্ক একাউন্ত হাংবা ফংদনা লাকখি।

 

হৌজিকখক্তদা একাউন্ত হাংবা ঙম্লে। চহি ৬০ অসি খুঙ্গংগী য়ুম করোর কয়ানা মৈ শমদনা লাকখিবা অদু ঙসি য়ুম খুদিংমক্তা মৈ শম্লে। চহি ৬০দগী খুঙ্গংগী ইমুং করোর কয়া অমাংশঙ লৈতনা লাকখি। ঙসিদি য়ুমথোঙ খুদিংদা অমাংশঙ শারে।

মরূপশিং, চহি কয়া খুঙ্গংগী লাইরবশিং গ্যাস কনেক্সন ফংদনা লাকখি। ঙসিদি লাইরবশিংগী য়ুমদসু গ্যাস কনেক্সন য়ৌরে। চহি কয়া খুঙ্গংগী ইমুং করোর কয়াগী ময়ুম লৈরমদে।

 

ঙসিদি খুঙ্গংগী লাইরবা ইমুং চাউরাক্না করোর ২রোম পক্কাগী য়ুম লৈনবা থৱাই-হকচাং য়াওনা হোৎনরি।  চহি কয়া খুঙ্গংগী য়ুমশিংদা পাইপকী ঈশিংগী মতাংদা খনবফাওবা ঙম্লমখিদে… কিলোমিতর অহুম লাপ্না ঐখোয়গী ইমা-ইচেশিংনা মকোক্তা অসুক লুম্বা পোৎলুম পুদুনা ঈশিং শোকপা চৎপা তারমখি। হৌজিক য়ুম খুদিংদা ঈশিং য়ৌরে। ঙসি লৈবাক অসিগী  য়ুম করোর ১৫দা থক্নবা পাইপকী ঈশিং য়ৌহন্নবগীদমক্তা জল-জীবন মিশন চৎনহল্লি।  

লৈবাক অসিগী খুঙ্গং খুদিংমক্তা ওপ্তিকেল ফাইবর য়ৌহন্নবা য়াম্না অচৌবা কেম্পেন অমা থুনা-য়াংনা পায়খৎলি। হান্নদি মীশিংনা মৈ অসি অমুক লাক অমুক মুৎ তৌরম্বা অদু হৌজিক্তি মোবাইলগী কনেক্সন অসি অমুক লাকই অমুক চৎখি হায়না ৱাকৎলে। মসিগী খুদোংচাদবশিং অসি ওপ্তিকেল ফাইবরনা ফহনবা ঙমগনি।

মরূপশিং, অৱাৎপা লৈবশিংদা অসিগুম্বা পাঙ্গলশিংগী শাফু অমদি অসিগুম্বা পাঙ্গলশিংনা নমশিল্লকপসিনা অৱাবা ওইহল্লি। ঙসি খুঙ্গং অমসুং লাইরবদা অৱাৎপা লৈহন্নবা মীওই খরগী পোলিতিক্সনা ওইরি-মসি পুৱারীনা তাকই। ঐখোয়না লাইরবগী অৱাবশিং অদু কোকহন্নবা কেম্পেন তৌরি।  

ইচিল-ইনাওশিং, অসিগুম্বা মীশিংসিনা ঐখোয়গী খুঙ্গং, লাইরবা, লৌমী, ত্রাইবশিংসি মপাঙ্গল লৈহল্লগদি মখোয় অসি কনানা হংবিগনি, মখোয়গী দুকান অদু কান্নররোই, কনানা মখোং-মখুৎ কোল্লরগনি হায়না খনখি। কনানা মমাংদা লাক্লগা তুরগনি? মরম অসিনা মখোয়গী থবক অদুম্মক চত্থবা য়ানবা খুঙ্গংগী খুদোংচাদবশিং অসি অসুম্মক লৈহন্নিংখি।  মসিগী মরম্না থবক অদু পলহনবা, পন্থহনবা, মমাই ওন্নহনবা হায়বসি মখোয়গী হৈনবি ওইখি।

হৌজিক্কাল হায়রিবা মীওইশিংসিনা লৌউ-শিংউগা মরি লৈনবা পুৱারী ওইবা মওংদা শেমদোকখিবা অসিদগীসু মখোয়দা খুদোংচাদবা ওইহল্লে। মখোয় অসি খোইরাং-খোইশাউনরি। খোইরাং-খোইসাউনরিবা অসি লৌমীশিংগীদমক্তা নত্তে হায়বসি হৌজিক লৈবাক অসিনা খংনরকপা অসি মখোয়গী অৱাবনি। মীরোল কয়াদগী মরক্তা হাইদুনা শেন চাবা, শেঞ্জা-থুমজা তৌবশিং, ব্রোকরশিংগী মেকানিজম অসি শেমদুনা মিত্রংগী লাং থাক্তুনা থমখি। লৈবাক অসিগী মীশিংনা মসিগী মিত্রংগী লাং অসি মখোয়গী ফত্তবা অনিংবশিং অদু মুত্থৎপা হৌখ্রে।

ভারত্তা লৈরিবা মীওই করোর কয়াগী মপাম্বোমশিং অসি ভারত অসি অনৌবা মওংদা শেম্নবা চুংশিল্লিবা অসিদগী মীশিংগী অচুম্বা অসি থোরক্লি।   লৈবাক অসিবু লুত তৌনবা হোৎনখিবা অসি লৈবাক অসিনা হৌজিক মশক খংবা য়াগনি। মরম অসিনা মসিগী মীশিং অসি হৌজিক্কাল ৱাফম খুদিংমক্কী মায়োক্তা লৈরি।  মখোয়না লাইরবগী খন্দে, খুঙ্গংগী খন্দে, লৈবাক্কী খন্দে। মখোয়না অফবা থবক খুদিংমক অসি অৱাবা ওইরি।  মসিগী মীশিং অসিনা লৈবাক অসি চাউখৎপা অসি খাম্বা পাম্মি। মসিগী মীশিং অসিনা ঐখোয়গী খুঙ্গং, লাইরবা, ঐখোয়গী লৌমী, ঐখোয়গী লেবর ইচিল-ইনাওশিং অসিসু মরোমদোম লেপচবা ঙম্বা ওইহন্নিংদে। ঙসি ঐখোয়না এম.এস.পি. শরুক কয়া অমা হেন্না পাংথোক্তুনা উৎলিবা অসি মখোয়না পাংথোকপা ঙমখিদে। অপিকপা লৌমী মচা, শা-উচেক লোইবশিং, ঙামীশিংদা কিসান ক্রেদিত কার্দ ফংহনবদগী অরানবা শেন্থোক লম্বী লেপখ্রবশিং ঙসিদি মখোয়দা খুদোংচাদবা ওইরে।   য়ুরিয়াদা নীম কোতিং তৌবদগী আইন্না য়াদবা থবক তৌবা য়াখিদ্রবা মখোয় খুদোংচাদবা ওইরে। লৌমীশিংগী বেঙ্ক একাউন্ততা শেল চঙখিবদা নুংনাংখিবা মখোয়শিংদু ঙসিদি লৈতাফম খঙদ্রে। লৌমী অমসুং লৌবুক্কী শিন্মীশিংনা ইন্স্যুরেন্স, পেন্সন্নচিংবা ফংবদা নীংবা কায়রিবশিং মখোয় ঙসিদি লৌউ-শিংউগী লমদা অহোংবা পুরকপগী মায়োক্তা লেপ্লি। অদুবু  লৌমীনা মখোয়গা পুন্না চৎমিন্নবা পামদ্রে, লৌমীনা মখোয়বু মশক খংলে।  

মরূপশিং, ব্রোক্করশিং, মরক্তা শেল চাবশিং, শেঞ্জা-থুমজা তৌবশিং, কমিশন লৌবশিংদগী পোলিতিক্স তৌবা পাম্বশিংনা তৌনিংবা তৌজসনু, মংলান কয়া মংজসনু, অরানবা কয়া শন্দোকসনু অদুবু লৈবাক অসি লেপ্পা লৈরোই।  লৈবাক অসিনা খুঙ্গং অমদি লাইরবা অসি মীপাল তাংদনা হিংবা ঙমহনবা, ভারত অসি মপাঙ্গল লৈবা অমা ওইহন্নবা চপ য়ুংনা লেপখ্রে।

ৱাশক অসি থবক ওইনা পাংথোকপদা স্বামিত্ব স্কীমগী থৌদাং অসি য়াম্না চাউই। অদুগা মরম অসিনা  ইমুং লাখ কয়ানা অসুক তেনবা মতম অসিদা স্বামিত্ব স্কীমদগী কান্নবা ফংহনখ্রে। অদুগা ঐহাক্না  ঙসি অথোইবা মওংদা নরেন্দ্র সিংহজী অমসুং মহাক্কী তীমগী মফমদা নুংঙাইবা ফোংদোকচরি। অসুক তেল্লবা মতমসিদা অসুক চাউবা থবক তৌবিরিবশিংগী মফমদসু নুংঙাইবা ফোংদোকচরি। থবক হায়বসিদি অপিকপা নত্তে, খুঙ্গং-খুঙ্গং তান্না চৎপা অদুসু লোকদাউনগী মতমদা চৎপা অমদি অসুক চাউবা থবক তৌবিরিবা অসিগীদমক্তা। মীওইশিং অসি অদুক্কী মতিক থাগৎলবসু ৱাৎহৌরগনি।  

ঐহাক্না থাজৈ মদুদি ঐখোয়গী সরকারগী অপীকপা এতেন্দেন্তসিংনা তৌরিবা থবকশিং অসিনা থবক মওং অসি য়েংলগা চহি মরী ঙাইগনি হায়বা খন্দে। মখোয়না পাম্লবদি লৈবাক অসিদা হান্ননা পীবা ঙমগনি। মরমদি অসুক চাউবা থবক…অদুগা ঐহাক্না এপ্রীলদা মসিগী ৱাফনম অসি হায়খিবা মতমদা খরা হেন্না হায়মল্লবরা হায়না খনখি। মদুদগী হেন্না তৌবা অসি ঐহাক্না উখি, ঐহাক্না হায়রি। মরম অসিনা নরেন্দ্র সিংহজীগী তীম মসিগী অমসুং মহাক্কী বিভাগকী মীওই খুদিংমক থাগৎনিংঙাইগী মশক্নি। অমদি মসিগা লোয়ন-লোয়ননা মসিদগী কান্নবা ফংলিবা ইমুংশিংদা মপু ওইবগী ৱাখল্লোন অমা পোকহল্লে, থাজবা পোকহল্লে, অদোমগী মাইথোংদা নুংঙাইবা অদুনি ঐহাক্না খ্বাইদগী হেন্না নুংঙাইজরিবা অসি, অদোমগী নুংঙাইবনা ঐহাক্কী নুংঙাইবগী মরম্নি। অদোমগী পুন্সিগী তুংলমচৎকী মংলান অদু শাগৎনবা তা়্জা লাক্লে অমদি ঐহাক্কী মংলানশিং অদু মপুং ফাবগী মওং উরক্লি।

মরম অসিনা ইচিল-ইনাওশিংনা নুংঙাইরিবগী মতিক ঐহাকসু নুংঙাই মরমদি ঙসি ঐহাক্কী ইমুং লাখ অমদা থাজবগা লোয়ননা ইকাই খুম্ননা মশাগী প্রোপর্তীগী চে-চাংগা লোয়ননা মালেমসিগী মমাংদা থাজবগা লোয়ননা লেপ্লরি। মসি অথোইবা তাঞ্জা অমনি। অদুসু জি.পি.গী মপোক নুমিত্তা, নানাজীগী মপোক নুমিত্তা। মসিদগী হেন্না নুংঙাইবা করি অমমুক লৈরমখিগনি।

ঐহাক্না অদোম পুম্নমকপু য়াইফ-পাউজেল পীজবা অসিগা লোয়ন-লোয়ননা হৌজিক্কান কেম্পেনসু চত্থরি। কোরোনাগী লুরবা তানফম অসিদা মাস্ক উপ্নবগীদমক্তা, ফুৎ তরুক লাপ্না লৈনবগীদমক্তা, হন্না-হন্না সাপোন নোইদুনা খুৎ-শা শেংনা হামদোক্নবগীদমক্তা অমদি অদোম পুম্নমক নারক্তনবা, অদোমগী ইমুংদা অনা-অয়েক য়াওদনবা,  অদোমগী খুঙ্গংদা অনাবা অমত্তা চংলক্তনবা, মসিগীদমক্তা ঐখোয় খুদিংমক্না খনগদবনি অমদি মালেম অসিদা হিদাক লৈতবা লায়না অমত্তা লৈতে হায়বসিসু খংই।  

অদোম্না ঐহাক্কী ইমুং-মনুংনি..মরম অদুনা হীদাক পুথোক্ত্রিবফাউবা কোমথোকপা অমত্তা তৌবিদনবা হায়জরি', মসিগী লাইশোন অসি কাওবিগনু অমদি নিংথিনা মপুং ফানা খনবিয়ু। মসিগী থাজবা অসিগা লোয়ননা ঙসিগী অসুক নুংঙাইরবা মিৎকুপ অসিগীদমক্তা, হরাউনিংঙাই মিৎকুপ অসিগীদমক্তা, ৱাশকপগী মিৎকুপ অসিগীদমক্তা হন্না-হন্নান য়াইফ-পাউজেল পীজরি।

হন্না-হন্না থাগৎচরি!

Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
All citizens will get digital health ID: PM Modi

Media Coverage

All citizens will get digital health ID: PM Modi
...

Nm on the go

Always be the first to hear from the PM. Get the App Now!
...
PM expresses happiness over Shri S. Selvaganabathy for being elected to Rajya Sabha
September 28, 2021
Share
 
Comments

The Prime Minister, Shri Narendra Modi has expressed happiness over Shri S. Selvaganabathy for being elected to the Rajya Sabha from Puducherry.

In a tweet, the Prime Minister said;

"It is a matter of immense pride for every BJP Karyakarta that our Party has got it’s first ever Rajya Sabha MP from Puducherry in Shri S. Selvaganabathy Ji. The trust placed in us by the people of Puducherry is humbling. We will keep working for Puducherry’s progress."