WHOগী দিরেক্তর জেনরেল, ঐহাক্কী নুংশিরবা ইনাও, দোক্তর. তেদ্রোস, ঐহাক্কী কেন্দ্রগী হকশেল মন্ত্রালয়গী মরুপ শ্রী জে.পি. নদ্দাজী, আয়ুশকী রাজ্য মন্ত্রী, শ্রী প্রতাপরাও য়াদবজী, থৌরম অসিদা শরুক য়াখিবা অতোপ্পা লৈবাকশিংগী মন্ত্রীশিং, তোঙান তোঙানবা লৈবাকশিংগী এম্বেসেদরশিং, ইকাই খুম্নরবা মীহুৎশিং, ত্রেদিস্নেল মেদিসিনগী লমদা থবক তৌরিবা শক্নাইরবা মীওইশিং, নুপীশিং অমসুং নুপাশিং!
ঙসি ত্রেদিস্নেল মেদিসিনগী মতাংদা পাংথোকপা WHOগী অনিশুবা গ্লোবেল সম্মিৎকী অরোইবা নুমিৎনি। হৌখিবা নুমিৎ হুমনি অসিদা, ত্রেদিস্নেল মেদিসিনগী লমদা মালেমগী মফম কয়াদগী লাকপা এক্সপর্তশিংনা মরু ওইবা অমসুং কান্নরবা খন্ন-নৈনবগী থৌরম অমদা শরুক য়াখি। মসিগীদমক ভারতনা মপাঙ্গল কনবা প্লেৎফোর্ম অমা পীবদা ঐহাক নুংঙাইবা ফাওই। মসিদসু WHOনা থৌদাং অমা লৌরি। মসিগী মাই পাকপা থৌরম অসিগীদমক ঐহাক্না WHOবু, ভারত সরকারগী আয়ুশ মন্ত্রালয় অমসুং মফম অসিদা শরুক য়ারিবা পুম্নমকপু থাগৎপা ফোংদোকচরি।
মরুপশিং,
ভারতকী জামনগরদা WHOগী গ্লোবেল সেন্তর ফোর ত্রেদিস্নেল মেদিসিন লিংখৎপা অসি ঐখোয়গী খুদোংচাবা অমসুং ভারতকীদমক্তা চাউথোকচনীংঙাই অমনি। মালেম অসিনা 2022দা অহানবা ত্রেদিস্নেল মেদিসিন সম্মিত্তা চাউনা থাজবা থমদুনা ঐখোয়দা মসিগী থৌদাং অসি পীখি। গ্লোবেল সেন্তর অসিগী মিংচৎ অমসুং ইথিল অসি লোকেলদগী গ্লোবেল লেবেল ফাওবা পাকথোক চাউথোক্লিবসি ঐখোয় পুম্নমক্কী ওইনা নুংঙাইবা অমনি। মীফম অসিগী মাই পাকপা অসিনা মসিগী খ্বাইদগী চাউবা খুদম্নি। মীফম অসিদা ত্রেদিস্নেল নোলেজ অমসুং মোদর্ন প্রেক্তিসকী অপুনবা শক্তম অমা উবা ফংলি। মেদিকেল সাইন্স অমসুং হোলিস্তিক হেল্থকী তুংলমচৎ শেমদোকপা ঙম্বা অনৌবা খোংথাং কয়া অমসু মফম অসিদা হৌদোকখ্রে। মীফম অদুদা হকশেল মন্ত্রীশিং অমসুং তোঙান তোঙানবা লৈবাকশিংগী মীহুৎশিংগী মরক্তা কুপ্না খন্ন-নৈনখি। হায়রিবা খন্ন-নৈনবশিং অসিনা জোইন্ত রিসর্চ প্রমোৎ তৌবা, রেগুলেসনশিং লাইথোকহনবা, অমসুং ত্রেনিং অমসুং নোলেজ শেয়র তৌবদা মতেং পাংনবা অনৌবা লম্বীশিং হাংদোক্লে। তুংলমচৎতা ত্রেদিস্নেল মেদিসিনবু হেন্না শাফবা অমসুং থাজবা য়াবা ওইহন্নবগীদমক মসিগী কোলাবোরেসন অসিনা মরুওইবা থৌদাং অমা লৌগনি।
মরুপশিং,
মীফম অসিদা মরু ওইবা হিরম কয়াদা য়ানখিবা অদু ঐখোয়গী অচেৎপা পার্তনরশিপ অদু উৎলি। রিসর্চ মপাঙ্গল কনখৎহনবা, ত্রেদিস্নেল মেদিসিনগী লমদা দিজিতেল তেক্নোলোজী শিজিন্নবা হেনগৎহনবা অমসুং মালেম পুম্বনা থাজবা য়ারিবা রেগুলেতরী ফ্রেমৱার্কশিং শেমগৎপা অসিনা ত্রেদিস্নেল মেদিসিনবু মপাঙ্গল কনখৎহনগনি। মফম অসিদা পাংথোকপা এক্সপো অসিদা, ঐখোয়না দিজিতেল হেল্থ তেক্নোলোজীশিং, এ.আই.-বেজ তৌরবা খুৎলাইশিং, রিসর্চ ইন্নোবেসনশিং অমসুং মোদর্ন ৱেলনেস ইনফ্রাস্ত্রকচরগী খুত্থাংদা ত্রেদিসন অমসুং তেক্নোলোজীগী মরক্তা অনৌবা কোলাবোরেসন অমা উবা ফংখি। মখোয়শিং অসি পুনশিন্নরকপা মতমদা, মালেমগী হকশেলবু হেন্না কান্নহনবগী পোতেন্সিএল অসি মশক থোক্না হেনগৎলি। মরম অদুনা, মালেমগী মীৎয়েংদগী মীফম অসি মায় পাক্না পাংথোকপা হায়বসি য়াম্না মরু ওই।
মরুপশিং,
য়োগ অসি ত্রেদিস্নেল সিস্তেম ওফ মেদিসিনগী মরু ওইবা শরুক অমনি। য়োগনা মালেমদা হকচাং ফনা লৈনবা, খল কাইদবা অমসুং অমত্তা ওইবগী লম্বী তাক্লি। ভারতনা হোৎনরিবশিং অমসুং লৈবাক 175 হেনবনা মতেং পাংবদগী, য়ুনাইতেদ নেসন্সনা জুন 21বু ইন্তর্নেস্নেল যোগ নুমিৎ ওইনা লাউথোকখি। হৌখিবা চহিশিংদা ঐখোয়না য়োগ অসি মালেমগী মফম খুদিংমক্তা য়ৌরকপা উবা ফংলে। ঐনা যোগকী প্রমোসন অমসুং দিবেলপমেন্তদা শিংথানীংঙাই ওইবা থৌদাং লৌরিবা মীওই খুদিংমকপু থাগৎচরি। ঙসি, শক্নাইরবা মীওই খরদা পি.এম.গী এৱার্দ পীখ্রে। মমিং লৈরবা জুরি অমনা অকনবা সেলেক্সন প্রোসেস অমগী খুত্থাংদা এৱার্দীশিং অসি খনখি। মসিগী মাইপাক্লবশিং অসি ইথিল, দিসিপ্লিন, অমসুং য়োগগীদমক পুন্সি পুম্বা কত্থোকপগী খুদমশিংনি। মখোয়গী পুন্সি অসি ঐখোয় পুম্নমক্কী ইথিলনি। ইকাই খুম্নরবা এৱার্দ ফংলবা পুম্নমক্তা ঐহাক্না থম্মোয় শেংনা নুংঙাইবা ফোংদোকচরি অমসুং য়াইফ পাউজেল পীজরি।
মরুপশিং,
মীফম অসিগী মহৈ অসি মতম শাংনা চৎনহন্নবগীদমক মরু ওইবা খোংথাং অমা লৌখৎলে হায়বা খঙবদা ঐহাক নুংঙাইবা ফাওই। ত্রেদিস্নেল মেদিসিনগা মরী লৈনবা সাইন্তিফিক দেতা অমসুং পোলিসী দোক্যুমেন্তশিং মফম অমা খক্তদা সেক্যুর ওইনা থম্নবগীদমক গ্লোবেল প্লেৎফোর্ম, ত্রেদিস্নেল মেদিসিন গ্লোবেল লাইব্রেরী অমা হৌদোকখ্রে। মসিনা লৈবাক পুম্নমক্তা মমল য়াম্লবা পাউশিং ফংহনবদা চপ মান্ননা মতেং পাংগনি। লাইব্রেরী অসি ভারতকী G20 প্রসিদেন্সীগী মখাদা পাংথোকখিবা অহানবা WHO গ্লোবেল সম্মিৎকী মনুংদা লাউথোকখিবনি। ঙসিদি, ফিরেপ অদু থবক ওইনা ওন্থোকপা ঙম্লে।
মরুপশিং,
মফম অসিদা, তোঙান তোঙানবা লৈবাকশিংগী হকশেল মন্ত্রীশিংনা মালেমগী ওইবা পার্তনরশিপকী অফবা খুদম অমা উৎখ্রে। পার্তনরশিং ওইনা, অদোম্না স্তেন্দর্দশিং, সেক্যুরিতী, অমসুং ইনবেস্তমেন্তগুম্বা ৱাফমশিং খন্নখ্রে। ৱারী শানবগী থৌরম অসিদগী থোরকপা দিল্লী দিক্লারেসন অসিনা লাক্কদৌরিবা চহিশিংদা অপুনবা রোদমেপ অমা ওইনা মথৌ তৌগনি। ঐহাক্না তোঙান তোঙানবা লৈবাকশিংদগী লাকপা ইকাই খুম্নরবা মন্ত্রীশিংবু মসিগী অপুনবা হোৎনবগীদমক থাগৎপা ফোংদোকচরি অমসুং মখোয়গী মতেং পাংবগীদমক ঐহাক্কী থাগৎপা ফোংদোকচরি।
মরুপশিং,
ঙসি দিল্লীদা WHO সাউথ-ইস্ত এসিয়াগী রিজনেল ওফিসসু শঙ্গাখ্রে। মসি ভারতকী অপুনবা খুদোল অমনি। মসিনা রিসর্চ, রেগুলেসন অমসুং কেপাসিতী বিল্দিংবু প্রমোৎ তৌগদবা মালেমগী হব অমা ওইনা মথৌ তৌগনি।
মরুপশিং,
ভারতনা মালেম শীনবা থুংনা হকচাং ফনা লৈনবগীদমক পার্তনরশিপশিংদা মরুওইবা পীরি। ঐহাক্না নখোয়দা মরুওইবা কোলাবোরেসন অনি শেয়র তৌবা পাম্মি। অহানবদা, ঐখোয়না BIMSTEC লৈবাকশিং, হায়বদি খা অমসুং খা-নোংপোক এসিয়াগী ঐখোয়গী য়ুম্লোন্নরিবা লৈবাকশিংগীদমক সেন্তর ওফ এক্সিলেন্স অমা লিংখৎলি। অনিশুবদা, ঐখোয়না জাপানগা লোয়ননা থবক তৌমিন্নবা হৌরে। মসি সাইন্স, ত্রেদিস্নেল প্রেক্তিস অমসুং হেল্থকেয়র পুনশিন্নবগী খোংথাং অমনি।
মরুপশিং,
চহি অসিগী মীফম অসিগী থিমদি "রিস্তোরিং বেলেন্স: সাইন্স এন্দ প্রেক্তিস ওফ হেল্থ এন্দ ৱেল-বিং"নি। খল কাইদনা থম্বা অসি হোলিস্তিক হেল্থকী মরু ওইবা প্রিন্সিপল অমা ওইদুনা লাক্লি। অদোম এক্সপর্ত পুম্নমক্না ফজনা খঙনরবা মতুং ইন্না, আয়ুর্বেদতা, বেলেন্স অসি হকচাং ফনা লৈবগা মান্নৈ হায়না লৌনৈ। হকচাং অদুনা মসিগী বেলেন্স অসিবু ঙাকপা মীওই খক্তবু হকচাং ফনা লৈ হায়না লৌই। ঙসিদি, ঐখোয়না উবা ফংলি মদুদি পুন্সি মহিং অমসুং খল কাইবা অসি লাইনা-লাইচৎ অয়াম্বগী, দাইবেতিস অমসুং হার্ত এটেকতগী হৌরগা দিপ্রেসন অমসুং কেন্সর ফাওবা থোকহল্লিবা মরুওইবা মরম অমনি। ৱার্ক-লাইফকী খল কাইবা, দাইতকী খল কাইবা, তুম্বা য়াদবা, গত মাইক্রোবাইওমগী খল কাইবা, কেলোরিগী খল কাইবা, ইমোসনগী খল কাইবা- ঙসি মালেমগী হকশেলগী শীংনবা কয়া অসি অসিগুম্বা খল কাইবশিং অসিদগী লাকপনি। স্তদীশিংনা মসিবু উৎলি, অমসুং দেতানা মসিসু কনফর্ম তৌরি, হেল্থ এক্সপর্ত নখোয়না ঐনা খঙবদগী হেন্না ফজনা খঙগনি। অদুবু ঐহাক্না হায়জনীংবদি "রিস্তোরিং বেলেন্স" অসি ঙসি মালেমগী ওইবা ৱাফম অমা খক্তা নত্তে, মসি মালেমগী ওইবা তঙাই ফদবা অমনি। মসিবু থেংননবা ঐখোয়না খোংথাং য়াংনা লৌখৎপা মথৌ তাই।
মরুপশিং,
21শুবা চহিচাগী মতম অসিদা, পুন্সিগী খল কাইদনা থম্নবা হোৎনবদা থেংনরিবা শীংনবশিং অসি হেন্না হেন্না চাউখৎলগনি। অনৌবা তেক্নোলোজীগী মতম অমা লাকপা, AI অমসুং রোবোতিক্সকী মওংদা লাকপা অসিনা মীওইবগী পুৱারীদা খ্বাইদগী চাউবা অহোংবা অমা পুরক্লি, অমসুং লাক্কদৌরিবা চহিশিংদা, মসিনা মমাংদা অমুক্তা ওইখিদ্রিবা মওংদা ঐখোয়গী পুন্সি মহিংদা অহোংবা পুরক্লগনি। মরম অদুনা, ঐখোয়না মসিসু খনবা তাই মদুদি পুন্সি মহিংদা খোংজেল য়াংনা অমসুং মশক থোক্না অহোংবা লাকপা অসিনা, হকচাংগী থবক তৌদনা রিসোর্সশিং অমসুং খুদোংচাবশিং ফজনা ফংহনবা অসিনা, মীওইবগী হকচাংদা থাজরুদবা শীংনবশিং থোকহল্লক্কনি। মরম অদুনা, ত্রেদিস্নেল হেল্থকেয়রদা, ঐখোয়না হৌজিক্কী তঙাই ফদবশিং খক্তদা মীৎয়েং থম্বা য়ারোই। তুংলমচৎকী মায়কৈদসু ঐখোয় পুন্না থৌদাং লৌমিন্নসি।
মরুপশিং,
ত্রেদিস্নেল মেদিসিনগী মতাংদা, ৱাহং অমা মহৌশানা থোক্লকই: সেক্যুরিতী অমসুং ইফিকেসীগী ৱাহং। ভারতনা মসিগী মাইকৈদসু লেপ্পা লৈতনা থবক তৌরি। মফম অসিদা, মীফম অসিদা, ময়াম পুম্নমক্না অশ্বগন্ধাগী খুদম উখ্রে। মসি চহি চা কয়াদগী ঐখোয়গী ত্রেদিস্নেল মেদিকেল সিস্তেমশিংদা শিজিন্নদুনা লাক্লি। কোবিদ-19গী মতমদা, মালেমগী ওইনা মসিগী দিমান্দ অসি থুনা হেনগৎলকখি, অমসুং লৈবাক কয়াদা মসি শিজিন্নবা হৌখি। ভারতনা অশ্বগন্ধা অসি রিসর্চ অমসুং ইভিদেন্স-বেজ ভেলিদেসনগী খুত্থাংদা অশেংবা মওংদা প্রোমোৎ তৌরি। সম্মিৎ অসিগী মনুংদা অশ্বগন্ধাগী মতাংদা অখন্নবা মালেমগী খন্ন-নৈনবগী থৌরমসু পাংথোকখি। খন্ন-নৈনবদা, ইন্তর্নেস্নেল এক্সপর্তশিংনা মসিগী সেক্যুরিতী, ক্বালিতী, অমসুং শীজিন্নবগী মতাংদা কুপ্না খন্ন-নৈনখি। অসিগুম্বা মতমগী চাংয়েং তৌরবা পাম্বীশিং অসি মালেমগী মীয়ামগী হকশেলগী শরুক অমা ওইহন্নবা হোৎনবদা ভারতনা মপুং ফানা থাজবা থম্লি।
মরুপশিং,
ত্রেদিস্নেল মেদিসিন অসি ৱেলনেস নৎত্রগা লাইফস্তাইল মেনেজমেন্ত খক্তদা য়ুম্ফম ওই হায়না লৌনরম্মি। অদুবু মসিগী ৱাখল্লোন অসি য়াম্না থুনা হোংলক্লি। ত্রেদিস্নেল মেদিসিন্না য়াম্না মরু ওইবা ফিভমদা ফাওবা ইফেক্তিব ওইবা থৌদাং অমা লৌবা য়াই। মসিগী ৱাখল্লোন অসিগা লোইননা ভারতনা লম অসিদা মাংলোমদা চংশিল্লি। আয়ুশ মন্ত্রালয় অমসুং WHO ত্রেদিস্নেল মেদিসিন সেন্তরনা অনৌবা খোংথাং অমা হৌদোক্লে হায়না ঐহাক্না নুংঙাইবা ফোংদোকচরি। মখোয়না ভারত্তা ইন্তিগ্রেতিব কেন্সর কেয়র মপাঙ্গল কনখৎহন্নবা পুন্না হোৎনরি। ইনিসিএতিব অসিনা ত্রেদিস্নেল মেদিসিন সিস্তেমশিংবু মোদর্ন কেন্সর লাইয়েংগা পুনশিন্নবা হোৎনগনি। ইনিসিএতিব অসিনা ইভিদেন্সতা য়ুম্ফম ওইবা গাইদলাইনশিং শেমগৎপদসু মতেং পাংগনি। ভারতকী মরুওইবা ইন্সতিত্যুসন কয়া অমনা এনেমিয়া, অরথ্রাইতিস অমসুং দাইবেতিস য়াওনা হকশেলগী অরুবা ইসুশিংদা ক্লিনিকেল স্তদীশিং পাংথোক্লি। সেক্তর অসিদা ভারতকী স্তার্তঅপ কয়া অমসু থোরক্লি। নহারোলগী ইনর্জী অসি অরিবা মতমগী চৎনবীগা পুনশিন্নরি। মসিগী হোৎনবা পুম্নমক অসিনা তাক্লি মদুদি ত্রেদিস্নেল মেদিসিন অসি অনৌবা অৱাংবা থাক্তা য়ৌনবা শেম শাদুনা লৈরে।
মরুপশিং,
ঙসিদি ত্রেদিস্নেল মেদিসিন অসি য়াম্না মরু ওইবা তাঙ্কক অমদা লৈরি। মালেমগী মীশিং অয়াম্বনা মতম শাংনা মসিদা থাজবা থম্লি। অদুম ওইনমক, ত্রেদিস্নেল মেদিসিন অসি মসিগী পোতেন্সিএল অসি য়েংলগা, মসিদা পীগদবা মগুন অদু ফংদ্রি। মরম অদুনা, ঐখোয়না সাইন্সকী খুত্থাংদা থাজবা অমা শেমগদবনি। ঐখোয়না মসিগী পাক চাউথোকহনগদবনি। মসি লৈবাক অমখক্তগী থৌদাং নত্তে, মসি ঐখোয়গী অপুনবা থৌদাংনি। মীফম অসিগী হৌখিবা নুমিৎ অহুম অসিদা শরুক য়াখিবা, ৱারী শানখিবা অমসুং থৌদাং লৌখিবা অসিনা মালেম অসিনা মসিগী মাইকৈ অসিদা পুন্না খোংজেল য়াংশিনবা শেম-শারি হায়না ঐহাক্না থাজবা থম্লি। থাজবা, ইকাই খুম্নবা অমসুং থৌদাং লৌদুনা ত্রেদিস্নেল মেদিসিনবু খুমাং চাউশিলহন্নবা ঐখোয়না ৱারেপ লৌসি। ঐহাক্না অমুক্কা হন্না ময়াম পুম্নমকপু সম্মিৎ অসিগীদমক্তা থম্মোয় শেংনা নুংঙাইবা ফোংদোকচরি। ময়ামবু হন্না-হন্না থাগৎচরি।
