পুদুচেরীগী লেফতিনেন্ত গভর্নর,
মশক নাইরবা মীথুংলেনশিং,
ঐগী নুংশিরবা মরুপশিং,
পুদুচেরীগী ইশ্বরগুম্লবা মগুন অসিনা ঐহাকপু শেংলবা লমদম অসিদা অমুক হন্না পুরক্লি। চপ চানা চহি অহুমগী মমাংদা ঐহাক পুদুচেরীদা লাকখি। লম অসি লৌশিং-লৈবাশিং, স্কোলরশিং অমসুং কবীশিংগী লৈফম ওইদুনা লাকখি। মসি ইমা ভারতকী রিভোল্যুস্নরৌশিংগী লৈফমসু ওইখি। মহাকবী সুব্রমিনিয়া ভারত্তি মফম অসিদা লৈখি। শ্রী ওরোবিন্দোনা সমুদ্র মপাল অসিদা খোঙ থাখি। পুদুচেরী অসি ভারতকী নোংচুপ থংবা অমসুং নোংপোক থংবা সমুদ্র খোঙবান্দা লৈ। লম অসি দাইভর্সিতীগী খুদম অমনি। মফম অসিদা মীয়াম্না তোঙান তোঙানবা লোল মঙা ঙাংলি, তোঙান তোঙানবা লাইনিং-লাইশোন চৎলি অদুবু অমত্তা ওইনা হিংমিন্নরি।
মরুপশিং,
ঙসি ঐখোয়না পুদুচেরীগী মীয়ামগী পুন্সি ফগৎহনগদবা তোঙান-তোঙানবা চাওখৎ-থৌরাংগী তোঙান তোঙানবা থবকশিং লৌখৎপা হৌখিবগী হরাওবা ফোংদোক্লি। হায়রিবা থবকশিং অসিদা তোঙান-তোঙানবা সেক্তরশিং কোনশিল্লি। অমুক হন্না শেমগৎখিবা মারী বিল্দিং অসি শঙ্গাবা ফংজবদা য়াম্না নুংঙাইবা পোকই। বিল্দিং অসি মাগী অরিবা মওং-মতৌ অদু শেমজিনদুনা হেরিতেজ অদু অদুমক মাংহনদনা শাখি। মসিনা অসিনা প্রোমিনেদ বীচকী ফজবদা লৈতেং হাপ্লগনি অমসুং লমকোইবা কয়াগী পুক্নিং চিংশিনগনি।
মরুপশিং,
ভারতনা ঐখোয়গী চাউখৎ-থৌরাংশিংদা থুংহন্নবা মালেমগী থাক্কী ইনফ্রাস্ত্রকচর মথৌ তাই। লেন মরি লৈবা এন.ঐচ. ৪৫-এ.গী উরেপ উয়ুং তম্লে তাবদা অদোম হরাউবা পোক্কনি। মসি করাইকল জিলা কোনশিল্লিবা কিলোমিতর ৫৬ শাংবা সত্তনাথনপুরম – নাগাপত্তিনম স্ত্রেৎচ অমনি। শোইদনা লম্বী-থোং ফগৎলনি: শেন্মীৎলোনগী থবক থৌরম খোঙজেল য়াংখৎলগি। মসিগা ইরোইননা শেংলবা সনীস্বরম তেম্পল অসিগী লম্বী-থোং ফগৎহল্লগনি অমসুং বেসিলিকা ওফ আৱর লেদী ওফ গুদ হেল্থ অমসুং নাগোর দর্গা ফাওবগী ইন্তর-স্তেৎকী লম্বী-থোং লায়না ফাওনহল্লগনি।
মরুপশিং,
ভারত সরকারনা রুরেল অমসুং কোস্তেলগী লৈরিবা লম্বী-থোং অসি ফগৎহন্নবা খোঙথাং কয়া লৌখৎখ্রে। মসিদগী লৌউ-শিংউগী সেক্তরনা কান্নবা ফংলগনি। ভারত পুম্বদা ঐখোয়গী লৌমীশিং চাউখৎলক্লি। মখোয়গী পোত্থোকনা মতিক চাবা কৈথেলশিংদা মতম চানা য়ৌহনবা ঐখোয়গী থৌদাংনি অমসুং অফবা লম্বীনা মসিমক ফংহনবদা মতেং ওইরগনি। লেন মরি লৈবা লম্বী শেম্বনা মফম অসিদা ইন্দস্ত্রীশিংগী পুক্নিং চিংশিনগনি অমসুং লমদম অসিগী নহাশিংদা থবক্কী খুদোংচাবা ফংহনগনি।
মরুপশিং,
চাউখৎপা হায়বসি হকচাং ফবগা নক্নবা মরী লৈনৈ। হৌখিবা চহী তরেৎলোম অসিদা, ভারতনা হকচাং ফনবা অমসুং লাইনা-তিলনা চেন্দনবা থৌরাং কয়া লৌখৎখ্রে। অদুনা হিরম অসিদা ঐহাক্না খেলো ইন্দিয়া স্কীমগী শরুক অমা ওইনা স্পোর্তস কম্প্লেক্সতা মিতর ৪০০ শাংবা সিন্থেতিক এথ্লেতিক ত্রেলকী উরেপ-উয়ুং তমখ্রে। মসিনা ভারতকী নহারোলশিংগী মরক্তা শান্ন-খোৎনবগী তেলেন্ত য়োখৎকনি। শান্নখোৎনবনা ঐখোয়দা পুন্না হোৎনমিন্নবা, অচুম অরান তাকপীবগী মথক্তা শান্নরোই অমগী থৌনা-লিংজেল তাকপী-তম্বী। পুদুচেরীদা অফবা স্পোর্তস ফেসিলিতীশিং লৈরকপগা লোইননা রাজ্য অসিগী নহারোলশিংনা জাতি অমদি মালেমগী স্পোর্তস মীৎশিংদা মীথোই-মীহেনবা ঙম্লগনি। মহাক্না হায় লোস্পেৎতা শাবা ফমুং ১০০ থাবা নুপীশিংগী হোস্তেল ঙসি শঙ্গাখিবা অসি শান্ন-খোৎনবগী তেলেন্ত য়োকখৎপদা মতেং পাংগদবা অহেনবা থৌরাং অমনি। হোস্তেল অসিনা সাইগী কোচশিংগী মখাদা ত্রেন তৌখিবা হোক্কী, ভোলীবোল, ৱেৎলিফ্তিং, কাবাদ্দি অমসুং হেন্দবোল শান্নরোইশিংগী লৈফম-চাফম পীরগনি।
মরুপশিং,
লাক্কদবা চহিশিংদা মরুওইবা থৌদাং লৌগদবা সেক্তর অমা অসি হেল্থকেয়রনা ওইরগনি। হেল্থকেয়রদা শেল থাদরিবা লৈবাকশিংনা মাই পাক্কনি।
মীপুম খুদিংমক্তা অফবা হকশেলগী কেয়র পীনবা ঐখোয়গী পান্দমগা মরী লৈননা ঐহাক্না জে.আই.পি.এম.ই.আর.দা ব্লদ সেন্তর অমা শঙ্গারি প্রোজেক্ত অসি লুপা করোর কুননিপান চংগনি। অনৌবা ফেসিলিতী অসিনা মতম শাংবা ঈ, ব্লদ প্রদক্তশিং স্তোর তৌদুনা থম্নবা অমসুং স্তেম সেলশিংগী বেঙ্কিংগী এদভান্স ওইরবা ফেসিলিতীশিং পীরগনি। ফেসিলিতী অসিনা রিসর্চ লেবোরেতোরী অমা ওইনা অমদি ত্রান্সফ্যুজনগী হিরম পুম্নমক্তা পর্সনেল ত্রেনিং পীনবা ত্রেনিং সেন্তর ওইনা মথৌ তৌগনি। নখোয়নসু খঙলম্লগনি চহি অসইগী বজেৎতা হেল্থকিয়র বজেৎতা চাউনা হেনগৎখি।
মরুপশিং,
অথোইবা তিরুবল্লুরনা হায়রমখি:-
கேடில் விழுச்செல்வம் கல்வி ஒருவற்கு
மாடல்ல மற்றை யவை
মসিগী আর্থদি: লর্নিং অমসুং এজুকেসন অসি অশেংবা লন্নি অমরোমদা অতোপ্পা পোৎলমশিংদা লেদনা লৈহোরোই। ক্বালিতী লৈবা হেল্থকিয়র থৌগৎনবা ঐখোয়না ক্বালিতী লৈবা হেল্থ প্রোফেস্নেলশিং মথৌ তাই। করাইকল ন্যু কেম্পসকী মেদিকেল কোলেজ বিল্দিংগী ফেস-I প্রোজেক্ত অসি অকোইবদা অকাইবা পীদবা কম্প্লেক্স অমনি অমসুং এম.বি.বি.এস. মহৈরোইশিং তাকপী-তম্বীবদা মথৌ তাবা মোদর্ন তীচিং ফেসিলিতী পুম্নমক ফংহনগনি।
মরুপশিং,
শমুদ্র খোঙবালনা পুদুচেরীগীদি থৱাইনি। ফিসরি, হিথাংফম, শিপ্পিং অমসুং শমুদ্রগী শেন্মিৎলোন্দা তৌনবগী মতিক-ময়াই য়াবা লৈ। সাগরমালা স্কিমগী মখাদা পুদুচেরী পোর্ত দিবেলপমেন্তগী উরেপ উয়ুং তম্বা ফংজবদা হরাউবা পোকচৈ। মসিনা লোইরকপগা হীথংফম অসি সমুদ্রদা কুমদুনা ঙা ফাবগী থবক-থৌরমশিং তৌরিবা ঙামীশিংদা মেং ওইরগনি। মসিনা খ্বাইদগী মথৌ তারিবা চেন্নাইগা ফাওননবা সী কন্নেক্তিবিতী অদু ফংহল্লগনি। মসিনা পুদুচেরীগী ইন্দস্ত্রীশিংগী কার্গো পুথোক-পুশিন্নদা মতেং ওইরগনি অমসুং চেন্নাই পোর্ত্তা লোদ হন্থহল্লগনি। মসিনা সমুদ্র মপালদা লৈবা সহরশিংগী পেসেঞ্জরগী ত্রাফিককী ওইথোকশিং লৈহল্লগনি হায়না মহাক্না ফোঙদোকখ্রে।
মরুপশিং,
পুদুচেরীনা তোঙান তোঙানবা স্কীমশিংগী মখাদা বেনিফিসরীশিংদা মতেং পাংনবা দাইরেক্ত বেনিফিৎ ত্রান্সফর মপুং ফানা থৌগৎখ্রে। মসিনা মীয়ামবু মখোয়গী ৱারেপশিং লৌবদা শক্তি পীখি। পুদুচেরীদা হ্যুমেন রিসোর্স মরাং কাইনা লৈ মরমদি মফম অসিদা সরকার অমসুং লনাইগী সেক্তর অনিমক্তা তোঙান তোঙানবা এজুকেস্নেল ইন্সতিত্যুসনশিং লৈ। মসিদা থবক অমদি খুদোংচাবশিং চাউনা পীবা ঙমগদবা ইন্দস্ত্রী অমসুং তুরিজমগী চাউখৎ-থৌরাংগী মতিক ময়াই চাউনা লৈ। পুচুচেরীগী মীয়াম তেলেন্ত লৈ। লম অসি ফজৈ। মফম অসিদা ঐহাক্না ঐহাক্কী লৈঙাক অসিদগী পুদুচেরী চাওখৎনবগীদমক পাংবা য়াবা মতেং খুদিংমক পাংগনি হায়বগী ইশামক্না থাজবা পীনবা লাকখিবনি। পুদুচেরীগী মীয়ামদা ঙসি চাউখৎ-থৌরাংগী থবকশিং হৌদোকখিবা অসিগীদমক ঐহাক্না অমুক হান্না নুংঙাইবা
থাগৎচরি। য়াম্না থাগৎচরি।
খুরুমজিরি
