খুরুমজরি!
শ্রী অরবিন্দোগী ১৫০শুবা মপোক কুমওনগী মরু ওইবা থৌরম অসিদা ময়ামদা ঐহাক্না থমোয় শেংনা নুংঙাইবা ফোঙদোকচরি। য়াইফরবা থৌরম অসিদা ঐহাক্না ইরৈবাকচা পুম্নমক্তা য়াইফ মঙ্গোল পীজরি। শ্রী অরবিন্দোগী ১৫০শুবা মপোক কুমওন অসি লৈবাক পুম্বগী ওইনা পুৱারী ওইরবা থৌরম অমনি। লৈবাক অসিনা মরু ওইনা মহাক্কী ইথিল অমসুং ৱাখল্লোনবু ঐখোয়গী অনৌবা মীরোলশিংদা য়ৌহন্নবা চহি চুপ্পা পালন তৌনবা ফিরেপ লৌরসি। মসিগীদমক হায় লেবেল কম্মিতি অমা শেমখি। কলচর মন্ত্রালয়গী লুচিং মখাদা তোঙান-তোঙানবা থৌরমশিং পাঙথোক্লি। পরিং অসিদা মহাঋসিনা তপস্য তৌখিবা পুদুচেরীগী লমদমদা ঙসি লৈবাক অসিনা অচৌবা ইকাই খুম্নবা অমা উৎলি। ঙসি শ্রী অরবিন্দোগী নীংশিং শেনয়েক অমসুং পোস্তেল স্তাম্প ফোঙখি। শ্রী অরবিন্দোগী পুন্সি অমসুং তাকপী তম্বীরম্বশিংদগী ইথিল লৌদুনা লৈবাক অসিগী খোঙথাংশিংনা ঐখোয়গী ফিরেপশিংদা অনৌবা ইনোৎ অমসুং পাঙ্গল হাপকনি।
মরুপশিং,
পুৱারীদা কয়ারক হন্না চপ মান্নবা মতম অসিদা অচৌবা থৌরম কয়া পুন্না থোকখি। অদুবু, মখোয় অসি মতাং চান্নরুবনি হায়না লৌনৈ। ঐহাক্না থাজৈ মদুদি মতাং চান্নরুবা থৌদোকশিং থোকপা মতমদা মসিগী তুংদা য়োগ-শক্তি খরা লৈরমখি। য়োগ-শক্তি হায়বদি অপুনবা শক্তি, ঐখোয় পুম্নমকপু অমত্তা ওইনা পুনশিল্লিবা শক্তি অমনি! ভারতকী পুৱারীদা অথৌবা মীওই কয়া লৈরমখি, মখোয়না নীংতম্বগী ইহুলবু মপাঙ্গল কনখৎহনখি অমসুং থৱায় হিংগৎহনখি। মখোয়গী মরক্তা অহুম, শ্রী অরবিন্দো, স্বামি বিবেকানন্দা অমসুং মহাত্মা গান্ধী অসি চপ মান্নবা মতমদা থোকখিবা মরু ওইবা থৌদোকশিংগা মরী লৈনবা অথোইবা মীশকশিংনি। মসিগী থৌদোকশিং অসিনা অথোইবা মীওইশিং অসিগী পুন্সিশিংদা অহোংবা পুরকখি অমসুং জাতিগী পুন্সিদা অচৌবা অহোংবশিং পুরকখি। শ্রী অরবিন্দোনা চহি ১৪গী মতুংদা ১৮৯৩দা ইংলেন্দদগী ভারত্তা হল্লকখি। ১৮৯৩দা স্বামি বিবেকানন্দনা পার্লিয়ামেন্ত ওফ ৱর্ল্দ রিলিজন্দা মহাক্কী মমিং লৈরবা স্পীচ পীনবা অমেরিকাদা চৎখি। অমসুং চপ মান্নবা চহি অসিদা গান্ধীজীনা খা অফ্রিকাদা চৎখি মসিদগী মহাক্না মহাত্মা গান্ধী ওইবগী খোঙচৎ অদু হৌখি অমসুং মতুংদা লৈবাক অসিনা নীংতম লান্মী অমা ফংজখি।
ইচিল-ইনাওশিং,
ঙসি অমুক হন্না ঐখোয়গী ভারতনা অসিগুম্বা মতাং চান্ননা থোকপা থৌদোকশিং অসি অমুক্তংদা কয়া অমা উবা ফংলি। ঙসি লৈবাক অসিনা মাগী নীংতম্বগী চহি ৭৫ শুরকপা মরম অসিদা ঐখোয়গী অমৃতকালগী খোঙচৎ হৌরি, চপ মান্নবা মতম অসিদা ঐখোয়না শ্রী অরবিন্দোগী ১৫০শুবা মপোক কুমওন পালন তৌরি। তানফম অসিদা ঐখোয়না নেতাজী সুভাশ চন্দ্র বোসকী ১২৫শুবা মপোক কুমওনগুম্বা থৌরমশিংসু উবা ফংখি। ঐখোয়গী ইথিল অমসুং থৌদাং, ইনোৎ অমসুং খোঙথাং অসি পুনশিল্লবা মতমদা ওইথোক্লরোইদবা পান্দম খুদিংমক ফংবা ঙম্মি। ঙসি, লৈবাক অসিগী মাইপাকপশিংনা অমসুং ‘সবকা প্রয়াস’কী ফিরেপ অসিনা অমৃত কালদা মসিগী খুদম ওইরি।
মরুপশিং,
শ্রী অরবিন্দোগী পুন্সি অসি এক ভারত শ্রেস্থ ভারতকী মমি অমনি। মহাক বেঙ্গালদা পোকখি অদুবু বেঙ্গোলি, গুজরাতি, মরাথী, হিন্দী অমসুং সংস্কৃতগুম্বা লোল কয়া হৈখি। মহাক অসি বেঙ্গালদা পোকচরবসু মহাক্কী পুন্সিগী অয়াম্বা শরুক্তি গুজরাত অমসুং পুদুচেরীদা লৈরকখি। মহাক্না চৎপা মফম খুদিংদা মহাক্কী মগুনগী অচেৎপা মমি তাহল্লমখি। ঙসি লৈবাক অসিগী শরুক অমা হেক্তদা মহাঋসি অরবিন্দোগী আশ্রমশিং, মহাক্কী তুংইনবশিং, মহাকপু নুংশিজবশিং মফম খুদিংমক্তা ফংগনি। মহাক্না ঐখোয়না ঐখোয়গী কলচরগী মরমদা খঙবা অমসুং মসিগা লোয়ননা হিংবা মতমদা ঐখোয়গী দাইভর্সিতী অসি ঐখোয়গী পুন্সিদা পালন তৌনবা মরম অমা ওইরকই হায়না তাকপীরমখি।
মরুপশিং,
মসি আজাদী কা অমৃত কালগী অচৌবা ইথিলগী হৌরকফম অমনি। মসিদগী হেন্না এক ভারত শ্রেস্থ ভারত শন্দোক্না তাক্নবা লম্বী লৈরিব্রা? নুমিৎ খরনিগী মমাংদা ঐহাক্না কাশীদা চৎলুই। মফম অদুদা কাশী তমিল সঙ্গমম থৌরমগী শরুক অমা ওইনবা খুদোংচাবা অমা ফংজখি। মসি ফজবা থৌরম অমনি। কুহ্মৈ অসিদা ঐখোয়না ভারত অসি তৎন-থানবা য়াদে, মাগী চৎনবী অমসুং কলচরগী খুত্থাংদা খোঙফম চেৎনা লেপ্পা উবা ফংই। ঙসিগী নহারোলনা খনবা অদু কাশী তমিল শঙ্গমমদা উবা ফংখি। ঙসি লৈবাক পুম্বদা লৈরিবা নহারোলশিংবু এক ভারত শ্রেস্থ ভারতকী নেস্নেল পোলিসী অসিনা ইথিল পীরি, মসিনা লোল অমসুং ফিজেৎ-চাকচাদা য়ুম্ফম ওইরগা খেন্নবা থম্বগী থৌওং অদু তুংওইননা থমলমখি। ঙসি ঐখোয়না শ্রী অরবিন্দোবু নীংশিংবা মতম অসিদা আজাদী কা অমৃত মহোৎসব পাঙথোকপা মতম অসিদা ঐখোয়না কাশী-তমিল সঙ্গমমগী ৱাখল্লোন অসি পাকথোক চাউথোকহনবা তাই।
মরুপশিং,
করিগুম্বা ঐখোয়না মহঋি অরবিন্দোগী পুন্সি অসি কুপ্না য়েংলবদি ঐখোয়না ভারতকী থৱায় অমসুং ভারতকী চাউখৎ খোঙচৎকী ফন্দামেন্তেল ফিলোসোফী অসি উবা ফংখি। অরবিন্দো অসি অদুগুম্বা মীশক অমনি – মহাক্কী পুন্সিদা মোদর্ন রিসর্চ, পোলিতিকেল রেজিস্তেন্স লোয়ননা ব্রহ্মা বোথ য়াওই। মহাক অসি ইংলেন্দগী খ্বাইদগী ফবা ইন্সতিত্যুসন্দা মহৈ তমলকখি। মহাক্না মতম অদুগী খ্বাইদগী খুমাং চাউশিনবা মতৌ, গ্লোবেল এক্সপোজর থেংনখি। মহাক মশানা মোদর্নিতী লোয়ননা ওপন মাইন ওইবা পামজখি। অদুবু হায়রিবা অরবিন্দো অসিনা লৈবাক অসিদা হল্লকপা মতমদা মহাক্না ব্রিতিশ লৈঙাক্কী মায়োক্তা লেপ্পা অথৌবা অমা ওইখি। মহাক্না লৈবাক অসিগী নীংতম্বা ফংনবা নীংতম ইহৌদা শরুক য়াখি। মহাক অসি স্বরাজকী মতাংদা ফোঙনা ৱা ঙাংখিবা অহানবা নীংতম লান্মীশিংগী মনুংদা অমনি, মহাক্না ফোঙনা কোংগ্রেসকী প্রো-ব্রিতিশ পোলিসীশিংবু য়ানীংদবা ফোঙদোকখি। মহাক্না হায়খি – “করিগুম্বা ঐখোয়গী লৈবাক অসি অমুক হন্না শেমগৎপা পাম্লবদি ঐখোয়না ব্রিতিশ পার্লিয়ামেন্ত মমাংদা অকপ্পা অঙাং অমা গুম্না হায়জবগী মতৌ অসি লেপকদবনি”।
বেঙ্গাল খাইদোকপগী মতমদা অরবিন্দোনা নহারোলশিং খনখি অমসুং মখোয়না য়াশিন্নবা পুরকপা য়ারোই! য়াশিন্নবা পুরকপা য়ারোই! হায়বা খোলাউ অসি লাউখি। মহাক্না ‘ভাবনি মন্দির’ কৌবা পেম্ফলেৎশিং ফোঙখি, ৱাখল নীংহন্নরবা মীওইশিংদা কলচরেল নেসনগী মমি তাহনখি। অসিগুম্বা ময়েক শেংলবা ৱাখল্লোন, কলচরেলগী খোঙফম চেৎপা অমসুং মসিগী লৈবাক নীংবগী ৱাখল্লোন অসি খঙহনখি। মরম অসিনা মতম অদুগী অথৌবা নীংতম লান্মীশিংনা শ্রী অরবিন্দোবু মখোয়গী ইথিলগী হৌরকফম ওইনা লৌখি। নেতাজী সুভাশগুম্বা য়াওল্লোইশিংনা মহাকপু মখোয়গী ফিরেপশিংগী ইথিলগী হৌরকফম ওইনা লৌখি। নাকল অমরোমদা ঐখোয়না মহাক্কী পুন্সিগী লৌশিং লৈবা অমসুং ধর্মগী ওইবা মঙাল অসিদা য়েংলুরবদি ঐখোয়না মসি য়াম্না লৌশিং লৈবা অমসুং ৱাখল লৈবা মীওই অমা ওইনা উবা ফংগনি। মহাক্না ব্রহ্ম তত্য অমসুং উপনিশদশিং ময়েক শেংনা খঙখি। মহাক্না জিবা অমসুং ইশকী ফিলোসোফীদা সোসিএল সর্ভিসকী ফোর্ম্যুলা হাপচিনখি। শ্রী অরবিন্দোগী ৱাহৈশিংদগী ঐখোয়না নরদগী নরায়ন ফাওবা করম্না চৎকনি খঙবা ঙমগনি। আর্থ অমসুং কামাগী শক্তি লৈবা, ধর্মগী ফজরবা কত্থোকপগী মতৌ অমসুং ব্রহ্মাবু মুন্না খঙবা অসিগুম্বা ভারতকী অপুনবা মগুন য়াওরি। মরম অসিনা ঙসি অমৃতকাল অসিদা লৈবাক অসিনা অমুক হন্না মসিবু নৌনা শেমগৎনবা মাংদা চংশিল্লি। পুম্নমক অসিদা ‘পঞ্চ প্রন’ উবা ফংই। ঙসি ঐখোয়না মোদর্ন আইদিয়া পুম্নমক, খ্বাইদগী ফবা প্রেক্তিসশিং শীজিন্নদুনা চাউখৎপা ভারত ওইহন্নবা হোৎনরি। ঐখোয়না য়াশিন্নবা তৌদনা ভারত হান্না হায়বা ৱাখল্লোন্না মাং থাদুনা চংশিল্লি। অমসুং তানফম অসিদা ঙসি ঐখোয়না মালেমদা ঐখোয়গী হেরিতেজ অমসুং শক্তাক উৎপদা চাউথোকচবা পোক্লি।
ইচিল ইনাওশিং,
মহাঋশি অরবিন্দোগী পুন্সিনা ঐখোয়দা ভারতকী অতোপ্পা থৌনা অমা উবা ফংহনখি। লৈবাক অসি মপাঙ্গল, নিংতম্বগী থৱাই অমসুং মীনাই নাইথাংগী ৱাখল্লোন্দগী নিংতম্বা! মহাঋশি অরবিন্দোগী মপাবুংনা অহৌবদা ইংলিশকী ইথিলগী মখাদা ভারত অমসুং ভারতকী চৎন-লোনচৎ অসিদগী মপুংফানা মহাকপু লাপ্না থম্বা পামখি। মখোয়না লৈবাক অসিদগী মপুংফানা লাপথোক্তুনা ইংলিশকী চৎন-লোনচৎ মরক্তা ভারত্তগী মাইল লিশিং কয়া লাপ্না লৈখি। অদুবু মহাক্না ভারত্তা হল্লকলবা মতুংদা মহাক্না বন্দি ওইরিঙৈদা গিতা পারুবদগী ভারতকী চৎন-লোনচৎকী খ্বাইদগী হৌবা খোলাও লাওখিবা মীওই অদু অরবিন্দো ওইখি। মহাক্না স্ক্রিপচরশিং নৈনখি। রামায়নদগী হৌরগা মহাভারত অমসুং কালিদাসকী উপনিশদ বাবাভুতি অমসুং ভারতরি ফাওবা হন্দোকখি। মহাক্কী নহা ওইরিঙৈ পুন্সিদা ভারতকী ওইবা চৎন-লোনচৎতগী লাপ্না লৈরুরবা অরবিন্দোগী ৱাখল্লোন্দা হৌজিক্তি মীয়াম্না ভারত অসি য়েংবা হৌরক্লে। মসি ভারতকী অমসুং ভারতকী চৎন-লোনচৎকী অশেংবা মশক অদুনি। কনাগুম্বা মসিবু মুত্থৎনবা কন্না হোৎনরবসু ঐখোয়গী থমোইদা লৈরিবা অসিদগী মুত্থৎনবা করিগী হোৎনদ্রিবনো! ভারত অসি য়ৈখাই থিনগাইবা মরক্তা খজিক্তং নমথদুনা লৈরবসু খজিক্তং কাইথরবসু মুৎপা নাইররোইদবা মরু অমনি। মরমদি ভারত অসি মীওইবা খুনাইনা চাউখৎলকপগী শেংলবা ৱাখল্লোন, মীনুংশিগী মহৌশাগী ওইবা খোল্লাও অমনি। মসি মহাঋশি অরবিন্দোগী মতমদা অমর ওইরম্মি, ঙসি ফাওবদসু অমর ওইরি। ঙসিদি ভারতকী নহারোলশিংনা মখোয়গী চৎন-লোনচৎ অদুবু ঙাক্তুনা ভারত অসি অৱাংবা থাক্তা থাগৎলি। ঙসিদি মালেমদা শিংনবা কয়া লৈরে। মসিগী শিংনবশিং অসি খোকহনবদা ভারতনা লৌগদবা থৌদাং অসি য়াম্না মরু ওই। মরম অদুনা মহাঋশি অরবিন্দোদগী ঈথিল লৌরদুনা ঐখোয়না শেম শাগদবনি। মীপুম খুদিংমক্না হোৎনদুনা চাউখৎলবা ভারত অমা শেম্নবা হোৎনগদবনি। মহাঋশি অরবিন্দোবু থাগৎপা ফোঙদোক্তুনা পুম্নমকপু হন্না হন্না থমোই শেংনা থাগৎপা ফোঙদোকচরি।
