Share
 
Comments
Metro will further strengthen the connectivity in Ahmedabad and Surat - what are two major business centres of the country: PM Modi
Rapid expansion of metro network in India in recent years shows the gulf between the work done by our government and the previous ones: PM Modi
Before 2014, only 225 km of metro line were operational while over 450 km became operational in the last six years: PM Modi

খুরুমজরি, গুজরাতকী গভর্নর শ্রী অচার্য় দেবব্রত জী, কেন্দ্রগী মন্ত্রী মন্দলগী ঐগী খোঙলোয় অমিত সাহ জী, হরদীপ সিংহ পুরী জী, গুজরাতকী মুখ্য মন্ত্রী বিজয় রুপানি জী, গুজরাত লৈঙাক্কী মন্ত্রীশিং, এম.পি. অমসুং এম.এল.এ. ময়াম, অহমদবাদ অমসুং সুরতকী ঐগী ইচিন ইনাউশিং‍।

উত্তরায়ন হৌরকপসিদা ঙসি অহমদবাদ অমসুং সুরতনা য়াম্না মরু ওইবা খুদোল অমা ফংলি‍। লৈবাকসিগী লল্লোন ইতিক্কী মফম অনি অহমদবাদ অমসুং সুরত্তা মেত্রোনা হায়রিবা ময়োল্লম অনিসিবু শম্নহনবগী ফীভম ফগৎহল্লগনি‍। ঙরাংখক্তা কেবরিয়াগী অনৌবা রেল লম্বী অমসুং অনৌবা ত্রেনশিং হৌদোকখিবদা ঙায়রি‍। ‍অহমদবাদতগীসু অনৌবা মতমগী জন-সতাব্দি এক্সপ্রেস কেবরিয়াদা য়ৌরগনি‍। নৌনা হৌদোক্লিবশিং অসিগীদমক ঐনা গুজরাতকী মীয়ামদা হরাউ তয়াম্বা ফোঙদোকচরি, য়াইফ-পাউজেল পীজরি‍।

ইচিন ইনাউশিং,

ঙসি লুপা করোর লিশিং ১৭ হেনবগী ইনফ্রাস্ত্রকচরগী থবক হৌরি‍। লুপা করোর লিশিং ১৭কী থবক অসিনা ঙসি কোরোনাগী মতমসিদসু লৈবাকসিনা অনৌবা ইনফ্রাস্ত্রচরগীদমক হোৎনবা লেপ্ত্রি হায়বা উৎলি‍। হৌখিবা নুমিৎ খরনিসিদা ঐখোয়না লৈবাক শিন্বা থুংনা লুপা করোর লিশিং কয়াগী ইনফ্রাসত্রকচর প্রোজেক্তশিং মীয়ামগী লাউথোকখিবা নৎত্রগী থবক হৌখিবা কয়া লৈখ্রে‍।

মরূপশিং,

অহমদবাদ অমসুং সুরত অনি অসি গুজরাত অমসুং ভারতকী মরোমদোম লেপচবগী খোঙফম চেৎশিনহল্লিবা ময়োল্লমশিংনি‍। অহমদবাদতা মেত্রো হৌদোকখিবা মতমদু ঐ হৌজিক ফাওবা নীংশিংলি, কনাগুম্বা খরা মঙাই কাউরমগদবা‍। অহমদবাদকী মঙলানশিংনা মফমসিগী মশকনা কমদৌনা মেত্রোগা শমজিন্নবগে হায়বদুসু ঐনা উরি‍। হৌজিক্তি ঙসিদগী অহমদবাদ মেত্রোগী অনিসুবা তাঙ্কক্কী থবক হৌরে‍। অহমদবাদ মেত্রো রেল প্রোজেক্তা হৌজিক্তি মোতেরা স্তেদিয়মদগী মহাত্মা মন্দির ফাওবদা কোরিদোর অমা শেম্লগনি অমদি অতোপ্পা কোরিদোরদগী জি.এন.এল.য়ু. অমসুং গিফ্ত সিতী অনিবু শমজিন্নহনগনি‍। মসিগী কান্নবা ময়োল্লম অসিগী মীওই লাখ কয়াদা কান্নবা পীগদৌরি‍।

মরূপশিং,

অহমদবাদকী মতুংদা সুরত অসি মেত্রোগুম্বা অনৌবা মতমগী ত্রান্সপোর্ত সিস্তেম্না শম্নহনগদবা গুজরাতকী অনিসুবা অচৌবা ময়োল্লম্নি‍। সুরত্তদি মওং অমদা মেত্রো নেতৱর্ক অসিনা ময়োল্লম অপুনবগী মরুওইবা লল্লোন ইতিক্কী মফমশিং শম্নহল্লগনি‍। মেত্রোগী প্রোজেক্তশিং অসিগী খ্বাইদগী মরুওইবা ৱাফমদি মসি লাক্কদৌরিবা চহীশিংদা মথৌ তারক্কদবশিং য়েংলগা শেমগৎকদৌরিবসিনি‍। মসিনা তাকপদি ঙসি শেল থাদরিবা অসিনা ঐখোয়গী ময়োল্লমশিংগী তুংদা লাক্কদৌরিবা চহী কয়া অমা কান্নবা ফংহনগদৌরিবনি‍।

ইচিন ইনাউশিং,

মমাঙগী লৈঙাক্কী লৈরম্বা এপ্রোচ, ঐখোয়গী লৈঙাকসিনা কমদৌনা থবক তৌরি হায়বসিগী মতিক চারবা খুদমদা করি করি খেন্নবা লৈবগে হায়বসি লৈবাকসিগী মেত্রো নেতৱর্ক্তা হোংলক্লিবা মশক মওংসিদগী খঙবা য়াই‍। ২০১৪গী মমাঙ চহী ১০-১২দুদা শুপ্নতগী কিলোমিতর ২১৫রোমগী মেত্রো নেতৱর্ক মথৌ তৌরম্মি‍। অদুগা হৌখিবা চহী ৬সিদা কিলোমিতর ৪৫০গী হেন্বগী মেত্রো নেতৱর্ক মথৌ তৌরি‍। মতমসিদা লৈবাকসিগী ময়োল্লম ২৭তা কিলোমিতর ১০০০ হেনবা অনৌবা মেত্রো নেতৱর্ক্কী থবক পায়খৎলি‍।

মরূপশিং,

ঐখোয়গী লৈবাকসিদা মেত্রো নেতৱর্ক হৌদোকপগী মতাঙদা অনৌবা ৱাখল্লোন থোইদোক্না লৈরমদবা মতম অমা লৈরম্মি‍। লৈবাকসিদা মেত্রো পোলিসী অমত্তা লৈরমদে‍। মদুগী মহৈনা তোঙান তোঙানবা ময়োল্লমশিংদা তোঙান তোঙানবা মখলগী মেত্রো, তোঙান তোঙানবা তেক্নিক অমসুং ফীভমগী মেত্রোশিং শেমগৎলম্মি‍। অতোপ্পা খুদোংচাদবা অমদি ময়োল্লমশিংদুগী অতৈ চত্থোক চৎশিনগী পাম্বৈশিংগা মেত্রোশিংগা মওং অমত্তদা চুশিন্নরমদে‍। ঙসিদি ঐখোয়না ময়োল্লমশিংগী চত্থোক চৎশিনগা পুনশিল্লবা সিস্তেম অমগা চুশিন্নহন্নবা থবক পায়খৎলি‍। হায়বদি বস, মেত্রো, রেল হায়রিবা মখোয় মখোয়গী মওংদা চেন্দ্রে, মদুগী মহুত্তা পুল্লপ পুল্লবা ফীভম অমগী মওংদা থবক তৌরি, অমনা অমবু মপুং ফাহল্লি‍। অহমদবাদ মেত্রোসিদসু নেসনেল কম্মন মোবিলিতী কার্দ ঐনা লাকপা মতমদা হৌদোকখি, মদুনা তুংদা পুনশিল্লকপা পুরকপসিদা মতেং ওইরক্কদৌরি‍।

মরূপশিং,

ঐখোয়গী ময়োল্লমশিংনা ঙসি করি মথৌ তাবগে অমদি লাক্কদৌরিবা চহী ১০-২০সিদা করি মথৌ তারকপা য়াবগে হায়বা মীৎয়েঙসিগা লোয়ননা ঐখোয়না থবক পায়খৎলি‍। সুরত অমসুং গান্ধিনগরদা য়েংবিয়ু‍। চহী ২০গী মমাঙদা সুরতকী মতাঙদা চাউখৎপগী মহুত্তা প্লেগকুম্বা লাইচৎকী মরমদা ওইনা ঙাঙনরম্মি‍। অদুবু সুরত মচাশিংদা মীপুম খুদিংমকপু তরাম্না ওকপগী চৎনবী অমা লৈরিবসিনা মখোয়না ফীভমদা অহোংবা পুরকপা হৌরকখি‍। ঐখোয়না এন্তরপ্রাইজ খুদিংমকপু কোনশিনবগী সুরতকী ৱাখল্লোন্দা পাঙ্গল হাপখি‍। ঙসিদি সুরত মীশিংগী চাংদা য়েংবদা লৈবাক্কী খ্বাইদগী চাউবা ৪শুবা ময়োল্লম ওইবগা লোয়ননা মালেমগী চাউখৎলোন্দা লমজেল খ্বাইদগী য়াংনা চেল্লিবা মরিসুবা ময়োল্লমসু ওইরি‍। মালেমগী খ্বাইদগী অরংবা হীরা ১০গী মরক্তা সুরতনা ৯শুবা থাক্তা লৈরি‍। ঙসি লৈভাকসিদা পুথোক্লিবা মীওইবনা শাবা ফেব্রিকশিংগী চাদা ৪০ অমসুং মীওইবনা শেমবা ফাইবরগী চাদা ৩০দি সুরত্তা পুথোক্লি‍। ঙসি সুরতনা লৈবাকসিগী খ্বাইদগী লু নানবা অনিসুবা ময়োল্লম ওইরি‍।

ইচিন ইনাউশিং,

পুম্নমক অসি নীংথিনা প্লান্নিং তৌবা অমদি পুম্নমক কোনশিনবগী ৱাখল্লোনগা লোয়ননা থবক পায়খৎপনা ওইরকপা ঙমহল্লিবনি‍। মমাঙদদি সুরতকী মীশিংগী চাউরাক্না চাদা ২০দি খাঙপোকশঙদা লৈরম্মি, হৌজিক্তি লায়রবশিংসু পক্কাগী য়ুম ফংবদগী হায়রিবা ফীভমসি চাদা ৬তা হন্থরে‍। ময়োল্লমশিংগী মী চিনবা হন্থহন্নবা হেন্না ফবা ত্রাফিক মেনেজমেন্ততগী হৌরগা অতোপ্পা খোঙথাঙ কয়া লৌখৎলি‍। ঙসিদি সুরত্তা থোং ১০০দগী হেন্না লৈরে, মসিগী মনুংদা ৮০ হেনবদি হৌখিবা চহী ২০সিদা শাখিবনি অমদি থোং ৪ শঙ্গানবগী থবকসু চঙশিল্লি‍। মতৌ অসুম্না সিৱেজ ত্রীতমেন্ত প্লান্তশিংগী কেপাসিতীসু হেনগৎহল্লে‍। ঙসি সুরত্তা চাউরাক্না সিৱেজ ত্রীতমেন্ত প্লান্ত দজন অমরোম লৈরে‍। সিৱেজ ত্রীতমেন্তখক্তদগী ঙসি সুরতনা চাউরাক্না লুপা করোর ১০০রোমগী শেন্থোক লাক্লি‍। হৌখিবা চহী খরসিদা সুরত্তা অফবা অনৌবা মতমগী ওইবা অনা লায়েংশঙশিং লিংখৎখ্রে‍। হায়রিবা থৌরাং কয়া অসিনা সুরত্তা ইজ ওফ লিভিংগী ফীভম ফগৎহল্লে‍। ঙসিদি সুরত অসি এক ভারত শ্রেস্থ ভারতকী মতিক চারবা খুদম অমা ওইনা ঐখোয়না উরি‍। মফমসিদা ঐখোয়না পুর্বাঞ্চল, ওরিসা, ঝার্খন্দ, নোংচুপ বঙ্গাল, অৱাং নোংপোক্নচিংবা লৈবাক্কী কাচিন কোয়াদগী মখোয়গী মরায়বক লেপ্নবগীদমক লাক্লিবা মীওইশিং, ঐখোয়গী এন্তরপ্রাইজকী মীওইশিং, পুনশিন্নদুনা হোৎনমিন্নরিবা অসি মওং অমদা তগৎ তগৎ তেক্লিবা মঙলান্না মপুং ওইরবা ভারতকী ইন্দস্ত্রীগী তুংনফম ওইরি‍। মখোয় ময়াম পুল্লগা সুরতকী চাউখৎলোনগী অনৌবা পন্দোল য়ৌহন্নবা থবক তৌমিন্নরি‍।

মরূপশিং,

মতৌ অসুম্না গান্ধিনগরগী হান্নগী মশক কমদৌরমবগে‍। ময়োল্লম অসি লৈঙাক্কী থবক তৌবা মীওইশিংগী, থবক্তগী পোত্থারবা মীওইশিংগী মচু মমেন থোক্তবা খোঙথাঙ তপ্পা মফম অমা ওইরম্মি, মদুবু ময়োল্লম হায়বা য়ারমদে‍। অদুবু হৌখিবা চহী খরসিদা ঐখোয়না গান্ধিনগরগী ফীভম অসি থুনা য়াঙনা অহোংবা পুরকখিবা থেংনরি‍। হৌজিক্তি মফম অমদা হেক্তা চৎপদা গান্ধিনগরদা অদোম্না নহা কয়া উগনি, মঙলান কয়াগী মশেক মঙালশিং উবা ফংগনি‍। ঙসি গান্ধিনগরগী মশক্তি আই.আই.তি. গান্ধিনগর, গুজরাত নেসনেল লো য়ুনিভর্সিতী, নেসনেল ফোরেন্সিক সাইন্স য়ুনিভর্সিতী, রক্সা শক্তি য়ুনিভর্সিতী, এন.আই.এফ.তি.না ওইরে‍। ঙসিগী গান্ধিনগরগী মশক – পন্দিত দীন দয়াল পেত্রোলিয়ম য়ুনিভর্সিতী, ইন্দিয়ন ইন্সতিত্যুৎ ওফ তীচর্স এজুকেসন, ধিরুভাই অম্বানি ইন্সতিত্যুৎ ওফ ইনফোর্মেসন এন্দ কম্ম্যুনিকেসন তেক্নোলোজী, নেসনে ইন্সতিত্যুৎ ওফ দিজাইন (এন.আই.দি.), বাইসেগনচিংবা মশিং থিঙমদবা কয়া অসিনা ওইরি‍। তেনখ্রবা মতমসিদা ভারতকী লাইবক লেপ্লিবা মীয়ামগী ফীভম ফগৎহন্নবগী থবকশিং গান্ধিনগরদা পায়খৎওই‍। হায়রিবা মফমশিং অসিদা মহৈ মশিংগী লমদা অহোংবা পুরকপদা নত্তনা লূপশিং অসিগা লোয়ননা কম্পেনীশিংগী কেম্পসশিংসু মফমসিদা লাকপা হৌরক্তুনা গান্ধিনগরগী নহাশিংগী থবক ইনখাঙগী খুদোংচাবসু হেনগৎহল্লি‍। মতৌ অসুম্না গান্ধিনগরদা মহাত্মা মন্দিরনা কন্ফরেন্স তুরিজমগী ফীভমসু চাউখৎহল্লি‍। হৌজিক্তি প্রোফেসনেল, দিপ্লোমেতশিং, থিঙ্করশিং অমদি লুচিংবশিংনা মফমসিদা লাক্তুনা মীফমশিং পাঙথোক্লি‍। মসিনা ময়োল্লম অসিগী অনৌবা মশক অমসু লেপ্লি অমদি অনৌবা মায়কৈ অমসু পীরি‍। ঙসি গান্ধিনগরগী মহৈ মশিংগী লূপশিং, অনৌবা মতমগী রেলৱে স্তেসন, গিফ্ত সিতীনচিংবা প্রোজেক্তশিং, ইন্ফ্রাগী তোঙান তোঙানবা অনৌবা মতমগী প্রোজেক্তশিং অসিনা গান্ধিনগরবু অনৌবা পুন্সি অমা পীদুনা মওং অমদা মঙলান কয়ানা থল্লবা ময়োল্লম অমা ওইহল্লি‍।

মরূপশিং,

গান্ধিনগরগা লোয়ননা অহমদবাদতসু অসিগুম্বা থৌরাং কয়ানা ময়োল্লম অসিগী মশক অমা পীরি‍। সাবরমতি রিভর ফ্রন্ত, কাঙ্করিয়া লেক-ফ্রন্ত, ৱাতর এরোদ্রোম, বস রেপিদ ত্রাঞ্জিৎ সিস্তেম, মোতেরাদা মালেমগী খ্বাইদগী চাউবা স্তেদিয়ম, সরখেজকী লেন তরুক্কী গান্ধিনগর হায়ৱেনচিংবা প্রোজেক্ত মশিং থিঙমদনা হৌখিবা চহীশিং অসিদা পায়খৎখি‍। মওং অমদা অহমদবাদকী লিরবা মতমগী মশক কায়হন্দনা ময়োল্লম অসিনা অনৌবা মতমগী ফিজোলনা লৈতেংলি‍। অহমদবাদপু ভারতকী অহানবা ৱর্ল্দ হেরিতেজ সিতী ওইনা লাউথোকখ্রে‍। হৌজিক্তি অহমদবাদকী মনাক্তা লৈবা ধোলেরাদা অনৌবা এয়রপোর্ত অমা শেমগৎকদৌরে‍। এয়রপোর্ত অসিবু অহমদবাদকা শম্নহন্নবা অহমদবাদ-ফোলেরা মোনোরেলসু অয়াবা পীখ্রে‍। মতৌ অসুম্না অহমদবাদ অমসুং সুরতপু লৈবাক্কী শেন্মিৎলোনগী কোনুং মু্ম্বাইগা শম্নহন্নবা বুলেত ত্রেনগী থবকসু পায়খৎনবা চঙশিল্লি‍।

মরূপশিং,

গুজরাতকী ময়োল্লমশিংগা লোয়ননা খুঙ্গঙগী চাউখৎ থৌরাংদসু হৌখিবা চহীশিংদা খোঙজেল য়াঙনা চঙশিল্লি‍। অখন্ননা খুঙ্গঙশিংদা লম্বী, মৈ, ঈশিংগী ফীভম হৌখিবা চহী ২০লোমসিদা কমদৌনা ফীভম ফগৎলকখিবগে হায়বদু গুজরাতকী চাউখৎ খোঙথাঙগী মরুওইবা তাঙ্কক অমনি‍। ঙসিদি গুজরাতকী খুঙ্গঙ খুদিংদা নোংজু নুংশা খায়দবা লম্বীনা শম্নহল্লে, ত্রাইবেলগী মফমশিংগী খুঙ্গঙশিংদসু অফবা লম্বী থোং লৈরে‍।

মরূপশিং,

ঐখোয়গী মরক্তগী অয়াম্বনা গুজরাতকী খুঙ্গঙশিংদা ত্রেন অমসুং তেঙ্করশিং শীজিন্নদুনা ঈশিং পীখিবা মতমদু উনহৌরবনি‍। ঙসিদি গুজরাতকী খুঙ্গঙ খুদিংদা ঈশিং ফংহল্লে‍। মসিদসু নত্তনা হৌজিক্তি চাউরাক্না অপুনবা য়ুমথোঙগী চাদা ৮০দা তোতিগী ঈশিং ফংহল্লে‍। জল জীবন মিসনগী মখাদা স্তেত অসিদা অনৌবা ঈশিং কন্নেক্সন লাখ ১০রোম ফংহনখ্রে‍। য়াম্না থুনা গুজরাতকী য়ুমথোঙ খুদিংদা তোতিগী ঈশিং ফংহনবা ঙম্লগনি‍।

মরূপশিং,

থক্নবা ঈশিংখক নত্তনা, ঙসিদি ঈথৈ লৌখোঙ য়ৌবা ঙমগনি হায়না মঙদফাও মঙনরমদবা গুজরাতকী মফম কয়াদা ঙসিদি ঈথৈ লৌখোঙগী ঈশিং য়ৌহল্লে‍। সর্দার সরোবর দামো সৌওনি য়োজনা, ৱাতর গ্রীদকী নেতৱর্ক ওইরবসু গুজরাতকী লৈকংলা ওইনা লৈরম্বা মফমশিং অশং অমান্না থলহন্নবা থৌরাং কয়া লৌখৎলি‍। ইমা নর্মদাগী ঈশিং হৌজিক্তি কিলোমিতর চা কয়া লাপ্না লৈবা কচ্ছতা ফংহল্লি‍। মাইক্রো ইরিগেসনগী লমদসু গুজরাত লৈবাকসিগী মাঙজিল থাবা স্তেতশিংগী মনুং চল্লে‍।

ইচিন ইনাউশিং,

গুজরাত্তা মতম অমদা মৈগী ফীভম য়াম্না খুদোং চারমদে‍। খুঙ্গঙশিংদদি হেন্না ফীভম চারমদে‍। ঙসিদি গুজরাত্তা লেপ্পা নাইদনা মৈসু ফংহল্লে অদুগা নুমিৎকী ইনর্জী লোকশিনবগী লমদসু লৈবাক্কী মাঙজিন থাবা স্তেতসু ওইরে‍। নুমিৎ খরনিগী মমাঙদা মালেমগী খ্বাইদগী চাউবা রিনুউএবল ইনর্জী প্লান্তকী থবক হৌখি‍। মদুদা নুংশা মঙালগীসু য়াওরে, নুংশিৎকীসু য়াওরে‍। ঙসিদি লৌমীশিংদা সর্বোদ্ধ য়োজনাগী মখাদা ঈথৈ লৌখোঙগীদমক তোঙান্না মৈ পীবা অহানবা স্তেত গুজরাতনা ওইরে‍। হকশেলগী লমদসু গুজরাতকী খুঙ্গঙশিংদা হকশেলগী থৌগলগী ফীভম হেন্না মপাঙ্গল কনখৎহল্লে‍। হৌখিবা চহী ৬সিদা লৈবাকসিদা হকশেলগা মরী লৈনবা থৌরাং কয়া হৌদোকখিবশিং অদুনা গুজরাত্তসু নীংথিনা কান্নবা ফংহল্লি‍। আয়ুস্মান ভারত য়োজনাগীম খাদা গুজরাতকী মীওই লাখ ২১দা লেম্না লায়েংবগী খুদোংচাবা ফংহল্লি‍। অহোংবা মমলদা হিদাক লাংথক ফংহনবা জন ঔসধি কেন্দ্র ৫২৫ হেনবা গুজরাত্তা মথৌ তৌরি‍। মসিনা চাউরাক্না লুপা করোর ১০০রোমগী শেন্ফম গুজরাতকী মীচম মীয়ামগী ইমুংশিংদা ওইজহল্লি, মরুওইনা ময়ায় ওইবা থাক, হন্থবা থাক্কী ইমুংশিংগী মীওইশিংগী মরক্তা অনাবা য়াওরকপদা মসিনা মরম ওইরগা লুপা করোর ১০০গী শেন্ফম ফুরিৎখাউদা লেমহল্লে‍। খুঙ্গঙগী লায়রবশিংদা অহোঙবা মমলদা য়ুম শাবিবগী লমদসু গুজরাতনা থুনা য়াঙনা চেনখৎওই‍। পি.এম. আৱাস য়োজনাগী মখাদা গুজরাতকী খুঙ্গঙশিংদা য়ুম লাখ অনি মখায় হেন্না শাখ্রে‍। মতৌ অসুম্না স্বচ্ছ ভারত মিসনগী মখাদা গুজরাতকী খুঙ্গঙশিংদা খোঙহাম খুৎহাম্ফম লাখ ৩৫গী মথক্তা শঙ্গাখ্রে‍। গুজরাতকী খুঙ্গঙশিং চাউখৎনবগীদমক কয়া য়াম্না খোঙলৈ থুনা থবক পায়খৎপগে হায়বগী অতোপ্পা খুদম অমদি দিজিতেল সেবা সেতু অসিনি‍। মসিগী খুত্থাঙদা রেসন কার্দ, লমগা মরী লৈনবা চে-চাংশিং, পেন্সন স্কিম্নচিংবা মখল কয়াগী সর্তিফিকেত অসিনচিংবা তোঙান তোঙানবা সর্ভিসশিং খুঙ্গঙগী মীয়ামদা য়ৌহল্লে‍। সেতু অসি হৌখৎবা চহীগী ওক্তোবর থাদা, হায়বদি থা মরি মঙাগী মমাঙদা হৌদোকখিবনি‍। য়াম্না থুনা দিজিতেল সেতু অসি খুঙ্গঙ লিশিং ৪দা য়ৌগদৌরে‍। মসিগী খুত্থাঙদা লৈঙাক্কী সর্ভিস ৫০ হেনববু খুঙ্গঙগী মীয়ামদা হকথেংননা য়ৌহনগনি‍। ঐনা থবক অসিগীদমক গুজরাতকী লৈঙাক্কী কাঙবু পুম্নমক্কী মফমগী নুংঙাইবা ফোঙদোকচরি‍।

মরূপশিং,

ঙসিদি ভারতনা মশাদা থাজজবগা লোয়ননা ফিরেপ লৌরিবা অসিদা থুনা য়াঙনা থবকসু ওন্থোক্লি‍। ঙসি ভারতনা চাউনা থবক পায়খৎপদা নত্তনা হেন্না ফনসু পায়খৎলি‍। ঙসি মালেমগী খ্বাইদগী চাউবা মীতম ভারত্তা লৈরে‍। ঙসি ভারতকী খ্বাসদগী চাউবা এফোর্দেবল হাউজিং প্রোগ্রাম ভারত্তা চত্থরি‍। খুঙ্গঙ লাখ ৬ অয়াঙবা ইন্তরনেতনা শমজিন্নবগী থৌরাংসু ভারত্তা পায়খৎলি‍। অদুগা নহানখক্তসু কোরোনাগী মায়োক্তা মালেমগী খ্বাইদগী চাউবা তিকা থাবগী থৌরাং ভারত্তা হৌদোকখি‍।

মফমসিদা গুজরাত্তা হৌখিবা নুমিৎ খরনিসিদা থবক লোইশিনখিবা থবক অনিখক ঐনা মরুওইনা পনবা পাম্মি‍। মসি থুনা য়াঙনা থৌরাং কয়া পায়খৎপনা মীয়ামগী পুন্সিদা কমদৌনা অহোংবা পুরকপগে হায়বদুগী খুদম্নি‍। অমনা ঘোঘা অমসুং হজিরাগী মরক্তা লৈবা রো-পেক্স সর্ভিসনি অদুগা অমনা গিরনার রোপ ৱেনি‍।

মরূপশিং,

মমাঙ চহীগী নবেম্বরদা, হায়বদি থা মরিগী মমাঙদা ঘোঘা অমসুং হজিরাগী মরক্তা রো-পেক্স সর্ভিস হৌদোকখিবনা, সৌরাস্ত্র অমসুং খা গুজরাতকী মফমশিংগী মীয়াম্না চহী কয়া ঙাইরকপা অদু লোইরে, অমদি মফমদুগী মীয়াম্না মসিগী কান্নবা কয়া ফংলি‍। সর্ভিস অসিদগী ঘোঘা অমসুং হজিরাগী মরক্কী অরাপ্পা কিলোমিতর ৩৭৫রোম ওইরমবদু সমুদ্রগী লম্বীদা সুপ্নতগী কিলোমিতর ৯০ ওইরে‍। হায়বদি অরাপ্পা অদু চৎপদা হান্না পুং ১০দগী ১২ ফাওবা চঙলম্বদু হৌজিক্তি পুং ৪-৫ খক্তং চঙলে‍। মসিনা মীওই লিশিং কয়াগী মতম মাঙহনদ্রে, পেত্রোল দীজলদা চঙলমবা শেন্ফম হন্থহল্লে, লম্বীদা চৎলম্বা গারী মশিং হন্থহন্দুনা নুংশিৎ মোৎহনবা হন্থহনবদা মতেং ওইরে‍। শুপ্নতগী থা অনিদা মীওই লিশিং ৫০ হেন্বনা মসিগী কান্নবা ফংলে হায়না ঐঙোন্দা পাউ তম্লকই‍। গারী লিশিং ১৪ হেনবসু রো-পেক্স ফেরীনা পুথোক পুশিন তৌখ্রে‍। সুরতকা লোয়ননা সৌরাস্ত্রগী অনৌবা কন্নেক্তিভিতীনা সৌরাস্ত্রগী লৌমীশিং অমসুং শা-য়েন লোয়বশিংদা উহৈ-ৱাহৈ, মনা মশিং অমসুং শঙ্গোমনচিংবশিং সুরত্তা য়ৌহনবদা হেন্না লায়বা লম্বী অমা পীরে‍। কংফালগী লম্বীদা হান্না উহৈ-ৱাহৈ, মনা মশিং অমসুং শঙ্গোম পুবদা পন্থুংফম য়ৌবদা মাঙলম্মি‍। হৌজিক্তি সমুদ্রগী লম্বীদা শা-য়েন লোইবা অমসুং লৌমীশিংগী পোত্থোক থুনা য়াঙনা ময়োল্লমশিংদা য়ৌহল্লে‍। অমরোমদা সুরত্তা লল্লোন ইতিক তৌবা মরূপ মপাংশিং অমদি লংফৈ চৎপা মীওইশিংগীদমক্তসু চত্থোক চৎশিনগীদমক হায়রিবা ঈশিংগী লম্বী অসিনা হেন্না লায়থোকহল্লে‍।

মরূপশিং,

ফেরী সর্ভিস অসিগী চয়োল খরগী মমাঙদা, মমাঙ চহীগী ওক্তোবর থাদা গির্নারদা রোপ ৱে হৌদোকখি, মদুসু চাউরাক্না থা মরি মঙাগী মমাঙদনি‍। হান্নদি গির্নার চীংদা লাই খুরুম্বা চৎনবগীদমক থাক থাক লিশিং ৯ কাখৎলগা চৎনরম্মি‍। হৌজিক্তি রোপ ৱে অসিনা লাইনিংবশিংদা খুদোংচাবা অমা পীরে‍। হান্নদি মন্দির য়ৌবদা পুং ৫-৬ চঙলম্বনি, হৌজিক্তি মীয়াম্না মিনত খরগী মনুংদা য়ৌবা ঙম্লে‍। শুপ্নতগী থা অনি মখায়দা মীওই লাখ ২গা লিশিং ১৩না মসিগী কান্নবা লৌখ্রে হায়না ঐঙোন্দা তম্মি‍। শুপ্নতগী থা অনি মখায়দা মীওই লাখ ২ হেনবা হায়বসি অদোমসু খন্থবিয়ু‍ মসিনা কয়া য়াম্না কান্নবী পীরিবগে হায়বদু‍। অহল ওইরবা ইমাশিং- ইচেশিং, ইমুংগী অহল ওইরবা মীওইশিংনা য়াত্রা অসি চৎপা মতমদা ঐগুম্বা মীওই কয়া অমনা মখোয়গী থৌজাল ফংলিবসিনা ঐখোয়বু থবক হেন্না তৌনিংহন্নবা থৌনা পীরি‍।

ইচিন ইনাউশিং,

অনৌবা ভারতকী পান্দমশিং মীয়ামগী মথৌ তাবশিং খঙদুনা, পাম্লিবশিং খঙদুনা থুনা য়াঙনা থবক তৌরবা মতমদা ফংবা ঙমগনি‍। মায়কৈ অসিদা মীয়াম্না য়াম্না শোন্নদবা থৌরাং অমসু লৈরি‍। থৌরাং অসি কেন্দ্রগী থাক্তা ‘প্রগতি’ হায়না মিংথোন্দুনা শেমগৎলিবা থৌরাংনি‍। ঐনা গুজরাত্তা লৈবা মতমদা স্বাগত থৌরমগী ৱাফম য়াম্না ঙাঙনখি‍। অদুবু লৈবাকসিদা প্রগতি থৌরম পায়খৎলিবা অসিনা লৈবাক্কী তোঙান তোঙানবা য়োজনাশিং, ইন্ফ্রাস্ত্রকচরগী প্রোজেক্তশিং থুনা য়াঙনা পায়খৎহনবদা প্রগদি ফম্পাক্কী চাউরবা থৌদাং লৈ‍। প্রগতিগী মীফমদা ঐ ইশামকসু পুং কয়া ফমদুনা স্তেতশিংগী ওফিসিএলশিংগা প্রোজেক্ত অমমমগী ওইনা মচা খায়না খন্ন-নৈনবগী থবক তৌই হায়বা ৱাফমসি লৈঙাক্কী মরী লৈনবা মীওইশিংনা খঙই‍। মখোয়গী খুদোংচাদবা ফীভমশিংগী পাম্বৈ পুথোক্নবা হোৎনরি‍। প্রগতিগী মীফমশিংদা স্তেকহোল্দর খুদিংমক্তা হকথেংননা খন্নদুনা চহী কয়া পন্দুনা লৈরম্বা প্রোজেক্তশিং থুনা লোইশিন্নবা পাম্বৈ পুথোক্নবা ঐনা হোৎনৈ‍। হৌখিবা চহী ৫দা প্রগতিগী মীফমশিংদা লুপা করোর লাখ ১৩ হেনবগী প্রোজেক্তশিংগী ৱাফম নৈনখ্রে‍। মীফমশিং অদুদা লৈবাক্কী মথৌ তাবা, অদুবা চহী কয়া লোইশিন্দনা লৈরম্বা থৌরাং কয়াগী রিভিউ তৌরবা মতুংদা ওইথোকপা য়াবা পাম্বৈশিং পুথোকখি‍।

মরূপশিং,

চহী কয়া পন্দুনা লৈরম্বা স্কিমশিংদা খোঙজেল হাপ্পদগী সুরতকুম্বা ঐখোয়গী ময়োল্লমশিংনা খোঙজেল য়াঙনা চেনখৎলক্লি‍। ঐখোয়গী ইন্দস্ত্রীশিং অমদি মরুওইনা অপীকপা ইন্দস্ত্রীশিং, এম.এস.এম.ই.শিংদা মশানা মশাবু থাজবা ফীভম ফংহন্দুনা মালেমগী অচৌবা কৈথেলশিংদা হিদান্নবগী লমজেল য়াওদুনা মখোয়গী মনাক্তা অচৌবা লৈবাকশিংদা ফথলিবা ইনফ্রাস্ত্রকচরশিং হৌজিক্তি লৈরে‍। আত্মনিরভর ভারত অভিয়ান্দা অসিগুম্বা অপীকপা ইন্দস্ত্রীশিংগীসু তোঙান তোঙানবা অচৌবা খোঙথাঙ কয়া লৌখৎখ্রে‍। অপীকপা ইন্দস্ত্রীশিং অৱাফমদগী কন্নবগীদমক নাকল অমরোমদা লুপা করোর লিশিং কয়াগী অরায়বা শেন্থংগী খুদোংচাবা ফংহল্লে‍। অদুগা নাকল অমরোমদনা এম.এস.এম.ই.শিংদা খুদোংচাবা হেন্না পীনবগীদমক মরুওইবা ফিরেপশিংসু লৌখি‍। খ্বাইদগী চাউবা ফিরেপ্তি, লৈঙাক্না এম.এস.এম.ই.শিংগী ৱাহন্থোক্তগী হৌরগা শেল থাদবগী মতাঙদনি‍। হান্নদি লৈঙাক্তগী ফংগদবা খুদোংচাবশিং মাঙখিগদরা হায়বগী মিপাইবা ফাওনবনা এম.এস.এম.ই.শিং চাউথোকহনবদগী থিংলম্মি‍। হৌজিক্তি লৈঙাক্না অসিগুম্বা ফীভমশিং লৌথোক্তুনা মখোয়গীদমক অনৌবা লম্বী হাংদোক্লে‍। মসিগা লোয়ননা অনৌবা ৱাহন্থোক্তা মেনুফেকচরিং অমসুং সর্ভিস এন্তরপ্রাইজশিংগী খেন্নবসু লৈহন্দ্রে‍। মসিনা সর্ভিস সেক্তরদা অনৌবা ওইথোকপা য়াবা কয়া পোকহল্লে‍। অদুগা লৈঙাক্না পোৎ লৈশিনবদসু এম.এস.এম.ই.শিংগা খুদোংচাবা হেন্না ফংহন্নবা থৌরাংসু লৌখৎলে‍। ঐখোয়গী অপীকপা ইন্দস্ত্রীশিং মপুং ফানা চাউখৎহন্নবা মখোয়দা থবক তৌরিবা শিন্মী মরুপশিংদা হেন্না ফবা খুদোংচাবা ফংহন্নবা, পুন্সিগী মশক হেন্না থোকহন্নবা হোৎনরি‍।

মরূপশিং,

য়াম্লবা থৌরাংশিং অসিগী মরুমদা ২১শুবা চহীচাগী নহাশিং, ভারতকী মশিং য়াম্লবা নহাশিংগী অপাম্বনি‍। মখোয়গী অপাম্বা, মখোয়গী থাজবা খুদোংচাবশিং অসি খুদোংচাবা ৱাৎপনা মরম ওইরগা থুংহনবদা অরুবা অমা ওই‍। হায়রিবা অরুবা ফীভমশিং অদু লৌথোক্তুনা মঙলানশিং মঙফাওনহন্নবা অমদি হোৎনজমল মহৈ য়ালহন্নবা থবক তৌগনি হায়বগী ঐঙোন্দা থাজবা লৈ‍। অহমদবাদ অমসুং সুরতকী মেত্রো প্রোজেক্তশিং অসিনা হায়রিবা ময়োল্লমশিং অসিগী মীয়ামগী পামজবা অমদি খৌরাংনা ঙাইরম্বশিং ফংহল্লগনি হায়না ঐনা থাজৈ‍।

হায়রিবা থাজবা অসিগা লোয়ননা গুজরাতকী ইচিন ইনাউ খুদিংমক, মরুওইনা অহমদবাদ অমসুং সুরতকী মীয়াম, ইচিন-ইনাউশিংগী মফমদা ঐগী মায়কৈদগী নুংঙাইবা ফোঙদোকচরি‍।

হন্না হন্না থাগৎচরি‍।

ভারতকী ওলিম্পিয়নশিংবু পুক্নিং থৌগৎসি! #Cheers4India
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
India's core sector output in June grows 8.9% year-on-year: Govt

Media Coverage

India's core sector output in June grows 8.9% year-on-year: Govt
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 31 জুলাই, 2021
July 31, 2021
Share
 
Comments

PM Modi inspires IPS probationers at Sardar Vallabhbhai Patel National Police Academy today

Citizens praise Modi Govt’s resolve to deliver Maximum Governance