প্রধান মন্ত্রী শ্রী নরেন্দ্র মোদীনা ঙসি ভুতানগী প্রধান মন্ত্রী লাইয়োনছেন দাঃ লোতে শেরিংগা তেলেফোন্দা ৱারী শানখ্রে।
ভুতানগী প্রধান মন্ত্রীনা কোবিদ-১৯ লায়চৎকী হৌখিবা ৱেবকী মায়োক্তা ভারতকী সরকার অমসুং মীয়ামগা লোয়ন্না পুন্ন হোৎনমিন্নখিবা অদুবু ফোংদোকখি। প্রধান মন্ত্রীনা ভুতানগী সরকার অমসুং মীয়াম্বু মখোয়গী য়াইফ পাওজেল অমসুং মখোয়না পীরকপা মতেংগীদমক থাগৎপা ফোংদোকখি।
মহাক্না হিস মেজেস্তী নিংথৌগী লুচিং মখাদা ভুতান্না লায়চৎ অসিগী মায়োক্তা লান্থেংনরিবা অসিবুসু থাগৎপা ফোংদোকখি অমসুং লাইয়োনছেন্দা মখা তানা কন্না হোৎননবা য়াইফ পাওজেল পীখি।
হৌজিক ওইরিবা ফিভম অসিনা মখা তানা ভারত অমসুং ভুতানগী মরক্তা অখন্নবা মরুপ-মপাং অমা ওইহনবা, নাকল অনিগী ৱাখল তামিন্নবা অমসুং ৱা তানবা চেৎশিনবা, কলচরেল হেরিতেজগী মতাংদা মত পীনবা অমসুং মীয়ামগী পাও ফাওননবা শক্তি লৈবা মীওইগী মতাংদা পনখি।
