শ্রী লঙ্কাগী রাস্ত্রপতি ঐচ.ই. মিস্তর গোতবয়া রাজাপক্সা অমসুং শ্রী লঙ্কাগী প্রধান মন্ত্রী মিস্তর মহিন্দা রাজাপক্সানা প্রধান মন্ত্রী শ্রী নরেন্দ্র মোদীদা ঙসি প্রধান মন্ত্রীগী মপোক কুমওন তাবা অসিদা য়াইফ মঙ্গল পীনবা কোল তৌরকখ্রে।
শ্রী লঙ্কাগী লুচিংবা অনিনা য়ুম্লোন্নরিবা লৈবাকশিংগী মরক্তা মরী মখা তানা ফগৎহন্নবা অপাম্বা অমদি লৌখৎলিবা থবকশিংগী মতাংদা ফোঙদোকখি। কোবিদ লায়চৎকী মায়োক্তা পুন্না লান্থেংনবা য়াওনা লৈবাক অনিনা পুন্না মখা তানা থবক তৌমিন্নরিবা অসিগীদমক থাগৎপা ফোঙদোকখি।
প্রধান মন্ত্রীনা লুচিংবা অনিনা য়াইফ মঙ্গল পীরকপগীদমক থাগৎপা ফোঙদোকখি অমসুং ভারতকী নাইবরহুদ ফার্স্ত পোলিসীগা লোয়ননা লৈবাক অনিগী মরক্তা পুন্না থবক পাইখৎমিন্নবা অসি মখা চত্থনবা মখোয়গা লোয়ননা থবক তৌমিন্নবগী অপাম্বা মহাক্না ফোঙদোকখি।
