প্রধান মন্ত্রী শ্রী নরেন্দ্র মোদীগী বার্তন্দা য়ুনাইতেদ স্তেৎসকী রাস্ত্রপতি হিজ এক্সেলেন্সী দোনাল্দ জে. ত্রম্প, ফার্স্ত লেদী মেলানিয়া ত্রম্পকা লোয়ননা ২০২০গী ফেব্রুৱারী ২৪-২৫দা ভারত্তা রাজ্য খোংচৎ অমদা লাক্কনি। মসিনা রাস্ত্রপতিগী ভারত্তা অহানবা খোংচৎ ওইরগনি।
খোংচৎ মনুংদা রাস্ত্রপতি ত্রম্প অমসুং ফার্স্ত লেদীনা নই দিল্লী, অমসুং গুজরাতকী অহমদাবাদতা ওফিসিয়েল এঙ্গেজমেন্তদা শরুক য়াগনি অমসুং ইন্দিয়ন সোসাইতীগী পাক চাউরবা ক্রোস-সেক্সন অমগা লোয়ননা ৱারী শানগনি।
ভারত অমসুং য়ুনাইতেদ স্তেৎসকী মরক্তা লৈরিবা গ্লোবেল স্ত্রেতেজিক পার্তনরশিপ অসি থাজবা, শেয়ার্দ ভেল্যু, অমনা অমবু ইকায় খুম্নবা অমসুং খংবদা য়ুমফম ওইরি অমসুং লৈবাক অনিগী প্রজাশিংগী মরক্তা মরূপ ওইবগী মরীনা খুদম ওইরি। প্রধান মন্ত্রী মোদী অমসুং রাস্ত্রপতি ত্রম্পকী লুচিং মখাদা লৈনরিবা মরী অসি হেন্না পাকথোক চাউথোক্তুনা ললোন-ইতিক, দিফেন্স, তেরোরিজম থেংনবা, ইনর্জী, রিজনেল অমসুং গ্লোবেল ইশুশিংদা কোওর্দিনেসনগা লোয়ননা প্রজাশিংগী মরক্তা লৈনরিবা মরী য়াওনা লম পুম্নমক্তা মরুওইবা প্রোগ্রেস পুরক্লে। খোংচৎ অসিনা লুচিংবা অনিমকপু নাকল অনিগী লৈনরিবা মরীদা প্রোগ্রেস নৌহৌনা য়েংশিনবা অমসুং ঐখোয়গী স্ত্রাতেজিক পার্তনরশিপ মখা তানা চেৎশিলহন্নবা তাঞ্জা ফংলগনি।
