প্রধান মন্ত্রীগী ওফিস্তা ও.এস.দি. ওইনা হৌজিক মথৌ তৌরিবা শ্রী পি.কে. সিনহাবু প্রধান মন্ত্রী শ্রী নরেন্দ্র মোদীগী প্রিন্সিপাল এদভাইজর ওইনা হাপখ্রে।
শ্রী সিনহা ২০১৫গী জুন ১৩দগী ২০১৯গী ওগস্ত ৩০ ফাওবা কেবিনেৎ সেক্রেতরী ওইনা মথৌ তৌখি। মহাক উত্তর প্রদেস কেদরদগী ১৯৭৭ বেচকী আই.এ.এস. ওফিসর অমা ওইখি।
মহাক্কী শিংথানীংঙাই ওইরবা কেরিয়র মনুংদা, শ্রী সিনহানা পাৱর অমসুং শিপ্পিং মন্ত্রালয়দা সেক্রেতরী ওইনা মথৌ তৌখি। পেত্রোলিয়ম অমসুং নেচরেল গ্যাস মন্ত্রালয়দা মহাক্না স্পিসিয়েল সেক্রেতরী ওইনসু মথৌ তৌখি।
মহাক্না দিল্লী য়ুনিবর্সিতীগী সেন্ত স্তেফেন কোলেজদগী ইকোনোমিক্সতা গ্রেজুয়েসন লোয়শিনখি। মদুগী মতুং মহাক্না দিল্লী স্কুল ওফ ইকোনোমিক্সতগী ইকোনোমিক্সতা পোস্ত গ্রেজুয়েৎ লোইশিনখি। মতুং তারকপদা, থবক তৌরিঙৈ মনুংদা মহাক্না পব্লিক এদমিনিস্ত্রেসন্দা মাস্তর্স দিপ্লোমা অমসুং সোসিয়েল সাইন্সতা এম.ফিল. ফংবসু ঙমখি।
আই.এ.এস.তা মহাক্না মতম শাংনা থবক তৌরিঙৈ মনুংদা, শ্রী সিনহানা উত্তর প্রদেশকী রাজ্য সরকার অমদি কেন্দ্র সরকার অনিমক্তা কেপাসিতী কয়াদা থোইদোক হেন্দোক্না মথৌ তৌরম্মি।
রাজ্য সরকারগী থাক্তা শ্রী সিনহানা জোনপুর অমসুং আগ্রাগী দিস্ত্রিক্ত মেজিস্ত্রেদ, বরানিসীগী কমিস্নর, সেক্রেতরী (প্লানিং) অমসুং প্রিন্সিপাল সেক্রেতরী (ইরিগেসন) অসিনচিংবা এসাইনমেন্ত কয়া অমা পায়খি। কেন্দ্র সরকারদা মহাক্না চহী কয়া থবক তৌরম্মি – মরুওইনা ইনর্জী অমসুং ইনফ্রাস্ত্রকচর সেক্তরশিং, খুদম ওইনা, পেত্রোলিয়ম অমসুং নেচরেল গ্যাস মন্ত্রালয়, পাৱর মন্ত্রালয়, অমসুং শিপ্পিং মন্ত্রালয়নি। ইনর্জী, ইনফ্রাস্ত্রকচর অমসুং ফাইনান্সকী লমশিংদা মহাক থোইদোক হেন্দোক্না খঙবা ওইরি।
