ঙসি, য়ুগাবদ ৫১২৭
বিক্রম সম্ভৎ ২০৮২
শকা সম্ভৎ ১৯৪৭
ফালগুন, শুক্লা পক্ষগী থাদা,
অস্তমীগী নুমিৎতা,
ফেব্রুৱারী ২৪, ২০২৬তা,
কেন্দ্রগী মন্ত্রীমন্দলগী পুৱারী ওইরবা অহানবা মীফম অসি প্রধান মন্ত্রী শ্রী নরেন্দ্র মোদীজীনা লুচিংদুনা অনৌবা প্রধান মন্ত্রীগী লোইশঙ 'সেবা তীর্থ'তা পাংথোক্লি।
মীফম অসি অমসুং বিলদিং অসি অনৌবা ভারত অমা শেমগৎপা অদুবু হকথেংননা উৎলি। শঙ্গাবা অসিগা লোয়ননা, ঐখোয়না চহি চা কয়া কন্না হোৎনদুনা শেমগৎলকখিবা তুংলমচৎ অদুবু ঐখোয়না তরাম্না ওক্লি। নীংতম্বা ফংলবা মতুংদগী চহি তরাগী খুজিং কয়াগী মমাংদগী লৈঙাকশিংনা মসিগী লেগেসী অসিবু ঙাক্তুনা থম্মী অমসুং প্রধান মন্ত্রীগী লোইশঙ, সাউথ ব্লোকতা তুংলমচৎকী মঙলান উবা ফংলি। ঐখোয়গী ৱাখল্লোন অসি ভারতকীনি, মসিগী মওং-মতৌ অসি মোদর্ননি, অমসুং মসিগী পোতেন্সিএল অসি পনখৈ লৈতে। ঙসি, মসিগী সেবা তীর্থ অসি ৱাখল্লোন অদুগী মশক অমনি, মসিনা ভারতপু দেমোক্রেসীগী মমা ওইবগী ইকাই খুম্নবা অদু হেনগৎহনগনি।
ঙসি, থৌরম অসিদা, ঐখোয়না মফম অসিগী পুৱারীসু নীংশিংলি। 'সেবা তীর্থ' অসি মথৌ তৌদনা কুইনা লৈরক্লবা বৃতিশকী মতমদগী লৈরক্লবা মতম খরগী ওইবা বারকশিং লৈরম্বা মফমদা শাখি। মফম অসিদা নেস্নেল গভর্নান্সকীদমক অচৌবা লোইশঙ অমা শাবা অসিনা অনৌবা ভারত অমগী নৌনা অওনবগী খুদম অমসু ওইরি।
মীখা পোল্লিঙৈ মতমগী মমাংদা, ভারত অসি অমরোমদা মশক মতৌগী মতিক-ময়াই অমসুং মীওইবগী মগুনশিংগীদমক্তা মমিং চৎপা লৈবাক অমা ওইনা খঙনরম্মি। সেবা তীর্থাগী ৱাখল্লোন অসি ৱাখল্লোন অনিমক পুনশিনবনি। মসিগী মপুং ওইবা ৱাখল্লোন অসি থবক মফম অসিবু থৌদাং, সেবা অমসুং থাজবগী মরীনা শেম্বা, লাই খুরুম্বা মফম অমা ওইনা অশেংবা মফম অমা ওইহনবা অসিনি।
'সেবা তীর্থ'তা অহানবা মীফম অসি পাংথোকপগা লোয়ননা, কেন্দ্রগী মন্ত্রীমন্দলনা মফম অসিদা লৌখৎকদবা ৱারেপ খুদিংমক অসি লৈবাক অসিগী মীওই করোর ১৪০গী সেবা তৌবগী ৱাখল্লোনদগী ইথিল পীগনি অমসুং লৈবাক শেমগৎপগী পাক চাউবা পান্দমগা মরী লৈনগনি হায়না অমুক হন্না থাজবা পীরি।
ঐখোয়গীদমক্তদি, কন্সতিত্যুস্নেল ভেল্যুশিং অসি লৈঙাকলোনগা নাগরিকশিংগী ইকাই খুম্নবা, থোং মান্নবা অমসুং অচুম্বা ৱায়েলগা শম্নহল্লিবা মোরেল কম্মিৎমেন্তকী ফোঙদোকপনি। 'সেবা তীর্থ'কী থবক থৌরমগী চৎনবী অসি ৱাখল্লোন অসিনা লমজিংগনি, মসিদা চৎন-কাঙলোন খুদিংমক সংবিধানগী ৱাখল্লোনগা চুনগনি অমসুং ৱারেপ খুদিংমক লৈবাক মীয়ামগী অপাম্বশিংগা চুনগনি।
কেন্দ্রগী মন্ত্রীমন্দলনা কমপ্লেক্স অসিদা লৌখৎকদবা ৱারেপ খুদিংমক "নাগরিক দেবো ভাব"গী স্পিরিৎনা ইথিল পীরগনি হায়না অমুক হন্না থাজবা থম্লি। মফম অসি শক্তি উৎনবগী মফম অমা ওইররোই, অদুবু ভারত মচা খুদিংমকপু শক্তি পীনবগী মফম অমা ওইরগনি। "সেবা তীর্থ"না লমজিংবা গভর্নান্সকী থৌওং খুদিংমক অসি লৈবাক অসিগী অরোইবা মীওই অদুগী পুন্সিবু লাইথোকহন্নবগী ৱাখল্লোন্দা য়ুম্ফম ওইগনি। ঐখোয়না অমুক হন্না হায়জরি মদুদি ঐখোয়গী ভিজন অসিগী মতুং ইন্না ঐখোয়না গভর্নান্স মোদেল অমা হেন্না মপাঙ্গল কনখৎহল্লগনি। মসি ত্রান্সপরেন্ত, একাউন্তেবল অমসুং নাগরিকশিংগী সেন্সিতিবিতীশিং খঙনা চৎকনি।
‘সেবা তীর্থ’না গভর্নান্স ইনফ্রাস্ত্রকচর অমগী তঙাইফদবা অদুগী পাউখুমনি মসিনা ইনর্সিয়াগী মহুৎ দাইনামিজম, থৱায় য়াওদবগী মহুৎ ইকাই খুম্নবা অমসুং চীংনবগী মহুৎ ৱারোইশিন পুরকপা অসি প্রমোৎ তৌগনি।
মসিগী মীৎয়েং অসিগা লোয়ননা, প্রধান মন্ত্রী শ্রী নরেন্দ্র মোদীগী লুচিং মখাদা হৌখিবা চহিদা লৌখিবা ৱারেপশিংনা লৈঙাকপগী পান্দমদা অনৌবা ক্লেরিতী অমা পীখ্রে। নাগরিক মিলিয়ন কয়াগী পুন্সিদা অহোংবা পুরকপা অসিনা লৈঙাক পাইবদা মীয়াম্না থাজবা হেনগৎহল্লে।
হৌখিবা চহি তরা অসিদা লৈবাক অসিনা মীওই মিলিয়ন ২৫০ হেন্না লাইরবদগী থোরকপা ঙমলোই হায়না উরিবা অসি ওইথোকপা ঙমহনখ্রে। লৈঙাক্কী মীৎয়েং শানবা ৱাখল্লোন, মপুং ফাবা ভিজন, অমসুং চোকথবা লৈতনা হোৎনবনা অসিগুম্বা মাইপাকপশিং অসিদা ঙাকলৌ পীখি। আয়ুশ্মান ভারতকী খুত্থাংদা লৈবাক অসিনা মীওই মিলিয়ন কয়াদা হকশেলগী সেক্যুরিতী ফংহনবগী মগুন অদু ফংলে। প্রধান মন্ত্রী গরীব কল্যান অন্ন য়োজনা অসিনা চাউরাক্না মীওই মিলিয়ন ৮০০গী ফুদ সেক্যুরিতী ফংহন্দুনা চাবা ফংদবগী অৱাবা কোকহল্লে। স্বচ্ছ ভারত মিসনগী মখাদা তোইলেৎ মিলিয়ন ১২০ হেন্না শাবা অসিনা ইমুং মিলিয়ন কয়া অমসুং নুপী কয়াদা ইকাই খুম্নরবা পুন্সি অমা ফংহল্লে। অসিগুম্বা মশীং পুম্নমক অসিনা গভর্নান্সকী মায়োল অদু তাক্লি মদুদা পোলিসীগী অরোইবা পান্দম অসি নাগরিকশিংগী পুন্সিবু লায়থোকহনবা হায়বা অসিনা ওইরি।
মসিগা মান্ননা, য়ুম মিলিয়ন ৪০ হেন্না শাবনা ইমুং মিলিয়ন কয়াদা য়ুম অমসুং সেক্যুরিতী ফংহল্লে। জল জীবন মিসনগী খুত্থাংদা, খুঙ্গংগী লমদমশিংদা লৈবা মীওই করোর ১২ হেনবদা থক্নবা ঈশিং ফংহল্লে।
কেন্দ্রগী মন্ত্রীমন্দলনা ভারতকী শেন্মিৎলোনদা চাউনা অহোংবা পুরক্লিবা অসি লেপ্তনা চৎথরিবা রিফোর্মগী খোঙচৎ অমনি হায়না লৌরি। "মিনিমম গভর্নমেন্ত, মেক্সিমম গভর্নান্স"গী মন্ত্র অসিগা লোয়ননা, জি.এস.তি., দি.বি.তি. অমসুং দিজিতেল ইন্দিয়াগুম্বা রিফোর্মশিংনা সরকার অসি হেন্না ত্রান্সপরেন্ত, হেন্না ইফিসেন্ত, অমসুং হেন্না সিতিজন-সেন্ত্রিক ওইহল্লে। ফেসলেস তেক্স ওদিৎশিংনা ইকাই খুম্নবা হেনগৎহল্লি অমসুং মীচম প্রজাশিংগী থাজবা হেনগৎহল্লি। হায়রিবা হোৎনরিবশিং অসিগী মহৈ ওইনা, ভারতনা ঙসিদি মালেমগী মকোক থোংবা ইকোনোমীশিংগী মরক্তা মশাবু মপাঙ্গল কনখৎহনখ্রে।
মন্ত্রীমন্দলনা 'সেবা তীর্থ'কী অনৌবা ইনর্জী অমসুং 'রিফোর্ম এক্সপ্রেস'কী খোঙজেল য়াংনা, ঐখোয়না তুংলমচৎতা মালেমগী খ্বাইদগী ফবা ইকোনোমী অহুমগী মনুংদা ভারতকী মফম অমা কন্নবা ঐখোয়গী ৱারেপ অদু মপুং ফাহনগনি হায়না ৱারেপ লৌখি।
ঙসি কেন্দ্রগী মন্ত্রীমন্দলনা "২০৪৭ ফাওবদা ভিক্সিৎ ভারত"কী লৈবাক্কী ৱারেপ অদুদা অমুক হন্না থাজবা থম্লি। মসি মতম শাংনা চত্থগদবা জাতিগী খোঙচৎ অমনি, মসিদা ঙসি লৌরিবা ৱারেপশিংনা লাক্কদৌরিবা চারোন-শুরোনশিংগী তুংলমচৎ শেমগনি। "সেবা তীর্থ"কী অহানবা মীফম অসিনা ঐখোয়দা নীংশিংহল্লি মদুদি চাউখৎপগী পান্দম অসি য়াম্নমক চাউখৎলক্লিবমখৈ, মসিগী মায়কৈদা ঐখোয়গী থৌদাং অসিসু হেন্না চাউখৎকদবনি।
কমপ্লেক্স অসি অনৌবা মতমগী থবক মফম অমা খক্তা নত্তে। মসিনা গভর্নান্সকী অনৌবা থবক চৎনবী অমগী খুদমসু ওইরি। মাগী মোদর্ন তেক্নোলোজী অমসুং ইফিসিএন্ত ৱার্কিং মেথদশিংগী খুত্থাংদা, সরকারগী ইফিসিএন্সী অসি অনৌবা অৱাংবা থাক্তা য়ৌরগনি। মসিদা চংশিল্লিবা ফাইল খুদিংমক অমসুং মসিদা থবক তৌরিবা কর্ময়োগী খুদিংমক্না মখোয়গী থবক অসি লৈবাক অসিগী অরোইবা মীওই অমগী পুন্সিদা লাইথোকহনবগা মরী লৈনৈ হায়বা ৱাখল্লোন অসিনা ইথিল পীগনি। কেন্দ্রগী মন্ত্রীমন্দলনা ৱারেপ লৌখ্রে মদুদি মসিনা রিসোর্সশিংবু লৌশিং লৈবা মওংদা শিজিন্নবদা পুক্নিং থৌগৎকনি অমসুং চহি কয়া অসিদা লৈবাক অসিনা থেংনরক্লিবা রিফোর্মশিংগী লেপ্তনা চৎথরিবা খোঙচৎ অসি য়াংখৎকনি।
অহানবা মীফম অসিনা ভারতনা অহোংবা পুরকপগী তাঙ্কক অমদা লেপ্লি, মসিদা পোলিসী, ইন্তেন্সন অমসুং লুচিংবা অসিনা চাউখৎলবা ভারত অমগী মায়কৈদা চংশিল্লি হায়বা থাজবা অসি হেন্না মপাঙ্গল কনখৎহল্লি। "সেবা তীর্থ"না লমজিংবা অনৌবা থবক তৌবগী চৎনবী অসিনা ভারতপু মপাঙ্গল লৈরবা, মপাঙ্গল কনবা অমসুং মশা মথন্তা লেপচবা লৈবাক অমা ওইনা চাউখৎপগী য়ুম্ফম ওইগনি।
ইকাই খুম্নরবা প্রধান মন্ত্রী শ্রী নরেন্দ্র মোদীগী মীৎয়েং শানবা লুচিং মখাদা কেন্দ্রগী মন্ত্রীমন্দলনা 'সেবা তীর্থ' অসি সেন্সিতিব, রেস্পোন্সিব অমসুং সিতিজন-সেন্ত্রিক গভর্নান্সকী মালেমগী ওইবা খুদম অমা ওইহন্নবগীদমক মহাক্কী অচেৎপা ফিরেপ অদু অমুক হন্না ফোংদোকখ্রে। ২০৪৭ ফাওবদা ভারত অসি চাউখৎপা, মপাঙ্গল লৈরবা অমসুং মশা-মরোমদোম লেপচবা ঙম্বা লৈবাক অমা ওইনবা ভারতকী খোঙচৎ অসিদা কমপ্লেক্স অসি নেস্নেল এস্পিরেসনশিংগী শক্তি লৈরবা হব অমা ওইগনি হায়না মন্ত্রীমন্দলনা ৱারেপ লৌখি।
आज युगाब्द 5127, विक्रम संवत 2082, फाल्गुन शुक्ल अष्टमी के दिन नवनिर्मित सेवा तीर्थ में केंद्रीय कैबिनेट की प्रथम बैठक हुई। इसमें देश के लिए कई अभूतपूर्व निर्णय लिए गए।
— Narendra Modi (@narendramodi) February 24, 2026
इस दौरान, कैबिनेट ने ये संकल्प भी लिया कि स्वदेशी सोच, आधुनिक स्वरूप और 140 करोड़ देशवासियों के अनंत सामर्थ्य…
