ঙসি বিউনোস আইরিসতা প্রধান মন্ত্রী নরেন্দ্র মোদী, রুসিয়াগী প্রসিদেন্দ ব্লাদিমির পুতিন অমসুং চাইনাগী প্রসিদেন্দ সি জিনপিংগী নাকল অহুমগী মীফম পাংথোকখ্রে ।
মালেমগী থবক-থৌরম কয়াদা অমনা অমগী মতেং পাংনবা হেনগৎহন্নবা লুচিংবা অহুম্না মখোয়গী ওইবা ৱাফমশিং খন্নখি অমসুং লৈবাক অহুম অসিগী মরক্তা হেন্না নকশিনবদা পুক্নিং থৌগৎখি । মালেমগী ওইনা কান্নবা পীরিবা লুপশিং হায়বদি য়ুনাইতেদ নেসন্স, দব্লিউ তি ও অমসুং ফজনা লৈরিবা অনৌবা মালেমগী শেন-থুমগী ইন্সতিতুৎশিং অমুক হন্না শেমদোকপগী মরুওইবশিং অমসুং মপাঙ্গল কনখৎহনবগী মতাংদা মখোয়না য়ানখি । মালেমগী ওইনা চাউখৎনবা অমসুং নুংঙাইনবা লৈবাকশিংগী মরক্তা ললোন-ইতিক তৌনবা অমসুং মনিং তম্বা মালেমগী শেন্মিৎলোন অমা শেমগৎপগী কান্নবশিং মখোয়না পনখি ।
মালেমগী অমসুং লমদম লমদমগী ওইনা শান্তি লৈনবা থাক কয়া থোক্না চাংনাইনা ৱা খন্নবা হায়না লুচিংবা অহুম্না য়ানখি অমসুং ব্রিক্স, এস সি ও অমসুং ই এ এসগী খুৎথাংদা মতেং পীনবা হেনগৎহন্দুনা মালেমগী ওইনা শিংনরক্লিবা তেরোরিজম অমসুং ক্লাইমেত চেন্জ থেংনবা অমসুং য়ানদবশিং শান্তি ওইবা মওংদা ৱারোইশিন পুরক্নবা থবকশিং পুক্নিং থৌগৎখি ।
আর আই সিগী মওংদা মতেং পীনবগী মরুওইবা অদু লুচিংবা অহুম্না শক খঙখি অমসুং মালেমগী থৌরম কয়াদা নাকল অহুমগী মীফমশিং মখা তানা পাংথোকপা হায়না য়ানখি ।
Deepening engagement with valued development partners.
— PMO India (@PMOIndia) November 30, 2018
President Vladimir Putin, President Xi Jinping and PM @narendramodi participate in the RIC (Russia, India, China) trilateral in Buenos Aires. @KremlinRussia pic.twitter.com/G8zj5C1ezZ
