ঐহাক্কী মরূপ অমসুং নেপালগী প্রধান মন্ত্রী কে.পি. শর্ম ওলী,
লৈবাক অনিমক্কী সেনিয়র মিনিস্তরশিং অমসুং ওফিসিয়েলশিং,
খুরুমজরি!
অহানবা মক্তদা ঐঙাক্না ঐহাক্কী মায়কৈদগী অমসুং ভারতমচা পুম্নমক্কী মায়কৈদগী ওলীজী অমসুং নেপালদা লৈরিবা ঐখোয়গী মরূপ পুম্নমকপু অনৌবা চহী ২০২০গী য়াইফ পাউজেল পীজরি।
মসি অনৌবা চহী খক্তা নত্তনা অনৌবা চহী তরাগী খুজিং অমা হৌরে।
অনৌবা চহী অসিনা ময়াম পুম্নমক্কী হকচাং ফবা, চহী শাংবা, চাউখৎপা, হরাও তয়াম্বা অমসুং শান্তি পুরকপা ওইরসনু হায়না ঐহাক্না থৌনিজরি।
লৈবাক অনিমক্কী তোঙান তোঙানবা মফমশিংদা সংক্রান্তিগী থৌরমসু তোঙান তোঙানবা মওং মতৌদা, অদুবু চপ মান্নবা হরাও তয়াম্বগা লোয়ননা মমাং চয়োলদা পাংথোকখ্রে। কুমহৈ অসিগী তঞ্জাদসু ঐহাক্না ময়াম পুম্নমকপু য়াইফ পাউজেল পীজরি।
এক্সেলেন্সী,
অনৌবা চহী অমসুং অনৌবা চহী তরাগী খুজিং হৌরকপা অসিমক্তদা ঐখোয়না ঙসিগী য়াইফরবা থৌরম অসিদা অমত্তা ওইনা শরুক য়ারি। মসি য়াম্না নুঙাইবা হিরম অমনি।
হৌখিবা থা মঙাগী মনুংদা ঐখোয়না অনিরকশুবা ওইনা লৈবাক অনিগী মরক্তা নাকল অনিগী ওইবা প্রোজেক্তশিং ভিদিও লিঙ্ককী খুত্থাংদা পাংথোক্লি। মসি ভারত-নেপাল মরীদা লেপ্পা লৈতনা চাউখৎলক্লিবা অদুগী খুদম্নি।
মরূপশিং,
নেপালগী মখল খুদিংমক্কী দিবেলপমেন্তদা, নেপালগী প্রায়োরিতীগী মতুং ইন্না ভারত থাজনিঙাই ওইরবা পার্তনর অমগী থৌদাং লৌদুনা লাক্লি।
‘নাইবরহুদ ফার্সত’ অসি ঐহাক্কী সরকারগী মরুওইবা পোলিসীনি অমসুং ক্রোস বোর্দর কনেক্তিবিতী ফগৎহনবা অসি মসিগী মরুওইবা মওং মতৌ অমনি।
ভারত-নেপলগী ওইরগদি হেন্না ফবা কনেক্তিবিতীগী ইশু অসি হেন্না মরু ওই, মরমদি ঐখোয়গী মরী অসি য়ুম্লোন্নবা ওইবা অদু খক্তা নত্তে অদুম ওইনমক পুৱারী অমসুং জিওগ্রাফীনা ঐখোয়বু কলচর, নেচর, ইমুং-মনুং, লোন, দিবেলপমেন্ত অমসুং অতোপ্পা মরী কয়াগী থোংদা শম্নরি।
মরম অসিনা ঐখোয় লৈবাক অনিগী মরক্তা অফবা কনেক্তিবিতীনা ঐখোয়গী পুন্সীবু হেন্না নকশিন্ননা শম্নহল্লি অমসুং ঐখোয়গী থম্মোইগী মরক্তা অনৌবা লম্বী হাংদোক্লি।
কনেক্তিবিতীনা লৈবাক খক্তা নত্তনা রিজন পুম্নমক্কী দিবেলপমেন্তকীদমক কেতালিস্তকী থবক তৌরি।
য়ুমলোন্নবদা মরূপওইবা লৈবাক পুম্নমক্কা লোয়ননা হেন্না ফবা ত্রান্সপোর্তেসন ফেসিলিতীশিং দিবেলপ তৌবা অমসুং ত্রেদ, কলচর, এদজুকেসন অসিনচিংবদা মখা তানা মরী শেমগৎনবা থবক তৌরি।
ভারত অমসুং নেপালনা ক্রোস কনেক্তিবিতী প্রোজেক্তশিং লম্বী-থোং, রেল অমসুং ত্রান্সমিসন লাইনশিংদা থবক তৌরি। ঐখোয়গী লৈবাকশিংগী মরক্তা ঙমখৈগী মরুওইবা মফমশিংদা ইন্তিগ্রেতেদ চেক পোস্তনা নাকল অনিগী ওইবা ললোন ইতিক অমসুং চৎথোক চৎশিন তৌবদা খুদোংচাবা য়াম্না ফংহল্লি।
এক্সেলেন্সী,
ইন্তিগ্রেতেদ চেক পোস্ত শেম্বগী অহানবা ফেজদা ঐখোয়না বিরগঞ্জ অমসুং বিরাতনগরদা ইন্তিগ্রেতেদ চেক পোস্ত শানবা ৱারেপ লৌখি। বিরগঞ্জকী ইন্তিগ্রেতেদ চেক পোস্ত ঐখোয়না ২০১৮দা হাংদোকখি।
হৌজিক বিরাতনগরদসু ইন্তিগ্রেতেদ চেক পোস্ত মথৌ হৌরিবা অসি য়াম্না নুঙাইবা হিরম অমনি। ভারতকী মায়কৈদা রক্সৌল অমসুং জোগবনিদা হান্নদগী মসিগী খুদোংচাবা অসি লৈরে।
লাক্কদৌরিবা চহীশিংদসু ঐখোয়না অসিগুম্বা মোদর্ন ফেসিলিতীশিং দিবেলপ তৌগনি হায়না ঐহাক্না মপুং ফানা থাজবা থম্লি।
এক্সেলেন্সী,
২০১৫দা য়ুহা হাখিবা অদু অকিবগী মশক ওইরবা থৌদোক্নি। য়ুহা হাবগুম্বা নেচরেল দিজাস্তরশিংনা মীওইবগী উইন কনবা অমসুং পুক্নিং য়ুংবগী চাংয়েং তৌরি। ভারতমচা খুদিংমক্না চাউথোকচবা ফাওরি মদুদি খুদোংথিবা থৌদোক অসি ঐখোয়গী নেপালগী ইচিল-ইনাও অমসুং ইচে-ইচলশিংনা ইচং থৌনা মায়োক্নখি।
মী কনবা অমসুং তেংবাং পীবগী ওপরেসন্দা ভারতনা অহানবা তেংবাং য়ৌহনখিবা লৈবাক্কী থৌদাং অদু লৌখি। ভারত হৌজিক নেপালগী রিকন্সত্রক্সন্দা ঐখোয়গী মরূপশিংগা লোয়ননা লেং মান্ননা থবক তৌরি। নক্নবা য়ুমলোন্নবা অমসুং মরূপ ওইবনা মসি ঐখোয়গী তৌফম থৌকপা ইথৌদাং ওইখি।
মরম অদুনা গোর্খা অমসুং নুৱাকোত জিলাশিংদা য়ুমশিং নৌনা শাবগী থবক্তা খুমাং চাউশিল্লিবা অদু য়েংলগা ঐহাক য়াম্না অপেনবা ফাওই।
ঐখোয়না হোৎনরিবা অসি য়ুমশিং অসি ‘বুইল্দ বেক বেত্তর’গী প্রিন্সিপলদা শাবনি। অদুগা ‘আর্থক্বেক রেসিলিয়েন্ত তেক্নিক’ শিজিন্নদুনা মসিবু হেন্না মপাঙ্গল কলহনবনি।
মসি য়াম্না হরাওনিঙাই হিরমনি মদুদি ভারত-নেপাল তেংবাংগী মখাদা য়ুম লিশিং য়াঙ্খৈগী মনুংদা য়ুম লিশিং নিফুমঙা শাবা লোইখ্রে। ঐখোয়না আশা তৌরি মদুদি লেমহৌরিবা য়ুমশিংসু অথুবা মতমদা লোইশিল্লগনি। অমদি য়ুমশিং অদু নেপালগী ইচিল-ইনাও অমসুং ইচে-ইচলশিংগী মফমদা অথুবা মতমদা কত্থোকপা ঙম্লগনি।
এক্সেলেন্সী,
অদোমগী তেংবাংনা মরম ওইদুনা হৌখিবা চহী কয়াদা ভারত-নেপাল মরীদা মমাংদা অমুক্তা ওইখিদ্রিবা মওংদা প্রোগ্রেস উবা ফংলে। ঐখোয়গী তেংবাং অমসুং দিবেলপমেন্তকী পার্তনরশিপ খোংজেল য়াংনা মাংলোমদা চংশিল্লি। মসিগা লোয়ননা ঐখোয়না অনৌবা লম কয়াদসু তেংবাং পীনবা হৌরে।
ঐহাক্না আশা তৌরি মদুদি অনৌবা চহী অসিদা অদোমগী তেংবাং অমসুং কোওপরেসন্না ঐখোয়গী মরী অসি হেন্না ৱাংবা থাক্তা পুখৎলগনি। অমদি অনৌবা চহী তরাগী খুজিং অসি ভারত-নেপালগী লৈনরিবা মরীশিংগী গোল্দন দিকেদ ওইরগনি।
অমুক হন্না হকচাং ফবা অমসুং মায়পাকপগীদমক অদোমগী মফমদা য়াইফ পাউজেল পীজরি। অমসুং থৌরম অসিগীদমক ভিদিও লিঙ্ককী থোংদা শরুক য়াবগীদমক ঐহাক্না অদোম্বু থাগৎপসু ফোংদোকচরি।
অন্ত মা, তপাই হরু সবৈ লাই ধেরৈ শুভকামনা দিন্সু।
খুরুমজরি।
