প্রধান মন্ত্রী শ্রী নরেন্দ্র মোদীনা ঙসি নই দিল্লীগী লোক কল্যান মার্গতা পাংথোকপা থৌরম অমদাভারতকী নীংতম ইহৌদা থৱাই কৎখ্রবা অথৌবশিংগী দিকস্নরী ফোংখ্রে।
থৌরম অদুদা ৱা ঙাংলদুনা মহাক্না হায়খি মদুদি মসিগী ভোল্যুম মঙা পানবা দিকস্নরী অসিদা ১৮৫৭তা থোকখিবা ভারতকী অহানবা নীংতম লানদগী হৌরগা ভারতনা নীং তম্বা ফংবা ১৯৪৭ ফাওবদা থৱাই কৎখ্রবা অথৌবশিংগী মরমদা য়াওরি।
মসিদা অতোপ্পা কয়াগা লোয়ননা জালিয়ানৱালা বাগগী তমথিরবা মীহাৎতা লৈখিদ্রবা অথৌবশিং, মতেং পীদবা খোংজং, ভারত থাদোক্লো অন্দোলন, অমদি অজাদ হিন্দ ফৌজকী লান্মীশিং, থৱাই কৎখিবশিং য়াওরি হায়না মহাক্না ফোংদোকখি। মসি থৱাই কৎখ্রবা অথৌবশিংগী মমিংশিংবু য়াম্না চাউনা অহানবা ওইনা খোমজিন্নবা হোৎনবনি হায়না মহাক্না হায়খি। মহাক্না খোমজিনবা অসিদা শরুক য়াখিবশিং অমদি মখোয়না হোৎনখিবশিং অদু থাগৎপা ফোংদোকখি।
কেন্দ্র সরকারনা হোৎনরিবা অসি ঐখোয়গী নীংতম ইহৌগী অথৌবশিংগী থৌনা ফরবা শিংথানীংঙাই ওইরবশিং অদু নৌহৌনা নীংশিংবা অমদি য়োক্তুনা থম্বনি হায়না প্রধান মন্ত্রীনা ফোংদোকখি।
নীংতম্লবা মতুংদগী অসুক কুইবা মতমসি ভারতনা ৱার মেমোরিয়েল অমা ফাওবা লৈরমদে হায়না প্রধান মন্ত্রীনা ফোংদোকখি। হন্দক্তা মহাক্না নেস্নেল ৱার মেমেরিয়েল নত্ত্রগা রাস্ত্রীয় সমর স্মারক লৈবাক মীয়ামদা কত্থোকখ্রে হায়না মহাক্না ফোংদোকখি। মতৌ অদুম্না নেস্নেল পুলিস মেমোরিয়েলসু শেমগৎখ্রে হায়না মহাক্না হায়খি। মহাক্না সর্দার বল্লভভাই পতেলবু ইকাই খুম্নরদুনা শারিবা মালেমদা খ্বাইদগী ৱাংবা মীতম স্তেচু ওফ য়ুনিতীসু পনখি। নেতাজী সুভাশ চন্দ্র বোস অমসুং অজাদ হিন্দ ফৌজবু নীংশিংলদুনা লাল কিলাদা লালহৌগী লাইশঙ লিংখৎখ্রে হায়না মহাক্না ফোংদোকখি। ঐখোয়গী নীংতম ইহৌদা শরুক য়াখিবা ত্রাইবেল অথৌবশিংগী থৌনা ফরবা শিংথানীংঙাই ওইবশিং অদু নীংশিংলদুনা ম্যুজিয়মশিংসু শাখ্রে হায়না মহাক্না ফোংদোকখি।
থৌরম অদুদা কলচরগী, কেন্দ্রগী রাজ্য মন্ত্রী (মনীংতম্বা) দা. মহেশ শর্মসু শরুক য়াখি।
য়ুম্ফমঃ
ভারতকী নীংতম ইহৌগী থৱাই কৎখ্রবা অথৌবশিংগী দিকস্নরী খোমজিনবগী প্রোজেক্ত অসি ১৮৫৭কী ইহৌ অদুগী ১৫০শুবা কুমওন নীংশিংনবা কলচর মন্ত্রালয়না ইন্দিয়ন কাউন্সিল ওফ হিস্তোরিকেল রিসর্স (আই.সি.ঐচ.আর)দা কম্মিশন তৌখি।
দিকস্নরী অসিদা ভারতপু মীখা পোনবদগী কোকহন্নবা লৈবাক মীয়ামগী খোংজংদা শরুক য়াবদা লৈখিদবা নত্ত্রগা থৌদোক্তা হাৎখ্রবা নত্ত্রগা ফাদোক পীখ্রবা নত্ত্রগা অহকপা চৈরাক পীখ্রবা মীওই অমমমবু মশক তাকপা য়াওরি। মসিদা ব্রিতিশকা মায়োক্নবদা লৈখিদ্রবা এক্স-আই.এন.এ. নত্ত্রগা এক্স-মিলিতরী পর্সোনেলশিং য়াওরি।
মসিদা ১৮৫৭কী ইহৌদা থৱাই কৎখ্রবা অথৌবশিং, জালিয়ানৱালা বাগগী তমথিরবা মীহাৎ (১৯১৯), মতেং পীদবা খোংজং (১৯২০-২২), সিভিল দিসওবিদেন্স মুবমেন্ত (১৯৩০-৩৪), ভারত থাদোক্লো অন্দোলন (১৯৪২-৪৪), রিভোলুস্নরী ইহৌশিং (১৯১৫-৩৪), কিসান ইহৌশিং, ত্রাইবেল ইহৌশিং, ইন্দিয়ন নেস্নেল আর্মী (১৯৪৩-৪৫), রোয়েল ইন্দিয়ন নেভী অপসর্জ (১৯৪৬) অসিনচিংবা অথৌবা চাউরাক্না ১৩,৫০০গী ই-পাউশিং মসিগী ভোল্যুমশিং অসিদা রেকোর্দ তৌরি।
পব্লিকেসন অসি মখাগী অসুম্না ভোল্যুম মঙাদা (জোন-জোনগী ওইনা) পুথোক্লি:
- “দিকস্নরী ওফ মার্তিয়র্স: ইন্দিয়াজ ফ্রীদম স্ত্রগল (১৮৫৭-১৯৪৭)”, ভোল্যুম ১, পার্তস I & II. মসিগী ভোল্যুম অসিদা দিল্লী, হরিয়ানা, পঞ্জাব অমসুং হিমাচল প্রদেশকী অথৌবা ৪৪০০ হেন্না মমিং পল্লি।
- “দিকস্নরী ওফ মার্তিয়র্স: ইন্দিয়াজ ফ্রীদম স্ত্রগল (১৮৫৭-১৯৪৭)”, ভোল্যুম ২, পার্তস I & II. মসিগী ভোল্যুম অসিদা উত্তর প্রদেশ, উত্ত্রাখন্দ, মধ্য প্রদেশ, ছত্তিসগর, রাজস্থান অমসুং জম্মু অমসুং কাশ্মীরগী অথৌবা ৩৫০০ হেন্না মমিং পল্লি।
- “দিকস্নরী ওফ মার্তিয়র্স: ইন্দিয়াজ ফ্রীদম স্ত্রগল (১৮৫৭-১৯৪৭)”, ভোল্যুম ৩. ভোল্যুম অসিদা য়াওরিবা অথৌবশিংগী মশিং অসি ১৪০০ হেল্লি। ভোল্যুম অসিনা মহারাস্ত্রা, গুজরাত অমসুং সিন্ধগী অথৌবশিং কোন্সিল্লি।
- “দিকস্নরী ওফ মার্তিয়র্স: ইন্দিয়াজ ফ্রীদম স্ত্রগল (১৮৫৭-১৯৪৭)”, ভোল্যুম ৪. ভোল্যুম অসিদা য়াওরিবা অথৌবশিংগী মশিং অসি ৩৩০০ হেল্লি। ভোল্যুম অসিনা বেঙ্গল, বিহার, ঝার্খন্দ, ওরিশা, অসম, অরুনাচপ প্রদেশ, মণিপুর, মেঘলায়, নাগালেন্দ অমসুং ত্রিপুরাগী অথৌবশিং কোন্সিল্লি।
- “দিকস্নরী ওফ মার্তিয়র্স: ইন্দিয়াজ ফ্রীদম স্ত্রগল (১৮৫৭-১৯৪৭)”, ভোল্যুম ৫. ভোল্যুম অসিদা য়াওরিবা অথৌবশিংগী মশিং অসি ১৪৫০ হেল্লি। ভোল্যুম অসিনা অন্ধ্র প্রদেশ, তেলঙ্গনা, কর্নাতকা, তামিল নাদু অমসুং কেরলাগী অথৌবশিং কোন্সিল্লি।
