প্রধান মন্ত্রী শ্রী নরেন্দ্র মোদীনা নোংমাইজিং নুমীৎতা দিল্লী এন সি আর রিজন্দা নৌনা শাবা এক্সপ্রেসৱে অনিজাতিদা খুৎশিন্নখ্রে। মসিগী মনুংদা অহানবা অসি নিজামুদ্দিন থোংদগী দিল্লী–য়ু পি বোর্দর ফাওবা তিংথোকখ্রিবালেন ১৪গী দিল্লী– মীরুৎ এক্সপ্রেসৱেগী অহানবা ফেজনি। জাতিদা কত্থোকখিবা অনিশুবা প্রোজেক্ত অদুনানেস্নেল হাইৱে ১গী কুন্দলীদগী নেস্নেল হাইৱে ২গী পলৱাল ফাওবগী কিলোমীতর ১৩৫ শাংবা ইস্তর্নপেরিফেরেল এক্সপ্রেসৱেনি।
দিল্লী – মীরুৎ এক্সপ্রেসৱে অসি মপুং ফানা লোইশিল্লগদি লৈবাক্কী কোনুং অসিদগী মীরুৎ অমদি নোংচুপ থংবাউত্তর প্রদেশকী তোঙান তোঙানবা শরুকশিং অমসুং উত্তরাখন্দ ফাওবা চৎপগী মতম অসি হন্থহল্লগনি।
দিল্লী মীরুৎ এক্সপ্রেসৱে শঙ্গারবা মতুং হাইৱে অসি য়েংশিল্লদুনা প্রধান মন্ত্রীনা অনৌবা লম্বী অদুদা ওপন জিপঅমদা কিলোমীতর খরা চৎপগী খোচৎতা মীয়ামগী মফমদা নুংঙাইবা ফোংদোকখি।
ইস্তর্ন পেরিফেরেল এক্সপ্রেসৱে অসিনা নেস্নেল কেপিতেল অসিগী ত্রাফিক হন্থহনবগা লোইননা পোলুসনসুহন্থহল্লগনি।
থৌরম অদুদা বাঘপেত্তা তিনখিবা মীয়ামদা ৱা ঙাংলদুনা প্রধান মন্ত্রীনা দিল্লী মীরুৎ এক্সপ্রেসৱে অসি অথুবামতমদা মপুংফানা লোইশিল্লগনি হায়না থাজবা পীখি। ইস্তর্ন পেরিফেরেল এক্সপ্রেসৱেনা দিল্লীদা ত্রাফিকচিল্লিবা অদু হন্থহল্লগনি হায়না মহাক্না ফোংদোকখি। মীয়ামগী হিংবগী থাক হেঙ্গৎহন্নবা মোর্দন ইনফ্রাস্ত্রকচরনামরুওইবা থৌদাং লৌরি হায়না মহাক্না হায়খি। লম্বী থোংশিং, রেলৱেজ, ৱাতরৱেজ য়াওনা ইনফ্রাস্ত্রকচর শেমগৎশাগৎপদা লৌখৎলিবা খোংথাংশিং অদু মহাক্না পনখি। মহাক্না ইনফ্রাস্ত্রকচর দিবেলপমেন্তদা খুমাংচাউশিল্লিবশিং অদুগী খুদমশিং পীখি।
নুপীশিংদা শক্তি শিন্নবগী লমদা প্রধান মন্ত্রীনা স্বচ্ছ ভারত মিশনগী মখাদা অমাং শঙশিং শাবা, অমদি উজ্জ্বলায়োজনাগী মখাদা এল পি জি কনেক্সন ফংহনবনা মতৌ করম্না নুপীশিংগী পুন্সি মহিংদা লাইথোকহনবগে হায়বাঅদু শন্দোক্না হায়খি। মুদ্রা য়োজনাগী মখাদা পীখিবা লোন কোতি ১৩গী মনুংদা চাদা ৭৫দি নুপী ইন্ত্রপ্রিনরশিংনিহায়না মহাক্না ফোংদোকখি।
সেদ্যুল কাস্ত অমসুং ও বি সিশিংগীদমক লৌখৎলিবা খোংথাংশিং অদুসু প্রধান মন্ত্রীনা পনখি।
চহি অসিগী য়ুনিয়ন বজেৎতা রুরেল অমসুং এগ্রীকলচরেল ইনফ্রাস্ত্রকচর হেঙ্গৎহন্নবা লুপা কোতি লাখ ১৪গীশেনফম হাপখ্রে হায়না প্রধান মন্ত্রীনা ফোংদোকখি।
