নবেম্বর ১, ২০২৩গী অয়ুক পুং ১১ তাবদা ভিদিও কনফরেন্সকী খুৎথাংদা ভারতকী মতেংনা পায়খৎপা চাউখৎ-থৌরাংগী প্রোজেক অহুম প্রধান মন্ত্রী শ্রী নরেন্দ্র মোদী অমসুং বাংলাদেসকী প্রধান মন্ত্রী সৈখ হসিনা অনিনা পুন্না শঙ্গাগনি। প্রোজেক অহুম অদুদি অখৌরা-অগরতালা ক্রোস-বোর্দর রেল লিঙ্ক; খুলনা-মোংগ্লা পোর্ত রেল লাইন; অমসুং মাইত্রি সুপর থর্মেল পৱার প্লান্তগী য়ুনিত-২ নি।
অখৌরা-অগরতালা ক্রোস-বোর্দর রেল লিঙ্ক অসি বাংলাদেস ফাওবা য়ৌনবা ভারত সরকারগী লুপা করোর ৩৯২.৫২গী মতেংগা লোয়ননা পায়খৎপনি। রেল লিঙ্ক অসিগী অশাংবা কিমি ১২.২৪নি অমসুং মসিগী মনুংদা বাংলাদেসতা কিমি ৬.৭৮কী দুয়েল গেজ রেল লাইন অমা অমসুং ত্রিপুরাদা কিমি ৫.৪৬ য়াওরি।
খুলনা-মোংগ্লা পোর্ত রেল লাইন অসি ভারত সরকারগী য়ু.এস দোল্লার মিল্লিয়ন ৩৮৮.৯২গী লাইন ওফ ক্রেদিৎকী মখাদা পায়খৎপনি। প্রোজেক অসিদা মোংগ্লা পোর্ত অমসুং খুলনাদা হৌজিক লৈরিবা রেল লাইনগী মরক্তা কিমি ৬৫গী ব্রোদ গেজ রেল লাইন শেমগৎপনি। মসিনা বাংলাদেসকী খ্বাইদগী অচাউবা অনিশুবা হিথাংফম মোংগ্লাদা ব্রোদ গেজ রেল নেতৱার্ক য়ৌরে।
মাইত্রি সুপর থর্মেল পৱার প্রোজেক অসি য়ু.এস দোল্লর বিল্লিয়ন ১.৬গী ভারতকী লোনগী শেনফম অমগী মখাদা পায়খৎপনি অমসুং মসি বাংলাদেসকী খুলনা দিবিজনগী রামপালদা লৈবা মেগাৱাত ১৩২০গী সুপর থর্মেল পৱার প্লান্ত অমনি। বাংলাদেস-ইন্দিয়া ফ্রেন্দসিপ পৱার কম্পেনি(প্রাইভেদ) লিমিতেৎনা পায়খৎপা প্রোজেক অসি, ভারতকী এন.তি.পি.সি লিমিতেৎ অমসুং বাংলাদেস পৱার দিবলপমেন্ত বোর্দকী মরক্তা ৫০:৫০গী জোইন্ত ভেঞ্চরনি। মাইত্রি সুপর থর্মেল পৱার প্লান্ত য়ুনিত-১ সেপ্তেম্বর ২০২২দা প্রধান মন্ত্রী অনিনা পুন্না শঙ্গাখ্রে অমসুং য়ুনিত-২ নবেম্বর ১,২০২৩দা শঙ্গাগনি। মাইত্রি সুপর থর্মেল পৱার প্লান্ত থবক হৌবা অসিনা বাংলাদেসতা মৈ মরাংকাইনা ফংবা হেনগৎহনগনি।
প্রোজেকশিং অসিনা লমদম অসিদা লম্বী-থোং অমসুং ইনর্জি সেকুরিতি মপাঙ্গল কনগৎহনগনি।
