প্রধান মন্ত্রী শ্রী নরেন্দ্র মোদীনা ঙসি রসিয়ন ফেদরেসনগী প্রসিদেন্ত হিজ এক্সিলেন্সী ব্লাদিমির পুতিনগা লোয়ননা তেলিফোন্দা ৱারী শাখ্রে।
মখোয়না ৱারী শানবা অদুদা লুচিংবা অনিনা হন্দক্তা ঐচ.ই. প্রসিদেন্ত পুতিন্না ভারত্তা লাক্লম্বা অদুদা খন্নখিবা হীরম খরগী মতাংদা খন্ন-নৈনখি। ঙসিগী ৱারী ৱাতাই শানবা অদুনা ঙাকশেলদা মতেং পীনবা হেনগৎহন্নবা খুদোংচাবশিং, হারশিংগী সপ্লাই তৌবদা মতেং পীনবা, রসিয়ন ফার ইস্তকা লোয়ননা ভারতকী থবক তৌমিন্নবা হেনগৎহনবা অসি য়াওনা হীরমশিং অসিদা তুংলমচৎতা পাইখৎক্কদবা থবক্কী মপাঙ্গল কনখৎহনবদা মতেং পাংখ্রে। ৱারী ৱাতাই শানবা অদুনা মালেমগী ওইবা সমস্যাশিংগী মতাংদসু ৱাখল্লোনশিং ফোঙদোক্নবা খুদোংচাবসু ফংখি।
লুচিংবশিংনা ইন্দিয়া-রসিয়া স্পেসিএল এন্দ প্রিভিলেদজ স্ত্রেতেজিক পার্তনরশিপকী মখাদা কোনশিল্লিবা হীরম পুম্নমক্তা চাং নাইনা অদুমক পাউ ফাওনবা, অমসুং বাইলেতরেল কোওপরেসন চেৎশিনহনবা লোয়ননা মল্তিলেতরেল ফোরাদা কন্সল্তেসন অমসুং কোওর্দিনেসন অসি মখা চত্থহনবা হায়বা অসিদা য়ান্নখি।
