প্রধান মন্ত্রী শ্রী নরেন্দ্র মোদীনা ঙরাং তামিল নাদুগী কোইম্বতোরদা সাউথ ইন্দিয়া নেচরেল ফার্মিং সমিৎ ২০২৫দা লৌমীশিংগা ৱারী শানখ্রে। নেচরেল ফার্মিংদা শরুক য়ারিবা লৌমীশিংবু তরাম্না ওক্লদুনা শ্রী মোদীনা লফোই থাবা য়েংখি অমসুং লফোই থাবগী মতাংদা হংখি। লৌমী অদুনা হায়খি মদুদি উৎলিবা পোৎলম খুদিংমক লফোইগী অরেম-অপাশিংদগী শেম্বা ভেল্যু এদেদ প্রদক্তশিংনি। প্রধান মন্ত্রীনা মখোয়গী পোত্থোকশিং অসি ভারত শিনবা থুংনা ওনলাইনদা য়োল্লিৱ্রা হায়না হংখি, মদুদা লৌমী অদুনা হায়খি। মখোয়না ফার্মর প্রোদ্যুসর ওর্গনাইজেসনশিং (এফ.পি.ও.শিং) অমসুং ইন্দিভিজুএল কন্ত্রিব্যুতরশিংগী খুত্থাংদা তামিল নাদু পুম্নমক্কী মহুৎ শিন্দুনা থবক তৌরি হায়না লৌমী অদুনা মখা তাখি। মহাক্না হায়খি মদুদি মখোয়গী পোত্থোকশিং অসি ওনলাইনদা য়োনবা, এক্সপোর্ত তৌবা অমসুং ভারত শীনবা থুংনা লোকেল মার্কেৎশিং অমসুং সুপরমার্কেৎশিংদা ফংলি। শ্রী মোদীনা এফ.পি.ও. অমমমদা মীওই কয়ানা পুন্না থবক তৌমিন্নবগে হায়না হংখি অমসুং লৌমী অদুনা চাউরাক্না মীওই লিশিং অমা য়াওরি হায়না পাউখুম পীখি। প্রধান মন্ত্রীনা ৱাফম অসি খঙলদুনা লফোই থাবগী থবক অসি মফম অমখক্তদা খক্তমক থাব্রা নৎত্রগা অতোপ্পা মহৈ-মরোংশিংগা পুনশিন্দুনা থাব্রা হায়না মখা তানা হংখি। লৌমী অদুনা হায়খি মদুদি তোঙান-তোঙানবা মফমশিংনা তোঙান-তোঙানবা এক্সক্লুসিব প্রদক্তশিংদা স্পেসিয়েলাইজ তৌই অমসুং মখোয়গী জি.আই. প্রদক্তশিংসু লৈ হায়না মহাক্না মখা তাখি।
অতোপ্পা লৌমী অমনা চা মখল মরি লৈ হায়না শন্দোক্না তাকখি - চাঙাং, চাঙৌ, উলোং চা অমসুং গ্রীন তি। মহাক্না হায়খি মদুদি লোং চা অসি চাদা ৪০ ফর্মেন্তেদ ওই। প্রধান মন্ত্রী শ্রী নরেন্দ্র মোদীনা হায়খি মদুদি হৌজিক্তি চাঙৌগী অচৌবা কৈথেল অমা লৈরে, মসিদা লৌমীশিংনা য়াখি। ফার্মরশিংনা মহৌশাগী ওইবা ফার্মিংগী খুত্থাংদা মতমগী মতুং ইন্না পুথোকপা খামেন হৈনৌগুম্বা মখল কয়াগী মনা-মশিং অমসুং মহৈ-মরোংশিংসু উৎখি।
প্রধান মন্ত্রী শ্রী মোদীনা তুংদা মোরিঙ্গা নৎত্রগা দ্রামস্তিক্কা ইন্নখি। মহাক্না হংখি মদুদি হৌজিক্তি পোত্থোক অসি কৈথেলদা মপাঙ্গল কন্না লৈরিবরা হায়না, মদুগী পাউখুমদা লৌমী অদুনা হায়খি। শ্রী মোদীনা মোরিংগাগী মনাশিং শীজিন্নবগী মতাংদা হংখি। মোরিংগাগী মনাশিং অসি পাউদর ওইনা প্রোসেস তৌদুনা এক্সপোর্ত তৌই হায়না লৌমী অদুনা তাকখি। প্রধান মন্ত্রীনা হায়খি মদুদি মোরিঙ্গা পাউদরদা হৌজিক-হৌজিক দিমান্দ য়াম্না লৈরে, অমসুং লৌমী অদুনা মসি ফোংদোকখি। শ্রী মোদীনা মখা তানা করম্বা লৈবাকশিংনা মরুওইনা পোত্থোক অসি থাদোকপগে হায়না হংখি। লৌমী অদুনা মরুওইবা কৈথেলশিং অদু য়ুনাইতেদ স্তেৎস ওফ অমেরিকা, অফ্রিকান লৈবাকশিং, জাপান, অমসুং খা-নোংপোক এসিয়াগী শরুকশিংনি হায়না পাউখুম পীখি।
লৌমী অদুনা মখা তারদুনা হায়খি মদুদি এক্সপোর্ত পুম্নমক্তা তামিল নাদুগী জি.আই. পোত্থোকশিং য়াওরি। মসিদা কুম্বকোনমগী বেতেলগী মনাশিং অমসুং মদুরাইগী জেসমিন য়াওনা পোত্থোক ২৫ উৎলি। শ্রী মোদীনা কৈথেল য়ৌশিনবগী মতাংদা হংখি। মসিগী পাইখুমদা লৌমী অদুনা হায়খি মদুদি পোৎথোকশিং অসি ভারত শিনবা থুংনা ফংলি অমসুং তামিল নাদুদা থৌরম খুদিংদা মরু ওই হায়না ফোংদোক্লি। প্রধান মন্ত্রীনা ফার্মর অদুনা হায়খি মদুদি বারাণসীদগী মীওইশিংনা ক্বা মনাসু পুশিল্লকপরা হায়না মহাক্না হংখি।
শ্রী মোদীনা পোত্থোক হেনগৎলকপগী মতাংদা হংখি। মসিগী পাইখুমদা লৌমী অদুনা মখোয়দা হৌজিক্তি পোত্থোক ১০০ হেন্না লৈরে, মসিদা মহি অসি মরুওইবা পোৎশক অমনি হায়না পাউখুম পীখি। প্রধান মন্ত্রীনা কৈথেলগী ওইথোকপা য়াবশিংগী মতাংদা ৱাহং হংখি অমসুং লৌমী অদুনা হায়খি মদুদি মখোয়গী হানি পোত্থোকশিংনা মালেমগী কৈথেলশিংদা য়ৌরকপগা লোয়ননা দিমান্দ অসি য়াম্না ৱাংই।
প্রধান মন্ত্রীনা মখা তানা খঙহনখি মদুদি মখোয়দা মিলেতকা মান্নবা ন্যুত্রিসনেল ভেল্যু লৈবা মহৌশাগী চেঙ মখল লিশিং অমা লৈরি। শ্রী মোদীনা হায়খি মদুদি তামিল নাদুনা চেঙ লমদা পায়খৎলিবা থবকশিং অসি মালেমগী ওইনা লম্বাবীনবা লৈত্রি। লৌমী অদুনা য়ানিংবা ফোংদোকখি। মহাক্না মখা তাখি মদুদি এক্সপোর্ত তৌরিবা চেঙ অমসুং মরী লৈনবা ভেল্যু এদেদ প্রদক্ত পুম্নমক মফম অদুদা উৎখ্রে।
অতোপ্পা লৌমী অমগা ৱারী শানবদা, শ্রী মোদীনা নহা ওইরিবা লৌমীশিংনা ত্রেনিংগীদমক মাংলোমদা চংশিল্লি হায়না হংখি। লৌমী অদুনা মশিং য়াম্লবা নহারোলশিংনা থৌনা লৈনা শরুক য়ারি হায়না ফোংদোকখি। পি.ঐচ.দি. হোল্দরশিং য়াওনা অসিগুম্লবা মকোক থোংবা মহৈ তম্লবা মীওইশিংনা অহানবদা মসিগী থবক অসিগী মমল খঙবদা অৱাবা লৈরম্বা য়াই, অদুবু মখোয়না মসিগী কান্নবশিং অদু উরবা মতুংদা মখোয়না মসিগী মমল খঙবা হৌরকই হায়না প্রধান মন্ত্রীনা ফোংদোকখি। লৌমী অদুনা হায়খি মদুদি মমাংদা অসিগুম্বা মীওইশিং অসি এক্সসেন্ত্রিকনি হায়না লৌনরম্মি, অদুবু হৌজিক্তি মখোয়না থা অমদা লুপা লাখ ২ ফংলি, অমসুং মখোয় অসি ইথিল পীবা অমনি হায়না লৌনরি। লৌমী অসিনা মখা তানা হায়খি মদুদি মখোয়না মহৌশাগী ওইবা লৌউ-শিংউগী স্কিমগী মখাদা মখোয়গী মোদেল ফার্মদা লৌমী ৭০০০ অমসুং কোলেজ মহৈরোই ৩০০০ দা ত্রেনিং পীখ্রে। প্রধান মন্ত্রীনা মখোয়না কৈথেল অমা ফংবা ঙমগদ্রা হায়না হংখি। লৌমী অদুনা হায়খি মদুদি মখোয়না অতোপ্পা লৈবাকশিংদা হকথেংননা কৈথেল থম্বা অমসুং এক্সপোর্ত তৌই, অমসুং হের ওল, কোপ্রা অমসুং সাপোনগুম্বা পোত্থোকশিংগী খুত্থাংদা ভেল্যু এদিসনসু পায়খৎলি।
শ্রী মোদীনা হায়খি মদুদি মহাক্না গুজরাত্তা লৈরিঙৈ মতমদা মহাক্না "কেত্তল হোস্তেল"গী ৱাখল্লোন পুথোকখি। মহাক্না হায়খি মদুদি খুঙ্গংগী শা পুম্নমক অমত্তা ওইবা ফেসিলিতী অমদা থমদুনা খুঙ্গং অসি শেংদোকপা ঙম্মি, অমসুং সিস্তেম অসি মেনতেন্সন তৌনবগীদমক দোক্তর অমখক অমসুং সপ্পোর্ত স্তাফ মরিদগী মঙা ফাওবগী মথৌ তাই। লৌমী অদুনা য়াখি অমসুং মহাক্না মখা তাখি মদুদি সেতঅপ অসিনা জিবঅম্রিৎ পুথোকপদা মতেং পাংলি, মদুগী মতুংদা মনাক নকপদা লৈবা লৌমীশিংদা ফংহল্লি।
তামিল নাদুগী রাজ্যপাল, শ্রী আর.এন. রবি অমসুং কেন্দ্রগী মন্ত্রী, দা. এল মুরুগানসু শরুক য়াখি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
Here are highlights from a very insightful interaction with farmers at the South India Natural Farming Summit in Coimbatore. Their passion for agriculture, innovation and sustainability is noteworthy. pic.twitter.com/GXacGtR1c2
— Narendra Modi (@narendramodi) November 20, 2025
