Share
 
Comments

ইকায় খুম্ননীংঙাই ওইরবশিং,

কোবিদ-১৯ লাইচৎনা অমুক্তা থোকখিদ্রিবা অয়েৎপা কয়া থোকহল্লে। অদুগা, মসিনা লোইবা নত্ত্রি। মালেমগী শরুক অয়াম্বা অমা তীকা থাদগবা ৱাৎলি। মরম অসিনা, রাস্ত্রপতি বাইদেনগী খোঙথাং অসি মতাং য়াম্না চাবা ওইবনা ঐহাক্নসু তরাম্না ওক্লি।

ইকায় খুম্ননীংঙাই ওইরবশিং,

ভারতনা মীওইবা খুন্নাইবু ইমুং-মনুংনি হায়দুনা মতম পুম্বদা খন্দুনা লাক্লি। ভারতকী ফার্মাস্যুতিকেল ইন্দস্ত্রীনা শেল য়াম্না চঙদবা দাইগ্নোস্তিক কিৎ, হিদাক, মেদিকেলগী খুৎলায় অমসুং পি.পি.ই. কিৎ পুথোকখ্রে। মসিনা চাউখৎলক্লিবা লৈবাক কয়াদা শেল চঙদবা ৱারোইশিন ওইবগী পাম্বৈ পীরি। মসিদা নত্তনা, ঐখোয়না লৈবাক ১৫০ হেনবদা হিদাক অমসুং মেদিকেল সপ্লাই পীখ্রবনি। দি.এন.এ.দা য়ুম্ফম ওইবা মালেমগী খ্বাইদগী অহানবা ভেক্সিন য়াওনা লৈবাক অসিদা শাজবা ভেক্সিন অনিসু ভারত্তা “খুদক্তা শিজিন্নবা য়াবগী অয়াবা” ফংখ্রে।

ভারতকী অতোপ্পা কম্পেনী কয়া অমসু তোঙান-তোঙানবা ভেক্সিন পুথোকপগী থবক্তা শরুক য়ারি।

হন্দক্কী চহিগী অঙনবদা, ঐখোয়না অতোপ্পা লৈবাক ৯৫ অমসুং য়ু.এন. পিস কীপরশিংগা ঐখোয়না পুথোকচবা ভেক্সিন পীনখি। অদুগা, ঐখোয়না অনিশুবা ৱেব কন্না থেংনবা মতমদা মালেম্না ইমুং-মনুং অমগুম্না ভারতকীদমক্তা লেপ্পীখি।

ভারতকীদমক্তা লেপ্পীখিবা অমসুং তেংবাংলকখিবগীদমক্তা, ঐহাক্না খ্বাই পুম্নমকপু থাগৎচরি।



ইকায় খুম্ননীংঙাই ওইরবশিং,

ভারতনা হৌজিক্তি মালেমগী খ্বাইদগী চাউবা তীকা থাবগী খোঙজং পাংথোক্লি। ঐখোয়না হন্দক্তসু নোংমদা চাউরাকপা মীওই মিলিয়ন ২৫ তীকা থাখি। ঐখোয়গী গ্রাসরুৎ লেভেলগী হেল্থকেয়র সীস্তেম্না হৌজিক ফাওবদা ভেক্সিন মিলিয়ন ৮০০ হেন্না কাপখ্রে।

হৌজিক্তি, ভারত মচা চাউরাকপা মিলিয়ন ২০০দি ভেক্সিন কাপ্লে। হায়রিবসি কো-ৱিন কৌবা ঐখোয়গী অনৌবা দিজিতেল প্লেৎফোর্ম শিজিন্নবদগী ওইথোকপনি।

অমগা-অমগা পোৎলম লান্নবগী ইথিলগা লোয়ননা, ভারতনা কো-ৱিন অমসুং অতোপ্পা দিজিতেল সোল্যুসন কয়া অমা ওপন সোর্স সোফৱেয়র ওইনা লেম্না ফংহল্লি।

ইকায় খুম্ননীংঙাই ওইরবশিং,

অনৌবা ভারতকী ভেক্সিন কয়া পুথোক্লকপগা লোয়ননা, ঐখোয়না হান্নদগী লৈরবা ভেক্সিন পুথোকপগী মশিংসু হেনগৎহল্লি।

ঐখোয়গী ভেক্সিন পুথোকপগী মশিং হেনগৎলকপগা লোয়ননা, অতোপ্পা লৈবাকশিংদা ভেক্সিন পীবগী থবকসু অমুক হন্না হৌরগনি। মসিগীদমক্তা, রো মেৎরিএলশিংগী সপ্লাই চেন অসি হাংদোক্তুনা থম্ফম থোকই।

ঐখোয়গী খোঙলোয় মরিগা লোয়ননা, ঐখোয়না ভারতকী পোত্থোক শাবগী পাঙ্গলবু ইন্দো-পেসিফিক লমদমশিংগী ভেক্সিন পুথোক্নবগীদমক্তা শিজিন্নরি।

ভারত অমসুং খা-অফ্রিকানা কোবিদ ভেক্সিন, দাইগ্নোস্তিক অমসুং হিদাক্কীদমক্তা দবল্যু.তি.ও.দা তি.আর.আই.পি.এস. ৱেভর পীনবগীদমক্তা ৱাফম অমা হৌদোকখ্রে।

মসিনা লাইচৎ অসিগা লান্থেংনবগী থৌওংবু হেন্না পাকথোক-চাউথোকহনগনি। ঐখোয়না লাইচৎ অসিনা শেন্মিৎলোন্দা পীরিবা চৈথেংশিং য়েংশিনবদা মিৎয়েং চঙফমসু থোকই।
হীরম অসিগীদমক্তা, লম-লমগী ভেক্সিন সর্তিফিকেৎপু নীংথিনা মশক খঙনবগী খুত্থাংদা মালেমগী মফমশিংদা চত্থোক-চৎশিন তৌবগী থৌওংসি লাইথোকহনগদবনি।

ইকায় খুম্ননীংঙাই ওইরবশিং,


ঐহাক্না সম্মিত অসিগী পান্দম অমসুং রাস্ত্রপতি বাইদেনগী মঙলানবু য়ানীংবা উৎপগা লোয়ননা শৌগৎলি।


ভারতনা লাইচৎ অসিবু লোইশিনহন্নবগীদমক্তা মালেমগী পুন্না থবক তৌমিন্নবগী শেম-শাদুনা লৈরি।

থাগৎচরি।

পুম্নমকপু হন্না হন্না থাগৎচরি।

 

 

সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
World's tallest bridge in Manipur by Indian Railways – All things to know

Media Coverage

World's tallest bridge in Manipur by Indian Railways – All things to know
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 27 নবেম্বর, 2021
November 27, 2021
Share
 
Comments

India’s economic growth accelerates as forex kitty increases by $289 mln to $640.40 bln.

Modi Govt gets appreciation from the citizens for initiatives taken towards transforming India.